المطعم المناوب الى هذا اليوم !!!!

[فريج النجادة]

أخواني واخواتي منتدى أسرتي واحبتي

السلام عليكم ورحمة الله وبركاتة

الموضوع

المطعم المناوب الى هذا اليوم !!!!

الموضوع وما فية يا الربع ان السايح اذا وصل الدوحة ينصدم!!!

الساعة 10 مسآ جميع المطاعم مسكرة

ونحتاج كل يوم مطعم يناوب

هل انتم معاي او لا

[غريب الدّار]

أخواني واخواتي منتدى أسرتي واحبتي

السلام عليكم ورحمة الله وبركاتة

الموضوع

المطعم المناوب الى هذا اليوم !!!!

الموضوع وما فية يا الربع ان السايح اذا وصل الدوحة ينصدم!!!

الساعة 10 مسآ جميع المطاعم مسكرة

ونحتاج كل يوم مطعم يناوب

هل انتم معاي او لا
وعليكم السلام

لا طبعا مب معاك اخوي

لو متثبت من المعلومة قبل لاتكتب موضوعك افضل

[فريج النجادة]

وعليكم السلام

لا طبعا مب معاك اخوي

لو متثبت من المعلومة قبل لاتكتب موضوعك افضل

هل عندك مطاعم تشتغل 24 ساعة

[غريب الدّار]

هل عندك مطاعم تشتغل 24 ساعة
هذا ماكان سؤالك الشيخ :)

وبعدين مب شرط اخوي
هالشي مايقلل من المكان يافريج النجادة
رحت لندن انت؟ شرايك في الوضع هناك؟

وبعدين انت كاتب :

الساعة 10 مسآ جميع المطاعم مسكرة

هالمعلومة خاطئة تماما

[A-Alansari]

هل عندك مطاعم تشتغل 24 ساعة

في مطاعم وجبات سريعه

مثل ماك وديري كوين والمعاصر اعتقد وايد منهم يفتحون لين 2 او 3

الا اذا تقصد مطاعم راقية للقعده ماظن بتلاقي

[حمد بن سعد]

مطعم حباري في معيذر مطعم السفير 24 ساعه فاتحين والكيما من الاخر :nice:

[فريج النجادة]

نعم نقصد مطاعم راقية للقعده مع الاسف لا يوجد

[بانغ بانغ]

الوكرة عندنا الربوة وغيره شغالين على طول

[حليتان*]

اهم شي وقت الشاي يفتح 24 ساعه
فرايديز ان ماخطيت يفتح 24 ساعه لان مره رحت له الساعه 3 فجر كان فاتح
ماكدونلظ 24 ساعه
ساب وي يفتح لين وقت متاخر اذا مب 24 ساعه
في مطاعم كثيره فاتحه لين وقت متاخر مطاعم سوق العلي
غير المعاصر الي فالفرجان اغلبها 24 ساعه او لين 1 وله 2 فليل بعدين السايح الي بيي الدوحه وين بيروح نصوص الليل !! خل يطلب من فندقه !

[فريج النجادة]

يا شباب نقصد الاماكن السياحية

[حليتان*]

يا شباب نقصد الاماكن السياحية

انا معاك في اماكن المفروض يتمون 24 او لين نص الليل
بس مب كل مكان لان التاجر ممكن اذا فتح 24 ساعه ربحه مابيكون نفس النهار خاصه فالوقت المتاخر يكون الطلب خفيف خاصه على المطاعم الفخمه والاماكن السياحيه والتاجر بيدفع رواتب عمال زياده وكهربه وماي غير الاشياء الاستهلاكيه الي عنده

[المحاميه]

اولا كلامك غلط مش كل المطاعم تسكر الساعه 10

ثانيا عندنا معاصر 24 ساعه الحمدلله

ثالثا عدال يالسايح ياللي مطاعكم تبند من 6 و 7

الا يحمدون ربهم

[sweet qatar]

من يومين تعشيت في سوق الوكره

طلعت من هناك تقريبا على 11 وكانوا في ناس توهم يطلبون

واعتقد مطاعم سوق واقف نفس الشي

وعندك مطاعم الفنادق و لؤلؤة الشرق أتوقع يسكرون 1

[qatari911]

وفراديز وابل بيز يسكرون على 3 الفجر

[ضوى]

لا جذي اوكي والسايح خله يرد بلاده يسهر فيها

[بونووف]

اتوقع اغلب المطاعم في اللولوه تسكر عال11 اذا مب 12 وفي مطاعم الفنادق ممكن نفس الوقت ..

بعد هالوقت مب وقت عشا خلاص يقزر حاله مع تصبيره لين اليوم الثاني ولا اغلب الفنادق عندها روم سيرفس 24 ساعه

[eXpert*]

عشاء عقب الساعة 10 بالليل ؟

قوطي روب وحبة خيار ،، ونام خفيف وأصحى خفيف :)

[Dana’1]

أغلب المطاعم تسكر11:30 يعني ماتستقبل أحد بعد عالوقت
وفيه بعض المطاعم24 أغلبها فاست فود

المطاعم مو مشكله اغلب الناس تاكل قبل 10

لكن الأسواقب الإحازات ودك تسكر 11:30-12

[وحيد-الشوق]

مقارنة باوروبا احنا احسن بوايد يارجل هناك بعض المطاعم تسكر يوم الاحد ومحلاتهم الايام العادية 6 تسكر !!!

مره تعبت وانا ادور على خبز :)

[R 7 A L]

مطعم حباري في معيذر مطعم السفير 24 ساعه فاتحين والكيما من الاخر :nice:
الله يهديك بس
لاتفتح عيون الغافلين ويسببون لنا زحمة
مابغينا على الله يروحون لمطاعم الكرك

[توشيبا]

حباري في معيذر جيته كم مره على الساعه ثلاث او اربع الفجر مسكر كنت اخبره يفتح طول اليوم

الاماكن السياحيه مثال سوق واقف فيه مطعم المغربي وعشيرج و على ماعتقد زيت وزعتر هذوله فاتحين عشرين اربع ساعه < لغه ميه ميه

[طبيب قطري]

معظم مطاعم الفنادق شغالين لين بعد نص الليل وايضا مطاعم الوجبات السريعه والهمبرجات

[بوخالد911]

اتفق مع الردود.

[عبدالعزيز 9]

يعني انت يوم تسافر وتوصل اخر الليل تتعشى في مطعم راقي؟؟

[عبدالعزيز 9]

الواحد يوصل منهد حيله يبي يرتاح اخر الليل مب يقعد يدور مطاعم راقيه

[بوحارب]

انتوا من صجكم الحين المعاصر
وماكدونالدز وربعه تسمونهم مطاعم !!؟

<<< طبعاً كرهتهم بعد ما شبعت منهم خخخخخ

السايح اذا وصل متأخر بيمشي حاله بأي شي
لين الصبح وعقب يضرب بالخمس على بوفيه الفندق #_#

[بصمة قطرية]

يطلب من الفندق و يوصله الأكل لين الغرفة ..

و بخصوص الدول الأوروبية
مطاعمهم تسكر من وقت
الفاست فود الوحيد اللي تحصله فاتح..

[غريب الدّار]

بعدين اخوي مافي شي اسمه مطعم مناوب !

[عثرة جواد]

الخيمة............. فينسيا .........

[كاشف الغطاء]

قطر حاليا مع أزمة الزحمة محتاجة جدول ليلي (نظيف) خصوصا للناس اللي تداوم شفتات
حتى يخف الضغط عن أوقات الذروة ولأن جونا مناسب في الليل أكثر خصوصا في الزحمة
وأظن تم تطبيق الفكرة في الرياض (ِشخصيا لو عندي مطعم فتحت في الليل لأن المطاعم الليلية مثل ماكدونالدز ووقت الشاي مزدحمة)

[محاسب طيار]

السلام عليكم ورحمه الله وبركاته اخوي اولا مطاعم راقيه مافي في كل الدول يمكن تقصد كوفي شوب راقي وقعده راقيه يفتح باليل

بلو فيج كافيه شارع سحيم بن حمد جنب ريد لوبستر قعده راقيه ويفتح لين الساعه الرابعه فجرا

الخيام كافيه

جافا يو كافيه