علبة القُبُــــلات

[الحياة الخالدة]

علبة القُبُـــــلات


http://watermarked.cutcaster.com/901483519-Abstract-Heart-shapes-coming-out-form-open-gift-box-Vector-Ill.jpg

عاقب أبٌ ابنته التي لم تتجاوز من العمر 3 سنوات لإتلافها أوراق تغليف الهدايا
حيث كانت حالته المادية ليست بجيدة .. و لذلك غضب حين رأى طفلته تحاول أن تزين علبة بين يديها

و في الصباح أحضرت الطفلة تلك العلبة الصغيرة لأبيها و هي تقول : هذه هديتك يا أبي
تلعثم
عجز عن النطق
توقفت ردة الفعل لديه
و مع إلحاح البنت أخذ الهدية و قد أصابه الخجل .. لكنه عاد و استشاط غضباً
عندما فتح العلبة و اكتشف أن العلبة فارغة

ثم صرخ : ألا تعلمين أنه حينما تهدين شخصاً هدية
يفترض أن يكون بداخلها شيءٌ ما .. ثم ما كان منه إلا أن رمى بالعلبة في سلة المهملات

قالت البنت الصغيرة و عيناها تدمعان : يا أبي إنها ليست فارغة .. لقد وضعت الكثير من القبلات داخل العلبة وكلها لك يا أبي

تحطم قلب الأب لدي سماع ذلك فشكر البنت كثيراً .. وعاد وأخذ العلبة وبدأ الأب يتظاهر بأخذ بعض القبلات من العلبة .. وابنته تضحك و تصفق وهي في قمة الفرح .. و أصبح كل يوم يلعب معها و يقضيان وقتاً طيباً

كبرت البنت و تزوجت و سافرت بعيداً عن أبيها و أصبح أبوها يشتاق لها كثيراً
وكلما زاد شوقه لها أو تضايق من شيء .. أخرج علبة القبلات التي لا يزال يحتفظ بها وأخذ منها قبلات ابنته الحنونة فتكون كالبلسم على قلبه

* إن أحلى الهدايا لديكم هي وجود أحبتكم حولكم
فاستمتعوا بوجودهم معكم وتعاملوا معهم بأحسن الأخلاق
و إياكم أن تفسدوا أيامكم بالتخاصم أو التباغض أو الهجران .. لأنه سيأتي يومٌ سيرحلون عنكم .. أو سترحلون عنهم
حينها ستندمون على أيامٍ مضت و لن تعود أبداً

منقــــووول

[الحياة الخالدة]

تعليقي الخاص :
ما زلت أحتفظ بالكثير الكثير .. من قصاصات ورقية و علب شبه فارغة
لهدايا و رسومات بسيطة جداً .. أهداها لي أطفال العائلة في مناسبات مختلفة .. من صنع أياديهم الصغيرة .. بتعبيرات بريئة و إملاء ضعيف .. مع تطور سني دراستهم
و أستمتع جداً بالعودة إليها بين الفينة و الأخرى .. لأنني أجد بين ثناياها الحب الطفولي الصادق و المشاعر التلقائية غير المزيفة

[naklan]

موضوع جميل اختي الحياة الخالدة
لاسف ما احتفضت بشي من ايام الطفولة شباب نتعامل مع الحياة بخشونة
مو مثلكم لطيفات وحنونات وبيني وبينج الحريم يحبون التحزين وكل أملاكهم
غالية عليهم لدرجة ان ممكن نعمل متحف للاغراض المخزنه ههههههه
بل لو ريال العلبة الفاضية من ورا الطوفة على طول هههههه

[ضوى]

تعليقي الخاص :
ما زلت أحتفظ بالكثير الكثير .. من قصاصات ورقية و علب شبه فارغة
لهدايا و رسومات بسيطة جداً .. أهداها لي أطفال العائلة في مناسبات مختلفة .. من صنع أياديهم الصغيرة .. بتعبيرات بريئة و إملاء ضعيف .. مع تطور سني دراستهم
و أستمتع جداً بالعودة إليها بين الفينة و الأخرى .. لأنني أجد بين ثناياها الحب الطفولي الصادق و المشاعر التلقائية غير المزيفة


انا بعد وايد اشياء احتفظ فيها تحسسني بحنين لطفولتهم البريئة ، تعبيراتهم صادقة ونابعه من القلب مع انه كلمة والا كلمتين وقلوب بكل الورقة

يارب تحفظ لنا عيالنا وتخليهم لنا ولا يحرم احد منهم

موضوع جميل ومعبر جدا

[.قطر.]

تخيلت شكل البنت وانا اقرا القصه كسرت خاطري :weeping:

[Dana’1]

يالبى البنات سكر نبات

[الحياة الخالدة]

موضوع جميل اختي الحياة الخالدة
لاسف ما احتفضت بشي من ايام الطفولة شباب نتعامل مع الحياة بخشونة
مو مثلكم لطيفات وحنونات وبيني وبينج الحريم يحبون التحزين وكل أملاكهم
غالية عليهم لدرجة ان ممكن نعمل متحف للاغراض المخزنه ههههههه
بل لو ريال العلبة الفاضية من ورا الطوفة على طول هههههه

الأجمل تواجدك في مواضيعي أخوي نكلان
إي والله نحب الذكريات و التخزين .. وكل شي عندنا غالي
أنا وحدة لو الود ودي ما اقط شي مووولية
بس تدري هذا يدل على الوفاء و الإخلاص ههههههههههه
إذا تذكر أم عليوي في درب الزلق : يوم تنبش في أغراض زوجها الراحل في الصندوق المبيت .. يوم تدور على بروة بيتهم اللي ياه القص :weeping:

أما الشباب عمليين .. ما يخلون شي للذكرى .. تعال واحذف .. و خذ لك جديد :secret::secret:

[الحياة الخالدة]

انا بعد وايد اشياء احتفظ فيها تحسسني بحنين لطفولتهم البريئة ، تعبيراتهم صادقة ونابعه من القلب مع انه كلمة والا كلمتين وقلوب بكل الورقة

يارب تحفظ لنا عيالنا وتخليهم لنا ولا يحرم احد منهم

موضوع جميل ومعبر جدا

هذا وانتي قاسية و جذي ههههههه
ذكرتيني ببنت أختي الصغيرة ( سميتي ) يوم ييت بسافر : جمعت لي لعبة التركيب مالتها .. و سوت لي رسمة المتاهة .. عطتني اياهم و قالت تسلي فيهم وانتي في الطيارة و الفندق :nice:

الله يحفظهم و يبلغنا فيهم
تسلمين حبيبتي

[بانغ بانغ]

تعليقي الخاص :
ما زلت أحتفظ بالكثير الكثير .. من قصاصات ورقية و علب شبه فارغة
لهدايا و رسومات بسيطة جداً .. أهداها لي أطفال العائلة في مناسبات مختلفة .. من صنع أياديهم الصغيرة .. بتعبيرات بريئة و إملاء ضعيف .. مع تطور سني دراستهم
و أستمتع جداً بالعودة إليها بين الفينة و الأخرى .. لأنني أجد بين ثناياها الحب الطفولي الصادق و المشاعر التلقائية غير المزيفة

موضوع جميل وعميق واحب هالمواضيع بشكل شخصي

انا محتفظ بقصاصات الصغار من رسومات وانشاء وبعض الاشياء اللي ايحبونها من كم سنة وباعرضها عليهم لين يكبرون...

بس في نقطة احب اضيفها ... اني لاحظت ان وسائل الترفيه الحاليه من ايباد ووجوالات خلوا الاطفال جافين اشوي مب مثل قبل

[الحياة الخالدة]

تخيلت شكل البنت وانا اقرا القصه كسرت خاطري :weeping:

العذر و السموحة :weeping:

http://www.bluemarguerite.com/Public/P/BlueMarguerite/Mod%C3%A8les/HousseBoiteMouchoir/Housse-boite-mouchoir-photo-01.jpg

[الحياة الخالدة]

يالبى البنات سكر نبات

قالتها سعاد حسني : البنات البنات ألطف الكائنات

انتي الحلا كله أختي ديور :victory:

[naklan]

الأجمل تواجدك في مواضيعي أخوي نكلان
إي والله نحب الذكريات و التخزين .. وكل شي عندنا غالي
أنا وحدة لو الود ودي ما اقط شي مووولية
بس تدري هذا يدل على الوفاء و الإخلاص ههههههههههه
إذا تذكر أم عليوي في درب الزلق : يوم تنبش في أغراض زوجها الراحل في الصندوق المبيت .. يوم تدور على بروة بيتهم اللي ياه القص :weeping:

أما الشباب عمليين .. ما يخلون شي للذكرى .. تعال واحذف .. و خذ لك جديد :secret::secret:

ههههههه اما ام عليوي يوم طلعت البشت لمرقع هههههه
حسينوه يقول الوالد كان طرار العجيب يوم طلعت ورقة رهن
للبيت اتصدقين بدين أشك ان عندج قطع غيار وسفايف
واشياء وأيد في الصندوق احنا نخزن ذكرياتنا في
البال وانتوا الله يهداكم ما تتعبون البلدية
وياكثر ما تصرون وتخشون للزمن

[بصمة قطرية]

حتى الأولاد حلوين :(
فديت آخر العنقود دوم يرسل لي رسايل حب خخخخخخ
يدزها لي من تحت الباب
فديتهم اليهال سوالفهم حلوة
و قصة البنت صيحتني تخيلت شكلها :(
في رمضان وصلني ظرف من جارتي
بنتها فديتها كاتبة لي تهنئة برمضان
أحب أحتفظ بهالأشياء ..
و أنا وايد اعتز بممتلكاتي واحافظ عليها ..

[الحياة الخالدة]

موضوع جميل وعميق واحب هالمواضيع بشكل شخصي

انا محتفظ بقصاصات الصغار من رسومات وانشاء وبعض الاشياء اللي ايحبونها من كم سنة وباعرضها عليهم لين يكبرون...

بس في نقطة احب اضيفها ... اني لاحظت ان وسائل الترفيه الحاليه من ايباد ووجوالات خلوا الاطفال جافين اشوي مب مثل قبل

جزاك الله خير أخوي

زين يعني طلعت مثلنا من حزب محبي التجميع و الذكريات
مافي أجمل من إنك تراوي العيال لما يكبرون .. شلون كانت طريقتهم في التعبير و إيصال المشاعر
و تشوفهم شلون يستغربون و يتساءلون احنا كنا جذي ؟؟ احنا اللي سوينا هالهدايا و الرسايل ؟؟!!

بخصوص وسائل الترفيه الحالية .. ممكن تكون أثرت سلباً على البعض
لكن من اللي أشوفه حولي ان بعضهم صار يعرف شلون يعبر عن مشاعره سواء بالكلام أو الأفكار الحلوة و المبتكرة
لدرجة إني أحياناً أنبهر واقول لهم شلون عرفتوا تسوون جذي أو تقولون هالكلام .. اللي أعتبره بعض الساعات أكبر من عمرهم

حياك الله أخوي بانغ بانغ

[الحياة الخالدة]

ههههههه اما ام عليوي يوم طلعت البشت لمرقع هههههه
حسينوه يقول الوالد كان طرار العجيب يوم طلعت ورقة رهن
للبيت اتصدقين بدين أشك ان عندج قطع غيار وسفايف
واشياء وأيد في الصندوق احنا نخزن ذكرياتنا في
البال وانتوا الله يهداكم ما تتعبون البلدية
وياكثر ما تصرون وتخشون للزمن

ههههههههه لا و الدموع اربع اربع .. و حسينوه مستعيل يبي البروة و آخرتها طلع البيت مرهون :nice:
و أهم شي صورة الوالد المعلقة :secret:
أف يا نكلان تقول فيها .. عندي أشياء و ذكريات من الزمن الغابر .. البيت ما عاد فيه مكان لنا .. و غرفتي بتمشي من شَيًّ فيها :shy:
إي انتو تخزنون في الفص الصدغي temporal lobe ( اللي هو فص الزمن )
أما احنا لازم تكون ذكرياتنا محسوسة قدامنا .. في الكبتات و الصناديق :weeping:

ألزم ما علينا راحة البلدية

[امـ حمد]

حتى الأولاد حلوين :(
فديت آخر العنقود دوم يرسل لي رسايل حب خخخخخخ
يدزها لي من تحت الباب
فديتهم اليهال سوالفهم حلوة
و قصة البنت صيحتني تخيلت شكلها :(
في رمضان وصلني ظرف من جارتي
بنتها فديتها كاتبة لي تهنئة برمضان
أحب أحتفظ بهالأشياء ..
و أنا وايد اعتز بممتلكاتي واحافظ عليها ..


نعم حتى الأولاد حلوين فديت قلب اخر العنقود حمد حنون ومايناديني غير يمه حبيبتي يمه حبيبتي
والبنات فديتهم عسل ومثال البر لأمهم وكل واحده تتسابق على بر أمها
ربي يحفظ عيالي وعيالكم وعيال جميع المسلمين
تسلمين حبيبتي الغاليه الحياة الخالده على الموضوع
كل مواضيعج حلوه ومفيده

[بصمة قطرية]

نعم حتى الأولاد حلوين فديت قلب اخر العنقود حمد حنون ومايناديني غير يمه حبيبتي يمه حبيبتي
والبنات فديتهم عسل ومثال البر لأمهم وكل واحده تتسابق على بر أمها
ربي يحفظ عيالي وعيالكم وعيال جميع المسلمين
تسلمين حبيبتي الغاليه الحياة الخالده على الموضوع
كل مواضيعج حلوه ومفيده


فديته والله
اللهم آميييين
سبحان الله نفس ولدي عزوزي
لازم كل كم ساعه يجيني يضمني و يقول لي أحبج ..
وايد حنون*فديته

[معماري قطري]

انا ضد الترويج لعلب فالنتاين

[بانغ بانغ]

الأجمل تواجدك في مواضيعي أخوي نكلان
إي والله نحب الذكريات و التخزين .. وكل شي عندنا غالي
أنا وحدة لو الود ودي ما اقط شي مووولية
بس تدري هذا يدل على الوفاء و الإخلاص ههههههههههه
إذا تذكر أم عليوي في درب الزلق : يوم تنبش في أغراض زوجها الراحل في الصندوق المبيت .. يوم تدور على بروة بيتهم اللي ياه القص :weeping:

أما الشباب عمليين .. ما يخلون شي للذكرى .. تعال واحذف .. و خذ لك جديد :secret::secret:

96375

[العقل المدمر]

ليش لما اقرا مثل هالقصص ماتأثر :(
احسها صواريخ ماتتصدق كلللش :(
المهم صفوني مع الرياييل استانس بالورقة 5 دقايق واقطها احسها ملاغة :(

[بصمة قطرية]

ليش لما اقرا مثل هالقصص ماتأثر :(
احسها صواريخ ماتتصدق كلللش :(
المهم صفوني مع الرياييل استانس بالورقة 5 دقايق واقطها احسها ملاغة :(

محتاجة تراجعين نفسج .. :rolleyes2:

[.قطر.]

العذر و السموحة :weeping:

http://www.bluemarguerite.com/Public/P/BlueMarguerite/Mod%C3%A8les/HousseBoiteMouchoir/Housse-boite-mouchoir-photo-01.jpg
مسموحه
بس خلصت القوطي ترا :tease:
المهم كنت بعلق بس البنت كسرت خاطري شكلي بقرا القصه مره ثانيه وبعلق عليها :nice:

[امـ حمد]

فديته والله
اللهم آميييين
سبحان الله نفس ولدي عزوزي
لازم كل كم ساعه يجيني يضمني و يقول لي أحبج ..
وايد حنون*فديته
الله يخليه لج حبيبتي ويحفظه من كل شر،وتشفينه معرس يارب

[naklan]

ههههههههه لا و الدموع اربع اربع .. و حسينوه مستعيل يبي البروة و آخرتها طلع البيت مرهون :nice:
و أهم شي صورة الوالد المعلقة :secret:
أف يا نكلان تقول فيها .. عندي أشياء و ذكريات من الزمن الغابر .. البيت ما عاد فيه مكان لنا .. و غرفتي بتمشي من شَيًّ فيها :shy:
إي انتو تخزنون في الفص الصدغي temporal lobe ( اللي هو فص الزمن )
أما احنا لازم تكون ذكرياتنا محسوسة قدامنا .. في الكبتات و الصناديق :weeping:

ألزم ما علينا راحة البلدية

شوفي اختي الحياة مادام ما عاد في الغرفة مكان من الأغراض
غيرو أرقدو فوق السطح هالأيام الجو زين وبتسمعين صوت الطيارات
وبتشوفين نجوم الضهر فالليل ههههههههه وبعدين شنهو الفص
الصدغي هذا من زمان أنا حاذفه تخفيف للسباقات نفس الجي
لاستاندر الي فيه ليت واحد كله تخفيف ههههههههه

[نوفا91]

اشوى مب بنتي كان علقتها عيل هدية وحالة واخرتها قبلات ، استهبال مانبي

ماعليج يالحياة سامحيني بس كنت ناطره المطر من أسبوع ونفسيتي تعبانة :(

[sweet qatar]

:weeping: :weeping: :weeping:



اشفيكم علي اليوم .. كل سوالفكم تعور القلب




الله يحفظ حبايبنا و يخليهم لنا يارب

[مهرة]

ليش لما اقرا مثل هالقصص ماتأثر :(
احسها صواريخ ماتتصدق كلللش :(
المهم صفوني مع الرياييل استانس بالورقة 5 دقايق واقطها احسها ملاغة :(


الموضوع مبكي مضحك وردة الفعل فيه لو فرضنا ان كل شخص فينا تعرض لهالموقف بيكون الرد كالسهل الممتنع ,, مقيد ومش مقيد وطبعاً القصة وطرحها يولف ويجمع الشجون بذكرياتها ,,

اما بخصوصج يا مدللة يامدمرة الأحاسيس ككلماتج الجافة والي عصفت فينا وبهدلتنا على قارعة الرصيف:weeping: بتذكرين هالقصة بالذات ان الله رزقج بمثل هالبنوتة الكيوتة وبتقولين غير هالكلام تماماً (ان شاءالله) قلوبنا مهما تقولبت وتحجرت بيهزمها الحنان وبيرجعها للطفولة والبراءة والآمان.

[العقل المدمر]

الموضوع مبكي مضحك وردة الفعل فيه لو فرضنا ان كل شخص فينا تعرض لهالموقف بيكون الرد كالسهل الممتنع ,, مقيد ومش مقيد وطبعاً القصة وطرحها يولف ويجمع الشجون بذكرياتها ,,

اما بخصوصج يا مدللة يامدمرة الأحاسيس ككلماتج الجافة والي عصفت فينا وبهدلتنا على قارعة الرصيف:weeping: بتذكرين هالقصة بالذات ان الله رزقج بمثل هالبنوتة الكيوتة وبتقولين غير هالكلام تماماً (ان شاءالله) قلوبنا مهما تقولبت وتحجرت بيهزمها الحنان وبيرجعها للطفولة والبراءة والآمان.

تصدقين من كم يوم اكتشفت كم ورقة من هالاوراق محتفظة فيهم
رويت البنات اللي كاتبينهم لي واحرجتهم وخليتهم يندمون :tease:
الظاهر كان فيني بقايا احساس واحتفظت فيهم بالغلط ومع الوقت جاني تصحر :shy: