ملاحظة علي اوريدووو ويفترض تنبيه المواطن والمقيم

[مشهور]

ياربع سافرت للبوسنه عن طريق اسطنبول وفتح جواز اوريدو الي هو أسبوع ويمكن تجدده وعقب مانزلت سراييفو يومين فقط لا جايتني فاتورة مبلغ وقدرة ما العلم أني ماتكلمت مكالمات خارجيه بس فاتح الانترنت ... يفترض من اوريدو ان اول تفتح الجوال بان يكون هناك إشعار لـ صاحب الهاتف بانه لا يوجد خدمه تجوال .

هذا وعسى الله يحفظنا وياكم من كل شر ومكروه

[بصمة قطرية]

المفروض يبلغون كل شخص بالشبكة اللي تشتغل على أوريدو
وايد مثلك توهقوا ..
هاي الغلط من أوريدو ..

[Mr. Perfect]

البوسنة مب موجودة في لستة خدمة جواز أوريدو
كان المفروض تجيك اللستة أخوي

[monatee]

لازم كل شخص يعرف كل بلاد وشنهي الشركة اللي تشغل جواز اوريدو عندها

بعض البلادين فيها اكثر من شركه ومب شرط كلهم شغالين مع الجواز

والا العميل سوف يدفع اعتقد مبلغ 55 ريال عن كل ميغا بايت واحد

[بـن عدوان]

الغلط منك

قبل لا تروح اي دولة تدخل ع موقع اوريدو وتجوف الشبكات المدعومة منهم

وتحرص انك قبل لاتنزل من الطيارة مصكر خدمة التجوال وعقب تختار الشبكة المدعومة وعقب تفتح التجوال

لانه اللي صار شكله مافي شبكات مدعومة او ما اخترت الشبكة الصحيحة وشي طبيعي كل شي يتحمل بالانترنت وكل دولة لها حسابها

[مشهور]

انا داري ان القلط مني ولا كن مادام عندنا سفارة واكبر مكتبة ما شاء الله ضنيت ان الأمور طيبة وان اريدو مشتركين ف الخدمة انتو عارفين يحسبون 1000 جي بي مبلغ وقدرة ... ليش ماينبهون الناس
وبيض الله وجيهكم على المشاركة

[شموخ دائم]

,

,

مرحبا


شكرا على التنبيه بارك الله فيك

والله يعوض عليك


اوريدو شركه كبيره ونتمنى لهم دوم الازدهار وماشاء الله خدماتهم ممتازه

يخفون علينا بس
اوريدو ينطبق المثل عليهم

( شغل وفيه دس )

:)

يحتاجون دورات في ( الشفافيه )

,

,

[@الأدعم@]

الحين تقدر تفعل خدمه الجواز قبل ماتركب الطيارة

[][ Q6r ][]

انت الغلطان ليش مااخذت كرت بوسني وريحت عمرك من فواتير اوريدو

[عازف]

أنا اروح اي بلد أخذ سيم كارد البلد اللي رحت له واجيني خيارات على بعض التطبيقات مثل الواتس هل تريد تغيير الرقم وله أتم على رقمك القديم اختار الرقم القديم ،وأمورك طيبة،بعض اتصلاتي عن طريق الواتس وإذا تحاتي من يعزون عليك انشر رقمك الجديد على الواتس وبس والله

[بوخالد911]

من موقعهم ع النت تقدر تعرف.
او كان دقيت 111 وسألتهم.
وددددوم خلي اختيار الشبكة يدوي / مانيوال.

[العقل المدمر]

انا من الاملاء عرفت انك مسكين :(

[مرتبش]

ترى في اشعار وتجيك رسالة من الرقم 121 ان تجوال البيانات مفتوح وانه ممكن يكلفك اذا ما سكرته.

[مابدل العادات]

ياربع سافرت للبوسنه عن طريق اسطنبول وفتح جواز اوريدو الي هو أسبوع ويمكن تجدده وعقب مانزلت سراييفو يومين فقط لا جايتني فاتورة مبلغ وقدرة ما العلم أني ماتكلمت مكالمات خارجيه بس فاتح الانترنت ... يفترض من اوريدو ان اول تفتح الجوال بان يكون هناك إشعار لـ صاحب الهاتف بانه لا يوجد خدمه تجوال .

هذا وعسى الله يحفظنا وياكم من كل شر ومكروه

فعلا المفروض اوريدو يعلمون الناس قبل او تنبههم على الاقل

وعندي ملاحظه بسيط اخوي مشهور بس بالنسبه للأخطاء اللغويه وهي اللي باللون الاحمر واتمنى تتقبلها بكل صدر رحب

ياربع = يالربع

فتح جواز = فتحت جواز

ما العلم = مع العلم

اول تفتح الجوال = او ماتفتح الجوال

[بـن عدوان]

انا من الاملاء عرفت انك مسكين :(
ههههههههههههههه

[eXpert*]

توبة أستعمل جواز أوريدو أسافر الويكند دبي تجيني فواتير لثلاث شهور قدام .