استفسار بخصوص محل تجاري جديد

[Al-Kuwari]

السلام عليكم

مجرد استفسار لاني جد عجزت افهم ثقافة البزنس عندنا في قطر :rolleyes2:

بخصوص الخلو , الكلمة مشتقة من الاخلاء اي اني اخلي لك المكان او اتنازل عنه

طيب هالشي معروف عالمياً فكل الاسواق والمحلات التجارية , لو مثلا حبيت اخذ محل مستأجر مسبقاُ اتفاهم مع المستأجر باني بعطيه مبلغ مقابل اخلاءه للمحل وتنازله عن عقد الايجار لصالحي واخذ انا المحل واوقع عقد جديد مع صاحب العقار


طيب انا الحين لقيت سوق جديد توه مخلص بنيان وللحين حتى ماخلصوا باقي تشطيبات بسيطة وتواصلت مع الدلال ويقولي نبي خلو و المبلغ مهب بسيط :rolleyes2: :rolleyes2:

فأنا مب مستوعب بصراحة هل هذي ثقافة السوق عندنا الخلو مطلوب تدفعه سواء لعقار مستأجر او عقار جديد فاضي ولا هذا يبي ينصب علي ومب من حقه يطالب بخلو لمحل جديد انا بكون اول مستأجر له ؟ ايش الوضع القانوني للموضوع هذا ؟ وهل القانون يمنعه من المطالبة بخلو لمحل جديد او مسموح ؟

اتمنى من اهل الخبرة الافادة لاني مب متقبل فكرة اني ادفع له خلو بس اذا هذا نظام سوقنا التعبان فمجبر اخاك لا بطل والله المستعان ,

الواحد وده يحسن من وضعه المادي ووده يساهم في رفع مستوى اقتصاد الدولة بس ربعنا اهني ماعندهم اي ثقافة فالبزنس و صعب التفاهم معاهم !! :eek5:

[دايموند]

وعليكم السلام

انا بعد بغيت استفسر بشغله..هل سالفه الخلو حلال ام حرام؟

يعني اللحين واحد خسران ويبي يطلع من المحل ويروح يكتب للبيع محل بخلو ؟!!

هو طالع طالع مب متنازل علشان ماي عيوني ..فهل يحق له يطلب الخلو ؟

[المخفي]

http://fatwa.islamweb.net/fatwa/index.php?page=showfatwa&Option=FatwaId&Id=9528

[حليتان*]

يبه الظاهر راعي العقار موقع عقد اجار مع شخص ثاني هالشخص يبي يستفيد !

[Al-Kuwari]

لا مهب موقع مع اي حد

يستهبل هو يقولك الكل يسوي جذي والكل يدفع

يعني تبي ادفع ماتبي بكيفك غيرك بيدفع

فبس حاب اعرف هل هالشي قانوني او لا ؟

[@north_star@]

الخلو او الفروغ اساسا غير قانوني ولو تحاول تتواصل مع المالك مباشرة وتستاجر منه مباشرة احسن
للاسف البعض يشوف اسواق جديدة وعلى طول يروح يستاجرها من المالك واكثر من محل وه=عقب يكتب عليها للايجار ويطالب بخلو ويا كثرهم اللي يسوونها بالصناعية والله يعينك

[دايموند]

الخلو او الفروغ اساسا غير قانوني ولو تحاول تتواصل مع المالك مباشرة وتستاجر منه مباشرة احسن


يعني غير قانوني ؟!!!!انزين ليش الدوله ساكته عن هالشي ؟وهل يحق لنا نشتكي ؟

وبخصوص نتواصل مع المالك مباشره لو كانت في طريقه نوصله كان وصلناله لكن مايعطونا رقم المالك المباشر..

[بو راشد 1]

سالفة القفليه (الخلو) حق المحلات الجديدة ما صارت الا بعد استملاك و هدم المحلات، فبسبب ندرة المحلات التجاريه، اصبح الملاك يرفعون الايجار و يطالبون بخلو. واصلا من العرف ان القفليه هي حق محل موجود و قائم و ليس محل جديد.

[qatari911]

الخلو
هو اذا انت بتبيع المحل مع اغراضه فقط
اما اذا كان جديد ومافيه اغرض مايحق له يطلب خلو على اي اسأس ؟؟!!
انا كان عندي محل والاغرض الي فيه قيمتها 300000ريال هالكلام سنة 2009 وجاني شخص بيشتري المحل باغراضه طبعا مالي حق اقوله ادفع لي اذا بتاخذ المحل بس قلتله تبي المحل اشتري الاغراض الي فيه وطلع هالمبلغ وبالاخير كانت لعبه علشان يطلعوني من المحل قالو عليه ازاله وان الي بيشتريه بيتحمل الخساره وبالاخير لا ازاله ولا شي ما اقول الا حسبي الله والنعم الوكيل

واخر شي اقوله لك اذا المحل قالك بخلو فهو بقصد بالاغراض الي فيه واذا كان فاضي ومافيه شي ماله حق يطلب خلو

[eXpert*]

مع الأسف جشع الملاك ،، حتى وهو صاحب العقار تلاقيه يقولك أبي فيه خلو ..

والحجة يقولك في واحد حاجزه تبيه أدفع خلو وأخذ وفي الواقع محد مأجر ولا هم يحزنون ..

[Al-Kuwari]

الخلو او الفروغ اساسا غير قانوني ولو تحاول تتواصل مع المالك مباشرة وتستاجر منه مباشرة احسن
للاسف البعض يشوف اسواق جديدة وعلى طول يروح يستاجرها من المالك واكثر من محل وه=عقب يكتب عليها للايجار ويطالب بخلو ويا كثرهم اللي يسوونها بالصناعية والله يعينك

يارجال لو نقدر نوصل له ماكنا تحت رحمة هالدلالوة بس صعبه توصل له ماتعرفه ولا عندك رقمه

[Al-Kuwari]

يعني غير قانوني ؟!!!!انزين ليش الدوله ساكته عن هالشي ؟وهل يحق لنا نشتكي ؟

وبخصوص نتواصل مع المالك مباشره لو كانت في طريقه نوصله كان وصلناله لكن مايعطونا رقم المالك المباشر..

صادقة المفروض الدولة لها موقف وتنزل قانون تمنع فيه الخلو فالمحلات الجديدة عشان محد يتفلسف ويطالب بخلو

[Al-Kuwari]

سالفة القفليه (الخلو) حق المحلات الجديدة ما صارت الا بعد استملاك و هدم المحلات، فبسبب ندرة المحلات التجاريه، اصبح الملاك يرفعون الايجار و يطالبون بخلو. واصلا من العرف ان القفليه هي حق محل موجود و قائم و ليس محل جديد.

هذا المتعارف عليه عالمياً

لكن عندنا السوق خرابيط يابو راشد حسبنا الله ونعم الوكيل

[Al-Kuwari]

الخلو
هو اذا انت بتبيع المحل مع اغراضه فقط
اما اذا كان جديد ومافيه اغرض مايحق له يطلب خلو على اي اسأس ؟؟!!
انا كان عندي محل والاغرض الي فيه قيمتها 300000ريال هالكلام سنة 2009 وجاني شخص بيشتري المحل باغراضه طبعا مالي حق اقوله ادفع لي اذا بتاخذ المحل بس قلتله تبي المحل اشتري الاغراض الي فيه وطلع هالمبلغ وبالاخير كانت لعبه علشان يطلعوني من المحل قالو عليه ازاله وان الي بيشتريه بيتحمل الخساره وبالاخير لا ازاله ولا شي ما اقول الا حسبي الله والنعم الوكيل

واخر شي اقوله لك اذا المحل قالك بخلو فهو بقصد بالاغراض الي فيه واذا كان فاضي ومافيه شي ماله حق يطلب خلو

يارجال تخيل يطالب بخلو والمحل حتى بلاط مافيه انت ركب بلاط وانت ركب باب زجاج وكل شي يعطيك مساحة فاضية مافيها شي ولا حتى صبغ ولا يقول عندك شهر مهلة ترتب المحل وتفتح وبعد الشهر ببدا اخذ ايجار منك

قلت له تدري شلون الله يحفظك فمان الله ، سوقنا نظامه مصخرة والله المستعان

[Al-Kuwari]

مع الأسف جشع الملاك ،، حتى وهو صاحب العقار تلاقيه يقولك أبي فيه خلو ..

والحجة يقولك في واحد حاجزه تبيه أدفع خلو وأخذ وفي الواقع محد مأجر ولا هم يحزنون ..


ياخي قسم بالله نظام سوقنا مصخرة

يبي ايجار مرتفع ويبي خلو وعندك بس مهلة شهر وبعدها بياخذ ايجار ، ولا حتى بلاط مافيه ولا باب ولا شي كل شي عليك انت يالمستأجر !!

[بعيد النظر]

الخلو واللي اعرفه عنه تروح حق المحل وانت تبي مكانه ..
وهو ماشي سوقه واموره طيبة .. بس انت تبي هالمكان ..

ف هو بيطلع شرط انك تدفع خلو له .. هو يحدد قيمته !




اما اللي قلته صراحة مهزلة !!
ادفع خلو على محل جدييييييد ؟!

[Al-Kuwari]

الخلو واللي اعرفه عنه تروح حق المحل وانت تبي مكانه ..
وهو ماشي سوقه واموره طيبة .. بس انت تبي هالمكان ..

ف هو بيطلع شرط انك تدفع خلو له .. هو يحدد قيمته !




اما اللي قلته صراحة مهزلة !!
ادفع خلو على محل جدييييييد ؟!

يارجال عشان تعرف انه نصاب قالي شكلك ولد حلال ومحترم وبعطيك خصم ظ¥ظ*ظھ‏ للخلو عطني نص المبلغ والمحل لك

قلت له لا شكراً ومشيت عنه والحين ادور محل ثاني

وشكراً للجميع على ردودكم القيمة