سبب اختيارك / ِ للاسم او النك نيم ؟

[غريب الدّار]

صبحكم الله بالخير

بدون الدخول في مقدمات :
شنو سبب اختيارك / ي للنك نيم ؟

يعني هل يعبر عن شخصية ؟ ام مجرد نك نيم وخلاص


ملاحظة : اذا كان الموضوع (حسب ماتشوفونه وتشوفه الإدارة مكانه الاستراحة فيرجى نقله )

[bohilal191]

بالنسبة للنك aldo7a السبب طال عمرك كنت مدير منتدى يحمل اسم aldo7a وبس والله

ويعطيك العافية

[بانغ بانغ]

بانغ بانغ تنقال في سياق الحديث عن بعض الاكشن bang bang فبالتالي من كذا مواضيعي فيها نوع من الضرب والصراحة ....

[تلفزيون قطر]

أما أنا سبب إختياري للنك تلفزيون قطر فهو بحكم شغلي في تلفزيون قطر فحبيت الشغل وحبيت أشارك بهذا النك .



وفالك التوفيق

[ya3coub]

اسمي يعقوب و قلت ادخل باسمي

[Rider]

اما بالنسبة لي واحد استغنى عن نكه وعطاني ايه

[لـبـيـه]

ياحبي لكلمة لبيه

[R 7 A L]

كنت متابع للمنتدى قبل لا اسجل فيه
ولما نويت اسجل تغيرت قوانين التسجيل وصار الايميل الرسمي مطلوب
وحوالت اطلع ايميل ماقدرت
المهمة قبل لا اسافر لامريكا بليله حصلت الايميل
وسافرت ثاني يوم لامريكا المهم نزلت في مطار واشنطن دي سي وشبكت على الواي فاي وانت انتظر رحلتي الثانية
وسجلت واخترت الاسم هذا ماطرى علي الا هو

[غايه الطواش]

لاني امووت على شي اسمه لولو وخاصه اللولو الطبيعي و الاسود ,ولكبار منه خاصه الدانه

مني جي سميت نفسي غايه الطواش لانه الدانه حلم حلم طواش , ومب اي لولوه

والبس لولو بشكل يومي واليوم لابسه لولوه سوده كبيره:)

[qrt_trading]

همممممم بالنسبة لي كنت ناوية أدخل في التجارة في المنتدى فإخترت هالأسم المفروض يكون qtr_trading بس خربطت وكتبتها qrt_trading

وبعدها غيرت رأيي بالنسبة للتجارة بس ما حبيت أغير الأسم

[Dana’1]

أنا مو في بالي ديور وكنت بسجل بكذا إسم من بينهم أسمي بس طلع مو متوفر
واخترت كذا اسم بعد غير متوفر فشفت ديور قدامي وطرأ علي وكتبته طلع حتى هو موجود لين ما وصلت للأسم الحالي^_^

[توشيبا]

بصمه وبعض الاعضاء اجبروني اخلي نكي السيد / توشيبا اطال الله في عمره

[بصمة قطرية]

بصمه وبعض الاعضاء اجبروني اخلي نكي السيد / توشيبا اطال الله في عمره

خخخخخخخخ
شكراً لأنك ما أنكرت هالشي :)

[بصمة قطرية]

أحب تكون لي بصمة في كل مكان
فإخترت :
بصمـة قطـرية ..
و عشان كل ما تبصمون تتذكروني :)

[.قطر.]

اختر هالنك لاني كنت ابي اسم وطني
كانت ف بالي عدة اسامي
مثلاً قطري وعقبها شي
او
قطر 2022
او
عكس قانونه

بس وقع الاختيار على هالنك
وكتبت قطر وطلع مستخدم
ف قلت الا ابي هاي
فكرت اشلون احط شي مع النك بس مايبين عدل
وحطيت نقطتين وحده ورا ووحده جدام
وطلع مثل ماتشوفونه الحين

وللقصه بقيه <<<<< لا لا اخرعكم بس :taunt:

[العقل المدمر]

زميلتي ايام الثنوية كانت تكتب قصة فيها عصابات وسوالف تخرع
وهالاسم كان من ضمن العصابة وكنت احب شخصيته وحبيت الاسم
يعني اسم فارس احلامي بالعربي :tease:

[غريب الدّار]

بالنسبة للنك aldo7a السبب طال عمرك كنت مدير منتدى يحمل اسم aldo7a وبس والله

ويعطيك العافية
الله يعافيك اخوي
واشكرك على المشاركة
عاد شصار في منتداك ذاك؟ وين راح؟

بانغ بانغ تنقال في سياق الحديث عن بعض الاكشن bang bang فبالتالي من كذا مواضيعي فيها نوع من الضرب والصراحة ....
ههههههههههههههه
انشهد
بعض مواضيعك لازم الواحد يشارك فيها بعجرة وانت الصادق يابانغ :nice:
ويامرحبا بك

أما أنا سبب إختياري للنك تلفزيون قطر فهو بحكم شغلي في تلفزيون قطر فحبيت الشغل وحبيت أشارك بهذا النك .



وفالك التوفيق
الله يوفقنا وياك اخوي
والله يوفقك في مجالك ونشوفك مدير التلفزيون ومنها للأعلى بعد

اسمي يعقوب و قلت ادخل باسمي
ونعم والله وسبع انعام
شرفت اخوي يعقوب

اما بالنسبة لي واحد استغنى عن نكه وعطاني ايه
بدون خلو ؟ :nice:
يامرحبا بك اخوي

ياحبي لكلمة لبيه
عاد مايندرى تحب تسمعها من منو اكثر شي :whistling:
ويامرحبا بك والله اخوي لبيه

كنت متابع للمنتدى قبل لا اسجل فيه
ولما نويت اسجل تغيرت قوانين التسجيل وصار الايميل الرسمي مطلوب
وحوالت اطلع ايميل ماقدرت
المهمة قبل لا اسافر لامريكا بليله حصلت الايميل
وسافرت ثاني يوم لامريكا المهم نزلت في مطار واشنطن دي سي وشبكت على الواي فاي وانت انتظر رحلتي الثانية
وسجلت واخترت الاسم هذا ماطرى علي الا هو
عاد انت يارحال والله توقعت انك تشارك في هالموضوع
لان اسمك يدل فعلا انك مختاره بناء على شي معين :nice:
اشكرك اخوي العزيز رحال على المشاركة ولا عدمت تواجدك الكريم

لاني امووت على شي اسمه لولو وخاصه اللولو الطبيعي و الاسود ,ولكبار منه خاصه الدانه

مني جي سميت نفسي غايه الطواش لانه الدانه حلم حلم طواش , ومب اي لولوه

والبس لولو بشكل يومي واليوم لابسه لولوه سوده كبيره:)
الله يبارك لج فيما عطاج اول شي :)
واشكرج على المشاركة اختي غاية الطواش
واحب اثنّي على كلامج : فعلا الدانة حلم كل طواش ، ولكل شرّاي بضاعة وسوقي :nice:

همممممم بالنسبة لي كنت ناوية أدخل في التجارة في المنتدى فإخترت هالأسم المفروض يكون qtr_trading بس خربطت وكتبتها qrt_trading

وبعدها غيرت رأيي بالنسبة للتجارة بس ما حبيت أغير الأسم
والله بصراحة اختي لما قريت كلامج اختي تمنيت انج اتواصلين في التجارة وماتوقفين
وان شاء الله نشوفج تاجرة كبيرة ولكل مجتهد نصيب

اشكرج على المشاركة اختي

أنا مو في بالي ديور وكنت بسجل بكذا إسم من بينهم أسمي بس طلع مو متوفر
واخترت كذا اسم بعد غير متوفر فشفت ديور قدامي وطرأ علي وكتبته طلع حتى هو موجود لين ما وصلت للأسم الحالي^_^
يامرحبا اوالله ديور
نورتي

بصمه وبعض الاعضاء اجبروني اخلي نكي السيد / توشيبا اطال الله في عمره
اجبروك؟ هم يعرفونك قبل لاتسجل؟ ولا انت طرحت تصويت قبل التسجيل؟ :nice::nice:
يامرحبا بك توشيبا

أحب تكون لي بصمة في كل مكان
فإخترت :
بصمـة قطـرية ..
و عشان كل ما تبصمون تتذكروني :)
مايحتاي يابصمة
بصمتج واضحة في المنتدى وان شاء الله انها بصمة إيجابية :nice:
بس بالنسبة للاماكان اللي مافيها بصمة : شلون بيتذكرونج ؟:nice:

اختر هالنك لاني كنت ابي اسم وطني
كانت ف بالي عدة اسامي
مثلاً قطري وعقبها شي
او
قطر 2022
او
عكس قانونه

بس وقع الاختيار على هالنك
وكتبت قطر وطلع مستخدم
ف قلت الا ابي هاي
فكرت اشلون احط شي مع النك بس مايبين عدل
وحطيت نقطتين وحده ورا ووحده جدام
وطلع مثل ماتشوفونه الحين

وللقصه بقيه <<<<< لا لا اخرعكم بس :taunt:
ههههههههههههههههههههههه
يازينه من اسم : قطر
يامرحبا ب اخوي

زميلتي ايام الثنوية كانت تكتب قصة فيها عصابات وسوالف تخرع
وهالاسم كان من ضمن العصابة وكنت احب شخصيته وحبيت الاسم
يعني اسم فارس احلامي بالعربي :

tease:
طلعتي راعية اكشن يالعقل المدمر :nice:

يامرحبا والله


بس هل هو :
العقل المدمِّر

ولا
العقل المدمَّر؟

عاد هذا فارس احلامج؟ شكلج اتدورين لج مجرم :nice:
الله يوفقج وتلاقين اللي تبينه وزود

[العفريت 2022]

انا عضو قديم جدا كانت لي مشاركات قطعت فتره وتحول التسجيل إيميل رسمي نسيت الباسورد تميت متابع سنوات بس فجاه حسّيت ابي أشارك جا على بالي العفريت 2022 يعني وليد اللحظه وشاركت في

��

[.قطر.]

ههههههههههههههههههههههه
يازينه من اسم : قطر
يامرحبا ب اخوي
مرحبتين من ذوقك :nice:

[نفسي عزيزه]

بصراحه ماتذكر ليش النك جذي

هاي نك رفيجي خذته منه

نكي كان بوعلي2

[بصمة قطرية]

اجبروك؟ هم يعرفونك قبل لاتسجل؟ ولا انت طرحت تصويت قبل التسجيل؟ :nice::nice:
يامرحبا بك توشيبا


كان نكه hp
وانا غيرته لـ توشيبا :) :nice:
صح يا سيمنز :tease:

مايحتاي يابصمة
بصمتج واضحة في المنتدى وان شاء الله انها بصمة إيجابية :nice:
بس بالنسبة للاماكان اللي مافيها بصمة : شلون بيتذكرونج ؟:nice:



فيها صيدلية خخخخخخخ :nice:
حتى إسأل العقل المدمر .. :nice:

[العلياا]

نك نيم رفيحتي والاكاونت لها وانا استخدمته عقب ماتركت
لكن ما انكر حبي لاسم العلياا

[بوخالد911]

بوخالد. اسم ولدي
911 كنتُ مولعاً ومغرماً ببرنامج rescue 911
وحياكم الله.

[حمد 2002]

انا عندي 60 أسم مشارك به ..

والرئيس والي أتعرفونه حمد 2002 ..

[العقل المدمر]

فيها صيدلية خخخخخخخ :nice:
حتى إسأل العقل المدمر .. :nice:

انا اشهد :shy:

[حمد 2002]

:playball::rolleyes:

[.قطر.]

انا عندي 60 أسم مشارك به ..

والرئيس والي أتعرفونه حمد 2002 ..
بك :eek5:

[بانغ بانغ]

انزين غريب .... وانت ؟

[بوخالد911]

انا عندي 60 أسم مشارك به ..

والرئيس والي أتعرفونه حمد 2002 ..

عيل انت مخالف لقوانين المنتدى العظيم.

[بانغ بانغ]

عيل انت مخالف لقوانين المنتدى العظيم.

ترى عادي يطلع هو بانغ بانغ بعد

[بوخالد911]

ترى عادي يطلع هو بانغ بانغ بعد

خيراً رأيت !!!!!!!!!!

[aziz4z]

سبب اختيار aziz4z , عندي هالاسم من 2001 , هو جزء من اسمي , عبد العزيز :)

[المبرمج صلاح]

بالنسبة لي كان اسم الاول هو المحترف لان الحمد لله باعتراف الاغلبية محترف في شغلي
وكنت طبعا داخل اسجل المنتدي في السوق فقط بحكم اشهر نفسي في عالم التجارة واكون عملاء لاني كنت جديد في قطر يومها
ويومها وقعت في حب المنتدى صرت اشارك في الاقسام الاخرى اكثر من السوق هههههه وحتى اليوم ادخل المنتدى اكثر من مرة
والحمد لله 60 % من عملائي من الاسهم القطرية وتعرفت عالناس من الاعضاء وزرت مجالسهم والنعم فيهم قمة الاخلاق
وبعد ما انشهرت اعمالي خاصة عند اخواني القطريين كل ما يتصلون علي يقولون لي انت المحترف ولا المبرمج صلاح
وانت اللي بتشارك في الاسهم القطرية ولا غير كانت الاجابة ببساطة ( هو بعينه و شحمه ولحمه )

حصل لبس عندهم لاني بشارك باسم المحترف وبره عرفوني بــ المبرمج صلاح وكل اتصال لازم اضيع 5 دقايق من المحادثة في هالموضوع

فكلمت الادارة مشكورين وغيرو لي الاسم ومن يومها معاكم اخوكم المبرمج صلاح

[حليتان*]

تكي لغز الي يحله له هديه غير جنون والحياه ونفسي عزيزه

[بصمة قطرية]

تكي لغز الي يحله له هديه غير جنون والحياه ونفسي عزيزه

a = أنا ..
m = مامني ..
a = أي ..
f = فايدة ..
535 .. بداية رقم جوالك .. :tease:


شخبارك أماف .. :secret: :shy:

[.قطر.]

تكي لغز الي يحله له هديه غير جنون والحياه ونفسي عزيزه

شنو الهديه ؟
عشان اعرف اذا تستاهل اتعب نفسي ولا لا :secret:

[العقل المدمر]

a = أنا ..
m = مامني ..
a = أي ..
f = فايدة ..
535 .. بداية رقم جوالك .. :tease:


شخبارك أماف .. :secret: :shy:

انتي فناااااااااانة :eek5::app::app::app:

[العقل المدمر]

تكي لغز الي يحله له هديه غير جنون والحياه ونفسي عزيزه

a = انا
m = ما
a = انفع
f = فشي

535 اول ارقام من سيارتك

ابد ماقلدت حد اجتهادي الشخصي :(

[بصمة قطرية]

انتي فناااااااااانة :eek5::app::app::app:



a = انا
m = ما
a = انفع
f = فشي

535 اول ارقام من سيارتك

ابد ماقلدت حد اجتهادي الشخصي :(

خخخخخخخخخ



:funny::funny::funny::funny::funny:

بيذبحنا أماف .. :tease:

[حليتان*]

a = أنا ..
m = مامني ..
a = أي ..
f = فايدة ..
535 .. بداية رقم جوالك .. :tease:


شخبارك أماف .. :secret: :shy:
غلط غلط

ها كلمتي مامنك فايده ههههههه

[حليتان*]

شنو الهديه ؟
عشان اعرف اذا تستاهل اتعب نفسي ولا لا :secret:

هديه قيمه جدا جدا جدا

[حليتان*]

a = انا
m = ما
a = انفع
f = فشي

535 اول ارقام من سيارتك

ابد ماقلدت حد اجتهادي الشخصي :(

بعد غلط


بس انتي وبصمه في شي من الصحه

[.قطر.]

هديه قيمه جدا جدا جدا

وين اجاوب ع السؤال ؟ :secret:
خل اشوف شنهي الهديه القيمه جدا جدا جدا :omen2:

[حليتان*]

خخخخخخخخخ



:funny::funny::funny::funny::funny:

بيذبحنا أماف .. :tease:

للتقريب

http://i.imgur.com/9D2XiJ5.jpg

[حليتان*]

وين اجاوب ع السؤال ؟ :secret:
خل اشوف شنهي الهديه القيمه جدا جدا جدا :omen2:

اميال القطريه بعد شتبي

[النهار]

تكي لغز الي يحله له هديه غير جنون والحياه ونفسي عزيزه

ههههههههههههههههههه

انت كنت تبي تكتب امال بالغلط حرف لام صارت f
535 رقم لوحة الموتر 53xx5
صح
هات الجائزه :shy:

[.قطر.]

اميال القطريه بعد شتبي
تمام
ماقلت لي وين اجاوب :omen2:

[حليتان*]

ههههههههههههههههههه

انت كنت تبي تكتب امال بالغلط حرف لام صارت f
535 رقم لوحة الموتر 53xx5
صح
هات الجائزه :shy:

هههههههههه غلط وبقوه

وحطيت لك صورة الرقم بكبره وبعد تغلط
والرقم الي ع موتري الحين مافيه 3 بس استنتاجك حلو خليت الناس يفكرون هههههههه


وابشرك ترا جنون مادرت الا من كم يوم شمعنى نكي وقالت للحياه ههههههههه ونفسي عزيزه اظن قلت له من قبل بس مادري اذا يذكر او لا

[حليتان*]

تمام
ماقلت لي وين اجاوب :omen2:

المكان الي ودك

[العقل المدمر]

a = انا
m = ما
a = احب
f = فاطمة

والارقام اخر ارقام جوال فاطمة النشبة :(

[حليتان*]

بعد غلط

[<اضرب واشرد>]

بعد غلط

amaf اختصار اسمك (أحمد ....)

[غريب الدّار]

انا عضو قديم جدا كانت لي مشاركات قطعت فتره وتحول التسجيل إيميل رسمي نسيت الباسورد تميت متابع سنوات بس فجاه حسّيت ابي أشارك جا على بالي العفريت 2022 يعني وليد اللحظه وشاركت في

💐
حيا الله العفريت :vampire:

بصراحه ماتذكر ليش النك جذي

هاي نك رفيجي خذته منه

نكي كان بوعلي2
ياحياك الله اخوي نفسي عزيزة
وان شاء الله نفسك عزيزة دوم

فيها صيدلية خخخخخخخ :nice:
حتى إسأل العقل المدمر .. :nice:
السالفة فيها صيدليات :)

نك نيم رفيحتي والاكاونت لها وانا استخدمته عقب ماتركت
لكن ما انكر حبي لاسم العلياا
والنعم يالعليا
حلو الاسم والله :nice:

بوخالد. اسم ولدي
911 كنتُ مولعاً ومغرماً ببرنامج rescue 911
وحياكم الله.
الله يخليلك إياه يابو خالد

انا عندي 60 أسم مشارك به ..

والرئيس والي أتعرفونه حمد 2002 ..
متأكد بس 60؟ :omen2:

انزين غريب .... وانت ؟
احم

لحظة لحظة :
بانغ انت ماجاوبت شلون تسأل؟ :)

سبب اختيار aziz4z , عندي هالاسم من 2001 , هو جزء من اسمي , عبد العزيز :)
والنعم يابو سعود

بالنسبة لي كان اسم الاول هو المحترف لان الحمد لله باعتراف الاغلبية محترف في شغلي
وكنت طبعا داخل اسجل المنتدي في السوق فقط بحكم اشهر نفسي في عالم التجارة واكون عملاء لاني كنت جديد في قطر يومها
ويومها وقعت في حب المنتدى صرت اشارك في الاقسام الاخرى اكثر من السوق هههههه وحتى اليوم ادخل المنتدى اكثر من مرة
والحمد لله 60 % من عملائي من الاسهم القطرية وتعرفت عالناس من الاعضاء وزرت مجالسهم والنعم فيهم قمة الاخلاق
وبعد ما انشهرت اعمالي خاصة عند اخواني القطريين كل ما يتصلون علي يقولون لي انت المحترف ولا المبرمج صلاح
وانت اللي بتشارك في الاسهم القطرية ولا غير كانت الاجابة ببساطة ( هو بعينه و شحمه ولحمه )

حصل لبس عندهم لاني بشارك باسم المحترف وبره عرفوني بــ المبرمج صلاح وكل اتصال لازم اضيع 5 دقايق من المحادثة في هالموضوع

فكلمت الادارة مشكورين وغيرو لي الاسم ومن يومها معاكم اخوكم المبرمج صلاح
محترف ياحج صلاح حتى بدون النك :nice:

تكي لغز الي يحله له هديه غير جنون والحياه ونفسي عزيزه
كاتب تكي الله يقطع شيطانك
الظاهر متعشي تكا ومشارك :nice:

a = أنا ..
m = مامني ..
a = أي ..
f = فايدة ..
535 .. بداية رقم جوالك .. :tease:


شخبارك أماف .. :secret: :shy:
:nice:


a = انا
m = ما
a = انفع
f = فشي

535 اول ارقام من سيارتك

ابد ماقلدت حد اجتهادي الشخصي :(
اجتهاد شخصي بحت
لا مبين عدل :nice:

بعد غلط


بس انتي وبصمه في شي من الصحه
؟ فيهم شي من لصحة ؟
الله يقطع ابليسك هم الثنتين متفقين ان مامنك فايدة :rolleyes2:

a = انا
m = ما
a = احب
f = فاطمة

والارقام اخر ارقام جوال فاطمة النشبة :(
عاد شوفي فاطمة شمسوية له :nice:

amaf اختصار اسمك (أحمد ....)
وانت يااضرب واشرد ماجاوبت :)

[@north_star@]

احب تلألؤ النجوم وخاصة النجم الشمالي الساطع

[الحياة الخالدة]

كان اسمي الحياة صعبة .. اخترت الاسم لأن كنت اعرف وحدة الله يذكرها بالخير كان دمها خفيف بس الدنيا ملتهتها
و دوم تقول الحياة صعبة .. فحبيت الاسم لأنه يعبر عن الواقع

لكني غيرته بطلب من أكثر من شخص
واقترح علي احد الاعضاء هالاسم .. قلت له شورتك و هداية الله

وبس والله
خلصت قصة حياتي

[عاشق العديد]

من حبي للمكان .. وشد تعلقي بهي .. احلا شي بهي

[<اضرب واشرد>]

وانت يااضرب واشرد ماجاوبت

حتى أنت ماجاوبت؟
نكي واضح .. له علاقة بالبورصة
بس ملاحظة:
بعض الأسماء سلبية، وأسماء المنتديات تترسخ في الواحد وتنعكس عليه،
(العقل المدمر) خليه (المعمر) ؟
واللي اسمه (صرخة ندم) و (العفريت2022) !!

حتى نكي فيه سلبية

[بانغ بانغ]

غريب رديت عليك في اول الصفحة

يالله جاوب وقولنا ليش غريب هههه

[العقل المدمر]

حتى أنت ماجاوبت؟
نكي واضح .. له علاقة بالبورصة
بس ملاحظة:
بعض الأسماء سلبية، وأسماء المنتديات تترسخ في الواحد وتنعكس عليه،
(العقل المدمر) خليه (المعمر) ؟
واللي اسمه (صرخة ندم) و (العفريت2022) !!

حتى نكي فيه سلبية

بالعكس نكاتنا فكاهية اكثر من انها سلبية
مع اني من سجلت فالمنتدى وانا احس الناس هني كلهم جادين ويخوفون
بس كسرت الروتين وقلت اتم على اسمي المينون مال المراهقة :vampire:

[.قطر.]

المكان الي ودك

اووووه تعال ماعندي بطاقة اميال <<<< مش لي كنت مفهي خبرك قبل النوم يعني :omen2:

[بانغ بانغ]

كان اسمي الحياة صعبة .. اخترت الاسم لأن كنت اعرف وحدة الله يذكرها بالخير كان دمها خفيف بس الدنيا ملتهتها
و دوم تقول الحياة صعبة .. فحبيت الاسم لأنه يعبر عن الواقع

لكني غيرته بطلب من أكثر من شخص
واقترح علي احد الاعضاء هالاسم .. قلت له شورتك و هداية الله

وبس والله
خلصت قصة حياتي

الله يرزقك الحياة الخالدة في الجنة وايانا

[عثرة جواد]

و سمات الخيل إجمالا
_ الذكاء وحبَ التعلم .
_ الوفاء والولاء لصاحبه والتضحية في سبيله .
_ الاختيال في المشية مَما يزيد جمالاً .
_ الخيلاء ، والاعتزاز بالنفس

((والعثرة لين تكون ف الخيل يخفيها ويمشي بخيلاء ))


قليل من التواااضع ههههههههههه

[الحياة الخالدة]

الله يرزقك الحياة الخالدة في الجنة وايانا

أجمعين ،، و كل من يعز علينا
جزاك الله خير