من يحمي المواطنين من مكاتب الخدم

[كشافات بيجو]

اكتب من هذا المنبر لعل وعسى ارى رد من صاحب المكتب وياريت اعرف اذا انت مش قد انك تفتح مكتب ليش تبلشون خلق الله

اكتب بعد شهرين من المعاناه والوعود الكاذبه من مدير مكتب الخدم اقوله عطني رقم المدير يقول مافي اقوله عطني رقم مسوولك يقولي قايلنا مانعطي لاي حد .

نكتب لان احنا مقهورين ومايعلم بحالنا ولاظروفنا الا الله

خلاصه الموضوع ان احنا طلبنا خدامه واوراقنا كامله ودفعنا عربون بتاريخ 09/12/2015 وبعد شهر اتصلت قالوا لي بتوصل بعد اسبوع ومر الاسبوع الاول وكلمتهم قالوا الاثنين بتيجي وكلمتهم مره ثانيه وقالوا لي المكتب في بنجلاديش سكر والحين دفعوا 3000 عشان نجيبها عن طريق مكتب ثاني وزرتهم في الاسبوع الثاني بعد ماغيروا مكتبهم وانتقلوا الى مدينه خليفه من غير مايخبرونا وبعد جهد جهيد حصلناهم وقالوا لي خلاص يوم الاثنين بتيجي والمصاريف علينا واذا ماجات بنعطيكم خدامه موقته الاسبوع الثالث نفس الوعود بتيجي الخميس والتذاكر جاهزة وهكذا لعب في اعصاب الناس والسكرتيره مازالت تكذب وتعطي وعود واحنا نصدق ورحنا مرة ثانيه هالمره قلنا تعطونا خدامه موقته وعطونا ونزلنا تحت طلعت الخدامه اندونيسيه مسترجعه وفيها مرض ومعزبتها مرجعتها عشان انها مريضه وانا من باب السياره قلت لها انزلي ورجعي المكتب تدري الموظفه ان عندي يهال وفي وايد مسترجعات معطتنا وحده مريضه المهم حمدت ربي ان الله نجاني منهم ومن شرهم واتصلت مره ثانيه كلمت مديرهم وقال خلاص هلاثنين ميه بالميه ومازلنا بانتظار الخدامه حتى تاريخكم هذا للعلم ان ماعندي الاهذي الفيزة ومعطي فيزه خدامه لامي والثانيه لاخوي . وطول الفترة نجيب موقته . وطول الفترة الموظفه اول ماتسمع الصوت تسكر في وجهنا التلفون والمدير يقول اروح اسال وارجع لك .ويا تحصل التلفون مشغول .

من يعوضنا عن المصاريف هاي كله هل المكتب.

من يتحمل نتيجه تاخير وصول الخادمه في الوقت المكتوب في العقد شهر هل المكتب

اش هالمعامله مع الناس ماشيه حالكم بالكذب على خلق الله والوعود الكاذبه

من يعوضني عن الاجازات اللي خذتها طول اجازة اليهال اكثرهم بدون راتب لان ماعندي حد يقعد عند اليهال وانا موظفه

[المخفي]

اتوقع تشتكين عليهم في مكتب ادارة العمل

[Riku3]

ليش تنطر وما تشتكي .. صارت معاي مشكلة قبل سنتين مباشر رحت وزارة العمل الي في الدائري الثالث اشتكي !! .. وسولي موعد مع صاحبة المكتب القطرية بنفسها جات .. ونفس الوقت رجعولي فلوسي بالكااااامل لانهم يدرون انهم حراميه ويبون يضحكون علينا بس الي يشتكي يرجعونله فلوسه لانهم مب كفو يحلون المشاكل ..

الغلط على وزارة العمل الي المفروض تشدد على رخص المكاتب وتحط اشتراطات مب كل يوم مغيرين مقرهم وهذا نفس الشي الي صار معاي !! .

[المخفي]

مقرهم مقابل وكالة الديهاتسو

[الدكتور عزوز]

واحنا قبل سنة ونص بعد تمينا 3 شهور ننتظر خدامة والمكتب اول شي قال لنا شهر ونص وتوصل بعد مرور الشهر ونص صاروا اسبوعيا يقولون لنا الاسبوع الجاي آخر شي رحت اشتكيت عليهم في مكتب إدارة العمل وجابوا صاحب المكتب القطري وإدارة العمل كانوا يبون التصالح ان امكن وقال لي صاحب المكتب أن خلال يومين توصل ولو ما وصلت بيرجعون لي المبلغ كامل وفعلا يومين ووصلت

يبيهم عين حمرا وبس

[sos 12]

يجب تبليغ وزاره العمل ... ولا الموضوع بيستمر علي نفس الموال

[كشافات بيجو]

في وين مكانه اي شارع

[المخفي]

بعد اشارات رمادا و انت رايح النجمة جنب محطة البترول

[غايه الطواش]

بس يرجعون الفلوس المفروض يكون فيه غرامه وتسكير محل

[غير البشر]

بس يرجعون الفلوس المفروض يكون فيه غرامه وتسكير محل



صعبه يخافون يسحبون كأس العالم والسبب ازعاج عمال :shy:

[كشافات بيجو]

انشاء الله بروح اشتكي في اداره العمل والصراحه ترجيع الفلوس والله مب حل المفروض في غرامه على المكتب على استهتاره وتهاونه في احضار خدامه في نفس المده المكتوبه في العقد وتعويض اهل البيت بخدامه موقته يمشون حالهم للعلم ان في اكثر من حاله مرت بنفس ضروفي ومن نفس المكتب حسبي الله ونعم الوكيل

[khalid525]

محد يحميهم ، يدرون ربعنا يعصبون كم يوم وينسون

[بوخالد911]

الله يسهل عليكم.

[جوال 11]

طلبت سائق من مكتب في الغرافة ودفعت نصف المبلغ وقال بعد شهر بيوصل وقضيت شهر ونصف سألتهم عن السائق قالوا الشخص الذي نتعامل معه سافر وما يرد علينا وبنرجع المبلغ وبناخذ اتعابنا قلت حق راعي المكتب خل الفلوس عندك وانا رايح وزارة العمل وذل ورجع المبلغ كامل والفلبينية تقول لي انت اول واحد يرجع له المبلغ كامل، الظاهر هذه شغلتهم ، المكاتب تحتاج رقابة باستمرار ولابد من فتح قناة في وزارة العمل للتواصل مع المتعاملين لهذه المكاتب

[كشافات بيجو]

رحت وزاره العمل وقدمت شكوى28/2/2016 واطلبو المدير او مسسول الشركه وجاءوا ثاني يوم ووعدوني انه توصل الاثنين بتاريخ 7/3/2016 وماجات وقالي المدير ان اذا الاثنين ماجات راح يعوضني بخدامه بديله ومن امس لحد اليوم وانا اتصل في وزاره العمل كله مشغوول وما في اي مكالمه منهم مع انهم قالوا بيتواصلون معاي .


للحديث بقيه

[ضوى]

حقج ضايع

[MAZEN37]

انا اقترح
لو يكون للمواطن حق اختيار الخادم افضل
بمعنى انا حر اسافر للبلد او اتفق مع شخص هنا او مكتب
ويكون الاختيار من طرف المستقدم بحيث يتحمل المسؤليه كامله
وبتصير المكاتب تتهافت لتقديم الافضل لكن الحين مالين ايدينهم
مافي غيرهم
مثال انا اجيب حاليا عمال وشخص عادي يوفرلي صورة جوازه واخذ منه ضماناتي بحيث لو صار شي يتحمل هو التكاليف كامله
وبالنهايه اي شخص بيدخل بيكون مستوفي شروط العمل والصحه في بلاده
السؤال ليش ما اقدر اعمل شغلي بنفسي

[AL_MUTAEM]

هناك مكاتب ليست للخدم وانما لخداع شريحه كبيره من المواطنين الذين لا يعرفون الى من يلجأون ..!!

عندما تتاخر الخادمه او الخادم لأي سبب كان من حقك ان تأخذ خادم بديل ولكن المكتب لم ولن يعطيك اللا من هم قله للخوف من قانون وزارة العمل ..

أي ملاحظه يجب ان تذهب الى ادارة العمل عند الاخ الفاضل فارس الكعبي والذي هو نموذج للموظف الكفؤ

حصل لي موقف السنه الماضيه عندما ارجعت خادمه للمكتب رفض ارجاع المكتب وبعد جهد جهيد رجع المبلغ ولكن ينقصه الف ريال وذكر انها مصاريف للجوازات ..!

وبعد الشكوى ومطالبتي بحقي وتاخري رجع المبلغ كامل وهذا بفضل الله الذي وضع الشخص المناسب في المكان المناسب

[بعيد النظر]

طالبين خدامة وصارلنا 3 شهور ننطر !
وكل يوم يقولون لنا عقب أسبوع و2 ..

[المحاميه]

محد


:)

[(عبدالله)]

أنا دريولي سويت له مقابلة في بلاده وعقب جبته

سافرت كيرلا وعملت مقابلة مع كم واحد ورسيت عليه والحمدلله توفقت فيه

يمكن السالفة ما تسوى عند البعض ... في النهاية المبلغ اللي كنت بادفعه للمكتب وفرته حق تكاليف السفر وبنفس الوقت سياحة

السؤال: هل طريقتي إن اسافر بلاد العامل/السايق/الخدامة افضل طريقة للتوفير وللضمان؟

الجواب: في جميع الأحوال التوفيق من الله، واللي سويته من سفر ومقابلة مسبقة مجرد سبب.. وكل ما زادت الأسباب كلما كانت النتيجة أفضل


والله ييسر

[دايموند]

طالبين خدامة وصارلنا 3 شهور ننطر !
وكل يوم يقولون لنا عقب أسبوع و2 ..

مكتب الغطاس يجيب بالموعد المحدد جربتهم مرتين..بس اسعارهم اشويه عاليه

[عبدالله العلي]

مكتب الغطاس يجيب بالموعد المحدد جربتهم مرتين..بس اسعارهم اشويه عاليه

الله يعافيك و يوفقك

غالين يعني كم يوصل ؟

+

ممكن رقمهم ( الغطاس ) لو على الخاص

أكون شاكر و مقدر

[دايموند]

الله يعافيك و يوفقك

غالين يعني كم يوصل ؟

+

ممكن رقمهم ( الغطاس ) لو على الخاص

أكون شاكر و مقدر

يعني 13 الف الى 13500 ريال..

ماعندي رقم الخط الارضي عندي رقم الجوال الي يتواصلون مع الزباين بالواتساب يرسلون لك الطلبات بالواتساب

يمنع وضع رقم التلفون على العام
يمكنكم التواصل على الخاص
الإدارة

[بعيد النظر]

مكتب الغطاس يجيب بالموعد المحدد جربتهم مرتين..بس اسعارهم اشويه عاليه


وصلت .. بعد 4 شهور !

المكتب اللي خذت منه ب 15 الف ..
ما أتوقع في اغلى منه


ومشكورة بسجل الغطاس لعل وعسى ..

[كشافات بيجو]

مرت الاسابيع والايام واتصلوا امس فيني المكتب تعالي اخذي فلوسج وكان الله غفورا رحيما ولا سوا شيء وزاره العمل ومثل ماقالت الاخت حقي ضايع.

[دايموند]

وصلت .. بعد 4 شهور !

المكتب اللي خذت منه ب 15 الف ..
ما أتوقع في اغلى منه


ومشكورة بسجل الغطاس لعل وعسى ..

بل اشدعوه 15 الف !!!

ترى في مكاتب ع 11500 ريال و 12 الف...

[بونووف]

بل اشدعوه 15 الف !!!

ترى في مكاتب ع 11500 ريال و 12 الف...

لقيت على 10500 بعد

بس ياجماعه ادور على مكتب يجيب لي بسرعه كلهم على شهر ونص وشهرين .. حد عنده مكتب متعامل معاه وممتاز

[دايموند]

لقيت على 10500 بعد

بس ياجماعه ادور على مكتب يجيب لي بسرعه كلهم على شهر ونص وشهرين .. حد عنده مكتب متعامل معاه وممتاز

والله زين 10 الاف !!!
كل مكتب يحط سعر ع كيفه!!


والله بونوف مثل ماذكرت لكم تجربتي الفلبينيه خذت شهر ونص او اقل بشوي لين وصلت من مكتب الغطاس

والسيلانيه خذت شهر بالضبط من مكتب البستان لين وصلت بس رجعتها مايازت لي

[بونووف]

والله زين 10 الاف !!!
كل مكتب يحط سعر ع كيفه!!


والله بونوف مثل ماذكرت لكم تجربتي الفلبينيه خذت شهر ونص او اقل بشوي لين وصلت من مكتب الغطاس

والسيلانيه خذت شهر بالضبط من مكتب البستان لين وصلت بس رجعتها مايازت لي

نفسج توقعت الاسعار ثابته ومحدده ... انزين حد جرب يتعامل مع مكتب الرعايه لجلب الايدي العامله

[بعيد النظر]

بل اشدعوه 15 الف !!!

ترى في مكاتب ع 11500 ريال و 12 الف...

رحت على السمعة ويا بلفيت شهرين .. او اقل
والحمدلله على كل حال

[بصمة قطرية]

محد يحمي المواطن للأسف ..!!
المواطن مغلوب على أمره ..
مكاتب الخدم من صوب
و باقي الأشياء من صوب ( بدون ذكر ) ..
مجبورين نسكت مافي حد ينصفنا ..

[دايموند]

رحت على السمعة ويا بلفيت شهرين .. او اقل
والحمدلله على كل حال

وين الغطاس؟

الحلو انهم ع الموعد بس مديره المكتب مخيسه النفس ع شنو مادري بس الزين فيها شديده وصارمه مع الخدم وهي تقول انها هي الي تنقيهم نقوه وتسوي لهم انترفيو قبل لا تستلم طلباتهم

[بعيد النظر]

وين الغطاس؟

الحلو انهم ع الموعد بس مديره المكتب مخيسه النفس ع شنو مادري بس الزين فيها شديده وصارمه مع الخدم وهي تقول انها هي الي تنقيهم نقوه وتسوي لهم انترفيو قبل لا تستلم طلباتهم


لا لا .. ما اذكر اسمه له فرعين في بوهامور .. و الخريطيات