ليش الدولة ما تشل القروض ... من المواطنين

[بانغ بانغ]

الله يعطيه العافية ويحفظه الشيخ خليفة في أوائل التسعينيات شل القروض من على ظهر المواطنين وكانت تقريبا 300 الف ذيك الايام

ليش ما تقدم الحكومة على خطوة مماثلة .... واتشل عبء من على ظهورنا ( صحيح مبلغ بسيط 1900 + 1500 تقريبا للقرضين لو ماخذ القرض كامل )

لحد ايقول تقشف والدولة مافيها سيولة والبترول نازل .......... كلام اقتصاديين فقط ما يودي ولا ايجيب

تحياتي

[الدكتور عزوز]

ما اذكر أن الشيخ خليفة الله يطول بعمره اصدر يوم من الايام قرار بتسديد الديون ، اتمنى تصححوني لو كنت خطأ

اللي اعرفه واسمعه من الأهل انه كان في كل عيد جلوس وبالتحديد في تاريخ 22 فبراير من كل سنة يختار عدد معين (والعدد عشوائي) وينزل عنهم قرض البيت الشعبي ، أو بمعنى أصح يصبح البيت هبة من الدولة بدون قرض أو غيره

على العموم موضوع تسديد القروض هذا موضوع متشعب جدا ً ويجب فرض شروط وإلتزامات على الافراد في حين تم التسديد عنهم

للعلم أنا مع تسديد القروض واتمنى هذا الأمر يصير اليوم قبل بكرة لكن يجب ايجاد آلية تحفظ حقوق الدولة في حين انها سددت ويجي الفرد بعد ما تسدد له الدولة ياخذ مديونية جديدة (بس لأن راتبه يسمح ويبي يستانس ويبي يعيش اليوم ما يدري شبيصير بكره وما يدري من الحي والميت)

اتمنى أن تكون هناك دراسة لأسباب القروض واللي فعلا ماخذ قرض للحاجة (مثلا قرض للسيارة، قرض لبناء ، قرض للعلاج ، قرض لتسديد تكاليف ايجارات أو دراسة أوغيره) اتمنى يسددون له دينه

اما اللي ماخذ قرض عشان يشتري له سيارة فارهة وعشان الزبو والسفرات اتمنى انه يتم يدفع عشان يتعلم

[حمد بن سعد]

الله كريم

[رُفق المجنّا]

تقريباً 50% من راتبي اقساط ولكن هل اسقاطها يعتبر عادل ؟!

اعتقد لا , وماهي الفائدة المرجوّة من ذلك , المزيد من سيارات التويوتا في الشوارع والسفرات الصرف ع الكماليات (عند البعض)

مبدأ الاستحقاق انتهى وولّى واليوم اللي يبي زيادة فلوس يخطط ويتحرّك ويجتهد

[عايش فرحان]

اذكر في الفين و تسعة او عشرة الدولة اشترت مديونيات البنوك القطرية .. و ما هي غريبة اذا شلو مديونيات المواطنين .. في النهاية الأموال المردودة راح تحرك السوق و تنعش الاقتصاد

[بانغ بانغ]

ما اذكر أن الشيخ خليفة الله يطول بعمره اصدر يوم من الايام قرار بتسديد الديون ، اتمنى تصححوني لو كنت خطأ

اللي اعرفه واسمعه من الأهل انه كان في كل عيد جلوس وبالتحديد في تاريخ 22 فبراير من كل سنة يختار عدد معين (والعدد عشوائي) وينزل عنهم قرض البيت الشعبي ، أو بمعنى أصح يصبح البيت هبة من الدولة بدون قرض أو غيره

على العموم موضوع تسديد القروض هذا موضوع متشعب جدا ً ويجب فرض شروط وإلتزامات على الافراد في حين تم التسديد عنهم

للعلم أنا مع تسديد القروض واتمنى هذا الأمر يصير اليوم قبل بكرة لكن يجب ايجاد آلية تحفظ حقوق الدولة في حين انها سددت ويجي الفرد بعد ما تسدد له الدولة ياخذ مديونية جديدة (بس لأن راتبه يسمح ويبي يستانس ويبي يعيش اليوم ما يدري شبيصير بكره وما يدري من الحي والميت)

اتمنى أن تكون هناك دراسة لأسباب القروض واللي فعلا ماخذ قرض للحاجة (مثلا قرض للسيارة، قرض لبناء ، قرض للعلاج ، قرض لتسديد تكاليف ايجارات أو دراسة أوغيره) اتمنى يسددون له دينه

اما اللي ماخذ قرض عشان يشتري له سيارة فارهة وعشان الزبو والسفرات اتمنى انه يتم يدفع عشان يتعلم

الوالد انتفع مع مجموعة من الشيبان ذيك الايام بإسقاط قرض بقيمة 300 الف عن بيتنا القديم

بس كلامك صح مادري هل كان قرار او اختيار مجموعة منهم او ما مادري الوالد مع مجموعة من الشيبان كلموا الشيخ ... ما عندي افادة صراحة

[عايش فرحان]

الوالد انتفع مع مجموعة من الشيبان ذيك الايام بإسقاط قرض بقيمة 300 الف عن بيتنا القديم

بس كلامك صح مادري هل كان قرار او اختيار مجموعة منهم او ما مادري الوالد مع مجموعة من الشيبان كلموا الشيخ ... ما عندي افادة صراحة

اللي اذكره ان الحكومة كانت تطيح القروض عن جميع المواطنين في المناسبات الوطنية مثل 22 فبراير و حصلت اكثر من مرة

[بانغ بانغ]

اللي اذكره ان الحكومة كانت تطيح القروض عن جميع المواطنين في المناسبات الوطنية مثل 22 فبراير و حصلت اكثر من مرة

يا ليت والله ايعيدون الكرة لنا

[R 7 A L]

ليش مستعجل اصبر شوي خلنا نبني هههههه

[حمد 2002]

البترول البترول

[بانغ بانغ]

ليش مستعجل اصبر شوي خلنا نبني هههههه

يا رجال ... يا رحال

اكسرت ظهورنا وظهور الناس والله

شنو مليون ريال ...

[اللوز]

نتمنى ذلك

[Boost]

عندي إقتراح أفضل

يتم إسقاط ديون الإسكان وإستبدالها بمنح للمواطنين اللي ما قدمو على قرض الإسكان بنفس المبلغ (ويقلب سند البيت منحه من الدولة ويمنع من بيعه لمدة 10 سنين)

يعني بيقطون مبلغ عارفينه

وفي نفس الوقت يعطون منح على مليون و200 ولا مليون ونص بشرط ما تنصرف إلا لبناء أو شراء بيت ويكون مرهون للدولة كمنحة لمدة 10 سنين للي ما خذو قرض إسكان أو ما بنو على حساب الدولة


أو يخلون المدة 20 سنه :) شالمشكلة يعني
اللي يبي يبني ويسكن هو وعياله بيرتاح

واللي يبي يبني ويأجر بيبني ويأجر

لكن اللي يبي يستغل الموضوع في صالحة ويتاجر ويبيع ويشتري يغسل يده وما يكون في موضوع فتره ال10 سنين او 20 سنه اي إستثناءات أو تجاوزات !
مب كالعاده ناس وناس

[بانغ بانغ]

عندي إقتراح أفضل

يتم إسقاط ديون الإسكان وإستبدالها بمنح للمواطنين اللي ما قدمو على قرض الإسكان بنفس المبلغ (ويقلب سند البيت منحه من الدولة ويمنع من بيعه لمدة 10 سنين)

يعني بيقطون مبلغ عارفينه

وفي نفس الوقت يعطون منح على مليون و200 ولا مليون ونص بشرط ما تنصرف إلا لبناء أو شراء بيت ويكون مرهون للدولة كمنحة لمدة 10 سنين للي ما خذو قرض إسكان أو ما بنو على حساب الدولة


أو يخلون المدة 20 سنه :) شالمشكلة يعني
اللي يبي يبني ويسكن هو وعياله بيرتاح

واللي يبي يبني ويأجر بيبني ويأجر

لكن اللي يبي يستغل الموضوع في صالحة ويتاجر ويبيع ويشتري يغسل يده وما يكون في موضوع فتره ال10 سنين او 20 سنه اي إستثناءات أو تجاوزات !
مب كالعاده ناس وناس

صراحة اخوي بوووست ... كنت انتظر مشاركتك في هالمواضيع

والله اقتراحك ممتاز

[حمد بن سعد]

الله كريم

[معماري قطري]

يا ليت والله ايعيدون الكرة لنا

الكرة خلاص خذها الحب القديم نادي الريان

[بانغ بانغ]

الكرة خلاص خذها الحب القديم نادي الريان

هههههههههههههههههههههه هدايا الفريق بتغطي مصارف هل قطر

يعيش الرهيب

[معماري قطري]

انا قدمت على سلفة سيارة وكوارث وبعت شوية اجازات لحقت عليها قبل المنع

بالنسبة لقرض الاسكان خذت النص على أيام 600000 وبس وباقي حول 14 سنة واخلص .. وعندي ثقافة رد الحقوق وواجبها وفوقها الحمد لله أولاً اللي يسر لنا أُمورنا بهذي القروض الميسرة وما تقصر حكومتنا في التخطيط المالي ورفع مستوى المواطن .. ثانياً تخطيط الحكومة المالي يعتمد على حماية العائلة ومسكنهم بحيث ما ينباع لأي سبب فيكون مرهون لفترة طويلة والقرض مسترد بالنظام المالي للدولة

أتوقع إسقاط قرض الاسكان وبعض القروض الأُخرى حالات شخصية وتتم حسب الحاجة والحالة

[معماري قطري]

هههههههههههههههههههههه هدايا الفريق بتغطي مصارف هل قطر

يعيش الرهيب

مع إني ما اشجع أي فريق الا برشلونة لكن حبيت الحماس الجمهوري وخصوصاً تصريحات الشيخ سعود بن خالد حلوة وتشعل منافسة قوية .. الله يوفق كل فرقنا ونطلع أقلها بمنتخب يمثل قطر

[qatarman8008]

الله يعطيه العافية ويحفظه الشيخ خليفة في أوائل التسعينيات شل القروض من على ظهر المواطنين وكانت تقريبا 300 الف ذيك الايام

ليش ما تقدم الحكومة على خطوة مماثلة .... واتشل عبء من على ظهورنا ( صحيح مبلغ بسيط 1900 + 1500 تقريبا للقرضين لو ماخذ القرض كامل )

لحد ايقول تقشف والدولة مافيها سيولة والبترول نازل .......... كلام اقتصاديين فقط ما يودي ولا ايجيب

تحياتي


الجواب بكل بساطة هو.. القرار لن يكون منصف..
لان فيه ناس سددوا اللي عليهم وما بيشملهم القرار..
ف من باب المساواة لابد ان يكون القرار منصف للكل..

[المحاميه]

وليش اتكفل بديونكم في ظل التقشف؟
واللي شل دينه بروحه؟ واللي ماتدين عشان ماينحط ف هالموقف؟
كل ذولا يتساوون؟؟

اشرايك؟

[بانغ بانغ]

وليش اتكفل بديونكم في ظل التقشف؟
واللي شل دينه بروحه؟ واللي ماتدين عشان ماينحط ف هالموقف؟
كل ذولا يتساوون؟؟

اشرايك؟

هلا بمحاميتنا ...

لازم اتكون فيه آلية من الدولة مب بس تعال واسقط

اللي فاته ... الله يعوض عليه هذي نعمة من الدولة فلازم تشمل ناس واتروح عن ناس

مجرد اقتراح لان صار قبل من هالقبيل

[A-Alansari]

اذا قرض الاسكان مع اقتراحك

اما اذا قروض شخصيه ما أيد

[بانغ بانغ]

اذا قرض الاسكان مع اقتراحك

اما اذا قروض شخصيه ما أيد

طبعا بوسعود الاسكان فقط

[نمر بن عدوان]

اتفق معاك اخوي بانغ يستاهلون الغاء القروض ولو كان الامر صعب يكون على حالات خاصه المحتاجين والمديونين لاسباب قهريه

[بانغ بانغ]

اتفق معاك اخوي بانغ يستاهلون الغاء القروض ولو كان الامر صعب يكون على حالات خاصه المحتاجين والمديونين لاسباب قهريه

حيالله شيخنا نمر ... الله يطول بعمرك والله احنا نتمنى والحكومة اتقرر وسمو الامير ما بيقصر لو وصله الموضوع وتمت دراسته بعناية

[asulaiti]

أنا أتمنى من الدولة مش اسقاط القروض !!

أتمنى الأقساط تكون بدون فوائد !!

الحمد لله .. البلد فيها خير .. وماراح يضرها أو يزلزل من ميزانيتها لو اقرضوا المواطن وقسطوا المبلغ له بدون فوائد ...

الله المستعان ،،

[بوحمد1]

صبر جميل والله المستعان

[البارع]

لن تسدد الديون مدام فيه حسد الي حاسدين الناس والله مادري شسالفتهم كل مانفتح هالموضوع حصلتهم ايتكلمون بكلام ماخوذ خيره

مثلاً انا ماعلي ديون شمصلحتي من سداد الديون على الناس(يخوي حب لخوانك ماتحب لنفسك)

والثاني يقول الي ماخذين قروض فشخره وزبو ومدري شنو شحارك اخذ قرض واحرقه شعليك ولا شبيضرك

والثالث يقول الدولة مب مجبورة تدفع عنالمواطن قرضه عشان ميكون المواطن اتكالي (علماً بان صاحب هالجملة هو اكثر واحد كل البلد داخل وبرا)

انا حبيت أقول الي فخاطري مع علمي التام ان مافي سداد ديون عن المواطنين لان الدولة اتخت سياسة تقشف (لكونها ماعندها أي فايض بعشرات المليارت لمدة 15سنه)ماشفنا منه الى سداد ديون البنوك ولاندية الرياضيه فقط.

[بوخالد911]

يا ريت وليش لا.

[بانغ بانغ]

لن تسدد الديون مدام فيه حسد الي حاسدين الناس والله مادري شسالفتهم كل مانفتح هالموضوع حصلتهم ايتكلمون بكلام ماخوذ خيره

مثلاً انا ماعلي ديون شمصلحتي من سداد الديون على الناس(يخوي حب لخوانك ماتحب لنفسك)

والثاني يقول الي ماخذين قروض فشخره وزبو ومدري شنو شحارك اخذ قرض واحرقه شعليك ولا شبيضرك

والثالث يقول الدولة مب مجبورة تدفع عنالمواطن قرضه عشان ميكون المواطن اتكالي (علماً بان صاحب هالجملة هو اكثر واحد كل البلد داخل وبرا)

انا حبيت أقول الي فخاطري مع علمي التام ان مافي سداد ديون عن المواطنين لان الدولة اتخت سياسة تقشف (لكونها ماعندها أي فايض بعشرات المليارت لمدة 15سنه)ماشفنا منه الى سداد ديون البنوك ولاندية الرياضيه فقط.

انا اشهد انك بارع في ردك

الله يوفقنا واياكم وجميع الناس

[R 7 A L]

يا رجال ... يا رحال

اكسرت ظهورنا وظهور الناس والله

شنو مليون ريال ...

الله يكون بعونك ياخوي
وان شاءالله قيادتنا الرشيدة ماراح تقصر
والقادم افضل باذن الله

[حمد بن سعد]

الله كريم

[غريب الدّار]

حيا الله اخوي الحبيب بانغ
يعطيك العافية



الله يعطيه العافية ويحفظه الشيخ خليفة في أوائل التسعينيات شل القروض من على ظهر المواطنين وكانت تقريبا 300 الف ذيك الايام


والله يابانغ انا اسمع بهالمعلومة لكن ماعندي أي مصدر لها وقد تكون صحيحة والله اعلم


ليش ما تقدم الحكومة على خطوة مماثلة .... واتشل عبء من على ظهورنا ( صحيح مبلغ بسيط 1900 + 1500 تقريبا للقرضين لو ماخذ القرض كامل )

قصدك اسقاط قرض الإسكان يابانغ ؟
نحلل الموضوع بشكل موضوعي :
شوف يابانغ
الحين انت تطالب بالتسديد وهذا من حقك
انت تطالب بالتسديد تبي تستفيد او تبي غيرك يستفيد
وهذا شي جيد
لكن ل جاك واحد وقال لي ياخي شذنبي انا اللي ماخذت القرض؟

يمكن ترد عليه او يردون عليه غيرك وتقول له او يقولون له ياخي هذا حسد وحقد
افرض انه رد عليك وقال : ياخي انتاوا الحقودين اللي ماتبون غيركم يستفيد مب انا
كلنا قطريين

هذا شراح ترد عليه ؟


لحد ايقول تقشف والدولة مافيها سيولة والبترول نازل .......... كلام اقتصاديين فقط ما يودي ولا ايجيب

وجهة نظرك يجب أن يتم احترامها يابانغ (مع انك سفّهت آراء غيرك)
شوف يابانغ
هل تعقد ان في ظل العجز اللي تم إعلانه بشكل رسمي ، تصبح المطالبة بمثل تلك المطالب واقعية يابانغ؟

لو جاك واحد قال لك :
ياخي انتوا ماتبون الا مصلحتكم
الدولة ماقصرت في شي
والحين في عز العجز وانخفاض أسعار النفط جايين تبون فلوس ؟

مثلا يابانغ


في النهاية :
الله يكتب اللي فيه الخير والدولة ماقصرت ولا راح تقصر باذن الله

تحياتي يابانغ

[بانغ بانغ]

حيا الله اخوي الحبيب بانغ
يعطيك العافية



والله يابانغ انا اسمع بهالمعلومة لكن ماعندي أي مصدر لها وقد تكون صحيحة والله اعلم


قصدك اسقاط قرض الإسكان يابانغ ؟
نحلل الموضوع بشكل موضوعي :
شوف يابانغ
الحين انت تطالب بالتسديد وهذا من حقك
انت تطالب بالتسديد تبي تستفيد او تبي غيرك يستفيد
وهذا شي جيد
لكن ل جاك واحد وقال لي ياخي شذنبي انا اللي ماخذت القرض؟

يمكن ترد عليه او يردون عليه غيرك وتقول له او يقولون له ياخي هذا حسد وحقد
افرض انه رد عليك وقال : ياخي انتاوا الحقودين اللي ماتبون غيركم يستفيد مب انا
كلنا قطريين

هذا شراح ترد عليه ؟


وجهة نظرك يجب أن يتم احترامها يابانغ (مع انك سفّهت آراء غيرك)
شوف يابانغ
هل تعقد ان في ظل العجز اللي تم إعلانه بشكل رسمي ، تصبح المطالبة بمثل تلك المطالب واقعية يابانغ؟

لو جاك واحد قال لك :
ياخي انتوا ماتبون الا مصلحتكم
الدولة ماقصرت في شي
والحين في عز العجز وانخفاض أسعار النفط جايين تبون فلوس ؟

مثلا يابانغ


في النهاية :
الله يكتب اللي فيه الخير والدولة ماقصرت ولا راح تقصر باذن الله

تحياتي يابانغ

ايصبحك بالخير يا كبير المنتدى

هو صحيح في ناس بيحقدون وفي ناس انتهى السداد عندهم وبيتكلمون

هو المقصد اخوي غريب ( مادري ليش ودي اسميك صاحب الدار وليس غريبها ) ان المواطن يتم تخفيف قرض الاسكان عنه كمبادرة لان البنيان يكسر الظهر ... خاصة ان المليون ونص ما تسوي فيلا ...... حسب اسعار قبل اما الحين مادري

تحياتي لك وكانت خاطرة فقط وحتى لو ما صار .... الله يجزيهم خير الحكومة على كل مساعيهم

[ضوى]

اجدني اميل مع الرأي القائل قروض بدون فوائد

[العنيده]

تنشال القروض مقابل قوانين صارمه على السلفيات بيكون احلى :)

[غريب الدّار]

ايصبحك بالخير يا كبير المنتدى

هو صحيح في ناس بيحقدون وفي ناس انتهى السداد عندهم وبيتكلمون

هو المقصد اخوي غريب ( مادري ليش ودي اسميك صاحب الدار وليس غريبها ) ان المواطن يتم تخفيف قرض الاسكان عنه كمبادرة لان البنيان يكسر الظهر ... خاصة ان المليون ونص ما تسوي فيلا ...... حسب اسعار قبل اما الحين مادري

تحياتي لك وكانت خاطرة فقط وحتى لو ما صار .... الله يجزيهم خير الحكومة على كل مساعيهم
يصبحك بالنور والسرور
محد كبير (من بعد الله ) الا انت يابانغ
لاتحرجني الله يرحم والديك

البنيان فعلا غالي انا معاك يابانغ


الله يحييك ويبقيك يالشيخ ورحم الله والديك

[غريب الدّار]

تنشال القروض مقابل قوانين صارمه على السلفيات بيكون احلى :)

قواج الله اختي العنيدة ويعطيج العافية على الاقتراح

تسمحين لي (من بعد اذن اخوي العزيز بانغ) استفسر منج :
قوانين صارمة على السلفيات مثل شنو اختي ؟
قصدج قيود على السلفيات ؟ هل عندج تصور معين عنها ؟ او آليتها مثلا؟

وهل تشوفين ان من حق الدولة تفرض قيود على القروض الشخصية ؟

طبعا انا فهمت من كلامج ان القيود على القطريين فقط لان التسديد (ان تم) المفروض مايتعداهم

واسمحي لي الشيخة

[الدكتور عزوز]

تنشال القروض مقابل قوانين صارمه على السلفيات بيكون احلى :)

حاليا قوانين القروض تعتبر صارمه نوعا ما مقارنة بالدول الاخرى

القروض معناها البنوك تشتغل معناها الاقتصاد يمشي معناها يزيد الاستثمار الاجنبي معناها الدولة تدخل فلوس معناها الحياة تمشي

فرض مزيد من القوانين على القروض معناها بنوك راح تسكر او راح يتم الاستحواذ عليها من بنوك اكبر ومعناها راح تقل المنافسة في المجال البنكي ومعناها راح يقل الاستثمار الاجنبي معناها الاقتصاد يتعب اكثر معناها الحياه ما بتتطور بنفس الوتيرة الحالية

[عثرة جواد]

امبلا ف زمن الشيخ خليفة شل عنهم وحنا كنا منهم


عسااك ع القوووة

[العنيده]

شاكره للي كان عندهم تعليق على رايي ..
مااقصد قوانين لان مانعرف ظروف الشخص اللي قدم للقرض بس القصد لازم توعيه اكثر بخصوص طلبات السلف وقوانينها واللي اعرفه ان
بعض البنوك شوي صارت اصعب وبعضها اسهل بس هاي اللي اقصده .. لو تفاؤلنا بالتسديد باذن الله لازم نكون عارفين ان الصرف لازم يعتدل واشياء مب ضروريه لازم نخليها ..

وتقبلو مروري ..

[غريب الدّار]

شاكره للي كان عندهم تعليق على رايي ..
مااقصد قوانين لان مانعرف ظروف الشخص اللي قدم للقرض بس القصد لازم توعيه اكثر بخصوص طلبات السلف وقوانينها واللي اعرفه ان
بعض البنوك شوي صارت اصعب وبعضها اسهل بس هاي اللي اقصده .. لو تفاؤلنا بالتسديد باذن الله لازم نكون عارفين ان الصرف لازم يعتدل واشياء مب ضروريه لازم نخليها ..

وتقبلو مروري ..
اختي الكريمة العنيدة
شاكر لج الرد

لكن انتي قلتي في ردج :

تنشال القروض مقابل قوانين صارمه على السلفيات بيكون احلى
قوانين
وقوانين صارمة
والقوانين في الغالب تعاقب من يخالفها
علشان جذيه سالتج لو كان عندج تصور معين

لكن ردج الثاني قلتي :

القصد لازم توعيه اكثر بخصوص طلبات السلف
يعني توعية مب قوانين
لان التوعية ماتعاقب من يخالفها

ويمكن انا فهمتج غلط اختي

ومشكورة على التوضيح

وبالنسبة للتوعية :
اعتقد ان كلامج صحيح ، اعتقد ان في قصور في التوعية بمخاطر هالموضوع (قصدي موضوع السلف)

لكن من ناحية البنوك يالعنيدة :
هل تتفقين او تختلفين معاي لما أقول ان البنوك يجب ان تسوي عروض تجذب فيها العملاء خصوصا ان البنوك شركات مساهمة ومطالبة بالأرباح لكي ترضي مساهميها؟
فبالتالي الخطأ الأكبر يقع على العميل لا على البنك؟

وقواج الله والسموحة ان طولت عليج


اخوي العزيز بانغ
اسمح لي ان تشعبت شوي لكن اعتقد اللي نذكره حاليا في صلب الموضوع الا وهو تشخيص الداء لمعرفة العلاج المناسب

[حمد بن سعد]

الله كريم

[fantasy]

احييك اخوي على التفاوءل
الشي الوحيد اللي صح بهالموضوع انك باني و خالص و قاعد تدفع القرض باقساطه هههههههههههههه
صبر جميل والله المستعان

[waleed2611]

احييك اخوي على التفاوءل
الشي الوحيد اللي صح بهالموضوع انك باني و خالص و قاعد تدفع القرض باقساطه هههههههههههههه
صبر جميل والله المستعان
مشكووور

[waleed2611]

الله المستعان