بخصوص غرفة الكهرباء

[Nasserhamad]

السلام عليكم

ياخوان ابي اعرف كم اصغر مقاس للغرفة الكهرباء في الفلا العداد عندي 200امبير على ماعتقد في المخطط 1*2 بس شكلها كبيره ويش الحل معها وفي وجه الفلا ....وكل الشكر لكم .

[معماري قطري]

انا مسويها صغيرة باحاول اصورها إن شاء الله

حتى زايدة المساحة وجزء مخزن منها لمواد الزراعة .. تقريباً عندي 60 سم في متر و40

سؤالك مهم وباقيس وباتأكد إن شاء الله

[Nasserhamad]

جزاك الله خير.. بس اهم شي كهرمان توافق عليها ..

[معماري قطري]

جزاك الله خير.. بس اهم شي كهرمان توافق عليها ..

سامحني والله طلعت مستعجل ولا قدرت اصورها

كهرماء توافق هم يحتاجون مساحة للشغل وباب ألمنيوم ينقفل على الفاصل .. انا حاطها قرب الباب تفتح الباب يغطيها بالكامل ولا تحس بوجودها وتسكره تبين صغيرة ولا تخرب المنظر .. مثل ما قلت لك متر ونص في 60 سم من داخل يعني من الخارج تزيد 20 سم للجدار

[عايش فرحان]

اللي اعرفه ان غرفة الكهربة مطلوبة اذا كانت كهربة البيت فوق الـ 200 امبير .. اذا 200 امبير و تحت .. ما تحتاج غرفة ..

[سعود.]

اللي اعرفه ان غرفة الكهربة مطلوبة اذا كانت كهربة البيت فوق الـ 200 امبير .. اذا 200 امبير و تحت .. ما تحتاج غرفة ..

بالضبط

[Nasserhamad]

المهندس يقول 200 امبير وفي ورقة الكهرماء 150 kw ومطلوب غرفة...

[Nasserhamad]

سامحني والله طلعت مستعجل ولا قدرت اصورها

كهرماء توافق هم يحتاجون مساحة للشغل وباب ألمنيوم ينقفل على الفاصل .. انا حاطها قرب الباب تفتح الباب يغطيها بالكامل ولا تحس بوجودها وتسكره تبين صغيرة ولا تخرب المنظر .. مثل ما قلت لك متر ونص في 60 سم من داخل يعني من الخارج تزيد 20 سم للجدار

مشكوور اخي وبارك الله فيك

قصدك تكون تزيد من الخارج 20سم بس كذا يخراب منظر السور من الخارج...

[عايش فرحان]

المهندس يقول 200 امبير وفي ورقة الكهرماء 150 kw ومطلوب غرفة...

يا إنه القانون تغير او مهندسك عليمي ..
انا كهربة بيتي 200 امبير و ما طلبوا غرفة .. هالكلام كان في 2013
ممكن تتأكد من هالشي من الاخوان في برج كهرماء في الدفنة (اسال عن قسم التخطيط ) او روح مجمع الرخص جنوبي سوق الجبر
حرام تضيع مساحة على غرفة ما تحتاجها..

[مرتبش]

150kw تساوي تقريبا 250 امبير
لاصغر حجم للغرفة اعتقد الافضل تراجعهم لان المذكور في كتيب كهرماء انه لابد من وجود 90 سم امام لوحة الكهرباء.

[معماري قطري]

150kw تساوي تقريبا 250 امبير
لاصغر حجم للغرفة اعتقد الافضل تراجعهم لان المذكور في كتيب كهرماء انه لابد من وجود 90 سم امام لوحة الكهرباء.

90 سم صح معقولة للشغل لو احتاجوا والطول ممكن حتى 1.2 وبتبقى مساحة فاضية كبيرة

[سعود.]

انا حاليا اشطب بيت والبيت الثاني للحين واصال للبنت هاوس

كلهم 200 أمبير بدون غرفة .

[معماري قطري]

رحت صورتها ونسيت تلفوني داخل .. بس طلعت أعرض حول 1.2 وطولها حول مترين لكن مساحة كبيرة فاضية والسواق تارسها أغراض مالت الزراعة

بالنسبة للإرتفاع هي ممكن تكون مترين صافي وتكون تحت الطوفة ما تبين من برا .. انا مسويها نازلة قصدت العشرين سم سمك الحائط

1 في 2 معقولة توكل على الله والباب 60 سم كفاية

[معماري قطري]

انا حاليا اشطب بيت والبيت الثاني للحين واصال للبنت هاوس

كلهم 200 أمبير بدون غرفة .

أشوف الغرفة أأمن وتبنيد الكهرباء من الحوش سهل وسريع

[Nasserhamad]

جزاكم الله خير ....

[معماري قطري]

زيادة في التوضيح صورت كيف تكون الغرفة شبه مخفية ولا تبين ولا تكون مزعجة ومضمنة في التصميم

2 متر مربع في أرض 1200 أو أكبر تقديراً على قوة الكهرباء ومساحة البناء تعني 0.166 % من مساحة الأرض ولا توصل نص في المئة من مساحة الحوش المتبقية بعد البناء

واللي حاب اسوي له حلول هندسية أثناء مرحلة التصميم يتفضل ويسأل وعندي موضوع مراجعة التصاميم المعمارية شبه ميت محد يحط مشكلته التصميمية فيه

الباب عندي محركه شوي من الزاوية ومسويه مقابل الطبيلة الرئيسية الكبيرة ومقابل الملحق حتى وهو مفتوح ما يواجه مدخل البيت والغرفة شوي وراه

http://i.imgur.com/8Iyw8A2.jpg

وهنا داخل الغرفة الله يهدى السواق مخزن فيها كل شيء

http://i.imgur.com/5tuudz1.jpg

http://i.imgur.com/CiThVdL.jpg

الحين بس الاحظ السقف يسرب ماي شوي ويحتاج عزل من فوق

[Nasserhamad]

معماري قطري

ماشاء الله عليك تفصيل كامل ...انا عندي في الزاوية غرفة السائق والزاوية الثانية باب الكراج والبيت على شارعين ممكن ابنيها في الكسرة حق السور او تغير مخطط الكهرباء عندي تقريباُ 3 مكيفات مركزية الى مكيفات كونسيلد وسبلت تقريباُ 19 طنين تتوقع يكفي 200 امبير او ايش رايك ...

[معماري قطري]

في الكهرباء يا اخوي انا خبرتي قليلة وما مارست كلش مع إني ماخذ كورسات أساسية في الكهرباء .. للكهرباء المفروض الاستشاري حاسبها صح عن طريق مهندس كهرباء

خلني اشوف الجزئية ذي من المخطط وكل شيء ممكن بسهولة حتى لو تمت الموافقة النهائية واحتمال موقعها يكون زين

تدري ممكن تخفيها بالكامل لو تحب بالزراعة والدفان حولها .. ولتسويها أكثر من مترين كارتفاع داخلي صافي .. ونصيحة لو تفصلها من داخل بطابوق وتسويها جزئين ببابين من كل جهة وتخلي جزء مخزن لعدة الحوش وبعض الأغراض أفضل لك

تبي مراجعة شاملة لكل الرسومات مستعد كذلك بس احتاج رسومات الاوتوكاد ومر شوف موضوع مراجعة المخططات المعمارية بتستفيد منه أكيد

http://www.qatarshares.com/vb/showthread.php?608441-%E3%D1%C7%CC%DA%C9-%C7%E1%CA%D5%C7%E3%ED%E3-%C7%E1%E3%DA%E3%C7%D1%ED%C9-%E6%C7%C8%CF%C7%C1-%C7%E1%E3%E1%C7%CD%D9%C7%CA-%DA%E1%ED%E5%C7-(%E3%CD%CF%CB)

[Nasserhamad]

في الكهرباء يا اخوي انا خبرتي قليلة وما مارست كلش مع إني ماخذ كورسات أساسية في الكهرباء .. للكهرباء المفروض الاستشاري حاسبها صح عن طريق مهندس كهرباء

خلني اشوف الجزئية ذي من المخطط وكل شيء ممكن بسهولة حتى لو تمت الموافقة النهائية واحتمال موقعها يكون زين

تدري ممكن تخفيها بالكامل لو تحب بالزراعة والدفان حولها .. ولتسويها أكثر من مترين كارتفاع داخلي صافي .. ونصيحة لو تفصلها من داخل بطابوق وتسويها جزئين ببابين من كل جهة وتخلي جزء مخزن لعدة الحوش وبعض الأغراض أفضل لك

تبي مراجعة شاملة لكل الرسومات مستعد كذلك بس احتاج رسومات الاوتوكاد ومر شوف موضوع مراجعة المخططات المعمارية بتستفيد منه أكيد

http://www.qatarshares.com/vb/showthread.php?608441-%E3%D1%C7%CC%DA%C9-%C7%E1%CA%D5%C7%E3%ED%E3-%C7%E1%E3%DA%E3%C7%D1%ED%C9-%E6%C7%C8%CF%C7%C1-%C7%E1%E3%E1%C7%CD%D9%C7%CA-%DA%E1%ED%E5%C7-(%E3%CD%CF%CB)

جزاك الله خير..كفيت ووفيت انا خارج قطر الحين بشوف المهندس ان شاء الله بعد مارجع ولك كل التقدير والاحترام مني...

[معماري قطري]

جزاك الله خير..كفيت ووفيت انا خارج قطر الحين بشوف المهندس ان شاء الله بعد مارجع ولك كل التقدير والاحترام مني...

الله يحفظك ومستعد للمساعدة باللي اقدر عليه إن شاء الله لك ولكل الأعضاء أكيد

المهندسين عندنا يهمهم يطلعون الرخصة وياخذون كروتهم وبس والتحسينات والتعديلات ضرورية حتى يمشي الواحد على خطة صحيحة وبخطوات متناسقة وما يتفاجأ بأُمور تتعبه وتخليه يرجع ورا لأي سبب