رايكم جزاكم الله خير! في المرسيدس 2016

[AFE]

السلام عليكم ورحمة الله وبركاته

صار لي فتره وانا ودي اشتري لي مرسيدس g63 الموتر للأمانه داش خاطري من زمان في كل شي عاجبني لكن الي اسمعه من الناس يشتكون من وكيله في قطر انه نصاب حرامي ومن الخرابات وقطع الغيار وقلت استخير وبالمره اكتب هالموضوع استشير اهل الخبره في هالشي...والشي الثاني انتو شلون تشوفون الموتر موديل 2016؟ واهم شي المركب مريح ولا متعب؟


وبالاخير اتوكل على الله واخذ لي واحد ولا ابتعد عنه؟
وجزاكم الله خير

[بو خليفه 123]

الموتر مافيه حيله .

ناجح بكل المقاييس .

صوت و عزم و رزه . لكن بالراحه الفوج اريح والوكاله افضل .
رغم ذلك مازلت افضل الجي كلاس .

من ناحية الوعوره . افضل بكثير من ال 55 .

بالاخير انت دافع من جيبك . تشتري الي ودك فيه

و أنا من 2009 و انا احب امتلك هذي السياره من دون كل السيارات .. ف اقولك توكل على الله

[Saoud_]

96491

Rang Rover SVR
انصحك في هالسياره
للحين مانتشرت في قطر
وانا جايب وحده للبيع وارد الخارج

عن تجربه الرنج فخم اكثر من المرسيدس واريح واسرع وصوته احلى
وثابت عاللفات
ومقارنه شخصيه مع البي ام اكس 5 ام والبورش الرنج اريحهم واونس بالسواقه

المرسيدس اعزمه يتقارن مع بورش كيان جي تي اس
والرنج اقوي منهم اثنينهم ويشقهم مع مواتر خشنه مثل الام 5 (قومه ،ثبات لفات)



شوف الرنج عالنت وصدقني انه بيعجبك اكثر من اللي حاطه في بالك

[sos 12]

السلام عليكم ورحمة الله وبركاته

صار لي فتره وانا ودي اشتري لي مرسيدس g63 الموتر للأمانه داش خاطري من زمان في كل شي عاجبني لكن الي اسمعه من الناس يشتكون من وكيله في قطر انه نصاب حرامي ومن الخرابات وقطع الغيار وقلت استخير وبالمره اكتب هالموضوع استشير اهل الخبره في هالشي...والشي الثاني انتو شلون تشوفون الموتر موديل 2016؟ واهم شي المركب مريح ولا متعب؟


وبالاخير اتوكل على الله واخذ لي واحد ولا ابتعد عنه؟
وجزاكم الله خير

الموتر مركبه غير مريح متعب جدا ... سكان الموتر ثقيل ... مافي اي اوبشن مقارنه مع سعره ... صوت الهوا بعد ال 120 ... استعملت موتر ولد اخوي علي اساس اجربه قبل لا اشتريه ... لكن انصدمت من النتيجه ... معني اشوفه منتشر وسعره ماسك في السوق .

[alftaan]

النــــاس اذوااااااق . . . . . . . .

[@north_star@]

السلام عليكم ورحمة الله وبركاته

صار لي فتره وانا ودي اشتري لي مرسيدس g63 الموتر للأمانه داش خاطري من زمان في كل شي عاجبني لكن الي اسمعه من الناس يشتكون من وكيله في قطر انه نصاب حرامي ومن الخرابات وقطع الغيار وقلت استخير وبالمره اكتب هالموضوع استشير اهل الخبره في هالشي...والشي الثاني انتو شلون تشوفون الموتر موديل 2016؟ واهم شي المركب مريح ولا متعب؟


وبالاخير اتوكل على الله واخذ لي واحد ولا ابتعد عنه؟
وجزاكم الله خير

نصيحة اخوي اذا خاطرك فالموتر حاول تجرب تسوق واحد او تستاجره من شركات التاجير وتجربه بنفسك والصراحة موتر شديد ورزة والحلو فيه انه ما فيه تعقيدات بالاكسسوارات لانه موتر كلاسيك ودامه على الضمان ما يخوف وتقدر تستخدمه وتبيعه عقب كم سنة قبل لا ينتهي ضمانه وبالتوفيق ان شاء الله

[ya3coub]

أخوي عاجبك شكله توكل على الله الناس اذواق. مر الوكالة و قولهم ابيه شرط أسوقه و بيطلعونلك واحد تست درايف سوائا من المستعمل او الجديد. و ابعد عن الإيجار لأنهم مكسرين و حالتهم حاله, ركبت بواحد اجار و عفت السيارة اكثر من قبل بس بعدها كان عنده واحد لمدة بسيطة و كان فرق شاسع.
جرب سوافته بنفسك و روح فيه كل مكان و اخذ قرارك أخوي.

بالنسبة لي جربته فتره بسيطة و كرهته و للأسف اشوف الهمر h3 يشاركه بنفس العيوب اصوات الهوى العزل ضعيف + فالسفر و الرياح اثنينهم نفس الشي يهتزون و على سرعات شوية عالية تحس الهوى يلعب فيك.


الوكيل و ما ادراك ما الوكيل.
اذا الحين تقدر تاخذه بكج مع الصيانة بقولك توكل على الله
بس اهم شي الصيانة تراهم قمة النصب و الإحتيال و الإستغلال. وكالة مصطفوي احسن من وكالة ناصر بن خالد فالبيع فالبداية بس للأسف بعدها ترد لناصر بن خالد فالصيانة و ان شاء الله مصطفوي يسون لهم مركز صيانة و بتكون المفاسة بعدين صح و حلوة.

اذا انكراعي خطوط و سفر بالسيارة حاول انه السيرفس دايما يكون برع الدوحة فالوكالات للدول المجاورة الكويت ارخص من عندنا بــ70% عن تجربة
و قريبا ناوي امر الأمارات و البحرين و السعودية اسوي عندهم سيرفس علشان احط مقارنة فعلية بالفواتير عن الأسعار و كلهم بالوكلاء.

[اللوز]

من واقع تجربة عندي مرسيدس وكلفني صيانة بعد الخصم 13 ألف ريال قطري
نصيحة أخذ لكزس

[Saoud_]

شدعوه لكزس
للحين الناس تشتري هالمواتر
كانك راكب تيوتا مغيرين علامته


صيانه أي موتر فخم بتكون غاليه لأن توايره كبيره وألمانيه
والبريكات حجمها كبير ماتخلص بسهوله لكن وقت التبديل تحس فيها
عندي البورش ماغيرت بركاته إلا بعد 37 الف كيلو
الكروزر واللكزس معروفه بريكاتها صغيره وتخلص كل 5 آلاف ...لا وبعد ماتوقف السياره عدل

[بوسيف الهاجري]

من
الموتر مافيه حيله .

ناجح بكل المقاييس .

صوت و عزم و رزه . لكن بالراحه الفوج اريح والوكاله افضل .
رغم ذلك مازلت افضل الجي كلاس .

من ناحية الوعوره . افضل بكثير من ال 55 .

بالاخير انت دافع من جيبك . تشتري الي ودك فيه

و أنا من 2009 و انا احب امتلك هذي السياره من دون كل السيارات .. ف اقولك توكل على الله
من وين يبتي الفلوس

[بوسيف الهاجري]

الصراحه موتر ماعليه كلام بس حده سنه اكشخ فيه وبعدين بدله

[وحيد-الشوق]

وكيلة واحد من اسوء الوكالات في قطر ضمان وسيرفس سيء جداً

طبعاً للأمانة ما اتكلم عن تجربة صيانة مع مواترهم لكن هذا ماسمعته من اصدقاء ومعارف

نجي لشكل الموتر مع احترامي لمحبينه مجرد كبت يمشي في الشارع وسواقته بايخه وعر ومب مريح خذ لك رنج احسن

[Tomford_qtr]

موتر مميز ... و يكفي ان مهب منتشر واايد

[qatari 111]

اعتبره كبت الومنيوم متحرك ينحط فالمطبخ موتر دفش قبيح هذا رأي فيه
انصحك بالرنج فوج ممناز شكل وراحه وسواقه وخدمه

[بـن عدوان]

موتر ممتاز و2016 طبلونه غير عن 2015

سعره صح انه غالي بس مايطيح نفس الرنج والبي ام او اي سيارة المانية ثانية

مواصفاته صارت احسن، سواقته صارت احلى عن الموديلات اللي قبل

بس اللهم انه الصيانة مكلفة خصوصا انه 63 amg

توكل واخذه

[السيف5]

مايعجبني شكله

والراي لك

[جاسم الدوحة]

جربت سواقته تست درايف من الوكالة
10 دقايق كرهت عيشتي
وعر ، وثقيل ، ومقلب

ياني كنت منخدع فيه .. على انتشاره
لكن الناس أذواق

[بويعقوب]

الفوج سوبر جرج ووعليه سيرفس بكج

وباذن الله بترتاح وبتستانس على الموتر

المرسدس اخبر قبل سنتين جربت واحد 2013 بس ماعجبني , وعر وضيق من داخل وغمارته رفيعه شوي .

والناس اذواق والقرار لك .

[Saoud_]

Svr وبتدعي لي

[معماري قطري]

أعرف واحد جرب شيخة السيارات بعد المرسدس الجيب .. طبعاً اللكزس وثاني يوم باعه وخذ لكزس .. يقول كنه راكب في سوزوكي 3 سلندر القديم وعر ويناقز وصوت وسرعة

[فقط قطر]

شوف اخوي..
تبي الصدق...انا شريت كم واحد 55 واخرتها 65
بس مو مقتنع في هالموتر رغم انه عندي
ياخي....كأنك راكب فريزر والله..

واذا عاجبك...اشتره وبرد خاطرك..

[لـبـيـه]

سمعت والعهده على الراوي انه عليه تغير في 2017 او 2018

[محمد عبدالرحمن]

من أفضل سيارات الدفع الرباعي g63 و الحمدلله ماشتكيت منها من سنة 2013 ولا مرة خذلتني ما شاء الله و مرتاح من خدمة مرسيدس فرع اللاند مارك، لكن اذا بتكون سيارتك الوحيدة فأنصحك باللكزس عن الرنج لأن الg63 أو لكزس عادي يتمون معاك اكثر من خمس سنوات.

[Saoud_]

الرنج يتحمل يالغالي عند واحد من الربع من 5 سنين ماشي 160 الف ويروح فيه سيلين ماشتكى من شي


معروف الرنج احسن فورويل بالعالم من يومه