زوجت الاب تحرم الولد من الذهاب الى المدرسة الى مدة شهر!!!

[فريج النجادة]

لأخواني واخواتي منتدى اسرتي واحبتي

السلام عليكم ورحمة الله وبركاتة

الموضوع

زوجت الاب تحرم الولد من الذهاب الى المدرسة الى مدة شهر!!!

القصة حقيقية وليست من نسج الخيال وفي قطر تحديدآ

الطفل أمة ماتت وتزوج الاب من الثانية حت يجد الام البدلية عن الام السابقة

ولكن مع الاسف الشديد تتحول هذة الام الثانية الى متسلطة عنيفة في اخلاقها وسلوكها

وحدث بينهم خلاف وصل الى حد ضرب الطفل ضرب مبرح

وصل الولد الى المدرسة وعلية كدمات الضرب

تواصلت المدرسة مع الاب

ولكن مع الاسف كان دور الاب سلبي جدآ في الموضوع

حيث وافق على حرمان أبنة لمدة شهر عن المدرسة

حتى زوجتى الثانية ترضى علية !!!!

في مثل هذة الحالة من يحمي الطفل ؟

ومن يدافع عنة ؟

ومن يعطية حقة المسلوب ؟

[غير البشر]

تعرفهم او سامع القصه


لاحول ولاقوه الابالله


اذا تعرف بلغ عليهم مؤسسه دريمه

[بانغ بانغ]

يمكن ايفيد هالموضوع

http://www.qatarshares.com/vb/showthread.php?616740-%ED%C7%D2%E6%CC%C7%CA-%C7%E1%C7%C8%C7%C1-%A1-%C7%CD%D0%D1%E4-%CD%E6%C8%C7%CA-%C7%C8%E4%C7%C1-%C7%D2%E6%C7%CC%DF%E4

[شبح الصمت]

لا حول ولا قوة الا بالله ..

شيء محزن ..
ما عقب حضن وحب الام حنان آخر
الا من رحم ربي من بعض الاخوات الي تقذف في قلبها الرحمة والموده

وتحب اطفال غير اطفالها ..


والحين آباء ما يصبرون على اطفالهم
من كم يوم حادثة في السعودية ابي ينحر ولده عمره 10 سنوات

والحين واصله لي صورة في مصر
اب يقتل ثنتين من بناته الصغر شنقهم

حسبي الله ونعم الوكيل
حسبي الله ونعم الوكيل
حسبي الله ونعم الوكيل


لهدرجة ماتت الرحمة في قلوب البشر وتحولت لانتقام وقتل

[حمد 2002]

من علامات يوم القيامه اخوي شبح كثره الهرج والقتل

[حمد 2002]

بالنسبه للموضوع لو انا منك ابلغ على اللاب والزوجه واوصلها لين اعلى المستويات القانونيه ، واتم الاحق هالاسره لين ماخليهم يرقدون الليل وايكلمون نفسهم ..

[شبح الصمت]

من علامات يوم القيامه اخوي شبح كثره الهرج والقتل

لا حول ولا قوة الا بالله

الله يرحمنا برحمته

[طبيب قطري]

ثاني موضوع عن زوجه الاب!

[غريب الدّار]

والله اخوي انا راح اعتمد على كلامك ان السالفة صج لان صعب التثبت منها وراح يكون ردي بناء على ذلك :

شوف اخوي
واضح جدا جدا ان الغلط من الاب
وبصراحة ماادري شهالابو هذا اللي صاير قرقاشة لهالدرجة ؟
يعني ولدك ينضرب
وانت تقوم تحرمه شهر من دراسته بعد؟

المشكلة انه هو الولي الشرعي والقانوني حق الولد الحين

والموضوع صعب والله


الله يعينه هالولد اللي بيتربى وبيعيش في ظروف مثل هاذي

[R 7 A L]

اقل شي تسويه اخوي بلغ الاستشارات العائلية
مكانهم مقابل مستشفى النساء من غرب

[همسه]

ليتها رحمت حاله و يتمه وكانت له ام رحوم

شكانت بتخسر بالعكس كانت بتكسب

مب شرط زوجة الاب تكون شريره ليش ماتكون طيبه وتحب عيال زوجها و تعتبرهم عيالها هي الربحانه ترى

[طبيب قطري]

اقل شي تسويه اخوي بلغ الاستشارات العائلية
مكانهم مقابل مستشفى النساء من غرب


ليتها رحمت حاله و يتمه وكانت له ام رحوم

شكانت بتخسر بالعكس كانت بتكسب

مب شرط زوجة الاب تكون شريره ليش ماتكون طيبه وتحب عيال زوجها و تعتبرهم عيالها هي الربحانه ترى

كلامك صحيح وخصوصا انه الطفل يتيم.. اضيف الى هالحادثه حوادث كثيره بسبب الزواج الثاني ، زوجه الاب الاولى او الثانيه ومدى كرههم لاطفال الاخرى بحيث يزرعون الكره والحقد بعيالهم ضد اخوانهم من ابوهم وممكن يأذونهم ويسببون لهم عقد نفسيه كثيره

[ضوى]

ياربي شهالقسوة اعوذ بالله

[غريب الدّار]

اقل شي تسويه اخوي بلغ الاستشارات العائلية
مكانهم مقابل مستشفى النساء من غرب

مرحبا اخوي رحال
في هالحالة : من من حقه يبلغ الاستشارات العائلية ؟ عم الولد مثلا ؟ او من بالضبط ؟

وفي هالحالة الاستشارات العائلية هل بيتواصلون مع الاب؟او شنو اجراءهم؟

[بنت مريخ]

حرام عليهم
بيضيعون مستقبل الولد

[الحياة الخالدة]

مافي عندنا لجنة مادري مقر لحقوق الطفل ؟؟

[بصمة قطرية]

معقولة الأب عارف و ساكت ..!!!!!
ليش هو جايب لولده أم بديلة و لا سفاحة ..!؟
ما أقول أن القصة غير صحيحة
بس مش قادرة استوعب موقف الأب السلبي .!
الطفل ما عنده جدات عمات خالات خوال أعمام
مافي حد يشوف الكدمات ..!!!
و المدرسة تقدر تقدم شكوى إن الطفل حالته جذي
يتعرض للضرب و في عندنا لجنة حقوق الطفل*..

[بصمة قطرية]

مافي عندنا لجنة مادري مقر لحقوق الطفل ؟؟

اللجنة القطرية لحماية الطفل والمرأة ..

[بانغ بانغ]

مع فائق احترامي لاخونا الغالي فريج بس يمكن القصة في نواقص عشان ما نظلم حد

لو يعرفهم شخصي يتصرف احسن لان هاي منتدى وليس محكمة

تحياتي لك فريج

[جبر ال جبر]

زوجه الاب وتمثيلها بانها امراه شرسه وحقوده ونذله وتضرب عيال زوجها فكره روج لها بعض مخرجين ومؤلفين التمثيلات المصريه مب كل زوجه اب هشكل نادر جدا تحصل زوجه اب بهالصوره النمطيه اغلبهم فيهم الخير وتبي تثبت لزوجها حبها له بحب عيالها
والقصه اليوم سمعتها في الريدو ويجب محاسبه الاب الي شخصيته ضعيفه اول شي وبعدين محاسبه زوجه الاب

[Locale]

حسبي الله عليهم
يتربى في دريمه احسن من مرت ابو

[شبح الصمت]

حسبي الله عليهم
يتربى في دريمه احسن من مرت ابو



ليش يتربى في دريمه وعنده اب



يطلقها ويجيب غيرها ما توقف الدنيا على وحده ..

واذا يقدر يعيش من دون زواج يربي ولده ويهتم فيه والا يطلع معقد مسكين

[Locale]

^^^
الاب يشوف وساكت وعاجبه الوضع
على كلام راعي الموضوع

[شبح الصمت]

^^^
الاب يشوف وساكت وعاجبه الوضع
على كلام راعي الموضوع



يتحاسب الاب اذا صدق الكلام ..

الي مب قد العيال لا يجيب عيال ..



ناس تتشفق على اليهال وناس والا همها

[Locale]

^^
منو يحاسبه ؟

[المحاميه]

حسبي الله عليها

ليش شمسويلها الولد


حسبي الله على كل مرت ابو ظالمه :anger1:

[شبح الصمت]

^^
منو يحاسبه ؟

بعد ذي مشكلة منو يحاسبه ..!!!

[المحاميه]

^^
منو يحاسبه ؟

القانون

من حق كل مواطن انه يتعلم ويكمل تعليمه الاساسي
نص المادة موجود في قانون الاحوال الشخصية

[Charisma]

مع فائق احترامي لاخونا الغالي فريج بس يمكن القصة في نواقص عشان ما نظلم حد

لو يعرفهم شخصي يتصرف احسن لان هاي منتدى وليس محكمة

تحياتي لك فريج

https://confluence.atlassian.com/s/en_GB/5997/6f42626d00e36f53fe51440403446ca61552e2a2.27/_/images/icons/emoticons/thumbs_up.png

[.قطر.]

وعليكم السلام
اول شي هاي القصه انذكرت ف وطني الحبيب اليوم الصبح للي يشكك في مصداقيتها
وثاني شي انا مب مقتنع باللي صاير المفروض الريال اللي تمشي كلمته ويمشي كلمته عليها ويخلي ولده يدخل المدرسه
اشدعوه مايقدر عليها :omen2:

[بوخالد911]

ضعف دور الاب و الموجة / الاخصائي الاجتماعي

والله لا يبلانا

[Dana’1]

فيه ناس كذا للأسف
زميله لي أيام المدرسه مرت أبوهم مجننتهم وتتبلى عليهم ( عالبنت وأخوها) وتقول لي
أبوهم يحبهم بس بعد مايصدق في مرته شي البنت تنقهر
أخر شي يوم شد عودهم وهي بالمتوسطه والله قامو يلعنون خيرها هههه
مره جايه تقول عقرتها أنا وأخوي من الدرج وقلنا بالغط
والله لنطفشها مثل مالعوزتتا يا إحنا ياهي يا نروح لأمي وأمها بمنطقه حييل بعيده عن الشرقيه

لكن لو انها اكسبتهم كان بيحبونها وماراح يذكرونها بسؤ

[وحيد-الشوق]

سمعت القصة اليوم في وطني الحبيب الرجال محروق قلبه على ولد غريب مايقرب له والأب يعاقب الولد ويقوله اقعد شهر في البيت عشان اشتكيت على زوجة ابوك في المدرسة !!!!!

[حليتان*]

روح اخذ ورقة من مدرسة الولد انه ما داوم شهر واقرب مركز اشتك عليهم او كلم الاخصائي الاجتماعي فالمدرسه واتوقع يقدرون يتخذون اجراء معاه


الولد شهر ما داوم يعني انفصل اصلا !

[qatara]

الحوادث النادره لايقاس عليها ابرك من

الحوادث المنتشره وبكثره ان تتركه امه بيد خادمه

[R 7 A L]

مرحبا اخوي رحال
في هالحالة : من من حقه يبلغ الاستشارات العائلية ؟ عم الولد مثلا ؟ او من بالضبط ؟

وفي هالحالة الاستشارات العائلية هل بيتواصلون مع الاب؟او شنو اجراءهم؟

من حق كل من يعرف الموضوع ويعرف يعرف الاشخاص
الاستشارات العائلية جهه رسمية تتدخل لحل المشاكل العائلية بالقانون
ومثل هالموضوع مشكلة بين الاب وابنه

[ضوى]

الحوادث النادره لايقاس عليها ابرك من

الحوادث المنتشره وبكثره ان تتركه امه بيد خادمه


الحين اشدخل الام ؟؟؟

حتى وهي متوفية مب تاركها في حالها ، ياعوينها هالام
ركز يا كتارا يقولك الاب ضعيف الشخصية شايف مرته تلعب لعبه في الولد ومايقدر يتكلم يعني البلا في الابو مب الام الله يرحمها ويعفي عنها

[MAZEN37]

هذه البيئه الي تخلق مجرم لين كبر
ويكون عاق لوالده
الله يكون بالعون
الاولاد نعمه وسوف نسئل عليهم

[عثرة جواد]

لاحول والا قوة الا بالله


لين يفقد الرجل كيانه و قوامته يختل توازن البيت


اخوي لو انت متاكد ان القصة حقيقية لا تسكت لا نك أصبحت مسول اما الله


بلغ عن الاب وزوجتة وعن المدرسة الي ماتخذت أي اجراء ....


"عن النبي ‏ ‏صلى الله عليه وسلم ‏ ‏قال كلكم راع وكلكم مسئول عن رعيته فالامام راع ومسؤول عن رعيته والرجل راع في أهله وهو مسؤول عن رعيته والمرأة راعية في بيت زوجها وهي مسؤولة عن رعيتها والخادم راع في مال سيده وهو مسؤول عن رعيته_وقال:وحسبت ان قد قال :والرجل راع في مال ابيه ومسؤول عن رعيته-وكلكم راع ومسؤول عن رعيته
"

عسااك ع القوة

[ضوى]

يا جماعة الخير الاخ يقول سمع الموضوع في وطني الحبيب صباح الخير

[مرتبش]

زوجه الاب وتمثيلها بانها امراه شرسه وحقوده ونذله وتضرب عيال زوجها فكره روج لها بعض مخرجين ومؤلفين التمثيلات المصريه مب كل زوجه اب هشكل نادر جدا تحصل زوجه اب بهالصوره النمطيه اغلبهم فيهم الخير وتبي تثبت لزوجها حبها له بحب عيالها
والقصه اليوم سمعتها في الريدو ويجب محاسبه الاب الي شخصيته ضعيفه اول شي وبعدين محاسبه زوجه الاب

بالضبط

[نيساني]

يا جماعة الخير الاخ يقول سمع الموضوع في وطني الحبيب صباح الخير



صحيح

حتى انا سمعت هالشكوى في وطني الحبيب صباح الخير ( والله اني انصدمت )

الرجال خديه والمره عايشه دور رامبو

الله يهدينا ويهديهم

[qatara]

لاحول والا قوة الا بالله


لين يفقد الرجل كيانه و قوامته يختل توازن البيت


اخوي لو انت متاكد ان القصة حقيقية لا تسكت لا نك أصبحت مسول اما الله


بلغ عن الاب وزوجتة وعن المدرسة الي ماتخذت أي اجراء ....


"عن النبي ‏ ‏صلى الله عليه وسلم ‏ ‏قال كلكم راع وكلكم مسئول عن رعيته فالامام راع ومسؤول عن رعيته والرجل راع في أهله وهو مسؤول عن رعيته والمرأة راعية في بيت زوجها وهي مسؤولة عن رعيتها والخادم راع في مال سيده وهو مسؤول عن رعيته_وقال:وحسبت ان قد قال :والرجل راع في مال ابيه ومسؤول عن رعيته-وكلكم راع ومسؤول عن رعيته
"

عسااك ع القوة

الذنب على من قصم ضهر الرجال

وحدد له قوامته وخلاها شراكه بدل القوامه

وفتح باب من يسعى عليهم وهم اغلى من عنده ان يتحدونه

فكل اثام ما يحصل على من همش الرجل ودوره

بحجة الحقوق القانونيه هضمت الحقوق الشرعيه

[qatara]

الحين اشدخل الام ؟؟؟

حتى وهي متوفية مب تاركها في حالها ، ياعوينها هالام
ركز يا كتارا يقولك الاب ضعيف الشخصية شايف مرته تلعب لعبه في الولد ومايقدر يتكلم يعني البلا في الابو مب الام الله يرحمها ويعفي عنها

نتكلم عن اغلب حالات الاهمال واكثرها وليس عن حوادث فرديه

عن اغلب حلات الاهمال وليس الحاله المذكوره بالذات

ركزي جزاج الله خير في الردود السابقه بتفهمين المعنى

[بشائر]

ولكن مع الاسف كان دور الاب سلبي جدآ في الموضوع

حيث وافق على حرمان أبنة لمدة شهر عن المدرسة

حتى زوجتى الثانية ترضى علية !!!!
في مثل هذة الحالة من يحمي الطفل ؟

ومن يدافع عنة ؟

ومن يعطية حقة المسلوب ؟

حسبي الله عليه وعلى زوجته
هذا الأب نذل زوجته ذالته
وما ألومها على أي شي تسويه بالولد المسكين دام ماسوت اعتبار لأبوه ..
وبكره لى كبر الولد وكره أبوه قالوا عنه عاق .. ( بروا أبناءكم صغارا يبرونكم كبارا) ..

[نيساني]

اليوم تم نفي الخبر على اذاعة قطر برنامج وطني الحبيب صباح الخير

طلع كله كلام فاضي


ونقول الله المستعان على نقل مثل هذي الاخبار واخر شي كلها غلط في غلط


الرجاء من الاداره اتخاذ الاجراء اللازم


وشكراً

[الحياة الخالدة]

جزاك الله خير أخوي نيساني على التوضيح