مكان .. و ذكرى .. علموني شلون أنسى

[الحياة الخالدة]

السلام عليكم و رحمة الله و بركاته
صبحكم الله بالخير .. و مبارك عليكم الجو الحلو

أماكن ارتبطت معنا بأحداث سيئة .. أو أشخاص أساؤوا إلينا بشكل أو بآخر
كنا فيما سبق نحب نروح لها و نستمتع فيها .. أو عالأقل نمر عليها عادي مثلها مثل غيرها
لكن نتيجة لحدث معين .. أو تجربة مؤلمــــــة .. صرنا ما نطيق نسمع طاريها .. فكيف بالذهاب إليها أو حتى المرور من صوبها

معقولة بيتم هالاحساس معانا على طول
و شلون الطريقة عشان نتغلب عليه .. و يصير الأمر عادي

تحياتي للجميع

[R 7 A L]

اعتقد خلق جو او مناسبة جميلة في نفس المكان راح يغير الوضع

[غريب الدّار]

دخلت بس علشان اقول اني ماراح اعلق

[راعي ال VXR]

الحياة التي نعيشها ثلاثة أيام (أمس مضى واليوم يمضي وغدا لا يعلمه الا الله )
فهل من المنطقي التندر على ما فاتنا بالأمس والبكاء عليه ..علينا بالاعتقاد في قوة التسامح
وقدرته على تخليص انفسنا من هموم الماضي وان عدم التسامح يعد من أهم العوامل التي تدخلنا
رغما عنا في متاهات التفكير في حياتنا الماضية السلبيه ويمنعك بالتفكير في الايجابيات لغد افضل ..
لكن مع التحلي بصفة التسامح فإنك تسد على نفسك هذا الباب تناسى تماما الأشخاص الذين أخطأوا في حقك ..
ومن عفا عمن ظلمه وأصلح بالعفو بينه وبين ظالمه أي أن الله سبحانه يأجره على ذلك وأبهم الأجر تعظيماً لشأنه

اخوكم

[الحياة الخالدة]

اعتقد خلق جو او مناسبة جميلة في نفس المكان راح يغير الوضع

هلا فيك رحال
كلامك صحيح .. ممكن .. بس هالمناسبة اللي بنخلقها لازم تكون بنفس قوة الذكرى المؤلمة أو أشد عشان تتغلب عليها

تحياتي لك

[الحياة الخالدة]

دخلت بس علشان اقول اني ماراح اعلق

على راحتك أخوي

[حمد 2002]

جيت المـكان الي تسبب في عناي
غـصـبا علي ياناس هـلـت دمـعتـي
هذا المـكان الي جـرحني بـه دواي
ذكـرنـي المـاضـي وهـيض عــبرتـي
جـدد جروح خافيـه بقصـى حشـاي


صعبه على الشخص ينسى المكان أو الشخص الي انجرح منه وخصوصا لو كان صاحب احساس مرهف وعواطفه جياشه. .


شكرا ..

[الحياة الخالدة]

الحياة التي نعيشها ثلاثة أيام (أمس مضى واليوم يمضي وغدا لا يعلمه الا الله )
فهل من المنطقي التندر على ما فاتنا بالأمس والبكاء عليه ..علينا بالاعتقاد في قوة التسامح
وقدرته على تخليص انفسنا من هموم الماضي وان عدم التسامح يعد من أهم العوامل التي تدخلنا
رغما عنا في متاهات التفكير في حياتنا الماضية السلبيه ويمنعك بالتفكير في الايجابيات لغد افضل ..
لكن مع التحلي بصفة التسامح فإنك تسد على نفسك هذا الباب تناسى تماما الأشخاص الذين أخطأوا في حقك ..
ومن عفا عمن ظلمه وأصلح بالعفو بينه وبين ظالمه أي أن الله سبحانه يأجره على ذلك وأبهم الأجر تعظيماً لشأنه

اخوكم
هلا فيك أخوي
كلامك حلو و على عيني و راسي
و ذكرتني بشي سمعته ذاك اليوم في الراديو :
الأمس شيك و دفعناه
و الغد شيك راح يندفع
أما اليوم فهو الشيك المستحق
ليش نشيل هم الامس و الغد .. و نفكر فيهم
علينا باليوم واللي احنا فيه .. و هذا هو اللي يهم

المشكلة مو في الاشخاص اللي آذونا .. حسابهم عند الله سبحانه .. و لذلك نوكل أمرنا له سبحانه .. و نردد : حسبنا الله و نعم الوكيل
المشكلة نفس ما قلت في الاماكن اللي ارتبطت بهم .. و الذكرى المؤلمة .. هاذي شلون تنمسح من الذاكرة
و شلون اروح هالمكان و بكل أريحية من غير ما ترد لي الافكار المتعبة اللي ممكن تخرب علي متعتي بهالمكان مع الناس اللي أحبهم : أهلي و ربعي ؟؟

الناس بتسامحهم
لكن لو كانت الذكرى مرتبطة بحادث فقدت فيه شخص عزيز مثلاً ..
هاذي شلون بتحلها ؟؟

[JN000N]

اذا بتبتعدين عن المكان بس لانج تخافين من الذكرى او لان مره وحده طفتي صوبه وتذكرتي ومارحتي مره ثانيه
ما بتنسين
اما لو خلقني لج ذكرى يديده ف المكان بتجوفين انج شوي شوي بتنسين الذكرى القديمه
كنت ماحب اروح العزبه ولا رويس عقب ما راحو الغالين
والعزبه خذ لي وقت لين رحت له مره ثانيه
وبالعكس الحين صار لما اروح المكان ما تاثر نفس قبل

[الحياة الخالدة]

جيت المـكان الي تسبب في عناي
غـصـبا علي ياناس هـلـت دمـعتـي
هذا المـكان الي جـرحني بـه دواي
ذكـرنـي المـاضـي وهـيض عــبرتـي
جـدد جروح خافيـه بقصـى حشـاي


صعبه على الشخص ينسى المكان أو الشخص الي انجرح منه وخصوصا لو كان صاحب احساس مرهف وعواطفه جياشه. .


شكرا ..

صح لسان من قال
تعبتني زود يا مرهف الاحساس

عفواً

[@north_star@]

الذكرى ليست مجرد حدث عابر .......من الممكن تجاهلها بعض الاحيان ولكنها مستحيلة النسيان

[عاشق العديد]

مافي مجال الذكرى تلتزم بالمكان سواء لهيتي مع الأيام او راح الوقت مجرد ماتمرين بنفس المكان تستذكرين كل شي ..

فمستحيل هذا شي يموت ..

[الحياة الخالدة]

اذا بتبتعدين عن المكان بس لانج تخافين من الذكرى او لان مره وحده طفتي صوبه وتذكرتي ومارحتي مره ثانيه
ما بتنسين
اما لو خلقني لج ذكرى يديده ف المكان بتجوفين انج شوي شوي بتنسين الذكرى القديمه
كنت ماحب اروح العزبه ولا رويس عقب ما راحو الغالين
والعزبه خذ لي وقت لين رحت له مره ثانيه
وبالعكس الحين صار لما اروح المكان ما تاثر نفس قبل

هلا جنون
كلامج نظرياً مضبوط لكنه أحياناً صعب التنفيذ
بعض المناسبات ممكن تختلقينها و البعض الآخر صعب
يعني مثلاً : مكان صار فيه حادث سواء للشخص أو لحد عزيز عليه ( الله يبعده عن الجميع ) هذا شلون بتسوين فيه مناسبة سعيدة
بالنسبة لي : بلاد كاملة مابي أطبها .. يعني من أول المطار أدري أن بتصيدني الضيقة شلون لو دشيت البلاد .. هاذي شلون بترقعينها

تذكرت أغنية مغبرة حق حسين جاسم :
خلاص حتى المكان اللي نزوره و نتنادم فيه
حلفت عمري ما ازوره يوم ولا حتى افكر فيه

لحد يفهم ان السالفة فيها عشق و هيام و يبلشنا
بس حبيت أوصل الصورة و المقصد

[المحاميه]

لازم الواحد يفهم اولا ان الامور سواء كانت حسنه او سيئه فهي قضاء وقدر
ولازم يثق بالله وبما يكتبه له ويتوكل عليه
لا المكان ولا غيره لهم دخل فاللي صار
فالواحد لازم يقتنع بهالشي ويفهم
والشي الثاني غلط نقول ان هالمكان او هالشي هو سبب المصيبه
والانسان بطبعه ينسى فشوي شوي بينسى
ويحاول شوي شوي يمر عالمكان بالتدريج لين يتقبله ويتاكد ان المكان ماله خص فالحدث السيء

[المحاميه]

المواجهه مطلوبه يااخوان
الثقه بالله
لازم تجاوزون هالافكار

[JN000N]

هلا جنون
كلامج نظرياً مضبوط لكنه أحياناً صعب التنفيذ
بعض المناسبات ممكن تختلقينها و البعض الآخر صعب
يعني مثلاً : مكان صار فيه حادث سواء للشخص أو لحد عزيز عليه ( الله يبعده عن الجميع ) هذا شلون بتسوين فيه مناسبة سعيدة
بالنسبة لي : بلاد كاملة مابي أطبها .. يعني من أول المطار أدري أن بتصيدني الضيقة شلون لو دشيت البلاد .. هاذي شلون بترقعينها

تذكرت أغنية مغبرة حق حسين جاسم :
خلاص حتى المكان اللي نزوره و نتنادم فيه
حلفت عمري ما ازوره يوم ولا حتى افكر فيه

لحد يفهم ان السالفة فيها عشق و هيام و يبلشنا
بس حبيت أوصل الصورة و المقصد

مش مناسبه في نفس المكان
لكن في اماكن ما تقدرين ما تروحين لها
بتمنعين نفسج شهر سنه سنتين بس لازم بتضطرين تروحين
واذا على الذكريات
حتى لو نغفل بس مستحيل ننسى
كل مره امر صوب الحويله وحتى عقب ما بدلو الشوارع وسوو جسور وتغير المكان اتذكر الحادث ويعورني قلبي على المفقود

[قدام]

دوله خليجيه _ مات أخي فيها بحادث سير سنه 2012 ........ تصدقون ما اقدر انساه من 4 سنوات اقل شي كل يومين او ثلاث ايام اتذكره
بدون اي احد يحس فيني اني حزين ... خاصه والدتي
هذي الدوله انا من الحادث اللي اليوم انا ما زرتها لاني ما اقدر

رحمك الله يا أخي

[معماري قطري]

صح لسان من قال
تعبتني زود يا مرهف الاحساس

عفواً

انا هاجت أحاسيسي وكتبت ثلاث قصايد بس كلها حرق فيوزات

[معماري قطري]

دوله خليجيه _ مات أخي فيها بحادث سير سنه 2012 ........ تصدقون ما اقدر انساه من 4 سنوات اقل شي كل يومين او ثلاث ايام اتذكره
بدون اي احد يحس فيني اني حزين ... خاصه والدتي
هذي الدوله انا من الحادث اللي اليوم انا ما زرتها لاني ما اقدر

رحمك الله يا أخي

الله يرحمه ويدخله الجنة وياجرك وياجرنا

[قدام]

جزاك الله خير يا معماري قطري

[بصمة قطرية]

أسوأ ذكرى في طواريء حمد ..
كل ما دخلت تذكرت تفاصيل ذاك اليوم
اللي رحلت فيه أمي عن الدنيا
الله يرحمها ..
مستحيل أنسى ..
كل مرة أروح الطواريء أتذكر ..
عشر سنين والتفاصيل عالقة في بالي ..
بعض الذكريات مستحيل ننساها
بالذات اللحظات والأماكن اللي رحلوا عنها
ناس غاليين علينا ..
أحس هاي أصعب شي
باقي الأشياء ممكن ننساها مع الوقت ..

[الحياة الخالدة]

الذكرى ليست مجرد حدث عابر .......من الممكن تجاهلها بعض الاحيان ولكنها مستحيلة النسيان

صحيح أخوي نورث ستار
و الأثر الباقي يعتمد على مدى قوة الحدث المسبب لتلك الذكرى
شكراً لك

[الحياة الخالدة]

مافي مجال الذكرى تلتزم بالمكان سواء لهيتي مع الأيام او راح الوقت مجرد ماتمرين بنفس المكان تستذكرين كل شي ..
فمستحيل هذا شي يموت ..
إيوة بالضبط .. و هذا هو لب الموضوع
شلون نقدر نتغلب على هالشي .. أو عالأقل نخفف من تأثيره
حياك الله أخوي

[sweet qatar]

ليش تنسين ؟؟ .. عشان تعيدين الخطأ مرة ثانية ؟؟

[sara jsm]

الذكرى تبقى على حسب الشخص مش الحدث نفسه ..
في اللي ينسى .. سواء مر بالخير او بالشر في هذا المكان ..
وفي ناس ماينسون .. مثلي حتى ريحه المكان تتم عالقه في ذهني ..

[الحياة الخالدة]

لازم الواحد يفهم اولا ان الامور سواء كانت حسنه او سيئه فهي قضاء وقدر
ولازم يثق بالله وبما يكتبه له ويتوكل عليه
لا المكان ولا غيره لهم دخل فاللي صار
فالواحد لازم يقتنع بهالشي ويفهم
والشي الثاني غلط نقول ان هالمكان او هالشي هو سبب المصيبه
والانسان بطبعه ينسى فشوي شوي بينسى
ويحاول شوي شوي يمر عالمكان بالتدريج لين يتقبله ويتاكد ان المكان ماله خص فالحدث السيء

المواجهه مطلوبه يااخوان
الثقه بالله
لازم تجاوزون هالافكار
احنا مؤمنين بهالشي أختي المحامية
وما عندنا أدنى شك في القضاء و القدر
و عارفين إن المكان ماله خص بالحدث سواء كان الحدث سعيد أو سيء .. و التشاؤم و الطيرة بعيد عن منهجنا و اعتقادنا كل البعد ولله الحمد و الشكر
الكلام مو عن التفاؤل و التشاؤم بخصوص الاماكن
الكلام عن ارتباط المكان بذكرى الحدث أو الناس اللي أساءت لنا
شكراً للمشاركة

[الحياة الخالدة]

دوله خليجيه _ مات أخي فيها بحادث سير سنه 2012 ........ تصدقون ما اقدر انساه من 4 سنوات اقل شي كل يومين او ثلاث ايام اتذكره
بدون اي احد يحس فيني اني حزين ... خاصه والدتي
هذي الدوله انا من الحادث اللي اليوم انا ما زرتها لاني ما اقدر

رحمك الله يا أخي

الله يرحم أخوك و يغفر له و يجمعكم به في الفردوس الأعلى
و يرحم موتانا و موتى المسلمين
نفس الشي الوالدة الله يرحمها توفت سنة 2000 بمرض في دولة خليجية .. و من يومها ارتبط اسم هالدولة بهالذكرى المؤلمة .. وكل ما يجي طاريها ترجع الصور كاملة لمراحل المرض و المعاناة .. مع إن قبل هالشي كانت لي فيها ذكريات رائعة و سعيدة
لكن الأخيرة غطت على الأولى و تجاوزتها بكثير .. بالرغم من مرور حول ال 16 سنة على الوفاة

حياك الله أخي الكريم

[عابر سبيل]

الأيام.. هي الدواء لهذه الاعراض!

مش كل امراضنا واوجاعنا ينفع لها "البنادول"!

فيه اصابات.. تتطلب الزمن لتبرأ..
و فيه الام لابد لنا ان نتجرعها..
مهما حاولنا ان نتجاوزها فلا سبيل اخر لنا..
لنمضي في طريقنا.. الا بالمرور عبرها...

شخصيا.. الطابق6 في مستشفى حمد
له وقع في النفس..
حتى صرت اتوقع واهيء النفس اني انا شخصيا يأتيني الدور
لاعيش فيه جزئا ..او اخر ايام من حياتي..
كما عاش فيها وعشت انا للان.. اصعب الايام
مع اعز من رحلوا عن حياتي!

فهل أملك أن احجم عن زيارته؟؟

و هكذا على النقيض..
الطابقين3+5 في مستشفى
النساء و الولادة..
لهما ذكريات و نسمات باردة جدا و احداث مجددة
لحيويتي و نشاطي!

اذا.. الحياة.. ايتها الحياة الخالدة(والبقية الكرام)
مجموعة ألوان.. عناصرها الحوادث و الاحداث..

لا تكون الا بكل الوانها..
و ستكون من المستحيلات
ان تتلون فقط بالاسود و الابيض
او اللون الرمادي!..علينا ان نتناغم ونتأقلم
مع كل تلك الألوان

*
*
،،
ما نجبره من عافنا ما ينجبر .. لا تعتذر

[qr95]

صعب النسيان ولو تغافلنا اوجاعنا والله كل شي فينا يتحرك لذكرى حتى العطور والسيارات والاماكن والاغاني
تذكرنا بأشيأ وايد وكل مانحاول ننسى نتذكر من جديد ولكن الإنشغال بذكر الله وتعلق القلب به ينسينا بعض هده
الاوجاع ولا يوجد حد في هالدنيا مافارق غالي عليه ومافيه حد يتذكر موقف له حزين ولكن نحاااااول نشغل انفسنا


وبصراااااااااحه
موضوعج نفسه حزين :weeping:

[الحياة الخالدة]

مشاركاتكم أسعدتني .. مع أن الموضوع حزين
قد أتأخر في الرد عليكم .. لكنني بإذن الله سأعود

هناك مشاركتان تمنيت لو لم يتراجع عنهما صاحباهما لأنهما كانتا في صلب الموضوع
لكنني أحترم أسباب الحذف لخصوصيتهما الشديدة

من الأعماق شكراً للمشاركات الظاهرة و الباطنة

[ولد العرب]

دوله خليجيه _ مات أخي فيها بحادث سير سنه 2012 ........ تصدقون ما اقدر انساه من 4 سنوات اقل شي كل يومين او ثلاث ايام اتذكره
بدون اي احد يحس فيني اني حزين ... خاصه والدتي
هذي الدوله انا من الحادث اللي اليوم انا ما زرتها لاني ما اقدر

رحمك الله يا أخي

الله يرحمه ويسكنه فسيح جنات
مالك الا صبر ياقدام

اختي الحياه الخالده
موضوعك ذات شجون اثرت علي مواجع

[ضوى]

الذكريات ابدا لاتنسى

لايمكن نسيان ذكريات الاشخاص سواء كانوا جيدين معي ام سيئين

ولا ذكريات المكان صعب جدا

قد نتناسى لفترة ولكن نسيان دائم هيهات

[الحياة الخالدة]

أسوأ ذكرى في طواريء حمد ..
كل ما دخلت تذكرت تفاصيل ذاك اليوم
اللي رحلت فيه أمي عن الدنيا
الله يرحمها ..
مستحيل أنسى ..
كل مرة أروح الطواريء أتذكر ..
عشر سنين والتفاصيل عالقة في بالي ..
بعض الذكريات مستحيل ننساها
بالذات اللحظات والأماكن اللي رحلوا عنها
ناس غاليين علينا ..
أحس هاي أصعب شي
باقي الأشياء ممكن ننساها مع الوقت ..
و هاذي مشكلة الأماكن اللي ما نقدر نتجنب أن احنا نروح لها
الله يرحم أمج و أمي و يغفر لهم
و يرحم موتى المسلمين جميعاً

[سهم عتيج]

على حسب قوة الصدمة

اذا حسيتي ان الناس اللي في ذاك المكان ما انصفوك وهم يعلمون صدق اليقين انك مظلومة ،، راح تكرهين ذاك المكان باللي فيه حتى لو كانت لك علاقات طيبة مع الاكثرية ،، طبعا مع الاحتفاظ بالعلاقات الجيدة مع الناس الطيبين ،، ولكنك ستكرهين المكان نفسه،، لان التعرض للظلم شعور من الصعب على النفس ان تنساه خاصة اذا كان ذلك المكان يطغى عليه الظلم من قلة تتحكم في مصائر الناس

لذلك انا انصحك اختنا الكريمة ،، اذا كان الذهاب الى ذلك المكان اختياري وتقدرين تتجنبين الذهاب له فالافضل عدم الذهاب له حرصا على صحتك وكرامتك

اما اذا كان الذهاب الى ذلك المكان شر لابد منه ،، فلتذهبي اليه مرفوعة الرأس وبثقة عالية وحطي عينك بعين الكل دون ان تعطي شعورا بالانكسار وذلك كفيل بان تكسري عين اللي تسبب لك في معاناتك ،، وحاولي انك ماتتحدثين عن اللي حصل او تبرير اي شي،، لان الجميع يعرفون الحقيقة ومافي داعي اعادة فتح الجروح من جديد

والله اعلم

[الحياة الخالدة]

ليش تنسين ؟؟ .. عشان تعيدين الخطأ مرة ثانية ؟؟

و هل كل حدث ارتبط بمكان يعتبر خطأ ؟؟
ممكن يصح كلامج أختي سويت نسبياً في الأمور اللي كان ممكن تجنبها ( ولو إنها أيضاً تدخل في قائمة المقدر و المكتوب )
لكن الأمور القهرية نبقى قدامها عاجزين
و يبقى الذهاب إلى بعض الأماكن حتمي و ضروري .. سواء شئنا أم أبينا

حياج الله عزيزتي

[المحاميه]

احنا مؤمنين بهالشي أختي المحامية
وما عندنا أدنى شك في القضاء و القدر
و عارفين إن المكان ماله خص بالحدث سواء كان الحدث سعيد أو سيء .. و التشاؤم و الطيرة بعيد عن منهجنا و اعتقادنا كل البعد ولله الحمد و الشكر
الكلام مو عن التفاؤل و التشاؤم بخصوص الاماكن
الكلام عن ارتباط المكان بذكرى الحدث أو الناس اللي أساءت لنا
شكراً للمشاركة

مرحبا ..

فاهمه عليج .. انا فعلاً مريت بحدث سيء جداً ووضع لا أحسد عليه
وارتبط الحدث بمكان واشياء
ولكني بفضل من الله .. تجاوزته ف وقت وجيز
فقط ثق بالله ..

[الحياة الخالدة]

الذكرى تبقى على حسب الشخص مش الحدث نفسه ..
في اللي ينسى .. سواء مر بالخير او بالشر في هذا المكان ..
وفي ناس ماينسون .. مثلي حتى ريحه المكان تتم عالقه في ذهني ..


إي والله صدقتي أختي سارة
صح الناس يتأثرون .. لكن بدرجات مختلفة
في اللي يقدر يطنش و يتابع حياته عاادي .. ما يسمح لأي شي يوقفها .. و في نظره خلاص اللي صار صار
بالمقابل و على النقيض .. في غيرهم اللي يوقفون عند نقطة وحدة ما يقدرون يتخطونها .. ولا يجرؤون حتى على المحاولة لفعل ذلك

تحياتي لج عزيزتي سارة