محتاج شركة سمعتها ممتازة لتشطيب البيت ؟؟

[وحيد-الشوق]

السلام عليكم

محتاج شركة لتشطيب البيت سباكة وتبليط وصبغ وجبس والخ وبشرط كل العماله من نفس الشركة والله زهقت من شغل الشوارع خلاص :(

[معماري قطري]

روح اتش كي اتش على طريق الوكرة فوق الدرويش ولا كونسيرف فوق بوكيه في السد ولا هندسة العمارة القطرية عندهم شركة وسط للمشاريع الصغيرة نسيت اسمها والله الحين دخلت معاهم شركة أمريكية .. ايه ييلز أند أندرو كونسترآكشن مقرهم فوق فوشون وعندهم مقر في الأبراج

هذي الشركات كلها فيها مدراء مشاريع وحاسبين كميات وشغلهم بروفيشنال وكلهم متعامل معاهم

غيرهم اللي سمعتهم زينة سريع الكعبي والمسند وتدمر وكلهم عندهم شركات فرعية لمواد البناء والردي مكس والعزل وغيره .. شركة المانع بعد قوية والبنعلي والأنصاري

حتى بعض الشركات الكبرى يجيها ركود جزئي وتبتلش في عمالها وتاخذ مشاريع صغيرة تمشي حالها بها .. ولد عمي كان موقع مع باكستاني عظم وتعب من بطء شغله ويبين أي كلام وبعد ما استهلك بنيانه 500 من عقد مليونين طرد الباكستاني بعد ما عطاه حقه وجاب مقاول كبير وكمل له ب 1.4 مليون يعني وفر 100000 وحصل مقاول سوبر قوي

لازم معاك مهندس يحدد شالشغل اللي ياخذونه المقاولين ذيلا ويكون اتفاق كامل ويشرف على العقد

[بن غيث]

موفق ان شاء الله ..

[معماري قطري]

موفق ان شاء الله ..

حي الله ولد بني تميم

شلونك؟ إنت بعد عندك كم شركة لتقصر في رفيجنا

يالله وحيد ما يبي يقول لك حاول تتفق معاه

[Qt.1]

صدقني ان جبت شركه تشطب لك بتضرب عليك ضربه محترمه , احسن شي ان كل واحد انت تجيبه بروحه والسالفه مهب صعبه لكن محتاجه مراكض وصبر ومتابعه والله يوفقك يارب وتخلص ,,

[معماري قطري]

صدقني ان جبت شركه تشطب لك بتضرب عليك ضربه محترمه , احسن شي ان كل واحد انت تجيبه بروحه والسالفه مهب صعبه لكن محتاجه مراكض وصبر ومتابعه والله يوفقك يارب وتخلص ,,

في حالة الاتفاق مب واضح أكيد لكن لو موضح ومحسوب بدقة والمقاول يسعر بند بند بيكون معقول وبيفتك من وجع الراس .. بس لازم شغلات هو يتفق عليها مثل الدرايش والبيبان والتكييف ويطلب تنسيقها مع مقاول التشطيب .. حتى المطابخ لازم ينسقها هو مع اللي بينفذها والمقاول حتى يكون تركيبها صح وتمديداتها صح وتشطيب البلاط والنقوشات والكورنيشات صح

[فريج النجادة]

صدقني ان جبت شركه تشطب لك بتضرب عليك ضربه محترمه , احسن شي ان كل واحد انت تجيبه بروحه والسالفه مهب صعبه لكن محتاجه مراكض وصبر ومتابعه والله يوفقك يارب وتخلص ,,

اضم صوتي الى صوتك

واشرد عن الشركات

[فريج النجادة]

واذا محتاج احد يساعدك في الموضوع كلمني على الخاص

بيجيب لك كل واحد بيخلص لك كل ما تريد بارخص الاسعار

[بن غيث]

حي الله ولد بني تميم

شلونك؟ إنت بعد عندك كم شركة لتقصر في رفيجنا

يالله وحيد ما يبي يقول لك حاول تتفق معاه

هلا ولد العم ..
اخونا "وحيد الشوق" يآمر .. اخو غالي

[معماري قطري]

هلا ولد العم ..
اخونا "وحيد الشوق" يآمر .. اخو غالي

المشكلة هو متردد وايد

انا في شغلة بسيطة اللي هي صبغ البيت بغيت اتفق مع صباغ وقلت باجيب شركة مختصة وحصلت شركة قوية وبإدارة أجنبية ( إيطالية ويونانية ) وصج مختصين .. بس جاوا وشافوا وقالوا الصبغ القديم ازالته صعبة ويبي شغل وما بيطلع عليك أقل من 90 ريال للمتر

و 90 في 1070 مساحة الواجهات واللي يشوفها بالعين ما ادري شلون بعضهم يقيسون بعينهم ويقولون لا هذي 1200 ويبون اتفاق كامل .. الشركة ذي الفاخرة قالوا احنا حدود شغلنا الصبغ وسو أي تعديلات تبي برا .. قلت في نفسي باسوي الشغلة هشكل مرتين .. تذكرت عيال فريجنا بتان وعندهم مقاولات وكانوا مسوين صيانة لبايب يسرب وبانيين لنا بناية تجارية وبنيانها زين ورخيص .. قلت لهم ابي كذا وكذا قالوا لي الصبغ بيكلفك 25 ويوم شيك وعرف اني ابي تكسجر وابي الطبقات كلها وازالة كاملة للصبغ قال 30 وباسوي لك أي تعديل خارجي

وقت الشغل طلع لي تعديلات واخفاء لبايبات ركبتها بسرعة وعمل تصريف لمكيف ( تصريف خارجي بسبب انسداد البايب داخل ) وفكرت في تركيب ليتات وجي ار سي والفورمن مسكين يرتب لي وبأرخص الأسعار .. وحمدت ربي اني اتفقت مع واحد عنده شمولية في كل شيء .. وسوى لي شغل حديد من أفضل ما يكون وكله معروض في أخطاء الصبغ ( موضوع الاخت سويت قطر )

لو كنت باجيب كل واحد وباتفق معاه صدقوني بانتف شعري ( الباقي ) لذلك دوم نصيحتي اتفقوا مع مقاول شامل وبمخططات صحيحة وواضحة .. بنيان لول ييب استاد وخطط له بالعصا على الأرض تطور استوى فيه مهندسين ودراسات وشركات وأتعاب .. أما تصيد من الشارع شيء ما انصح نفسي به ولا انصح غيري

[شموخ دائم]

,

,



مرحبا


اتفق مع اخوي معماري

شوف لك شركه زينه ولو سعرها شوي اغلى
بتريح نفسك من امور كثيره

الي يشطب بروحه معروفه المشاكل

عوار قلب وتعب مع العمال ومشاكلهم
واحد يبي تجيب له ماي وواحد يبي تجيب له مواد وواحد مايعرف يحسب
وواحد يواعدك وما يجيك
وبتروح تدور عليهم في ( سكنهم )
والي بيشتغل وبيتركك بنص الشغل وتلفونك كله ارقام ( سائق تريلا ) وبكستاني رمل وسائق تنكر وراعي اسمنت
هذا غير الي تتفق معاه يركب بطريقه معينه وبتجي تلاقيه فاهم شي غلط وينفذ شي غير

:)

نصيحه لله لا تدخل بهذا الدوامه

هذا الموضوع يصلح لناس وما يصلح لناس مو أي شخص يقدر يتعامل مع العمال و ( عيارتهم )

في الاخير الي يشطب بنفسه ( يرضي نفسه ) لانه وفر مبلغ معين
وفي الاخير ( التشطيب ) لك عليه والعمال الي اشتغلوا ( أي كلام ) ومشاكل التشطيب معروفه

توفر مبلغ مقابل ( سوء ) التشطيب
او تدفع اكثر وتاخذ شغل مرتب

هي هذه المعادله في البناء والمقاولات

اما البلاستر مو سيده مطبات
وتركيب السيراميك والبلاط الله بالخير لافيه ( ميول ) صح ولا فيه فنش ( راقي ) كله شغل خبط لزق

ودائما نقول المثل الشهير

( من استرخص اللحم خانت به المرقه )

:)

في التشطيب ( اتعب ) على الشركه الزينه والعامل الماهر
وليس على السعر الارخص

هذا مثل الرياضيات 1+1 = 2

وتحتاج مشرف جيد يراقب ( جوده ) العمل

,

,

[معماري قطري]

والله ريحت راسي يا اخوي شموخ وحصلت سعر زين وشامل كل شيء

بقى تنظيف بلاط أرضية الحوش وصيانته بشوية قراوت لأَن القديم تآكل شوي منه .. أمس جاني سوري يشتغل حجر ويسوي جلي للرخام وتم يشوف مثل الدكتور اللي بيعالج مريض .. وحوشي مب متوازن وفيه لفات وصعب يقيسه حد بسهولة .. هو قاسه بالنظر وقال لي عندك 400 متر والمتر بيكلفك 35 وباسوي شطف بالألماس والمكينة غالية وبتشوفه مثل الزجاج يلمع ومستوي سيدة ومضمون لمعانه ل 7 سنين

زين وكم الدفعة الأُولى قال نص القيمة .. قلت له تنزل السعر وتاخذ 10 % بافكر أكثر اعتبرنا ما اتفقنا .. قال مستحيل قلت توكل على الله عيل

اليوم جاء غيره وبيسوي تنظيف وتلميع قال اجمالي 7000 ولكامل المساحة وسوى لي عينة .. قلت 4000 توكل على الله .. السوري بيسوي أكثر على كلامه وهذا بلاط حوش ما يحتاج يكون مستوي 100% وهو حالياً مستوي حول 97% ولا تحس به الا تدقق بحاجة حادة ويحتاج تنظيف

لو ما تم الاتفاق ما عندي الا الحل الأخير السواقين بينظفون ومستعدين بس آخذ لهم المواد وباعطيهم مبلغ هم يستاهلونه

تنظيف ليتات البيت واعادة صبغهم قال المقاول بيسويهم .. قصدي للحديقة حتى القزاز يحتاج فك وتنظيف .. والحمد لله الشغل شبه منتهي باقي حق برا تريب دفان للزراعة وشوية صبغ لحديد الطبيلة كحماية وصبغ للباب ولو ملقط العمال بيجوني عمال علل ما اعرف عنهم شيء وهذا المقاول يجيب عمالة شاطرين في شغلهم ومتخصصين والحمد لله راضي كل الرضا بالشغل اللي صار

[Qatarianes]

حاليا الي يشتغلون في بيتي ديكور وبلاط وكهربا وماي وعازل ممتازينسعرهم تمام وتقدر تكاسرهم لقيتهم بعد فرفره وتجربه ومعرفه عن طريق شيبان لابغيتهم كلمني ،، متعاقد مع كل واحد بروحه ابرك لك واوفر لك

[بدوور]

حاليا الي يشتغلون في بيتي ديكور وبلاط وكهربا وماي وعازل ممتازينسعرهم تمام وتقدر تكاسرهم لقيتهم بعد فرفره وتجربه ومعرفه عن طريق شيبان لابغيتهم كلمني ،، متعاقد مع كل واحد بروحه ابرك لك واوفر لك

الله يوفقك وييسر امورك واذافيه امكانية طرش لى رقم الشرك لان عندى بيت يبغي تشطيب كامل

[معماري قطري]

اللي نشوفه من اخواننا اللي يبنون بطريقة يتصيد حق العمال عامل عامل وكل واحد يسوي له شغله ويخرب شغلات نعرف إن اللي يفيد أكثر المقاول الواحد .. لكن الشغلات الخاصة مثل الأبواب والألمنيوم أو اليو بي في سي هذي تبي شركات مختصة غير ولا تملك عمال يسوون صبغ وكهرباء وسيراميك .. الجبس بعد له ناس مختصين بس لازم ينحط شرط في عقد المقاول الرئيسي إنه يتعاون معاه

كذلك المصاعد اتفاقها خاص يكون