استفسار بخصوص البيت

[love life]

شريت بيت من 4 شهور عن طريق البنك بعد التسجيل وبعد ما نزل المطر طلع فيه تشققات عدله لي بس لما جاوا العمال يركبون المكيف قالوا لي طوف البيت مب ذاك ذود مب قوية المسمار يدش على طول ي ريت احد يفيدي ايش اسوى ابي حل

[النهار]

شريت بيت من 4 شهور عن طريق البنك بعد التسجيل وبعد ما نزل المطر طلع فيه تشققات عدله لي بس لما جاوا العمال يركبون المكيف قالوا لي طوف البيت مب ذاك ذود مب قوية المسمار يدش على طول ي ريت احد يفيدي ايش اسوى ابي حل

الله يعينك ياخوي والله يعوض عليك
البلاء عندك في كل شي من الاساسات لين صبيت السقف
شغل تجاري مش حالك
نفس موضوعك من فتره اخت شرت بيت جديد طلعت لها مشاكل الدنيا مهما ترقع في البيت مافي فايده
اخوي اشترى بيت في الخريطيات بيت توه متشطب بعد سنه تقريبا بدات عنده مشاكل مالها حصر في كل شي حتى الكهرباء
ان شاءالله اخونا معماري يفيدك

[MAZEN37]

نوع الطابوق عادي والبلاستر رمله زياده فقط لا تقلق
المقاول دايما يسترخص لكن ما يقدر يلعب بالحديد والكنكري

[love life]

جزاكم الله خير على مشكورين في شئ معين اقدر اسويه علشان احافظ على بيت مده طويله بدون ما تظهر فيه تشققات زياده

[معماري قطري]

نوع الطابوق عادي والبلاستر رمله زياده فقط لا تقلق
المقاول دايما يسترخص لكن ما يقدر يلعب بالحديد والكنكري

الا أحلى شيء اللعب بالحديد والكنكري وهذا اللي فيه الربح السريع

[معماري قطري]

تبي أعاين شالمشكلة حاضر وحاضر لك بالنصيحة

الشلوخ أنواع كثيرة ومنها اللي تتعالج بسهولة واللي تتعالج بصعوبة واللي وضعها صعب .. في الغالب عندنا الشلوخ في الطابوق وهذي تتعالج لكن حسب نوعيتها بعضها تحتاج ملء من داخل وتكسير واعادة بلاستر بعد تثبيت شبك معدن حتى ما يبين الشلخ مرة ثانية

الشلوخ العرضية هذي مشكلة وفي الغالب من الأساسات ومن هبوط غير متساوي وهذي حلها مزعج ويفترض ينحفر لين الأساسات وعمل تدعيم للأساسات

يذكر لي أحد الإخوان إن قصر كبير حصلت فيه هذي المشكلة وتم الحفر وتثبيت جيكات تحت الجسور الأرضية والأساسات وطلعوا تواير مدفونة في الأرض تسبب نزول غير متساوي للأساسات وشلخ كل وقت ينفتح

[معماري قطري]

الله يعينك ياخوي والله يعوض عليك
البلاء عندك في كل شي من الاساسات لين صبيت السقف
شغل تجاري مش حالك
نفس موضوعك من فتره اخت شرت بيت جديد طلعت لها مشاكل الدنيا مهما ترقع في البيت مافي فايده
اخوي اشترى بيت في الخريطيات بيت توه متشطب بعد سنه تقريبا بدات عنده مشاكل مالها حصر في كل شي حتى الكهرباء
ان شاءالله اخونا معماري يفيدك

الله يحفظك اخوي النهار ويقدرني اكون عند حسن ظنك ويكون الحل سهل

[معماري قطري]

شريت بيت من 4 شهور عن طريق البنك بعد التسجيل وبعد ما نزل المطر طلع فيه تشققات عدله لي بس لما جاوا العمال يركبون المكيف قالوا لي طوف البيت مب ذاك ذود مب قوية المسمار يدش على طول ي ريت احد يفيدي ايش اسوى ابي حل

لو المشكلة من الطوف الحل بسيط وتجميلي بيكون .. تحط جبس على الحوائط ويكون الجبس مثبت على السقف والأرضية وشبه مستقل عن الحائط وبعد معالجة الحائط

حل ثاني تركب قماش يجي مثل الخيش وهذا يخفي الشلخ تحته وينصبغ

حتى ورق الجدران مناسب أحياناً

[MAZEN37]

الا أحلى شيء اللعب بالحديد والكنكري وهذا اللي فيه الربح السريع

كلامك صحيح بس صراحه اخونا النهار عطاه بوز وحبيت اكون متفائل مع الرجال

[بن غيث]

حسبي الله ونعم الوكيل ..

[بن غيث]

اخوي .. احتاج منك بعض التفاصيل .. اذا ممكن ترسل رقمك على الخاص

[معماري قطري]

كلامك صحيح بس صراحه اخونا النهار عطاه بوز وحبيت اكون متفائل مع الرجال

وانت بعد كلامك صحيح .. اللي يصير عندنا في التصميم إنه يكون زيادة أكثر من اللازم وفي التنفيذ لو قللوا لين النص يكون كفاية وهم يقللون بحذر ويطلعون ربح مضاعف من كميات الحديد والخرسانة ولا يتأثر البنيان .. الشلوخ اللي نشوفها سببها الشغل السيء

ليش تكون عندنا بيوت قديمة ما فيها شلوخ وجديدة حوائطها فيها فتحات وفي مناطق متشابهة في كل الظروف؟

البناء استثمار وطني والمفروض الحكومة تشرف اشراف عام وتحدث القوانين حتى أي مقاول واستشاري ما يشتغلون صح ونضيف لهم المطور تطلع لجنة تحقيق ويحددون من المخطيء ويتحاسبون بسرعة

[مـــحـــمــد]

وانت بعد كلامك صحيح .. اللي يصير عندنا في التصميم إنه يكون زيادة أكثر من اللازم وفي التنفيذ لو قللوا لين النص يكون كفاية وهم يقللون بحذر ويطلعون ربح مضاعف من كميات الحديد والخرسانة ولا يتأثر البنيان .. الشلوخ اللي نشوفها سببها الشغل السيء

ليش تكون عندنا بيوت قديمة ما فيها شلوخ وجديدة حوائطها فيها فتحات وفي مناطق متشابهة في كل الظروف؟

البناء استثمار وطني والمفروض الحكومة تشرف اشراف عام وتحدث القوانين حتى أي مقاول واستشاري ما يشتغلون صح ونضيف لهم المطور تطلع لجنة تحقيق ويحددون من المخطيء ويتحاسبون بسرعة

هذا المفروض والصحيح الي لازم يكون موجود عندنا

[love life]

وانت بعد كلامك صحيح .. اللي يصير عندنا في التصميم إنه يكون زيادة أكثر من اللازم وفي التنفيذ لو قللوا لين النص يكون كفاية وهم يقللون بحذر ويطلعون ربح مضاعف من كميات الحديد والخرسانة ولا يتأثر البنيان .. الشلوخ اللي نشوفها سببها الشغل السيء

ليش تكون عندنا بيوت قديمة ما فيها شلوخ وجديدة حوائطها فيها فتحات وفي مناطق متشابهة في كل الظروف؟

البناء استثمار وطني والمفروض الحكومة تشرف اشراف عام وتحدث القوانين حتى أي مقاول واستشاري ما يشتغلون صح ونضيف لهم المطور تطلع لجنة تحقيق ويحددون من المخطيء ويتحاسبون بسرعة

والله المفروض الحكومه تشرف هالقهر البيوت القديمه ما شاء الله اتعيش الجديده كمن شهر ولاه سنه مليون مشكله فيها

[love life]

اخوي معماري قطري ممكن رقمك على خاص

[معماري قطري]

هذا المفروض والصحيح الي لازم يكون موجود عندنا

يعني بيت تستوي فيه شلوخ بعد الشراء المفروض يرفع قضية ويكسبها بسرعة وحقه يوصله غير عن الغرامات والتحقيق مع الجهات الثلاث .. المطور والمقاول والاستشاري

[معماري قطري]

والله المفروض الحكومه تشرف هالقهر البيوت القديمه ما شاء الله اتعيش الجديده كمن شهر ولاه سنه مليون مشكله فيها

في أمريكا مطور عقاري باع بيوت وبعد 10 سنين تكررت فيها مشكلة انشائية وطلبوه يصلحها وخسر وايد وأعلن افلاسه .. حتى إعلان الإفلاس تكون عليه اجراءات قضائية وينحجز مبلغ كبير احتياط تحسباً لو صار شيء لأَنه يكون خارج العمل .. دخول هالسوق بقوانين قوية وواضحة والخروج منه كذلك مب سهل .. عندنا أسهل شيء حتى الجنسيات الأُخرى وأَغلبهم عرب استووا مطورين ومؤجرين بالباطن ويشاركون صاحب العقار في ربحه ويدخلون أكثر منه كلها شوية فهلوة ولعب في ظلال القوانين الغير رادعة

[معماري قطري]

أرسلت الرقم لك إخوي