رائد العمل المصرفي في قطر وكله مشاكل

[مستثمر مبتدئ]

السلام عليكم ورحمة الله وبركاته

موضوعي اليوم عن المصرف من اول ماحدث السيستم وهو في مشاكل مرات يشتغل التطبيق ومرات لا وتلفونهم مشغول من الظهر وعندي تحويلات لازم اسويها مب قادر استخدم التطبيق ولا قادر أكلمهم

وشكرا

[بانغ بانغ]

للاسف البنوك الاسلامية اصبحت اكذوبة

[ضوى]

لا اكذوبه ولاشي ، البنوك الاسلامي ورائدها المصرف ، الاخطاء تصير بكل مكان والتحديث اكيد لصالح العملاء وان شاء يكون للاحسن ، لاتكرهون الناس بالمصارف الاسلاميه وتحدونهم عالشين

[بانغ بانغ]

طبعا تعاملاتي كلها مع الدولي وفقط مرتاح معهم في موضوع المرابحة يوم اشتري عقارات عن طريقهم اما كتعاملات يومية ... فاشلين

[توشيبا]

وعليكم السلام

انا اليوم تلعوزت معاهم بسبب التطبيق والسبب الثاني اشتري اغراض البطاقه ماتسحب اروح الصراف اسحب وارجع للمحل ادفع له كاش

[محمد2]

انا ان المصرف صارت تعاملاتهم سيئة لامن كول سنترهم اللي يخلونك ترن بالربع ساعة واكثر خاصة وانت خارج البلاد او في تعاملاتهم الشخصية ، للعلم ان حسابي عندهم من 28 سنة لكن مع الاسف يعرفونك الموظفين يمشون امورك واذا اقعد بالدور
وانا واحد عن نفسي خليت المصرف بس ينزل الراتب فيه واسحبه عالبنك الثاني معاملة وخدمة ، حتى وانا خارج الديرة مجرد اتصل فيهم يخلصون طلبي والحمدلله على كل حال

[معماري قطري]

شحادكم على العليمية .. انا احب ادخل مبتسم واطلع مبتسم ولاحم مع القديم والتراثي وللحين مرتاح

[جبر ال جبر]

امحق سستم عفسنا لايردون ع المكالمات وانا شخصيا تنضاف لي مبالغ ماعرف من وين يقولك ارباح اسهم زين اي شركه ابي اعرف يقولون ماندري !!! ولا يبين عندك اي شركه قبل نعرف من وين تنخصم الفلوس ومن وين تجي لا والعجيب الغريب لمن ينخصم منك مبلغ وانت قاعد ف البيت ماتعرف من وين تتصل ع الخط الساخن محد يرد والله اني فكرت اروح الوطني اليوم واسكر حسابي عندهم بس مشكله الوطني ربوي ولا بنفتح فيه
بس الحين اقدر اسحب من بطاقتي ف اليوم اكثر من 10000 ولا لا؟

[Tomford_qtr]

وغير الازدحام اللي عندهم تأخذ اكثر من ساعه لين يجي دورك

[بوخالد911]

ان شاء الله الأمور بتتعدل.

[R 7 A L]

اغلب موظفين البنوك الاسلامية توهم شباب صغار يحتاجون لخبرة

[بحري]

الصراحة المصرف لا تعليق...بالذات بعد التحديث الأخير للسستم

مسويين بلوك على الحسابات و البطايق لمدة أسبوع و أنا مسافر مع الشغل...
اتصلت فيهم ثلاث او اربع مرات و كل مرة نفس الرد "مانعرف شالمشكلة"
انزين من اللي يعرف؟!!!

اخر شي دبرت عمري ليين مارجعت الدوحة اتصلت و حولوني على قسم التحصيل، ردت علي موظفة تقولي انت شغال في مؤسسة حمد!! قلتلها لا انا وين و مؤسسة حمد وييين، قالت بس عيل بالغلط سكرنا حسابك عبالنا شغلك سوالك إنهاء خدمات...و الحين فتحنا حسابك و تقدر تستخدمه "بكل بساطة"

ياعااااالم، اسبوع كامل عشان تكتشفون انه في موظف غلط في رقم حسابي و سكره بالغلط

بالذمة هذي حالة...

[حمد بن سعد]

مسوين سستم جديد لازم الافلام الهنديه تصير

[رآعي موآجيب]

اغلب موظفين البنوك الاسلامية توهم شباب صغار يحتاجون لخبرة

هذا سنعهم وانا اخوك من ايام الموظفين شيبان وعجايز وهم افشل جهه مصرفيه في قطر

هذولا عميان ، مايشوفون باقي المصارف والبنوك !!

لكن الشرهه مهيب عليهم ، الشرهه على اللي مستحمل الزحمه وعدم الرد على الاستفسارات وتمغيطهم لأمور العميل ، تحسهم يمللونك :thumbdown:

[A-Alansari]

انا ماواجهت صراحه اي مشكله من بعد تحديث السستم حتى التحويلات وكل شي يشتغل عندي طبيعي

[المبرمج صلاح]

ان شاء الله انها مسالة وقت اي تحديث نظام بتحصل فيه هالامور ولكن بنك بهذا الحجم مفروض يتفادها باقل قدر ممكن
الحمد لله كل شي شغال عندي تمام التطبيق و البطاقات والفيزا النت والتحويلات كلها شغاله ولله للحمد

صحيح لاحظت الكول سنتر صار يتاخر كتيير ورسايلهم توصلني متاخر

[ya3coub]

انا ماري ليش مسوين مشكلة عالمصرف اول ما نزل ايفون 6S صار في ابديت للــــIos عفس برنامج مصرف الريان الأبليكيشن

و تمو لين ما سوو 4 اصدارات جديدة لين ما عدلوه و كانت المشكلة بالتحويلات


و ايضا الحين في عندهم خلل بسيط تصير بكل مكان

بس اتوقع العملاء فالمصرف كثار و أغلبهم اهني فالمنتدى هاي ليش الإنتقاد كبير و عدم الرضى بس ترا تصير بكل مكان

و قبل لما كنت فالدوحة ايضا نفس الشي

[bohilal191]

سؤال يسدح نفسه هل سيتم حل مشكلة معرفة الجهة اللي تحول لك على حسابك وهل بنعرف اذا وصل لنا مسج الجهة اللي اخصمت المبلغ لما نشتري شي

[بوحارب]

اول مره في حياتي اشوف كول سنتر مشغول !!!

قسم بالله بنك فاااااشل بمعنى الكلمة

وأول ماخلص المديونية طالع طالع بدون تردددددد

[JN000N]

امحق سستم عفسنا لايردون ع المكالمات وانا شخصيا تنضاف لي مبالغ ماعرف من وين يقولك ارباح اسهم زين اي شركه ابي اعرف يقولون ماندري !!! ولا يبين عندك اي شركه قبل نعرف من وين تنخصم الفلوس ومن وين تجي لا والعجيب الغريب لمن ينخصم منك مبلغ وانت قاعد ف البيت ماتعرف من وين تتصل ع الخط الساخن محد يرد والله اني فكرت اروح الوطني اليوم واسكر حسابي عندهم بس مشكله الوطني ربوي ولا بنفتح فيه
بس الحين اقدر اسحب من بطاقتي ف اليوم اكثر من 10000 ولا لا؟

هاي الصراع الي افكر فيه كل يوم
واقول اصبر واحتسب الاجر ولا اكون من اللي يدهل الربا بيوتهم وهم يضحكون :(
شسوي بعد غصبن عنا
ورفعو لمت السحب تقدر تسحب اكثر من 10
مع ان انا مازلت لين بغيت اسحب اكثر ما يعطيني ف اضطر اسحب من الفيزا وافك عمري

[JN000N]

الصراحة المصرف لا تعليق...بالذات بعد التحديث الأخير للسستم

مسويين بلوك على الحسابات و البطايق لمدة أسبوع و أنا مسافر مع الشغل...
اتصلت فيهم ثلاث او اربع مرات و كل مرة نفس الرد "مانعرف شالمشكلة"
انزين من اللي يعرف؟!!!

اخر شي دبرت عمري ليين مارجعت الدوحة اتصلت و حولوني على قسم التحصيل، ردت علي موظفة تقولي انت شغال في مؤسسة حمد!! قلتلها لا انا وين و مؤسسة حمد وييين، قالت بس عيل بالغلط سكرنا حسابك عبالنا شغلك سوالك إنهاء خدمات...و الحين فتحنا حسابك و تقدر تستخدمه "بكل بساطة"

ياعااااالم، اسبوع كامل عشان تكتشفون انه في موظف غلط في رقم حسابي و سكره بالغلط

بالذمة هذي حالة...


والله نفس المشكله صارت في كيو ان بي مع مديري ف الدوام
اول مره يكسر خاطري
متصلهم يبلغهم بعمليات سحب ف امريكا وهو فالدوحه
ساحبين 3000 دولار من حسابه
وسوو بلوك عالفيزا ويوم كلمهم قالوله اصلا انت مسوين حجز على حسابك وانت تم انهاء خدماتك واصلنا لخطار من دوامك ان مالك راتب عقب هالراتب وخلاص
من الخرعه فالليل متصل للمدير التنفيذي يساله والمدير يقوله مادري عن اي شي من انهى خدماتك؟
مارقد ليلتها وعليه راح لهم امس الصبح الساعه 7 ونص ف الاتش ار قالوله محد انهى خدماتك ولا ارسلنا اخطار للبنك ولا شي!
وراح البنك تواجه معاهم وقاله المدير اسمح لنا خطأ من الموظف ضغط عالزر الغلط وسكر حسابك!!

انا لو منه مستحيل اسكت الا وارفع عليهم قضيه اولها ضرر نفسي

[عبدالعزيز 9]

اليوم بطاقه المصرف ماسحبت في المحل اضطريت اطلع واسحب من المكينه ،،

[JN000N]

اول مره في حياتي اشوف كول سنتر مشغول !!!

قسم بالله بنك فاااااشل بمعنى الكلمة

وأول ماخلص المديونية طالع طالع بدون تردددددد

مشغول وعقب يطلع فشل الاتصال
كلمتهم على تويتر وخذو رقمي ع اساس بيتواصلون معاي
واكبر سيفون :happy:

[بوحارب]

مشغول وعقب يطلع فشل الاتصال
كلمتهم على تويتر وخذو رقمي ع اساس بيتواصلون معاي
واكبر سيفون :happy:

طلعي منهم وسحبي الملايين اللي عندج:looking:

بعد انتي مليونيرة ويقولون العقارات عندج في كل ديرة:no2:

[JN000N]

طلعي منهم وسحبي الملايين اللي عندج:looking:

بعد انتي مليونيرة ويقولون العقارات عندج في كل ديرة:no2:

وانا اقوووول شفيه الراتب مايمدينا اول الشهر الا الرصيد مكشوف
طلعت حاسدني يا عدو الغنى :happy:
بروحي فقرانه
يقولون السلف عندك من عشرين الف وطالع
عطونا من مال الله
انا ابي اخلص ديوني وبطلع
يمكن اسوي بنكي بروحي ف البيت
لا ربا ولا مذله

[بوخالد911]

اول مره في حياتي اشوف كول سنتر مشغول !!!

قسم بالله بنك فاااااشل بمعنى الكلمة

وأول ماخلص المديونية طالع طالع بدون تردددددد


جرررب تحول ع بنك بروة

الحمدلله مرتاح وياهم.

[بوحارب]

وانا اقوووول شفيه الراتب مايمدينا اول الشهر الا الرصيد مكشوف
طلعت حاسدني يا عدو الغنى :happy:
بروحي فقرانه
يقولون السلف عندك من عشرين الف وطالع
عطونا من مال الله
انا ابي اخلص ديوني وبطلع
يمكن اسوي بنكي بروحي ف البيت
لا ربا ولا مذله
هههههههههههههه

الله يزيدج


دَنَا غلباااااااان :(

وانا بعد اخلص ديوني وأقولهم بااااااي

بروه تايم مع بوخالد الخبل





جرررب تحول ع بنك بروة

الحمدلله مرتاح وياهم.

شكله جيه هههههه

[JN000N]

هههههههههههههه

الله يزيدج


دَنَا غلباااااااان :(

وانا بعد اخلص ديوني وأقولهم بااااااي

بروه تايم مع بوخالد الخبل



شكله جيه هههههه

زين عيل الوعد ف بروه :p

[bohilal191]

وهذا انتوا ماتصدقون ينفتح موضوع الا وقلبتوه شات المهم المصرف بدأ يعدل وضعه والحين كل خصم يجيني مكتوب فيه اسم المحل اللي شريت منه ولين أمس يطلع بس الخصم بدون الجهة،،،لو مب القرض اللي علي كان طلعت وشكله الباكستاني اللي امسكوه حسابه في المصرف ههههههههههههههههههههههه

[S.T.Y.L.E]

لولا ان الوحيد الاسلامي والا كان غيرت والله
انا عميل وعندي بطاقه تمييز عندهم ، ورايي فالخدمه

اماكن الفروع 10/10
الانتظار في الفرع 4/10 ( حاطين مكاتب مافيها حد ، والا متجمعين في مكان ومخلين العالم ينطرون )
التعامل مقارنه بالجهات الثانيه 6/10 ( الموظف ماله خلق يتكلم )
البدالة ، الرقم الرئيسي او حتى رقم خدمه التمييز 1/10 ( ياخذون دهر لين يردون ، وخاصه اذا الواحد مسافر ، والله مرات انسى ليش متصل )

[مرتبش]

هاي الصراع الي افكر فيه كل يوم
واقول اصبر واحتسب الاجر ولا اكون من اللي يدهل الربا بيوتهم وهم يضحكون :(
شسوي بعد غصبن عنا
ورفعو لمت السحب تقدر تسحب اكثر من 10
مع ان انا مازلت لين بغيت اسحب اكثر ما يعطيني ف اضطر اسحب من الفيزا وافك عمري

تركت الموضوع وباعلق على بس استخدام الفيزل للكاش.. تراهم مستفيدين وايد من الحركة ورسومها.. طبعا الافضل الكاش من بطاقة الخصم الديبت كارد.
زين..الحين تعليقي على الموضوع ككل
البنوك كلها لها مشاكلها .. من البنك الاقدم الى الرائد الى الحديث.. افضل شي فتح حسابين احتياطا للسفر ووقت الازمات محتاج كاش والبنك مايصرف اكثر من مبلغ معين وتحسبا للمفاجات

[العنيده]

التحويلات البنكيه يالمصرف متى بتصير ولا لازم اروح الفرع :rolleyes2:,, الله يعينكم على السستم الجديد

[معماري قطري]

للمستقبل بنك

[أبو~يوسف]

البنك اسمه اسلامي ، ولا فيه معنى الاسلام ولا روحه ، ما في مرة استقبلني موظف بأسلوب لبق ، كلهم مكشرين ، ما أدري ليش ، صرنا مثل الطرارين على ابوابهم .
غير الزحمة الشديدة ، ليش ما يواكبون التطور وازدياد عدد السكان .
المعاملات اللي تاخذ يومين ، عندهم تصير أسبوع .
عشرين سنة عميل معهم ، ولما خلصت آخر مديونية خليتهم من قرفهم .
هذا البنك أشبهه ببعض المطاوعة ، مقصر ثوبه ومطول لحيته ، لكن ما فيه روح الاسلام وأخلاق الاسلام (الدين المعاملة) (الدين المعاملة) (الدين المعاملة)