سؤال لحماية المستهلك عن:

[رجل الجزيرة]

في تويتر: عين المستهلك (السعودي) مكتوب:

إذا لم يعطوك سيارة بديلة من حقك تعويض مالي عن كل يوم جلست السيارة في الصيانة.


فهل هذا مطبق عندنا وإلا متى بيطبقوته؟


وجزاكم الله خير.

[حمد بن سعد]

يطبقونه حق ربعهم بس حتى التامين لازم يوفر لك سياره بديله لو تعرضة للحادث هذا من كلام موظف في التامين لاكن اهنيه حقك ضايع والله المستعان

وحتى وكالات السيارت المعروفه لو تسوي صيانه لسيارتك مثل البنز والرنج وال بي ام اذا يعرفونك يعطونك سياره بديله وذا مايعرفونك اتصل حق كروه ابرك

[بانغ بانغ]

للاسف كان زين

بعض الوكالات ايعاملونك باحترام ويعطونك سيارة احيانا اذا كنت ماخذ الفئة الكبيرة من موديلاتها والبعض ولا يدري عنك

المفروض صراحة !

[واقع]

اذكر ان الموضوع فيه تفصيل اكثر بالنسبة للسعودية ، يعطونك سيارة بديلة اذا تعدت مده معينة أو قيمة اجار سيارة بنفس المستوى

[واقع]

https://www.youtube.com/watch?v=6boDZhrO7OE

[رجل الجزيرة]

أتمنى إنهم يدرسون الموضوع ويطبقونه.

[رجل الجزيرة]

https://www.youtube.com/watch?v=6boDZhrO7OE

المشكلة اليويتوب مغلق عندنا في الشغل.

[R 7 A L]

ههههههه
خلهم يصلحون سيارات الناس الي دافعين تأمين شامل بعدين نفكر في موضوع التعويض

[لطيف الروح]

التاجر و المسئول وجهين لعملة واحدة
وين تبي تأخذ حقك

[qatari 111]

انا مرت علي هالمشكله القطعه غير متوفره وهي عالضمان اتصلت بحماية المستهلك عن الموضوع قلوا لي تستحق سياره بديله اذا تعدى 15 يوم والسياره ماتصلحت يعني حقي ضايع اذا بنحسبها قيمة اجار سياره مب اقل من 500 ريال طبعا سياره تكون كبيره تشيل عايله كامله لمدة 15 يوم 15× 500 = 7500 ريال راح ادفعها من جيبي .
المفروض يكون مباشره اذا كانت السياره تحتاج تصليحها اكثر من يوم المفروض الوكاله توفر للعميل سياره دامها عالضمان مب نتلته وندفع من جيبنا .

[بعيد النظر]

السعودية لهم حسبة في هالامور .. لو يقعد الموتر في السيرفس يومين ..
ياخذون مبلغ السيارة كامل ويقسمونه على مادري كم ويعطونك فلوس لاجار الموتر ..
وانت اجر بكيفك ..


عندنا بعد 14 يوم .. تستحق سيارة من الوكالة !
وصارت لي من فترة بسيطة ولا كنت اعرف ..

ونطرت شهر عقب طالبت وعطوني ثاني يوم

[معماري قطري]

في أمريكا أمنت شامل وجاء اعصار خرب سيارتي سوى لها صنفرة وتحتاج صبغ وبقت حول اسبوع في الكراج ولا عطوني سيارة قالوا ما في تأمينك استحقاق سيارة اضطريت أأجر

[رجل الجزيرة]

انا مرت علي هالمشكله القطعه غير متوفره وهي عالضمان اتصلت بحماية المستهلك عن الموضوع قلوا لي تستحق سياره بديله اذا تعدى 15 يوم والسياره ماتصلحت يعني حقي ضايع اذا بنحسبها قيمة اجار سياره مب اقل من 500 ريال طبعا سياره تكون كبيره تشيل عايله كامله لمدة 15 يوم 15× 500 = 7500 ريال راح ادفعها من جيبي .
المفروض يكون مباشره اذا كانت السياره تحتاج تصليحها اكثر من يوم المفروض الوكاله توفر للعميل سياره دامها عالضمان مب نتلته وندفع من جيبنا .

إذا فيه قانون علشان أسحبهم للمحاكم وإلا ما فيه قانون، الكلام ما ينفع.

[Right]

http://store1.up-00.com/2016-03/145710850242471.jpg (http://www.up-00.com/)

[بوخالد911]

يفترض التعويض.
ولكن على حسب المعرفة !!!