البنت تتواصل مع خطيبها بدون علم ابوها

[غير البشر]

السلام عليكم ورحمه الله وبركاته

الموضوع صادفني من فتره وحبيت اخذ رايكم فيه

وابغي اخذ رايكم بالتصرف الي صار


رجال من معارفنا تقدم لخطبه بنت

وتم الموافقه عليه

وتمت الملكه بكل خير

لكن المشكله !!

ان والد البنت يرفض تواصل بنته مع خطيبها سواء هاتفيا او زياره

والرجال يبغي يعرف البنت وطبايعها ويتفاهمون وياخذون على بعض قبل الزواج

والبنت كذلك لكن ابوها رافض

لكن ابو البنت يقول تكلمها وتقعد معاها بعد الزواج

تمت محاولات لكن لا جدوى

الى أن اتفقو اهل الرجال واهل البنت على ان يتم التواصل بينهم

وطبعا هالشي صار بدون علم ابوها

بغيت اعرف رايكم في موقف الاب

ورايكم في التصرف الي صار


نبغي رايكم بدون التعدي للأشخاص و اتمنى يكون النقد بناء
وعدم الخروج من محور الموضوع



والموضوع متروك لكم لحريه الرأي والتعبير


تحياتي ,,,,,

[غريب الدّار]

اتصدق اخوي غير البشر اني استغرب من وجود هالعقليات في المجتمع؟
في حد في الدنيا يمنع بنته تكلم زوجها ؟

مادري شاقول لك لكن راح افترض صحة الكلام بالكامل واعلق بالتالي :
اعتقادي ان في ناس ( سواء في مجتمعنا القطري او الخليجي او العربي ) عندهم فهم خاطئ تماما للعادات والتقاليد ومفهوم الرجولة والغيرة
هذا الفهم الخاطئ يقود دائما الى تطبيق خاطئ
لان خطأ التشخيص يقود دائما الى الخطأ في العلاج

وخلنا نتناول الموضوع من جانبين :
جانب العادات والتقاليد : واعتقد ان تم الاستناد له من ناحية الاب ، واعتقد هذا راجع للفهم الخاطئ للعادات.وقد يكون مرد ذلك الى الثقافة الذكورية في ابشع صورها . او سوء فهم وخلط رهيب لانه يعتقد ان البنت بما انها لازالت في بيته فيحق له ذلك. ونسي او جهل انها زوجته على سنة الله ورسوله بما ان العقد تم


جانب الدين : اعتقد انه خالف الدين اصلا لان لايجوز لاحد انه يمنع امرأة عن زوجها !


العلاج :
يجب افهام الاب (بغض النظر عن مايفكر فيه من العادات والتقاليد) ان الشرع اولى بالتطبيق وان النكاح تم بالعقد مستوفيا جميع شروطه واركانه وبالتالي فقد حلت له وحل لها مع مايترتب على ذلك من حقوق وواجبات عند الطرفين
ولا يجوز ان يمنعها عن زوجها


والله اعلم

[بانغ بانغ]

ايمسييك بالخير يا غير

بعد عقد المحكمة تصبح زوجته رسمي لكن للاسف بعض التصرفات لا تليق من بعض الشبااب اللي تدينهم وذمتهم بسيطة

يقعد معاها ويشبع وعقب ايقول ما بيها ... ما يصير هالكلام وياما صارت شباب يتطلقون بعد الملشة باسبوع والشيخ احمد البوعينين الله يجزيه خير اخونا ورفيجنا وايقولنا بلاوي لانه مأذون شرعي

كنت اعرف اخوان ربعي بعد الملشة يطلعون سينما ومطاعم بروحهم وعقب يتزوجون

مادري بس احس قوية في مجتمعنا صعبة

[بانغ بانغ]

وطبعا يعجبوني الشباب اللي بعد الملشة عشاء وايسافر وخلاص

[العقل المدمر]

احترت من موقف الابو بغض النظر انه يمانع شي حلال
لان ياما صار اهل امنعوا عيالهم من اشياء حلال خوف عليهم
مثل منع السهر ومنع الجوال وغيره

مرات تكثر المشاكل في فترة الخطوبة ويسهل حل الطلاق بالنسبة لهم
ومرات احس لازم يعرفون بعض ولو يبون يتراجعون يتراجعون قبل احسن من عقب

بالنسبة حق تصرفهم هو اللي اجبرهم عليه
وانا اشوف لو يكلمونه ويقنعونه وايد احسن

[Charisma]

مرحبا اخوي ،


قرار الأب في الحاله اللي ذكرتها لايمكن تصنيفه بقرار خاطىء او قرار صائب ، الأب يملك أسبابه الخاصه في مثل هالحالات بغض النظر ان تم عقد القران ، نعم هو زوجها شرعا ولكن مازالت البنت في بيت ابوها .

الخطأ في الموضوع كله ، هو تصرف الأهل دون علم الأب ، المفروض ان الزوج نفسه يعارض احتراما وتقديرا لرأي عمه في هالمسأله .


شخصيا أتفهم الدوافع وراء قرار الأب ، وحتى لو سمح بذلك لابد ان يكون التواصل في أدنى الحدود تحت الأشراف والتوجيه .


وجهة نظر قابلة للنقاش.

[غريب الدّار]

شباب نقطة نظام لو سمحتوا ويسمح راعي الموضوع :
الاب هذا ( حسب الرواية) مانعها تكلمه
ومانعه يزورها
وهذا حقه كزوج في كل الاحوال وحقها كزوجة يعني هو مانعهم من حقوقهم اللي الله قررها بهم

ومهما كان من تصرفات شاذة عند البعض
فلايقاس عليها

[بانغ بانغ]

شباب نقطة نظام لو سمحتوا ويسمح راعي الموضوع :
الاب هذا ( حسب الرواية) مانعها تكلمه
ومانعه يزورها
وهذا حقه في كل الاحوال
مهما كان من تصرفات شاذة عند البعض
فلايقاس عليها

اتوقع يعتمد يا شيخ غريب على تربية هالاسرة ونظامها ... بي عوايل صح ما تسمح والمفروض الشاب ايكون عارف ان لو في تواصل ايكون بوجود الاهل اما هاي الاب لو مانع نهائي .... يمكن حد من وجهاء العايلة ايكلمه وايوضح له

يمكن شيبة وقافلة معاه

[بصمة قطرية]

شلون بيعرفها إذا ما شافها و لا كلمها
و لا قعد معاها ..!!!
بعد الملجة زوجته يعني الدين ما يمنع تقعد معاه ..
على الأقل تلفون ..!!!
مب لهالدرجة حرص الأب
و إيش ما كانت أسبابه ما أعتقد إنها مقنعه ..!!!!
يمكن ما يتفقون وقت الملجة*..
منعهم يتواصلون و في الأخير بيصير هالشي من وراه ..!!!!
ايش راح يستفيد ..!!!

[Charisma]

ايمسييك بالخير يا غير

بعد عقد المحكمة تصبح زوجته رسمي لكن للاسف بعض التصرفات لا تليق من بعض الشبااب اللي تدينهم وذمتهم بسيطة

يقعد معاها ويشبع وعقب ايقول ما بيها ... ما يصير هالكلام وياما صارت شباب يتطلقون بعد الملشة باسبوع والشيخ احمد البوعينين الله يجزيه خير اخونا ورفيجنا وايقولنا بلاوي لانه مأذون شرعي

كنت اعرف اخوان ربعي بعد الملشة يطلعون سينما ومطاعم بروحهم وعقب يتزوجون

مادري بس احس قوية في مجتمعنا صعبة


ضبط النار على مستوى معتدل ، يضمن لك نجاح وسلامة الـ ( طبخه ) .


الفتره مابين الملكه والعرس ، من أخطر الفترات ، أندفاع وحماس ، مع فرص كبيره لحدوث مشاكل .

[بصمة قطرية]

اتوقع يعتمد يا شيخ غريب على تربية هالاسرة ونظامها ... بي عوايل صح ما تسمح والمفروض الشاب ايكون عارف ان لو في تواصل ايكون بوجود الاهل اما هاي الاب لو مانع نهائي .... يمكن حد من وجهاء العايلة ايكلمه وايوضح له

يمكن شيبة وقافلة معاه

كلامك صحيح يا بانغ ..
في وايد ما كان يزورها و يقعد معاها
بس يتواصلون بالتلفون ..

[بانغ بانغ]

ضبط النار على مستوى معتدل ، يضمن لك نجاح وسلامة الـ ( طبخه ) .


الفتره مابين الملكه والعرس ، من أخطر الفترات ، أندفاع وحماس ، مع فرص كبيره لحدوث مشاكل .

بالضبط يا كابتن هاي القصد

[دايموند]

يمنعهم من الجلوس لوحدهم مب مشكله لكن يمنعهم من التواصل الصوتي. بصراحه مب عدله..

[qatara]

خلك من راينا الاهم قال الله وقال الرسول
لان البني ادم له وعليه من حقوق ووراه جنة ونار

حرصا لكي لا يقع المحضور

1

دقق من الدقيقه 40

https://www.youtube.com/watch?v=2dwM25J5apo

2

https://www.youtube.com/watch?v=EG3seQVJtJ0

[غير البشر]

اتصدق اخوي غير البشر اني استغرب من وجود هالعقليات في المجتمع؟
في حد في الدنيا يمنع بنته تكلم زوجها ؟

مادري شاقول لك لكن راح افترض صحة الكلام بالكامل واعلق بالتالي :
اعتقادي ان في ناس ( سواء في مجتمعنا القطري او الخليجي او العربي ) عندهم فهم خاطئ تماما للعادات والتقاليد ومفهوم الرجولة والغيرة
هذا الفهم الخاطئ يقود دائما الى تطبيق خاطئ
لان خطأ التشخيص يقود دائما الى الخطأ في العلاج

وخلنا نتناول الموضوع من جانبين :
جانب العادات والتقاليد : واعتقد ان تم الاستناد له من ناحية الاب ، واعتقد هذا راجع للفهم الخاطئ للعادات.وقد يكون مرد ذلك الى الثقافة الذكورية في ابشع صورها . او سوء فهم وخلط رهيب لانه يعتقد ان البنت بما انها لازالت في بيته فيحق له ذلك. ونسي او جهل انها زوجته على سنة الله ورسوله بما ان العقد تم


جانب الدين : اعتقد انه خالف الدين اصلا لان لايجوز لاحد انه يمنع امرأة عن زوجها !


العلاج :
يجب افهام الاب (بغض النظر عن مايفكر فيه من العادات والتقاليد) ان الشرع اولى بالتطبيق وان النكاح تم بالعقد مستوفيا جميع شروطه واركانه وبالتالي فقد حلت له وحل لها مع مايترتب على ذلك من حقوق وواجبات عند الطرفين
ولا يجوز ان يمنعها عن زوجها


والله اعلم



ياهلا ومرحبا اخوي غريب الدار

الموضوع بالضبط هذا الي حصل فيه
وانا استشرت في هذا الموضوع ولجأ لي لأيجاد له حل

صح كلامك اتوقع الاب يقول دامها للحين في بيتي وعندي ممنوع عندي ها السوالف
لكن هذا مفهوم خاطئ

اذا ابو البنت من هالنوع الي مايشترط ان تكون الملكه وكاتبه الكتاب مع العرس افضل
من ان يعلقهم بهالطريقه

وبعدها للرجال من حقه يوافق يكمل الملكه او لا


بس اشرايك بالتصرف الي صار
وتم التواصل بدون علم ابوها
لكن بعلم وموافقه اهل الطرفين !!

[غير البشر]

ايمسييك بالخير يا غير

بعد عقد المحكمة تصبح زوجته رسمي لكن للاسف بعض التصرفات لا تليق من بعض الشبااب اللي تدينهم وذمتهم بسيطة

يقعد معاها ويشبع وعقب ايقول ما بيها ... ما يصير هالكلام وياما صارت شباب يتطلقون بعد الملشة باسبوع والشيخ احمد البوعينين الله يجزيه خير اخونا ورفيجنا وايقولنا بلاوي لانه مأذون شرعي

كنت اعرف اخوان ربعي بعد الملشة يطلعون سينما ومطاعم بروحهم وعقب يتزوجون

مادري بس احس قوية في مجتمعنا صعبة


يمسيك بالنور والسرور اخوي بانغ

ونعم فيه شيخنا بومحمد حبيب ها الانسان

معليه كلامك على عيني وراسي لكن مانقدر نعمم
اذا في ناس ذمتهم بسيطه مانقدر نعمم هالشي على الكل
والي خايف من هالموضوع يقدر يرتب ويسيطر على الوضع
لكن مايكون منع دايم

وبالنسبه للي يطلعون مع بعض بعد الملكه
هذول اكيد اهل الطرفين موافقين ولان عندهم انفتاح زياده عن اللزوم ومبالغ فيه

احنا مانتكلم عن هالفئه

نتكلم عن الفئه المعتدله والحاصل بما يتناسب مع وضعنا

[غير البشر]

احترت من موقف الابو بغض النظر انه يمانع شي حلال
لان ياما صار اهل امنعوا عيالهم من اشياء حلال خوف عليهم
مثل منع السهر ومنع الجوال وغيره

مرات تكثر المشاكل في فترة الخطوبة ويسهل حل الطلاق بالنسبة لهم
ومرات احس لازم يعرفون بعض ولو يبون يتراجعون يتراجعون قبل احسن من عقب

بالنسبة حق تصرفهم هو اللي اجبرهم عليه
وانا اشوف لو يكلمونه ويقنعونه وايد احسن



مرحبا اختي العقل المدمر

هم كلموه وحاولو معاه لكن رافض
ومافي فايده

بغض النظر عن المشاكل الي صارت
يقدرون يتحكمون ويظبطون الوضع

يعني لو يبغي يزورها بموعد مسبق وبمكان مفتوح
والتلفون اتوقع عادي يتفاهمون ويتعرفون على بعض اكثر

[غير البشر]

مرحبا اخوي ،


قرار الأب في الحاله اللي ذكرتها لايمكن تصنيفه بقرار خاطىء او قرار صائب ، الأب يملك أسبابه الخاصه في مثل هالحالات بغض النظر ان تم عقد القران ، نعم هو زوجها شرعا ولكن مازالت البنت في بيت ابوها .

الخطأ في الموضوع كله ، هو تصرف الأهل دون علم الأب ، المفروض ان الزوج نفسه يعارض احتراما وتقديرا لرأي عمه في هالمسأله .


شخصيا أتفهم الدوافع وراء قرار الأب ، وحتى لو سمح بذلك لابد ان يكون التواصل في أدنى الحدود تحت الأشراف والتوجيه .


وجهة نظر قابلة للنقاش.


ياهلا ومرحبا اخوي بايلوت

افترضنا ان التزمو بقرار الاب وماتفاهمو ولا اعرفو بعض
وبعد الزواج اذا ماحصل بينهم توافق وصار الطلاق

من يتحمل المسؤوليه الكبرى
كانو ممكن يقدرون يتداركونها قبل الزواج

كثير سمعنا انفصال وقت الخطبه لعدم وجود تفاهم بينهم
افضل من ان يصير بعد الزواج

[غير البشر]

شباب نقطة نظام لو سمحتوا ويسمح راعي الموضوع :
الاب هذا ( حسب الرواية) مانعها تكلمه
ومانعه يزورها
وهذا حقه كزوج في كل الاحوال وحقها كزوجة يعني هو مانعهم من حقوقهم اللي الله قررها بهم

ومهما كان من تصرفات شاذة عند البعض
فلايقاس عليها


مسموح اخوي غريب الدار

منع المكالمات والزياره

[غير البشر]

شلون بيعرفها إذا ما شافها و لا كلمها
و لا قعد معاها ..!!!
بعد الملجة زوجته يعني الدين ما يمنع تقعد معاه ..
على الأقل تلفون ..!!!
مب لهالدرجة حرص الأب
و إيش ما كانت أسبابه ما أعتقد إنها مقنعه ..!!!!
يمكن ما يتفقون وقت الملجة*..
منعهم يتواصلون و في الأخير بيصير هالشي من وراه ..!!!!
ايش راح يستفيد ..!!!



مرحبا اختي بصمه

وفعلا صار هالشي من وراه
لان الرجال والبنت يبغون يتواصلون
واهل الزوجين ماعندهم مانع

[القبطان سلفر]

هي زوجته شرعا ومن حق الزوج حتى الخروج معها ان اصر بذلك ولكن اقول الامور لاتأخذ على ظاهرها وان تخضع للعرف والعادات والتقاليد ان كانت بعض التصرفات مباحه ويمكن ان تسبب ضررا . كالخروج مع المملوك عليها ولم يدخل بها . وهنا تصرف الاب فيه الكثير من التعسف في حق الزوجين وموقفه متطرف جدا وقد يؤدي ذلك الى نفور الزوج وطلب الانفصال لانه حرم من حق شرعي خالص له وهو التحدث مع زوجته بالهاتف فقط .

اما الجواز بعدم اخبار الاب بمحادثة الزوجين عن طريق الهاتف فهو تصرف سليم وفائدته اكثر من ضرره من ناحية استمرار العلاقة الزوجيه بين الطرفين ويمكن قياس عدم اخبار الاب بذلك على قاعدة اباحة الكذب لدفع الضرر في الاسلام وهذا الامر تقدره الاسره وتستشعر ضرورته .

[العقل المدمر]

مرحبا اختي العقل المدمر

هم كلموه وحاولو معاه لكن رافض
ومافي فايده

بغض النظر عن المشاكل الي صارت
يقدرون يتحكمون ويظبطون الوضع

يعني لو يبغي يزورها بموعد مسبق وبمكان مفتوح
والتلفون اتوقع عادي يتفاهمون ويتعرفون على بعض اكثر


من البنات اللي حولي كلهم بدون استثناء وصلوا لمرحلة يبون الطلاق قبل العرس
والسبب انهم من الاساس كل شخص يعيش في بيت وسهل بالنسبة لهم الانفصال فيفكرون فيه كاسرع حل
غير خوفهم من الحياة الجديدة ويعتبرون ان المشاكل في فترة الخطوبة بداية حق مشاكل اكبر

طبعا انا مع التواصل بالعكس مب ضده بس اقول ان هالسبب مثلا ممكن يخلي حد من الاهل يرفض تواصلهم

[h9466]

السلام عليكم ورحمه الله وبركاته

الموضوع صادفني من فتره وحبيت اخذ رايكم فيه

وابغي اخذ رايكم بالتصرف الي صار


رجال من معارفنا تقدم لخطبه بنت

وتم الموافقه عليه

وتمت الملكه بكل خير

لكن المشكله !!

ان والد البنت يرفض تواصل بنته مع خطيبها سواء هاتفيا او زياره

والرجال يبغي يعرف البنت وطبايعها ويتفاهمون وياخذون على بعض قبل الزواج

والبنت كذلك لكن ابوها رافض

لكن ابو البنت يقول تكلمها وتقعد معاها بعد الزواج

تمت محاولات لكن لا جدوى

الى أن اتفقو اهل الرجال واهل البنت على ان يتم التواصل بينهم

وطبعا هالشي صار بدون علم ابوها

بغيت اعرف رايكم في موقف الاب

ورايكم في التصرف الي صار


نبغي رايكم بدون التعدي للأشخاص و اتمنى يكون النقد بناء
وعدم الخروج من محور الموضوع



والموضوع متروك لكم لحريه الرأي والتعبير


تحياتي ,,,,,
هلا بوسعود ،الحقيقة نادر أرد على موضوع لكن مواضيعك عميقة جدا ووراءها ما وراءها/
من وجهة نظري موضوع الزواج حساس جدا خصوصا من طرف البنت فَلَو لا سمح الله تم فسخ العقد فبشكل اتوماتيكي جميع الأنظار ستتجه للبنت وأهل البنت على أساس المثل القائل الرجال مايعيبه شي حتى لو كان مسوي السبعة وذمتها ،حتى لو تمت الملكة وحصل الطلاق قبل الدخول فالمتضرر الأكبر البنت على أساس انها أصبحت مطلقة /

[غريب الدّار]

بس اشرايك بالتصرف الي صار
وتم التواصل بدون علم ابوها
لكن بعلم وموافقه اهل الطرفين !!
انا بديت تعليقي الاول لو لاحظته ياغير البشر ب : مادري شاقول لك

تدري ليش ؟
السؤال جوابه بديهي اصلا
سواء بعلم الاهل او بدون

لان انت تدري شنو سالت الحين ؟
بصيغة ثانية : شرايكم في وحدة كلمت زوجها بموافقة اهلها !

شنو راح يكون الجواب ؟

[مخطط قطري]

تصرف الاب حكيم جدا واانا اؤيده في ذلك ،،، من شروط الزواج الاعلان وشفيه طاير يصبر كم شهر*لين
العرس وياخذها على سنة الله ورسوله وماهان يتبارك عرس خفيف ويطير بها وين مايبي
اما قبل العرس لا عند الناس الاشراف وعليه القوم والشيوخ وبعض القبائل الرئيسية في قطر منقود وعيب يكلمها عقب الملكه ع قوله بانغ بونغ الملشة حتى لو عنده ورقه المحكمه يعرس وعقب كيفه

[غريب الدّار]

بعد الملجة زوجته يعني الدين ما يمنع تقعد معاه ..
!

اسمحي لي اختي الكريمة بصمة اعلق على هالجزئية :
بعد الملجة الدين مايمنعه عن اي شي
واعتقد الكلام واضح ومفهوم
صارت مرته على سنة الله ورسوله

واسمحوا لي اعطي مثال وعقب الكل يحكم :
لو استمرت فترة الملجة سنة مثلا
وخلال هالسنة حملت منه

هل القانون يعاقبه ؟ لا
هل الشرع يعاقبه ؟*لا


اذن:
ليش يجي شخص ويحكم بحكم لا القانون يقره ولا الشرع؟

[مخطط قطري]

احترت من موقف الابو بغض النظر انه يمانع شي حلال
لان ياما صار اهل امنعوا عيالهم من اشياء حلال خوف عليهم
مثل منع السهر ومنع الجوال وغيره

مرات تكثر المشاكل في فترة الخطوبة ويسهل حل الطلاق بالنسبة لهم
ومرات احس لازم يعرفون بعض ولو يبون يتراجعون يتراجعون قبل احسن من عقب

بالنسبة حق تصرفهم هو اللي اجبرهم عليه
وانا اشوف لو يكلمونه ويقنعونه وايد احسن

من همل افتقد ،،، كنا يومنا صغار نتضايق ونتحسس من خوف اهالينا علينا لاسهرنا ولا سافرنا من غير شورهم او حتى خذنا جوال وهم يدفعون فواتيره ويوم كبرنا عرفنا انه كل تصرفاتهم كانت في مصلحتنا وخلقت رجال يحسنون التصرف في جميع الامور .....اما في المضوع الي نتناقش فيه ماهو اذا فيه مشاكل بتطلع سواء قبل الزواج او بعده بس من وجهه نظري بعد الزواج بيكون اصعب عليه يطلقها ويهدم بيته لانه بيحسبها من كل الظروف وبتعطيه فرصه اكبر للتفكير

[غريب الدّار]

تصرف الاب حكيم جدا واانا اؤيده في ذلك ،،، من شروط الزواج الاعلان

مرحبا اخوي مخطط

هذا خطا يقع فيه الكثيرون( وقد يكون ابو البنت منهم)
ويجب توضيحها :الاعلان تم اخوي مع الملجة


انت شمفكر الاعلان ؟

دام اهلها دروا
واهله دروا
وكان في شوية معازيم
الاعلان تم اخوي خلاص
العقد مستوفي لشروطه واركانه بالكامل

الشرع ماقال ان الاعلان لازم يكون بحضور مليون شخص مثلا

يااخوان الاعلان تم لما ملجوا واجتمعوا اهله واهلها

[بصمة قطرية]

اسمحي لي اختي الكريمة بصمة اعلق على هالجزئية :
بعد الملجة الدين مايمنعه عن اي شي
واعتقد الكلام واضح ومفهوم
صارت مرته على سنة الله ورسوله

واسمحوا لي اعطي مثال وعقب الكل يحكم :
لو استمرت فترة الملجة سنة مثلا
وخلال هالسنة حملت منه

هل القانون يعاقبه ؟ لا
هل الشرع يعاقبه ؟*لا


اذن:
ليش يجي شخص ويحكم بحكم لا القانون يقره ولا الشرع؟

إنزين وانا هاي اللي قلته ..
زوجته على سنة الله و رسوله ..
ما فهمت تعقيبك على شنو ..!!

[غريب الدّار]

إنزين وانا هاي اللي قلته ..
زوجته على سنة الله و رسوله ..
ما فهمت تعقيبك على شنو ..!!
ادري انج قلتيه


تعقيبي على شنو؟
واضح الله يهداج (:

[بصمة قطرية]

ادري انج قلتيه


تعقيبي على شنو؟
واضح الله يهداج (:

و لا شي ..

[توشيبا]

الحديث بين الخاطب ومخطوبته للحاجة، فيما يتعلق بمصلحة النكاح، ولم يشترط لذلك إذن والدي المخطوبة.

فقد سئل الشيخ ابن باز: هل للمخطوبة أن تتصل بخاطبها قبل أن يكون عقد، وما أشبهه؟

فأجاب: لا بأس أن تتصل بخاطبها اتصالًا ليس فيه محذور، بأن تكلمه، وتسأل عن حاله، وعن وظيفته، وعن عمله، وعن طريقته، هل يصلي أو لا يصلي؛ لا بأس أن تسأله عن شيء يهمها في الزواج، ولا بأس أن يسألها هو أيضًا يتصل بها، لكن من دون خلوة، من طريق الهاتف. اهـ.
وسئل: ما حكم محادثة الخطيبة لخاطبها في التلفون؟

فأجاب: لا نعلم حرجًا في محادثة المرأة المخطوبة لخاطبها في بعض شؤون عقد النكاح، وما يتعلق بذلك من الأحاديث السليمة التي ليس فيها محرم، ولا تعاون على محرم، أما إذا كان التحدث يدعو إلى ريبة، أو يدعو إلى خلوة بها، أو الاتصال بها قبل عقد النكاح، فهذا محرم، ولا يجوز، أما الأحاديث التي لا تعلق لها بمصلحتهما، بل للجنس، وما الجنس، وما يدعو إلى أن يتصل بها اتصالاً غير جائز، فهذا كله لا يجوز. اهـ.


هذا كلام الشيخ بن باز الله يرحمه

وقبل الملكه اشلون لو مالك عليها وتحل له



اما بخصوص الاب له اسبابه الخاصه وبحكم العادات والتقاليد على قولت بعضهم زواج تقليدي


وماعتقد ان في زمن الطيبين وحده قعدت مع خطيبها او صار بينهم مراسيل الا اذا قاط من فوق الطوفه شريط اغاني خلف العتيبي مسرع او ام كلثوم

[توشيبا]

http://fatwa.islamweb.net/fatwa/index.php?page=showfatwa&Option=FatwaId&Id=233254

[راجي الْعفو]

وعليكم السلام و رحمة الله و بركاته

مشكله هـ العادات اللي ما لها اصل لا شرعا و لا عقلا حتى

تم العقد فهي زوجته يسوي فيها اللي يبي وهي كذلك

لما يصير ولي الامر متشدد تشدد في غير محله
في الامر الحلال
وفي الامر الحرام


طيب وش بقى للولد و البنت اذا منعت الأمرين والدنيا فتن و بلاوي ؟

بالعكس ياخي سهل الحلال ع الناس قد ما تقدر

عشان ما تجبرهم يتحولون لأمور ثانية


والزواج و التحصين امر مُرغّبٌ فيه شرعا

فلا نحط عراقيل ما لها اساس و صحة


والدين وسط

لا غلو و لا تفريط

ومافي قانون و شرع أحرص ع الرجل و المرأة و سترهم من الاسلام

الله يوفقهم ..

[Charisma]

ياهلا ومرحبا اخوي بايلوت

افترضنا ان التزمو بقرار الاب وماتفاهمو ولا اعرفو بعض
وبعد الزواج اذا ماحصل بينهم توافق وصار الطلاق

من يتحمل المسؤوليه الكبرى
كانو ممكن يقدرون يتداركونها قبل الزواج



هلا بك ،

التوافق مب عذر ، قبل عقد القران يفترض انه شافها وشافته ، سال عنها وسالوا عنه ، اشترطوا وقبل ، باقي الأمور الأخرى تأتي بعد الـ"عرس" ، اذا الرجال مستعجل ، يعجل في يوم العرس .

رأيي في الموضوع مازال كما هو ، قرار الأب لايعتبر صائب او خاطىء ، يخضع الموضوع لأسبابه وتقديره .

اما رأيي الشخصي ، فالتواصل يجب ان يكون في الحد الأدنى ، وتحت أشراف وتوجيه مستمر من أهل البنت .






كثير سمعنا انفصال وقت الخطبه لعدم وجود تفاهم بينهم
افضل من ان يصير بعد الزواج


رد الأخت فيه توضيح يستاهل الوقوف عنده.




من البنات اللي حولي كلهم بدون استثناء وصلوا لمرحلة يبون الطلاق قبل العرس
والسبب انهم من الاساس كل شخص يعيش في بيت وسهل بالنسبة لهم الانفصال فيفكرون فيه كاسرع حل
غير خوفهم من الحياة الجديدة ويعتبرون ان المشاكل في فترة الخطوبة بداية حق مشاكل اكبر


وفي أسباب أخرى ممكن تتوضح خلال النقاش .

[Charisma]

وعليكم السلام و رحمة الله و بركاته

مشكله هـ العادات اللي ما لها اصل لا شرعا و لا عقلا حتى

تم العقد فهي زوجته يسوي فيها اللي يبي وهي كذلك

لما يصير ولي الامر متشدد تشدد في غير محله
في الامر الحلال
وفي الامر الحرام


طيب وش بقى للولد و البنت اذا منعت الأمرين والدنيا فتن و بلاوي ؟

بالعكس ياخي سهل الحلال ع الناس قد ما تقدر

عشان ما تجبرهم يتحولون لأمور ثانية


والزواج و التحصين امر مُرغّبٌ فيه شرعا

فلا نحط عراقيل ما لها اساس و صحة


والدين وسط

لا غلو و لا تفريط

ومافي قانون و شرع أحرص ع الرجل و المرأة و سترهم من الاسلام

الله يوفقهم ..

يصبحك بالخير اخوي راجي ،


اسمح لي عالمداخله قاصد منها الأستفاده وطلب رأيك .

نعرف انه زوجها وهي زوجته ، الوليمة في السابق كانت مع عقد القران ، يعني فترة مابين عقد القران والوليمة "العرس" أمر مستجد ، خصوصا وان هالفتره تمتد لشهور ، وأذا فصلنا الموضوع بنوقف عند أمور كثيره تخلي الواحد يعيد تفكيره في حدود التواصل ، منها ما قد يضر بالزوجين ، ومنها مايترتب عليها مفاسد اجتماعيه ( لو فتح الباب دون أشراف ) .

الخلل أساسا ، في هالفتره .

[راجي الْعفو]

يصبحك بالخير اخوي راجي ،


اسمح لي عالمداخله قاصد منها الأستفاده وطلب رأيك .

نعرف انه زوجها وهي زوجته ، الوليمة في السابق كانت مع عقد القران ، يعني فترة مابين عقد القران والوليمة "العرس" أمر مستجد ، خصوصا وان هالفتره تمتد لشهور ، وأذا فصلنا الموضوع بنوقف عند أمور كثيره تخلي الواحد يعيد تفكيره في حدود التواصل ، منها ما قد يضر بالزوجين ، ومنها مايترتب عليها مفاسد اجتماعيه ( لو فتح الباب دون أشراف ) .

الخلل أساسا ، في هالفتره .

يمسيك بالنور و السرور طيارنا ..

اكيد كلامك ما عليه غبار ، هذا المفروض

اعقد و أوْلِم ، و توكل ع الله معاها و انتهينا

مثل ما قلت المدة هذي ما لها داعي و خاصة اذا طالت

سمعت عن البنت وشفتها و استخرت وما وُجد مانع ، خلاص

بس لعله البعض يكون عنده ظروف تمنعه من الزواج مباشرة


وعلى هذا جاء التعليق

ولا المبدأ اللي ذكرته هو الاصل مافييه شك ..

مرحباً بك ..

[راجي الْعفو]

المرأة التي عرضت نفسها ع النبي عليه الصلاة و السلام

و لم يُردها

قام رجل بعدها مباشرة و طلب الزواج منها
و زوجه النبي عليه الصلاة و السلام مباشرة

من غير تطويل مدة و فاصل و ... الخ


و ع هذا كان العمل جاري ..

[بوحارب]

الله يبيله خطوبه جديدة وعرس وكيذا يعني

يالربع نبي أبديت :(

[بوخالد911]

بااال
للحين في عقول بهالمستوى !؟!؟
الله يخلف عليه.

تصرف الأب غلط
والحل يشوفون أقرب الناس له. يكون له معزة عنده ويحبه وايد. يكلمه
يمكن يجيب رااااااسه.

[ريم الشمال]

كل الاحترام والتقدير لهذا الاب الذي له رؤي تختلف عن الكثير

هذا الاب يعرف ما قام به وابعاده ونتائجه بينما آسفي على أهل بيته الذين خالفوا توجيهه بينما ممكن اقناعه وإذا لم يقتنع كان عليهم احترام ابيهم وزوجها وعدم تصغيره ...

اعتبر ما قراءة يمثل آراء الكثير واحترمهم لأنهم يتكتبون من منطلق اخلاقهم بس ... الكثير لا يعرف أن قطر فيها عوائل تخبر الرجال من مشيته وحركته وحتى من منطق لسانه
وهناك عوائل رجالهم مايتم تزويجهم ولا قربهم وإذا قرب لايسمح ان يدخل عليها غير الشوفه
الشرعية وحتى لو ملك عليها يعتبر فقط زوج حتى يتم الزواج بالأشهار المتعارف عليه

وسبب مسلك رجال هذه العوائل وعدم احترامهم للمرأة حتى لو كانت سوف تصبح كنة لهم لأنهم يوصفون ويقولون ويتكلمون في مجالسهم بأعتبارها غريبة وليست اختهم أو أمهم ولا تقول زوجته لا تقيس قيمك ايها القارئ بقيم هؤلاء من الرجال من هذه العوائل ....

الله يطول بعمرالاب وعسى مخالفتهم ما تكون نتائجها سلبية وبعدين يتحسفون

[sweet qatar]

الله يهداه اذا ما يبيهم يتواصلون ليش ما اجل الملكة قريب العرس !!!


و بالنسبة لتفاهم الاهل ماشوف فيه شي غلط او انتقاص من حد

ياما الحريم عدلوا وتفاهموا بينهم وبين بعض بعيد عن تعقيدات الرجال الي مالها داعي

[R 7 A L]

كل الاحترام والتقدير لهذا الاب الذي له رؤي تختلف عن الكثير

هذا الاب يعرف ما قام به وابعاده ونتائجه بينما آسفي على أهل بيته الذين خالفوا توجيهه بينما ممكن اقناعه وإذا لم يقتنع كان عليهم احترام ابيهم وزوجها وعدم تصغيره ...

اعتبر ما قراءة يمثل آراء الكثير واحترمهم لأنهم يتكتبون من منطلق اخلاقهم بس ... الكثير لا يعرف أن قطر فيها عوائل تخبر الرجال من مشيته وحركته وحتى من منطق لسانه
وهناك عوائل رجالهم مايتم تزويجهم ولا قربهم وإذا قرب لايسمح ان يدخل عليها غير الشوفه
الشرعية وحتى لو ملك عليها يعتبر فقط زوج حتى يتم الزواج بالأشهار المتعارف عليه

وسبب مسلك رجال هذه العوائل وعدم احترامهم للمرأة حتى لو كانت سوف تصبح كنة لهم لأنهم يوصفون ويقولون ويتكلمون في مجالسهم بأعتبارها غريبة وليست اختهم أو أمهم ولا تقول زوجته لا تقيس قيمك ايها القارئ بقيم هؤلاء من الرجال من هذه العوائل ....

الله يطول بعمرالاب وعسى مخالفتهم ما تكون نتائجها سلبية وبعدين يتحسفون

بيض الله وجهك
وضعتي النقاط على الحروف بالمختصر المفيد دون تكليف او كتابة معلقة
صحيح اننا في مجتمع واحد إلا ان بعض الاعراف تختلف من قبيلة الى اخرى ومن عوائل لاخرى
ويجب علينا جميعاً احترام الاخرين وتصرفاتهم حسب نظراتهم .

[راجي الْعفو]

الأعراف لا عبرة بها اذا كانت مخالفة للشرع

والشرع قد أباح للرجل ان يختلي بامرأته بعد العقد


فلا ينبغي للأب أن يمنعه من زيارة زوجته

هذا هو الاصل

وان أمكن ترتيب اللقاء بينهم من غير مخالفة وضرر فهذا هو المُفترض

[غريب الدّار]

الأخت ريم الشمال المحترمة

أحب ان أعلق على ماتفضلتي بذكره ، وبسم الله أبدأ :


هذا الاب يعرف ما قام به وابعاده ونتائجه
وماهي ابعاد ذلك الفعل ونتائجه ؟ هل لمنع الزوج والزوجة من حقوقهما أبعاد ونتائج؟ في نظري أن الأبعاد والنتائج سلبية


آسفي على أهل بيته الذين خالفوا توجيهه
اشكرج على إبداء هالنقطة وانا ماذكرتها في أي مداخلة سابقة اختي ريم الشمال
وقد اتفق او اختلف معاج فيها
لكن اعتقد ان النقطة هاذي فرعية
فالنقطة الأساسية هي في منع الاب مااحله الله بين الزوجين من ابسط أمور التواصل


الكثير لا يعرف أن قطر فيها عوائل تخبر الرجال من مشيته وحركته وحتى من منطق لسانه

اختي هاذي نقطة ينبغي في نظري الوقوف عندها :
اذا كانوا من البداية مب مقتنعين بالرجال
ليش وافقوا عليه ؟ ودامهم وافقوا عليه وتم العقد على سنة الله ورسوله ، فهل سنة الله ورسوله تقر مثل ذلك الفعل؟


وحتى لو ملك عليها يعتبر فقط زوج حتى يتم الزواج بالأشهار المتعارف عليه

اختي انا اعتقد ان مسالة الاشهار هاذي فيها لبس عند الكثيرين
الاشهار تم اختي
الشرع ماقال لازم عرس ترى
وماحدد نسبة او عدد معين للاشهار

الاشهار تم ياجماعة الخير
وراح اضرب امثلة بعد شوي باذن الله


وسبب مسلك رجال هذه العوائل وعدم احترامهم للمرأة حتى لو كانت سوف تصبح كنة لهم لأنهم يوصفون ويقولون ويتكلمون في مجالسهم بأعتبارها غريبة
والله اختي اللي بيتكلم عن شوفته وكنها غريبة هذا أصلا مايل واللي يسمعه اردى منه :)

والحين ابي أوضح بعض الأمور لو تسمحين لي اختي الكريمة ويسمح لي الجميع :

بالنسبة لمسألة الاشهار :
الاشهار تم ياجماعة الخير وانتهى
الجماعة اجتمعوا والكل عرف
مب شرط مثلا نص الدوحة يعرفون
لا
واصلا لو سووا عرس (اذا كانت هاذي نقطة الخلاف عند البعض) العرس ماراح يحضرونه كل هل قطر
بعد في ناس ماراح يعرفون او ماراح يوصلهم العلم

علشان جذيه الشرع ماحدد عدد معين للاشهار
العرس في النهاية مجرد مظهر ياجماعة
مب شرط لاكتمال عقد النكاح ابدا

اذن النكاح تم مستوفي كامل شروطه واركانه
وعقد النكاح يترتب عليه حقوق وواجبات
كون المرة تظل بيت ابوها بعد العقد هذا موضوع آخر

والحين ابي اضرب لكم مثال واعذروني على التعمق في الموضوع :
أصلا اقصى شي ممكن يصير بين زوجين وشو ؟

الحمل

مافي اقصى من جذيه


طيب
نفرض ان صار بينهم حمل (وانا ذكرت هالكلام قبل)

من يقدر يعاقبه على هالفعل؟ القانون ؟؟ ماراح يعاقبه ابدا
الشرع ؟؟ ماراح يعاقبه ابدا ولا يأثمه

اذا كان الخوف والله يمكن يصير بينهم شي وعقب يخليها

انزين وبعدين ؟ اذا خلاها شنو يعني؟ (طبعا هذا مايعني اني انظر للانفصال وكنه شي عادي او ادعو له ، بالعكس تماما)

(طبعا مع تسليمنا بان الطلاق لا يقع للحامل)

لكن اذا حملت وانفصل عنها

زوجها وانفصل عنها مثل ماتصير حالات طلاق كثيرة


انزين يمكن بعد العرس بعد يصير نفس الشي وينفصل عنها


ونرجع لمسالة الاشهار في المثال اللي ذكرته :
يعني في ناس مثلا بيقولون متى تزوجت ؟ وتزوجت من ؟ يعني ماكانوا يعرفون

انزين لو سووا عرس وعزموا هل قطر كلهم عليه
هل الكل راح يحضر؟ بعد نفس الشي في ناس ماراح يحضرون وماراح يعرفون

الخلاصة واسمحوا لي على الاطالة :

لا يحق لأيا كان منع الزوج او الزوجة مما احله الله لهما بعقد نكاح شرعي وصحيح ومستوفي لشروطه

واذا كانت هناك تصرفات شاذة من البعض فلا يقاس عليها لمنع الحقوق ابدا


تذكرت :
في نقطة تطرق لها بعض الاخوان الكرام والاخوات الفاضلات اللي هي :
ان الاهل يمنعون عيالهم عن الحلال علشان مصلحتهم


أقول :
هذا قياس (ان صح اعتباره قياسا ) مع الفارق

تدرون ليش؟
لان الولد القاصر مايعرف مصلحته
والاهل مسؤولين عنه امام الشرع والقانون

ومن حقهم على اهاليهم تربيتهم التربية الصحيحة

لكن شلون نطبق هذا على عقد نكاح شرعي؟
كل طرف من الطرفين (الزوج والزوجة) بالغين عاقلين راشدين
ولهم حقوق وواجبات
ليش نمنعهم من ابسطها؟ ابسط شي الكلام والجلوس مع بعض

ارجع وأؤكد ان كون البنت في بيت ابوها للحين هذا مايعطيه الحق اطلاقا في منعها من التحدث الى زوجها

هذا رايي

والله اعلم

نقطة أخيرة : أتمنى ان كل شخص يجاوب السؤال البسيط التالي :
في حالة التعارض بين الشرع والأعراف والتقاليد ، أيهما نقدم ؟

اعتقد الإجابة معروفة سلفا وبديهية


والله يوفق الجميع

[ضوى]

دام مافيه شي غلط ودامها حلاله ، الاب متعنت في قراره ، ودام اهلها يدرون ماعداه فمافيها مشكلة حسب رايي المهم ان اللقاءات تكون بوجود احد يعني مايختلي فيها الا في اضيق الحدود

[مهرة]

..

اتصير كثير هالمواقف وخبري بها لين الحين ماشيه عند بعض العوايل ويحق لهم من الي نشوفه ونسمعه واحس حتى لو بعد الملكه بعد بيظلون غرب ومش بسهولة يتعودن على بعض ومن وجهة نظري مافيها شي يسولفون بالتلفون ودام انه أهله استأذنوا من أهل البنت وجاوبوهم بالموافقة فما فيها شي بس (اثقلي) يابنت الناس خليج في برجج العاجي وخليه يتعب ويموت على مايوصل فوق فوق فوق ولا تقولين له انه شعرج طويل والي يبي الحلو يصبر على مره.!!

بس الي ماعجبني بالموضوع تغافل وجهة نظر الأب يعني فيها كسر وفيها غبنه اذا عرف كل البلاء بيرجع على راس (ام العروس) ولكن بالمسايسة والكلام الموزون واختيار الوقت المناسب تفتح معاه الموضوع بشكل أسرع عشان مايكتشف وينصدم وينهي السالفة عن بكرة أبيها:secret: هالنوع من العقول صلدة وماتلين ابداً ابداً بس نحاول.

موضوع في غاية الأهمية يعطيكم العافية اخوي غير البشر .,,

[شبح الصمت]

الاب سوى الي عليه وخوفه على بنته ..

والاهل الله يهداهم اهل الزوج والزوجة الحريم مفروض ما يوافقون انه يتواصل معها خلاص
يحترمون الشيبه وكلمته ..

من خوفه عليها لانه وراها مقصد .
اما سوالف معاها وياخذ ويعطي وين رحتي ومع من جيتي
وهي نفس الشيء
وتصير مشاكل بينهم قبل لا يدخل عليها
واشوي الا مع هالوقت يطلقها وهي في بيت ابوها ..


تعالووا قالوا حق العالم شنهي الاسباب وتعالوا طلعوهم من حلوج العالم ..
الا فلان طلق فلانه
ما تسمع كلامه
كله برى البيت
كله الي اهو رايح وراد مسافر وقالت له طلقني ..

امور بسيطة تشوفونها وتساهلون فيها ولكنها عند البعض كبيرة ..

اليوم يكلمها تلفون بكره يحن عليها ابي اشوفج من وراء اهلج ..

عسى ما شر ..

انا قول خلوونا على الشوفه الشرعية
وعقب يدخل عليها ..
ويعرفها عقب ما تكون عنده
يعرف مشاعرها واحاسيسها ودخلتها وطلعتها

في ناس مع احترامي للكل في ناس ما تخاف الله ..

[Charisma]

مستر غريب ،



توضيح :

المنع او وضع الضوابط هذي تختلف من أسره لأسره ، سبق وقلت ان رأي الأب حتى لو حُكم عليه ظاهريا ان فيه تعنت ، لكن قد يملك الأسباب وفق تقديره ، ولاهو ملزوم يبرر ويشرح ليش ، وكان الأولى أن يثبت الرجال موقفه في احترام رأي عمه ، مازالت البنت في بيت أبوها وهو مسؤول عنها .

الألتباس :

حاليا العقد ماله وليمه ( عرس ) ، في السابق كان العقد + الوليمه ( عرس ) ولاتوجد مدة طويلة بينهما ، قد تكون أيام ولكن مب شهور .

وليمة العرس سنة على الراجح ويستحب أن تكون بعد الدخول ولا يطالب بوليمة للعقد.


الشرع ام العادات :

حتى الفتاوى في هالموضوع تراعي العادات والأعراف السائده ، الموضوع مافيه فرد عضلات وهي زوجتي أسوي اللي ابيه ، انت عايش في منظومه أجتماعيه لابد تحترمها ، وماراح تلقى شيخ في هالموضوع يشجعك على التمرد ، أن بغيت تغير الواقع لك ان تلغي الفتره مابين العقد والعرس وتعجل .


تجب مراعاة الأعراف والعوائد في ذلك إذ إن المعروف عرفا كالمشروط شرطا كما تقول القاعدة الفقهية، ومقصودنا هنا أنه إذا كان العرف جاريا في بلاد ما بأن الزوج قبل إشهار الزواج وإعلانه يظل بعيدا عن امرأته ولا يخالطها أنه تجب مراعاة هذا العرف وعدم الخروج عليه. 5ـ ليس في هذا الاتفاق أو العرف مصادمة ولا معارضة للشرع فإنه لا يقضي بتحريم ما أحل الله من الاستمتاع بالزوجة المعقود عليها إذ لو كان يقضي بذلك لما كان له قيمة ولم يلزم مراعاته، وإنما يؤخر هذا الاستمتاع حتى يتم الزفاف والإشهار لما تقدم من أن المسلمين عند شروطهم


وللزوجين بعد العقد وقبل الزفاف الخروج مع بعضهما، والخلوة وغير ذلك مما يجوز للزوج مع زوجته، ولكن الأفضل كما قلنا أن لا تمكن زوجها من نفسها حتى تزف إليه لما قد يترتب على ذلك من مفاسد في أكثر المجتمعات


فإذا تم العقد الشرعي بشروطه وأركانه، فقد أصبحت هذه الفتاة زوجتك يحل لك منها ما يحل للزوج من زوجته. لكن ينبغي لك مجانبتها وعدم الإقدام على ما لم تجر العادة بالإقدام عليه منها في هذه الفترة حتى تزف


ومن المهم أن ننبه هنا إلى أمر وهو: أنه قد جرت عادة الناس على أنه لا يتم الدخول على الزوجة إلا بعد حفل الزفاف كما يسمى عندهم. وعليه فإنهم يتحرجون كثيراً في أن تختلي المرأة بزوجها قبل زفافها إليه خشية أن يحصل (شيء ما) قبل الزفاف فقد يتوفى مثلاً الزوج أو تحصل مشاكل تكون سبباً في فسخ العقد

جميعها اقتباسات من اسلام ويب ، تؤكد حق الزوج وهذا لاغبار عليه ، وتراعي ايضا الأعراف والعادات الأجتماعيه .



ليش التعقيد :

لأن المدة مابين العقد والعرس ، مدة طويله وهي أساس هذا الموضوع ، تخيل في هذه المدة ان تعيش حياتك " كزوج مع وقف التنفيذ " ، مشاعر مكبوته ولذه ناقصه ، اندفاع وحماس معروف تاليه ، إلى حين موعد العرس ، تلقى الواقع مختلف عن الـ ( الو ) ، وتلقى السوالف غير ( اذا بقت سوالف ) ، وأمور كثيره تضر الزوجين " مقارنات الواقع بأيام الـ ( الو ) " .

مثل ما البنت يجملها الحياء ، فالرجل يجمله الـ ( الثقل ) ، ومثل هالمواضيع لو أشترطها الأب وعارضها تقبلها ، ولو تعيش اللحظات هذي ( بكامل ) حلاوتها هو احسن واخير لك من لذه ناقصه يتبعها واقع مغاير ، وان ماقدرت فـ ياخي عجل بموعد العرس .



الزبده :


موقف الأب يُحترم ، و "كسر" كلمته هو الخطأ بعينه ، ولو ان لي رأي أخر وهو التواصل بالحد الأدنى وتحت الأشراف والتوجيه ، لذلك ذكرت في بداية الموضوع ان قرار الأب غير خاطىء وغير صائب يرجع الموضوع لتقديره وأسبابه .


ملاحظه : جميع الأقتباسات من أسلام ويب .

[غريب الدّار]

مسيو بايلوت :nice:
راح ارد عليك بالتفصيل باذن الله وبنشوف من اللي فرد عضلاته (:
بس مشغول شوي حاليا

[Charisma]

مسيو بايلوت :nice:
راح ارد عليك بالتفصيل باذن الله وبنشوف من اللي فرد عضلاته (:
بس مشغول شوي حاليا

ههههههه اذا بنتهاوش قول عشان اضبط لي فزعه .

[غريب الدّار]

مستر غريب ،
نعم مستر بايلوت:)


توضيح :

المنع او وضع الضوابط هذي تختلف من أسره لأسره ، سبق وقلت ان رأي الأب حتى لو حُكم عليه ظاهريا ان فيه تعنت ، لكن قد يملك الأسباب وفق تقديره ، ولاهو ملزوم يبرر ويشرح ليش ، وكان الأولى أن يثبت الرجال موقفه في احترام رأي عمه ، مازالت البنت في بيت أبوها وهو مسؤول عنها .

الألتباس :

حاليا العقد ماله وليمه ( عرس ) ، في السابق كان العقد + الوليمه ( عرس ) ولاتوجد مدة طويلة بينهما ، قد تكون أيام ولكن مب شهور .
التوضيح هذا انا عارفه عدل الله يهداك:nice:
الالتباس هذا وين بالضبط؟؟ لاني ماخبرت ملجة بدون عزيمة الله يطول لي عمرك
ما:nice:دري اي مجتمع تتكلم عنه انت :)
ومالها علاقة الايام والشهور مستر بايلوت في الموضوع ترى


الشرع ام العادات :

حتى الفتاوى في هالموضوع تراعي العادات والأعراف السائده ، الموضوع مافيه فرد عضلات وهي زوجتي أسوي اللي ابيه ، انت عايش في منظومه أجتماعيه لابد تحترمها ، وماراح تلقى شيخ في هالموضوع يشجعك على التمرد ، أن بغيت تغير الواقع لك ان تلغي الفتره مابين العقد والعرس وتعجل .









جميعها اقتباسات من اسلام ويب ، تؤكد حق الزوج وهذا لاغبار عليه ، وتراعي ايضا الأعراف والعادات الأجتماعيه .
مستر بايلوت
الشرع يراعي العادات والتقاليد عارف هالشي
لكن سوالي كان في حالة التعارض : اتمنى انك تقرا كلامي قبل لاترد
وانت جايب اقتباسات من اسلام ويب
ياخي على راسي :nice:

بس في فتوى اوردها احد الاخوة لابن باز بعد :nice:
قريتها؟ولا على طول ركضت ع الكوبي والبيست؟:)



ليش التعقيد :

لأن المدة مابين العقد والعرس ، مدة طويله وهي أساس هذا الموضوع ، تخيل في هذه المدة ان تعيش حياتك " كزوج مع وقف التنفيذ " ، مشاعر مكبوته ولذه ناقصه ، اندفاع وحماس معروف تاليه ، إلى حين موعد العرس ، تلقى الواقع مختلف عن الـ ( الو ) ، وتلقى السوالف غير ( اذا بقت سوالف ) ، وأمور كثيره تضر الزوجين " مقارنات الواقع بأيام الـ ( الو ) " .

مثل ما البنت يجملها الحياء ، فالرجل يجمله الـ ( الثقل ) ، ومثل هالمواضيع لو أشترطها الأب وعارضها تقبلها ، ولو تعيش اللحظات هذي ( بكامل ) حلاوتها هو احسن واخير لك من لذه ناقصه يتبعها واقع مغاير ، وان ماقدرت فـ ياخي عجل بموعد العرس .

اول نقطة : وشدراك ان الابوشرط هالشي قبل؟:)

ثاني نقطة : حتى لو كان شارط وقتها المفروض الزوج مايسوي له مشاكل لكن لازم يعرف انه حرمه من حق شرعي له

ثالث شي : طيب ياخي افرض لما خذها بيت الزوجية طلعت غير عن اللي كان متخيلها
عادي يطلقها وقتها صح؟

يعني المسالة عندك يطلقها برع ولا يطلقها بيت ابوها
اذن شاللي تحرص عليه بالضبط؟
:nice:



الزبده :


موقف الأب يُحترم ، و "كسر" كلمته هو الخطأ بعينه ، ولو ان لي رأي أخر وهو التواصل بالحد الأدنى وتحت الأشراف والتوجيه ، لذلك ذكرت في بداية الموضوع ان قرار الأب غير خاطىء وغير صائب يرجع الموضوع لتقديره وأسبابه .



ملاحظه : جميع الأقتباسات من أسلام ويب .
بالنسبة لموقف الاب يحترم ولا لا هذا في نظري موضوع اخر
لان الموضوع الاساسي هو مسالة المنع اللي انت اتوافقها

ملاحظة مني : جميع الاقتباسات من غريب الدار لاني ماتعودت على الكوبي والبيست :nice:

وحياك الله :)

[غريب الدّار]

ههههههه اذا بنتهاوش قول عشان اضبط لي فزعه .
ضبط لك فزعات بعد افا عليك بس (: ومحنا متهاوشين الدعوى نقاش بس
يمكن اتاخر في الرد بسبب انشغالي لكن باذن الله راح ارد (:

[R 7 A L]

نتايج المسلسلات العربية بانت نتايجها

[Charisma]

التوضيح هذا انا عارفه عدل الله يهداك:nice:
الالتباس هذا وين بالضبط؟؟ لاني ماخبرت ملجة بدون عزيمة الله يطول لي عمرك
ما:nice:دري اي مجتمع تتكلم عنه انت :)
ومالها علاقة الايام والشهور مستر بايلوت في الموضوع ترى

أساس الموضوع المدة بين العقد والعرس ، فشلون مالها علاقه بارك الله فيك ؟ وبعدين العقد ماله وليمه عشان اتقول أشهار وتضرب على هالنقطه ، الا أذا اقترن بالعرس مباشره .



مستر بايلوت
الشرع يراعي العادات والتقاليد عارف هالشي
لكن سوالي كان في حالة التعارض : اتمنى انك تقرا كلامي قبل لاترد
وانت جايب اقتباسات من اسلام ويب
ياخي على راسي :nice:

والله لو قريت الرد عدل ، بتعرف ان اللي تعده " تعارض " سبق توضيحه في الرد السابق وفي الأقتباس الثاني .


بس في فتوى اوردها احد الاخوة لابن باز بعد :nice:
قريتها؟ولا على طول ركضت ع الكوبي والبيست؟:)

حاول تنتقي الكلمات ، وتحفظ للنقاش مقامه ، ترى الدعوه مب حرب وتعلق الرايه .

اقرا http://fatwa.islamweb.net/fatwa/index.php?page=showfatwa&Option=FatwaId&Id=61470

والأمر بالأمر يقاس .



اول نقطة : وشدراك ان الابوشرط هالشي قبل؟:)



ثاني نقطة : حتى لو كان شارط وقتها المفروض الزوج مايسوي له مشاكل لكن لازم يعرف انه حرمه من حق شرعي له

ثالث شي : طيب ياخي افرض لما خذها بيت الزوجية طلعت غير عن اللي كان متخيلها
عادي يطلقها وقتها صح؟

يعني المسالة عندك يطلقها برع ولا يطلقها بيت ابوها
اذن شاللي تحرص عليه بالضبط؟
:nice:





جميع هالأساله أجوبتها في الرد السابق ، ليتك ماستعجلت بالرد .




ملاحظة مني : جميع الاقتباسات من غريب الدار لاني ماتعودت على الكوبي والبيست :nice:

وحياك الله

تتوقع الكوبي والبيست من مواقع موثوقه مثل اسلام ويب تقلل من حجة الشخص وخصوصا في أمور تحتاج لأهل الأختصاص ؟ انت شخصيا ماتلجأ لمرجع معين؟ .


عموما مثل هالنقاشات ماتستوهيني ، واشكرك على ردك .

[سالم الزهران]

اتفق مع الاخ Pilot

الحين صاروا المخطوبين او المملكين يصير بينهم ستين مشكلة قبل العرس ( صرنا نصلح و نملح بينهم و هم تو ما حملوا مسؤليات)

وبعدين ،، يا ناس ،،يا عالم فهموني عبارة ( يتعرف على سلوك / نفسية / ثقافة الخطيبة ) ؟ ما اصدقكم شوفوا غيرها !


والختام ، يجب ان نراعي حاجة الشباب اليوم انهم ودهم يتعرفون على بعضهم ،،لكن كلامي للنسيب ( يا نسيبي ان كانك ما عرفت طبع خطيبتك من اول سبوع ) فالله يخلف عليك ، سو مثل عمك لين اليوم ما عرفت طبع امها و لا انقلبت الدنيا و يا رب لك الحمد

[Dana’1]

هو صحيح زوجها رسمي والأب موقفه شديد وغريب نوعما كان يقدر يخليهم بضوابط عالأقل

بس طالما قال لها مافيه لقاء وتواصل خلاص ياتقنعه يا تسمع كلمتة أفضل لها بالذات إنها للحين ببيت أبوها موحلوه تنكسر كلمته وقدام زوجها الي مابعد راحت لبيته ،،، يعني إيش بتخسر بالله؟!


لاحقه على الزوج وعلى السوالف معه وهو بعد ^_ ^

[sweet qatar]

موضوعك يا غير البشر بين لي تناقض كبير في عقلية البعض .. لانك لو قلت ان الام هي الي رافضة بتلقى الردود تختلف 180 درجة


الشرع واضح و صريح لكن سبحان الله الهوى يعمي البصيرة

[غريب الدّار]

موضوعك يا غير البشر بين لي تناقض كبير في عقلية البعض .. لانك لو قلت ان الام هي الي رافضة بتلقى الردود تختلف 180 درجة


الشرع واضح و صريح لكن سبحان الله الهوى يعمي البصيرة
ياروحي عليج ياسويت
مع ان والله كنت حاط في بالي أستأنف النقاش بكرة باذن الله
لكن مشاركتج جذبتني وخلتني اعلق لانها تنطوي على نظرة ثاقبة

اهنيج

وللحديث بقية

[بانغ بانغ]

مادري هل لحين موجودين القبائل اللي ما يسمحون للزوجين مشاهدة بعض الا بعد الزواج مثل قبل ....

[Dana’1]

مادري هل لحين موجودين القبائل اللي ما يسمحون للزوجين مشاهدة بعض الا بعد الزواج مثل قبل ....


نعم موجودين للحين


بس اطن الموضوع مايقصد كذاالي فهمته شافها وعنده فكره عنها بس مايبغونهم يتواصلون بزياده لقاءات وكذا

[Charisma]

اتفق مع الاخ Pilot

الحين صاروا المخطوبين او المملكين يصير بينهم ستين مشكلة قبل العرس ( صرنا نصلح و نملح بينهم و هم تو ما حملوا مسؤليات)

وبعدين ،، يا ناس ،،يا عالم فهموني عبارة ( يتعرف على سلوك / نفسية / ثقافة الخطيبة ) ؟ ما اصدقكم شوفوا غيرها !




مرحبا بك اخوي الزهراني ، نستغل الفرصه ونقول حللت أهلا ووطئت سهلا .

لنا في الحاصل عبره ، لا أحد ينكر ان نسبة كبيرة من الطلاق تحدث في هالفتره ، وعدم التوافق مب السبب الرئيسي فيها ، مشاركة العقل المدمر فيها توضيح للمراد .



والختام ، يجب ان نراعي حاجة الشباب اليوم انهم ودهم يتعرفون على بعضهم ،،لكن كلامي للنسيب ( يا نسيبي ان كانك ما عرفت طبع خطيبتك من اول سبوع ) فالله يخلف عليك ، سو مثل عمك لين اليوم ما عرفت طبع امها و لا انقلبت الدنيا و يا رب لك الحمد

ههههههههه ، الله يسعدك .

[Charisma]

موضوعك يا غير البشر بين لي تناقض كبير في عقلية البعض .. لانك لو قلت ان الام هي الي رافضة بتلقى الردود تختلف 180 درجة



مع احترامي اختي ، محاولة فاشله لتحوير الموضوع ، ناقشي الاراء ولاتناقشي أصحابها ، تناقض ازدواجيه انفصام تخبط تفلسف ، مب هذا الموضوع ولاراح يضيف للنقاش شيء .



الشرع واضح و صريح لكن سبحان الله الهوى يعمي البصيرة

امنا بالله ، وسبحان الله حتى مع تبيان ان الشرع لايهمل جانب العادات ومع الأستعانه بما يؤكد على ذلك ، مازال التحوير جاريا في جعل العادات ند .

[Charisma]

مادري هل لحين موجودين القبائل اللي ما يسمحون للزوجين مشاهدة بعض الا بعد الزواج مثل قبل ....

نعم موجودين ، البعض منع كلي حتى بعد العرس ، والبعض قد يسمح بالتواصل الهاتفي المحدود .

[R 7 A L]

موضوعك يا غير البشر بين لي تناقض كبير في عقلية البعض .. لانك لو قلت ان الام هي الي رافضة بتلقى الردود تختلف 180 درجة


الشرع واضح و صريح لكن سبحان الله الهوى يعمي البصيرة

شلون عرفتي لو كان الموضوع ان الأم هي الي رافضة ان الردود بتختلف ؟
ومنهم الاعضاء الي راح يغيرون رأيهم لو كانت الأم هي الي رافضة ؟
وهل بتصريحج هذا تبين تقولين اننا في مجتمع ذكوري ؟

[غير البشر]

مشكورين على ردودكم وعلى ابدأ الرأي وراجع ان شاء الله لجميع الردود

والموضوع انا ذكرته بالضبط وهذا الي حصل

وطلبو الشور مني من جذي بغيت اشوف ردود افعالكم للموضوع

تحياتي

[R 7 A L]

مادري هل لحين موجودين القبائل اللي ما يسمحون للزوجين مشاهدة بعض الا بعد الزواج مثل قبل ....

قبائل ؟
يعني كل افراد القبيلة يمنعون هالشي ؟
طبعاً لا
الوضع الأن تغير تماماً وبدت حتى العائله الواحد تختلف بين افرادها من حيث العادات والتقاليد والاعراف والتصرفات

[حليتان*]

دام ملج اكيد عرف انها تصلح وله ماتصلح له مايصير يملج مني والدرب

اما انه يملج وعقب يشوف تصلح له وله لا فهذا الكلام غلط


واصلا دام ملج اتوقع يكون العرس قريب لا يستعجل على رزقه

[حليتان*]

مادري هل لحين موجودين القبائل اللي ما يسمحون للزوجين مشاهدة بعض الا بعد الزواج مثل قبل ....

نعم وانا من قبيله من هالقبايل والحمدلله الامور طيبه وبخير ولكن للامانه قلت هالعاده حاليا ولكن مازالت مطبقه عند البعض

وحتى منقود ان المعرس يدخل عرس الحريم شماله رجال يقعد فنص 500 مره

[غريب الدّار]

اقرا http://fatwa.islamweb.net/fatwa/index.php?page=showfatwa&Option=FatwaId&Id=61470

والأمر بالأمر يقاس .




جميع هالأساله أجوبتها في الرد السابق ، ليتك ماستعجلت بالرد .





.




اهلا اهلا مستر بايلوت :)


أساس الموضوع المدة بين العقد والعرس ، فشلون مالها علاقه بارك الله فيك ؟ وبعدين العقد ماله وليمه عشان اتقول أشهار وتضرب على هالنقطه ، الا أذا اقترن بالعرس مباشره .

أساس الموضوع ؟ يخي النقاش تشعب في خمسين أساس عيل :nice:
هاذي الزاوية اللي انت شفت منها يابايلوت وانا احترم نظرتك
لكن أساس الموضوع كان في المنع
وقد يكون له أساس ثاني اللي هو عدم طاعة الاب او ترتيب الموضوع من وراه
كل واحد له زاوي اخوي وراعي الموضوع نفسه ماحدد محاور
فشلون انت حددت أساس الموضوع ؟ :nice:

هاذي نقطة

النقطة الثانية : يابو الشباب
هل الوليمة على قولتك أصلا شرط من شروط الاشهار ؟
شمعنى الاشهار ؟

هذا لغة :
إِشهار: ( اسم )

مصدر أَشْهَرَ
إِشْهارُ أَمْرٍ : إِظْهارُهُ شَهيراً
( القانون ) إعلان عن وضع قانونيّ أو فعليّ إشهار الحكم الصادر عن القضاء ،

2.إشْهار: ( اسم )

إشْهار : مصدر أَشْهَرَ

3.أَشْهَرَ: ( فعل )

أشهرَ يُشهِر ، إشْهارًا ، فهو مُشهِر ، والمفعول مُشهَر - للمتعدِّي
أشْهَرَ الشيءُ : أتَى عليه شهْرٌ
أشْهَرَ في المكانِ ، أوْ به : أقام فيه شَهْرًا
أشْهَرَ الحاملُ : دخلت في شهر ولادتها
أَشْهَرَ الأمْرَ : أَظْهَرَهُ وَصَيَّرَهُ شَهيراً
أشهر السَّيفَ : رفَعه ، سلّه من غِمْده
يُشْهِرُ مَوادَّ صِناعِيَّةً : يُعْلِنُ عَنْها لِتَصيرَ مَعْروفَةً فَتُقْتَنَى

أشهر الامر : أظهره -------------> ركز في هاذي


مافي اشتراط لفعل معين للاشهار
وانما يستحب كذا وكذا

بعدين اخوي في عقد
وعقد شرعي
والعقد مايتم الا مستوفي اركانه وشروطه يامستر :nice:
دام العقد تم فهي زوجته على سنة الله ورسوله وله حقوق وعليه واجبات ، اما عدا ذلك فهي عادات وتقاليد ، اذا تم الاتفاق عليها وتنازل الزوج عن حقه كان بها ، لكن لازم يعرف ان هالشي ماله علاقة بالدين
له علاقة بالعادات فقط
الدين ماقال ان العقد اذا تم ، من حق أبو الزوجة يمنع الزوج عن زوجته
اعتقد الكلام واضح

هذا اذا افترضنا فعلا ان العقد ماله وليمة لان العرف السائد عندنا ان لما يملجون يكون في وليمة ع الأقل :nice:


والله لو قريت الرد عدل ، بتعرف ان اللي تعده " تعارض " سبق توضيحه في الرد السابق وفي الأقتباس الثاني .

ابشرك قريته عدل
بس الظاهر انت ماقريت كلامي اصلا :nice:


حاول تنتقي الكلمات ، وتحفظ للنقاش مقامه ، ترى الدعوه مب حرب وتعلق الرايه .

هالكلام اوجهه لك اخوي :nice:


تتوقع الكوبي والبيست من مواقع موثوقه مثل اسلام ويب تقلل من حجة الشخص وخصوصا في أمور تحتاج لأهل الأختصاص ؟ انت شخصيا ماتلجأ لمرجع معين؟
لا والله ؟ :nice:
وليش ماخذت بفتوى الشيخ بن باز رحمة الله عليه ؟
ولا علشان ماعجبتك ولا وافقت هواك ؟ :nice:

وهاذي نقطة ابي اذكرها :
لحد يعتقد انه اذا سوا كوبي وبيست ان حد بيقول عنه عالم
اسهل شي الكوبي والبيست
:nice:
الواحد كل اللي يسويه انه ينقل كلام غيره وكلها ضغطة زر
مااقول لحد يستشهد بآراء غيره
لكن النقاش يكون منطقي اول شي
عقب كل واحد يقول رايه ويستشهد
والمنطق يفرض نفسه في النهاية
ومحد معصوم ، والوحي انقطع بوفاة النبي صلى الله عليه وسلم
وكلها آراء :nice:


عموما مثل هالنقاشات ماتستوهيني ، واشكرك على ردك .

هذا شي راجع لك انت اخوي مب انا :nice:
بس الغريب انها ماصارت تستهويك من النص مب من البداية :nice:


حياك الله

[غريب الدّار]

للتوضيح يااخوان :

أولا : بالاتفاق ممكن يصير كل شي ، يعني : الزوج من حقه يتواصل مع زوجته ، وهذا حق من ابسط حقوقه ، لكن اذا قرر يتنازل عنه هذا شي راجع له ، لكن الشرع مايمنع ، عارف عالشي ، لكن مبين من الموضوع ان تم فرض هالشي على الزوج بدليل ان صار اتفاق من ورا ظهر الاب لكسر هذه القاعدة ، ويجب ان نسلم بالحقيقة : بعد العقد أصبحت الزوجة في عصمة زوجها ، له حقوق وعليه واجبات ، أصبحت حلا له ، وهو حل لها ، فلا يجوز تحريم مااحل الله ، الا اذا كان الزوج موافق ، فيجب عليه ان يعلم انه تنازل عن حقه الشرعي ، فقط بسبب العادات والتقاليد.


ثانيا : وهذا تكرار تقريبا للنقطة الأولى ، حتى العادات ممكن ان تكون مخالفة للشرع ، حتى بالاتفاق ، والا كيف يمنع شخص ما زوجا عن زوجته؟

ثالثا : استغرب من اللي يقول ان ممكن تصير مشاكل ، وهذا شي وارد وماقلنا لا ، طيب يعني اذا تموا جذيه مايعرفون أي شي عن بعض الا اللي سمعوه عن بعض قبل ، هل بتضمنون عدم حدوث مشاكل؟

يبدو لي والله اعلم ان في ناس كل همهم حفلة العرس تصير وعقبها خله يطلقها بس لايطلقها وهي بيت ابوها !!!!

طيب نفس الشي
هي مرته سواء في بيت ابوها او بيته هو

يعني الحين بهالطريقة ضمنتوا عدم حدوث مشاكل؟

اسالكم سؤال موضوعي :
كم نسبة القبايل اللي تسوي جذيه؟ حسب علمي اقلية

هل في حد سوا إحصائية عن اللي يمنعون الزوجة من التواصل مع زوجها ان نسبة الطلاق اقل؟
الطلاق ممكن يصير في أي وقت ترى

ماله علاقة بانه الزوج جلس مع زوجته او ماجلس

رابعا : احب اعلق على نقطة الأخت الكريمة سويت : يمكن البعض يشوفها خارج الموضوع ، لكن والحق يقال ومن تجارب عدة ان كلامها صحيح
كثيرين ركزوا على سالفة لايجب كسر كلام الاب

(على فكرة ياسويت انا اشرت في اول مداخلة لي للثقافة الذكورية وكنت اقصد ماتفضلتي بذكره في مداخلتج )

طيب

انا باجيب لكم نفس السالفة وباقول ان الام هي اللي قررت
شنو راح يكون الرد؟

طبعا الحين يمكن الاقي نفس الردود لان التساؤل انطرح في نفس الموضوع

لكن الواقع (ومن خلال واقع الحال في منتدانا الكريم) ان الوضع بيختلف
هذا توقع مبني على مشاهدات طبعا وليس وحياً ، فبالتالي يقبل الخطأ والصواب

الخلاصة : (وهاذي عدتها يمكن ثلاث مرات )
العقد تم
أصبحت زوجته
واصبح زوجها
تحل له ويحل لها بما حكم الله سبحانه وتعالى


غير ذلك : تقاليد تخالف الشرع ، ولا يمنع ان يقبل بها الزوج ولكن على دراية كاملة بانهم يمنعونه عن حق مقرر شرعاً له


والله تعالى اعلم


لحظة : نسيت مسالة الوقت بين الملجة والزواج :

طبعا هنيه لازم نلاحظ شغلة :
احنا يمكن من الشعوب القليلة في العالم اللي تسمي الزوجة خطيبة !!!


لاحظوا معاي :
متى نطلق لفظ الخطيبة على المراة ؟ لما يملجون عليها


انزين ياجماعة لما يملجون عليها صارت زوجة !!!

وهنيه احب أثنّي على كلام اخوي رحال (مع اني ماادري هو شيقصد بس الكلام صحيح)
اللي هوالتأثر بالمسلسلات

تدرون ليش؟؟


يااخوان في قطر مافي نظام او قانون الخطوبة
في بعض الدول في
اعتقد الاردن (وصلحوا لي اذا كنت غلطان) يقدر يخطبها بدون مايملج عليها
ويقعد معاها بعد
وفي حقوق وواجبات عليه كخاطب

لكن احنا نستعمل اللفظ في غير محله

لا والمضحك : نسوي حفلة خطوبة بعد الملجة :nice:

لحد يزعل ياجماعة
بس هذا الواقع

الواحد يروح يملج على وحدة (يعني تصير زوجته على سنة الله ورسوله ) عقب يروح يخطبها :nice: خطوبة بعد الزواج !!

طبعا هذا العرف السائد واحنا انطبقه
لكن التأثر بالمسلسلات وين ؟

الخطوبة بمعناها الموجود في المسلسلات ترى مب موجودة عندنا

واعتقد انكم اموافقيني

اللي في المسلسلات شي
واللي عندنا شي

احنا الحمدلله (ولا قصور في احد من إخواننا العرب) مانرضى ان حد يقعد مع شوفاتنا الا بعقد شرعي ولله الحمد
وهاذي ورثناها كابراً عن كابر

لكن ركزوا : عقد شرعي
والعقد يعطي الزوج حقوق كاملة غير منقوصة ويعطي الزوجة


والله من وراء القصد

غريب الدّار

[sweet qatar]

ياروحي عليج ياسويت
مع ان والله كنت حاط في بالي أستأنف النقاش بكرة باذن الله
لكن مشاركتج جذبتني وخلتني اعلق لانها تنطوي على نظرة ثاقبة

اهنيج

وللحديث بقية


رحم الله والديك اخوي

وجهة نظري صواب قد تحتمل الخطا





مع احترامي اختي ، محاولة فاشله لتحوير الموضوع ، ناقشي الاراء ولاتناقشي أصحابها ، تناقض ازدواجيه انفصام تخبط تفلسف ، مب هذا الموضوع ولاراح يضيف للنقاش شيء .




امنا بالله ، وسبحان الله حتى مع تبيان ان الشرع لايهمل جانب العادات ومع الأستعانه بما يؤكد على ذلك ، مازال التحوير جاريا في جعل العادات ند .

وجهة نظرك لاتعنيني .. مع احترامي

رأيي اطرحه بالشكل الي ابيه



شلون عرفتي لو كان الموضوع ان الأم هي الي رافضة ان الردود بتختلف ؟
ومنهم الاعضاء الي راح يغيرون رأيهم لو كانت الأم هي الي رافضة ؟
وهل بتصريحج هذا تبين تقولين اننا في مجتمع ذكوري ؟

لان في موضوع سابق كان يتكلم عن نفس الفترة وكان الهجوم كبير على الام

لو كانت الام هي الي رافضة أتوقع بيكون التعاطف اكبر مع الخاطب المسكين



على العموم الي حبيت أبيّنه في ردي السابق

ان الشرع خط احمر

بنختلف او نتفق على تصرف الأب هذا مجال النقاش

اما اني اقول ان الأب يعرف مصلحة بنته اكثر

فهو خطأ مبطن .. لان مقابل تصرف الأب شرع الله

والله يغفر لنا ولكم

[عثرة جواد]

السلام عليكم


موووضوووع مهم جدا


كثير طالبنا بضرورة النظرة الشرعية وضورة الجلوس مع المخطوبة

وهاي الي وصى بها الرسول الكريم .....لاكن مثل ماذكرت اخوي الفاضل كثير من الإباء يعيشون


ف جلباب ابائهم ......وهي الي بعيده كل البعد عن الدين الإسلامي ومثل ماذكر بعض الاخوة انه فكر ذكووري بحت


التجاوزات الي تصير او الطلاق هاي مش معناته من الشوفه او التواصل ع العكس هاي معناها انهم ما يصلحون حق بعض


كثير اعرفهم مرو بهاي المرحلة من رفض الاب للجلوس مع الزوج وكان يصير من وراه ....وضع طبيعي


عساااك ع القوووة

[العلياا]

تصرف الاب مب غريب الا تصرف اهل البنت اللي غريب !!

اخوي يوم خطب ابو البنيه كان رافض يكلمون بعض لكن ممكن يشوفها في بيتهم وفي فترات متباعده وبحضورهم
وبالعكس اخوي ما اعترض ولا اصر لانها اختيار الوالده

[JN000N]

نعم وانا من قبيله من هالقبايل والحمدلله الامور طيبه وبخير ولكن للامانه قلت هالعاده حاليا ولكن مازالت مطبقه عند البعض

وحتى منقود ان المعرس يدخل عرس الحريم شماله رجال يقعد فنص 500 مره
اي احنا ماعندنا زيارات
نظرة شرعيه وبالزور بعد
مرات الولد ما يبي والبنت ماتبي
وحده اذا جاب الشبكه ويقعد معاها وسطهم
اما زيارات وروحات وجيات هي ماعندنا
بغض النظر ان الشرع حلل
ماعتقد الي يصير حرام!

[JN000N]

مشكورين على ردودكم وعلى ابدأ الرأي وراجع ان شاء الله لجميع الردود

والموضوع انا ذكرته بالضبط وهذا الي حصل

وطلبو الشور مني من جذي بغيت اشوف ردود افعالكم للموضوع

تحياتي

على فكره
بعض شباب قطر فيهم طبع شين
الحين اهل البنت خلوها تكلمه من ورا ابوها
تهقى مب معايرها ف السالفه عقب؟ والا مب قايل لها دام سويتيها من ورا ابوج بتسوينها من وراي؟
بعدين شهالبنت المطفوقه عشان الريل بتزعل ابوها وبتسويه من وراها
حتى لو ابوها معاه حق او لا
البنت ما تطلع من شوره وبس

[ولد العرب]

اي احنا ماعندنا زيارات
نظرة شرعيه وبالزور بعد
مرات الولد ما يبي والبنت ماتبي
وحده اذا جاب الشبكه ويقعد معاها وسطهم
اما زيارات وروحات وجيات هي ماعندنا
بغض النظر ان الشرع حلل
ماعتقد الي يصير حرام!
انا ماخلوني اشوفها الا يوم العرس :rolleyes2:
يجبون لي صورتها بالبطاقه الشخصيه وصار للصوره 5 سنوات :rolleyes2: يه ليش
بشوفها :anger1:

[sweet qatar]

على فكره
بعض شباب قطر فيهم طبع شين
الحين اهل البنت خلوها تكلمه من ورا ابوها
تهقى مب معايرها ف السالفه عقب؟ والا مب قايل لها دام سويتيها من ورا ابوج بتسوينها من وراي؟
بعدين شهالبنت المطفوقه عشان الريل بتزعل ابوها وبتسويه من وراها
حتى لو ابوها معاه حق او لا
البنت ما تطلع من شوره وبس


عشان هالسوالف كلها ما تصير

الأفضل الملكة تكون في أسبوع العرس



غير البشر


الله يعينك :)

[JN000N]

انا ماخلوني اشوفها الا يوم العرس :rolleyes2:
يجبون لي صورتها بالبطاقه الشخصيه وصار للصوره 5 سنوات :rolleyes2: يه ليش
بشوفها :anger1:

عاد انتو بعد بزودكم عندكم امسح واربح

[JN000N]

عشان هالسوالف كلها ما تصير

الأفضل الملكة تكون في أسبوع العرس



غير البشر


الله يعينك :)


يصير ويصير اي شكل ثاني المهم الاطراف متراضيه
والهون ابرك مايكون
اذا من احين بتعاونه تسوي شي من ورا ابوها ماراح تخلي احترام لابوها في نظره خاصه مع الزمن

[الهديل]

أكيد الاب عنده وجهة نظره
وبصراحة بعض الشباب يبالغوا
كل يوم والثاني و هو عند العروس