ولا زلنا نعاني من الزحمه

[أبو سعود]

طوال السنوات الماضيه :


- أجتماعات عديده عقدت .


- ومؤتمرات صحفيه أنعقدت .


- وأموال كثيره صرفت .


كلها حول وضع الحلول لأنهاء زحمه السيارات


لكن :

نتائج هذه الأجتماعات والمؤتمرات والأموال

معظمها باءت بالفشل

والدليل :

الزحمه ( زادت من أسوء لأسوء )

في معظم شوارع مناطق الدوله


ولا نرى أي بادره أمل لوضع الحلول لها


ما دام تركيز البعض من المسؤولين

على نشر المزيد والمزيد من ( أجهزه الرادارات )

لضبط المخالفين لكي يجمعوا منهم

أكبر قدر من الأموال منهم

وليس تركيزهم على وضع الحلول للتقليل

من الزحمه على الأقل



والنقطه الأخرى هي :


تركيز البعض من المسؤولين على أستقدام أكبر قدر

ممكن من المقيمين بالدوله وبدون دراسه

وذلك للأستفاده منهم في جمع الأموال

عن طريق دفعهم رسوم الخدمات المختلفه


من دون الأعتبار بأنهم سوف يسببون زحمه

شديده بالشوارع

[qatarman8008]

والله ياخوي بوسعود اعتقد ان حل الزحمة هذي مو بسنة ولا بسنتين..
مثلا لو كان الحل هو انشاء دوائر حكومية ومكاتب موظفين للدولة خارج منطقة الدوحة..
فهذا امر ياخذ وقت اولا..
وليس بيد اشغال او المرور ثانيا..
اعتقد الوضع الان مع الجسور والانفاق اللي فتحوهم مؤخرا هو قي تحسن..
وهو افضل مما كان قبل 3 سنوات بكثير..

[مشاكل]

انا ماهمني الشوارع كثر مايهمني بعض السواقين اللي مالهم فالسواقه ويعرضون حياتنا للخطر بشكل يومي
غير الشباب المتهورين ،،، والسواق المحترم ماله مكان ولااحترام ،، وكأنا في غابة كلن يلف عالثاني وكلن يناحس وتجاوزات وتداخلات وفوضى مابعدها فوضى

الله المستعان

[رجل تعليم]

الله يكون بعونكم إخواني ويسهل لكم الخروج من هده المشكلة في أسرع وقت

[sos 12]

اجبار المسولين في اشغال والتخطيط والمرور بالتقاعد او تقديم استقلاتهم ... لان قاعدين انشوف حلولهم ماتتعدى ال3 شهور ... نظرتهم ماتتعدى ذالك .. فيجب تغيرهم بااصحاب ذات رؤيه.

[غير البشر]

للأمانه مابغي الزحمه تنفك

ابغيهم يعيشون هالحوسه الي الله ياخذ لهم

[.قطر.]

للأمانه مابغي الزحمه تنفك

ابغيهم يعيشون هالحوسه الي الله ياخذ لهم

شكلك ماتطلع ف الشوارع :omen2:

[بانغ بانغ]

السؤال اللي محيرني ولا لقيت له حل واتمنى لو اينشتاين او كونفيشيوس احياء يمكن كان حصلوا لي اجابة

المسئولين والوزراء والناس اللي فوق فوق .... كيف مشاويرهم ومن اي شارع يسلكون طرقهم للشغل او المجالس او المشاوير الخاصة

معقققققول محد ايطيح في زحمة ولا عندهم البساط السحري ....

[سليمان احمد]

لو كان الطموح عند المسئولين في حل مشكلة الزحمه نفس معدل الطموح في استضافه الفعاليات الرياضيه

كان من زمان خلصنا وافتكينا من الزحمه لكن الاوليات عندنا فيها خطأ جسيم نهتم بالغير مهم على حساب المهم

نخضع الغير مهم للمهم ومازلنا مستمرين في التزايد والزحمه والتعقيد يكثر والناس في ازدياد

الحل هو حل واحد فقط وهو ( ------------ )

[بوخالد911]

وصلنا لمرحلة لابد من إنشاء الجسور والأنفاق

غير جذيه مضيعة للوقت وهدر للمال العام.

[<اضرب واشرد>]

السؤال اللي محيرني ولا لقيت له حل واتمنى لو اينشتاين او كونفيشيوس احياء يمكن كان حصلوا لي اجابة
المسئولين والوزراء والناس اللي فوق فوق .... كيف مشاويرهم ومن اي شارع يسلكون طرقهم للشغل او المجالس او المشاوير الخاصة
معقققققول محد ايطيح في زحمة ولا عندهم البساط السحري ....

ما أظن يسوقون، الشوارع بالنسبة لهم (وقت فراغ وراحة) قاعد في السيت الوراني يقرأ ولا يشوف فلم ولا ع الآيفون ولا يمشي الوزارة بالتلفون، يكلفه ذلك 1200 ريال معاش دريول شخصي، طبعا أكيد له (سائق وسيارة خاصة) من الدولة كونه وزير.

[معماري قطري]

السؤال اللي محيرني ولا لقيت له حل واتمنى لو اينشتاين او كونفيشيوس احياء يمكن كان حصلوا لي اجابة

المسئولين والوزراء والناس اللي فوق فوق .... كيف مشاويرهم ومن اي شارع يسلكون طرقهم للشغل او المجالس او المشاوير الخاصة

معقققققول محد ايطيح في زحمة ولا عندهم البساط السحري ....

صدقني كلهم الا اللي يشتغلون في أشغال يتحنطمون

[Rider]

أقتراحات وأمنيات والموضوع بسيط جدا ياخي طلعوا هالمقيمين من البلد بنرتاح القطريين كل شي يكفيهم مانبغي جسور ولا انفاق ولا نبغي نخسر بلدنا الغالي ريال
علشان لحد يقولي اني عنصري نخلي المقيمين الي نحتاجهم بس نفس الي كانوا عندنا من سنوات الناس الطيبين مب الحاقدين الي عايشين من خير البلد وبعد مب عاجبهم

[ضوى]

الزحمة صارت واقع خلاص لازم نتأقلم ، عني انا حبست نفسي ولا قمت اطلع عشان لا احد يزاحمني ولا ازاحم احد وادري اني ظلمت بناتي اللي مايطلعون الا وين وين ، الزحمة لا تطاااق مستحملينها للدوامات وماقدر استحملها حق طلعات ترفيهية

[غير البشر]

الزحمة صارت واقع خلاص لازم نتأقلم ، عني انا حبست نفسي ولا قمت اطلع عشان لا احد يزاحمني ولا ازاحم احد وادري اني ظلمت بناتي اللي مايطلعون الا وين وين ، الزحمة لا تطاااق مستحملينها للدوامات وماقدر استحملها حق طلعات ترفيهية


يصبحج الله بالخير ضوى

هذا مغزى كلامي بالفصحه الاولى
خلاص تأقلمنا ولازم نتعايش مع هالوضع
لاني ذكرت قبل ان الزحمه دايمه ماراح تنفك

وانا طول يومي بالمجلس معتكف

[غير البشر]

شكلك ماتطلع ف الشوارع :omen2:


اي والله كنسلت الطلعه

يا قاعد بالمجلس او تحصلني بطريق مطار حمد الدولي هههههه

[ضوى]

يصبحج الله بالخير ضوى

هذا مغزى كلامي بالفصحه الاولى
خلاص تأقلمنا ولازم نتعايش مع هالوضع
لاني ذكرت قبل ان الزحمه دايمه ماراح تنفك

وانا طول يومي بالمجلس معتكف

يصبحك بالنور والسرور ان شاء الله

والله ابرك يا خوي غير البشر وش لنا بهالطلابه والعصبية لا وذنوب بعد

[.قطر.]

اي والله كنسلت الطلعه

يا قاعد بالمجلس او تحصلني بطريق مطار حمد الدولي هههههه

احسن لك اذا ماكنت تحس بالملل
انزين وانت رايح المطار مافي زحمه ؟

[<اضرب واشرد>]

هناك 100 سيارة جديدة تنزل شوارع قطر كل يوم
#معلومة

[بانغ بانغ]

ما أظن يسوقون، الشوارع بالنسبة لهم (وقت فراغ وراحة) قاعد في السيت الوراني يقرأ ولا يشوف فلم ولا ع الآيفون ولا يمشي الوزارة بالتلفون، يكلفه ذلك 1200 ريال معاش دريول شخصي، طبعا أكيد له (سائق وسيارة خاصة) من الدولة كونه وزير.




صدقني كلهم الا اللي يشتغلون في أشغال يتحنطمون

اللهم لا اتطيح مسئول في زحمة عشان ما يتعكر مزاجه وايخلص اشغال الناس بسرعة

[الدوحه1]

مشكلة الزحمه مالها حل مع وجود مليون سياره في شوارع قطر!!

هل شوارع الدوحه قادره على استيعاب مليون سياره؟؟

تخيل لو صفينا هالعدد ورا بعض فهم بحاجه الى 5000 كم مسار واحد او 2500 كم مسارين او 1600 كم 3 مسارات ؟؟؟

الحل اما تقليل عدد السيارات او انشاء شوارع سريعه جديده.

كم عدد الشوارع السريعه في قطر اللي تربط الجنوب بالشمال , والشرق بالغرب, اقصد بالشارع السريع بدون توقف لااشارات او دوارات؟؟

الجنوب بالشمال خط واحد(22 فبراير) , الشرق بالغرب خط واحد (شارع سلوي)

ومعظم الشوارع الحاليه اللي وسط الدوحه غير قابله للتوسع بسبب قرب المباني من الشوارع مثل الدائري الثاني؟؟

[<اضرب واشرد>]

مطلوب للإيجار
بيت - غرفتين او ثلاث ومجلس ومطبخ وحمام لطلاب جامعه يفضل في الدفنه واللي حواليها ...
السبب : بعد المسكن عن الجامعه
المدة : 4 شهور قد تزيد

:looking:

[معماري قطري]

صدقوني الزحمة بعد 2022 بتستوي من الماضي

ليشٌ؟ لأن الريل بيشتغل ويبين مخططين له صح بمحطات فيها مواقف كفاية ومواصلات سهلة منها للمناطق حولها وغالبيتها مكيفة وتحت الأرض .. المحطات فيها أسواق وخدمات مكتبية وحكومية

بيكون استخدامه لو للبسطاء مخفف كثير للسيارات الموجودة .. انا محظوظ شغلي الحالي قربه محطة ومواقف ل 7000 وشوي من السيارات تحت الأرض وبيتي قربه محطة مشي دقيقتين أو دقيقة لو سريع ومن هذي المحطة خط سيدة خلال 5 دقايق اكون واصل الشغل ومركز المدينة وغيره

[معماري قطري]

:looking:

ولدي وربعه ساكنين 9 في بيت واحد أجاره 450000 كل سنة .. لا وفيه مجلس خارجي وحاطين صبيان اثنين شكل ما يقولون

Justification For Education