جلسة تداول الثلاثاء الأخضر 8 مارس 2016

[بوخميس]

بسم الله والحمد لله والصلاة والسلام على رسول الله

بإذن الله مع اغلاق امس وتجاوز برنت حاجز 40 دولار للبرميل

يستمر سوقنا بالارتفاع

موفقين جميعاً

[الاسطوره]

السلام عليكم ورحمة الله وبركاته


بالتوفيق يالنشامى

[qews]

السلام عليكم اخواني ماعندي وقت افتح موضوع بسالكم هني


بنسبه للجمعيه العاديه للكاش والغير عاديه اسهم

مزايا انعقدت العاديه واجلو الغير وقالو الي يشتري امس يحصل الاسهم المجانيه

وقود تمت العاديه والغير تاجلت ولكن تم الاعلن عن التوزيع وايداع الاسهم المجانيه !

نبي نعرف شسالفه الي يشتري اليوم يستحق الاسهم ؟ او لا

[Faz]

السلام عليكم ورحمه الله

موفقين ان شاء الله

[لـبـيـه]

السلام عليكم ورحمة الله وبركاته

[<اضرب واشرد>]

السلام عليكم اخواني ماعندي وقت افتح موضوع بسالكم هني
بنسبه للجمعيه العاديه للكاش والغير عاديه اسهم
مزايا انعقدت العاديه واجلو الغير وقالو الي يشتري امس يحصل الاسهم المجانيه
وقود تمت العاديه والغير تاجلت ولكن تم الاعلن عن التوزيع وايداع الاسهم المجانيه !
نبي نعرف شسالفه الي يشتري اليوم يستحق الاسهم ؟ او لا

عليكم السلام،
آخر إغلاق لسهم وقود كان 162.2
بعد توزيع الأسهم يصبح 150.2
الآن مكتوب على شاشة المجموعة (150.2) .. إذن تم توزيع الأسهم المجانية.

[Bu3ly]

السلام عليكم ورحمة الله وبركاته,

صبحكم الله بالخير ومبارك عليكم الحيا يا اهل قطر والله يجعلها امطار خير على الجميع ان شاءالله

ممكن تنصحوني اي من الشركات اللي بذكرها حلو الدخول فيها اليوم
فودافون
مزايا
ازدان

شاكر لكم سعة صدوركم وتجاوبكم :)

[QtrGate]

استمرار ارتفاع برنت واتوقع خلال هالاسبوع الى 43

40-45 يعني يعادل ميزانيات دول الخليج
وإذا ارتفع راح يكون هناك فائض

دخلنا في الأمان
باذن الله سيولة مميزه اليوم

[مضارب متعور]

السلام عليكم ورحمة الله وبركاته,

صبحكم الله بالخير ومبارك عليكم الحيا يا اهل قطر والله يجعلها امطار خير على الجميع ان شاءالله

ممكن تنصحوني اي من الشركات اللي بذكرها حلو الدخول فيها اليوم
فودافون
مزايا
ازدان

شاكر لكم سعة صدوركم وتجاوبكم :)

وعليكم السلام ورحمة الله وبركاته
مزايا اليوم بدون تداول لاضافة الاسهم المجانية
فودافون شركة خسرانة ما تنفع للاستثمار الحقيقي
ازدان قربت تحقق اهدافها والدخول الحين بيكون متأخر فاعتقادي
وبشكل عام ورأي شخصي أن السوق في اوج ارتفاعه في هذه الاحوال الاقتصادية وهو وقت تخارج وليس دخول الا للمضارب المحترف

[A.Y.A]

السلام عليكم جميعاً ويصبحكم الله بكل خير ورزق

[Bu3ly]

وعليكم السلام ورحمة الله وبركاته
مزايا اليوم بدون تداول لاضافة الاسهم المجانية
فودافون شركة خسرانة ما تنفع للاستثمار الحقيقي
ازدان قربت تحقق اهدافها والدخول الحين بيكون متأخر فاعتقادي
وبشكل عام ورأي شخصي أن السوق في اوج ارتفاعه في هذه الاحوال الاقتصادية وهو وقت تخارج وليس دخول الا للمضارب المحترف

إذا احتفظ بالكاش اللي بمحفظتي إلى أن تتظح الأمور. شاكر لك اخوي على الرد والله يوفقنا واياكم ان شاءالله

[A.Y.A]

شتوقعاتكم لـ وقود اليـوم ..؟

[atiq]

السلام عليكم :)

[الاسطوره]

عليكم السلام ورحمة الله وبركاته جميعا

[الاسطوره]

الدولية بتفتح حول 40 ان شاءالله

[مضارب مستثمر]

الدولية بتفتح حول 40 ان شاءالله

صبحكم الله بالخير والحيا :victory:

صكت علينا زحمة المطر اليوم :anger1:

[الاسطوره]

صبحكم الله بالخير والحيا :victory:

صباح النور والسرور ياخوي

[لـبـيـه]

بعت دلاله امس بعد ما تفاجئت على كلام الاعضاء انها من الاسهم المحرمه

وعيني على امسيعيد

[A.Y.A]

توقعاتكم للدوليه
فتحت على 39 والحين ارتداد
هل بتواصل النزول ولا بترجع وبتروح للـ 40 ان شاء الله

[H H]

السلام عليكم ورحمة الله

[.:: القيصر ::.]

بعت دلاله امس بعد ما تفاجئت على كلام الاعضاء انها من الاسهم المحرمه

وعيني على امسيعيد

السلام عليكم

صباح الخير للكل


انا داش في مسيعيد

و الحين انتظرها ترتفع


حياك معاي

[مضارب لحظي]

لقد وقعنا في الفخ

[رحال]

سوووق ماشي بالمنكوووس
ارتفعت اسعار النفط ..
ولم ترتفع شركات النفط ..؟

[مضارب لحظي]

سوووق ماشي بالمنكوووس
ارتفعت اسعار النفط ..
ولم ترتفع شركات النفط ..؟

بعد ساعة بنشوف الهوامير

[.:: القيصر ::.]

لقد وقعنا في الفخ

لازم جني أرباح


بس ما ندري هل بيزيد عمق الفخ ولا لا

هههههههههههههه

[لـبـيـه]

بروه والدوليه راس براس

[H H]

زدت كميتي فالسلام

[الاسطوره]

اخاف اضارب بالدولية لو اني اضارب فيها الاسبوع الي فات كان طلعت منها براس المال وافتكيت

[.:: القيصر ::.]

بروه والدوليه راس براس

يا رجال ادخل معاي مسيعيد

و خلك متكي شوي فيه و فالنا الــ 19.50

[بوخميس]

ما عليكم

جني ارباح وتأثير وقود

الارتداد قادم لا محالة

[مضارب مستثمر]

زدت كميتي فالسلام

:victory:شغلك عدل:nice:

معدل تدفق السيوله 4ملايين و600 الف ريال

ممتاز وان شاء الله يتواصل وممكن سوقنا يغلق
فالاخضر قوللوا يالله
ونراكم على خير :victory:

[ربعاوى]

سوووق ماشي بالمنكوووس
ارتفعت اسعار النفط ..
ولم ترتفع شركات النفط ..؟

القابضة بتسخن

[لـبـيـه]

يا رجال ادخل معاي مسيعيد

و خلك متكي شوي فيه و فالنا الــ 19.50

20 باذن الله دخلت شوي شوي

[H H]

:victory:شغلك عدل:nice:

معدل تدفق السيوله 4ملايين و600 الف ريال

ممتاز وان شاء الله يتواصل وممكن سوقنا يغلق
فالاخضر قوللوا يالله
ونراكم على خير :victory:

دعمتني نفسياً ههههههههه , الله يسمع منك

[H H]

زدت كميتي فالطبيه

[.:: القيصر ::.]

20 باذن الله دخلت شوي شوي

ان شاء الله


انا متكي ترى

متى ما دخلت بتلقاني في الزاوية اللي على اليمين

[لـبـيـه]

القابضة بتسخن

اتوقعها والله اعلم 73

[لـبـيـه]

ياجماعه في اخبار عن المستثمرين

[الاسطوره]

ياجماعه في اخبار عن المستثمرين

اليوم كاتبين عنها في جريدة الرايه عن موعد الاجتماع اتوقع

[مضارب لحظي]

لازم جني أرباح


بس ما ندري هل بيزيد عمق الفخ ولا لا

هههههههههههههه

صحيح ارتداد جميل

[H H]

مبروك ملاك ازدان , واضح ان جولة الصعود ماانتهت واني نزلت بدري شوي , والحمدلله

[H H]

الدوليه ناويه عالاربعين

[رمح الضعاين]

اليوم كاتبين عنها في جريدة الرايه عن موعد الاجتماع اتوقع

اليوم في شكوى ثانيه على المستثمرين في برنامج وطني الحبيب صباح الخير ويطالبون بمسوول يطلع على الهواء لمناقشه الموضوع ..

[.:: القيصر ::.]

صحيح ارتداد جميل

الله يكتبي اللي فيه الخير

و نكون حذرين ان شاء الله

من 10600 الى 10700

:)

[لـبـيـه]

اليوم كاتبين عنها في جريدة الرايه عن موعد الاجتماع اتوقع

قريت الجريده الاقتصاديه ومافي شي عن المستثمرين

[مضارب لحظي]

ارتداد المؤشر كان من المصرف((وحده)) وان شاء الله يستمر

[مضارب لحظي]

ارتداد المؤشر كان من المصرف((وحده)) وان شاء الله يستمر

طبعا ب 33 سهم

[مضارب دوسري]

السلام عليكم
صباح الخير

[بحر شرق]

السلام عليكم
الاسلاميه القابضه هدفها 76 بس تبي قلب

[H H]

وعليكم السلام والرحمه , مضارب وبحر ارحبوا

[بحر شرق]

هلا والله hh الطبيه بنطرها عند 13.2

[.:: القيصر ::.]

عليكم السلام لكل من دخل

[ابو عبد الرحمن]

كم هدف فودافون والاجارة

[مضارب دوسري]

وعليكم السلام والرحمه , مضارب وبحر ارحبوا

الله يرحب بك

[H H]

هلا والله hh الطبيه بنطرها عند 13.2


هلابك اكثر , قصدك ناوي تبيع على هالرقم ؟ وانا بعد ناوي اصرف نص كميتي على ال 13 ونص اذا وصلها باذن الله

[qatar 86]

السلام عليكم وشحال الربع بعد الفراق

[بحر شرق]

الله يوفق الجميع اشوف الدوليه بتروح 40

[بحر شرق]

هلابك اكثر , قصدك ناوي تبيع على هالرقم ؟ وانا بعد ناوي اصرف نص كميتي على ال 13 ونص اذا وصلها باذن الله

أكيد البيع على الأهداف :nice: للمضارب

[بحر شرق]

سيوله تزيد في المحضور

[بحر شرق]

اما المحضور !!دائماً أتذكر كانه يقول لي لا عاد تجيب طاري اسمي على لسانك، :eek5:

[مضارب مستثمر]

اما المحضور !!دائماً أتذكر كانه يقول لي لا عاد تجيب طاري اسمي على لسانك، :eek5:

افا .... ليييش؟؟:omen2:؟؟

[.:: القيصر ::.]

القابضة جابت الــ 73

[بحر شرق]

افا .... ليييش؟؟:omen2:؟؟
اقصد انه محضور نكتب اسم الشركه ، هم طالبين منا:secret:

[ربعاوى]

القابضة جابت الــ 73

الحمد لله بعنا على73.20

[بحر شرق]

القابضة جابت الــ 73
:nice:

[مضارب مستثمر]

اقصد انه محضور نكتب اسم الشركه ، هم طالبين منا:secret:

اوك :victory:

[A.Y.A]

اغلب الأسهم ثقيله في التحرك اليوم

الدوليه معلقه بين 38.10 و 38.50

[A.Y.A]

القابضه فيها باااور لين 76 وتغير مسرى السوق ولا لا ..؟؟ :omen2:

[.:: القيصر ::.]

مادري ليش احس ان بنشق الــ 10600 اليوم

[H H]

الحمد لله بعنا على73.20

على ماذكر انا ومضارب ازعجناك واصرينا عليك تبيع السهم على 82 ورفضت رفض قاطع :(
يالله ماعليه مكتوب لك , الله يوفقك ويرزقك من واسع فضله

[.:: القيصر ::.]

الحمد لله بعنا على73.20

تستاهل

عيل شوف الشغل الحين

ههههههههههههه

[بحر شرق]

القابضه فيها باااور لين 76 وتغير مسرى السوق ولا لا ..؟؟ :omen2:

فيها باذن الله 76

[ربعاوى]

تستاهل

عيل شوف الشغل الحين

ههههههههههههه

خليها على الله المكتوب ع الجبين

[بحر شرق]

الدوليه الى 40

[A.Y.A]

فيها باذن الله 76

ان شاء الله والله يفرح ملاكها بفوق ال80 وصوب اسعارها السابقه

[الاسطوره]

القيصر ممكن الدولية تغلق اليوم على 40 ولا

[.:: القيصر ::.]

شفيها مسيعيد تدخل فيها هالطلبات الحلوة

اييييييييه في اييييييييييه

[.:: القيصر ::.]

القيصر ممكن الدولية تغلق اليوم على 40 ولا

ان شاء الله

بس اشوفها ممممم مادري

يعني اتوقع يرجع ينزل صحيح توزيعه 1 ريال و انتهينا من هالموضوع

لكن كشركة الوعد معاها ان شاء الله 2018 و 2019 و شوف السعر شلون

:)

[الاسطوره]

ان شاء الله

بس اشوفها ممممم مادري

يعني اتوقع يرجع ينزل صحيح توزيعه 1 ريال و انتهينا من هالموضوع

لكن كشركة الوعد معاها ان شاء الله 2018 و 2019 و شوف السعر شلون

:)

اقول طبل لسهمي مثل ماطبل لك ههههههههههههههه

ان شاءالله الله يسمع منك يارب واكون حي لـ 2018 واشوفها 130

[بوخميس]

القابضة وراها ذيابة

[بوخميس]

السعودي +1%

دبي 0.25%

يلا يا سوق شد شد

[.:: القيصر ::.]

اقول طبل لسهمي مثل ماطبل لك ههههههههههههههه

ان شاءالله الله يسمع منك يارب واكون حي لـ 2018 واشوفها 130

الله يعطيك طولة العمر

بصراحة هذا السهم يبيله صبر

اقول لك اياها من واقع تجربة خذته اول او نص 2012 تقريبا ب 33 او 35 و بعته 121

و اتوقع بيعيد الكررره مرة ثانية و اتوقعها 2018 و طالع

و افكر فيه حاليا بس انتظره ينزل

[لـبـيـه]

سوري القيصر بس صنفت ادخل في الدوليه ودخلت

وطلعت من امسيعيد مع اني ماشريت الى شي بسيط جدا

[بحر شرق]

روحي يالقابضه

[بحر شرق]

عتيق وينك وينك يا عتيييق:victory:

[ربعاوى]

مافى اى خبر عن اعمال

لاتوزيع ولا اسهم مالها نايمة ولا كانها فى البورصة

[ربعاوى]

روحي يالقابضه

الله يطول عمرك ويبارك فى روحك

[.:: القيصر ::.]

سوري القيصر بس صنفت ادخل في الدوليه ودخلت

وطلعت من امسيعيد مع اني ماشريت الى شي بسيط جدا

لا زين طلعت لان وايد السهم مخنووووق مايتحرك

موووووووفق ان شاء الله

:tease:

[ربعاوى]

فتح باب الترشيح لشغل مقاعد في مجلس إدارة شركة "أعمال"


بورصة قطر - 08/03/2016


Tweet




in

Share
.





أعلنت شركة أعمال عن فتح باب الترشيح لعضوية مجلس إدارة الشركة (ستة مقاعد) وذلك من يوم الخميس الموافق 10مارس 2016 وحتى تمام الساعة 4 بعد الظهرمن يوم السبت الموافق 26 مارس 2016 .

[الاسطوره]

دخلت اعمال اجرب حظي

[بحر شرق]

دخلت اعمال اجرب حظي

موفق:nice:

[H H]

نقدر نقول جني ارباح بسيط؟ بما ان مافي سبب واحد لهالنزول , وكل الظروف العالميه مؤاتيه لارتفاع جميل.

[الاسطوره]

موفق:nice:

وياك يالغالي

[بحر شرق]

الله يطول عمرك ويبارك فى روحك
ويطول في عمرك ربعاوي

[الاسطوره]

نقدر نقول جني ارباح بسيط؟ بما ان مافي سبب واحد لهالنزول , وكل الظروف العالميه مؤاتيه لارتفاع جميل.

الامور طيبة وبرنت اليوم او بكره بتشوفه 43 باذن الله

[A.Y.A]

مافيه أغرررب من سوقنا
يوم الكل مرتفع والبترول مرتفع
الا سوقنا عكس الدنيا

[الاسطوره]

مافيه أغرررب من سوقنا
يوم الكل مرتفع والبترول مرتفع
الا سوقنا عكس الدنيا

خابرينه من زمان فديت خشمك وهذي علومه

[A.Y.A]

:anger1:
لا قدرت أصيد القابضه على 71.2 ولا 72 ولا 73 بعد ولا 73.50 :anger1:
شهالعببببط

[H H]

الامور طيبة وبرنت اليوم او بكره بتشوفه 43 باذن الله

لو يستمر سعر البترول فوق الاربعين باذن الله بتكون نهاية جميله لاسبوع اجمل

[بوخميس]

يلا عاد لا تفشلوني

فاتح الجلسة باسم الثلاثاء الاخضر :weeping:

[ahmed2]

يا جماعة المحظور في أمل يتحرك ولا هذا حده

[بحر شرق]

يا جماعة المحظور في أمل يتحرك ولا هذا حده
اصبر عليه هدف قناص 14

[لـبـيـه]

وجان اطلب الطبيه على 12 حد يعطينا ياجماعه

[almor3eb2]

:anger1:
لا قدرت أصيد القابضه على 71.2 ولا 72 ولا 73 بعد ولا 73.50 :anger1:
شهالعببببط

الصانع محترف والسيناريو رائع اليوم ، اتوقع الحين بتصيدها منطقة 72.30-71.70 هدف تصحيحي لموجة جديدة ان شا الله

[الاسطوره]

نبي اعمال 13.20 ياذيابه

[ربعاوى]

نبي اعمال 13.20 ياذيابه

الله يسمع منك ان شاء الله
بس الاول 13

[الاسطوره]

الله يسمع منك ان شاء الله
بس الاول 13

ان شاءالله

[A.Y.A]

هل فيه أمل من القابضه تغلق 74 أو فوق 74 او بتصحح وبتنزل لين 72

[الاسطوره]

اعمال الى هدف قناص باذن الله

[مضارب متعور]

مللني السوق اليوووم
اسهم المفضلةجامدة ما تتحرك طول الجلسة

[A.Y.A]

مللني السوق اليوووم
اسهم المفضلةجامدة ما تتحرك طول الجلسة

انا معاك في هالشي 100% :weeping:

[.:: القيصر ::.]

10400 رقم طلع عنيد :)

[مضارب متعور]

اغلاق اخضر بسيط
كما يتضح فالمزاد

[بوخميس]

30 مليون دخلت المزاد رفعت السوق في ازدان والريان

[.:: القيصر ::.]

10418

زين والله


موفقين

نشوفكم بكرة ان شاء الله

و نبي ارتفاع

مانبي تغريزة نفس اليوم


ههههههههههه

[مضارب مستثمر]

:victory:شغلك عدل:nice:

معدل تدفق السيوله 4ملايين و600 الف ريال

ممتاز وان شاء الله يتواصل وممكن سوقنا يغلق
فالاخضر قوللوا يالله
ونراكم على خير :victory:

>> فالكم الاخضر دائما :nice:

نراكم غدا على خير:victory:

[بوخميس]

مبروكين

والحمد لله طلع (ثلاثاء أخضر)