اللي يدشون مع المعرس .. شنو وضعهم ؟؟

[الحياة الخالدة]

السلام عليكم و رحمة الله و بركاته
مساكم الله بالخير .. و مبارك عليكم الاجواء الحلوة

في أغلب الأعراس .. يدش المعرس على العروس وهي في الكوشة .. في قاعة العرس
اللي يصير أن الفرقة أو أي حد يعلن في الميكروفون :
المعرس بيدش .. تغطوا يا حريم

بعدين يدش المعرس .. و معاه :
شخص .. اثنين .. ثلاثة .. أو أكثر
و العادة يكونون من صوبه .. ويتم تغطية العروس لحد ما يطلعون و يتم هو بروحه .. عقب يكشفونها
البعض من اللي يدخلون معاه ممكن يصورون معاه .. البعض ممكن يستعرض بالسيف
غالباً الحريم من محارمهم يروحون يسلمون عليهم أو حتى يقطون عليهم فلوس

لكن اللي يصير أحياناً
يدشون مع المعرس مجموعة كبيرة من الرجال أغلبهم شباب
و صراحة سمعت عن أمور غريبة تصير ( ولو انها استثنائية ) من الرقص الجماعي .. أو انهم يقعدون فترة ليست بقصيرة
مع ان المفروض بس يدخلونه و ان طولوا بس يصورون و يطلعون على طول

هاذي الامور .. هل تكون بالاتفاق تماماً بين أهل المعرس و العروس
والا ممكن حد يتفاجأ بوضع ما كان متوقعه ؟؟!!

[qatari911]

الوالدة الله يحفظها في عرس خواني كلهم
تدخل المعرس في الغرفة الي بالقاعة وتخلي الي معه يسلمون عليه ويطلعون وعقب تزف العروس له
مايدخل على الحريم في القاعه ويجلس مع العروس

[mr. abdulla]

في عرسي انتظرت عند باب اللفت .. جات ام العيال و اتدخلت و طلعنا فوق... بلا ادخل عند الحريم بلا بطيخ ... بلا حركات ماله داعي

[الحياة الخالدة]

الوالدة الله يحفظها في عرس خواني كلهم
تدخل المعرس في الغرفة الي بالقاعة وتخلي الي معه يسلمون عليه ويطلعون وعقب تزف العروس له
مايدخل على الحريم في القاعه ويجلس مع العروس

الله يحفظها و يخليها لكم
شغلها عدل
وفي شباب معاريس ما يرضون يدشون كلش
لكن تختلف العادات من بيت لين بيت

حياك الله أخوي

[بانغ بانغ]

مسكينة العروس ... ما خلوا خطيبها ايشوفها وقت الخطوبة

ايدخلون عليها عالم وقت العرس

بعض العوايل مب عارف اشلون ايفكرون ... اشدخل ربعه وهله من الرجال ايدشون معاه ... صج لقافه

[الحياة الخالدة]

في عرسي انتظرت عند باب اللفت .. جات ام العيال و اتدخلت و طلعنا فوق... بلا ادخل عند الحريم بلا بطيخ ... بلا حركات ماله داعي

وانا اعرف ناس مثلك .. ما يرضون يدشون .. ياخذون البنت و يتوكلون على الله
شكراً مستر عبدالله

[الحياة الخالدة]

مسكينة العروس ... ما خلوا خطيبها ايشوفها وقت الخطوبة

ايدخلون عليها عالم وقت العرس

بعض العوايل مب عارف اشلون ايفكرون ... اشدخل ربعه وهله من الرجال ايدشون معاه ... صج لقافه

ههههههههههه .. من المسكين الحين المعرس والا العروس
إي والله عالم .. بعضهم يدخلون معاهم الفريج كله
ليش انزين .. انتو كنتوا معاه صوب عرس الرياييل .. ليش تدشون وسط الحريم
خلاص عبرتوا عن فرحتكم هناك

[بانغ بانغ]

لا لا صج ايش هالمسخرة يوم يترقصون او كل واحد ايشغل الزوووم عالحريم كأنهم بومة

قلة حيا

[معماري قطري]

مشجعين يمكن .. وبعدين شوضع الأجانب اللي يحرسون ويخدمون ولا هذيلا معتبرين إناث

[الحياة الخالدة]

مشجعين يمكن .. وبعدين شوضع الأجانب اللي يحرسون ويخدمون ولا هذيلا معتبرين إناث

يجوز مشجعين

بس أي أجانب اللي يخدمون و يحرسون ؟؟
قصدك داخل القاعة وسط الحريم !! ماقط شفت

[سعود.]

لا لا صج ايش هالمسخرة يوم يترقصون او كل واحد ايشغل الزوووم عالحريم كأنهم بومة

قلة حيا

هذا الرد يمثلني

[محمد2]

والله هالكم من البشر اللي يدخلون مع المعرس مالهم شغل غير ان شوفوني انا داش مع المعرس والتقزز في بنات خلق الله ،
وانا من راي محد يدخل مع المعرس ولا حتى المعرس نفسة اذا خواته واخوانه يبون يصورن معاه يروحون له غرفتة وكان الله غفور رحيم

[بوخميس]

ما اظن تصير الا عند الهيلق

[حمد 2002]

يدخل ابوها اذا عايش أو أخوها. .

وهو أبوه أو أخوه .. أو عمه .. ايسلمون عليه ويطلعون بأدب ..

وهي ابوها ايتم مع اخوانها ايسلمون عليها ويطلعون طبعا لازم هل الزوج يطلعون قبل لأنه عيب ايجوفون العروس ..

وبس ..

[حمد 2002]

كل شيء بالأدب حلو ..

تركوا عنكم العصبيه وخلكم وسط. . آي امسكوا العصى من النص ..

[بريق الحق]

سوالف البحارنه قامت تنتشر
الله لا يبلنا

[راجي الْعفو]

وعليكم السلام و رحمة الله و بركاته

^ يالكاتب الصحفي عصبية ايش


عادي رجل اجنبي يدخل ع حريم ؟!!

هذه اعتبرها خيانة

---

ما له داعي حد يدخل القاعة

اذا يبون ، يروحون للغرفة اللي هناك

ويجتمع المعرس مع ابوه اذا حب و المحارم من الحريم

غير هذا كلام فاضي

[وليف الشوق]

انا كنت مع اخوي يوم ازفه للقاعه وقلت للشباب اللي يبي يسلم قبل لا يدخل المعرس ورفضت وقلت قداهم العذر والسموحه ان الدخول فقط للمعرس والكل قدر هالشي وارجعوا
الموضوع مش كبير مثل ماتصورنا وليش احنا نرضى ان الشباب من جماعة المعرس او اقربائه او حتى اصدقاءه يدخلون ؟
الخلل مننا احنا مش في اللي يدخلون مع المعرس

[R 7 A L]

هيلق وبلشتيه ومافيهم حيا

[R 7 A L]

حتى المعرس الي يدخل قدام خلق الله بعد عليه لوم

[راجي الْعفو]

حتى المعرس الي يدخل قدام خلق الله بعد عليه لوم

طبعا وما في شك في هذا

شالداعي اصلا ؟!!

[الماريّة]

ماله داعي من الاساس حتى المعرس يدش ع الحريم تبي زوجتك اقعد في الغرفه الي برى الصاله ويزفونها عليك مب ضروري يشوفونك الحريم واخوانها بعد يجونها هناك يصورون معها

[MAZEN37]

سوالف البحارنه قامت تنتشر
الله لا يبلنا

ههههه

[العقل المدمر]

كنت بكتب موضوع مشابه تقريبا وترددت
وهو عن دخول المعرس بكبره حق صالة الحريم
الحكم الشرعي ما يختلف عليه احد طبعا
بس ودي اعرف شنو شعور الام لما تربي الولد
ان عيب تقعد وسط حريم والا تقرب صوبهم
واخر شي فالعرس تدخله على 300 وحدة كاشخة
والا شنو شعوره هو اصلا يوم يدري انه داش مكان مخصص حق الحريم
ومافيه ريال فالمكان غيره وعيون الحريم كلهم مسلطة عليه
للحين والله مب فاهمة هذول شنو اخلاقهم ودينهم عشان يكون عادي عندهم
وللعلم ولا عمري حضرت عرس الا ودخل فيه المعرس دليل ان العادة منتشرة بشكل كبير

[بانغ بانغ]

كنت بكتب موضوع مشابه تقريبا وترددت
وهو عن دخول المعرس بكبره حق صالة الحريم
الحكم الشرعي ما يختلف عليه احد طبعا
بس ودي اعرف شنو شعور الام لما تربي الولد
ان عيب تقعد وسط حريم والا تقرب صوبهم
واخر شي فالعرس تدخله على 300 وحدة كاشخة
والا شنو شعوره هو اصلا يوم يدري انه داش مكان مخصص حق الحريم
ومافيه ريال فالمكان غيره وعيون الحريم كلهم مسلطة عليه
للحين والله مب فاهمة هذول شنو اخلاقهم ودينهم عشان يكون عادي عندهم
وللعلم ولا عمري حضرت عرس الا ودخل فيه المعرس دليل ان العادة منتشرة بشكل كبير

اتوقع الحياة تتكلم عن اللي ايدش مع المعرس

اما دخول المعرس اتوقع عادي مادامه محاط بخواته وبنات عمه وخالاته ايصور ويطلع

[العقل المدمر]

اتوقع الحياة تتكلم عن اللي ايدش مع المعرس

اما دخول المعرس اتوقع عادي مادامه محاط بخواته وبنات عمه وخالاته ايصور ويطلع

دخوله حرام شرعاً
https://islamqa.info/ar/102794
واعرف ان الحياة تتكلم عن اللي يدخلون معاه
هم رياييل وهو ريال بعد مب مرفوع عنه القلم عشانه معرس

[بانغ بانغ]

دخوله حرام شرعاً
https://islamqa.info/ar/102794
واعرف ان الحياة تتكلم عن اللي يدخلون معاه
هم رياييل وهو ريال بعد مب مرفوع عنه القلم عشانه معرس

اعصابك حجية .... ما قلنا شي

مادري اش سوا النمر في الناس اليوم

[بوخالد911]

الله يهني سعيد بسعيدة.

[العقل المدمر]

اعصابك حجية .... ما قلنا شي

مادري اش سوا النمر في الناس اليوم

لا والله النمر جميل شحلاته بس ما شفته عالطبيعة :(

[بريق الحق]

كنت بكتب موضوع مشابه تقريبا وترددت
وهو عن دخول المعرس بكبره حق صالة الحريم
الحكم الشرعي ما يختلف عليه احد طبعا
بس ودي اعرف شنو شعور الام لما تربي الولد
ان عيب تقعد وسط حريم والا تقرب صوبهم
واخر شي فالعرس تدخله على 300 وحدة كاشخة
والا شنو شعوره هو اصلا يوم يدري انه داش مكان مخصص حق الحريم
ومافيه ريال فالمكان غيره وعيون الحريم كلهم مسلطة عليه
للحين والله مب فاهمة هذول شنو اخلاقهم ودينهم عشان يكون عادي عندهم
وللعلم ولا عمري حضرت عرس الا ودخل فيه المعرس دليل ان العادة منتشرة بشكل كبير

اي والله
رب العالمين امرنا بغض البصر واحنا نقط نفسنا فالتهلكه
لاحول ولاقوة الا بالله

[JN000N]

على فكره قبل ماتعمق ف النقاش
تدرون ان اعراس الاوليين يدش المعرس وحتى الي يطقون وياه لين الخله :happy:
عموما لي رجعه

[بانغ بانغ]

على فكره قبل ماتعمق ف النقاش
تدرون ان اعراس الاوليين يدش المعرس وحتى الي يطقون وياه لين الخله :happy:
عموما لي رجعه


أتذكر يوم عرست ( حقبة من الزمن راحت ) ... دخلت ودرعمت ولا افتكر ..., يبا دافع وامخسر ...

طبعا اتكلم عن ايامنا ... اما الحين ... دلع وقز ومادري شنو

[الحياة الخالدة]

حياكم الله جميعاً .. و شكراً لمشاركاتكم
تباينت الآراء .. و لكل وجهة نظر احترامها
و الصراحة أغلب الأعراس اللي حضرتها .. يدش فيها المعرس ( و من ضمنها أعراسنا )
أنا ماقول إن الأمر حلال أو حرام .. بس هذا هو الواقع
استغرابي أساساً من الأمة اللي ترافق المعرس في زفته على عروسه .. و التصرفات المستنكرة .. واللي قد تثير الكثير من المشاكل و الفتن
في زمن يزخر بالكثير منها .. الله يحفظنا و إياكم

[JN000N]

أتذكر يوم عرست ( حقبة من الزمن راحت ) ... دخلت ودرعمت ولا افتكر ..., يبا دافع وامخسر ...

طبعا اتكلم عن ايامنا ... اما الحين ... دلع وقز ومادري شنو

ههههههههه
يعني قبل مافي قز :con2:

[بانغ بانغ]

ههههههههه
يعني قبل مافي قز :con2:

هههههههههههههههههههههههههه

قز قبل غير عن قز الحين ... بسرعة ينكشف .. اتشوفين العيون ديم وفول ... اشوي ويطلع البؤبؤ .

احين .. لاسلكي

[BUHASSEN]

حديث رسول الله صلى الله عليه وسلم في صحيح البخاري ، عن عقبة بن عامر أن رسول الله صلى الله عليه وسلم قال :
((إِيَّاكُمْ وَالدُّخُولَ عَلَى النِّسَاءِ فَقَالَ رَجُلٌ مِنْ الْأَنْصَارِ : يَا رَسُولَ اللَّهِ أَفَرَأَيْتَ الْحَمْو؟ قَالَ : الْحَمْوُ الْمَوْتُ))

[متفق عليه عَنْ عُقْبَةَ بْنِ عَامِرٍ ]

[AL_MUTAEM]

اصلا معظم القبائل والعوائل يرفضون هذا التصرف ..

وهو تصرف لا يمت لعاداتنا ولا تقاليدنا بصله ..

فكيف لرجل ان يسمح لزوجته او لاخته بالذهاب لحفل زواج وهو يعلم ان هناك مجموعه من الشباب سوف تدخل مع المعرس ..؟

اذا كانوا يريدون السلام فهناك غرفه مخصصة لذلك او حتى يستطيعون السلام عليه بحفله اي حفل الرجال وليس بحفل النساء ..!

[الحياة الخالدة]

اصلا معظم القبائل والعوائل يرفضون هذا التصرف ..

وهو تصرف لا يمت لعاداتنا ولا تقاليدنا بصله ..

فكيف لرجل ان يسمح لزوجته او لاخته بالذهاب لحفل زواج وهو يعلم ان هناك مجموعه من الشباب سوف تدخل مع المعرس ..؟

اذا كانوا يريدون السلام فهناك غرفه مخصصة لذلك او حتى يستطيعون السلام عليه بحفله اي حفل الرجال وليس بحفل النساء ..!

و هالنقطة بالضبط اللي حبيت التنويه عليها
أولياء الأمور يسمحون لحريمهم بالذهاب للأعراس على أساس أنها آمنة و بعيدة عن الاختلاط و تواجد الرجال
فلما يدش هالعدد مع المعرس .. و مع التصرفات الخاطئة و التجاوزات اللي قد يفاجأ بها حتى أهل العروس ( بغض النظر عن الاتفاقات المسبقة بين أهالي الطرفين )
شنو بيكون الوضع ؟؟

[عثرة جواد]

من العادات الدخيلة والي الكثير يعتز فيها دخول المعرس ع العروس

[الحياة الخالدة]

دخوله حرام شرعاً
https://islamqa.info/ar/102794
واعرف ان الحياة تتكلم عن اللي يدخلون معاه
هم رياييل وهو ريال بعد مب مرفوع عنه القلم عشانه معرس


حديث رسول الله صلى الله عليه وسلم في صحيح البخاري ، عن عقبة بن عامر أن رسول الله صلى الله عليه وسلم قال :
((إِيَّاكُمْ وَالدُّخُولَ عَلَى النِّسَاءِ فَقَالَ رَجُلٌ مِنْ الْأَنْصَارِ : يَا رَسُولَ اللَّهِ أَفَرَأَيْتَ الْحَمْو؟ قَالَ : الْحَمْوُ الْمَوْتُ))

[متفق عليه عَنْ عُقْبَةَ بْنِ عَامِرٍ ]

جزاكم الله خير على توضيح الحكم الشرعي
بالنسبة لي معلومة جديدة ما كنت أعرفها
أقصد دخول المعرس

[Charisma]

دون أنتقاص لأحد.


دخول المعرس مع مجموعة شباب : ضد

دخول المعرس مع اخوانه وابوه : ضد

دخول المعرس بروحه : ضد

[شبح الصمت]

ملاقيف

[عـ العبيدلي]

دون أنتقاص لأحد.


دخول المعرس مع مجموعة شباب : ضد

دخول المعرس مع اخوانه وابوه : ضد

دخول المعرس بروحه : ضد
معاك قلبا وقالبا ..

وللعلم مب كل شي منتشر صار حلال ,, يعني لوووووو كل العالم يشربون الخمر بيتم حرام ,, سيم سيم هاي ..

غير انه حرام انا ضد دخول المعرس احراااااج .. وثاني شي عيون الناس عليه وعيونه ممكن تروح مني ومناك
مسكين يدخل ويجوف مليون وحده احلى من زوجته يمكن يكوع ويغير رايه ..

للعلم لحين ماعرست ومادري شبيصير يوم عرسي ههههه يمكن ادش زززححححفففففف,,

[مشاكل]

وفي بعضهم يرقصون مع حريمهم

[qatarman8008]

صاروا وايد يهتمون بالشكليات والاكشن..
سوينا وسوينا..
والعرس كلف الشي الفلاني..
ودشوا شباب وايد ماشالله..
وتموا يرقصون ساعه هزوا الكوشة..
وهالشكل.. ههههه..

[ضوى]

لو على المعقول والسنع الاب والاخوان يدخلون بنتهم القاعة اللي قبل قاعة الاحتفال يصورون معاها ويستانسون معاها ويودعونها وتدخل الصالة وتحتفل مع البنات والحريم بالقاعة وعقب يزفونها لزوجها بغرفة او قاعة ثانية يكون هو وابوه وعقب ياخذها ويطلعون لمكانهم ، منها حققنا رغبة البنت في وجود ابوها واخوانها يوم عرسها ومنها تجنبنا دخول الرجال على مكان الحريم وبس

[JN000N]

وفي بعضهم يرقصون مع حريمهم

اما هذي
صج صج صج صارت
قمة المصخره
وياليت يعني مافي اغراب
لا مجموعه رياييل وحريم وردح قمة المصخره
انا لو عروس وجفت ريلي وجماعته يترقصون والله ماروح وياه وارد بيت ابوي ويطرش ورقتي
بالله هاي ريال اعيش وياه واعتمد عليه؟

[ضوى]

اما هذي
صج صج صج صارت
قمة المصخره
وياليت يعني مافي اغراب
لا مجموعه رياييل وحريم وردح قمة المصخره
انا لو عروس وجفت ريلي وجماعته يترقصون والله ماروح وياه وارد بيت ابوي ويطرش ورقتي
بالله هاي ريال اعيش وياه واعتمد عليه؟

معقول رياييل ونسوان ورقص وردح ؟؟ هاي حتى المتحررين مايسوونها

[JN000N]

معقول رياييل ونسوان ورقص وردح ؟؟ هاي حتى المتحررين مايسوونها

شوف عيني يا ضوى
وفوق هذي ياليتهم بس عالمسرح
عادي نزلو ودشو بين الحريم
وقتها حسيت ان مب لهالدرجه اهلنا يامنون عينا رايحين عرس نوجب الناس واخر شي يخسسون فينا جذي يدخلون فوق الثلاثين واحد ويردحون وياهم وينزلونهم بينا عشان يسلمون على اهلهم الي منثرين حولنا وحوالينا

[الحياة الخالدة]

وفي بعضهم يرقصون مع حريمهم


صاروا وايد يهتمون بالشكليات والاكشن..
سوينا وسوينا..
والعرس كلف الشي الفلاني..
ودشوا شباب وايد ماشالله..
وتموا يرقصون ساعه هزوا الكوشة..
وهالشكل.. ههههه..

الحمد لله .. يعني كلامي ما جا من فراغ
أمور تحدث للأسف

[الحياة الخالدة]

معاك قلبا وقالبا ..

وللعلم مب كل شي منتشر صار حلال ,, يعني لوووووو كل العالم يشربون الخمر بيتم حرام ,, سيم سيم هاي ..

غير انه حرام انا ضد دخول المعرس احراااااج .. وثاني شي عيون الناس عليه وعيونه ممكن تروح مني ومناك
مسكين يدخل ويجوف مليون وحده احلى من زوجته يمكن يكوع ويغير رايه ..

للعلم لحين ماعرست ومادري شبيصير يوم عرسي ههههه يمكن ادش زززححححفففففف,,

كلامك صحيح أخوي

[qatari 111]

هذا قلة حياء ومصخره

[ضوى]

شوف عيني يا ضوى
وفوق هذي ياليتهم بس عالمسرح
عادي نزلو ودشو بين الحريم
وقتها حسيت ان مب لهالدرجه اهلنا يامنون عينا رايحين عرس نوجب الناس واخر شي يخسسون فينا جذي يدخلون فوق الثلاثين واحد ويردحون وياهم وينزلونهم بينا عشان يسلمون على اهلهم الي منثرين حولنا وحوالينا

استغفرك ربي واتوب اليك

تهقين هاي صار باتفاق المعاريس واهاليهم والا مجرد ارتجال من اللي رقصوا واردحوا ؟ لانه كل حال له تعقيب غير

[JN000N]

استغفرك ربي واتوب اليك

تهقين هاي صار باتفاق المعاريس واهاليهم والا مجرد ارتجال من اللي رقصوا واردحوا ؟ لانه كل حال له تعقيب غير

بصراحه ماعرف
في اعراس حضرتها ماكان في اتفاق وواضح ان في رياييل بينهم واقفين مب عاجبهم الوضع
وفي عرس كسرت خاطري ام العروس انصدمت يوم جافت حتى المعرس يتهزهز عالكوشه
وفي اعراس يصطفون البنات وحريم الريياييل عالمسرح استقبالا لهم وهم داخلين مع تهزهز خفيف هههه لين يبدا الرقص الفعلي

[توشيبا]

مب رجل يترك عرس الرجال ويترقص في عرس النساء ماعرف وين يشم الرجال فيه او اشلون يعتمد عليه بابسط الامور كمثل حارس على باب نادي العربي

ثاني شي دخول المعرس في عرس الحريم ماقول غلط الا اكبر غلط حلاته يخلص من عرس الرجال ويدق سلف وعلى غرفته في الفندق او بيته ومرته قدامه تنتظره

[عاشق العديد]

عن نفسي ممنوع منعا باتا احد يدخل معاه او يوقف عند باب القاعه .. لا اخوانها ولا اخواني ان بينسمح لكبار السن فقط الوالد والدها فقط ..

وهذا يتم من قبل العرس ويكون في تفاهم جميعا الاعراس عندنا بهذه تشكيله الا لو ماخذين من بعض المقربين فقط يدخلون مش جميع الناس والي يبي يسلم عند باب القاعه .. ويتوكل

[غايه الطواش]

سنع على قل سنع

[Hamad5882]

الحين افهم من كلامكم انه بدخول الرجال يقزون ويطالعون تفاصيلهم؟ ان الحريم والمعازيم من النساء مب متغطيات من الرياييل،

عالعموم انا ضد دخول المعرس لسبب ما من الناس خير ممكن يصير حسد او التعليق وعقد المقارنه ما بين العروس والمعرس.

[ولد العرب]

منقووود عندنا
اجتمع معها بغرفه مخصصه بالصاله الافراح واسلم على الوالده وخواتي واهلي
كلها 5 دقايق وانتهى
اما اني ارتز قدام الكوشه :rolleyes2:هنا اقول اللهم لاتعليق

[Charisma]

معاك قلبا وقالبا ..

وللعلم مب كل شي منتشر صار حلال ,, يعني لوووووو كل العالم يشربون الخمر بيتم حرام ,, سيم سيم هاي ..

غير انه حرام انا ضد دخول المعرس احراااااج .. وثاني شي عيون الناس عليه وعيونه ممكن تروح مني ومناك
مسكين يدخل ويجوف مليون وحده احلى من زوجته يمكن يكوع ويغير رايه ..

للعلم لحين ماعرست ومادري شبيصير يوم عرسي ههههه يمكن ادش زززححححفففففف,,

صدقت ، كلها شكليات دراميه ، وبروتوكولات القصد منها " شو " .

عموما الأعراس من الألف للياء يبي لها " إعادة ضبط " .


اكتب مقاله عن الأعراس ، الموسم "مولع" .


عسى الله يوفقك ويرزقك الزوجه الصالحه .

[R 7 A L]

ههههههه
يذكروني ب الي يدعسون بالسيارات وقت سباق الهجن ومالهم شي مشارك

[عـ العبيدلي]

ههههههه
يذكروني ب الي يدعسون بالسيارات وقت سباق الهجن ومالهم شي مشارك

جنهم الهجن نفسهم الي ما يدرون ليش يركضون

[RE-Qatar]

في بعض البلشتية يقعد يفرها في القاعة

[العقل المدمر]

وفي بعضهم يرقصون مع حريمهم


وانا اشهد اني شفت هالمنظر
ويصير الستيج مخلوط حريم على رياييل
وكل وحدة متشبصة بريلها مادري اخوها
وتسلم عليه ستين الف بوسة جنها اول مرة تشوفه
وتكت عليه فلوس جنه هو المعرس
مايبقى الا يطردون العروس والمعرس ويقعدون مكانهم :rolleyes2:
طبعا ما يحتاج اوصف شلون
الشعر كله برى والمكياج الثقيل وريحة العطور والبخور واصوات الكعوب

[العقل المدمر]

الحين افهم من كلامكم انه بدخول الرجال يقزون ويطالعون تفاصيلهم؟ ان الحريم والمعازيم من النساء مب متغطيات من الرياييل،

عالعموم انا ضد دخول المعرس لسبب ما من الناس خير ممكن يصير حسد او التعليق وعقد المقارنه ما بين العروس والمعرس.


من السوالف اللي تصير حزة دخولهم :
يحليله يشبه ابوه .. ووي اخوه طلع احلى منه مسكينة بتنصدم
لا لا اللي ورا شكله مزيون مايندرى شيقرب لهم
امااا هاي طلع اخوها احلى بوايد من ريلها

والحجاب عاد اغلبهم يقطون الشيلة قط على اساس انهم تحجبوا
بس الاغلبية مايتحجبون عدل يخافون على تسريحتهم تخترب
غير اللي ما يتحجبون من الاساس تقول انا لابسة باروكة مب شعري هههه
والا تقول معرس وبيشوف عروسته مابيدري عني ولا بيطالعني
وووو ... اعذار وايد سخيفة بس انها تصير والبعض ينطر دخلة المعرس اكثر من العروس

[بوحارب]

قبل كم يوم صار عرس
والمعرس الله يهديه مدخل معاه ربعه
والفرقه ورآه يمكن تقريبا خمسين واحد فوق الكوشه

ومن القبيله الفلانية المعرس والعروس !!!

اللي ابي اعرفه هذا رجل او ديوث
يوم يرضى يدخل شباب في عرسه


سبقتيني يالحياه بالموضوع كنت بنزله
بس اشغال الدنيا ما تخلي الواحد يتفرغ للمنتدى ;)

[BoFahed]

قبل كم يوم صار عرس
والمعرس الله يهديه مدخل معاه ربعه
والفرقه ورآه يمكن تقريبا خمسين واحد فوق الكوشه

ومن القبيله الفلانية المعرس والعروس !!!

اللي ابي اعرفه هذا رجل او ديوث
يوم يرضى يدخل شباب في عرسه


سبقتيني يالحياه بالموضوع كنت بنزله
بس اشغال الدنيا ما تخلي الواحد يتفرغ للمنتدى ;)

زادو وايد هاليومين يا بو حارب للاسف تربية خدم

[JN000N]

قبل كم يوم صار عرس
والمعرس الله يهديه مدخل معاه ربعه
والفرقه ورآه يمكن تقريبا خمسين واحد فوق الكوشه

ومن القبيله الفلانية المعرس والعروس !!!

اللي ابي اعرفه هذا رجل او ديوث
يوم يرضى يدخل شباب في عرسه


سبقتيني يالحياه بالموضوع كنت بنزله
بس اشغال الدنيا ما تخلي الواحد يتفرغ للمنتدى ;)

اي فلوووووس فلووووووووووووووووووووس

[بانغ بانغ]

الله لا يراوينا اليوم اللي بتكون فيه اعراس الناس مكس ولا ايجيبه

[بريق الحق]

الله يستر

والله افضل حل حفلة عائليه فقط لا اغاني ولا خرابيط
الواحد يبدا حياته على خربطه مشكله رياييل يدشون عالحريم وحريم يترقصون والله مشكله وأكملت بعد الي يدشون يجوفون زوجت الريال امحق

[الحياة الخالدة]

تحياتي لكل من شارك
و نتمنى أن تختفي هذه الظاهرة اللي ما من وراها خير

بوحارب .. شكراً لأنك فضيت نفسك دقيقة تشاركنا فيها

[Saoud_]

خلو عنكم الكلام عن الناس والعقره والقيل والقال
وهذا سوى وهذى ماسوى
اشغلوا روحكم بشي طيب
وعطونا مواضيع مفيده

[الحياة الخالدة]

وانا اشهد اني شفت هالمنظر
ويصير الستيج مخلوط حريم على رياييل
وكل وحدة متشبصة بريلها مادري اخوها
وتسلم عليه ستين الف بوسة جنها اول مرة تشوفه
وتكت عليه فلوس جنه هو المعرس
مايبقى الا يطردون العروس والمعرس ويقعدون مكانهم :rolleyes2:
طبعا ما يحتاج اوصف شلون
الشعر كله برى والمكياج الثقيل وريحة العطور والبخور واصوات الكعوب
هههههههههه بالضبط هذا اللي يصير
يعني شوفوني يا ناس .. هذا حقي مقي

[الحياة الخالدة]

خلو عنكم الكلام عن الناس والعقره والقيل والقال
وهذا سوى وهذى ماسوى
اشغلوا روحكم بشي طيب
وعطونا مواضيع مفيده

بانتظار مواضيعك المفيدة أخوي
ظاهرة سلبية و انتقدناها .. شالمشكلة

[الهديل]

لو يعرف المعرس
التعليقات الي تنقال عنه ما يدخل
في حريم يحطوه تحت المجهر يفحصونه من فوق لتحت
يطلعوا الأخطاء السبعه

[بريق الحق]

اصلن دخلته غلط لا هو يدخل ولا غيره واصلن وجود اي رجل فقاعة الحريم غلط ان شاء الله من يكون

[حليتان*]

اقول حق امي وجنون لو وشو مادشيت عرس الحريم يقولون لا لازم تدخل وشو هو على كيفكم مابي يعني مابي

ياخي يمكن تعجبني وحده ثانيه عير العروس شاسوي انا :( اتم تعيس طول حياتي <<< طبعا استهبل مع ان الكلام ممكن يكون فيه شي من الصحه



ضد وبقوه المعرس بكبره يدش عرس الحريم مب هله بس

[بنت مريخ]

حتى دخله المعرس بين الحريم و قعدته ع الكوشه مالها معنى
احس يتمنظرونه فيه
قله حيا اجوفها دخله الرياييل بين الحريم والترقص الماصخ
اعرف وحده تقول لازم ريايلنا يدخلون فوق 40 ريال

[محمد سعيد]

وضعهم جز طال عمرك في الحريم

[راجي الْعفو]

حكم دخول الزوج على النساء في العرس ؟


العلّامة الدكتور/صالح الفوزان - حفظه الله -

http://safeshare.tv/submit?url=https%3A%2F%2Fm.youtube.com%2Fwatch%3Fv %3DpU7B7u6bM-I

[مضارب دوسري]

قبل لا نسأل عن اللي يدشون مع المعرس


لازم نسال نفسنا المعرس شاللي مدخله بين الحريم !!!!!

[بريق الحق]

مضارب
سوالف بحارنه قامت تنتشر للاسف
الله لا يبلنا
الي قاعد اقرأه شي عجيييبب

[متفائلة]

حضرت مناسبة من سنتين تقريباً ، المعرس دخل و معاه شباب ترسوا المكان من الكوشة الين اااخر المسرح بالطول و العرض ، ما قدرت أعدهم بس انتو متخيلين الكوشة بالعرض و ممشى المسرح بالطول الين ثلاث ارباع القاعة هذا كله انترس شباب و تموا يردحون ردح تقريبا استغرق الامر عشرين دقيقة الين طلعوا و بقى ابو المعرس تم عقبهم ربع ساعة زيادة ،،،،،، طول هالمدة واحنا متكمكمين بالدفاف الين ملينا .


السؤال : شيحسون فيه ؟؟؟؟؟

[سعود.]

قبل لا نسأل عن اللي يدشون مع المعرس


لازم نسال نفسنا المعرس شاللي مدخله بين الحريم !!!!!

رتويت لك

[بو خليفه 123]

في عرسي الأول كانت عيني بالارض ..

و في عرسي الثاني بعد كانت عيني بالارض ممزوجه بأبتسامه بريئه ..


اما بخصوص دخول الشباب مع المعرس تختلف بالاعراف عند كل بيت , و اتفق معك انه هناك ملاحظات بخصوص الخروج عن المألوف , بس العروس مرات ودها تكشخ بفارس احلامها اذا كان نظيف و مرتب فلذلك من وجهة نظري دخول المعرس فقط افضل . و بقية الشباب يسلمون عليه خارج القاعه.


تحياتي من البلكونه

[R 7 A L]

طبعا وما في شك في هذا

شالداعي اصلا ؟!!

هذا شي بدأ بالانتشار عندنا بس مادري من وين جاي ؟

[بو خليفه 123]

مضارب
سوالف بحارنه قامت تنتشر للاسف
الله لا يبلنا
الي قاعد اقرأه شي عجيييبب

ماتفقنا كذا ..

قول عني ايطالي لكن لا تقول بحراني :protest:

[بو خليفه 123]

الدوسري ترانا عيال عم من سابع جد و إن زعلت ببيع كل اسهمي في فودا فون و اخليكم تنهارون :nice:

[R 7 A L]

قبل لا نسأل عن اللي يدشون مع المعرس


لازم نسال نفسنا المعرس شاللي مدخله بين الحريم !!!!!

كله من حسينوه وبوصالح وام عليوي بدرب الزلق

[بانغ بانغ]

في عرسي الأول كانت عيني بالارض ..

و في عرسي الثاني بعد كانت عيني بالارض ممزوجه بأبتسامه بريئه ..


اما بخصوص دخول الشباب مع المعرس تختلف بالاعراف عند كل بيت , و اتفق معك انه هناك ملاحظات بخصوص الخروج عن المألوف , بس العروس مرات ودها تكشخ بفارس احلامها اذا كان نظيف و مرتب فلذلك من وجهة نظري دخول المعرس فقط افضل . و بقية الشباب يسلمون عليه خارج القاعه.


تحياتي من البلكونه

ما شاء الله عليك الله يوفقك

[راجي الْعفو]

هذا شي بدأ بالانتشار عندنا بس مادري من وين جاي ؟

الموضوع يحتاج تقصّي فعلا ..
لان ما وراه غير المفسدة و المضرة ..

[شبح الصمت]

يمكن عشان عيون البعض تتلوقط يمين ويسار ويحصل له وحده ويروح يسال المعرس عنها نفس واحد من الشباب في عرس يقول دخل مع المعرس وشاف وحده وانعجبه فيها وراح سال المعرس والمعرس راس سال زوجته وزوجته راحت تتذكر وبعد التذكر راحت ردت على زوجها انها مب متزوجه وعقب الاخ الكريم راح وسال عنهم وعقب راح وتقدم لها وبس وهالسالفة ..

بطتنا بطت ببطن بطتكم تقدر بطتكم تبط ببطن بطتنا مثل ما بطتنا بطت ببطن بطتكم

صج انه كان بالحلال
بس السالفة ما لها معنى رجاجيل يدخلون مع المعرس لا يصيرون له ولا شيء ..

يوصلون المعرس فالمجلس الخارجي يسلمون عليه والسلام عليكم كل واحد يركب موتره ويحرك بيتهم ..

[بويعقوب]

جزاك الله خير

[بويعقوب]

دخوله حرام شرعاً
https://islamqa.info/ar/102794
واعرف ان الحياة تتكلم عن اللي يدخلون معاه
هم رياييل وهو ريال بعد مب مرفوع عنه القلم عشانه معرس

جزاك الله خير

[بومحمد المطاوعه]

وعليكم السلام و رحمة الله و بركاته

^ يالكاتب الصحفي عصبية ايش


عادي رجل اجنبي يدخل ع حريم ؟!!

هذه اعتبرها خيانة

---

ما له داعي حد يدخل القاعة

اذا يبون ، يروحون للغرفة اللي هناك

ويجتمع المعرس مع ابوه اذا حب و المحارم من الحريم

غير هذا كلام فاضي

اي والله
هالرد يمثلني


صدقت
ليش اصلن المعرس يدخل على مرته جدام الناس

ولا بعض الناس يقولك لازم يحب جبهتها ههههه

شلهم خص بالأساس استعرض جدام الحريم ولا شنو يعني

[راجي الْعفو]

اي والله
هالرد يمثلني


صدقت
ليش اصلن المعرس يدخل على مرته جدام الناس

ولا بعض الناس يقولك لازم يحب جبهتها ههههه

شلهم خص بالأساس استعرض جدام الحريم ولا شنو يعني

يحب يبتها بعد ^_^

يا بلفيت رومنسي يعني ^_^

هذي قلة حيا

مثل هالامور تكون بين الزوج و زوجته فقط

بعض الزوجات يمكن تحب االزوج يعبر عن حبه لها قدام العالم

- أتوقع إنه من تاثيرات الافلام و المسلسلات و شخصياتهم المنحلّة أخلاقيا -

كل رجل يقدر يسوي هالشي

بس يمنعه ( الحياء )

والحياء من الدين ..

[بومحمد المطاوعه]

يجب يبتها بعد

يا بلفيت رومنسي يعني ^_^

هذي قلة حيا

مثل هالامور تكون بين الزوج و زوجته فقط

بعض الزوجات يمكن تحب االزوج يعبر عن حبه لها قدام العالم

- أتوقع من تاثيرات الافلام و المسلسلات و شخصياتهم المنحلّة أخلاقيا -

كل رجل يقدر يسوي هالشي

بس يمنعه ( الحياء )

والحياء من الدين ..

هههه استغفرالله
اي والله ياخوي
تصير ترى
والبعض يحب خدها

للأسف
متأثرين من المسلسلات

اخبر عرس واحد من ربعي وصلنا لين قاعه النسوان

اخوان العروس قالو يالله ندخل يالمعرس
قالهم من قالكم بدخل قالو عيل احنا بندخل

قالهم المعرس

قسم بالله لو في واحد فيكم يدخل
او يفكر ان يدخل
بكسر يده وخلو اختكم لكم


خلاهم يتجمدون ف محلهم والله
قلب 180 درجه عليهم


كفووو والله

[راجي الْعفو]

هههه استغفرالله
اي والله ياخوي
تصير ترى
والبعض يحب خدها

للأسف
متأثرين من المسلسلات

اخبر عرس واحد من ربعي وصلنا لين قاعه النسوان

اخوان العروس قالو يالله ندخل يالمعرس
قالهم من قالكم بدخل قالو عيل احنا بندخل

قالهم المعرس

قسم بالله لو في واحد فيكم يدخل
او يفكر ان يدخل
بكسر يده وخلو اختكم لكم


خلاهم يتجمدون ف محلهم والله
قلب 180 درجه عليهم


كفووو والله

هذا رجل أمين

حريص على بنات الناس مثل حرصه على هله ..

[JN000N]

اي والله
هالرد يمثلني


صدقت
ليش اصلن المعرس يدخل على مرته جدام الناس

ولا بعض الناس يقولك لازم يحب جبهتها ههههه

شلهم خص بالأساس استعرض جدام الحريم ولا شنو يعني

شنو العيب لين دش الريال وحب مرته على راسها؟
اكو يدش يحب امه وامها ويدته وطوايفه كلهم
والا مالها احترام مرته؟
والا مسوي عيب قدام العامه؟

[ضوى]

شنو العيب لين دش الريال وحب مرته على راسها؟
اكو يدش يحب امه وامها ويدته وطوايفه كلهم
والا مالها احترام مرته؟
والا مسوي عيب قدام العامه؟

ماشوف فيها شي ، بس احيانا الواحد وده يصير هالشي له ومع ذلك يحاارب انه غلط ومايجوز

بالعكس شي حلو وتقدير للعروس وحب

[Charisma]

شنو العيب لين دش الريال وحب مرته على راسها؟
اكو يدش يحب امه وامها ويدته وطوايفه كلهم
والا مالها احترام مرته؟
والا مسوي عيب قدام العامه؟

طبعا عيب ، يحب مرته بروحهم مب قدام خلق الله ، انه على أساس يعني : واااو كيووت شلون يحبها ، شكله يموت فيها ، ودموع وسناسين ودراما .

[JN000N]

ماشوف فيها شي ، بس احيانا الواحد وده يصير هالشي له ومع ذلك يحاارب انه غلط ومايجوز

بالعكس شي حلو وتقدير للعروس وحب

كل الناس جي
على غيرهم شديد العقاب وعليهم غفور رحيم

[شبح الصمت]

طبعا عيب ، يحب مرته بروحهم مب قدام خلق الله ، انه على أساس يعني : واااو كيووت شلون يحبها ، شكله يموت فيها ، ودموع وسناسين ودراما .



تقصد الا يفتح عيون الحريم عليهم

ولجنة الحكام من صاحبات العيون الطويله واللسان الطويل

شوفيه حبها يمال العافيه وانا يوم جاني فالكوشه ثوبه في صالونه

هاهاهاي


ويعطونهم بعين ويتهاوشون في الكوشه وتصير حلبه مصارعه بين الطرفين ..

[JN000N]

طبعا عيب ، يحب مرته بروحهم مب قدام خلق الله ، انه على أساس يعني : واااو كيووت شلون يحبها ، شكله يموت فيها ، ودموع وسناسين ودراما .

حابها شمسوي؟
ابي اعرف نوع الحبه بس لايكون مسوي شي قليل ادب والا اثار غريزته قدام العالم؟ شهالمنطق
ترى حابها على راسها نفس السلام يعني
وعلى فكره
ما يسويها الا اللي متعلم ومتربي على احترام امه وخواته ولين جافهم يحبهم على روسهم ويقدرهم
ونفس الشي لين عرس يعامل زوجته بنفس مستوى الاحترام
ولما يدخل ويحبها على راسها ما يفكر وقتها يا ناس شوفوني تراني رومنسي
ولا يفتكر اصلا فيهم بعد لين حصلت له هي بيفكر ف الموجودين؟
معظم الاوقات يدش يحبها على راسها والزحمه حولها مجرد ما يجوفها بيسلم عليها وبيوقف ما بينطر تخف الزحمه والا يروحون الي واقفين وياه عشان يحبها ويبين ف الكيمرا قدام الناس ويستعرض


من الاخر كل واحد ونيته
واحنا عندنا يدش ويحبها على راسها ويوقف حذاها ما يسوي حركات ولين يا بيطلع قبض يدها وخذها وياه
لا افتكرو ف حركات رومنسيه ولا غيره
لا مسك يدها وتلمسها ولا سوى حركات قرعه قدام العرب

[Charisma]

تقصد الا يفتح عيون الحريم عليهم

ولجنة الحكام من صاحبات العيون الطويله واللسان الطويل

شوفيه حبها يمال العافيه وانا يوم جاني فالكوشه ثوبه في صالونه

هاهاهاي


ويعطونهم بعين ويتهاوشون في الكوشه وتصير حلبه مصارعه بين الطرفين ..




ههههههه ياعمي ماذبحنا الا الشكليات الدراميه ، موسيقى تدغدغ المشاعر وتشوف قدامك عرض مسرحي مقتبس من ألف ليلة وليله .

[شبح الصمت]

ههههههه ياعمي ماذبحنا الا الشكليات الدراميه ، موسيقى تدغدغ المشاعر وتشوف قدامك عرض مسرحي مقتبس من ألف ليلة وليله .


عشان ما يزعلون علينا

الموضوع عن الملاقيف الي يدخلون مع المعرس وما لهم لززززمه صح ...

صج اهم من نفسهم ما يستحون والا شالسالفه شوفوني !!!

[Charisma]

حابها شمسوي؟
ابي اعرف نوع الحبه بس لايكون مسوي شي قليل ادب والا اثار غريزته قدام العالم؟ شهالمنطق
ترى حابها على راسها نفس السلام يعني
وعلى فكره
ما يسويها الا اللي متعلم ومتربي على احترام امه وخواته ولين جافهم يحبهم على روسهم ويقدرهم
ونفس الشي لين عرس يعامل زوجته بنفس مستوى الاحترام
ولما يدخل ويحبها على راسها ما يفكر وقتها يا ناس شوفوني تراني رومنسي
ولا يفتكر اصلا فيهم بعد لين حصلت له هي بيفكر ف الموجودين؟
معظم الاوقات يدش يحبها على راسها والزحمه حولها مجرد ما يجوفها بيسلم عليها وبيوقف ما بينطر تخف الزحمه والا يروحون الي واقفين وياه عشان يحبها ويبين ف الكيمرا قدام الناس ويستعرض


من الاخر كل واحد ونيته
واحنا عندنا يدش ويحبها على راسها ويوقف حذاها ما يسوي حركات ولين يا بيطلع قبض يدها وخذها وياه
لا افتكرو ف حركات رومنسيه ولا غيره
لا مسك يدها وتلمسها ولا سوى حركات قرعه قدام العرب
اختلاف ثقافات لا اكثر ولا أقل .

بس سؤال بصراحه ، شفيها لو مادخل المعرس ؟ شاللي ممكن يصير ؟ ليش الأصرار على دخول المعرس ؟ ليش تهيئه أجواء خياليه وقت دخول المعرس ؟ ليش التفنن والتحضير المكثف والبروفات الفانتسيه لجل يدخل المعرس ؟

ترى الموضوع مب استهانه في قدر الزوجه ولا تقليل شان ، يقابلها بغرفه في القاعه ويسلم على امه وخواته وعليها والسلام عليكم .

[Charisma]

عشان ما يزعلون علينا

الموضوع عن الملاقيف الي يدخلون مع المعرس وما لهم لززززمه صح ...

صج اهم من نفسهم ما يستحون والا شالسالفه شوفوني !!!

لاتلوم الملاقيف اذا صاحب الشان سمح لهم .

[شبح الصمت]

اختلاف ثقافات لا اكثر ولا أقل .

بس سؤال بصراحه ، شفيها لو مادخل المعرس ؟ شاللي ممكن يصير ؟ ليش الأصرار على دخول المعرس ؟ ليش تهيئه أجواء خياليه وقت دخول المعرس ؟ ليش التفنن والتحضير المكثف والبروفات الفانتسيه لجل يدخل المعرس ؟

ترى الموضوع مب استهانه في قدر الزوجه ولا تقليل شان ، يقابلها بغرفه في القاعه ويسلم على امه وخواته وعليها والسلام عليكم .



ترى يا بايلوت هالسوالف ما تطلع من المعرس سوالف حريم اهم يبوون جذيه


من كم يوم وحده قالت ابي اسوي عرسي شيء غريب تزوجت على دراجة في احد الدول الخليجيه وكلنا شفنا هالشيء اغلبنا


والخبل موافقها ومستااانس شاق الحلج وومسويه مسيرة
وين راحت انوثتها ووين راح حياء بعض الحريم ..

استغفر الله العظيم

ولا تستبعد الحين في هالوقت اي شيء يطلع من بعض البنات يبون يتفنون في اي شيء ..

يعني شوفوني ترى نا تزوجت
وسويت
وريلي سوى لي


وندعوو لهم ان الزواج يستمر

اشوي كم من شهر الا مطلقين
الا مشاكل
الا الاستشارات العائلية


انزين والمليون الي علي في البنك وضعها شنو

[JN000N]

اختلاف ثقافات لا اكثر ولا أقل .

بس سؤال بصراحه ، شفيها لو مادخل المعرس ؟ شاللي ممكن يصير ؟ ليش الأصرار على دخول المعرس ؟ ليش تهيئه أجواء خياليه وقت دخول المعرس ؟ ليش التفنن والتحضير المكثف والبروفات الفانتسيه لجل يدخل المعرس ؟

ترى الموضوع مب استهانه في قدر الزوجه ولا تقليل شان ، يقابلها بغرفه في القاعه ويسلم على امه وخواته وعليها والسلام عليكم .

على فكرة هالشي يكون بموافقة الزوجين
العروس مرات خاطرها يدش وتصور معاه للذكرى وتصور مع ابوها واخوانها وياه على الكوشه
ومرات هو ما يبي وهي تقتنع بوجهة نظره او ترضى غصبن عنها ولو اعرف في بنات ما دخلو رياييلهم ولحين تمت في خواطرهم ان ما دشو
ومافي تفنن ابدا في دخلة المعرس الا عند بعض الشواذ
يدش عادي بزفته مع ابوها واخوانها وابوه
اما عيال الفريج وطوايفه كلهم مالهم داعي
وحركات الرقص هذي وقاحه
وكلنا ضدها
بالعكس قلتها قبل في رد سابق
اهلنا خلونا نحضر عرسكم يالجماعه ووثقو فيكم مب معناته تخسسون فينا وتدخلون علينا قبيلتكم كلها وتنشرونهم بينا ف القاعه بعد

[JN000N]

ترى يا بايلوت هالسوالف ما تطلع من المعرس سوالف حريم اهم يبوون جذيه


من كم يوم وحده قالت ابي اسوي عرسي شيء غريب تزوجت على دراجة في احد الدول الخليجيه وكلنا شفنا هالشيء اغلبنا


والخبل موافقها ومستااانس شاق الحلج وومسويه مسيرة
وين راحت انوثتها ووين راح حياء بعض الحريم ..

استغفر الله العظيم

ولا تستبعد الحين في هالوقت اي شيء يطلع من بعض البنات يبون يتفنون في اي شيء ..

يعني شوفوني ترى نا تزوجت
وسويت
وريلي سوى لي


وندعوو لهم ان الزواج يستمر

اشوي كم من شهر الا مطلقين
الا مشاكل
الا الاستشارات العائلية


انزين والمليون الي علي في البنك وضعها شنو



لا والله لا تحط في ذمتك
انا حضرت عرس
صدمة حياتي كان وما زلت متاثره بالصدمه
ومازلت اقول لو انا من بدال العروس وريلي جي سوى عالمسرح والله لا اقوم من مكاني ومايردني له شي لو يدي يطلع من قبره ويقول رديله ما رد له
عسى ما شر يترقص عالمسرح جنه مره!
العروس لها حركاتها في زفتها في طريقة دخلتها في تصميم القاعه والكوشه
اما في دخلة المعرس مالها خص هذي هو وهله يسوونها

[Charisma]

ترى يا بايلوت هالسوالف ما تطلع من المعرس سوالف حريم اهم يبوون جذيه


من كم يوم وحده قالت ابي اسوي عرسي شيء غريب تزوجت على دراجة في احد الدول الخليجيه وكلنا شفنا هالشيء اغلبنا


والخبل موافقها ومستااانس شاق الحلج وومسويه مسيرة
وين راحت انوثتها ووين راح حياء بعض الحريم ..

استغفر الله العظيم

ولا تستبعد الحين في هالوقت اي شيء يطلع من بعض البنات يبون يتفنون في اي شيء ..

يعني شوفوني ترى نا تزوجت
وسويت
وريلي سوى لي


وندعوو لهم ان الزواج يستمر

اشوي كم من شهر الا مطلقين
الا مشاكل
الا الاستشارات العائلية


انزين والمليون الي علي في البنك وضعها شنو



شفت الفيديو والله يهديهم ، وصدقت في اللي ذكرته ، اساسا ماخبرنا احد قالوا له مابتدخل عالحريم وأصر انه يدخل او خلنا نقول اهو اللي طلع بهالمقترح ، سلطات عليا عند البعض تفرض عليه يدخل وعزتي للمغلوب على امره ولايقدر يعارض ، وانا صراحه مب فاهم هالنقطه اتمنى احد يوضحها لي ، شالغرض من دخول المعرس ؟ انه شوفوا حبيبي شزينه ؟ ولا مجرد بروتكولات ومع الخيل ياشقرا ؟ هل في اي فائده من دخوله ؟ ماغير قيل وقال وعين وشماته وتعليقات ، هم في غنى عنها .

[Charisma]

على فكرة هالشي يكون بموافقة الزوجين
العروس مرات خاطرها يدش وتصور معاه للذكرى وتصور مع ابوها واخوانها وياه على الكوشه
ومرات هو ما يبي وهي تقتنع بوجهة نظره او ترضى غصبن عنها ولو اعرف في بنات ما دخلو رياييلهم ولحين تمت في خواطرهم ان ما دشو
ومافي تفنن ابدا في دخلة المعرس الا عند بعض الشواذ
يدش عادي بزفته مع ابوها واخوانها وابوه
اما عيال الفريج وطوايفه كلهم مالهم داعي
وحركات الرقص هذي وقاحه
وكلنا ضدها
بالعكس قلتها قبل في رد سابق
اهلنا خلونا نحضر عرسكم يالجماعه ووثقو فيكم مب معناته تخسسون فينا وتدخلون علينا قبيلتكم كلها وتنشرونهم بينا ف القاعه بعد

وصلنا لمربط الفرس ، كل هذا عشان التصوير في الكوشه ؟ يعني الدافع ورى دخول المعرس على الحريم عشان التصوير قدام الكوشه !! ، مع ان ماختلفنا ان التصوير ممكن يصير داخل الغرفه ، لكن الكوشه اهي السبب ، ياشباب نزلوا موضوع عن الكوشه اطلعت اهي السبب .:rolleyes2:

يعلم الله ماقصد انتقاص لاحد ، ولكن وجهة نظر ، مافي أي سبب يحد المعرس يدخل عالحريم ، كل شيء ممكن يترتب ويصير على انفراد بعيدا عن المعازيم .

[بانغ بانغ]

الناس راحوا القمر يا ناس وانتوا لحين المعرس ايدش او لا

بوشبيح .... انا اقول انزوّج راجي غصب واندزه داخل عشان انشوف كيف بيتصرف

[بومحمد المطاوعه]

تقصد الا يفتح عيون الحريم عليهم

ولجنة الحكام من صاحبات العيون الطويله واللسان الطويل

شوفيه حبها يمال العافيه وانا يوم جاني فالكوشه ثوبه في صالونه

هاهاهاي


ويعطونهم بعين ويتهاوشون في الكوشه وتصير حلبه مصارعه بين الطرفين ..





ههههه اي والله حق الحنه والحسد
والكثير مايذكر الله ولا يقول ماشاءالله

ف ليش الواحد يسوي الشو قدام الي يسوى الي مايسوى

بس عجبني سالفة الصالونه ههههههه

[SouthK]

عن نفسي آخر عرس دخلته كان عرس اخوي و بس وصلته الكوشة و طلعت سيده منعا لتجمعات اليهال اللي يبغون الفزعة و قت النقوط .. والحمد لله ما عندي غير اخو واحد!!!

[الحياة الخالدة]

الناس راحوا القمر يا ناس وانتوا لحين المعرس ايدش او لا

بوشبيح .... انا اقول انزوّج راجي غصب واندزه داخل عشان انشوف كيف بيتصرف

يعني شرايك انت ؟؟ إذا هذا هو الموضوع
تبي تناقش وصول الناس للقمر ؟؟ الميدان يا حميدان
أقترح عليك هالعنوان :
الوصول للقمر .. بين الحقيقة و الخيال
لأني أخبر النهار مب مقتنع إنهم وصلوا القمر .. ولا للمريخ

و خلنا احنا في موضوع المعرس و ربعه
تحياتي لك

[بعيد النظر]

اخواني وربعي وصلوني لـ قاعة الحريم ..
وسلمو علي برع .. ودخلت بروحي ربع ساعة ..
عشان خاطر امي والمدام .. وطلعت ..

والوالد عسى الله يحفظه .. سلم علي في قاعة الريايل ..


بالنسبة لي كان ذي الحل الأمثل ..
ورضيت جميع الأطراف .. والحمدلله على كل حال !



بالنسبة للإخوان .. قد يكون في وجهة نظر إيجابية ..
بس انا ما أيدها .. لاسباب كثييرة ..

[العقل المدمر]

وصلنا لمربط الفرس ، كل هذا عشان التصوير في الكوشه ؟ يعني الدافع ورى دخول المعرس على الحريم عشان التصوير قدام الكوشه !! ، مع ان ماختلفنا ان التصوير ممكن يصير داخل الغرفه ، لكن الكوشه اهي السبب ، ياشباب نزلوا موضوع عن الكوشه اطلعت اهي السبب .:rolleyes2:

يعلم الله ماقصد انتقاص لاحد ، ولكن وجهة نظر ، مافي أي سبب يحد المعرس يدخل عالحريم ، كل شيء ممكن يترتب ويصير على انفراد بعيدا عن المعازيم .

اي ترى صج لما تناقشت مع بنات في هالموضوع
قالوا لااااا مخسرين على الكوشة لازم يتصورون فيها
قلت لهم بسيطة .. يسوون لهم زاوية تصوير برى ويحطون فيها كوشة مصغرة
بس ماعجبهم اقتراحي هم يبون العرض المسرحي جدام الجمهور :tease:

[Charisma]

اي ترى صج لما تناقشت مع بنات في هالموضوع
قالوا لااااا مخسرين على الكوشة لازم يتصورون فيها
قلت لهم بسيطة .. يسوون لهم زاوية تصوير برى ويحطون فيها كوشة مصغرة
بس ماعجبهم اقتراحي هم يبون العرض المسرحي جدام الجمهور :tease:




اممم يعني فعلا الموضوع طلع بسبب الكوشه . :rolleyes2:
بسيطه مثل ماذكرتي ، " ميني كوشه " ، واذا الموضوع فيه تكليف ، الله يخلي الفوتشوب ، يضبطون لك خلفية تاج محل لو تبي .

[مضارب دوسري]

الدوسري ترانا عيال عم من سابع جد و إن زعلت ببيع كل اسهمي في فودا فون و اخليكم تنهارون :nice:
لا يبه لا تبيع :)
ههههههههههههههه

[مضارب دوسري]

كله من حسينوه وبوصالح وام عليوي بدرب الزلق

هذا اللي صاير بصراحه هم السبب :)

[الحياة الخالدة]

شكراً للجميع على مشاركاتهم الطيبة

----

أعرف وحدة كان خاطرها يوم عرسها وقت زفة المعرس يدخل مع الفريسه ويزفونه
مب بس الأغنية اللي بتزفه
لكن أبو البنت ما كان راضي بحكم أنه بيدخل مع المعرس ويدري أن بيكون في فرقة بتدخل معاهم
رفض الموضوع بالرغم من أن البنت كلمت الطقاقة واتفقت معاها ودفعت وتحسب ان ابوها بيوافق
في النهاية خلو زفة المعرس عادية .. وما سووا فريسه .. ومادخل غير المعرس واخوانها وابوها
لا فرقة دشت ولا عشرين واحد رقص مع الفرقة عشان زفة المعرس

[الحياة الخالدة]

صحيح ممكن تصير أشياء في العرس عن طريق النساء وهالأشياء مرفوضة
لكن ولي الأمر لازم يكون عنده علم بكل شي يصير .. حتى ما ينصدم ويتعرض للإحراج قدام الناس
وله القرار في حدوث الشي من عدمه

[ضوى]

والله يا ختي العزيزة ، مب بس هذا المأخذ من دخول الف شخص وشخص القاعة ، فيه بعد الشو والنفاق الاجتماعي اللي يصير عالكوشة وبوسط المسرح ، الام والا الخوات والا العمات والخالات تمطق بهالمعرس وابه واخوانه وتبوس اللي يقول دهر ماشافوه وتكتت الفلوس عليهم وإظهار الحب الكبير والود ، وهذا شي بالنسبة لي عالاقل مرفوض ، الام تقدر تظهر حبها للاب في البيت والاخت لاخوها بالبيت مب حلوة قدام الناس المم في الصبي وابوسه وانثر الفلوس ، طبعا ماقصد السلام العادي اللي الولد والاب يحبون راس الام والسلام العادي على الخوات البنات لكن المبالغات اللي تصير هي المفروضة انا اعتبره نفاق اجتماعي لا اكثر

[maryam5]

انا من زمان ما شفت هالشي اندثر بصراحة وحاليا المعرس يدخل بروحه بدون مرافقين. حتى استغربت انها موجودة عند البعض.

[الحياة الخالدة]

والله يا ختي العزيزة ، مب بس هذا المأخذ من دخول الف شخص وشخص القاعة ، فيه بعد الشو والنفاق الاجتماعي اللي يصير عالكوشة وبوسط المسرح ، الام والا الخوات والا العمات والخالات تمطق بهالمعرس وابه واخوانه وتبوس اللي يقول دهر ماشافوه وتكتت الفلوس عليهم وإظهار الحب الكبير والود ، وهذا شي بالنسبة لي عالاقل مرفوض ، الام تقدر تظهر حبها للاب في البيت والاخت لاخوها بالبيت مب حلوة قدام الناس المم في الصبي وابوسه وانثر الفلوس ، طبعا ماقصد السلام العادي اللي الولد والاب يحبون راس الام والسلام العادي على الخوات البنات لكن المبالغات اللي تصير هي المفروضة انا اعتبره نفاق اجتماعي لا اكثر

إي والله صدقتي أختي ضوى
أنا بعد أستغرب هالحركات .. و ياما شفناها
يعني حبكت يطلعون كل الحب و المشاعر النبيلة قدام الناس و على الستيج
و يحذفون عليهم الورد و الفلوس .. يبلفيت تعبيراً عن الفرح بهم و مدى قوة الروابط بينهم
و يقطرونهم لين ينزلون من على المسرح والا لين الباب .. و كأن الحبيب ملك متوج

[طلعة الروح]

السلام عليكم و رحمة الله و بركاته
مساكم الله بالخير .. و مبارك عليكم الاجواء الحلوة

في أغلب الأعراس .. يدش المعرس على العروس وهي في الكوشة .. في قاعة العرس
اللي يصير أن الفرقة أو أي حد يعلن في الميكروفون :
المعرس بيدش .. تغطوا يا حريم

بعدين يدش المعرس .. و معاه :
شخص .. اثنين .. ثلاثة .. أو أكثر
و العادة يكونون من صوبه .. ويتم تغطية العروس لحد ما يطلعون و يتم هو بروحه .. عقب يكشفونها
البعض من اللي يدخلون معاه ممكن يصورون معاه .. البعض ممكن يستعرض بالسيف
غالباً الحريم من محارمهم يروحون يسلمون عليهم أو حتى يقطون عليهم فلوس

لكن اللي يصير أحياناً
يدشون مع المعرس مجموعة كبيرة من الرجال أغلبهم شباب
و صراحة سمعت عن أمور غريبة تصير ( ولو انها استثنائية ) من الرقص الجماعي .. أو انهم يقعدون فترة ليست بقصيرة
مع ان المفروض بس يدخلونه و ان طولوا بس يصورون و يطلعون على طول

هاذي الامور .. هل تكون بالاتفاق تماماً بين أهل المعرس و العروس
والا ممكن حد يتفاجأ بوضع ما كان متوقعه ؟؟!!

هي أكيد الحركه والدخله ذي مفاجأة من المفاجئات لأن العاده جرت أن اي حد يقدر يدخل مع المعرس خصوصا الاخوان والاب هاي اكثر ناس يدخلون معاه واحيانا ابو العروس يدخل بعد.

[الحياة الخالدة]

انا من زمان ما شفت هالشي اندثر بصراحة وحاليا المعرس يدخل بروحه بدون مرافقين. حتى استغربت انها موجودة عند البعض.

ما أكذبج أكيد .. بس والله يختي احنا للحين نشوف هالشي .. و نادر ما نشوف المعرس داخل بروحه

[الحياة الخالدة]

هي أكيد الحركه والدخله ذي مفاجأة من المفاجئات لأن العاده جرت أن اي حد يقدر يدخل مع المعرس خصوصا الاخوان والاب هاي اكثر ناس يدخلون معاه واحيانا ابو العروس يدخل بعد.

أعتقد المفروض يكون هناك تنسيق بين الطرفين .. عشان ما تصير أمور تتسبب في حدوث مشاكل بينهم .. وهم توهم بأول الطريق
إضافة إلى عدم إحراج المدعوات بأشياء ما كانت متوقعة