مبني جوازات الوكرة (ضخم بلا موظفيين)

[الغريب70]

السلام عليكم ورحمة الله
مب من عادتي اكتب مواضيع لكن والله الموقف الي صارلي ضايقني وما كان المفروض يصير
اليوم رحت لجوازات الوكره لاتمام البصمه للخدامه وتوجهت للمبني المخصص لذوي الاحتياجات الخاصة ويعلم الله مدى معناتي من هذي المشاوير لظروف اعاقتي وتفاجئت بالموظف الوحيد الموجود هناك يقول لي تعال بكره الصباح لان موظفة البصمات عندها اجازة اسبوع تعال الصباح ..قلت له انا متعني لكم وتبيني اروح وارد مره ثانيه ..قال مالك الا الصباح .
معقولة مبني شكبره وفيه كافة الخدمات تتعطل فيه مصالح الناس علشان موظفه او موظف خذ اجازة معقوله مافيه من ينوب عنهم .
حكومتنا الله يجزاها عنا خير الجزاء ماقصرت في بناء هذا المبني المتكامل ولكن وين الموظفين ؟؟
ياوزارة الداخلية وينكم عنهم
اتمنى وضع حد لمثل هذا الاهمال
انا على يقين ان فيه ناس مثل حالتي وما اقول الا الله يعينهم.
واسمحولي على الاطالة

[بانغ بانغ]

حيالله العود ...ًشخبارك ونورت المنتدى

صحيح كلامك بس اتوقع بعض المرافق لحين ما اكتملت عندهم خاصه قسم الجوازات ما شاء الله وايد كبير والموظفين احيانا اتحس ناقصين

بس الله يشهد انهم جدا متعاونين

[الحياة الخالدة]

الله يكون في عونك أخوي .. و ياجرك على صبرك و تحملك

انا سالفة الموظف الوحيد هاذي اللي ما تدش مخي .. يعني تروح تبي تقضي لك شغلة يطلع الموظف المختص طالع بريك والا مشوار .. و تسألهم منو مكانه ؟؟ يقولون محد غيره اللي بيسوي لك الشغلة
معقولة يعني ؟؟!!
زين فرضاً غاب .. خذ عارضة والا ياله ظرف طاريء و طلع .. بكل سهولة روح وارجع وقت ثاني !!

[الغريب70]

هلا وغلا اخوي بوفيصل حياك الباري .
كلامك عدل والداخلية من احب الجهات الحكوميه الى قلبي ومتعاونين بشكل ممتاز ولهم كل الشكر والتقدير ولكن انا اتكلم عن موقف معين وهو غياب موظف وعدم وجود من ينوب عنه وتتعطل المعاملات لهذا السبب البسيط . اسعدني مرورك
هلا بمشرفتنا الحياة الخالدة ..فعلا اختي شي غير منطقي المفروض الموظف/ه يتحاسب .
شاكر مرورك

[بانغ بانغ]

الله يوفقك بوحسن

[وحيد-الشوق]

الله يكون في عونك أخوي .. و ياجرك على صبرك و تحملك

انا سالفة الموظف الوحيد هاذي اللي ما تدش مخي .. يعني تروح تبي تقضي لك شغلة يطلع الموظف المختص طالع بريك والا مشوار .. و تسألهم منو مكانه ؟؟ يقولون محد غيره اللي بيسوي لك الشغلة
معقولة يعني ؟؟!!
زين فرضاً غاب .. خذ عارضة والا ياله ظرف طاريء و طلع .. بكل سهولة روح وارجع وقت ثاني !!

ههههههههه ولا أنا تدش مخي اذكر كنا نراجع الشؤون في الوكرة (عندهم قسم في الوكرة مجمع الخدمات) قالوا لنا الموظف اجازة عنده امتحانات طيب متى بيجي بعد شهر هههههههههه والحل روح الفرع الرئيسي مافي موظف بديل !!

الله يكون بعونك ياخوي للأسف بعض الموظفين في بعض الجهات يحطون عراقيل ويأجلون شغلهم من المواقف الي تقهررر بعد رحت جهة عملي اطلب شهادة راتب تخيل الموظف يقولي بكرة تخلص الي احذاه قاله شدعوه ياعبدالله بكره ومره في الصحة قاعد اسبوعين عشان اخذ ورقة عبارة عن خطاب 3 أسطر لجهة عملي

الله المستعان والله شيء يضحك

[بوخالد911]

من أكبر الأخطاء تعطل العمل عند غياب موظف !!!

[fantasy]

للاسف اغلب الاماكن اللي فيها حريم هذا بيكون الحال بس مو منهم,, لا تزعلون ربعنا كلهم يدرون و الدوله مب مقصرة لكن القصور في الادارات يعني الضباط اللي يديرون المبنى هم الفاشلين
قسم بالله انقهرت لي رحت لهم نفس المركز اخو الغريب لاني غيرت التوقيع في بطاقتي الشخصية فاضطريت بعد استخراج الجديدة اني افعلها, لي جيتهم الوكرة حتى مسكين الشرطي في الاستقبال حذرني قالي يمكن المكينه تشفط بطاقتك,, اش دعوه مركز صارله فاتح فوق الست شهور و مكينه جهاز محد يدري عنها؟؟؟؟ اضطريت اضرب خط للغرافه عشان بين كود؟؟؟
لا وو لي سالت الضابط المناوب قالي والله ماعرف لها شوف جرب بنفسك؟؟؟؟؟؟ يعني حتى التجربة ماقدر اسويها خوفوني
مهزلة بوزارة الداخلية و الله يعينك اخوي اش دعوة قاعدين بمطعم شخص واحد يداوم؟؟؟ شغلو خلق الله و كثروا الموضفات والله مهزلة وتلاعب و تغطيات والله يعين بس

[eXpert*]

بشكل عام عندنا مشكلة في التنقلات في قطر خصوصاً بين المواطنين .. والسبب مافيه سياسة الإستبقاء / الحفاظ على الموظفين .

تجد الواحد تعب لين يتمكن من شغله و مع أول فرصة أنتقل إلى إدارة أخرى أو جهة عمل أخرى ..

يعني ما أستفاد مما تعلم ولا أفاد غيره !!

[ضوى]

وهنا تجي فايدة الموظف الشامل ياليت يلتفتون لهالشي

[الحياة الخالدة]

وهنا تجي فايدة الموظف الشامل ياليت يلتفتون لهالشي

شلون يعني الموظف الشامل ؟؟
قصدج اللي يقدر يسوي كل شي ؟؟