استفسار عن مطابخ ستانلس ستيل

[مرحوم قطر]

السلام عليكم ورحمه الله وبركاته

بغيت استفسر عن هل نوعيه المطابخ *ستانلس ستيل *وين احس مكان يوفرها ف الدوحه

وكيف اعرف النوعية الجيده ..

وشكرا ،،

[سهم عتيج]

اتوقع الستانلس ستيل اسعارها متفاوتة بين مكان واخر وهي مكلفة قد تصل الى 3 اضعاف سعر الالمنيوم

عندك اينوكس بشارع الخليج
وعندك نابينا عندهم ستانلس استيل بسعر ارخص ..

[مرحوم قطر]

مشكور اخوي سهم ،، بغيت النوعيه الجيده الي تعمر معاي ..

[معماري قطري]

أنواع بعضها درجة الصدأ فيها بسيطة وبعضها حسب السُمك يجي سعرها .. كان فيه محل من فترة قبل تقاطع الغانم على اليمين وانت جاي من الدوحة وما ادري اذا موجود أو لا عدي به من حول 10 سنين

شوف أكثر الخرابات اللي تستوي من المفصلات وغالبيتها رديئة .. ولو لمطبخ خارجي سو مخزن أو 2 في كل جانب ورتبهم بأرفف مفتوحة حتى لو ألمنيوم المهم بدون باب ومثبتة في الحوائط ببراغي والحوائط ملبسة بلاط لسهولة النظافة .. مسوي هذي الطريقة لبيتي من 11 سنة وما زال كما هو حتى في التقاء عمود الألمنيوم مع الحائط حطيت سيليكون حتى ما يستوي مخبأ للزهيوية والحمد لله للحين كأنه جديد

تقدر تسوي جهة حايط في المطبخ خزانة كاملة بأبواب سحابة مثل الخزائن الأمريكية وداخل تقسمها بقواطع ألمنيوم والأبواب بعد تكون ألمنيوم خفيف بس سحابة .. وتسوي لها قاعدة من البلاط مرتفعة 5 سم عن الماي وقت الغسيل يروح تحت .. بتكلفك حول 10000 والباقي سو كاونترات رخام فوق قواعد ألمنيوم والأبواب والمفصلات بتعاني منها أكيد الا تخليها أرفف .. من خلال قراءتي ومتابعتي شفت يسون ستارة بدل الباب لسهولة الاستخدام وأكيد المشكلة دوم في مفصلات الأبواب والأدراج مزعجة للاستخدام

[مرحوم قطر]

أنواع بعضها درجة الصدأ فيها بسيطة وبعضها حسب السُمك يجي سعرها .. كان فيه محل من فترة قبل تقاطع الغانم على اليمين وانت جاي من الدوحة وما ادري اذا موجود أو لا عدي به من حول 10 سنين

شوف أكثر الخرابات اللي تستوي من المفصلات وغالبيتها رديئة .. ولو لمطبخ خارجي سو مخزن أو 2 في كل جانب ورتبهم بأرفف مفتوحة حتى لو ألمنيوم المهم بدون باب ومثبتة في الحوائط ببراغي والحوائط ملبسة بلاط لسهولة النظافة .. مسوي هذي الطريقة لبيتي من 11 سنة وما زال كما هو حتى في التقاء عمود الألمنيوم مع الحائط حطيت سيليكون حتى ما يستوي مخبأ للزهيوية والحمد لله للحين كأنه جديد

تقدر تسوي جهة حايط في المطبخ خزانة كاملة بأبواب سحابة مثل الخزائن الأمريكية وداخل تقسمها بقواطع ألمنيوم والأبواب بعد تكون ألمنيوم خفيف بس سحابة .. وتسوي لها قاعدة من البلاط مرتفعة 5 سم عن الماي وقت الغسيل يروح تحت .. بتكلفك حول 10000 والباقي سو كاونترات رخام فوق قواعد ألمنيوم والأبواب والمفصلات بتعاني منها أكيد الا تخليها أرفف .. من خلال قراءتي ومتابعتي شفت يسون ستارة بدل الباب لسهولة الاستخدام وأكيد المشكلة دوم في مفصلات الأبواب والأدراج مزعجة للاستخدام

مشكور ياخوي معماري طيب انا ابغي أسوي المطبخ الخارجي وعندي ف الطابق الاول والثاني بانتري ،، بغيت نوعيه ممتازة ومحل ممتاز ك تصميم وتفصيل وتنفيذ بعد ..

[معماري قطري]

مشكور ياخوي معماري طيب انا ابغي أسوي المطبخ الخارجي وعندي ف الطابق الاول والثاني بانتري ،، بغيت نوعيه ممتازة ومحل ممتاز ك تصميم وتفصيل وتنفيذ بعد ..

والله يا اخوي انا توفقت في مصنع في السعودية يصنع بمواصفات ومواد كرابتري الإنجليزي .. وكان لهم وكيل في قطر وخسر وسكر وكانت أسعاره وايد نازلة البانتري سويته خشب وصراحة كبير يعتبر مطبخ كامل والداخلي سويته بعد خشب فستقي والخارجي ألمنيوم وكله عن طريقهم وكل المطابخ كلفتني 35000 من غير المغسلة والرخام فصلته في المتحدة

اللي في سوقنا شوف تدمر عندهم نوعيات زينة ونابينا كذلك بس الاثنين غاليين .. شفت عند تدمر قطعة بسيطة يقول 100000 وهي سولد واللي خذته انا كله سولد وصبغ فرن خاص

[CiTy]

السلام عليكم ورحمة الله

عندك محل d3 اللي في محطة بترول الجزيرة في الزاوية ،، تابع للمانع
عنده شغل حلو عنده ستانلس استيل اول مره اشوفه في قطر وهو نوع مغلف كانه خشب ما تفرق بينه وبين الخشب
مر وشوف السعر قد يكون عالي لكن اتصور راح يكون بنفس سعر الستيل العادي اللي يبقع وتبين فيه البصمه .
جرب مر وشوف عنده تشكيلات حلوه ، كنت ناوي اخذ من عنده لكن السعر يهد الحيل ^_*

تقبل تحياتي

[BUHASSEN]

اذا المطبخ خارجي حسين فكري مطابخهم ممتازه

واذا داخلي مفتوح عالصاله عندك المطابخ الحديثه طريق المطار خذ النوع الالماني

[مرحوم قطر]

مشكورين ياخواني وماقصرتوا

[مرحوم قطر]

شرايكم في المتحده ؟!

[معماري قطري]

شرايكم في المتحده ؟!

المتحدة من عندهم تشتري جودة وراحة بال في الشغل خصوصاً في شغل الرخام والكاونترات عن تجربة مسكتين

[ولد المنصور]

المتحده مسكتين في كل شي حتى مواعيدهم ممتازه ,,, بس نصيحه هنوعيه ماتصلح ومب عملي صوته مزعج ويبين فيه الوصخ ,, مانصحك والامر امرك ..

[مواقف النجادة]

مثل ما تفضلوا الاخوان محل اينوكس في شارع الخليج .. شمالي جسر الجيدة سمعتهم ممتازة و بضاعتهم زينة .. اذا يهمك شكل المطبخ ما انصحك بالستانليس ستيل .. يصلح اكثر للمطابخ التجارية في المطاعم او مطبخ خارجي في حال عندك مطبخ داخلي إضافي .. و في النهاية الناس اذواق ..

[HMH]

السلام عليكم،

بغيت اسالكم محل اينوكس يبيع مراوح للشفاط؟ وعلئ كم اسعارهم اذا حد منكم عندة خبرة؟