اسبوع في ميونخ نهايه هالشهر

[العملة النادرة]

السلام عليكم
بما ان الاطفال اجازه نهايه ثلاثه لمده اسبوعين جاتني فكره السفر وعندي كم استفسار لو احصل لهم جواب :

اولا بالنسبة للفندق لما احجز لان اول مره اخذ العيال معاي احط ان معاي اطفال واحد عمره 4 واحد 6 ولا عادي محد بكلمنا بالفندق لو جاجزه حجرة لشخصين ومعاي اطفال طبعا الفندق هو لوميرديان ميونخ او سوفتيل ميونخ .

ثانيا : بعد احداث باريس في اي مضايقات لنا كمسلمين .

ثالثا :بالنسبه لفيزا الشنغن عن طريق السفارة الالمانيه طبعا انا اخر مره طلعتها كانت في 2012 وكان الموضوع جدا سهل تذاكر وفندق وتامين وصور خلفيتها بيضه وعبينا استمارات وخلال اسبوع كانت الفيز جاهزه هل في اي تغيير في الموضوع من سنه 2012 والمكان كان في وكالة الرنج في السد .

اماكن للاطفال :
طبعا انا زرت ميونخ اكثر من مرة بس سياحه كبار بس من الاماكن الي افكر اودي العيال الحديقه الانجليزيه والاولمبية وحديقه الحيوانات في سالسبورغ وبحيره زل ام سي ويمكن اطلعهم قمه كابرون , بس ما اعرف اذا في محل العاب او حديقه حلوه تستاهل الزياره غير الي ذكرتهم او مجمع تجاري يبيع العاب يكون في منطقه ميونخ .

وشكرا ...

[غير البشر]

عليكم السلام ورحمه الله وبركاته

ياهلا ومرحبا فيك اخوي

ابشر راجع لك ان شاء الله
عشان اكتب لك بالتفصيل

[للصبر اخر]

ليش اخترت ميونخ بالذاات
يعني مادري احس ماتصلح لليهال وخاصه اعمارهم صغيره الله يحفظهم
ننتظر الخبير غير البشر ونشوف رايه

[العملة النادرة]

ياريت الاخ غير البشر يفيدنا

[ضوى]

ليش للصبر اخر ميونخ ماتنفع لليهال ، الا بالعكس تجنن وفيها وايد اماكن ، ليجولاند بروحها عجيبة

[للصبر اخر]

ضوى احسها المدينه كئيبه يعني الساعه 5 او 6 مافيها حياه كلش



هالموضوع ممكن يفيدك


http://www.qatarshares.com/vb/showthread.php?440624-استفسار-عن-ميونخ-والاماكن-السياحيه-فيها

[العملة النادرة]

انا بعد من عشاق ميونخ
مع ان اسمع ناس كثير تقول كئيبة ومالت علاج بس اشوفها اتجنن .

[غير البشر]

مرحبا اختي العمله النادره

بالنسبه للاجابه على استفساراتج :

اولا : غالبا يكلمونكم اذا معاكم شخص او طفل اضافي
اذا دخلتوه بدون مايشوفونهم الامور تمشي
واذا اكتشفوكم عادي بس راح يدفعونكم على الاطفال الاضافيين

بالنسبه لفندقي لو ميرديان وسوفتيل

اذا دخلتي على حجز فندق لوميرديان بتحصلين الغرفه لشخصين فقط
لكن مسموح لج تدخلين طفل واحد مجانا عمره اقل من 12 سنه
بشرط تستخدمين الاسره الموجوده بالغرفه
اما اطفل الثاني راح يسحبونه عليكم

بالنسبه لفندق سوفتيل
عادي احجزي الغرفه لشخصين واعيالج مجانا
ولج سرير اضافي لواحد من العيال
دخليهم معاكم محد راح يكلمكم


نصيحه لج اختي وللكل
اي مره راح تحجزين فندق بأي مكان لاتشوفين جزء الحجز فقط وانواع الغرف
انزلي تحت بصفحه الحجز واقري التعليمات
منها مواقف السيارات والانترنت والمرافقين
مرات تكون في مميزات محد يستفيد منها مثل توصيل من والى المطار في بعض الفنادق


بس بغيت اسألج حجزتي في سوفتيل قبل او لي ميرديان او لا !!


ثانيا :
بالنسبه للمضايقات بعد احداث باريس
لا مافي اي مضايقات ولله الحمد
يعني ناس كثيره اعرفهم من قريب راجعين من باريس وامورهم طيبه وهي الي صارت فيها الاحداث
فما بالج في دول اخرى مافي شي والامور طيبه ان شاء الله


ثالثا :
بالنسبه للفيزا نعم نفس الطريقه القديمه وبنفس المكان
في عماره الرنج جنب مستفشى السد
الطابق الثالث مكتب رقم 1
ويفضل اختي جوازاتكم تكون جديده يعني ماراح تنتهي قريب
عشان تاخذون 3 او 4 سنوات

رابعا :
بالنسبه للأشياء الي ذكرتيها ممتازه
وراح احط لج الاماكن بكل مكان راح تروحون له
بس اول شي بعطيج كذا مخطط لرحلتكم الي توافقين عليه ونثبته
راح اسوي لج الجدول بناء عليه

بالنسبه لمناطق الالعاب ممكن تخصصين لج يوم تطلعين من ميونخ الصبح تروحين
ملاهي سكاي لاين SKYLINE PARK تبعد عن ميونخ 80 كيلو
موقعهم
http://www.skylinepark.de/
خريطه الحديقه
http://www.skylinepark.de/pdf/sky_parkplan.jpg

وبعدها بنفس الطريق تروحون ليغو لاند

بالنسبه لمحلات والمجمعات راح اعطيج ان شاء الله من ظمن الجدول مثل مجمع زينتروم


قبل لانبدأ بالمخطط

قلتي الاجازه اسبوعين لكن ماقلتي مده سفرتكم كم !
واكيد بتستأجرون سياره صح او لا !
واذا كانت السفر على الخطوط القطريه خبريني عشان يضبط معاي المخطط الي بحطه لكم !!


تحياتي

[غير البشر]

لان اذا الاجازه بتاخذونها هناك يعني سفرتكم 10 ايام وفوق

ابغيكم تروحون كذا مكان
منها اوروبا بارك للأطفال
وبحيره هالشتات او وولف قانق وسانت جلجن وموندسي

ومنها الى بيرتساو او سيفيلد

ومنها الى قريه هايدي ومنتجع فالنسي
http://www.booking.com/hotel/ch/resort-walensee-appartements.ar.html

واخيرا فرايبورغ و اوروبا بارك والعوده للدوحه من شتوتغارت

[غير البشر]

مشكورين للصبر اخر وضوى على ارائكم

اختي للصبر الاذواق تختلف في ناس يرتاحون في منطقه عن منطقه
من جذي مرات نشوف العضو من رده نعرف اذا كان مرتاح للمكان
خلاص نعرف ان اختاره بقتناع

مثال قالت لج هي رايحه كذا مره
يعني ارتاحت للمكان وودها بكل مره تروح

بعطيج مثال في ضوى هههههههه
ضوى ادمنت وحبت شي اسمه تركيا
في ناس راجعين من قريب يقولون مادري شلون يحبون تركيا :omen2:

لاتخافين للصبر ماراح اجيب فندق كاليفورنيا تطمني ههههههههه

[حمد 2002]

غيروو شهر المالديف كم تكلف تقريبا ؟ :(

[حمد 2002]

سمعه انها غاليه بس مادري

[للصبر اخر]

مشكورين للصبر اخر وضوى على ارائكم

اختي للصبر الاذواق تختلف في ناس يرتاحون في منطقه عن منطقه
من جذي مرات نشوف العضو من رده نعرف اذا كان مرتاح للمكان
خلاص نعرف ان اختاره بقتناع

مثال قالت لج هي رايحه كذا مره
يعني ارتاحت للمكان وودها بكل مره تروح

بعطيج مثال في ضوى هههههههه
ضوى ادمنت وحبت شي اسمه تركيا
في ناس راجعين من قريب يقولون مادري شلون يحبون تركيا :omen2:

لاتخافين للصبر ماراح اجيب فندق كاليفورنيا تطمني ههههههههه

اخوي غير البشر
انا مره رحت بس زيورخ
اللي حبيته فيها محلات الايسكريم
على باستا وعلى بيتزا شي فنااااااااااااان
زيورخ نفسها مافيها شي بس لو هم بيطلعون بالمدن الخارجيه هذا كلام ثاني
انا التنقلات صعبه لي لوجود كبار سن معاي فاكتفي بمكان واحد بس
وبعدين شقصة كاليفورنيا معاك لك اسهم بالفندق وانا مادري :anger1:
فيه فندق في باريس عند مطعم دراجون بنفس جهة الوروييك جمبه على طول شكله حلوو

[غير البشر]

غيروو شهر المالديف كم تكلف تقريبا ؟ :(



ياهلا ومرحبا بوشهاب
اي المالديف تكلف وتفرق حسب السكن الي بتسكنه
يعني هناك اهم شي نوع السكن الي تبغيه او المنتجع

بس شهر راح تكلف السفره عليك صح

[غير البشر]

اخوي غير البشر
انا مره رحت بس زيورخ
اللي حبيته فيها محلات الايسكريم
على باستا وعلى بيتزا شي فنااااااااااااان
زيورخ نفسها مافيها شي بس لو هم بيطلعون بالمدن الخارجيه هذا كلام ثاني
انا التنقلات صعبه لي لوجود كبار سن معاي فاكتفي بمكان واحد بس
وبعدين شقصة كاليفورنيا معاك لك اسهم بالفندق وانا مادري :anger1:
فيه فندق في باريس عند مطعم دراجون بنفس جهة الوروييك جمبه على طول شكله حلوو


صح كلامج زيوريخ كلش مافيها شي غير شارع التسوق بانهوف واخر الشارع البحيره بس
انا ولا مره قعدت فيها اكثر من يومين

اي الله يعينج كبار سن معاج الله يعطيهم الصحه صعب التنقل كثير او اماكن بعيده وهم معاج
فا أنتي شتسوين دايما لاتختارين السكن في المناطق الي مافيها حركه
ودايما اسكني في المناطق الي جنبها قرى وارياف وبحيرات عشان تسهل توصلين لها

بالنسبه ليكاليفورنيا لا خلاص مب قايل ههههه

الفندق الي تقصدينه في باريس هو فندق لانكستر
سكنته مره وحده قبل سنتين حلو ونظيف بس الفندق صغيره من الداخل
والغرفه الي عطوني اياها حجمها حلو والحمام وانتي بكرامه نظيف وحجمه زين
بس اثاث الغرف عادي ومدخل الفندق بالليل يسكر الباب لازم تطقين الجرس ويفتحونه لج
ترا هو فندق 5 نجوم هههههه

بس كان الي يميزه صح خدمه موظفينه
الناس الي تشتغل في اللوبي قمه الاحترام والابتسامه

[العملة النادرة]

شكرا على ردك غير البشر بشوف الاماكن الي ذكرتها
خل احدد التواريخ بالضبط بس السفر من 8 لي 10 ايام فقط
كان يهمني رد الفندق والفيزا شكرا

[غير البشر]

العفوووو اختي

اي شوفي الاماكن وفكري وخططي واختاري الانسب لكم

وجدول الاماكن الاتحاتينه
من تقررين ان شاء الله راح ارتب لج كل شي بكل منطقه بتزورونها

الفيزا خلاص تمام

الفنادق نفس ماذكرت لج

لي ميرديان راح يدخلون طفل مجانا والثاني تدفعون له جزء من المبلغ

فندق سوفتيل
الطفلين مجانا
واحد منهم من حقكم سرير اضافي مجانا

بالتوفيق ان شاء الله

[ماجد البدر]

فيه في النمسا منجم الملح جدا جميل وروعه البحرية الي داخل المغاره فيها صفاء خيال وانعكاس المغاره داخلها خيال
وليست بعيده عن ميونخ

بنسبة الى الاطفال ممكن تاخذون شقق فندقية

سيتي للشقق الفندقية ميونيخ

http://www.booking.com/hotel/de/city-aparthotel.ar.html

وسط ميونخ قريبه على كل شي حتى المخبز العربي موجود قريب وسوبر ماركت عربي وتركي واالاماني مثل ماتعرف

[بوNasser]

مرحبا اختي العمله النادره

بالنسبه للاجابه على استفساراتج :
.
.
.

ثالثا :
بالنسبه للفيزا نعم نفس الطريقه القديمه وبنفس المكان
في عماره الرنج جنب مستفشى السد
الطابق الثالث مكتب رقم 1
ويفضل اختي جوازاتكم تكون جديده يعني ماراح تنتهي قريب
عشان تاخذون 3 او 4 سنوات
.
.
.
تحياتي

معليش بس احنا السنة اللي راحت (2015) خذنا الفيز الألمانية من الجيدة اسكوير ، عند مكتبة جرير ، ام غويلينه.

اعتقد انتقلوا من مدة من عمارة الرنج بشارع السد.

تحياتي لك وللجميع

[العملة النادرة]

اي صح كلامك في الجيده سكوير ..