استفسار ؟؟؟

[سعود.]

أفضل نوع صبغ ( داخلي وخارجي )

من تجاربكم !!!

الخيارات كثيرة ومحتار بينهم !!!

[معماري قطري]

الداخلي كثيرة ومنها نوعيات جديدة ما اتوقع مرت علي ولكل نوع مميزات .. تقدر حتى تحصل نوع قريب منه بتصنيع محلي

مثلاً ماس الصدفي الايطالي معروف وقديم وفيه ميزة طرد الحشرات .. ممكن يكون ببلاستر خاص وتشكيلة تغطي عيوب البلاستر الأصلي وتصلح للأسقف بدون جبس .. جوتن عندنا شركة وطنية وقوية وناشيونال كذلك أقل جودة بس لها انتشارها

طبقات الصبغ والبرايمر والمعجون لكل نوع بعد سعر ودرجة جودة .. وبعض قليلي الذمة يخلطون هذي المواد حتى مع بودرة الدفان .. حذرهم وانتبه للخلط في الموقع وحطيت صور للخلاط شلون ولازم حتى يكون خفاق ميكانيكي بس البتان مخترعين طريقة بالدريل شوفها في موضوع الاخت سويت قطر أخطاء الصبغ وتأثيراتها المزعجة

للخارجي فيه كذلك أنواع منها اللي يجي بطبقة ربر مطاطية وصناعته يابانية شفته مرة عند موتي الهندي ما ادري اذا عايش أو رحل

اللي جربته ألحين وقرب يخلص جوتاشيلد .. وشيلد تعني الدرع ويسونه بطبقة رش وبعدة تشكيلات وبعدين صبغ وطبعاً البرايمر الأساس شوفه بعد في نفس الموضوع ولو تحب تشوف على الطبيعة حياك والدعوة موصولة لكل الإخوان

[معماري قطري]

فيه الصرعة الجديدة اللي هي البولي ايرثين وهذا لازم يخلط بطريقة ومقادير خاصة وينرش بمكينة وحماية للي يرش .. حطيت عنه فلم يوتيوب في يوتيوبيات البناء

[سعود.]

جزاك الله خيرآ على الرد والشرح

وشكرآ

[معماري قطري]

العفو اخوي سعود والله يجزيك خير ويوفقك