2.5 مليون عدد سكان قطر لاول مرة تاريخياً....................

[مستثمر رشيد]

وصل عدد سكان دولة قطر للمرة الأولى في تاريخها إلى 2,5 مليون نسمة، بحسب ما أعلن مسؤولون الأربعاء، على خلفية الأعداد الكبيرة للعمّال الأجانب العاملين في الإمارة الخليجية الصغيرة.

وقال مسؤول في وزارة التخطيط التنموي والإحصاء لوكالة فرانس برس: إن عدد السكان حالياً هو مليونان و545 ألف نسمة. وكان أعلى رقم رسمي مسجّل في تشرين الثاني/ نوفمبر الماضي بلغ 2,46 مليون شخص. ونحو 90 في المئة من العاملين في قطر ليسوا من القطريين.

وقد ارتفع عدد السكان متأثراً بالأعداد الكبيرة للأجانب الوافدين للعمل في قطر خلال السنوات الأخيرة، معظمهم في مجالات الغاز والنفط والبناء. وتطبّق قطر في الوقت الحالي برنامجاً استثمارياً ضخماً يعتمد على العمالة المكثفة، خصوصاً في سياق استعداداتها لاستضافة كأس العالم لكرة القدم في العام 2022.

[غريب الدّار]

اخوي شنو تاريخ هالخبر؟

لان الخبر الرسمي منشور هنيه :
http://www.qatarshares.com/vb/showthread.php?616619-2-مليون-و423-ألفاً-عدد-سكان-قطر

والخبر هذا شكله من جريدة عربية او موقع عربي غير خليجي في الاغلب

ويمكن يكون صحيح

لكن الإحصائية من فترة بسيطة نشروها ( يمكن حروة الشهر) وارجع للرابط


قواك الله

[عابر سبيل]

اخوي شنو تاريخ هالخبر؟

لان الخبر الرسمي منشور هنيه :
http://www.qatarshares.com/vb/showthread.php?616619-2-مليون-و423-ألفاً-عدد-سكان-قطر

والخبر هذا شكله من جريدة عربية او موقع عربي غير خليجي في الاغلب

ويمكن يكون صحيح

لكن الإحصائية من فترة بسيطة نشروها ( يمكن حروة الشهر) وارجع للرابط


قواك الله

الخبر صحيح و رسمي و جانا برسالة نصية
من جهاز الاحصاء

96441

[غريب الدّار]

الخبر صحيح و رسمي و جانا برسالة نصية
من جهاز الاحصاء

96441

والله اخوي عابر انا مادري انتوا من علشان تقول وصلنا برسالة لانه ماوصلني :) ، وانت تقول الخبر صحيح وانا ماقلت أصلا غير صحيح :) لكن عزيز وغالي
واشكرك على التوضيح

والفرق بين الخبر اللي نشروه في الراية وقتها والرقم الحين مب ذاك الفرق الكبير (من ناحية حسابية)
بس قد يكون كبير من ناحية سرعة الزيادة او كثافتها


والله يكتب اللي فيه الخير

[حمد 2002]

وهل هالعدد يعتبر ظاهره صحيه بالبلاد ؟

ماهي الفوائد والسلبيات ؟

[<اضرب واشرد>]

أغلب زيادة شهر#2 مقارنة بشهر#1 (5.1%+) بسبب العودة من السفر
والمقارنة بين شهر#2 ونفس الشهر العام الماضي (9.1%+)

[مستثمر رشيد]

http://www.raya.com/Mob/GetPage/f6451603-4dff-4ca1-9c10-122741d17432/f4323433-3d7b-47e7-8bf1-fa09f6400e81

المصدر

[غريب الدّار]

http://www.raya.com/Mob/GetPage/f6451603-4dff-4ca1-9c10-122741d17432/f4323433-3d7b-47e7-8bf1-fa09f6400e81

المصدر
؟؟؟ !!!

الراية كاتبة الامارة الخليجية الصغيرة؟

مع ان الوصف صحيح

لكن غريبة ان جريدة محلية تتكلم عن قطر وكنها دولة ثانية !!


الف شكر اخوي مستثمر رشيد على المعلومة

[بوجبر]

زيادة عدد السكاااان ظاهرة غير صحية..لأنة سوف سيشكلون ضغط ع المرافق العامة وسيرتفع التضخم

[بانغ بانغ]

حتى لو كنا عشرين مليون نسمة ....

اهم شي التكاتف والتلاحم والترابط ودحر الحسد اللي مستشري بين الناس والواسطات اللي امطيره ناس فوق او امنزله ناس تحت

عقب نتكلم عن الاحصائيات

هاي احنا بو كم نفر وامناحر بين الناس وتسلق اكتاف العالم ...

الحمدلله على كل حال

[جبر ال جبر]

كل مازادو زاد ربح التجار وصارت فيه قوه شرائيه والدوله مستفيده بعد بتزيد عدد انتاجها من براميل النفط فالزياده ظاهره ايجابيه اختلف معاكم

[أعمار]

الاحظ الصحافة في نبرة كتابتهم للخبر انهم فرحانين بخبر وصولنا الى هذا الرقم
بينما الحقيقة انه رقم يؤشر بوضوح الى كارثة اسمها ( اختلال سكاني )

[معماري قطري]

أغلب زيادة شهر#2 مقارنة بشهر#1 (5.1%+) بسبب العودة من السفر
والمقارنة بين شهر#2 ونفس الشهر العام الماضي (9.1%+)

تقشف وهالكثر .. من أيام باص عمال وقف جدام باب البيت ويهرن معصب وينزلون منه الجيران طبعاً نازلين بينهم وبين الباب مترين وبيدخلون ويتطللون ببراءة .. وانقز في الباص واهزء باللي يسوق وادخل بيتهم واشوف كم واحد .. حول 30 في بيت صغير وزقاير وروائح غريبة احتمال كبير مخدرات .. واتصل بالفزعة ( أمحق فزعة لو هندي مستوية له مشكلة مع قطري واتصل كان جاوا ) المهم نطرت ومستقوي خلاص بيجون واثبات حالة وبيجلعونهم

شوي الا تحركات غريبة ويتركضون داخل .. صدقوني عندهم شيء .. شرطتنا سلبيين لآخر درجة بكل برود يقولون تعال المركز .. عندي لهم حل شافي إن شاء الله والشرطة يبي لهم شكوى عليهم

الاحصاء ما حسبوني انا

[مرتبش]

9.1 % زيادة عن نفس الشهر من العام الماضي.. يعني اللي نسمعه من تقشف وتوقف للمشاريع وتفنيشات مبالغ فيه !؟

[lion66]

وش الفايدة من الخبر

[بوخميس]

تحسبون اللي يتفنش بيرجع بلاده؟

ابد. بينقل كفالته على واحد من القطريين (فاعل خير) ويقعد يطقطق أو يتكس. أو يروح الجمعيات الخيرية يصرفون عليه.

[محمد2]

تحسبون اللي يتفنش بيرجع بلاده؟

ابد. بينقل كفالته على واحد من القطريين (فاعل خير) ويقعد يطقطق أو يتكس. أو يروح الجمعيات الخيرية يصرفون عليه.
والله انك جبتها فالصميم يالذيب:app::app::app:

[الوسيط العقاري]

حتى لو كنا عشرين مليون نسمة ....

اهم شي التكاتف والتلاحم والترابط ودحر الحسد اللي مستشري بين الناس والواسطات اللي امطيره ناس فوق او امنزله ناس تحت

عقب نتكلم عن الاحصائيات

هاي احنا بو كم نفر وامناحر بين الناس وتسلق اكتاف العالم ...

الحمدلله على كل حال

كلام من ذهب

[بوخالد911]

الخبر صحيح
وصلني منهم

عاد بسنا زززحمة وما نبي حد يدخل
ارحمونا بس.