هل الوضع حاليا يتحمل

[قلب الدوحة]

صباح الخير
المفروض اجازة حق المدارس ،وحاليا انا في البيت واسمع ونان الشرطة مادري الاسعاف وعيالي في السيارة مع جدهم خايفين وحالة من الفوضى

[قلب الدوحة]

Dear Parents
Due to weather conditions, the school will remain closed today for students.
Thanks you

الحمدلله مدرسة عيالي اجازة

[بصمة قطرية]

المفروض تعطيل الدراسة ..
و هالشي المفروض من أمس ..
وين الأرصاد الجوية ..!!

[bohilal191]

الارصاد الجوية ينتظرون تصير كارثة عشان يعلنون

[حمد بن سعد]

خير ونعمه ولعيال نزلتهم المدرسه

فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ‎

[بانغ بانغ]

الارصاد الجوية ينتظرون تصير كارثة عشان يعلنون

اي والله صادق

اتوقع يبيغلهم ارصاد داخلية لتوقع متى يصحون من نومهم العميق

[ابن الرومي]

صباح الخير
لماذا الخوف أن تقرر الجهات المختصة
غدا اجازة وذلك لحالة الطقس
وخاصة لأبنائنا بالمدارس

[AL_MUTAEM]

استغرب المطالبه بالاجازه بوقت الامطار او سوء الاحوال الجويه فهل هو الخوف من المباني التي تحتضن الاطفال او من الحوادث ( لا سمح الله ) او حبا في الاجازه ..

اتذكر قبل سنوات عديده ( ايام الطيبين ) كنا نذهب للمدارس مشيا بوقت الامطار ولم نطالب بالاجازات التي تتم المطالبة بها ..

[Boost]

شفت الجو الصبح وغيبت عيالي

مب مستعد أنتظر مصيبه علشان اطلع من دوامي واراكض واستعجل في طريقي ويدي على قلبي

[حمد 2002]

الجو عادي .. ومايستحقون اجازه ..

جوف الدول الثانيه الله يكون في عونهم يتنقلون من بيوتهم الي عباره عن اكواخ ويعبرون الجبال مشيا على الأقدام في سبيل التعليم والوصول إلي مدارسهم الي عبارة عن بورت كابن !! ..

[ساعي الخير]

حالة الأمطار بحاجة إلى متابعة من قبل المسؤولين في هذه الوزارة، لأن مسؤوليتهم تتعلق بشريحة غالية على الجميع وهم أولادنا، ونود منهم - المسؤولين- أخذ الأيام المطيرة في الحسبان، وذلك بتخفيف الضغط علينا فيها خدمة لأهداف العملية التعليمية نفسها ، ولا يجعلوا من القوانين التي تحد من التسيب عصا غليظة يضربون بهاالناس وكأنها وضعت لذاتها وليس لأهدافها!
إننا نرجو من المسؤولين في التعليم أن يخففوا الضغط على الطلاب في أيام المطر، ولايجعلوا من التشدد في مالا يلزم التشدد فيه طريقا لإثبات جدارتهم وإخلاصهم.

ودمتم / ولي أمر

[بصمة قطرية]

استغرب المطالبه بالاجازه بوقت الامطار او سوء الاحوال الجويه فهل هو الخوف من المباني التي تحتضن الاطفال او من الحوادث ( لا سمح الله ) او حبا في الاجازه ..

اتذكر قبل سنوات عديده ( ايام الطيبين ) كنا نذهب للمدارس مشيا بوقت الامطار ولم نطالب بالاجازات التي تتم المطالبة بها ..

خوفاً من الأخطاء الشنيعه اللي راح تطلع ..!!!
في الشوارع و المباني ..
تذكر المطرات الأخيرة إش صار ..!!
و المطرة اللي غرقت النفق ..وووو..إلخ

[شبح الصمت]

سبحان الله ..

ناس برى مهب محصلين مباني مصكره ويتسابقون للدراسة

واهنيه بخير ونعمة ونتحلطم ..

سبحان الله ..

الي ما يبي يودي عياله لا يوديهم .

واليهال ترى مستانسين على هالاجواء ..

والحافظ رب العالمين

[حمد بن سعد]

الطقس مافي احلا منه على ايامنا نحط الكتب في الثوب ونربطه وريس المدرسه الين كله دلع .

وذا على الخوف مب منهم من الي يشفونهم مدراس تخر وتغرق شوارع تصير انهار والله المستعان

[المحاميه]

استغرب المطالبه بالاجازه بوقت الامطار او سوء الاحوال الجويه فهل هو الخوف من المباني التي تحتضن الاطفال او من الحوادث ( لا سمح الله ) او حبا في الاجازه ..

اتذكر قبل سنوات عديده ( ايام الطيبين ) كنا نذهب للمدارس مشيا بوقت الامطار ولم نطالب بالاجازات التي تتم المطالبة بها ..

اشرايك يعني؟
حباً ف الاجازه؟؟؟ بيغيبونهم اي يوم عادي

اكيد يخافون عليهم من المباني ومن الكهربا والحوادث الخ
يوم واحد مابتطير رسالة الدكتواره فيه عنهم

ولا اشرايك يااستاذ؟
استنكر سؤالك
ابد مب ف محله

[المحاميه]

سبحان الله ..

ناس برى مهب محصلين مباني مصكره ويتسابقون للدراسة

واهنيه بخير ونعمة ونتحلطم ..

سبحان الله ..

الي ما يبي يودي عياله لا يوديهم .

واليهال ترى مستانسين على هالاجواء ..

والحافظ رب العالمين

فيه مدارس من نفسها قالت لاتجيبونهم؟ شنو يعني؟

اذا صار لا سمح الله ماس كهربائي ولا طاح شي من السقف لا قدر الله

تعال ذيك الساعه قول فيه ناس برا يتسابقون

دايما نطالع ونقارن ونتكلم

خلونا في نفسنا
ندرس امورنا ونصلحها
مب نقارن بطريقه غير مووزونه!!!!

[شبح الصمت]

فيه مدارس من نفسها قالت لاتجيبونهم؟ شنو يعني؟

اذا صار لا سمح الله ماس كهربائي ولا طاح شي من السقف لا قدر الله

تعال ذيك الساعه قول فيه ناس برا يتسابقون

دايما نطالع ونقارن ونتكلم

خلونا في نفسنا
ندرس امورنا ونصلحها
مب نقارن بطريقه غير مووزونه!!!!






انزين اشفيج زعلانه على الصبح ..

عندكم يهال لا تودونهم خلاص ..

حسستني المدارس عريش مهب صبية ..

[بصمة قطرية]

ياللي محتجين و تنتقدون ليش نطالب بإجازة
روحوا شوفوا الأشياء اللي صارت في المطرات اللي قبل
عقب تعالوا إنتقدوا و علقوا ..!!!

[AL_MUTAEM]

خوفاً من الأخطاء الشنيعه اللي راح تطلع ..!!!
في الشوارع و المباني ..
تذكر المطرات الأخيرة إش صار ..!!
و المطرة اللي غرقت النفق ..وووو..إلخ

كل شخص اكيد يخاف على ابنائه ولكن اتوقع ان حالة الطقس لا تستدعي ايقاف الدراسه فهي دقائق معدوده وليست ايام فالفرق كبير

[بصمة قطرية]

انزين اشفيج زعلانه على الصبح ..

عندكم يهال لا تودونهم خلاص ..

حسستني المدارس عريش مهب صبية ..



صبية الله يسلمك و طاح جزء من السقف في مدرستين
صبية و صار ماس كهربائي سبب حريق
في مدرسة عيالي و طلبوا الدفاع المدني و اخلوا المدرسة ..

[شبح الصمت]

اللهم لك الحمد والشكر يارب

[شبح الصمت]

صبية الله يسلمك و طاح جزء من السقف في مدرستين
صبية و صار ماس كهربائي سبب حريق
في مدرسة عيالي و طلبوا الدفاع المدني و اخلوا المدرسة ..



خلاص غيبي اعيالج

او وديهم مدرسة ثانية

وين المشكلة الحين ..

[بصمة قطرية]

كل شخص اكيد يخاف على ابنائه ولكن اتوقع ان حالة الطقس لا تستدعي ايقاف الدراسه فهي دقائق معدوده وليست ايام فالفرق كبير


دقائق ..!!!!!!
ممكن هالدقائق اللي تتكلم عنها
تغرق الشوارع ..!!
و في شوارع غرفت على فكرة ..
والمدارس الخاصة أغلبها رجعت الطلاب ..

[بصمة قطرية]

خلاص غيبي اعيالج

او وديهم مدرسة ثانية

وين المشكلة الحين ..


للأسف عيالي يروحون في باص
و طلعوا من وقت قبل لا ينزل المطر ..

حلوة مدرسة ثانية ..!!!!!

[AL_MUTAEM]

اشرايك يعني؟
حباً ف الاجازه؟؟؟ بيغيبونهم اي يوم عادي

اكيد يخافون عليهم من المباني ومن الكهربا والحوادث الخ
يوم واحد مابتطير رسالة الدكتواره فيه عنهم

ولا اشرايك يااستاذ؟
استنكر سؤالك
ابد مب ف محله

لك حق تستنكرين سؤالي فلكل شخص محيط يفكر به ..

اتمنى تشربين كركديه بارد ويفضل من مياه الامطار التي توقفت مع بداية الحصة الاولى ..

صباح الخير

[غريب الدّار]

صباح الخير
المفروض اجازة حق المدارس ،وحاليا انا في البيت واسمع ونان الشرطة مادري الاسعاف وعيالي في السيارة مع جدهم خايفين وحالة من الفوضى

صبحكم الله بالخير
السموحة مافهمت :
خايفين من وشو ؟
و الشرطة مادري الإسعاف على قولتك اخوي (او على قولتج اختي) نسمعهم في المطر وغير المطر

وبعدين بالنسبة حق العنوان اختي :
هل الوضع حاليا يتحمل

شنو الوضع حاليا ؟ ويتحمل شنو ؟

الا اذا كان المقصود بالوضع الحالي هو المطر :
لان المطر جانا يمكن عشر دقايق او ربع ساعة تقريبا (او حتى ثلث ساعة ) ووقف

[الحياة الخالدة]

صلوا على النبي يا إخوان ويا أخوات
الجو مطر و خير من الله
و الدنيا ما تسوى

اللهم صل و سلم و بارك على سيدنا محمد .. و على آله و صحبه و سلم تسليماً كثيرا

[غريب الدّار]

صلوا على النبي يا إخوان ويا أخوات
الجو مطر و خير من الله
و الدنيا ما تسوى

اللهم صل و سلم و بارك على سيدنا محمد .. و على آله و صحبه و سلم تسليماً كثيرا

اللهم صل وسلم على سيدنا محمد وعلى آله وصحبه اجمعين

[شبح الصمت]

صلوا على النبي يا إخوان ويا أخوات
الجو مطر و خير من الله
و الدنيا ما تسوى

اللهم صل و سلم و بارك على سيدنا محمد .. و على آله و صحبه و سلم تسليماً كثيرا



عليه أفضل الصلاة والسلام

[معماري قطري]

الاحتياط واجب ولا ترموا بأنفسكم في التهلكة والحياة غالية

في المطر تزيد الاسعافات وونانات الشرطة بسبب النص سواقين اللي في الطريق والسيارات اللي لا تواير صاحية ولا ليتات وسواقينها ما عليهم يدعم ويقتل ولا عليه حساب حتى لو قاصد

لا ويروحون المدرسة ويوصلون ويقولون لهم ارجعوا وتستوي زحمة مزدوجة .. بالعقل فيه تكنولوجيا واتصالات وأرصاد بس خايفين يعلنون ويقولون الا بقرار والمفروض الآلية موجودة والقرار يكون سريع من وزير التعليم

انا منعت عيالي من الذهاب للمدرسة ولاحقين على العلم

[المحاميه]

لك حق تستنكرين سؤالي فلكل شخص محيط يفكر به ..

اتمنى تشربين كركديه بارد ويفضل من مياه الامطار التي توقفت مع بداية الحصة الاولى ..

صباح الخير

الكركديه للضغط
الحمدلله ضغطي طبيعي
الله لايحوجنا لغيره

[ضوى]

ولدي اللي بالثانوية راح واللي بالجامعة راح
بنتي بالجامعه رديتها من ربع الطريج
بنتي الصغيرة لبست وجهزت وصارت العاصفة قلت لها ريحي في البيت
وانا بشغلي أكرف واشتغل بذمة وضمير

[المحاميه]

جد استعجب من بعض الردود

استهتار
الله يهديكم بس


بعد احنا ماتبلينا على حد
سوالف وصارت قدامنا
بعد عندكم الوضع عادي؟

[رجل الجزيرة]

مدرسة ولدي رخصوا الطلبة بسبب السقف يخر ماء.

[بصمة قطرية]

عليه الصلاة والسلام ..

[بصمة قطرية]

مدرسة ولدي رخصوا الطلبة بسبب السقف يخر ماء.

خل المعترضين يسمعون ..!!!
غير مدرسة ولدك لو سمحت ..

[غريب الدّار]

خل المعترضين يسمعون ..!!!
غير مدرسة ولدك لو سمحت ..

انا واحد من المعترضين يابصمة:nice:
وسمعت
ودامي سمعت لازم ارد

الحين مدرسة ولده خرت ماي

حلو
وش علاقة بقية مدارس الدوحة ؟

ممكن تجاوبيني ولا عليج امر ؟ يمكن أكون غلطان

يعني الحين نفرض ان مثلا في مكتب في البلدية خر ماي
نطالب بإجازة حق كل الوزارات ؟

المايك عندج

[ضوى]

استغرب المطالبه بالاجازه بوقت الامطار او سوء الاحوال الجويه فهل هو الخوف من المباني التي تحتضن الاطفال او من الحوادث ( لا سمح الله ) او حبا في الاجازه ..

اتذكر قبل سنوات عديده ( ايام الطيبين ) كنا نذهب للمدارس مشيا بوقت الامطار ولم نطالب بالاجازات التي تتم المطالبة بها ..

وكنا مع اقل مطرة اجازة رسمية وبالراديو يذيعون واحنا ماشين على ريولنا للمدرسة ، كله اجازات ايام المطر قبل

[محمد2]

بل بل يبا حنا في قطر ودولة خليجية يعني المطر عندنا يومين او ثلاثة ايام طول السنه ومسوين لكم سوالف وخرابيط
وعيالنا ومدارس ولازم يعطونهم اجازة وغيرة وغيرة
شتقولون لو عيالكم في دولة اوروبية اللي مطر وثلج عندهم طول السنه و24 ساعة (تغيبونهم وتقولون عيالنا )
خلو الدلع وخلوا الياهل يعتمد على نفسة انتوا تدخلون عيالكم المدارس الاجنبية لانكم تبون يتعلمون لغتهم ، زين خلوهم يعتمدون على انفسهم ،
عيال الاجانب انا بنفسي شايفهم مساكين الصبح من ترام ل ترام ومن باص لباص حتى يوصل لمدرسة
وانتوا اهني كل ياهل او ياهلين حاطين له بابو يوديه ويجيبه وغير الدلع
خلوهم يعتمدون على انفسهم ، الدولة تبي رجال منتجين مب جيل تك وي ومكدونالز والفرفرة فالمولات

[حمد 2002]

انا واحد من المعترضين يابصمة:nice:
وسمعت
ودامي سمعت لازم ارد

الحين مدرسة ولده خرت ماي

حلو
وش علاقة بقية مدارس الدوحة ؟

ممكن تجاوبيني ولا عليج امر ؟ يمكن أكون غلطان

يعني الحين نفرض ان مثلا في مكتب في البلدية خر ماي
نطالب بإجازة حق كل الوزارات ؟

المايك عندج

ردك مقنع والله ..


جزاك الله خيرا وبارك الله فيك

[رجل الجزيرة]

الاحتياط واجب ولا ترموا بأنفسكم في التهلكة والحياة غالية

في المطر تزيد الاسعافات وونانات الشرطة بسبب النص سواقين اللي في الطريق والسيارات اللي لا تواير صاحية ولا ليتات وسواقينها ما عليهم يدعم ويقتل ولا عليه حساب حتى لو قاصد

لا ويروحون المدرسة ويوصلون ويقولون لهم ارجعوا وتستوي زحمة مزدوجة .. بالعقل فيه تكنولوجيا واتصالات وأرصاد بس خايفين يعلنون ويقولون الا بقرار والمفروض الآلية موجودة والقرار يكون سريع من وزير التعليم

انا منعت عيالي من الذهاب للمدرسة ولاحقين على العلم

ما أكثر الحوداث اليوم؟

[بصمة قطرية]

انا واحد من المعترضين يابصمة:nice:
وسمعت
ودامي سمعت لازم ارد

الحين مدرسة ولده خرت ماي

حلو
وش علاقة بقية مدارس الدوحة ؟

ممكن تجاوبيني ولا عليج امر ؟ يمكن أكون غلطان

يعني الحين نفرض ان مثلا في مكتب في البلدية خر ماي
نطالب بإجازة حق كل الوزارات ؟

المايك عندج

الحذر واجب ..
و في مثل هالأجواء صارت سوالف وايدة
العام واول العام ..
يعني تعطيل يوم واحد ما راح يسبب كارثة في التعليم ..!!
ليش أعرض حياة الأطفال للخطر ..!!!
أتمنى وصلت الفكرة ( يالمعارض ) ..

[رجل الجزيرة]

خل المعترضين يسمعون ..!!!
غير مدرسة ولدك لو سمحت ..

ما أقدر أغير مدرسته لأن إخوانه إلي قبله إدرسوا فيها والكثير من المدرسين يعرفونهم.

[ضوى]

اللهم صل على سيدنا محمد وعلى اله وصحبه اجمعين
صيبا نافعا يارب

ياشين التفلسف

[شبح الصمت]

خفو علينا يلي عندكم يهال واحنا عيالنا عيال البطه السوده


انا تكلمت عن عيالي وديتهم المدرسة بنفسي ..
وقلت الي ما يبي يودي عياله لا يوديهم ..

ليكون عيالنا عادي يروحون منا وما عندنا مشكلة !!
هاي الي تقصدوونه ..


وترى لعلمكم ترى في امهات ما يدرون عن عيالهم خير شر
الخدامه الي تسوي كل شيء وهي عليها المرحلة النهائية
الخدامه تقومه وتسبحة وتلبسه وتاكله وتمشط له
وهي تجي بس حبيبي عطني بوووسه وروح ويمكن بعد اي ويمكن ما تتكرم وتقوم له الا اذا في شيء قوي قومها نفس هالبرق الي يرعد لا اله الا الله .


والحافظ الله

[حمد 2002]

لو استمر المطر أسبوع معناها انعطل أسبوع وتالي المدرسين بيعطون الطلاب المنهج دفعه وحدة .. وتالي نزلوا شكوى عن المدرسين والمجلس الأعلى للتعليم مم قصدي وزاره التربيه والتعليم ..

[eXpert*]

بل بل يبا حنا في قطر ودولة خليجية يعني المطر عندنا يومين او ثلاثة ايام طول السنه ومسوين لكم سوالف وخرابيط
وعيالنا ومدارس ولازم يعطونهم اجازة وغيرة وغيرة
شتقولون لو عيالكم في دولة اوروبية اللي مطر وثلج عندهم طول السنه و24 ساعة (تغيبونهم وتقولون عيالنا )
خلو الدلع وخلوا الياهل يعتمد على نفسة انتوا تدخلون عيالكم المدارس الاجنبية لانكم تبون يتعلمون لغتهم ، زين خلوهم يعتمدون على انفسهم ،
عيال الاجانب انا بنفسي شايفهم مساكين الصبح من ترام ل ترام ومن باص لباص حتى يوصل لمدرسة
وانتوا اهني كل ياهل او ياهلين حاطين له بابو يوديه ويجيبه وغير الدلع
خلوهم يعتمدون على انفسهم ، الدولة تبي رجال منتجين مب جيل تك وي ومكدونالز والفرفرة فالمولات

بردت قلبي وقلت اللي بقوله .. بارك الله فيك .

أصبح الطلاب مب طايقين المدراس لأن بعض أولياء الأمور يشجعون على التسييب .

[بصمة قطرية]

بل بل يبا حنا في قطر ودولة خليجية يعني المطر عندنا يومين او ثلاثة ايام طول السنه ومسوين لكم سوالف وخرابيط
وعيالنا ومدارس ولازم يعطونهم اجازة وغيرة وغيرة
شتقولون لو عيالكم في دولة اوروبية اللي مطر وثلج عندهم طول السنه و24 ساعة (تغيبونهم وتقولون عيالنا )
خلو الدلع وخلوا الياهل يعتمد على نفسة انتوا تدخلون عيالكم المدارس الاجنبية لانكم تبون يتعلمون لغتهم ، زين خلوهم يعتمدون على انفسهم ،
عيال الاجانب انا بنفسي شايفهم مساكين الصبح من ترام ل ترام ومن باص لباص حتى يوصل لمدرسة
وانتوا اهني كل ياهل او ياهلين حاطين له بابو يوديه ويجيبه وغير الدلع
خلوهم يعتمدون على انفسهم ، الدولة تبي رجال منتجين مب جيل تك وي ومكدونالز والفرفرة فالمولات

عيال الأجانب متعودين على الثلج والمطر
والمدارس مأمنه لهالأجواء اللي يعيشونها
طول السنة ..
عيالنا نخاف عليهم من الحوادث اللي صارت
في السنين السابقة ..
الله يحفظ عيالنا وعيال المسلمين ..



حالياً مطر قوي علينا
ياللي تقولون المطر دقيقتين ووقف ..

[بصمة قطرية]

ما أقدر أغير مدرسته لأن إخوانه إلي قبله إدرسوا فيها والكثير من المدرسين يعرفونهم.

يقولون غير المدرسة ..!!!!!!

[الحياة الخالدة]

لا إله إلا الله .. محمداً رسول الله
شردتوا المطر بهواشكـــــــم :anger1:

[رجل الجزيرة]

بل بل يبا حنا في قطر ودولة خليجية يعني المطر عندنا يومين او ثلاثة ايام طول السنه ومسوين لكم سوالف وخرابيط
وعيالنا ومدارس ولازم يعطونهم اجازة وغيرة وغيرة
شتقولون لو عيالكم في دولة اوروبية اللي مطر وثلج عندهم طول السنه و24 ساعة (تغيبونهم وتقولون عيالنا )
خلو الدلع وخلوا الياهل يعتمد على نفسة انتوا تدخلون عيالكم المدارس الاجنبية لانكم تبون يتعلمون لغتهم ، زين خلوهم يعتمدون على انفسهم ،
عيال الاجانب انا بنفسي شايفهم مساكين الصبح من ترام ل ترام ومن باص لباص حتى يوصل لمدرسة
وانتوا اهني كل ياهل او ياهلين حاطين له بابو يوديه ويجيبه وغير الدلع
خلوهم يعتمدون على انفسهم ، الدولة تبي رجال منتجين مب جيل تك وي ومكدونالز والفرفرة فالمولات

من أيام شفت فيلم في اليوتيوب عن أطفال عمانيين ساكن في وسط الجبال وبين الأودية يطلعون من بيوتهم الساعة 5 ويوصلون للمدرسة الساعة 7 وإذا حصلته بأنزله هنا.

[بصمة قطرية]

خفو علينا يلي عندكم يهال واحنا عيالنا عيال البطه السوده


انا تكلمت عن عيالي وديتهم المدرسة بنفسي ..
وقلت الي ما يبي يودي عياله لا يوديهم ..

ليكون عيالنا عادي يروحون منا وما عندنا مشكلة !!
هاي الي تقصدوونه ..


وترى لعلمكم ترى في امهات ما يدرون عن عيالهم خير شر
الخدامه الي تسوي كل شيء وهي عليها المرحلة النهائية
الخدامه تقومه وتسبحة وتلبسه وتاكله وتمشط له
وهي تجي بس حبيبي عطني بوووسه وروح ويمكن بعد اي ويمكن ما تتكرم وتقوم له الا اذا في شيء قوي قومها نفس هالبرق الي يرعد لا اله الا الله .


والحافظ الله

الحين شدخل الخدامة ..!!!!
غيرت محور الموضوع و دخلت في انتقاد
اللي ما تدري عن عيالها ..!!!
ابي افهم شدخل هالشي ..!!!
شبح الله يرضى عليك ركز في ردك
محد قال لك عيالك عيال البطة السودة
مثل ما تقول ..!!
قلنا المفروض تعطيل الدراسة ..

[Charisma]

كلن حر بعياله ، شخصيا الوضع والأجواء ماتستحق منعهم من المدرسه .


الله يحفظ لكم عيالكم .

[بصمة قطرية]

لا إله إلا الله .. محمداً رسول الله
شردتوا المطر بهواشكـــــــم :anger1:


أبشرج خوش مطر علينا
الله يزيد و يبارك ..

[الحياة الخالدة]

الله يحفظنا و يحفظكم و يحفظ عيالنا و عيالكم و يحفظ المسلمين جميعاً

الدعاء الدعاء الدعاء .. والله خير ٌ حافظاً
اللي الله كاتبه بيصير لهم حتى لو كانوا بحضنكم ( بعيد الشر عنهم )
عوذوهم و ادعو لهم و استودعوهم اللي خلقهم .. و بإذن الله ما عليهم شر

[AL_MUTAEM]

انا واحد من المعترضين يابصمة:nice:
وسمعت
ودامي سمعت لازم ارد

الحين مدرسة ولده خرت ماي

حلو
وش علاقة بقية مدارس الدوحة ؟

ممكن تجاوبيني ولا عليج امر ؟ يمكن أكون غلطان

يعني الحين نفرض ان مثلا في مكتب في البلدية خر ماي
نطالب بإجازة حق كل الوزارات ؟

المايك عندج

لا اتوقع بس المطالبه في اجازه لجميع البلديات ..

[غريب الدّار]

الحذر واجب يابصمة ماقلنا لا : يعني الواحد مثلا يخفف سرعته ، يلبس عياله شي حق المطر ايه

بس اذا تكلمنا بمنطق الحذر واجب ان والله مانودي عيالينا ، فاحنا بعد المفروض مانطلع لان الحذر واجب اختي
مدرسة وحدة يمكن خرت او ثنتين او ثلاث
البقية مافيهم شي
الولد من يدخل مدرسته مايطلع عقب الا وقت نهاية الدوام
يعني بينزل من الموتر ع المدرسة وعقب عالموتر على طول


يعني تعطيل يوم واحد ما راح يسبب كارثة في التعليم ..!!

اختي حتى يمكن يومين مايسببون كارثة ولا ثلاثة
ولا حتى يمكن أسبوع

بس السؤال : هل في داعي ولا لا؟
اذا قسناها ان هاليوم ممكن يسبب كارثة ولا لا ، معناها نقدر نخلي عيالنا يغيبون بالاسبوع والاسبوعين بدون سبب
لانهم مب مسببين كارثة
السؤال : هل هناك داعي ولالا ؟ هذا السؤال
من وجهة نظري مافي داعي ابد


ليش أعرض حياة الأطفال للخطر ..!!!
أتمنى وصلت الفكرة ( يالمعارض )
اختي (المؤيدة) :nice: فهميني وين الخطر اللي تتكلمين عنه ؟
تتكلمين وكن العيال يدرسون في الشارع ولا في غابة !!

مدرسة بين اربع اطوف
والولد بينزل من السيارة الصبح وعقب بيركب السياة على نهاية الدوام
وين الخطر اختي (المؤيدة) ؟ :nice:


الحذر واجب ..
و في مثل هالأجواء صارت سوالف وايدة
العام واول العام ..

صارت سوالف مثل شنو اختي ؟
خلينا انركز في هالنقطة لانج وايد عدتيها : شنو الخطر اللي تتكلمين عنه وشنو السوالف الوايد اللي صارت ؟
أتكلم على مستوى اليهال ومدارسهم
قصدي شنهي السوالف الوايد اللي صارت العام وأول العام بسبب ان اليهال راحوا مدارسهم في المطر؟


تفضلي طال عمرج

[الحياة الخالدة]

أبشرج خوش مطر علينا
الله يزيد و يبارك ..

ما شاء الله
اللهم صيباً نافعاً
أخبر المطر يعدل النفسية
شفينا كل واحد روحه في خشمه :nice:

[JN000N]

وانتو كل ما يطق مطر بتلوعون جبودنا فيه
حلاتكم بغبرتكم وشمس وصقعه ولواهيب
خل يطق لو تطيح المباني كلها خل يطق خير وبركه من الله

[ضوى]

ما شاء الله
اللهم صيباً نافعاً
أخبر المطر يعدل النفسية
شفينا كل واحد روحه في خشمه :nice:

النفسية عال العال ابشرج

اشرايج نشرد ؟

[عثرة جواد]

مبروك عليكم الحية


انا عطيتهم إجازة


قبل شوي كلموني المدرسة قلت لهم انا مغيبتهم

انا ماعرف عن الدوحه بس الشمال حتى الرعد غير طبيعي

الله يحفظنا

[حمد 2002]

المشكله بعض العرب اتحصلهم امغيبين عيالهم عن المدرسه واتحصل عيالهم يركضون بالحوش والمطر ايصب على رأسهم هههه ..

ترى على فكرة الأفضل بعد انك ماتطلع انت أو إحدى افراد اسرتك وتخلي المطر ايصب عليهم لأنه المطر احياننا يحمل جراثيم وملوث أو يكونوا معرضين البرد والزكام والزواع ..

الحذر هنا أفضل من المطالبه بذهابهم للمدرسه

[بصمة قطرية]

غصب يعكرون مزاج الواحد ..
يا زين المطر زيناه .. :)


غريب أيها المعارض ..
روح شوف المواضيع السابقة اللي تتكلم عن الأخطاء
اللي صارت وقت المطر ..
واذا انت تقول يومين ما يسببون كارثة
أقول لك سلامتك
روح إقرا عن كمية الأمطار
و شوف اللي صار في مطار حمد الدولي في آخر مطرة جات
و شوف كم كانت كمية الأمطار اللي نزلت في ذاك الوقت
كم مللي تحديداً ..
ممكن في عشر دقايق تنزل كمية مطر
لو استمر المطر أيام ما تنزل هالكمية ..

[بصمة قطرية]

ما شاء الله
اللهم صيباً نافعاً
أخبر المطر يعدل النفسية
شفينا كل واحد روحه في خشمه :nice:


برق و رعد و مطر
اللهم لك الحمد والشكر ..
الله يزيد ويبارك ..ظ*

[Charisma]

المشكله بعض العرب اتحصلهم امغيبين عيالهم عن المدرسه واتحصل عيالهم يركضون بالحوش والمطر ايصب على رأسهم هههه ..

ترى على فكرة الأفضل بعد انك ماتطلع انت أو إحدى افراد اسرتك وتخلي المطر ايصب عليهم لأنه المطر احياننا يحمل جراثيم وملوث أو يكونوا معرضين البرد والزكام والزواع ..

الحذر هنا أفضل من المطالبه بذهابهم للمدرسه


أن تقف تحت المطر وتحسر عن شيء من ملابسك ليصيب المطر جسدك رجاء البركة ، لحديث أنس رضي الله تعالى عنه قال : " أصابنا ونحن مع رسول الله صلى الله عليه وسلم مطر فحسر رسول الله صلى الله عليه وسلم ثوبه حتى أصابه من المطر ، فقلنا : يا رسول الله لم صنعت هذا ؟ قال : لأنه حديث عهد بربه تعالى " . رواه مسلم .


يسعد صباحك .

[بصمة قطرية]

خلوني أستمتع بالمطر ..
والله يحفظ عيالنا وعيال المسلمين ..

[بانغ بانغ]

برق و رعد و مطر
اللهم لك الحمد والشكر ..
الله يزيد ويبارك ..ظ*

بصمة ليش حارقة قلبك

انصحك بكورن فليكس

[غريب الدّار]

غصب يعكرون مزاج الواحد ..
أولا: هو نقاش يابصمة ولا تسمحين لأي نقاش يعكر مزاجج
ومحد كلامه وحي ترى وكل شخص يؤخذ من كلامه ويُترك


غريب أيها المعارض ..
نعم أيتها المؤيدة :)


روح شوف المواضيع السابقة اللي تتكلم عن الأخطاء
اللي صارت وقت المطر ..

قريتها كلها يابصمة وعلقت على معظمها ترى :)


واذا انت تقول يومين ما يسببون كارثة
أقول لك سلامتك
روح إقرا عن كمية الأمطار
و شوف اللي صار في مطار حمد الدولي في آخر مطرة جات
و شوف كم كانت كمية الأمطار اللي نزلت في ذاك الوقت
كم مللي تحديداً ..
ممكن في عشر دقايق تنزل كمية مطر
لو استمر المطر أيام ما تنزل هالكمية ..
اختي الكريمة الكبيرة بصمة :
لاتخلطين الله يرحم والديج
ندري ان بلاوي صارت في المطار
اليهال يعني صاروا يداومون في المطار؟

ركزي في سؤالي الله يرحم والديج :
انا سالتج وكان سؤالي واصح :
شنو الخطر على اليهال في مثل هالاجواء؟ شعلاقة المطار في اليهال الحين ؟

وهذا سؤالي :

صارت سوالف مثل شنو اختي ؟
خلينا انركز في هالنقطة لانج وايد عدتيها : شنو الخطر اللي تتكلمين عنه وشنو السوالف الوايد اللي صارت ؟
أتكلم على مستوى اليهال ومدارسهم
قصدي شنهي السوالف الوايد اللي صارت العام وأول العام بسبب ان اليهال راحوا مدارسهم في المطر؟

شنهي السوالف اللي صارت العام وأول العام على قولتح بسبب ان اليهال راحوا مدارسهم ؟

انا مااتكلم عن البلاوي اللي كشفها المطر وانا عارفها وعلقت عليها في بعض المواضيع

أتكلم عن نقطة محددة يابصمة

[غريب الدّار]

والله يحفظ عيالنا وعيال المسلمين ..
آمين يارب العالمين

[الماريّة]

لاتعلمون عليالكم على الجبن والخوف من كل شي

عودوهم على الصبر والقوه في الكوارث والعواصير

يما شفنا في طفولتنا امطار وشعوف وعوافير

ولا خفنا منها الله يخلينا الشيبان الي ورانا

سموا على عيالكم واستودعوهم الله وربي خير الحافظين

:)

[نوار قطر]

اكاديمية المها طلعوالبنات يوم الاثنين الساعه11 وامس واليوم اجازة و المبنى سوو له اخلاء حتى المدرسات رجعوهم من كثر البلاوي الي في المدرسه الله يحفظ عيالنا وعيال المسلمين

[شبح الصمت]

الله على زمان اول نطلع لا دريولية والا مواتر

ندوري التكسي البرتقالي ..

ونتلغلغ في هالمطر والخير
وما كانوا يقولون لنا يلسو ولا تروحون ..


وكانت الشوارع مب نفس الحين والحمد لله
والمدارس غير والحين غير ..

الحين على اي شيء طالبنا ..

[R 7 A L]

ماعندي عيال يدرسون
لكن انا غير مؤيد ان الطلاب يدرسون اليوم
يالربع وقتنا الحالي غير عن الماضي الوضع حالياً يخوف
اغلب الطلاب مع الدريوليه وسواقتهم الله بالخير
لاقدر الله وصار شي وين الواحد يقدر يلحق في هالزحمة
خلكم سلسين ترا ماوراهم مراجعين ينتظرونهم ولا هم ماسكين امن الدوله

[شبح الصمت]

احلى شيء في الموضوع انه العالم تتشكى من المطر

وكلهم الحين لو واحد يروح ياخذ له فره

في كتارا
اللولوة
شمال
جنوب
شرق
غرب

دام خايفين من المطر ليش نطلع عيل ...

والا حجه وحاجه عشان الاجازة ونتعذر في عيالنا ..

[Charisma]

الله على زمان اول نطلع لا دريولية والا مواتر

ندوري التكسي البرتقالي ..

ونتلغلغ في هالمطر والخير
وما كانوا يقولون لنا يلسو ولا تروحون ..


وكانت الشوارع مب نفس الحين والحمد لله
والمدارس غير والحين غير ..

الحين على اي شيء طالبنا ..




الجيل الذهبي ،

تحت لهيب الشمس ؟ عاااادي ، الوعد عند الدكان و مسير جماعي للمدرسه .
تحت وقع المطر ؟ جدا عاادي ، ركض للمدرسه مع رفع الثوب ( تحته بنطلون رياضه أسود ) .
أثناء العواصف والرياح العاتيه ؟ نو بروبلم ، طق لثمه ومايردك الا الناطور .


تحيه لهؤلاء الأبطال .:fight:

[حمد 2002]

احلى شيء في الموضوع انه العالم تتشكى من المطر

وكلهم الحين لو واحد يروح ياخذ له فره

في كتارا
اللولوة
شمال
جنوب
شرق
غرب

دام خايفين من المطر ليش نطلع عيل ...

والا حجه وحاجه عشان الاجازة ونتعذر في عيالنا ..

جيل القفشه = الملعقه = السبون الذهبيه تعودوا على الدلع والراحه ..

راحوا راحوا ايييه ذكرتني ياخوك بزمانه الي كان مافيه أي نوع من أنواع الدلع ..


ملاحظه .. جيل الثمانينيات

[qatari 111]

الزبده نبي نستانس مع عيالنا في هالجو اللي مايتفوت الصراحه

[الحياة الخالدة]

اكاديمية المها طلعوالبنات يوم الاثنين الساعه11 وامس واليوم اجازة و المبنى سوو له اخلاء حتى المدرسات رجعوهم من كثر البلاوي الي في المدرسه الله يحفظ عيالنا وعيال المسلمين

الساعة المباركة اللي شفناج فيها يا نوارة قطر
تبارك علينا المطر

[شبح الصمت]

الجيل الذهبي ،

تحت لهيب الشمس ؟ عاااادي ، الوعد عند الدكان و مسير جماعي للمدرسه .
تحت وقع المطر ؟ جدا عاادي ، ركض للمدرسه مع رفع الثوب ( تحته بنطلون رياضه أسود ) .
أثناء العواصف والرياح العاتيه ؟ نو بروبلم ، طق لثمه ومايردك الا الناطور .


تحيه لهؤلاء الأبطال .:fight:



ما نمدح في انفسنا صدقني يا بايلوت
بس عايشنا جزء من الي عاشوه آبائنا وجدودنا ..
الاعتماد على النفس ..

واعتمادهم علينا .
صج الوضع تغير وفي ناس تقولك لا اشلون تتكلم جذيه وانت في زمن غير الزمن الذهبي ..
بس ما كلنا نتحلطم والوضع كان غير
المدارس بنيتها غير
الشوارع غير
الامطار كانت سبحان الله اقوى من الحين وتستمر كم يوم ..


يعني نقول اللهم لك الحمد والشكر يارب من قبل ومن بعد ..

[الحياة الخالدة]

الزبده نبي نستانس مع عيالنا في هالجو اللي مايتفوت الصراحه

هههههههههههه قولوا جذي من الصبح
بس ما تنلامون .. الجو ما يتفوت الصراحة

[JN000N]

انا اقول الموضوع خذ حقه وخلاص
صاحب الموضوع فتحه عشان يطالب باجلزه
وخلاص رجعو عياله
وصكوهً وفكونا من المعاياه والهواش من صباح الله خير
الناس تستانس ف المطر وانتو تنقز شياطينكم

[الحياة الخالدة]

صبري يمكن يعطون أجازة باجر

[ضوى]

يمكن اجازة

يقولون بكرة اشد واقوى والعلم عند الله

[الدكتور عزوز]

اختي ضوى التوقعات لبكرة تخلو من الأمطار ، ما به الا شمس ، هذا والله اعلم

[غايه الطواش]

لاتعلمون عيالكم على الدلع
الجو شزينه خلوهم يرحون المدراس

[Charisma]

ما نمدح في انفسنا صدقني يا بايلوت
بس عايشنا جزء من الي عاشوه آبائنا وجدودنا ..
الاعتماد على النفس ..

واعتمادهم علينا .
صج الوضع تغير وفي ناس تقولك لا اشلون تتكلم جذيه وانت في زمن غير الزمن الذهبي ..
بس ما كلنا نتحلطم والوضع كان غير
المدارس بنيتها غير
الشوارع غير
الامطار كانت سبحان الله اقوى من الحين وتستمر كم يوم ..


يعني نقول اللهم لك الحمد والشكر يارب من قبل ومن بعد ..

صادق ، وان " وسوست " لك نفسك تغيب ، أتوقع بتاكلها في المدرسه ( فلقه ) ، وفي البيت ( WWE ) .

يعني خذ نفس عميق وانت مغمض عينك ، خذ كتبك ، وعين من الله خير .



الامطار كانت سبحان الله اقوى من الحين وتستمر كم يوم ..

سبحان الله ، اخبر ، تروح المدرسه سباحه مع الضفادع ، ماتشوف شباب الجيل الذهبي اطلعوا عباقره في الأحياء ؟ من التشريح طال عمرك .:vampire:

[المحاميه]

لا كلامكم ابدا مش مقنع ..
اللي يقول اذا وزارة البلديه عطت اجازه نطالب باقي الوزارات
واللي يقول عيال الاجانب يداومون في الثلوج؟!
حتى مقارناتكم وامثلتكم مش ف محلها ..

صحيح المطر يجينا يوم واحد ونطلب ف هاليوم نغيب .. ليش؟ لان مب متعودين .. لان مب كل يوم .. يعني الوضع يكون غريب
ومبانينا مش مهيئه لاستقبال هالكميه من المطر .. وغير هذا .. الثابت .. ان كذا مبنى جاب العيد وان فيه مدارس عطلت الدراسه ..

على قولت بصمه اظاهر لازم ننطر لين تصير كارثه عقب نتحرك ..
الامر بين .. حلبه ومطر غزير ماوقفت الدراسه على يوم!!! غيبوا وخلاص ..

واللي قال يعني شنو تقصدون احنا مانخاف على عيالنا .. ايه ما تخافون ولا جان ماقطيتهم وقلتوا اشدخل اجازه ..


وسلامته اللي يقول نتشكى ونروح نفتر صوب كتارا وووو الخ ..
لا يبه الاجواء غير مهيئه للخروج اصلا
الواحد يقعد ف مكانه يراقب الاجواء من بيته .. متى ماخف المطر ممكن يروح يتمشى ..

اتمنى مانسيت نقطه بعد ..
جد استعجب وللحين مب متقبله فكرة الناس اللي تقول عادي.. واللي يقولون قبل كنا نروح وعادي .. خل عنكم هالمقارنات .. :nice:

[غايه الطواش]

حسيت ان قطر ماقام ينزلها مطر الا من سنه 2014

[@north_star@]

كل واحد أدرى بمصلحة عياله .... يعني اللي شايف انه صعبة يوصلهم عادي يعطلهم يوم وين المشكلة واللي أموره طيبة وما عنده مشكلة يوديهم المدارس .....

[Rider]

الحمد الله على نعمة المطر وطبعا الكل حر في عياله يروحون او يقعدون لكن فعلا الاطفال يحبون المطر يعني لو قعد مثلا تحصله يلعب في الحوش او الطريق وهذا يمثل خطر عليه بعد

[محمد2]

عيال الأجانب متعودين على الثلج والمطر
والمدارس مأمنه لهالأجواء اللي يعيشونها
طول السنة ..
عيالنا نخاف عليهم من الحوادث اللي صارت
في السنين السابقة ..
الله يحفظ عيالنا وعيال المسلمين ..



حالياً مطر قوي علينا
ياللي تقولون المطر دقيقتين ووقف ..

خشي عيالج عندج ولا اطرشينهم لكن ما تطلبين تتعطل المدارس علشان عيالج

[عاشق العديد]

الحين سؤال .؟

9 صفحات واميه رد ..؟

وماوصلتو شي ..

ياجماعه مدرسه تبي ولدك يداوم روح ووده ماتبيه يداوم خله بالبيبت ..

وزارة البلديه وزاره المواصلات وزارد الطقس وزارة المطر تعطينا اجازه مالهم شغل هم ..

هم سو تحذير وشغالين ع اكمل وجه ياجماعه في تحذير .. يمكن في تهاون مع طلاب الروضه وطلاب الأول ابتدائي لكن اعداي وثانوي خله يداوم ويدرس ويشطف الماي فالمدرسه بعد

[محمد2]

المشكله بعض العرب اتحصلهم امغيبين عيالهم عن المدرسه واتحصل عيالهم يركضون بالحوش والمطر ايصب على رأسهم هههه ..

ترى على فكرة الأفضل بعد انك ماتطلع انت أو إحدى افراد اسرتك وتخلي المطر ايصب عليهم لأنه المطر احياننا يحمل جراثيم وملوث أو يكونوا معرضين البرد والزكام والزواع ..

الحذر هنا أفضل من المطالبه بذهابهم للمدرسه
:app2::app2::app2:

[محمد2]

يبا خلاص فكونا سيرة لا تودون عيالكم المدارس واللي يخاف على عيالة يخليهم عندة بس لا تطلبون تعطيل المدارس

[المحاميه]

الحين سؤال .؟

9 صفحات واميه رد ..؟

وماوصلتو شي ..

ياجماعه مدرسه تبي ولدك يداوم روح ووده ماتبيه يداوم خله بالبيبت ..

وزارة البلديه وزاره المواصلات وزارد الطقس وزارة المطر تعطينا اجازه مالهم شغل هم ..

هم سو تحذير وشغالين ع اكمل وجه ياجماعه في تحذير .. يمكن في تهاون مع طلاب الروضه وطلاب الأول ابتدائي لكن اعداي وثانوي خله يداوم ويدرس ويشطف الماي فالمدرسه بعد


ههههههههههه

[غريب الدّار]

اللي يقول اذا وزارة البلديه عطت اجازه نطالب باقي الوزارات
انتي فهمتي المثال ؟ وعرفتي ردي كان على وشو أصلا ؟

اختي تعبي نفسج شوي وارجعي وشوفي
:)


حتى مقارناتكم وامثلتكم مش ف محلها ..

يمكن في المحل اللي احذاها :)


ومبانينا مش مهيئه لاستقبال هالكميه من المطر
اختي مدارس وايد للحين الدوام فيها مستمر ومافيها مشاكل
أي مباني تقصدين اختي ؟

هو شخص واحد قال ان مدرسة ولده خرت قلتي مباني مب مهيئة
:)

احنا كلامنا بالتحديد عن المدارس الحين


حلبه ومطر غزير ماوقفت الدراسه على يوم!!! غيبوا وخلاص ..
اذا كانوا يداومون في الشارع المفروض يغيبون
صحيح :)

وحياج الله

[عاشق العديد]

انا اداوم فشمال مسكين ..

وتحت المطر ..

ولابنيه تحتيه ولا شي .. هلمت وداوم ..

ولم أطالب اب اجازه بس قدمت وحده من رصيدي لبكره ):

هدو الأمور واضحكو والأمور طيبه ..

المحاميه ماحولج كيك ..

[sweet qatar]

الحين سؤال .؟

9 صفحات واميه رد ..؟

وماوصلتو شي ..

ياجماعه مدرسه تبي ولدك يداوم روح ووده ماتبيه يداوم خله بالبيبت ..

وزارة البلديه وزاره المواصلات وزارد الطقس وزارة المطر تعطينا اجازه مالهم شغل هم ..

هم سو تحذير وشغالين ع اكمل وجه ياجماعه في تحذير .. يمكن في تهاون مع طلاب الروضه وطلاب الأول ابتدائي لكن اعداي وثانوي خله يداوم ويدرس ويشطف الماي فالمدرسه بعد


تبيهم يوصلون لشنو ؟

هذا نقاش في منتدى مب اجتماع لجنة عليا !! :)



خشي عيالج عندج ولا اطرشينهم لكن ما تطلبين تتعطل المدارس علشان عيالج


احييك على غرس الالتزام في عيالك بالدوام تحت اي ظرف

لكن المشكلة الحقيقية مب في مبنى المدرسة او الجو الي يخوف

المشكلة ان بعض الشوارع تخرع حتى في عز الشمس

ما بالك بمطر مثل الي جانا اليوم !!


ولي الامر يكون في حيرة هل يرسل عياله للمدرسة ولا يغيبهم !!


لا سمح الله لو صار اي شي لليهال
شكثر بيلوم نفسه ؟

[R 7 A L]

الجيل الذهبي ،

تحت لهيب الشمس ؟ عاااادي ، الوعد عند الدكان و مسير جماعي للمدرسه .
تحت وقع المطر ؟ جدا عاادي ، ركض للمدرسه مع رفع الثوب ( تحته بنطلون رياضه أسود ) .
أثناء العواصف والرياح العاتيه ؟ نو بروبلم ، طق لثمه ومايردك الا الناطور .


تحيه لهؤلاء الأبطال .:fight:

جيل عن جيل يختلف
هل جيلنا مثل جيل شيبانا ؟!

[الماريّة]

يالربع وقتنا الحالي غير عن الماضي الوضع حالياً يخوف
اغلب الطلاب مع الدريوليه وسواقتهم الله بالخير
لاقدر الله وصار شي وين الواحد يقدر يلحق في هالزحمة
خلكم سلسين ترا ماوراهم مراجعين ينتظرونهم ولا هم ماسكين امن الدوله

رحال حتى جيلنا كنا نروح مع الباصات لكبيره الي خبرك العنابيه والبرتقاليه

والي يسوق دريول مب مع اهالينا نفس الحال الحالي

لكن كنا معودينا اهلنا على الصبر وعدم الخوف

[h9466]

ليش تغيبهم يا جماعة الخير/شوية مطر مأمنها ضرر/في روسيا شوف العين تكون درجة الحرارة 20 تحت الصفر والثلوج نازلة وتشوف الاطفال والطلاب رايحيين مدارسهم وبعضهم مشي على رجله

[ya3coub]

ثقافة القيادة فقط لا اكثر ولا اقل

مافيها شي الواحد يداوم لو مطر و الي سيارته صغيره الله يعينه عالتاخير غيرها

الي عندهم فورويل و خايف يدخل الماي ما افهم وضعهم

إغلاق المربع الأصفر اليوم بكل الإشارات الي مريت فيها

الدوريات موجودين و مشكورين وسط الاشارة و الماس حواليهم من كل اتجاه

انا ضد الإجازة و ينفس الوقت مع التساهل فالتأخير و ليس الغياب شهالدلع

موظفين و طلاب من مزل مطر اجازة كم مرة اوكي بس الحين صارت كأنها شي إلزامي لما الجو حلو احازة، مطر اجازة، صيف حر و رطوبة بعد أجازة

هالشي غلط السائقين يمشون عدل و يصبرون و سهالات باْذن الله

[Charisma]

جيل عن جيل يختلف
هل جيلنا مثل جيل شيبانا ؟!

لا ، بس بالعقل ، عذر مثل المطر مايستاهل تغيب عيالك عن المدرسه او تطالب الوزاره بأجازه .
أذا في تحذيرات جويه من هيئة الأرصاد "لاقدر الله"، ممكن.


سبق وقلنا كلن حر بعياله ، و هذا رأيي .

[Charisma]

ثقافة القيادة فقط لا اكثر ولا اقل

مافيها شي الواحد يداوم لو مطر و الي سيارته صغيره الله يعينه عالتاخير غيرها

الي عندهم فورويل و خايف يدخل الماي ما افهم وضعهم

إغلاق المربع الأصفر اليوم بكل الإشارات الي مريت فيها

الدوريات موجودين و مشكورين وسط الاشارة و الماس حواليهم من كل اتجاه

انا ضد الإجازة و ينفس الوقت مع التساهل فالتأخير و ليس الغياب شهالدلع

موظفين و طلاب من مزل مطر اجازة كم مرة اوكي بس الحين صارت كأنها شي إلزامي لما الجو حلو احازة، مطر اجازة، صيف حر و رطوبة بعد أجازة

هالشي غلط السائقين يمشون عدل و يصبرون و سهالات باْذن الله

منور اخوي يعقوب .

[R 7 A L]

الجيل الذهبي ،

تحت لهيب الشمس ؟ عاااادي ، الوعد عند الدكان و مسير جماعي للمدرسه .
تحت وقع المطر ؟ جدا عاادي ، ركض للمدرسه مع رفع الثوب ( تحته بنطلون رياضه أسود ) .
أثناء العواصف والرياح العاتيه ؟ نو بروبلم ، طق لثمه ومايردك الا الناطور .


تحيه لهؤلاء الأبطال .:fight:


رحال حتى جيلنا كنا نروح مع الباصات لكبيره الي خبرك العنابيه والبرتقاليه

والي يسوق دريول مب مع اهالينا نفس الحال الحالي

لكن كنا معودينا اهلنا على الصبر وعدم الخوف




لا ، بس بالعقل ، عذر مثل المطر مايستاهل تغيب عيالك عن المدرسه او تطالب الوزاره بأجازه .
أذا في تحذيرات جويه من هيئة الأرصاد "لاقدر الله"، ممكن.


سبق وقلنا كلن حر بعياله ، و هذا رأيي .

يا جماعة والله الوضع يخوف والارصاد عندنا الله بالخير
شوفوا وش صار في الامارات اليوم واحتمال يجينا بكره الي جاهم
على فكرة ماعندي عيال يدرسون لكن انا جزء من المجتمع ويهمني وضع وامان عيال بلادي

[المحاميه]

رحال

شوف موضوع الجو وشوف ردود العضو الوسمي
قال ان الموجه جنوب وبتتجه حق الامارات
وقال موجه شديده
يعني قاعده تروح عنا
ماعتقد باجر فيه شي

بس الصراحه هو تحليلاته ماشاء الله صحيحه بعد الله

[Charisma]

يا جماعة والله الوضع يخوف والارصاد عندنا الله بالخير
شوفوا وش صار في الامارات اليوم واحتمال يجينا بكره الي جاهم
على فكرة ماعندي عيال يدرسون لكن انا جزء من المجتمع ويهمني وضع وامان عيال بلادي

بالعكس ، الأرصاد جزاهم الله خير نشطين .
ولو ان في أي تحذير او طارىء ، بتلقى الخبر في كل مكان ، الوضع ولله الحمد طيب شوف عينك ، بس العالم الظاهر من مواقف سابقه صار عندها " فوبيا " من المطر .

[المحاميه]

انا بدون مواقف مافضل الخروج في المطر


بعدين سؤال جدي ..

الحين بتفهموني ان الطلاب لو غابوا يوم بتخترب الدنيا وبيضيع العلم وبيرسب الكل؟

فلم هندي؟؟

[بصمة قطرية]

خشي عيالج عندج ولا اطرشينهم لكن ما تطلبين تتعطل المدارس علشان عيالج

تحسفت إني ما خشيتهم :(
تصدق عاد اللي داوموا معدودين على الأصابع
ونص الطلاب رجعوا البيت :(
معليش إن شاءالله يستمر المطر لبكرة
أوعدك أخشهم و لا تزعل .. :nice:
خل عيالك يداومون مب تخشهم .. :court::court:

[sweet qatar]

انا بدون مواقف مافضل الخروج في المطر


بعدين سؤال جدي ..

الحين بتفهموني ان الطلاب لو غابوا يوم بتخترب الدنيا وبيضيع العلم وبيرسب الكل؟

فلم هندي؟؟


هههههههههه


يا حبيبتي لو شيصير ما بيعطونهم اجازة

المفروض الكل عارف ليش :)

[الحياة الخالدة]

‏حالة الأرصاد الجوية ليوم الغد:

الطقس غائم وممطر على المدارس فقط

بينما يكون الطقس صحواً و جميلاً في باقي المؤسسات الحكومية والقطاعات الخاصة.



الإجازة فقط لطلاب المدارس
بالنسبة للموظفين في القطاعات الأخرى من فصيلة "البرمائيات" ويستطيعون السباحة في الأودية

فداوموا



قتلني التشبيه

[بصمة قطرية]

حلو ..
أخيراً عطوهم إجازة ..

[الحياة الخالدة]

صج عطوهم ؟؟!!
ترا اللي انا كاتبته نكتة واصلتني

[بصمة قطرية]

صج عطوهم ؟؟!!
ترا اللي انا كاتبته نكتة واصلتني



إعتمدنا الإجازة منج .. :victory:
إنتي مدير كبير .. :nice:

المطر ما زال مستمر ماشاءالله و البرق و الرعد ..

[الحياة الخالدة]

إعتمدنا الإجازة منج .. :victory:
إنتي مدير كبير .. :nice:

المطر ما زال مستمر ماشاءالله و البرق و الرعد ..

رحت ملح عيل escape

[بريق الحق]

عبالي بصمه اتكلمني يوم قالت البرق هههه

[الحياة الخالدة]

عبالي بصمه اتكلمني يوم قالت البرق هههه

اليوم كل الناس يتكلمون عنك

[بصمة قطرية]

رحت ملح عيل escape

خخخخخخخخ

خلاص إجازة بكرة استانسوا :)

[بصمة قطرية]

عبالي بصمه اتكلمني يوم قالت البرق هههه

إنت البرق والرعد والمطر
والخير كله أخوي بريق :)

[بانغ بانغ]

إنت البرق والرعد والمطر
والخير كله أخوي بريق :)

مين ءدك يا عم بريء ( بريق )

[بريق الحق]

الله يجزاكم كل خير
بصمه الحياة وبوفيصل
والله لا يحرمنا من ردودكم الطيبه

[الحياة الخالدة]

خلاص مافي مطر ؟؟

[بانغ بانغ]

خلاص مافي مطر ؟؟

من بعد الحنة في المنتدى اليوم ... اتوقع لا

[بصمة قطرية]

خلاص مافي مطر ؟؟



إن شاءالله في :)

[naklan]

المطر شرد خاف من النمر
وشل عليه

[بوخالد911]

انا ضد اللي يغيبون اعيالهم بسبب المطر

[المخفي]

http://www.raya.com/File/GetImageCustom/442489b4-1382-470a-848d-546984d516d6/531/337

[ضوى]

اخوي المخفي

الكاريكاتير معبر جدا

والله صارت لسيارة جدامي مسكين والله يا انه طاح بحفرة مدري اذا نجى منها والا لا ثلاث ارباع السيارة بالحفرة ، والله رحمنا احنا اللي عقبه واكيد احد بلغ ، وكل اللي سوووه حطوه مثلث الخطر عند راس الحفرة وعقب اسبوع بالضبط اردموها ومانقول الا حسبي الله ونعم الوكيل

[المحاميه]

^
لا حول ولا قوة الا بالله


جو اليوم صحو إلى غائم جزئياً مع سطوع الشمس..

ماميش اجازه اليوم مشو بوزكم ..

بس اشرايكم في جو اليوم؟ ماتحسون بالنشاط :nice: