لغز للشيوخ.. فقط..

[qatarman8008]

السلام عليكم ورحمة الله..
اطرح لكم اليوم لغزن..:nice:
لغزن مفعول به منصوب بالفتحة الظاهره على اخره.. المهم..
الحل غير موجود بجوجل.. لا تضيعون وقتكم..
تفضلوا..:nice:
..
اللغز هو..
جاك ضيف.. وعزمت جارك..
ورحت تجيب القهوة..
رجعت المجلس لقيت الضيف والجار متضاربين..
الان عشان تفك بينهم لازم تطرد واحد وبدون ما تسال عن سبب الهوشة..
المطرود سيذهب الى شيخ القبيلة ويشكي عليك..
وسيطلبك شيخ القبيلة لمعرفة لماذا طردته..
ستذكر انت للشيخ ثلاث اسباب تبرر سبب طرد هذا دون ذاك..
السؤال.. من ستطرد..؟؟ الضيف ام الجار..؟؟
وماهي مبرراتك الثلاثة امام الشيخ..
..
اترك لكم المايك..:nice:

[qatarman8008]

كنت اتمنى لو يتم الافساح للبنات بالاجابة اولا..
لان ادري انه كثير من الاعضاء هم ابناء قبايل وعتدهم الحل ..

[@north_star@]

انا بطرد اثنيناتهم ههههههههههههههههههه

[qatarman8008]

انا بطرد اثنيناتهم ههههههههههههههههههه

امس اكلم واحد عن اللغز .. قلت له بتطرد من..؟؟
قال ولا حد.. باعمل نفسي ميت ههههههههههههه..:nice:

[Charisma]

يصبحك بالخير مهندسنا ، نجاوب ولا ؟ :telephone:

[qatarman8008]

يصبحك بالخير مهندسنا ، نجاوب ولا ؟ :telephone:

جاوب.. :omen2:

[Charisma]

جاوب.. :omen2:

خلاص هونت :oops:

[Dana’1]

إكرام الضيف وحشيمته واجب
لكن الجار قدره أكبر بصراحه بالدين والعرف

[qatarman8008]

إكرام الضيف وحشيمته واجب
لكن الجار قدره أكبر بصراحه بالدين والعرف

ممممم... يعني من اللي بينطرد..؟؟ :eek5:

[Dana’1]

ممممم... يعني من اللي بينطرد..؟؟ :eek5:
الضيف

[بشائر]

وعليكم السلام

صعبة بصراحة إما تطرد ضيفك أو تطرد جارك!

لو علي .. أنا بطلع واترك لهم المكان
أو تعرف شلون ؟بخليهم يتذابحون واللي يدوخ منهم بطلب له الإسعاف وبكذا يكون طلع من البيت بطريقة قانونية.:)

[qatarman8008]

الضيف

التبريرات الثلاثة..؟؟ :eek5:

[Dana’1]

التبريرات الثلاثة..؟؟ :eek5:
ممممم مافيها واحد اثنين بس بالعموم

الجار حتى وإن كان راعي المكان يبقى في ضيافتي يعني ضيف وحقه كجار أكبر ومقدم على حق الضيف الاحاديث في هالمجال كثيره ما تحضرني

[qatarman8008]

ممممم مافيها واحد اثنين بس بالعموم

الجار حتى وإن كان راعي المكان يبقى في ضيافتي يعني ضيف وحقه كجار أكبر ومقدم على حق الضيف الاحاديث في هالمجال كثيره ما تحضرني

يمكن الضيف جاي من بعيد اومسافر..
وقاطع هالمسافة كلها عشان غرض او هدف من هالزيارة..
بتطردونه ماعرفتوا وشهة جاي له اولا.. ثانيا وين يروح..؟؟

[حليتان*]

لغز صعب شنو حله ؟

[Dana’1]

يمكن الضيف جاي من بعيد اومسافر..
وقاطع هالمسافة كلها عشان غرض او هدف من هالزيارة..
بتطردونه ماعرفتوا وشهة جاي له اولا.. ثانيا وين يروح..؟؟

شوف هذا لغز يقول لازم تطرد أحد
يعني لو بقول لااا بحاول اصلح ذات البين إلى آخره هذا ممكن بالحقيقه بنحاول نعرف شالقصه وكلن له الحشيمه والكرامه لين يروح كلن بدربه وهو راضي
والضيف عابر سبيل اكرامه واجب ديني قبل كل شي
والجار ملازمني وحقوقه كثييره
كذا بتصير قصه وهي مو قصه لغز

فأنا رديت عاللغز بالي اشوفه بغض النظر صح او لا

[ضوى]

أجاوب ؟

[qatarman8008]

لغز صعب شنو حله ؟

لغز شيوخ ياشيخ اماف..
الحل عندكم..

[ضوى]

نقول نطرد الضيف

والاسباب باقولها في تعليقي اللاحق

[qatarman8008]

وعليكم السلام

صعبة بصراحة إما تطرد ضيفك أو تطرد جارك!

لو علي .. أنا بطلع واترك لهم المكان
أو تعرف شلون ؟بخليهم يتذابحون واللي يدوخ منهم بطلب له الإسعاف وبكذا يكون طلع من البيت بطريقة قانونية.:)

ليش الاسعاف..؟؟
عصير ليمون بنعناع ويقبض الباب..:omen2:

[qatarman8008]

نقول نطرد الضيف

والاسباب باقولها في تعليقي اللاحق


هذي نص اجابة..
لان ما وضحتي الاسباب..
رايحة عند شيخ القبيلة بتبررين موقفج..
وشيخ القبيلة ماسك السيف ومو زين نزعله..:omen2:

[ضوى]

ول ماسك سيف عاد !!

ممم انا اقول الضيف ليش

لانه الرسول عليه الصلاة والسلام اوصانا على سابع جار فكيف بالجار الجنب ؟

اذا طردنا الجار بتكون خسارتنا كبيرة جدا لانه جار وصاحب ورفيق واخو ومحد يوقف بالازمات معانا الا هو

الضيف ضيف جاي كم ساعة وبيروح لذلك انا ماشوف في طرده اي مشكلة اخسر واحد جايني لكم ساعة ولا اطر واحد بيتم معاي عمر

[سهاارى]

الضيف
لان النبي صلى الله عليه وسلم قال : مازال جبريل يوصيني بالجار حتى ظننت بأنه سيورثني .
ولان الضيف جا بلا عزيمة ومعروف عند العرب أن من جا بلا عزيمه قعد بلاحشيمة :secret:

اما السبب الثالث فما اعرفه :shy:

[qatarman8008]

ول ماسك سيف عاد !!

ممم انا اقول الضيف ليش

لانه الرسول عليه الصلاة والسلام اوصانا على سابع جار فكيف بالجار الجنب ؟

اذا طردنا الجار بتكون خسارتنا كبيرة جدا لانه جار وصاحب ورفيق واخو ومحد يوقف بالازمات معانا الا هو

الضيف ضيف جاي كم ساعة وبيروح لذلك انا ماشوف في طرده اي مشكلة اخسر واحد جايني لكم ساعة ولا اطر واحد بيتم معاي عمر
ممممم.. كلام جميل وتحليل منطقي..
نسمع باقي الاراء..

[الحياة الخالدة]

ما يصير نطرد حد منهم
نخلي واحد في المجلس و الثاني في المقلط
و نقهويهم و ناخذ ما بخاطرهم
طرد الناس من البيت ماهو من سلوم العرب ههههههههههههههههه

[qatarman8008]

الضيف
لان النبي صلى الله عليه وسلم قال : مازال جبريل يوصيني بالجار حتى ظننت بأنه سيورثني .
ولان الضيف جا بلا عزيمة ومعروف عند العرب أن من جا بلا عزيمه قعد بلاحشيمة :secret:

اما السبب الثالث فما اعرفه :shy:

مممممم.. برضو كلام جميل..
لكن هذا الضيف يمكن جاي بحاجة مهمة..
والجار جاي من الملل ههههههههه.. ماندري..
نسمع باقي الاراء..

[qatarman8008]

ما يصير نطرد حد منهم
نخلي واحد في المجلس و الثاني في المقلط
و نقهويهم و ناخذ ما بخاطرهم
طرد الناس من البيت ماهو من سلوم العرب ههههههههههههههههه

المخرج عاوز كده..
يقول انه لازم نقبض واحد الباب..
:omen2:

[الحياة الخالدة]

لا
هذا القاضي ما عنده سنع

[النهار]

لغز صعب شنو حله ؟

حرك الكورررررررررررررررر لاتخليه مجيم

[Dana’1]

الضيف
لان النبي صلى الله عليه وسلم قال : مازال جبريل يوصيني بالجار حتى ظننت بأنه سيورثني .
ولان الضيف جا بلا عزيمة ومعروف عند العرب أن من جا بلا عزيمه قعد بلاحشيمة :secret:

اما السبب الثالث فما اعرفه :shy:

تصدق أول مره أسمع هالمثل
أتوقع هالمثل (من جاء بلا عزيمه جلس بلا حشيمه) للي تعرفه وجاتك مناسبه وماعزمته بس جاك من نفسه
مو للضيف العابر سبيل ولا تعرفه من قبل


وإلا مستحيل العرب يضربون هالمثل عاالعابر سبيل بالعكس ضيف له كل الحشيمه وقصايد المدح والفخر تكتب بالي قلبه وبيته مفتوح ومدهال للضيوف

[qatarman8008]

تصدق أول مره أسمع هالمثل
أتوقع هالمثل (من جاء بلا عزيمه جلس بلا حشيمه) للي تعرفه وجاتك مناسبه وماعزمته بس جاك من نفسه
مو للضيف العابر سبيل ولا تعرفه من قبل


وإلا مستحيل العرب يضربون هالمثل عاالعابر سبيل بالعكس ضيف له كل الحشيمه وقصايد المدح والفخر تكتب بالي قلبه وبيته مفتوح ومدهال للضيوف

كلام جميل كلام دهب..
كلو براءة وعلم وادب..

[الحياة الخالدة]

المثل اللي اعرفه :
من يا بليا عزيمة .. رقد بليا فراش

[المحاميه]

انا مب شيخه ولا زليخه
So
ماراح اتعب نفسي واحل شي

:court::court:
رفعت الجلسه

[naklan]

مبدأيا أنا اعرف اخلاق جاري ويمكن ما اعرف اخلاق
الضيف اذا كان الهواش بالكلام باستفهم منهم شالسالفة
وكيف وصلت الى الهواش ويصلح بينهم وما اطرد احد ولكن اذا
حصتهم متشابكين ومتضاربين بطردهم اثنينهم لأنهم ما احشمو
أنفسهم ولا مكاني وياحذف عليهم التمر والقهوة في الشارع
وانا اقول الخلا الله لا يحييكم الي ما يستحي متك لا
تستحي مته قبضه الشارع ههههههههههه

[Dana’1]

مبدأيا أنا اعرف اخلاق جاري ويمكن ما اعرف اخلاق
الضيف اذا كان الهواش بالكلام باستفهم منهم شالسالفة
وكيف وصلت الى الهواش ويصلح بينهم وما اطرد احد ولكن اذا
حصتهم متشابكين ومتضاربين بطردهم اثنينهم لأنهم ما احشمو
أنفسهم ولا مكاني وياحذف عليهم التمر والقهوة في الشارع
وانا اقول الخلا الله لا يحييكم الي ما يستحي متك لا
تستحي مته قبضه الشارع ههههههههههه

هههههههههههههه
أهم شي ( ولكن إذا)

[naklan]

هههههههههههههه
أهم شي ( ولكن إذا)

لكن اذا باقبض الجار الباب الضيف له واجب واكرام
وإذا سالوني بأجاوب بالاتي

اولا الجار مفروض يكون مكاني في واجب الضيف
ولو صار بينهم شي يخبرني مَش يتهاوش

وثانيا الضيف نبديه على عيالنا واهلنا ونكرمه ونعمل
باصلنا وشيمنا لذالك لا نرضى عليه تمس كرامته
والجار الي ما احترم ضيفي الله لا يحييه

ثالثا طرد الجار بسبب عدم احترام مكاني ومجلسي
اي شي يصير في مجلسي هو اهانة لي ولضيفي
وبس

[qatarman8008]

لكن اذا باقبض الجار الباب الضيف له واجب واكرام
وإذا سالوني بأجاوب بالاتي

اولا الجار مفروض يكون مكاني في واجب الضيف
ولو صار بينهم شي يخبرني مَش يتهاوش

وثانيا الضيف نبديه على عيالنا واهلنا ونكرمه ونعمل
باصلنا وشيمنا لذالك لا نرضى عليه تمس كرامته
والجار الي ما احترم ضيفي الله لا يحييه

ثالثا طرد الجار بسبب عدم احترام مكاني ومجلسي
اي شي يصير في مجلسي هو اهانة لي ولضيفي
وبس

افهم من ردك انك بتطرد الجار..
طيب.. التبريرات الثلاث قدام ذاك الشيخ..؟؟

[naklan]

افهم من ردك انك بتطرد الجار..
طيب.. التبريرات الثلاث قدام ذاك الشيخ..؟؟

مكتوبه اولا وثانيا وثالثا
هذا عذري حق شيخ الذبان ههههخخ

[Dana’1]

مكتوبه اولا وثانيا وثالثا
هذا عذري حق شيخ الذبان ههههخخ

ياخوفي الشيخ ذيبان يكرشنا مع حلولنا ويتبرى منا عاد يله نفاكك عمرنا ندور قبيله نستند عليها ونلفي ضيفان عالعرب بس محترمين بدون هواش مو ناقصين ههههههههههه

ما قلت لنا ياقطز

[بو راشد 1]

الجار هو ضيف و ايضا جار (two in one) فبالتالي له الاولوية في البقاء.

[Charisma]

اتوقع ان اللغز يقارن بين الجار والضيف ،،

ولا وقت الجد محد بينطرد ، تكتفي بمحاولة تهدئة النفوس والصلح ، عموما نقول الجواب / الضيف وتفضل الأسباب :



مكانة الجار مقدمه على الضيف شرعا وعرفا ، والاحاديث كثيره في هذا الجانب.
علاقتك بالجار أقوى ، وتربطك معه علاقات اخرى ( اهلك واهله).
الجار في مثل هالحاله يعتبر راعي المكان خصوصا في غياب المضيف ، وكان لزام على الضيف تقديره .

[qatarman8008]

نكمل الحديث غدا انشاء الله..
وسيكون هناك جواب تفصيلي ..

[متواصل]

اطرد الضيف
لان الجار في محلي اذا غبت وهو صاحب الدار محلي
ولعله رأى من الضيف مايريب او تصرف غريب او محاولة سرقة .... الخ

[العقل المدمر]

انا عن نفسي بطرد المفلس وبخلي راعي الفلوس
عشان راعي الفلوس يستانس علي ويجيب لي هدية
عقب اروح عند المفلس ارويه هديتي واغريه
عقب المفلس بيروح يعتذر من راعي الفلوس عشان يحصل هدية نفسي
وترى انا نيتي الصلح مب الفلوس :(

[qatarman8008]

انا عن نفسي بطرد المفلس وبخلي راعي الفلوس
عشان راعي الفلوس يستانس علي ويجيب لي هدية
عقب اروح عند المفلس ارويه هديتي واغريه
عقب المفلس بيروح يعتذر من راعي الفلوس عشان يحصل هدية نفسي
وترى انا نيتي الصلح مب الفلوس :(

عجبني الرد..
:omen2::omen2:

[qatarman8008]

ها.. فيكم نفس تحلون والا احل انا..

[naklan]

ها.. فيكم نفس تحلون والا احل انا..

حل الموضوع لو أنا بخربها على رؤوسهم كلهم
حتى شيخ القبيلة تلقاني زانطه ونقول هد وانا اهد
هههههههههههه منتضرين الحل

[qatarman8008]

اعطيكم الحل قبل الغدى احسن صح..:nice:
طيب..
لاشك انه لكل قبيلة عرف وعادات وتقاليد..
ولكن يبقى للضيف وضع خاص جدا عند كل قبائل العرب..
يتم تقديمه على النفس والابناء والجيران..
جرت عادات العرب قديما وحتى اليوم انه حتى لو كان الضيف عدو فانهم يكرمونه في اللحظة ذاتها ثم يلمحون له بالانصراف..
فاذا حصلت مشادة او هوشة بين الضيف والجار فانك تطرد الجار..
الاسباب..
الضيف هو اساس الدعوة او العزيمة.. هو من حضر اولا وبناءا على ذلك تم دعاء الجار..
تكون هنا منزلة الضيف اولا ثم الجار ثانيا..
..
طرد الضيف من كبرى كبريات الذنوب اللتي لاتغفر..
تعتبر عار على القبيلة كلها وليس على شخص او فرد من القبيلة..
ولن يغفر لك شيخ القبيلة طردك للضيف..
اما الجار فيعتبراكثر مقربة من اهل البيت فيمكن الاعتذار منه بطرق كثيرة ومعروفة عند العرب..
..
السبب الثالث الضيف ربما يكون جاء من اجل تادية واجب او ابلاغ رسالة او لغرض بغاية الاهمية..
ربما يكون جاء من مكان بعيد ومقطوع عن اهله وماله فتعتبراهانة كبيرة للضيف..
لو طردته ما دريت ليش جا وايش كان يبي يقول..
ماندري وش هي ضروفه.. لو طردته وين بيروح..
الجار بيته قريب.. لو طردته بيروح بيته ولن يتضرر كثيرا..
..
.. وسلامتكم..

[Dana’1]

ياعزتي لنا هههههه
أمس حطيته بالقروب لأخواني
أختي مثلي بتطرد الضيف
اخواني الشباب بيطردون الجار

مت ضحك على اخوي يتناقش مع اختي اشتطو عقب قال

(الخلاصه اني بطرد الجار
المفروض انه يعزم ضيفي الزبال ماهو يتهاوش معه)

[qatarman8008]

ياعزتي لنا هههههه
أمس حطيته بالقروب لأخواني
أختي مثلي بتطرد الضيف
اخواني الشباب بيطردون الجار

مت ضحك على اخوي يتناقش مع اختي اشتطو عقب قال

(الخلاصه اني بطرد الجار
المفروض انه يعزم ضيفي الزبال ماهو يتهاوش معه)


هههههه.. عشان تعرفون ليش انا كنت ابي الجواب من البنات اول..
البنات يميلون للعواطف..
الرجال يميلون للعرف والعادات والتقاليد..

[Dana’1]

هههههه.. عشان تعرفون ليش انا كنت ابي الجواب من البنات اول..
البنات يميلون للعواطف..
الرجال يميلون للعرف والعادات والتقاليد..


مو عشان العاطفه جاء ببالي الاحاديث الكثيره عن الجار^_^

في شباب بعد قالو ضيف^_^

[متواصل]

يعني لو الضيف اختلس النظر ،
ويراغب حرمة المستضيف
والجار اكشفة واصفعة كف على وجهه
تطرد الجار ، والضيف تكرمه ،، وتتقاضى عنه ؟؟

[qatarman8008]

يعني لو الضيف اختلس النظر ،
ويراغب حرمة المستضيف
والجار اكشفة واصفعة كف على وجهه
تطرد الجار ، والضيف تكرمه ،، وتتقاضى عنه ؟؟

الجار يصفع الضيف..؟؟ باي حق..؟؟
كانها صعبة..
اذا شافه يسوي شي غير اخلاقي بيكلم صاحب البيت ترى ضيفك سوى واحد اثنين..
والحكم عند صاحب البيت في الاخير..