:: حـدود التعامـل بيـن الجنسيـن فـي العمـل ::

[Charisma]

السلام عليكم ورحمة الله وبركاته




الموضوع : حدود التعامل بين الجنسين .
المــطلـوب: مشاركة الجميع .


إذا تحب الزبده ، انزل لآخر الصفحة ، إذا ودك تحمص الموضوع ، واصل القراءة .



http://cdn.flaticon.com/svg/28/28304.svg




"أحسه مثل أخوي" ، "أحسها مثل أختي" ، مثل هالجمل كانت وراء تعدي حدود التعامل والتواصل بين الجنسين في البيئة المختلطة ، سواء في العمل ، الجامعة ، وحتى في المناسبات الأجتماعيه عند البعض ، وفي هذا الموضوع بنركز على العمل ، واللي أقصده في تعدي الحدود وبالعامي " الميانة " ، تلقى الضحك والسوالف والأخذ والعطى بحجة " الزمالة " وبحجة " مثل اخوي / اختي " ، في إطار استثنائي لنوعية و "سلامة" العلاقة ، ليطمئن نفسه / نفسها ، بأن الأمر "بسيط" واهم شي "النية" .

تختلف درجات "الميانة" في مثل هالحالات ، قد تقف عند السوالف والغشمره بينهم البين ، وقد تتعدى لمقابلات خارج نطاق العمل أو الدراسة ، كمثال وقت الأستراحة في الـ" كوفي شوب" ، وقد تتطور ...... اترك التدرج في هذه المسألة لخيالك .

سبب طرحي للموضوع ، ان مثل هالأمور كانت نادرا نادرا ماتحدث في أي مكان عام ، ومع الوقت ، أصبح الموضوع "عااادي" في اغلب الجهات واغلب الدوائر ، أبتسامة وسؤال ، تعليق وضحك ، سؤال وافتقاد ، ولامجال للرسميات .

علاوة على ذلك ، الشخص الرسمي في هذه المسأله ، قد يوصف بعشرات الأوصاف السلبية ، كونه لايشارك في مثل هذه التجاوزات ، منعزل ، معقد ، انطوائي ، ضارب ثقل ، حقود ، حسود ..إلخ .












الزبدة :




كلنا نعلم ان هنالك حدود ورسميات في التعامل مع الجنس الآخر ، لماذا يعطي البعض نفسه " أحقية" ، و "مشروعية" في تعدي مثل هذه الحدود بحجة الزمالة وان العلاقة " سليمه "؟

ماهي نظرة المجتمع ، ونظرتك انت بالأخص في هذا الموضوع ؟ هل تعتقد ان المجتمع اصبح لايبالي في مثل هذه التجاوزات ؟

ماهي حدود التعامل بين الجنسين ؟ وكيف يمكن تطبيقها ؟








ملاحظة : الموضوع لايتحدث عن تأييد او معارضة الأختلاط .




الموضوع مفتوح لجميع المشاركات ، ويسعدلي صباحكم.

[شبح الصمت]

يعطيك العافيه ..

الكلمة الي كلنا نقولها

دامني محترم نفسي خلاص .
والبنات نفس المقوووله ..
والشيطان له رآيي ثاني وثالث ورابع ..
والله يستر على الجميع

[بانغ بانغ]

مميز كالعادة في طرحك يا كابتنا

اتفق معك هالتعبيرات المذكورة تستخدم كشماعة لتوطيد علاقات مشبوهة

والله مروا علي في مسيرتي بنات يعزمون شباب على مطاعم " غداء عمل " طبعا ههههه

المشكلة يخوي ان احنا بشكل عام فاهمين الانفتاح غلط .... وما عندنا ثقافة الحدود ...

لحد ايقول التربية والاهل ..... لا والف لا

الشباب والشابات .... عندهم عقل ومخ وميول توعوية ويعرفون الغلط والصح

بس حبهم للانجراف وراء الشهوات نتيجة سهولة التواصل الاجتماعي من البرامج الهابطة

[Charisma]

يعطيك العافيه ..

الكلمة الي كلنا نقولها

دامني محترم نفسي خلاص .
والبنات نفس المقوووله ..
والشيطان له رآيي ثاني وثالث ورابع ..
والله يستر على الجميع

مراحب مستر شبح ،:telephone:

"دامني محترم نفسي خلاص " ، استرسل أكثر ، يعني لو طيح الميانة وسوالف عفوية وغشمرة بريئة ، يظل محترم نفسه ؟


اللهم امين ، منور ياشيخ .

[ضوى]

كلنا نعلم ان هنالك حدود ورسميات في التعامل مع الجنس الآخر ، لماذا يعطي البعض نفسه " أحقية" ، و "مشروعية" في تعدي مثل هذه الحدود بحجة الزمالة وان العلاقة " سليمه "؟

مافي علاقة بين اثنين من جنسين مختلفين سليمة ، الرسول عليه الصلاة والسلام قال ماجتمع اثنين الا والشيطان ثالثهما فكيف تكون علاقة سليمة ، زميلي على عيني وعلى راسي والتعامل يكون بكل احترام وتقدير مافي شي اسمه يطيح الميانة لاني زميلته ، حدوده الشغل وبس يشوفني برع يسلم هذي مب عدلة ومب حلوة اصلا ، والا قعدات خارج الدوام بكوفيهات وخرابيط هاي شي كبير مايجيزه دين ول عقل ولا منطق

ماهي نظرة المجتمع ، ونظرتك انت بالأخص في هذا الموضوع ؟ هل تعتقد ان المجتمع اصبح لايبالي في مثل هذه التجاوزات ؟

نظرة المجتمع اذا يعرفون هالاشخاص زملاء فاكيد بيطلع كلام لكن اذا اي اثنين قاعدين مع بعض مالنا حق نتكلم فيهم / مافي مجتمع مايبالي بالسلبيات اللي تصير جدامه لكنها قلة الحيلة

ماهي حدود التعامل بين الجنسين ؟ وكيف يمكن تطبيقها ؟

حدود التعامل السلام والعمل بس مافي سوالف وشرب شاي وضحك ، وتطبيقه سهل ، اذا الواحدة اول ماشتغلت حطت حدود بشغلها خلاص بتتكون عنها سمعة ممتازة انها للشغل وبس وبالتالي كل احد يجي راح يتجنب يتطاول او يطيح الميانة بينهم

موضوع شيق وعودا حميدا بايلوت

[شبح الصمت]

مميز كالعادة في طرحك يا كابتنا

اتفق معك هالتعبيرات المذكورة تستخدم كشماعة لتوطيد علاقات مشبوهة

والله مروا علي في مسيرتي بنات يعزمون شباب على مطاعم " غداء عمل " طبعا ههههه

المشكلة يخوي ان احنا بشكل عام فاهمين الانفتاح غلط .... وما عندنا ثقافة الحدود ...

لحد ايقول التربية والاهل ..... لا والف لا

الشباب والشابات .... عندهم عقل ومخ وميول توعوية ويعرفون الغلط والصح

بس حبهم للانجراف وراء الشهرات نتيجة سهولة التواصل الاجتماعي من البرامج الهابطة



يعني في الاخير المقولة المشهوره محلياً ودوليا

من سوى نفسه سبووووس العبت به الدياي

وصباحك بيضة كندر يالغالي

[Charisma]

مميز كالعادة في طرحك يا كابتنا

اتفق معك هالتعبيرات المذكورة تستخدم كشماعة لتوطيد علاقات مشبوهة

والله مروا علي في مسيرتي بنات يعزمون شباب على مطاعم " غداء عمل " طبعا ههههه

المشكلة يخوي ان احنا بشكل عام فاهمين الانفتاح غلط .... وما عندنا ثقافة الحدود ...

لحد ايقول التربية والاهل ..... لا والف لا

الشباب والشابات .... عندهم عقل ومخ وميول توعوية ويعرفون الغلط والصح

بس حبهم للانجراف وراء الشهرات نتيجة سهولة التواصل الاجتماعي من البرامج الهابطة

مراحب بوفيصل ،


بصراحة كنت انتظر مشاركتك ، لأني أعتقد أن عندك الكثيرررررر لتشاركنا فيه .

هالموضوع ان شاءالله ماراح ينقلب لتوجية اتهامات تحمل فئة دون الأخرى الخطأ .

"لحد ايقول التربية والاهل ..... لا والف لا"

التربيه تلعب دور كبير في هالموضوع ، ولكن مثل ماذكرت " الأنجراف " ، التأثر بمن حولهم وعدم الثبات كفيل بتغيير القناعات والأنجراف مثل ماذكرت ولاينطبق ذلك على الجميع ،

والحل يابوفيصل ؟ اذا في حل .

[بانغ بانغ]

يعني في الاخير المقولة المشهوره محلياً ودوليا

من سوى نفسه سبووووس العبت به الدياي

وصباحك بيضة كندر يالغالي

هههههههههه اموت في الكندر ... اقط الكافي واخذ اللعبة ههههه

اتوقع معظم الشرر من البنات ....

تخيل وحدة عندنا من كم شهر درت اني احب السوشي ... قالت لي اموت في السوشي اشرايك نتطلع نتغدى !!!!!

يا ويلاااااااااااااه ...والله الشيطان ما فكر فيها .

[ضوى]

هههههههههه اموت في الكندر ... اقط الكافي واخذ اللعبة ههههه

اتوقع معظم الشرر من البنات ....

تخيل وحدة عندنا من كم شهر درت اني احب السوشي ... قالت لي اموت في السوشي اشرايك نتطلع نتغدى !!!!!

يا ويلاااااااااااااه ...والله الشيطان ما فكر فيها .

هاي يقودنا لنقطة انك وسيم جدا ووممكن تكون جون دوان زماننا بعد

[بانغ بانغ]

الحل انتشار الامن الوقائي والتوعية من الجهات المعنية مثل الاوقاف والداخلية والثقافة ( اللي بس همهم رقص وطبول "

تكاتف المجتمع ضروري لدحر هالآفة ... بس مستحيل تمنعها لان العلاقات بين الجنسين سواء في العمل او كورس تدريبي او تواصل رسمي مثلا في مستشفى او بنك او او او ..... اصبح جزء من المجتمع والحياة اليومية

[بانغ بانغ]

هاي يقودنا لنقطة انك وسيم جدا ووممكن تكون جون دوان زماننا بعد

ههههههههههههههههههه كبرنا يما خلاص

بس البنات فيهم جرأة

بس اشدخل وسيم ... يمكن البنت خاطرها في سوشي ... يعني اتموت يوع مسكينة !!!

[شبح الصمت]

يا جماعة الخير مع احترامي لنظرتنا وآرائنا ..

خلونا نتكلم بكل صدق ..

الي تشتغل ابوها اخوها زوجها اشلون يعرف طبعها او تعاملها مع الغير ..
وحنا اشلون كشباب نقدر نمسك عواطفنا عن حركات البعض ..

تجيك ريحة العطر لين نهاية الممر وتوقف قدامك وتسولف معاك
تقصوون على نفسكم اي مشاعر في الرجال الي ما راح تتحرك ..

لو ويها فتون علف يمكن الشيطان يزينها لك حليمة بولند ..

الوضع خلاص لا رجعه فيه الا في حالة وحده لو كل واحد يبدأ في نفسه ..


ما اقول غير الله يستر

[BoFahed]

انا اشوف انه اللي ذكرته كله يعتمد على عمر الجنسين وفكرهم بس رأي الشرع معروف للجميع بس اللي شفته انا انه صارت علاقات انسانيه شريفة ومحترمه وكثير منها تحول لزواج والعكس

خلنا نكون صريحين نعم صار صعب انه يصير مثل اول ويعتزل وصار تغير وايد في المفاهيم بحكم طبيعة الحياة وعمل المراة والعولمه بس ما يعني انه الوضع القديم هو الاصح لانه بعض منه كان متشدد اكثر من الاجيال السابقه ما قبل النفط وما يمنع انه فيه علاقات شريفة المعيار هو الاخلاق والضمير بس ما توصل لعزايم ومسابق الخ الخ


انا من وجهة نظري المتواضعه انه الرجل والمراه هو اللي يحدد طبيعة علاقته مع اي شخص على حسب طبيعه الشخص الاخر وما يتطلبه العمل وبيئته والضرورة ومتى يقطعها وشلون يتصرف معاها

[Charisma]

كلنا نعلم ان هنالك حدود ورسميات في التعامل مع الجنس الآخر ، لماذا يعطي البعض نفسه " أحقية" ، و "مشروعية" في تعدي مثل هذه الحدود بحجة الزمالة وان العلاقة " سليمه "؟

مافي علاقة بين اثنين من جنسين مختلفين سليمة ، الرسول عليه الصلاة والسلام قال ماجتمع اثنين الا والشيطان ثالثهما فكيف تكون علاقة سليمة ، زميلي على عيني وعلى راسي والتعامل يكون بكل احترام وتقدير مافي شي اسمه يطيح الميانة لاني زميلته ، حدوده الشغل وبس يشوفني برع يسلم هذي مب عدلة ومب حلوة اصلا ، والا قعدات خارج الدوام بكوفيهات وخرابيط هاي شي كبير مايجيزه دين ول عقل ولا منطق

ماهي نظرة المجتمع ، ونظرتك انت بالأخص في هذا الموضوع ؟ هل تعتقد ان المجتمع اصبح لايبالي في مثل هذه التجاوزات ؟

نظرة المجتمع اذا يعرفون هالاشخاص زملاء فاكيد بيطلع كلام لكن اذا اي اثنين قاعدين مع بعض مالنا حق نتكلم فيهم / مافي مجتمع مايبالي بالسلبيات اللي تصير جدامه لكنها قلة الحيلة

ماهي حدود التعامل بين الجنسين ؟ وكيف يمكن تطبيقها ؟

حدود التعامل السلام والعمل بس مافي سوالف وشرب شاي وضحك ، وتطبيقه سهل ، اذا الواحدة اول ماشتغلت حطت حدود بشغلها خلاص بتتكون عنها سمعة ممتازة انها للشغل وبس وبالتالي كل احد يجي راح يتجنب يتطاول او يطيح الميانة بينهم

موضوع شيق وعودا حميدا بايلوت

يصبحج بالخير اختي ،

وشكرا على الرد مع التركيز على جواب اخر سؤال ، فيه نصيحه قيمة للقراء .


الرد الاول : سبق وتناقشت في مثل هالموضوع خارج المنتدى ، هالنوعيه تعرف الحدود ويقدرون يعطونا محاضرات في هذا الجانب ، ولكن في تعامله قد يعطي نفسه " أحقيه" او بمعنى اخر " يستثني نفسه " ، في التجاوز لأسباب لمستها بأنها " تناقض دبلوماسي " ، كيف ؟ يعني يبرر الغشمره مع الجنس الاخر بـ " كانها اختي او ابنتي " ، يبرر اجتماعه مع الجنس الاخر وتداخل السوالف والاخذ والعطى بـ " النيه سليمه " .

الرد الثاني : وليش مايكون من بيدة القرار ، أن يضع حدود في التعامل ، نعرف ان حل المشكلة جذريا اهي بمنع الاختلاط ، ولكن واقعيا لازم تكون في قوانين تمنع مثل هالتجاوزات ، آليات تطبيقها يمكن التطرق لها لاحقا .

الرد الثالث : في هالوقت اختي ، ومع انتشار مثل هالتجاوزات ، من تلتزم بهذا المبدأ تتعرض لحرب نفسيه في محيطها ، قد تنجرف معهم وقد تثبت مع مواصلة تلقي الأنتقادات ، اعتقد انكم لامستوا موضوعي في أكثر من جهه ومؤسسه .

[بانغ بانغ]

يا جماعة الخير مع احترامي لنظرتنا وآرائنا ..

خلونا نتكلم بكل صدق ..

الي تشتغل ابوها اخوها زوجها اشلون يعرف طبعها او تعاملها مع الغير ..
وحنا اشلون كشباب نقدر نمسك عواطفنا عن حركات البعض ..

تجيك ريحة العطر لين نهاية الممر وتوقف قدامك وتسولف معاك
تقصوون على نفسكم اي مشاعر في الرجال الي ما راح تتحرك ..

لو ويها فتون علف يمكن الشيطان يزينها لك حليمة بولند ..

الوضع خلاص لا رجعه فيه الا في حالة وحده لو كل واحد يبدأ في نفسه ..


ما اقول غير الله يستر


كلامك صح بوشبيح ..... المشكلة ان الثقة تنهز يوم سكرتيرة او موظفة بينكم شغل تتصل بعد الدوام في امور شغل او متابعة وجدام مرتك واتكون محترمة طبعا ..... لا والمرة تعطيك ابتسامة غريبة

ما تقدر اتقولها لا تتصلين او ما شابه

يعني الخلل في السستم اصلا .... والبرامج الهابطة اللي اطلعت مؤخرا... اللي خلت الجرأة عند بعض او قلة من البنات غير طبيعية

خلنا ساكتين عشان الكابتن ما ينقفل موضوعه ....

[qatari911]

يعطيك العافيه ..

الكلمة الي كلنا نقولها

دامني محترم نفسي خلاص .
والبنات نفس المقوووله ..
والشيطان له رآيي ثاني وثالث ورابع ..
والله يستر على الجميع

اتفق معك
وانا اشتغل من سنة 2002 وعندنا قسم نسائي
والحمد الله الى الان ما اعرف اي وحده فيهم تعاملنا عن طريق التيلفون اذا لزم الامر
ومتأثرنا او صار خلط بالاقسام

[Charisma]

الحل انتشار الامن الوقائي والتوعية من الجهات المعنية مثل الاوقاف والداخلية والثقافة ( اللي بس همهم رقص وطبول "

تكاتف المجتمع ضروري لدحر هالآفة ... بس مستحيل تمنعها لان العلاقات بين الجنسين سواء في العمل او كورس تدريبي او تواصل رسمي مثلا في مستشفى او بنك او او او ..... اصبح جزء من المجتمع والحياة اليومية

المدير "الحازم" ، يستطيع تشكيل أي بيئة عمليه ، صحيح ان المنع بشكل كامل مستحيل ، ولكن تطبيق آليات معينه قد تساهم في الحد من التجاوزات .

[ضوى]

يصبحج بالخير اختي ،

وشكرا على الرد مع التركيز على جواب اخر سؤال ، فيه نصيحه قيمة للقراء .


الرد الاول : سبق وتناقشت في مثل هالموضوع خارج المنتدى ، هالنوعيه تعرف الحدود ويقدرون يعطونا محاضرات في هذا الجانب ، ولكن في تعامله قد يعطي نفسه " أحقيه" او بمعنى اخر " يستثني نفسه " ، في التجاوز لأسباب لمستها بأنها " تناقض دبلوماسي " ، كيف ؟ يعني يبرر الغشمره مع الجنس الاخر بـ " كانها اختي او ابنتي " ، يبرر اجتماعه مع الجنس الاخر وتداخل السوالف والاخذ والعطى بـ " النيه سليمه " .

الرد الثاني : وليش مايكون من بيدة القرار ، أن يضع حدود في التعامل ، نعرف ان حل المشكلة جذريا اهي بمنع الاختلاط ، ولكن واقعيا لازم تكون في قوانين تمنع مثل هالتجاوزات ، آليات تطبيقها يمكن التطرق لها لاحقا .

الرد الثالث : في هالوقت اختي ، ومع انتشار مثل هالتجاوزات ، من تلتزم بهذا المبدأ تتعرض لحرب نفسيه في محيطها ، قد تنجرف معهم وقد تثبت مع مواصلة تلقي الأنتقادات ، اعتقد انكم لامستوا موضوعي في أكثر من جهه ومؤسسه .

خلينا نكون واقعين ، الاختلاط اصبح واقع مفروض علينا بغض النظر عن كل خلفياته اللي احنا مب بصدد مناقشتها بموضوعك م بس صدقني اذا الريال والمرة حطوا حدود للتعامل بينهم وبين بعض ماراح نشوف هالانحراف وهالسوالف اللي تصير من قط الميانة ، لكن شنقول الشكوى لله ، والله المستعان والله هو الهادي يارب تهدينا وتهديهم لطريقك المستقيم

[BoFahed]

كلامك صح بوشبيح ..... المشكلة ان الثقة تنهز يوم سكرتيرة او موظفة بينكم شغل تتصل بعد الدوام في امور شغل او متابعة وجدام مرتك واتكون محترمة طبعا ..... لا والمرة تعطيك ابتسامة غريبة

ما تقدر اتقولها لا تتصلين او ما شابه

يعني الخلل في السستم اصلا .... والبرامج الهابطة اللي اطلعت مؤخرا... اللي خلت الجرأة عند بعض او قلة من البنات غير طبيعية

خلنا ساكتين عشان الكابتن ما ينقفل موضوعه ....


والله صادق جرأه مب طبيعيه وبعض البنات هي اللي تقط الميانه وتتلزق بالشاب ما صار فيه خوف من الله اولا و كلام الناس والسمعه ثانيا صار لهم غسيل مخ ووايد منتشر انه نا بجيب زوج المستقبل (بتعلق وبتسحب الخروف ههههه )

ولا حول ولا قوة الا بالله

[عثرة جواد]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

[الاسطوره]

يا جماعة الخير مع احترامي لنظرتنا وآرائنا ..

خلونا نتكلم بكل صدق ..

الي تشتغل ابوها اخوها زوجها اشلون يعرف طبعها او تعاملها مع الغير ..
وحنا اشلون كشباب نقدر نمسك عواطفنا عن حركات البعض ..

تجيك ريحة العطر لين نهاية الممر وتوقف قدامك وتسولف معاك
تقصوون على نفسكم اي مشاعر في الرجال الي ما راح تتحرك ..

لو ويها فتون علف يمكن الشيطان يزينها لك حليمة بولند ..

الوضع خلاص لا رجعه فيه الا في حالة وحده لو كل واحد يبدأ في نفسه ..


ما اقول غير الله يستر



هههههههه صادق والله

[Charisma]

يا جماعة الخير مع احترامي لنظرتنا وآرائنا ..

خلونا نتكلم بكل صدق ..

الي تشتغل ابوها اخوها زوجها اشلون يعرف طبعها او تعاملها مع الغير ..
وحنا اشلون كشباب نقدر نمسك عواطفنا عن حركات البعض ..

تجيك ريحة العطر لين نهاية الممر وتوقف قدامك وتسولف معاك
تقصوون على نفسكم اي مشاعر في الرجال الي ما راح تتحرك ..

لو ويها فتون علف يمكن الشيطان يزينها لك حليمة بولند ..

الوضع خلاص لا رجعه فيه الا في حالة وحده لو كل واحد يبدأ في نفسه ..


ما اقول غير الله يستر



فاهمك وضبط النفس في هالجانب أمر مب هين ، نرجع لحل تطبيق قوانين صارمة في هذا المجال ، لو كنت مدير قسمك ياشبح ولك الصلاحية في فرض قوانين شبتكون ؟

والله يستر علينا وعليكم.

[الحياة الخالدة]

السلام عليكم و رحمة الله
موضوع جميل من أرض الواقع

كل اللي أقدر أقوله : ان الوضع صعب
لكن في النهاية الوازع الديني و الأخلاقي هو اللي بيحكم
و إذا البنت أو الشاب في قرارة نفسهم ما عندهم قابلية للانحراف .. بيقدرون يتحكمون في نفسهم
يعني لا يجي واحد أو وحدة ( الكلام يشمل الجنسين ) يقول هو اللي زين لي والا هي اللي زينت لي .. فلان يلاحقني و فلانة مستذبحة علي
كل إنسان مسؤول عن نفسه و تصرفاته
البعض يحلو له أن يلعب دور الضحية .. و أنه مرغوب و العيون تتهافت عليه
لو هو ما يبي و مب جايزة له السالفة .. محد بيجره غصبن عنه

( كل نفسٍ بما كسبت رهينة )
الوازع يأتي من الداخل أولاً و أخيراً
نسأل الله أن يهدينا و يثبتنا ولا يفتننا

تحياتي لك و للجميع أخوي بايلوت

[ضوى]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

كلاااامج وايد خطير

اولاً : تستهينين بعطر وماكياج

ثانيا : تطلبين من ريال يغض بصره وهو امر من رب العالمين لكن اللي جدامه هوايل اذا احنا بنات يفز قلبنا على الجمال والعطر والماكياج تبين ريال يغض بصره ؟

ثالثاً : تبين ريال يمسك مرة وينصحها ويأمر بالمعروف وينهى عن المنكر ؟ طبعا غلط هالشي ومايجوز لا شرعاً ولا عرفاً

اشلون تبين العقول تصير حرة ؟؟

[شبح الصمت]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

المقصود الله يسلمج ..
انه الي تشوف نفسها بتفتن بجمالها بلبسها بعطرها باي شيء ..
تحاول انها تغير من نفسها ومن طبعها ..
ترى مب كل العقول نفس التفكير ونفس النيه تختلف ..

اذا انا اشوفها كزميلة عمل
او اشوفها كأخت
او ما لها وجود في عيني

فغيري له نظرة ثاني
والبنت بعد كذلك ..


الارتقاء في التعامل باحسن الخلق واحترام نفسي وغيري
لكني اقول انها حسبة اختي واعمالها معاملة

واخرتها في المجالس اروح اقول والله فلانه قاطه الميانه مع الشباب .!!

اذا واحد ما يخاف الله ويقعد يتكلم فيها
وفي النهاية من الي تجرأ وخلاني اقول او غيري يقول هالكلام
طبعاً اهي لو اهي امسكت نفسها وقالت انها بس دوام وفي حدود العمل ..
ما كنت تجرأت حضرتي انا ورحت قلت فلانه ..

واتكلم عن نظرة عامه
والا الحمد لله نستر على انفسنا وعلى غيرنا من بلاوي هالدنيا
والله يغفر للجميع

اوصلت

[الدكتور عزوز]

السلام عليكم ورحمة الله وبركاته

علاوة على ذلك ، الشخص الرسمي في هذه المسأله ، قد يوصف بعشرات الأوصاف السلبية ، كونه لايشارك في مثل هذه التجاوزات ، منعزل ، معقد ، انطوائي ، ضارب ثقل ، حقود ، حسود ..إلخ .

اتفق معاك

عندي موظفة في الادارة قمة الأخلاق لا مكياج ولا عطر ولا كعب ومتحجبة الحجاب الاسلامي الصحيح ، لكن بعض زميلاتها يقولون عنها انطوائية ومعقدة بحكم انها ما تحب تشاركهم تضييع الوقت بالسوالف مع الشباب وما ابالغ اذا قلت انها شايلة شغل الادارة بنسبة 80% وباقي الموظفات 20% (للأمانة مب جميع بنات الادارة مطيحين الميانه مع الشباب بل اغلبهم في حالهم وما يحبون الجلوس في الاماكن المختلطة لكن بكل بساطة ما يحبون يشتغلون وطبعا هذا مب موضوعنا)

وايضا يقولون عن أحد رؤساء الاقسام عندي انه شايف نفسه ومنعزل ومعقد لنفس الأسباب بس لأن الرجل هذا ملتزم واخلاقه العالية جدا ً ما تسمح له يتكلم مع الموظفات بغير حاجة

كلنا نعلم ان هنالك حدود ورسميات في التعامل مع الجنس الآخر ، لماذا يعطي البعض نفسه " أحقية" ، و "مشروعية" في تعدي مثل هذه الحدود بحجة الزمالة وان العلاقة " سليمه "؟

العلاقة بين الرجل والمرأة عمرها ما راح تكون سليمة اذا كانت خارج نطاق الاسرة أو العمل ، مع احترامي لجميع العضوات لدينا في المنتدى ولجميع الموظفات لدينا في الادارة ، بس الأكيد ان الرجل عمره ما راح يتطاول ويطيح الميانة إلا اذا لمس قبول من المرأة ، وللأسف الاجيال الجديدة عندنا منفتحة زيادة عن اللزوم (سواء رجال او نساء) وغير ناضجة مما يسمح لها بعمل ما لا يرضاه عقل او دين او ولي امر ايضا

ماهي نظرة المجتمع ، ونظرتك انت بالأخص في هذا الموضوع ؟ هل تعتقد ان المجتمع اصبح لايبالي في مثل هذه التجاوزات ؟

انا عن نفسي استنكرها في قلبي ، لأن فعليا ما نقدر نتكلم ونحاول نغير هذا الخطأ ، لأن عادي يجون يتبلون علينا الموظفات وبيقولون اشياء كثيرة منها اني طعنت في شرفهم او غيره
وللعلم صارت مع أحد مدراء الادارات عندنا لما قال لأحد الموظفين خفف جلساتك مع البنات ضحككم واصل نهاية الممر ، وطبعا الموظف المستهتر قال هذا الكلام للموظفة واللي صار ان الموظفة قدمت شكوى على مديرها بأنه يتكلم في سمعتها ، ولله الحمد الأمر هذا عدى على خير
ماهي حدود التعامل بين الجنسين ؟ وكيف يمكن تطبيقها ؟[/RIGHT]

حدود التعامل من وجهة نظري هي: السلام عليكم شحالج اختي ، لو سمحتي بغيت كذا كذا كذا وشكرا


الموضوع مفتوح لجميع المشاركات ، ويسعدلي صباحكم.

صبحك الله بالنور ، موضوعك جيد ويستحق متابعة الردود

[Charisma]

انا اشوف انه اللي ذكرته كله يعتمد على عمر الجنسين وفكرهم بس رأي الشرع معروف للجميع بس اللي شفته انا انه صارت علاقات انسانيه شريفة ومحترمه وكثير منها تحول لزواج والعكس

خلنا نكون صريحين نعم صار صعب انه يصير مثل اول ويعتزل وصار تغير وايد في المفاهيم بحكم طبيعة الحياة وعمل المراة والعولمه بس ما يعني انه الوضع القديم هو الاصح لانه بعض منه كان متشدد اكثر من الاجيال السابقه ما قبل النفط وما يمنع انه فيه علاقات شريفة المعيار هو الاخلاق والضمير بس ما توصل لعزايم ومسابق الخ الخ


انا من وجهة نظري المتواضعه انه الرجل والمراه هو اللي يحدد طبيعة علاقته مع اي شخص على حسب طبيعه الشخص الاخر وما يتطلبه العمل وبيئته والضرورة ومتى يقطعها وشلون يتصرف معاها



وهذا لايعطينا الحق ولايمكن يكون مبرر في تجاوز حدود التعامل ، مهما كانت العلاقه سليمه وشريفه اذا كانت النية زواج ، ماراح يصعب عليه دق الباب .

لو كل الشباب فكروا بهالمنطق كانوا بنات خلق الله مختبر علاقات ، انا فهمت ردك واعذرني بعض الاحيان يصعب على الواحد "كتابة" ، رد شامل ، ولكن خذ المعادله :

المنطق هذا قابل للنسف عند افتراض ان الأخت هي مكان الزميله.

[Charisma]

خلينا نكون واقعين ، الاختلاط اصبح واقع مفروض علينا بغض النظر عن كل خلفياته اللي احنا مب بصدد مناقشتها بموضوعك م بس صدقني اذا الريال والمرة حطوا حدود للتعامل بينهم وبين بعض ماراح نشوف هالانحراف وهالسوالف اللي تصير من قط الميانة ، لكن شنقول الشكوى لله ، والله المستعان والله هو الهادي يارب تهدينا وتهديهم لطريقك المستقيم

اللهم امين ،


القراء أكثر من الأعضاء ، الخوض والنقاش في مثل هالمسائل مب مجرد فضفضه وتنتهي ، قد يكون هنالك رد قادر على تغيير قناعة ، او تصحيحها .
ونتمنى إدراك خطورة هالمسألة ، فصخ الحيا والتعرض للقيل والقال والأنجراف وتجاوز حدود التعامل ، أمور مرتبطة بعوامل كثيره / طلاق ، سمعة سيئة ، مشاكل أسريه ، شك ، تعمد المضره ..إلخ

[عثرة جواد]

كلاااامج وايد خطير

اولاً : تستهينين بعطر وماكياج

ثانيا : تطلبين من ريال يغض بصره وهو امر من رب العالمين لكن اللي جدامه هوايل اذا احنا بنات يفز قلبنا على الجمال والعطر والماكياج تبين ريال يغض بصره ؟

ثالثاً : تبين ريال يمسك مرة وينصحها ويأمر بالمعروف وينهى عن المنكر ؟ طبعا غلط هالشي ومايجوز لا شرعاً ولا عرفاً

اشلون تبين العقول تصير حرة ؟؟


حبيبتي

قبل لا بتدي معاج الحوار بسالج كم سوال ع شان اقدر أوصل معاج لنقطة ...



هل احنا نعيش ف دولة إسلامية تامر بالمعروف وتنهي عن المنكر ؟؟؟؟


هل ف قانون يمنع خروج البنت بهاااي الشكل ؟؟؟؟


شنو الأفضل من وجهة نضر التهجم بالكلام او النصيحة ؟؟؟؟

[BoFahed]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

اختي اسمحيلي اذا الواحده منكم حطت عينها على واحد تجيبه تجيبه ومعروف كيد النسا وياما شباب تورطو لما ينصح واحدة او يعترض على طول شكوى كيدية تقول هذا غازلني اذا الحين الاخت تشتكي على اخوها وتجرجه مراكز الشرطه شلون زميل ؟؟

ثانيا العديد من البنات للاسف صار عندهم قناعه بانه التبرج نوع من البرستيج يتطلبه العمل

ثالثا القناعات تغيرت وصار فيه تقبل في الاختلاط اكثر من اي وقت مضى و عكس تماما اللي كانت بالثمانينات والتسعينات وما نقدر نقول بانه المجتمع كان ملائكي بهذي الفترة

اللي فهمته من الاخ كاتب الموضوع انه صار تساهل بالاختلاط واستشرى بينا وما نختلف معاه بانه له عواقب سيئه وفيه ازدواجيه ونفاق فينا خصوصا الشباب بالتعامل بانه الواحد يقول للزميلة هذا اختي بس ما يرضى اخته تكون مكانها

[شبح الصمت]

فاهمك وضبط النفس في هالجانب أمر مب هين ، نرجع لحل تطبيق قوانين صارمة في هذا المجال ، لو كنت مدير قسمك ياشبح ولك الصلاحية في فرض قوانين شبتكون ؟

والله يستر علينا وعليكم.




اعوذ بالله من كلمة لو ..

لكن ان صار وصرت مدير اكون صريح معاك مقدر اسوي شيء ..
الي يبي يسوي شيء ومفكر فيه راح يسويه سواء وحده والا واحد

خلونا نكون واقعيين ..
الفصل بفصلهم وبعدين
عندهم التلفون عندهم الاجتماعات والنظرات .


بقولك موقف يا بايلوت وصار لي
مره كنت مشارك في عمل
وكان فيه متطوعين ومتطوعات
وفي شباب عندنا عادي قاطين الميانه بحكم انهم مسائيل على البنات ..

الا جاني واحد من الربع قالي ياخي خف الريس
ليش ما تضحك والا تسولف عادي ترى ..

قلت له شالسالفه قالي فلانه تقول تكلمهم من طرف خشمك .
هاهاي

ضحكني والله اصلا انا مب نفسية وشيء ثاني ليش ابتسم لهم واضحك ..
انا جاي شغل اخلصه والسلام عليكم ..
اما اني اوقف وسولف واضحك واخذ واعطي كل حركة محسوبه ..
فالافضل الواحد يحشم نفسه ..


انا مب انسان ما اخطي
ولكن الواحد يدعي لنفسه انه الله يهديه ويغفر له ويغفر للمسلمين ..

[Charisma]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

اختي سبق وذكرت ان الموضوع لايهدف إلى تحميل الخطأ طرف دون الآخر ، الكل مشترك ، نعم هنالك بنات يتعرضون للرجال ولديهم الحيله والوسيلة ، كذلك الرجال بالدهاء والأسلوب ، كل هذا لايعتبر " شطاره " ، السمعة صعب " إصلاحها ".

حاولت اثير موضوع الحلول ، كل هالأسباب من تبرج وعطور وعباية وشيلة لنص الراس.. إلخ قابلة للضبط بسطر قانوني يعلق امام كل مكتب .dress code

[عثرة جواد]

اختي اسمحيلي اذا الواحده منكم حطت عينها على واحد تجيبه تجيبه ومعروف كيد النسا



هلا عزيزي

احنا مانتكلم عن هااي النقطة


ومثل ماشاب يحط راسة ويجيب الي يبي البنت نفس الشي


وهااي من وجهة نظري مايستاهلون حتى النقاش فيهم او معاهم

[الدكتور عزوز]

السلام عليكم

انا مستغربة من بعض الردود .....اشلون شاب مايقدر يمسك نفسة مافهمت والله


يعني الرجل مافية دين مافية اخلاق مافية غيره ياجماعة ع مر العصور والرجل مع المراة سوا بنت عمك بنت خالك بنت جارك


اخت رفيجك شسالفة لازم الشباب يثقفون نفسهم ع الاخلاق الرفيعة مش ع ريحة عطر ومكياج


دامك انت مب قادر تمسك نفسك اطلب النقل وبتعد عن البنات .


وبعدين كم بنت تروح الدوام وهي رايحه عرس كم ف المية


مقارنة مع الشباب الي يكشخون ويتعطرون ....


انا مش مع البنات الي تتبرج تبرج الجاهلية الأولى


وبعدين ليش مايكون مبادرة من الشباب بنصح لين يشوف بنت باهااي الطريقة

يكلمها بينه وبينها النصيحة ....وين الامر با المعرف


وترا ع كثر مايشتكون الشباب يشتكون البنات من كثر المضايقة والحركات الي مالها داعي


ااتمنى ترتقي الأفكار والعقووول وتصبح حرة

اختي الكريمة

شاهدي هذا الفيديو للشيخ أحمد ديدات الله يرحمه ، أحد النساء سألته سؤال فيه شبه من تساؤلج اللي طرحتيه

شاهدي الفيديو من الدقيقة 1 و 55 ثانية


https://www.youtube.com/watch?v=OuFwCfKwN-k&spfreload=10

[Charisma]

السلام عليكم و رحمة الله
موضوع جميل من أرض الواقع

كل اللي أقدر أقوله : ان الوضع صعب
لكن في النهاية الوازع الديني و الأخلاقي هو اللي بيحكم
و إذا البنت أو الشاب في قرارة نفسهم ما عندهم قابلية للانحراف .. بيقدرون يتحكمون في نفسهم
يعني لا يجي واحد أو وحدة ( الكلام يشمل الجنسين ) يقول هو اللي زين لي والا هي اللي زينت لي .. فلان يلاحقني و فلانة مستذبحة علي
كل إنسان مسؤول عن نفسه و تصرفاته
البعض يحلو له أن يلعب دور الضحية .. و أنه مرغوب و العيون تتهافت عليه
لو هو ما يبي و مب جايزة له السالفة .. محد بيجره غصبن عنه

( كل نفسٍ بما كسبت رهينة )
الوازع يأتي من الداخل أولاً و أخيراً
نسأل الله أن يهدينا و يثبتنا ولا يفتننا

تحياتي لك و للجميع أخوي بايلوت



اللهم امين .

نعم الوضع صعب ، ويحتاج إلى ضبط الشخص لنفسه أولا ، وإداري حتى لايترك الوضع على ماهو عليه .


شكرا

[عثرة جواد]

اختي سبق وذكرت ان الموضوع لايهدف إلى تحميل الخطأ طرف دون الآخر ، الكل مشترك ، نعم هنالك بنات يتعرضون للرجال ولديهم الحيله والوسيلة ، كذلك الرجال بالدهاء والأسلوب ، كل هذا لايعتبر " شطاره " ، السمعة صعب " إصلاحها ".

حاولت اثير موضوع الحلول ، كل هالأسباب من تبرج وعطور وعباية وشيلة لنص الراس.. إلخ قابلة للضبط بسطر قانوني يعلق امام كل مكتب .dress code


هلا عزيزي

انا اسفة اني طلعت عن المسار بس الردود كلها تصب نفس المصب


اخوي البنت لين تطلع من بيت ابوها او زوجها تمثل نفسها واخلاقها


وتبين لكل الي حولها هي ف أي خانه بحكم ان المجتمع مصنف البنات


لانقول التربية والتربية حسسوني انهم متربين ف حلقات الذكر او مجالس اهل العلم


كل انسان يربي نفسة واخلاقة هي الي بتحدد الصورة الي هو بيرسمها لنفسه


اما بخصوص الفتن فهاي من علامات الساعة ((البعد عن الله )) غياب الضمير


واكبر سبب من وجهة نظري هي السكوت عن الحق الكل يشوف ويسكت بس فالحين نتكلم بدون فعل


ليش مايكون عند كل واحد فينا ضمير حي غيرة ع بنات ديرتنا ننصح نتكلم ننكر الباطل ونحق الحق


نطلب من الجهات اخذ الاجرات الازمة يكون ف قرار بالحشمة ف كل دائرة عمل توضع فية الجايز والممنوع .


عساااك ع االقوووة

[Charisma]

صبحك الله بالنور ، موضوعك جيد ويستحق متابعة الردود



السلام عليكم ورحمة الله وبركاته

علاوة على ذلك ، الشخص الرسمي في هذه المسأله ، قد يوصف بعشرات الأوصاف السلبية ، كونه لايشارك في مثل هذه التجاوزات ، منعزل ، معقد ، انطوائي ، ضارب ثقل ، حقود ، حسود ..إلخ .

اتفق معاك

عندي موظفة في الادارة قمة الأخلاق لا مكياج ولا عطر ولا كعب ومتحجبة الحجاب الاسلامي الصحيح ، لكن بعض زميلاتها يقولون عنها انطوائية ومعقدة بحكم انها ما تحب تشاركهم تضييع الوقت بالسوالف مع الشباب وما ابالغ اذا قلت انها شايلة شغل الادارة بنسبة 80% وباقي الموظفات 20% (للأمانة مب جميع بنات الادارة مطيحين الميانه مع الشباب بل اغلبهم في حالهم وما يحبون الجلوس في الاماكن المختلطة لكن بكل بساطة ما يحبون يشتغلون وطبعا هذا مب موضوعنا)

وايضا يقولون عن أحد رؤساء الاقسام عندي انه شايف نفسه ومنعزل ومعقد لنفس الأسباب بس لأن الرجل هذا ملتزم واخلاقه العالية جدا ً ما تسمح له يتكلم مع الموظفات بغير حاجة

كلنا نعلم ان هنالك حدود ورسميات في التعامل مع الجنس الآخر ، لماذا يعطي البعض نفسه " أحقية" ، و "مشروعية" في تعدي مثل هذه الحدود بحجة الزمالة وان العلاقة " سليمه "؟

العلاقة بين الرجل والمرأة عمرها ما راح تكون سليمة اذا كانت خارج نطاق الاسرة أو العمل ، مع احترامي لجميع العضوات لدينا في المنتدى ولجميع الموظفات لدينا في الادارة ، بس الأكيد ان الرجل عمره ما راح يتطاول ويطيح الميانة إلا اذا لمس قبول من المرأة ، وللأسف الاجيال الجديدة عندنا منفتحة زيادة عن اللزوم (سواء رجال او نساء) وغير ناضجة مما يسمح لها بعمل ما لا يرضاه عقل او دين او ولي امر ايضا

ماهي نظرة المجتمع ، ونظرتك انت بالأخص في هذا الموضوع ؟ هل تعتقد ان المجتمع اصبح لايبالي في مثل هذه التجاوزات ؟

انا عن نفسي استنكرها في قلبي ، لأن فعليا ما نقدر نتكلم ونحاول نغير هذا الخطأ ، لأن عادي يجون يتبلون علينا الموظفات وبيقولون اشياء كثيرة منها اني طعنت في شرفهم او غيره
وللعلم صارت مع أحد مدراء الادارات عندنا لما قال لأحد الموظفين خفف جلساتك مع البنات ضحككم واصل نهاية الممر ، وطبعا الموظف المستهتر قال هذا الكلام للموظفة واللي صار ان الموظفة قدمت شكوى على مديرها بأنه يتكلم في سمعتها ، ولله الحمد الأمر هذا عدى على خير
ماهي حدود التعامل بين الجنسين ؟ وكيف يمكن تطبيقها ؟[/RIGHT]

حدود التعامل من وجهة نظري هي: السلام عليكم شحالج اختي ، لو سمحتي بغيت كذا كذا كذا وشكرا


الموضوع مفتوح لجميع المشاركات ، ويسعدلي صباحكم.

يامرحبا اخوي الدكتور ،

اولا اسمح لي أشكرك على مشاركتك " القيمــــــــه " ، وأدعو الجميع للإطلاع عليها #26 (http://www.qatarshares.com/vb/showthread.php?617240-%CD%DC%CF%E6%CF-%C7%E1%CA%DA%C7%E3%DC%E1-%C8%ED%DC%E4-%C7%E1%CC%E4%D3%ED%DC%E4-%DD%DC%ED-%C7%E1%DA%E3%DC%E1&p=10318992&viewfull=1#post10318992)

فعلا التعامل مع مثل هالمواضيع " حساس " ، خصوصا عند محاولة التغيير .


أشكرك مرة أخرى على مشاركتك .:nice:

[بانغ بانغ]

يخوي بايلوت ....في بعض الجهات .... اتقول تحدي بينهم من ايجيب راس اخونا الطيب

واللي ايقول نلعب دور الضحية ... اللي ناقصه هالشي من الشباب بينجرف وراهم واللي ايمانه وحرصه على بيته قوي ... ما بيهمونه

وفي شباب بعد يتحرشون مب بس البنات .... كيف ؟ ايخلوون اجتماعاتهم اخر الدوام مع العصر

عشان ياخذون راحتهم سواء البنت مسكينة لها او مالها خص في السالفة

من كذا طلعنا قرار محد ايسوي اجتماعات بعد اوقات الدوام ( في شغلي السابق )

الموضوع مشترك ليس من جانب واحد ...

احنا ما انقول ان بعض الشباب دون خوان او ديكابريو او حتى نصر بن حجاج

https://islamqa.info/ar/201633

الله يعين ومشكور اخوي بايلوت على موضوعك الطيب

[Charisma]

اعوذ بالله من كلمة لو ..

لكن ان صار وصرت مدير اكون صريح معاك مقدر اسوي شيء ..
الي يبي يسوي شيء ومفكر فيه راح يسويه سواء وحده والا واحد

خلونا نكون واقعيين ..
الفصل بفصلهم وبعدين
عندهم التلفون عندهم الاجتماعات والنظرات .


بقولك موقف يا بايلوت وصار لي
مره كنت مشارك في عمل
وكان فيه متطوعين ومتطوعات
وفي شباب عندنا عادي قاطين الميانه بحكم انهم مسائيل على البنات ..

الا جاني واحد من الربع قالي ياخي خف الريس
ليش ما تضحك والا تسولف عادي ترى ..

قلت له شالسالفه قالي فلانه تقول تكلمهم من طرف خشمك .
هاهاي

ضحكني والله اصلا انا مب نفسية وشيء ثاني ليش ابتسم لهم واضحك ..
انا جاي شغل اخلصه والسلام عليكم ..
اما اني اوقف وسولف واضحك واخذ واعطي كل حركة محسوبه ..
فالافضل الواحد يحشم نفسه ..


انا مب انسان ما اخطي
ولكن الواحد يدعي لنفسه انه الله يهديه ويغفر له ويغفر للمسلمين ..

في أمور كثيره بإمكان المدير فرضها ان كان يملك الصلاحيه لذلك ، صحيح انه ماراح يمنع الموضوع منع كلي ، ولكن راح يحد منه ولو بشكل تدريجي .


اما بالنسبة لموقفك ، ذكرت في الموضوع أن أحد أساليب "الجر" ، لمثل هالتجاوزات اهي بالحرب النفسيه ، يحاولون يظهرونك بأنك معقد او فيك شي ، او عندك صعوبه في التواصل .


وصدقت ياشبح كلنا بشر ونخطي .



الله يستر علينا وعليك وعلى جميع المسلمين .

[Charisma]

هلا عزيزي

انا اسفة اني طلعت عن المسار بس الردود كلها تصب نفس المصب


اخوي البنت لين تطلع من بيت ابوها او زوجها تمثل نفسها واخلاقها


وتبين لكل الي حولها هي ف أي خانه بحكم ان المجتمع مصنف البنات


لانقول التربية والتربية حسسوني انهم متربين ف حلقات الذكر او مجالس اهل العلم


كل انسان يربي نفسة واخلاقة هي الي بتحدد الصورة الي هو بيرسمها لنفسه


اما بخصوص الفتن فهاي من علامات الساعة ((البعد عن الله )) غياب الضمير


واكبر سبب من وجهة نظري هي السكوت عن الحق الكل يشوف ويسكت بس فالحين نتكلم بدون فعل


ليش مايكون عند كل واحد فينا ضمير حي غيرة ع بنات ديرتنا ننصح نتكلم ننكر الباطل ونحق الحق


نطلب من الجهات اخذ الاجرات الازمة يكون ف قرار بالحشمة ف كل دائرة عمل توضع فية الجايز والممنوع .


عساااك ع االقوووة

والله هذا مانتمناه ، مثل هالمواضيع تبدا تدريجيا ، إلين توصل مرحلة " شي عادي " ، الموضوع قاعد يتطور دون رادع .

الله يقويكم

[Charisma]

يخوي بايلوت ....في بعض الجهات .... اتقول تحدي بينهم من ايجيب راس اخونا الطيب

واللي ايقول نلعب دور الضحية ... اللي ناقصه هالشي من الشباب بينجرف وراهم واللي ايمانه وحرصه على بيته قوي ... ما بيهمونه

وفي شباب بعد يتحرشون مب بس البنات .... كيف ؟ ايخلوون اجتماعاتهم اخر الدوام مع العصر

عشان ياخذون راحتهم سواء البنت مسكينة لها او مالها خص في السالفة

من كذا طلعنا قرار محد ايسوي اجتماعات بعد اوقات الدوام ( في شغلي السابق )

الموضوع مشترك ليس من جانب واحد ...

احنا ما انقول ان بعض الشباب دون خوان او ديكابريو او حتى نصر بن حجاج

https://islamqa.info/ar/201633

الله يعين ومشكور اخوي بايلوت على موضوعك الطيب

صدقت ، طبعا كل هاللف والدوران والكيد ، اخرتها سمعة في الحظيظ ، تسوى ؟ وربي ماتسوى ، البعض انشغل في هالأمور عن بيته وعياله ، ومثل هالتجاوزات كانت سبب في الطلاق ، وكانت سبب في تداول الناس علوم فلان او فلانه .

الله يستر علينا وعليكم .

والعفو يالغالي انا باخذ بريك وبترك الموضوع لكم ولنا عوده ، لابد من ذكر بعض الأمور .

[R 7 A L]

انا انصح كل رجل يشتغل في مكان معه حريم
لايقط الميانه وان يكون رسمي لابعد الحدود حتى السـلام لايرده دايم

[BoFahed]

انا انصح كل رجل يشتغل في مكان معه حريم
لايقط الميانه وان يكون رسمي لابعد الحدود حتى السـلام لايرده دايم

قالك كابتنا بتصير معقد ونفسيه ومحد بيتعاون معاك

والله بلشه عسى الله لا يحطكم في مكان هالشخص

[R 7 A L]

قالك كابتنا بتصير معقد ونفسيه ومحد بيتعاون معاك

والله بلشه الله لا يحطكم في مكان هالشخص

ماعليه خلني معقد ونفسيه ومتكبر ولا ادخلني نفسي في مواقف انا في غنى عنها

[BoFahed]

ماعليه خلني معقد ونفسيه ومتكبر ولا ادخلني نفسي في مواقف انا في غنى عنها

انا اشهد انك صادق وايد مواقف صارت لشباب اعرفهم الله يهديهم. سوء فهم وتقدير او شي تافه ممكن يبهذلك ويجرجك مراكز الشرطه وانت في غنى عنها

دينا دين وقائي الافضل الواحد يبعد ولا يتفلسلف وعسى الله يهدينا جميعا ويستر على اهالينا

[ضوى]

انا اشهد انك صادق وايد مواقف صارت لشباب اعرفهم الله يهديهم. سوء فهم وتقدير او شي تافه ممكن يبهذلك ويجرجك مراكز الشرطه وانت في غنى عنها

دينا دين وقائي الافضل الواحد يبعد ولا يتفلسلف وعسى الله يهدينا جميعا ويستر على اهالينا

ذكرتني بفترة من فترات شغلي ، مدير إدارة كان يخاف يكلم البنات بإدارته لانه واحدة هددته اني باوديك ورا الشمس وبقضية اخلاقية اذا تطاولت علي مرة ثانية والتطاول كان وقتها بسبب تاخيرها ورداءة شغلها ، ياربي شقواة العين هذي

[BoFahed]

لا حول ولا قوة الا بالله المصيبة اختي بانه بعض البنات يعتبرونها شطارة

لسان حالهم يقول (اخذ حقي بالدورات والترقيات والعلاوات والاجازات بالصراخ وبالقوه و هذيلا المدراء ما ينفع معاهم الا جذي ولا بياكلوني )

[مرتبش]

انا انصح كل رجل يشتغل في مكان معه حريم
لايقط الميانه وان يكون رسمي لابعد الحدود حتى السـلام لايرده دايم

احسن شي.

[Rider]

سؤال ليش الاهل يرضون بناتهم يشتغلون وسط الرجاجيل والمرأة الي ترضى على نفسها تستاهل مايجيها

[مهرة]

..

الطرح جداً سلس وانسيابي وحلو المشاركة فيه لأن الي طارح الموضوع رجل بس إذا طرحته إحدى العضوات بيكون فيه شخصنه وبياخذ منحنى ثاني أكيد.,

موفقين ان شاءالله اخوي بايلوت موضوع مهم وأتحفظ عن مشاركتي.,

[JN000N]

اهم شي الاعتراف عطاك الهام تفتح موضوع:happy:
قو هد رفيق :victory:

[Charisma]

انا انصح كل رجل يشتغل في مكان معه حريم
لايقط الميانه وان يكون رسمي لابعد الحدود حتى السـلام لايرده دايم

خير الكلام ما قل ودل .



قالك كابتنا بتصير معقد ونفسيه ومحد بيتعاون معاك

والله بلشه عسى الله لا يحطكم في مكان هالشخص

معقد ونفسيه بنظر العقليات المتساهله في هالموضوع ، المهم ان "رأيهم لايهم" .

[Charisma]

سؤال ليش الاهل يرضون بناتهم يشتغلون وسط الرجاجيل والمرأة الي ترضى على نفسها تستاهل مايجيها

مراحب الشيخ ،

الكثير منا ضد الأختلاط " وانا منهم " ، ولكن لأسباب لايتسع الموضوع لذكرها ، نتجاوز هذه النقطه كون الموضوع عن " حدود التعامل بين الجنسين " .

[Charisma]

..

الطرح جداً سلس وانسيابي وحلو المشاركة فيه لأن الي طارح الموضوع رجل بس إذا طرحته إحدى العضوات بيكون فيه شخصنه وبياخذ منحنى ثاني أكيد.,

موفقين ان شاءالله اخوي بايلوت موضوع مهم وأتحفظ عن مشاركتي.,

عسى الله يوفق الجميع ، ومرحبا بكم مشاركين وقراء .

[Charisma]

اهم شي الاعتراف عطاك الهام تفتح موضوع:happy:
قو هد رفيق :victory:

:rolleyes2:

الأعتراف لايؤكد أو ينفي الموضوع ، ولا أخفي أني قريت الأعتراف ، ولكن مسألة بهالحجم ماراح أفرد لها موضوع بناءا على أعتراف .

شكريا على الألهام .

[معماري قطري]

يلزمنا تعليمات التعامل لكل مهنة ولكل مقر عمل ولازم يحفظها الجميع ويعمل عليها وبها

لازم تكون شاملة لكل شيء .. للتعامل مع المدير ولمخاطبة المسؤول ولكل ما يتعلق بالمهنة من أخلاقيات ولكل فرد في المؤسسة

يجب أن تكون هذه التعليمات مدروسة وموافق عليها ومنقحة لفترة من الزمن لتناسب طبيعة العمل والمراجعين ومن يعملون

درسنا في الجامعة كورس لمدة ساعة وحدة اسبوعياً اسمه Engineer's Code of Ethics وهذا يفترض يدرس في جامعاتنا لكل تخصص بشكل عام ويحفظ بواسطة كل موظف بشكل معمق وخاص يتناسب مع الوظيفة

[راجي الْعفو]

وعليكم السلام و رحمة الله و بركاته

منورنا مp ، وخوش طلّه ، اررحب

الموضوع فوق الرائع ، يعطيك العافية

-------
صحيح ان الموضوع ليس عن الاختلاط
وأكن ما نتج هالشي الا من الاختلاط
فهو من نتائجه
وإذا حصل الخطأ فهو السبب الرئيس
وكثر المساس يميت الإحساس

.....

ألقاه في اليَمِّ مكتوفاً وقال له
إيّاك إيّاك أن تبتلّ بالماء !

ما يصير !
-----

سؤال :


كم نسبة الرجال و النساء اللي يتعاملون و يتحدثون في جهات عملهم
في ما يهم عملهم ((( فقط ))) لا غير
ولا يتجاوزون ذلك بحرف واحد - وهو المطلوب -

كم النسبة ؟


الله يستر علينا و عالجميع

[محمد سعيد]

شنو هالدوام الي تحصل فيه وقت للسوالف والضحك؟

عموما اهم شي هلي مايشتغلون خلط ولا يجلسون مع الرجال

الله يعينكم يا اخوات على العمل والاختلاط ويرزقكم و ظيفة افضل


وراي ماكلم حرمة الا امام الناس ومن اجل خدمه او وظيفه

وأذا تضحك وتبي سوالف أحقرها وأمورك في الروب يالذيب

[khalid525]

وبخصوص الاختلاط في المنتديات والسوشال ميديا شخبارها
نسيت هذي ما تحتاج حدود وضوابط

[الدكتور عزوز]

حبيبتي

قبل لا بتدي معاج الحوار بسالج كم سوال ع شان اقدر أوصل معاج لنقطة ...



هل احنا نعيش ف دولة إسلامية تامر بالمعروف وتنهي عن المنكر ؟؟؟؟


هل ف قانون يمنع خروج البنت بهاااي الشكل ؟؟؟؟


شنو الأفضل من وجهة نضر التهجم بالكلام او النصيحة ؟؟؟؟

السلام عليكم اختي

اسمحي لي على المداخلة لكن حاب أرد على تساؤلاتج مع تحفظي ان تساؤلاتج ما لها علاقة اساسية بالموضوع

احنا ما نعيش في دولة تأمر بالمعروف وتنهي عن المنكر من الناحية الشرعية ، لكن هذا ما يمنع ان احنا كأفراد نحاول نذكر العيوب الدخيلة على مجتمعنا وضد تعاليم ديننا اللي هو الدين الرسمي لدولة قطر ، اضعف الايمان نستنكر بعض الاشكال وهذا من حقنا

اختي الكريمة الواجب والأفضل أن كل رجل يبدأ بأهل بيته وانا مقتنع بهذا الكلام 100% ولكن هناك بعض البنات (وقد تكونين صادفتي بعضهم) تطلع من البيت بمنظر محتشم ، اول ما توصل الدوام تدخل الحمام تسوي Makeover وتحط مكياج صارخ وريحة العطر تنشم من كل مكان ونست حديث الرسول عليه أفضل الصلوات والسلام ((أيما امرأة استعطرت، فمرت على قوم ليجدوا ريحها فهي زانية)) . قال زانية ، قال زانية ، قال زانية ، واكيد تعرفين عقوبة الزنا ، عشان كذا بعض الرجال (الذئاب البشرية) يتجرأون معها بالكلام

اختي الكريمة أغلب الموظفات عندنا في الادارة محترمات ولا يحبون قط الميانة مع كل من هب ودب وهذي شهادة حق وجب أن تقال

لكن فيه فئة كبيرة قاعدة تزيد يوم عن يوم (واغلبها من الاجيال الجديدة) من النوع اللي احنا نتكلم عنه ، ومعاج حق في احد ردودج اذا البنت بهذي الطريقة وجب على الرجل أنه ما يعطيها وجه ، لكن مثل ما فيه بعض النساء من هذي الفئة هناك بعض الرجال من نفس الفئة ويسوون نفس الشي وما يصدقون يلقون بنت يتكلمون معاها واحنا نستنكرهم ايضا ، ما قلنا الرجل ملاك كلامنا كله عن علاقة الرجل بالمرأه في العمل يعني الموضوع يشمل الجميع واستنكارنا للجميع مش للمرأة ضد الرجل

ما فيه قانون يمنع البنت انها تخرج بهذا المنظر وهي حرية شخصية ، ولكن احنا لدينا تحفظات لبعض الاشكال التي لا تمثل ديننا ولا عاداتنا ولا تقاليدنا وبنتكلم عنها لعل وعسى احد منهم يقرأ ردودنا واستنكارنا ويمكن يهتدي البعض منهم ، نتمنى ذلك

أكيد أن النصيحة افضل من التهجم لكن الآن للأسف الاغلب يمشي عليهم المثل (ناصحكم يا بدو في النار) يعني لو نصحنا بالكلمة في الوجه مباشرة يمكن تتحول النصيحة إلى مشكلة

[مرتبش]

يلزمنا تعليمات التعامل لكل مهنة ولكل مقر عمل ولازم يحفظها الجميع ويعمل عليها وبها

لازم تكون شاملة لكل شيء .. للتعامل مع المدير ولمخاطبة المسؤول ولكل ما يتعلق بالمهنة من أخلاقيات ولكل فرد في المؤسسة

يجب أن تكون هذه التعليمات مدروسة وموافق عليها ومنقحة لفترة من الزمن لتناسب طبيعة العمل والمراجعين ومن يعملون

درسنا في الجامعة كورس لمدة ساعة وحدة اسبوعياً اسمه Engineer's Code of Ethics وهذا يفترض يدرس في جامعاتنا لكل تخصص بشكل عام ويحفظ بواسطة كل موظف بشكل معمق وخاص يتناسب مع الوظيفة


ماعندنا حتى وصف وظيفي.. بعدنا ماوصلنا مواصيلهم.

حبيت اضيف تذكير للمدراء.. تراها تسولف معاك عشان تمشي امورها من تاخير واجازات وعلاوات

[راجي الْعفو]

ماعندنا حتى وصف وظيفي.. بعدنا ماوصلنا مواصيلهم.

حبيت اضيف تذكير للمدراء.. تراها تسولف معاك عشان تمشي امورها من تاخير واجازات وعلاوات

يعني هالفئة تبيع أغلى شي تملكه ( عِرضها )

مقابل دنيا رخيصة تنداس بالريول ؟ - تكرمون -

[ضوى]

مادة اخلاقيات المهنة اخوي معماري تدرس بكليات المهن الطبية والصيدلانية والهندسية والمحاماة والتمريض هذا اللي شفته ،

[عثرة جواد]

يعني هالفئة تبيع أغلى شي تملكه ( عِرضها )

مقابل دنيا رخيصة تنداس بالريول ؟ - تكرمون -


لا والله اخوي لاتقول كذا الكلمة كبيرة وااايد


انت ماتعرف ظروفها والا حياتها

لاتنسى انه المدراء يستغلون ضعف أي مكسور

الله يرحمنا برحمتة

[Qt.1]

للاسف واقع ولكن لاازال البعض يرفض الفكره من الااساس , مشكلتنا ان في مجتمعنا للحين بعض الشباب للحين مايعرفون انها مجرد زميلة عمل وينظر لها نظره اكبر من هالشي , تلاقيه مطيح الميانه معاها وضحك وسوالف , لان هالشي مهب متعودين عليه احنى ان واحد يقعد مع وحده ماتحل عليه 8 ساعات في اليوم وسوالف , احنى مهب مثل المجتمعات الااجنبيه الي تحط حد لزملاء العمل , وطبعا في شباب يعرفون هالشي ويحطون خط احمر ويعرف انها في النهاية بنت ناس ومجرد زميلة عمل , وللاسف ياما ناس تطلقون بسبة الااختلاط وفي ناس بعد تطلقو من ازوجاهم وارتبطو بزملاء العمل !! وهذا ادهى وامر ,,

[راجي الْعفو]

لا والله اخوي لاتقول كذا الكلمة كبيرة وااايد


انت ماتعرف ظروفها والا حياتها

لاتنسى انه المدراء يستغلون ضعف أي مكسور

الله يرحمنا برحمتة

عيل وش نسميه ؟

ظروفها بارك الله فيج ما توصل إن شاءالله لدرجة إنها تساوم ع نفسها عِرضها

[راجي الْعفو]

في المثل :

تموت الحُرّة و لا تأكل بثديها

[Charisma]

يلزمنا تعليمات التعامل لكل مهنة ولكل مقر عمل ولازم يحفظها الجميع ويعمل عليها وبها

لازم تكون شاملة لكل شيء .. للتعامل مع المدير ولمخاطبة المسؤول ولكل ما يتعلق بالمهنة من أخلاقيات ولكل فرد في المؤسسة

يجب أن تكون هذه التعليمات مدروسة وموافق عليها ومنقحة لفترة من الزمن لتناسب طبيعة العمل والمراجعين ومن يعملون

درسنا في الجامعة كورس لمدة ساعة وحدة اسبوعياً اسمه Engineer's Code of Ethics وهذا يفترض يدرس في جامعاتنا لكل تخصص بشكل عام ويحفظ بواسطة كل موظف بشكل معمق وخاص يتناسب مع الوظيفة

مراحب اخوي المعماري ،

أشكرك على مشاركتك القيمه ، فرض التعليمات مثل ماذكرت أحد الحلول ، والأهم ربط التعليمات بـ "المعاقبه " ، وآليات التنفيذ لاتحتاج لعباقره .

[Charisma]

وعليكم السلام و رحمة الله و بركاته

منورنا مp ، وخوش طلّه ، اررحب

الموضوع فوق الرائع ، يعطيك العافية

-------
صحيح ان الموضوع ليس عن الاختلاط
وأكن ما نتج هالشي الا من الاختلاط
فهو من نتائجه
وإذا حصل الخطأ فهو السبب الرئيس
وكثر المساس يميت الإحساس

.....

ألقاه في اليَمِّ مكتوفاً وقال له
إيّاك إيّاك أن تبتلّ بالماء !

ما يصير !
-----

سؤال :


كم نسبة الرجال و النساء اللي يتعاملون و يتحدثون في جهات عملهم
في ما يهم عملهم ((( فقط ))) لا غير
ولا يتجاوزون ذلك بحرف واحد - وهو المطلوب -

كم النسبة ؟


الله يستر علينا و عالجميع

الله يرحب بك يالغالي ،

لانختلف على ان اساس المشكله " أختلاط " ، وبما ان الأختلاط أصبح في كل مكان كان لابد من " تقنين " المشكله ، ولفت الأنتباه لها .

اللهم امين .

[Charisma]

شنو هالدوام الي تحصل فيه وقت للسوالف والضحك؟

عموما اهم شي هلي مايشتغلون خلط ولا يجلسون مع الرجال

الله يعينكم يا اخوات على العمل والاختلاط ويرزقكم و ظيفة افضل


وراي ماكلم حرمة الا امام الناس ومن اجل خدمه او وظيفه

وأذا تضحك وتبي سوالف أحقرها وأمورك في الروب يالذيب

مرحبا اخوي محمد،

الوقت موجود ، والأنفلات أيضا موجود ، لا أعمم ولا أقول ان هذا الشيء حاصل في جميع الجهات ولكن اقول " منتشر " ، الموضوع عن تجاوز الحدود وايجاد المبررات لها.

عسى الله يثبتك ويستر علينا وعليك .

[Charisma]

وبخصوص الاختلاط في المنتديات والسوشال ميديا شخبارها
نسيت هذي ما تحتاج حدود وضوابط

مرحبا اخوي خالد ،

نعم والنقطه اللي ذكرتها لاتقل أهميه ، بأمكانك طرح موضوع يخصها ، موضوعي يناقش الواقع وتحديدا في العمل .

[Charisma]

للاسف واقع ولكن لاازال البعض يرفض الفكره من الااساس , مشكلتنا ان في مجتمعنا للحين بعض الشباب للحين مايعرفون انها مجرد زميلة عمل وينظر لها نظره اكبر من هالشي , تلاقيه مطيح الميانه معاها وضحك وسوالف , لان هالشي مهب متعودين عليه احنى ان واحد يقعد مع وحده ماتحل عليه 8 ساعات في اليوم وسوالف , احنى مهب مثل المجتمعات الااجنبيه الي تحط حد لزملاء العمل , وطبعا في شباب يعرفون هالشي ويحطون خط احمر ويعرف انها في النهاية بنت ناس ومجرد زميلة عمل , وللاسف ياما ناس تطلقون بسبة الااختلاط وفي ناس بعد تطلقو من ازوجاهم وارتبطو بزملاء العمل !! وهذا ادهى وامر ,,

مراحب اخوي بوعبدالله ،

صدقت بمشاركتك .

مثل هالأمور تبدا بتصرف " شاذ " ، والجميع يلاحظ ذلك ، يتطور الموضوع ويصبح الشاذ "مألوف" ، والجميع ُمسلم لواقع الحال ، يتطور الموضوع في أيجاد مبررات تقنع الشخص نفسه بأن تصرفه سليم من منطلق " أخ/أخت قابل للتطور " ، ُتكسر الحواجز ويستمر الوضع ، حتى يألف المجتمع مثل هالتجاوزات ويصبح "الملتزم" بالحدود هو الـ "شاذ " .

الوقت ، الأنفتاح ، الجيل ، التربيه ، غياب الرادع ، واللسته تطول .. جميعها عوامل لتهيئة بيئة خصبه تتم فيها التجاوزات بكل " سلاسه وأريحيه " .

[مشاكل]

العمل المختلط اصاب الكثير من الشباب والشابات بالتبلد الحسي والمعنوي

[راجي الْعفو]

العمل المختلط اصاب الكثير من الشباب والشابات بالتبلد الحسي والمعنوي

فلما تبلدوا

صار الوضع عندهم عادي

وانقلب المعروف منكر و المنكر معروف


والمُنكِر عليهم هو ( الغريب )


( فطوبى للغرباء )

[Qt.1]

العمل المختلط اصاب الكثير من الشباب والشابات بالتبلد الحسي والمعنوي

لافاض فوك , ومعنى التبلد لمن يجهل المعنى : من يجاهر بأخطائه .. ولم يلقِ أدنى اهتمام بمن هم حوله ..



ومنهم من .. ملأت حياته المنكرات .. والملهيات .. لم يتعظ .. وهكذا بقي .. !!

[راجي الْعفو]

( الرجال و النساء في مسألة الإقدام على الحرام و الكف عنه ، أصناف ) منها:


المرأة اللي تعف عرضها ، أسوتها في مريم عليها السلام و عائشة رضي الله عنها ..

والرجل اللي يعف نفسه أسوته يوسف عليه السلام ..


[ وما أحسن هذه الأسوة ]



والمرأة اللي تعرض نفسها للحرام ، وتتهم الرجل بإرادة الشر بها بهتاناً
أسوتها امرأة العزيز ..

والرجل غير العفيف أسوته قوم لوط ..


[ وما أسوأ هذه الأسوة ]


...

[ناسداك]

الاختلاط حرام في اماكن العمل الا اللهم لوقت معين فقط اذا في خدمه او تعامل مع الجمهور

[Charisma]

العمل المختلط اصاب الكثير من الشباب والشابات بالتبلد الحسي والمعنوي

مرحبا اخوي ،

غاب الرادع وتوافرت عوامل التشجيع ، وكان التبلد على حد وصفك ، هل من حلول ضمن نطاق العمل المختلط ؟

[Charisma]

( الرجال و النساء في مسألة الإقدام على الحرام و الكف عنه ، أصناف ) منها:


المرأة اللي تعف عرضها ، أسوتها في مريم عليها السلام و عائشة رضي الله عنها ..

والرجل اللي يعف نفسه أسوته يوسف عليه السلام ..


[ وما أحسن هذه الأسوة ]



والمرأة اللي تعرض نفسها للحرام ، وتتهم الرجل بإرادة الشر بها بهتاناً
أسوتها امرأة العزيز ..

والرجل غير العفيف أسوته قوم لوط ..


[ وما أسوأ هذه الأسوة ]


...

يصبحك بالخير ياشيخ راجي ،


سؤال سبق وسألته ، هل يمكن ضبط المسألة ( في العمل المختلط ) ؟ وكيف ؟ .

[Charisma]

الاختلاط حرام في اماكن العمل الا اللهم لوقت معين فقط اذا في خدمه او تعامل مع الجمهور

مرحبا اخوي ،

الواقع شيء اخر ، ومناقشة المشكلة لاتعني تسليم الحال لموضوع الأختلاط والقبول به ولكن نتمنى تدريجيا إيجاد الحلول المناسبه .