مارايكم بشركة مناقصات تبعه لشركة اسكو ...

[الروقي]

اخواني الاعزاء قرات اليوم في الشرق عن شركة مناقصات مملوكه لشركة اسكو اظن وفيه مقابله مع مالكها اظن اسمه احمد الباكر تقوم باستلام الملكيه من المالك وعمل التصميمات ورخصة البناء وعرض على المقاولين وكل الخدمات . الغريبه انها مجانا للعملاء
السؤال احد منكم تعامل معها يعطينا اي معلومات

وشكرا لكم

[BoFahed]

اخواني الاعزاء قرات اليوم في الشرق عن شركة مناقصات مملوكه لشركة اسكو اظن وفيه مقابله مع مالكها اظن اسمه احمد الباكر تقوم باستلام الملكيه من المالك وعمل التصميمات ورخصة البناء وعرض على المقاولين وكل الخدمات . الغريبه انها مجانا للعملاء
السؤال احد منكم تعامل معها يعطينا اي معلومات

وشكرا لكم

ممكن عرض ترويجي اخوي تصير عادي اذا الشركه الجديدة

[Grnas]

تاخذ نسبتها من المقاول، وهي 2.5% لكن تعطيك عقود جيدة وتتابع معاك المشروع أول بأول

[شموخ دائم]

,

,


مرحبا


شكرا على الموضوع

قريت اللقاء في الجريده للاسف مو موضح ( اليه ) كيف ياخذون اتعابهم ؟؟
وكيف يحمون المالك من المشاكل !!

الكلام في اللقاء عام ومافيه تفصيل الموضوع

المشاكل راح تطلع هذا شي طبيعي بين المالك والمقاول بكل الدنيا

ولو مكتب الاستشاري ماقدر يحل الموضوع بيتحول محكمه

هم مجرد وسيط للمناقصه

ولو كان وضح كيف ياخذون ( ربحهم ) كان بيكون افضل من ترك هذا الجانب

غير واضح


في الاخير هم شركه وفيها موظفين ومكاتب وموقع

هذي شركه ومن حقها تكسب مقابل ( اتعابهم ) هذا شي طبيعي


ولكن هناك تساؤلات كثيره


اعتقد هذا فيها ( مخاطره ) من ناحيه الشركات الي بتكون موجوده
وهل هي مؤهله وهل هي ( مختاره ) بعنايه
من خلال سجلها وتاريخها الماضي !!!

ام بيكون الارخص يفوز !!

في البناء هناك معايير للشركات وتصنيف

و ( تاهيل ) من الناحيه الفنيه والنواحي الهندسيه والكفائه والقدره والخبرات السابقه

بالنسبه لي احب اختار الشركه المنفذه من خلال ( اقتناعي ) فيها
بعد ما اتاكد من سمعتها واسئل الاشخاص الي تعاملوا معاهم موخرا واشوف شغلهم على ارض الواقع
وازور مكاتبهم اتاكد من الاداره ومستواها والتنظيم عندهم كيف
وقوه الشركه ووضعها المالي

مو شركه ما دفعت رواتب عمالها من 3 شهور ومحد يدري عنهم

هذا بيتي واحب اكون مسؤل عن قراراتي واعتمد على نفسي وخبرتي بالسؤال عنه

في الاخير هذ بيتي محد بيكون حريص على ( حلالي ) غيري


الله يوفق اصحابها وياريت نشوف ( تجارب ) من تعامل معاهم

لان التجربه خير برهان

بالتوفيق لهم




,

,

[عقاب]

فكرة جديدة وجريئة من شباب قطريين توفر للخدمات الإدارية للبناء من بداية المشروع حتى نهايته نحتاج للمثل هذه الشركة خصوصآ النساء ومن ليس له دراية في أمور البناء والتعامل مع شركات المقاولات والمكاتب الاستشارية والبلدية ياليت لحقنا عليها قبل لانبني

[sweet qatar]

مثل موقع مناقصات ؟؟

ولا هو نفسه !

[مرتبش]

في استفسار وتعليقات عنها في قسم البناء والديكور

http://www.qatarshares.com/vb/showthread.php?617290-استفسار

[sweet qatar]

في استفسار وتعليقات عنها في قسم البناء والديكور

http://www.qatarshares.com/vb/showthread.php?617290-استفسار

عشان جذي كنت اسال

لان لي تجربة معاهم

بس المالك الي اعرفه غير

[معماري قطري]

هل هي مرخصة لهذا العمل؟ ووشي حدود ترخيصها وواجباتها؟

بعض الدول فيها شركات تخصصية لإِدارة المشاريع حتى الصغيرة منها كتأثيث شقة أو منزل .. الشركة تكون شركة محاماه هندسية .. تسلمهم المبلغ على دفعات حسب الاتفاق وهم ينفذون الشغل .. أحد الإخوان اشترى هذه النوعية من العقود لبناء منزل له في أرض اشتراها في احدى المدن الألمانية والاستلام هذا الصيف وتوقيع العقد كان من أيام خلال عطلة الربيع

انا اقدر اسوي مناقصات وللي يبي والعملية سهلة كلها علاقات ومراسلات وصراحة اسويها للمقربين وبمتابعة منهم دوري هو توضيح الاجراءات والاجابة على الاستفسارات وتعديل التصميمات ومناقشة التشطيبات والتسعير ما يجي الا بعد اكتمال الوثائق .. للتصميم وثائق وأفضلها إن التصور المبدئي يكون محدد ومتطلبات التصميم محددة حتى المكاتب أ و ب و ج وغيرهم يسعرون صح .. نقطة ثانية المكاتب هذي لازم تكون متقاربة في الجودة والسمعة الجيدة ولازم اختيارنا لها يجي بعد مفاوضات وزيارات متعددة ودراسة كاملة .. لو بنعتمد على التصنيف التصنيف خدعة كبيرة جهات الدولة المختصة تتفاداها وتتعامل مع المكتب الأفضل .. يعني ممكن احصل مكتب مصنف (ب) لكن أفضل من غالبية المصنفين (أ)

نفس الشيء المقاول واعتقد اخوي شموخ دائم شرح شرح مستفيض