المساعد الشخصي الرقمي

مشاهدة النسخة كاملة : أطالب بمنع التأمين الصحي عن الأجانب


حمد 2002
02-03-2016, 08:35 PM
أطالب وبصريح العبارة منع التأمين الصحي عن الأجانب ..

أثناء زيارتي لإحدى المراكز الطبيه الخاصه دفعت مئات من الريالات للعلاج واذا بجانبي عند الرسبشن فلبيني لم يدفع ولا فلس لأنه عنده تأمين من شركته! ! ..


ليش المواطن يتحمل أخطاء وتجارب غلط وعدم اداره صحيحه للتأمين ويتم شطب التأمين الصحي عنه وبعض الأجانب للحين ايتعالجون بالتأمين !! ..

إذا كان هالموضوع في إساءة لأحد أطالب بحذفه فورا من قبل إدارة المنتدى .. لأنه يمكن التعبير خانني من القهر إلي جفته ..


وسلامتكم. .
Dana’1
02-03-2016, 08:56 PM
الفلبيني غالبا بشركه خاصه او بتروليه وغالبية هالجهات توفر تأمين لموظفينها سواء قطري أو أجنبي

ما أظن تقدر تمنعهم طالما شركه خاصه او شبه خاصه
بن مسلم
02-03-2016, 09:02 PM
عدد القطرين مايطوفون ظ£ظ*ظ* الف مع ذلك قاعدين يدفعون عكس الأجانب عايشن عيشة الملوك سكن وكهربا بلاش وتأمين صحي طبعا غير رواتبهم والفرص الامحدودة في مجال العمل عكس القطري
داعم طوفه
02-03-2016, 09:10 PM
عين عذاري تسقي البعيد وتخلي القريب
Rider
02-03-2016, 09:27 PM
تعبانا من الوافدين
JN000N
02-03-2016, 10:30 PM
واااااو
حمد كاتب الموضوع
وين الي كان ضد ان انكون ضد الاجانب
ها رفيق :sneaky:
دايموند
02-03-2016, 10:34 PM
بديت تحس فينا؟ قبل كنت تقول عنصريه ومادري شنو

يلاا اكلها
R 7 A L
02-03-2016, 10:37 PM
روح اشتغل في شركة بتحصل تأمين صحي
(بوطلال)
02-03-2016, 10:53 PM
طالب بالتأمين لك ولكل مواطن بدال ماطالب بمنعه عن الاجنبي .
معماري قطري
02-03-2016, 11:54 PM
الرجال ينسون شيكتب حمد والنساء يتذكرون ويحاسبونه
JN000N
02-03-2016, 11:55 PM
الرجال ينسون شيكتب حمد والنساء يتذكرون ويحاسبونه

لا حشا ما نحاسبه
لكن طالبنا قبله ووقف ضدنا
بوخالد911
03-03-2016, 12:20 AM
اتفق مع صاحب الموضوع.
بصمة قطرية
03-03-2016, 12:58 AM
تذكرت يوم طالبت يخلون قسم في طواري حمد للقطريات
أسوة بقسم القطريين في طواري حمد ..
طاحوا فيني و قالوا عنصرية و حرام عليج ..!!!
تبهدلت الأيام اللي فاتت مع المستشفيات الخاصة
و كل يوم فاتورة بالمبلغ الفلاني ..
لين إضطريت أروح طواري حمد
و كنت القطرية الوحيدة اللي تنتظر و حالتي ما كانت بسيطة
كنت على كرسي و مش قادرة أتتفس
عادي نطروني ساعه
بعد ما دخلت تميت لين ثاني يوم على الأكسجين
و أبر مسكنات منها مورفين ..
تكلمنا في أكثر من موضوع
قالوا عنصرية
أرجع و أطالب من خلال هالمضوع إن طواري حمد
تخلي قسم للقطريات
واللي يحتج يعشق الراحة ..
ليش الرجال لهم قسم خاص و يخلصون في دقايق
و إحنا ننتظر ساعات ..!!!!!

حمد الأجاني اللي عندهم تأمين تبع أشغالهم
و هاي حقهم ما نقدر نطالب بوقف التأمين ..
اللي يعور القلب بعد ما كان القطري مدلل و كل شي مدفوع له
صار يدفع لكل شي ..
قهرتني موظفة الاستقبال في مستشفى خاص
يوم قالت لي تعرفين كم بتدفعين
قلت لها مب لازم اعرف و مابي اعرف
بدفع لين دخلت و خلصت .
السيف5
03-03-2016, 03:09 AM
ماوهقنا الا تخبط الهيئة العامة للصحة

واسناد التأمين لغير اهلها

الله المستعان
ثابت
03-03-2016, 06:15 AM
واااااو
حمد كاتب الموضوع
وين الي كان ضد ان انكون ضد الاجانب
ها رفيق :sneaky:



بديت تحس فينا؟ قبل كنت تقول عنصريه ومادري شنو

يلاا اكلها


سبحان الله الدنيا دوارة
<اضرب واشرد>
03-03-2016, 06:30 AM
سبحان الله الدنيا دوارة

:rolleyes2:
aziz4z
03-03-2016, 06:31 AM
أعتقد هاي قانون من الدولة أنه الشركات الخاصة توفر التأمين لعمالها
بعيد النظر
03-03-2016, 06:33 AM
الحين بغض النظر عن الجنسية !
الريال موقع على عقد عمل .. فيه حقوق ..
ومنها التامين الصحي ؟


يكنسلونه على أي أساس ؟
هاي حق من حقووقه ومحد يقدر يطالب انه يتوقف !


طالب بالتامين الصحي لك وللقطرين .. اقولك تمام معاك حق ..
طالب بمستشفى خاص بس للقطرين واقولك تستاهل ..


اما انك تحرم واحد من حق له .. بس لان وظيفتك ما توفرها ..
فـ هاي شي مش منطقي !
شيخ الديرة
03-03-2016, 07:04 AM
ليش المواطن يتحمل أخطاء وتجارب غلط وعدم اداره صحيحه للتأمين ويتم شطب التأمين الصحي عنه وبعض الأجانب للحين ايتعالجون بالتأمين !! ..


لا أعتقد هي منافسة, والدليل انه لو منعوا التأمين عن هذا الفليبيني فأن ذلك لا يؤدي الى تزويدك انت بالتأمين.

موضوع لا يزيد للمنتدى أي قيمة, عدا زيادة المشاهدات.
حمد بن سعد
03-03-2016, 07:06 AM
كل جهة لها مميزات للوظيفه توفره للموظف كان اجنبي او غيره علاج او دراسه .

لاكن ربعنا

كله

بووووووووووووووووووووووووووووووووووووووووووووووووو وووووووووووووووق

ولا حد يحاسبهم

فقط اذهب للمنزل

ونتهى على كذا
A-Alansari
03-03-2016, 07:20 AM
انزين شركتة موفرة له تأمين انت ليش زعلان

طالب جهه عملك توفرلك تأمين مب يشيلون منه هو التأمين

يعني اذا انت ماعندك تأمين حرام هو يكون عنده تأمين ولا شنو؟

واذا كان هو يشتغل بنفس مكان شغلك وهو عنده تأمين وانت ماعندك بعدين تعال اشتكي
حمد 2002
03-03-2016, 07:39 AM
الفلبيني غالبا بشركه خاصه او بتروليه وغالبية هالجهات توفر تأمين لموظفينها سواء قطري أو أجنبي

ما أظن تقدر تمنعهم طالما شركه خاصه او شبه خاصه

في ظل انخفاض البترول ، والاوضاع الاقتصاديه بالعالم المفروض ايكون هناك المزيد من التقشف لتوفير المال ، وانا ارى انه من الافضل الابقاء على تامين القطرين بالجهات البتروليه والخاصه وماشابه وشطب تامين الاجانب . ولا اظن انه سيترك عمله بسبه تأمين صحي . وحتى لو ترك فغيره الف على قائمه الانتظار يتمنى نفس الوظيفه والراتب .
durra
03-03-2016, 08:04 AM
اوافقك الطرح..
لو الاجنبي يدفع ضرائب للدولة، ساعتها من حقه يكون له تأمين..
اما كل شي بلوشي..
فهذه سابقة بكل دول العالم.. حتى رؤساء الغرب يدفعون ضرائب مقابل التأمين الصحي..
عاشق العديد
03-03-2016, 08:27 AM
سلام عليكم ..

الشركات البتروليه والخاصه غصبن عنها توفر للموظف تامين صحي للقطري والاجنبي كلهم سواسيه فالشركات الخاصه ..

فعشان كذا مفروض الي عندهم تامين صحي مش مسموح لهم يجون مستشفيات الحكوميه ولا يحق لهم استخدامها ..

وللعلم مستحيل يجي رسبشن ومايدفع أي تامين صحي لازم تدفع عليه 50 ريال رسوم ..

وبس والله انت روح ادفع مئات الريالات ..
Riku3
03-03-2016, 08:49 AM
الحين بغض النظر عن الجنسية !
الريال موقع على عقد عمل .. فيه حقوق ..
ومنها التامين الصحي ؟


يكنسلونه على أي أساس ؟
هاي حق من حقووقه ومحد يقدر يطالب انه يتوقف !


طالب بالتامين الصحي لك وللقطرين .. اقولك تمام معاك حق ..
طالب بمستشفى خاص بس للقطرين واقولك تستاهل ..


اما انك تحرم واحد من حق له .. بس لان وظيفتك ما توفرها ..
فـ هاي شي مش منطقي !
نفس ردي .
R 7 A L
03-03-2016, 09:35 AM
في ظل انخفاض البترول ، والاوضاع الاقتصاديه بالعالم المفروض ايكون هناك المزيد من التقشف لتوفير المال ، وانا ارى انه من الافضل الابقاء على تامين القطرين بالجهات البتروليه والخاصه وماشابه وشطب تامين الاجانب . ولا اظن انه سيترك عمله بسبه تأمين صحي . وحتى لو ترك فغيره الف على قائمه الانتظار يتمنى نفس الوظيفه والراتب .
غيرة ماراح يوافق يشتغل الا وان له تأمين صحي


،

انت لو برا قطري تدرس ولا تشتغل اول ماتطالب به هو التأمين الصحي
جبر ال جبر
03-03-2016, 10:41 AM
ليش هالعنصريه؟؟ الاجانب بشر يكفي انه متغرب وماجاك الا عشان لقمه العيش بدال مانساعده نطالبه بضرائب ويدفع للعلاج والدراسه وغيرها؟
انا لو عندي سلطه حتى البترول بلاش بعطيه وبعطيه علاوه بدل غربه حط نفسك مكانه حكومتك ماوفرت لك تامين صحي مشكله عند الحكومه الاجنبي ماله دخل فيها
بعدين هذا حق من حقوق العمال تامن له العلاج
طبيب قطري
03-03-2016, 11:37 AM
أطالب وبصريح العبارة منع التأمين الصحي عن الأجانب ..

أثناء زيارتي لإحدى المراكز الطبيه الخاصه دفعت مئات من الريالات للعلاج واذا بجانبي عند الرسبشن فلبيني لم يدفع ولا فلس لأنه عنده تأمين من شركته! ! ..


ليش المواطن يتحمل أخطاء وتجارب غلط وعدم اداره صحيحه للتأمين ويتم شطب التأمين الصحي عنه وبعض الأجانب للحين ايتعالجون بالتأمين !! ..

إذا كان هالموضوع في إساءة لأحد أطالب بحذفه فورا من قبل إدارة المنتدى .. لأنه يمكن التعبير خانني من القهر إلي جفته ..


وسلامتكم. .

بيقولونلك عندك القطاع الصحي الحكومي روح له ! كانهم مايعروفون زحمه المواعيد بالمراكز الصحيه والمستشفيات..
ولد العرب
03-03-2016, 12:30 PM
روح اشتغل في شركة بتحصل تأمين صحي

:secret: عندي تامين
kuwari
03-03-2016, 06:59 PM
[quote=حمد 2002;10325024]أطالب وبصريح العبارة منع التأمين الصحي عن الأجانب ..

أثناء زيارتي لإحدى المراكز الطبيه الخاصه دفعت مئات من الريالات للعلاج واذا بجانبي عند الرسبشن فلبيني لم يدفع ولا فلس لأنه عنده تأمين من شركته! ! ..


ليش المواطن يتحمل أخطاء وتجارب غلط وعدم اداره صحيحه للتأمين ويتم شطب التأمين الصحي عنه وبعض الأجانب للحين ايتعالجون بالتأمين !! ..

إذا كان هالموضوع في إساءة لأحد أطالب بحذفه فورا من قبل إدارة المنتدى .. لأنه يمكن التعبير خانني من القهر إلي جفته ..


وسلامتكم. .[/quot

بالعكس توفير من فتح مسشفيات تابعه للبترول وتكون غير مستخدمه ( ما فيها ضغط )

وأيقاف التأمين سببه سوء استخدام العيادات للتأمين والعلاجات الغير ضروريه
مخطط قطري
03-03-2016, 09:41 PM
جات على التأمين اغلب الاجانب الي اعرفهم لهم مميزات انصدمت منها وانا قطري مالي الحق فيها انا اشوف نسبه كبيره منهم متمتعين على قدر كبير من الرفاهيه والحياه الكريمه بس يليت بعضهم يقدر هالشي ،،،،
اغلبهم تامين صحي مجاني ف ارقى المستشتفيات وتامين على دراسه عيالهم وابشرك الي ماعنده تامين ع دراسه عياله بعد ماقصرو وياه يدفع نص التكاليف الي يدفعها القطري ،،، قطع الغيار ومحلات الاثاث والاجهزه الكهربائيه انت يالقطري لك سعر وهم سعر مخفض يسون له تنزيلات من تحت الارض ،،،، يارجال في الجمعيات والله شوف عيني بعضهم عنده ورقه مادري كابون ماعرف وين يجبونه ويشتري في واجد اشياء الاجنبي عيشته احسن من القطري والادهى والامر اذا راتب الاجنبي دبل القطري والقطري افضل منه في الشغل
انا اتمنى امرين يصيرون في قطر اولا تصير مراجعه شامله للاجانب في قطر من لجنه قويه وذات صلاحيه ويكون اعضاءها مب حي الله اي اشخاص ناس يكنون على قدر كبير من الثقافه والعلم والحق ويكنون مصدر ثقه الامير تكون مهمتها تقييم ومدى استفاده الدوله من الاجانب ويراجعون وضع الاجانب متأكد 50% منهم اذا مب اكثر مالنا حاجه فيهم وبهشكل بنخف الضغط ع المرافق وبنوفر ع الدوله
Qt.1
03-03-2016, 11:22 PM
عدد القطرين مايطوفون ظ£ظ*ظ* الف مع ذلك قاعدين يدفعون عكس الأجانب عايشن عيشة الملوك سكن وكهربا بلاش وتأمين صحي طبعا غير رواتبهم والفرص الامحدودة في مجال العمل عكس القطري

واذا قالو له خلاص عقدك انتهى وبترجع بلادك لوتشوفه اشلون ايصيح لو امه ماتت مابيصيح هشكل ياترى ليش ؟ من الخير الي شايفه والعز الي هو فيه !!
arcon
04-03-2016, 12:35 AM
السلام عليكم ورحمة الله
الله المستعان على ما تصفون
احنا الاجانب المفروض ما نتنفس لاني اجنبي اتقو الله وخافو يوما لا ينفع فيه اي شي
مرتبش
05-03-2016, 05:28 PM
صاحب الموضوع ماقدر يعبر عن فكرته ..اعتقد يبي يقول
كيف بسهولة وجرة قلم وبكل اريحية يتوقف تامين القطريين
وبكل صعوبة واستحالة محد يفكر او يجرؤ يقرب من تامين الاجانب
latof
05-03-2016, 05:32 PM
سؤال من المستفيد من علاج الأجانب في احسن المستشفيات وتدريس عيالهم في ارقى المدارس وعيال القطريين ضايعيين في المدارس المستقلة حتى والله نشوف الشخص العربي يتكلم مع عيالة في المولات باللغة الأجنبية الله يرحم يوم كنتوا في بلادكم من احق يتعلم اللغة القطري ام الأجنبي الي لم تربطة بقطر غير مصلحتة العامة والله المستفيد الأول قي قطر هو الوافد الله يرحم حالنا
نمر بن عدوان
05-03-2016, 07:00 PM
السلام عليكم ورحمة الله
الله المستعان على ما تصفون
احنا الاجانب المفروض ما نتنفس لاني اجنبي اتقو الله وخافو يوما لا ينفع فيه اي شي

اخوي هذي اراء وفيه الموافق وفيه الرافض وانا اردد دايما الوافدين والاجانب كلهم لهم حق ولهم مكانتهم وهم شركاء في تعمير وتطوير البلد وعيال البلد محد يقدر ينكر هالشي . سمو الامير الوالد خذ طايره بشكل مفاجي لمصر يعزي ابناء استاذه في المدرسه لما كان ابوهم يعمل في قطر وهذا درس تعلمناه من سموه ان لاننكر ونجحد عطاء المقيمين والاجانب في هذا البلد وتعميره وتطويرهم له وتعليمنا والاهتمام بصحتنا . تنفس وعيش وخذ حقوقك كامله دام البلد بحاجه لك وانت جيت بالطرق الرسميه محد له حق عليك ولك كامل الحقوق ولو حد قصر عليك مايردك الا مركز الشرطه ولو قصروا عندك حقوق الانسان .
بانغ بانغ
05-03-2016, 07:48 PM
اخوي هذي اراء وفيه الموافق وفيه الرافض وانا اردد دايما الوافدين والاجانب كلهم لهم حق ولهم مكانتهم وهم شركاء في تعمير وتطوير البلد وعيال البلد محد يقدر ينكر هالشي . سمو الامير الوالد خذ طايره بشكل مفاجي لمصر يعزي ابناء استاذه في المدرسه لما كان ابوهم يعمل في قطر وهذا درس تعلمناه من سموه ان لاننكر ونجحد عطاء المقيمين والاجانب في هذا البلد وتعميره وتطويرهم له وتعليمنا والاهتمام بصحتنا . تنفس وعيش وخذ حقوقك كامله دام البلد بحاجه لك وانت جيت بالطرق الرسميه محد له حق عليك ولك كامل الحقوق ولو حد قصر عليك مايردك الا مركز الشرطه ولو قصروا عندك حقوق الانسان .

يا شيخ نمر .... ياليت الناس اتفكر مثلك ....
khalid525
05-03-2016, 09:08 PM
اخوي هذي اراء وفيه الموافق وفيه الرافض وانا اردد دايما الوافدين والاجانب كلهم لهم حق ولهم مكانتهم وهم شركاء في تعمير وتطوير البلد وعيال البلد محد يقدر ينكر هالشي . سمو الامير الوالد خذ طايره بشكل مفاجي لمصر يعزي ابناء استاذه في المدرسه لما كان ابوهم يعمل في قطر وهذا درس تعلمناه من سموه ان لاننكر ونجحد عطاء المقيمين والاجانب في هذا البلد وتعميره وتطويرهم له وتعليمنا والاهتمام بصحتنا . تنفس وعيش وخذ حقوقك كامله دام البلد بحاجه لك وانت جيت بالطرق الرسميه محد له حق عليك ولك كامل الحقوق ولو حد قصر عليك مايردك الا مركز الشرطه ولو قصروا عندك حقوق الانسان .

صح لسانك والله يشفي القلوب الشحيحه
حليتان*
05-03-2016, 10:02 PM
ترا الاجنبي مايدفع بس جهة عمله تدفع هذا حقه تقدر تقول من مميزات وظيفته ويعتبر جزء من راتبه !
MagnuM
06-03-2016, 05:50 AM
غيرة ماراح يوافق يشتغل الا وان له تأمين صحي


،

انت لو برا قطري تدرس ولا تشتغل اول ماتطالب به هو التأمين الصحي


عفوا بس ترى الناس تدفع فلوس على التامين الصحي برع. بريطانيا تدفعك على كل سنه دراسيه 150 باوند غصب للان اتش اس سواء استخدمته ولا ماستخدمته!

ونرد لموضوع الاجانب والعنصرية. مافيها عنصرية لما الشخص يطالب بحقوقه. على اي اساس توفر خدمات مجانية للاجانب من دون مقابل؟ في كل دول العالم, لك حقوق وواجبات سواء كنت مواطن ولا اجنبي. ولكن عندنا في الخليج وبالاخص قطر, الاجنبي حقوقه اكثر من واجباته!
R 7 A L
06-03-2016, 07:06 AM
عفوا بس ترى الناس تدفع فلوس على التامين الصحي برع. بريطانيا تدفعك على كل سنه دراسيه 150 باوند غصب للان اتش اس سواء استخدمته ولا ماستخدمته!

ونرد لموضوع الاجانب والعنصرية. مافيها عنصرية لما الشخص يطالب بحقوقه. على اي اساس توفر خدمات مجانية للاجانب من دون مقابل؟ في كل دول العالم, لك حقوق وواجبات سواء كنت مواطن ولا اجنبي. ولكن عندنا في الخليج وبالاخص قطر, الاجنبي حقوقه اكثر من واجباته!

قلت اول ماتطالب به هو التأمين الصحي ولم اذكر ان لهم تأمين صحي مجاني
بعدين القطريين الموظفين في الخارج جهات عملهم تتكفل في علاجهم وتأمينهم الصحي

،
بالنسبة ل حق
وين حقوقنا المسلوبه ؟
هات لي موظفين في الحكومة بالقطرية غير قطريين وعندهم تأمين مجاني بعدها قول حقوقنا مسلوبه


هذولا الاجانب الي عندهم تأمين صحي يعملون في قطاع خاص الي يبي تأمين صحي يروح يشتغل في هالشركات
واذا ماعطوه تأمين صحي اسوه بالاجانب احلق شنبي
<اضرب واشرد>
06-03-2016, 07:20 AM
وزير الصحة: تأمين صحي للمقيمين يتكفل به أرباب العمل
التاريخ: 25 أكتوبر 2015

كشف سعادة السيد عبد الله بن خالد القحطاني، وزير الصحة العامة، أن قيمة فواتير علاج المواطنين القطريين ضمن منظومة التأمين الصحي الاجتماعي (صحة) بلغت مليارًا و285 مليون ريال قطري، وذلك منذ تطبيق نظام التأمين في يوليو 2013 وحتى 21 أكتوبر الجاري.

وأعلن سعادة وزير الصحة أن المرحلة الثالثة والأخيرة من نظام التأمين الصحي سيبدأ تطبيقها خلال العام المقبل 2016 لتشمل جميع المقيمين في الدولة ويشمل ذلك الموظفين والعمال وخدم المنازل وكذلك الزائرين، موضحًا أن المرحلة الثالثة تم إضافة العمال إليها وذلك مع افتتاح مستشفيات للعمال العام المقبل.

يشار إلى أن التأمين الصحي الاجتماعي بدأ تنفيذ المرحلة الأولى منه في يوليو 2013؛ حيث شمل المواطنات القطريات من سن 12 عامًا وما فوق، ثم بدأت المرحلة الثانية في 30 أبريل 2014 لتشمل جميع المواطنين القطريين.

http://portal.www.gov.qa/wps/portal/media-center/news/individualnews/bynextyearhealthinsuranceforall/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar
QtrGate
06-03-2016, 08:01 AM
أطالب بان يكون لكل وزارة ميزانية خاصة للإدارة الطبية
ويتم التعاون مع احد شركات التأمين مثل الكوت او غيرها

فكل وزارة او مؤسسة تتكفل بالموظفين وأسرهم
مرتبش
06-03-2016, 02:32 PM
وزير الصحة: تأمين صحي للمقيمين يتكفل به أرباب العمل
التاريخ: 25 أكتوبر 2015

كشف سعادة السيد عبد الله بن خالد القحطاني، وزير الصحة العامة، أن قيمة فواتير علاج المواطنين القطريين ضمن منظومة التأمين الصحي الاجتماعي (صحة) بلغت مليارًا و285 مليون ريال قطري، وذلك منذ تطبيق نظام التأمين في يوليو 2013 وحتى 21 أكتوبر الجاري.

وأعلن سعادة وزير الصحة أن المرحلة الثالثة والأخيرة من نظام التأمين الصحي سيبدأ تطبيقها خلال العام المقبل 2016 لتشمل جميع المقيمين في الدولة ويشمل ذلك الموظفين والعمال وخدم المنازل وكذلك الزائرين، موضحًا أن المرحلة الثالثة تم إضافة العمال إليها وذلك مع افتتاح مستشفيات للعمال العام المقبل.

يشار إلى أن التأمين الصحي الاجتماعي بدأ تنفيذ المرحلة الأولى منه في يوليو 2013؛ حيث شمل المواطنات القطريات من سن 12 عامًا وما فوق، ثم بدأت المرحلة الثانية في 30 أبريل 2014 لتشمل جميع المواطنين القطريين.

http://portal.www.gov.qa/wps/portal/media-center/news/individualnews/bynextyearhealthinsuranceforall/!ut/p/a0/04_Sj9CPykssy0xPLMnMz0vMAfGjzOIt_S2cDS0sDNwNDMwsDT yDDUKDTbzcDfwdDfWDE4v0C7IdFQFifWNr/?changeLanguage=ar

6/3/2016 اليوم
واشياء وايد تغيرت من هلت السنة الجديدة علينا
fantasy
08-03-2016, 08:41 AM
خلوها على الله
امس مسوي تنظيف اسنان دافع 450 ريال والله قهر
اش دعوه قطري ماعندي تأمين صحي,, مالت بس؟؟؟؟
اللي قهرني ان لي اتصلت فيهم قالوا التنظيف العادي, وهذا اللي سويته اصلا, بحدود 250 بعد اش فايدته بعد ماتقعد ويا الدكتور و تجلس علا الكرسي و تسأله يقولك ب 400 اكيد بتسويه خلاص الحين قعدت
سوالي ايضا هل اقدر اقدم شكوى لانهم اخدعوني وقالوا سعر بالتلفون و لي رحت و قعدت للتنظيف خذو دبل؟؟
لا في لسته اسعار ولا شي
ياليت الافاده
بانغ بانغ
08-03-2016, 08:43 AM
خلوها على الله
امس مسوي تنظيف اسنان دافع 450 ريال والله قهر
اش دعوه قطري ماعندي تأمين صحي,, مالت بس؟؟؟؟
اللي قهرني ان لي اتصلت فيهم قالوا التنظيف العادي, وهذا اللي سويته اصلا, بحدود 250 بعد اش فايدته بعد ماتقعد ويا الدكتور و تجلس علا الكرسي و تسأله يقولك ب 400 اكيد بتسويه خلاص الحين قعدت
سوالي ايضا هل اقدر اقدم شكوى لانهم اخدعوني وقالوا سعر بالتلفون و لي رحت و قعدت للتنظيف خذو دبل؟؟
لا في لسته اسعار ولا شي
ياليت الافاده

ههههههه يبا اشتغل في مكان ايوفر لك تأمين

صبر جميل