الفوضى المرورية !! الى متى ؟؟

[مشاكل]

خروج الانسان من منزله اصبح من الامور التي تجلب الهم والضيق
والسبب
الفوضى في قيادة السيارات :

اللي ماسك اقصى اليسار يتمشى ومايبي يفتح لك
واللي يلف عليك بكل رعونة من دون مايعطي اشارة
واللي يناحسك مايبي يفتح لك حتى لو تموت ماعنده مشكلة
واللي منشغل بالجوال مايدري عن الدنيا وان هرنت له او كبست له كأنك سابه
واللي يزرق من اليمين وعند نهاية الاشارة او الدوار يبي يدخل بالغصب للسيد ويزعل اذا مافتحت له
واللي عند المواقف ماخذ له موقفين
واللي صاف في نص الشارع يطلب كرك
واللي لاحم في ظهر موترك يبيك تفتح له غصب حتى لو ماعندك مجال
واللي يتحيّن الفرصة في كل فجّة يتجاوز يبي يكون الأول
واللي يسوق ولا له فالسواقة


متى ينتهي هالكابوس !!

[بانغ بانغ]

والله يا مشاكل انا في الوكرة بيتي في نص المنطقة اذا بطلع مشوار قهوة او جمعية او غرض .... احسبها ستين حسبة وكأني داش كابول .

حفريات وباصات وامناحس ويهالوا بجيات استعراض وزحمة ووووووووو

كلنا قطر

[ناسداك]

الدولة ما قصرت بنت الانفاق و الجسور بس السائقين هم الما يلتزمون اعتقد حان الوقت للمراقبة بالكاميرات ما في بديل عنها شوف المخارج اللي في انفاق سلوى الزحمه سببها المتجاوزين من اليمين لانه ما يبي يصف بالطابور و ما يهمه لانه ما في رقيب و لاحسيب

[رجل الجزيرة]

شوف هالكلام:

في تقاطعات مطار الدوحة والوعب ورمادا والسينمات
بدء تفعيل كاميرات رصد المخالفات المرورية غداً

منذ 13 ساعة


http://media.al-sharq.com/PortalImages/News/Large/252021_0.jpg
كاميرات المراقبة الجديدة

أيمن صقر

تبدأ الادارة العامة للمرور غدا الثلاثاء في تفعيل كاميرات رصد المخالفات المرورية من أجل ضبط الشارع المروري وسلامة مستخدميه.

وستكون هناك ثلاث مخالفات مرورية سيتم رصدها بواسطة الكاميرات المرورية بعد أن كان يتم رصد هذه المخالفات عن طريق الدوريات المرورية الموجودة في أماكن المخالفات وهي التجاوز من اليمين والوقوف في المربع الأصفر، وتغيير المسار.

وكانت الادارة العامة للمرور قد اجرت دراسة حول هذا الموضوع منذ ما يزيد على عام مضى وخاصة بعد ما تم رصده من زيادة معدل تجاوز بعض السائقين من اليمين وتعديهم على حقوق غيرهم ممن التزموا بأولوية الطريق في التقاطعات والدوارات.. وقد تم تركيب الكاميرات وتوزيعها على عدة تقاطعات ودوارات وشوارع، خاصة صاحبة النصيب الأوفر من هذه التجاوزات مثل تقاطع مطار الدوحة الدولي، وتقاطع الوعب، وتقاطع رمادا وتقاطع السينمات.

وتم إعداد هذه الكاميرات لتتمكن من رصد مخالفتي تغيير المسار والوقوف في المربع الأصفر إضافة إلى مخالفة التجاوز من اليمين، ويصل عدد الكاميرات المتعلقة برصد هذه المخالفات الثلاث حوالي ستين كاميرا، تم توزيعها على عدة تقاطعات وشوارع لإحكام عملية الرصد، وبحيث تعطي صورة فوتوغرافية ومقطع فيديو للمخالفة، كدليل لا يتسرب له الشك على وقوعها من المخالف.

جدير بالذكر ان قيمة مخالفة التجاوز من اليمين تقدر بألف ريال وحجز السيارة مدة أسبوع ولا يجوز فيها التصالح أما مخالفة الوقوف في المربع الأصفر وتغيير المسار فهي خمسمائة ريال، وفي حالة سداد أي من المخالفتين خلال ثلاثين يوما تخفض بقيمة 50 %.


http://al-sharq.com/news/details/406076#.VtP4Guayqjo


وأنا أحسبهم شغلوها.

[رجل الجزيرة]

خاطري أسفر بعض أهل شرق آسيا وبعض المقيمين المستهترين هم إلي يقهرون الواحد:

الإسبوع الماضي هندي في موتره وانا طالع من إشارات رامادا على طريق سلوى مساك يسار والحبيب يتمشى كبستله ليتات أخذ يمين وطاف أول سيارة وبعدين أخذ مساري وأكبسله ليتات ونفس الحركة ورجع لمساري وأكبسله ليتات المرة الثالثة فطاف سيارتين ورجع لمساري لين طاب خاطره لين جينا إشارات الصناعية ولف يمين وخفف السرعة وما أدري ويش هو سوى، هاه ويش رأيكم في تصرفاته.

[][ الوحيد ][]

كل شي في صووب و بعض البنات في صوب


تجيك متجاوزة من اليمين تبي تدخل عند الاشاره جدامك .. وحاطه في بالها انا بنت بيخليني امر :) !!!

و اشاره بروة من سلاح الجو بأتجاه الوكره .. الشارع 3 خطوط ,, سبحان الله عند الاشاره يصير 6 خطوط !
كل واحد يتجاوز الثاني !!


نظام الكيمرات مابيصيد اللي بيتجاوز من اليمين لان الكيمراا مابتصور الشارع كامل ,, بتصور عند الاشاره فقط

[Rider]

اخوي مشاكل دائما مواضيعك في الصميم وكانك حاس فينا ياخوي مشاكلنا مالها حل بس الحل الوحيد انك اطلع نص الوافدين الي في البلد وامورنا بتكون في السليم
انت تخيل السنين الجاية كيف بيكون الوضع
بس عندي سؤال حق معظم المقيمين في البلد ليش يفكر ياخذ الليسن اول ماجي قطر في بلادهم مافيه سيارات جاي على كبر يتعلم السواقه ؟

[مشاكل]

والله يا مشاكل انا في الوكرة بيتي في نص المنطقة اذا بطلع مشوار قهوة او جمعية او غرض .... احسبها ستين حسبة وكأني داش كابول .

حفريات وباصات وامناحس ويهالوا بجيات استعراض وزحمة ووووووووو

كلنا قطر
صادق اخوي ،،، والله مشاوير مهمة قمت اهملها والسبه الاعصاب اللي تصيدك اذا طلعت من البيت

الدولة ما قصرت بنت الانفاق و الجسور بس السائقين هم الما يلتزمون اعتقد حان الوقت للمراقبة بالكاميرات ما في بديل عنها شوف المخارج اللي في انفاق سلوى الزحمه سببها المتجاوزين من اليمين لانه ما يبي يصف بالطابور و ما يهمه لانه ما في رقيب و لاحسيب
اتوقع الكاميرات مهما اشتغلت ماراح تنظم المرور نفس تواجد الدوريات فالشارع
ومع كثر العالم صعب انك توفر دوريات تغطي
فيه مقترح جميل يخلي السايق يخاف من ظله ،، وهو تأهيل من يرغب في العمل التطوعي من القطريين ممن تجاوز سن الاربعين بعد منحهم صفة الظبطية القضائية ويكون تواجدهم فالشارع بسيارة ولبس شخصي ويكون له نسبة من كل مخالفة
اتوقع بهالطريقة كل واحد فالشارع بيحسب الف حساب قبل لايخالف


خاطري أسفر بعض أهل شرق آسيا وبعض المقيمين المستهترين هم إلي يقهرون الواحد:

الإسبوع الماضي هندي في موتره وانا طالع من إشارات رامادا على طريق سلوى مساك يسار والحبيب يتمشى كبستله ليتات أخذ يمين وطاف أول سيارة وبعدين أخذ مساري وأكبسله ليتات ونفس الحركة ورجع لمساري وأكبسله ليتات المرة الثالثة فطاف سيارتين ورجع لمساري لين طاب خاطره لين جينا إشارات الصناعية ولف يمين وخفف السرعة وما أدري ويش هو سوى، هاه ويش رأيكم في تصرفاته.
صادق اخوي ،،، الاسيوين بالذات شغالين على الاستهبال وعلى باله الواحد منهم انه ذكي واذا مريت من احذاه سوى نفسهم مظلوم ومسكين

[ الوحيد ][;10322815']كل شي في صووب و بعض البنات في صوب


تجيك متجاوزة من اليمين تبي تدخل عند الاشاره جدامك .. وحاطه في بالها انا بنت بيخليني امر :) !!!

و اشاره بروة من سلاح الجو بأتجاه الوكره .. الشارع 3 خطوط ,, سبحان الله عند الاشاره يصير 6 خطوط !
كل واحد يتجاوز الثاني !!


نظام الكيمرات مابيصيد اللي بيتجاوز من اليمين لان الكيمراا مابتصور الشارع كامل ,, بتصور عند الاشاره فقط
الله يكون بالعون ياخوي والله تعبنا تعبنا من هالضغط اليومي اللي حتى اثر على حياتنا ونفسياتنا

اخوي مشاكل دائما مواضيعك في الصميم وكانك حاس فينا ياخوي مشاكلنا مالها حل بس الحل الوحيد انك اطلع نص الوافدين الي في البلد وامورنا بتكون في السليم
انت تخيل السنين الجاية كيف بيكون الوضع
بس عندي سؤال حق معظم المقيمين في البلد ليش يفكر ياخذ الليسن اول ماجي قطر في بلادهم مافيه سيارات جاي على كبر يتعلم السواقه ؟
الله يجزاك خير اخوي ،،، همنا ومشاكلنا وحده وهالموضوع كلنا نعيشه ومتضررين منه
السبب لتساؤلك ان السيارات عندنا رخيصة والبترول رخيص وامن وامان اللهم لك الحمد وبعضهم يستغل السيارة كعمل اضافي
اتمنى عدم منح رخصة سواقة لفئة العمال واقتصارها على الموظفين
واتمنى يكون اختبار السواقة على درجة عالية من الصعوبة بحيث ماينجح فيه الا محترف

[qatari911]

اسيوين وبعض المقيمين السواقتهم مرض اعوذ بالله
بس عندي عتب بعد على عيالنا وشبابنا البعض منهم يجيك مشغول بتيلفونه وماسك يساره وان دقيت هرن او كبست له مايوسع ويطالعك كانك انت الغلطان عليه
او يترك مسافه بينه وبين الي قدامه مسافة سيارتين وان جيت قدامه دق هرن عليك ليش تجي
والي يوقف عند الكرك وصاف بالعرض لا هو الي دخل ولا خل السيارات تدخل واذا جيت ودقيت اشاره بصف في المواقف يعاند او يقول بعد مشادهة كلاميه معه ماشفتك طيب والهرن ياقلبي ماتسمعه بعد؟؟
انا عن نفسي اي شخص يجي من الايمين ما ادخله ابدا الا لو كان محترم وسلم لكن يجي كانه بروحه ويدخل السياره غصب (معصي)

بالاخير
سق بحذر وتوقع اخطاء الاخرين

[مشاكل]

اسيوين وبعض المقيمين السواقتهم مرض اعوذ بالله
بس عندي عتب بعد على عيالنا وشبابنا البعض منهم يجيك مشغول بتيلفونه وماسك يساره وان دقيت هرن او كبست له مايوسع ويطالعك كانك انت الغلطان عليه
او يترك مسافه بينه وبين الي قدامه مسافة سيارتين وان جيت قدامه دق هرن عليك ليش تجي
والي يوقف عند الكرك وصاف بالعرض لا هو الي دخل ولا خل السيارات تدخل واذا جيت ودقيت اشاره بصف في المواقف يعاند او يقول بعد مشادهة كلاميه معه ماشفتك طيب والهرن ياقلبي ماتسمعه بعد؟؟
انا عن نفسي اي شخص يجي من الايمين ما ادخله ابدا الا لو كان محترم وسلم لكن يجي كانه بروحه ويدخل السياره غصب (معصي)

بالاخير
سق بحذر وتوقع اخطاء الاخرين

المشكلة ياخوي قبل كان الواحد ينتبه حق نفسه فالسواقة
الحين تنتبه لنفسك ولعشرة حولك
والله ماتلحق

[عـ العبيدلي]

انا زهقت من كثر ما اعصب فالشوارع فخلاص

خلك قد ما اقدر امشي في حالي وله علي من حد .. امشي بسرعة الشارع لو يجيني واحد يكبس مليون مره وماعندي مجال ما بوخر
ولو الي جدامي كبست له مره ومافتح اتجاوزه ..

وقد ما اقدر احاول اتفادا زحمة المواقف حتى لو اصف بعيد ..

يعني اطلع من البيت وحاول قد ما تقدر انك ما تعصب .. مع انه صعب .. بس لي متى فخلاص

الله كريم

[eXpert*]

المرور أصبح إدارة ضعيفة يخالف ويعاقب على إستحياء ..

[بذرة غلااا]

والله الصراحه الدوله ماقصرت بس الغلط من كلن هب ودب عطوه ليسن
شوفو البلادين طابور على التكاسي والباصات وعندنا من الي يركب فيهم الصراحه هذا هو الغلط

[Qt.1]

قد اسمعت لو ناديت حيا , ولكن لااحياة لمن تنادي !!

[بوخالد911]

اعتبارا من بكرة
بينتهي هالتخلف من سواقة وتجاوزات الوافدين

والبركة في النظام الجديد لرصد المخالفات
وهي تركيب كاميرات مراقبة تعمل ع مدار الساعة
لرصد أهم 3 مخالفات وهي :-
1/ التجاوز من اليمين
2/ تغيير المسار
3/ الوقوف بداخل الصندوق الأصفر


والله يقويهم إدارة المرور.

[.قطر.]

المشكلة ياخوي قبل كان الواحد ينتبه حق نفسه فالسواقة
الحين تنتبه لنفسك ولعشرة حولك
والله ماتلحق

ع الجرح والله :(

[Rider]

ياجماعة لو مايعطون المقمين رخصة سواقة لا بشروط وتكون صعبة علشان مب كل هب ودب يسوق هذا بيخليهم يستخدمون وسائل النقل المختلفة باصات تكاسي لموزينات وكذا بتخف الزحمة لكن الحين تتكلمون الوافدين صار عندهم اكثر من سيارة في البيت هو يسوق وزجته وعياله كل واحد سيارة ليش

[وحيد-الشوق]

والله يا مشاكل انا في الوكرة بيتي في نص المنطقة اذا بطلع مشوار قهوة او جمعية او غرض .... احسبها ستين حسبة وكأني داش كابول .

حفريات وباصات وامناحس ويهالوا بجيات استعراض وزحمة ووووووووو

كلنا قطر

كابول ههههههههههه عليك ردود ههههههه

بس والله صادق ودوار عبدالغني صار لايطاق مع الزحمه :(

[بوخميس]

ما فهمت مخالفة تغيير المسار.

يعني ايش؟ وايش علاقة تغيير المسار بالاشارات؟

[naklan]

ياخوي المشكلة ما راح تنحل للاسف ربعا يحسون انهم سوو الدوحة طوكيو
كلها 20 جسر بمخارجهم الضيقة دبي يمكن وصلوا الى 20 الف جسر حتى في البر جسور
وفي أماكن قليلة الاستخدام فيها جسور متكاملة يحترمون إنسانية الانسان وجسور مشاة والمرور
عندنا يبي يرقع فشل التخطيط بكيمرة ورادار ما ينفع عندنا تخطيط فاشل مع مرتبة الشرف
وللاسف الناس طفشوا من الزحمة بتكثر الحالات النفسية والامراض من العبط الي
عندنا الي يسمونه تخطيط البلد صارت خنقة غلا وزحام وحال واقف والله لو
تدش منطقة البزنس بي حول برج العرب انك تمسك راسك ابراج ومحلات
وبحيرات وجسور تضيع في المنطقة تبي تشتري محل فيه تبي
شقة فيه اشتغل وتمتع اما ربعنا ما عندهم تخطيط لمدن
جديدة تفك الضغط عن المدن القديمة ولا هو من كبر
شوارعهم علشان تمشي الزحام لذالك انسى
لا حياة لمن تنادي

[بانغ بانغ]

كابول ههههههههههه عليك ردود ههههههه

بس والله صادق ودوار عبدالغني صار لايطاق مع الزحمه :(

شكلك من الوكرة .... خلاص خل نتواعد انجمع حصى من ام الحول عشان المنحوتة هههه

اي والله اسكت زحمة لا تطاق اطلع من الساعه 6 بالتمام والكمال ويادوب اوصل 6:40

المشكلة لو صارت كارثة ... الوكرة مافيها الا مخرجين واحد ماغيره اللي ايودي الدوحة والثاني صوب الوكير وذاك ألعن ...

يعني اما انموت ميتة شرف او انتم في بيوتنا ....

لا ووزير البلدية الاسبق كان من الوكرة وشيوخ الوكير ما شاء الله مسئولين في البلد .....

كلنا قطر مرة ثانية

[بانغ بانغ]

مشاركة قد تفيد

http://www.qatarshares.com/vb/showthread.php?617350-%D5%CD%E5-%C7%E1%E4%C7%D3-%E5%ED-%C3%E5%E3-%E3%E4-%CC%E3%DA-%C7%E1%C3%E3%E6%C7%E1

[بانغ بانغ]

وصلني مقطع فيديو لدونالد ترامب يلقي كلمة ...

مدح البنية التحية في قطر والمواصلات والمطارات ... كان يتطرق للوضع في امريكا اثناء حملته الانتخابية وكان قاعد ايقارنا مع كم دولة بهم

مب عارف احط الفيديو

http://www.argaam.com/ar/article/articledetail/id/390464

مسكين ما جاء صوب ام غويلينة او جنوب برهوز بالوكرة كان ذكرنا بعد ...

عالعموم بسكم شكاوي وخلونا نستمتع بالبنية التحتية وشوارعنا