استفسار بخصوص الدريول ماعليكم امر

[desert hunter]

السلام عليكم ورحمة الله وبركاته

عندي استفسار ماعليكم امر

جبت دريول للبيت وكان عنده خبره في احد الدول الخليجيه
الرجل سواقته ممتازه واخلاقه جيده الحمدلله وتعامل جيد ويسمع الكلام ولايحاول ان يجادل يعني يبي يشتغل ويتكلم عربي بشكل جيد ولله الحمد
لكن في مشكله شوي مارقتني انه ( ضعيف ضعيف جدا في القرايه والكتابه يعني بس يهجي لا ويهجي مرات خطا)
وهاي الشي مخليني محتار اخليه ولا ارجعه يعني شلون بدل كل مكان احين صارلي اسبوع معاه احاول اطلع واوديه كل مكان وشوي شوي توا بدا يدل
لكن بعدين كيف اتصرف معاه لو مايعرف يقرا اسماء الاماكن هل راح يحفظ بروحه ؟ ولا شلون ؟

فحبيت اسمع رايكم بما ان بعض منكم عنده خبره مع السواقين ويعرف كيف يتعامل معاهم او مر عليهم سائق بهذا التصور

وشكرا لكم مقدما

[بصمة قطرية]

أعتقد سالفة القراية ما لها أي علاقة
ماذكر دريوليتنا قبل يعرفون يقرون
أهم شي فطانته
يستوعب و يركز خلاص
اش تبي في القراية ..!!!

[سليمان احمد]

كسائق هو فقط محتاج الى درايه وسواقه راكده

دامه يعرف يسوق واخلاق جيده ويبي يشتغل ويترزق الله

وانت لمست هالشي منه ما اعتقد ان القراءه مهمه كمهنة سائق

والله اجيب سائق اخلاقه زينه وامين ويجيد القياده هذي مهارات تكفي انك تخليه

الرجال ماهو مدرس سايق ف اعتقد تخليه وتحافظ عليه افضل من انك تقعد بدون سايق

وتدور سايق مؤقت ولا تضطر تقدم على سايق جديد وتتخسر

[Abdulraman]

واشدخل القرايه والكتابه في السواقه انت تبيه مدرس يدرس عيالك ولا يوصلهم

[desert hunter]

أعتقد سالفة القراية ما لها أي علاقة
ماذكر دريوليتنا قبل يعرفون يقرون
أهم شي فطانته
يستوعب و يركز خلاص
اش تبي في القراية ..!!!

عليكم السلام اختي الكريمه
القراءه احتاجها مثلا عشان يدل المكان ولا يخربط مثلا اقوله روح الغرافه المكان الفلاني وجيبلي هالشي هل راح يقدر يعرف المكان
وهو مايعرف يقرا فقط

وشكرا جزيلا

[desert hunter]

كسائق هو فقط محتاج الى درايه وسواقه راكده

دامه يعرف يسوق واخلاق جيده ويبي يشتغل ويترزق الله

وانت لمست هالشي منه ما اعتقد ان القراءه مهمه كمهنة سائق

والله اجيب سائق اخلاقه زينه وامين ويجيد القياده هذي مهارات تكفي انك تخليه

الرجال ماهو مدرس سايق ف اعتقد تخليه وتحافظ عليه افضل من انك تقعد بدون سايق

وتدور سايق مؤقت ولا تضطر تقدم على سايق جديد وتتخسر

عليكم السلام سليمان
للامانه سواقته راكده
ومعاك حق مسالة البحث صعبه انا تميت انتظر شهرين عشان احصل سايق
والمشكله تكمن مثلا لو كتبت له جيبلي غرض معين وكتبت له في ورقه او مسج كيف يدبر نفسه

ولك مني جزيل الشكر

[desert hunter]

واشدخل القرايه والكتابه في السواقه انت تبيه مدرس يدرس عيالك ولا يوصلهم

لا اخي الكريم الله
القصد مثلا في قراية اسماء الشوارع الاماكن المناطق
مثلا اجيب غرض من الجمعيه هل بدل المكان ولا لا هل بيعرف يقرا اللسته ولا لا
فقط لاغير
وشكرا جزيلا

[شيخ الديرة]

السلام عليكم ورحمة الله وبركاته

عندي استفسار ماعليكم امر

جبت دريول للبيت وكان عنده خبره في احد الدول الخليجيه
الرجل سواقته ممتازه واخلاقه جيده الحمدلله وتعامل جيد ويسمع الكلام ولايحاول ان يجادل يعني يبي يشتغل ويتكلم عربي بشكل جيد ولله الحمد
لكن في مشكله شوي مارقتني انه ( ضعيف ضعيف جدا في القرايه والكتابه يعني بس يهجي لا ويهجي مرات خطا)
وهاي الشي مخليني محتار اخليه ولا ارجعه يعني شلون بدل كل مكان احين صارلي اسبوع معاه احاول اطلع واوديه كل مكان وشوي شوي توا بدا يدل
لكن بعدين كيف اتصرف معاه لو مايعرف يقرا اسماء الاماكن هل راح يحفظ بروحه ؟ ولا شلون ؟

فحبيت اسمع رايكم بما ان بعض منكم عنده خبره مع السواقين ويعرف كيف يتعامل معاهم او مر عليهم سائق بهذا التصور

وشكرا لكم مقدما

لا تضيعه, عملة نادرة الحين.
بالنسبة للسياقة, علمه شنون يتبع جهاز الجي بي أس, عندك الموبايل او تشتريله جهاز ب 700 ريال اذا السياره ما بيها
بالنسبة للتسوق, سويله صورة من الأنترنت
اذا عنده وتس ويعرف يستخدمه, امرك يسهل بعون الله

[BUHASSEN]

يارجال الافتات تضيع اكثر من ما تدل خلها علي ربك لايقراها احسن


يمين يسار سيده وتمشي الامور مب لازم يقرا

واذا ماتبيه طرشه صوبي

[sweet qatar]

لا تحاتي اخوي مشكلته هينه


احنا كان عندنا سايق قدراته محدودة ،، علمناه و استوى من احسن ما يكون

و بعد ما بين في عينه راح و ما رجع :)

[لـبـيـه]

تبي الصج احمد ربك ان عندك واحد بذي المواصفات واذا ماتبيه راسلني انا ابيه

[لـبـيـه]

لا تحاتي اخوي مشكلته هينه


احنا كان عندنا سايق قدراته محدودة ،، علمناه و استوى من احسن ما يكون

و بعد ما بين في عينه راح و ما رجع :)

من كثر الطراقات الي تجيه من ورى السايق اكيد :tease:

[desert hunter]

لا تضيعه, عملة نادرة الحين.
بالنسبة للسياقة, علمه شنون يتبع جهاز الجي بي أس, عندك الموبايل او تشتريله جهاز ب 700 ريال اذا السياره ما بيها
بالنسبة للتسوق, سويله صورة من الأنترنت
اذا عنده وتس ويعرف يستخدمه, امرك يسهل بعون الله

عليك السلام اخي الكريم
شكرا ماقصرت على هالنصايح الطيبه ويعطيك العافيه
بالنسبه للجي بي اس المشكله انها مايعرف القرايه فاني اعلمه شلون يستعمل هاي بروحها سالفه ثانيه لكن بحاول ان شا الله
وفكرة الصور فكره حلوه مافكرت فيها اشكرك عليها :)
الواتس ماعتقد يعرفله لكن بحاول اعلمه على ال voice messege وانه يبعث صور هاي بهون علي اشيا كثيره بعد
شكرا وبارك الله فيك

[desert hunter]

يارجال الافتات تضيع اكثر من ما تدل خلها علي ربك لايقراها احسن
يمين يسار سيده وتمشي الامور مب لازم يقرا
واذا ماتبيه طرشه صوبي

في هذي معاك حق خصوصا مع اسماء الشوارع اللي عندنا حتى الياباني يتخربط فيهم
بجربه لفتره وان شا ء الله يكون زين
هو المشكله امتحان الاشارات لازم كمبيوتر وهو مايعرف له بحكم عدم قرائته وهذي مشكله اتمنى الضابط يمتحنه امتحان نفس النظام القديم
يعطيك العافيه اخي الكريم ماقصرت على النصيحه :)

[desert hunter]

لا تحاتي اخوي مشكلته هينه
احنا كان عندنا سايق قدراته محدودة ،، علمناه و استوى من احسن ما يكون
و بعد ما بين في عينه راح و ما رجع :)

الله يسمع منج اختي اتمنى يكون كذلك وللاسف هاي اللي عندكم ماقدر النعمه والله يكتب لكم اجر ماعلمتوه ويعوضكم باحسن منه يارب

[desert hunter]

تبي الصج احمد ربك ان عندك واحد بذي المواصفات واذا ماتبيه راسلني انا ابيه

الحمدلله

كلامك صحيح والله انا بس اللي كنت احاتيه وايد مشكلة القراءه لكن تتدبر ان شا الله
يعطيك العافيه اخي الكريم ماقصرت على النصيحه الطيبه

[desert hunter]

من كثر الطراقات الي تجيه من ورى السايق اكيد :tease:

:tomato:

[العقل المدمر]

بسيطة
انت علمه يقرا او شوف حد يعلمه واكسب فيه اجر :)

[desert hunter]

بسيطة
انت علمه يقرا او شوف حد يعلمه واكسب فيه اجر :)

هذي ناوي عليه اخي الكريم :)
بس خوفي انه بسبب عدم القرايه مايدل بسرعه فقط

[شيخ الديرة]

عليك السلام اخي الكريم
شكرا ماقصرت على هالنصايح الطيبه ويعطيك العافيه
بالنسبه للجي بي اس المشكله انها مايعرف القرايه فاني اعلمه شلون يستعمل هاي بروحها سالفه ثانيه لكن بحاول ان شا الله
وفكرة الصور فكره حلوه مافكرت فيها اشكرك عليها :)
الواتس ماعتقد يعرفله لكن بحاول اعلمه على ال voice messege وانه يبعث صور هاي بهون علي اشيا كثيره بعد
شكرا وبارك الله فيك

ويبارك فيك

سايقنا لما نريد نبعثه على شي ليس من السهل معرفته, احنا موصين الخدامة ان تحتفظ بكيس الحاجة او علبتها لما تخلص, لذك لما يروح يستوق ياخذ مع قائمة التسوق كم ورقة وكم علبة فارغة ولما يروح للجمعية هم يبتلون بيه :shy:

بالنسبة لل جي بي أس, يكون مفيد لما تحط له الموقع وهو بالبيت, ويتبع التعليمات الصوتية, ما يحتاج غير شهر تدريب ويقوم يروح مكانات حتى انت ما تعرفها وين :shy:

[desert hunter]

ويبارك فيك

سايقنا لما نريد نبعثه على شي ليس من السهل معرفته, احنا موصين الخدامة ان تحتفظ بكيس الحاجة او علبتها لما تخلص, لذك لما يروح يستوق ياخذ مع قائمة التسوق كم ورقة وكم علبة فارغة ولما يروح للجمعية هم يبتلون بيه :shy:

بالنسبة لل جي بي أس, يكون مفيد لما تحط له الموقع وهو بالبيت, ويتبع التعليمات الصوتية, ما يحتاج غير شهر تدريب ويقوم يروح مكانات حتى انت ما تعرفها وين :shy:

والله افكار جيده اشكرك عليها ياخوي خصوصا ان هاي اول مره اجيب دريول ماقصرت :)
المشكله في الجي بي اس هو مايعرف يستعمل الجوال لانه مايعرف يقرا هاي المعضله لكن لازم اعلمه شوي شوي عليه ان شا الله
والاماكن احين صارله اسبوع لحين مايدل عدل
بالعاده كم تقريبا عشان يدل معدل اسبوعين , 3 ولا شهر او شهر ونص تقريبا ؟
وتسلم وماتقصر

[sweet qatar]

من كثر الطراقات الي تجيه من ورى السايق اكيد :tease:


اي طراقات !!

انا ما ركبت معاه الا عقب سنه لا و مغمضه طول الطريق
واقرا قران


الله يسمع منج اختي اتمنى يكون كذلك وللاسف هاي اللي عندكم ماقدر النعمه والله يكتب لكم اجر ماعلمتوه ويعوضكم باحسن منه يارب


آمين و يبارك لكم في الدريول
يعطيكم خيره ويكفيكم شره



ومافي وقت معين لين يدل

الله يسهلها

[mr. abdulla]

السلام عليكم اخوي .. الدريول شكله ما منه فايدة ... عطني إياه يشتغل عندي سنتين و ان شاء الله اعلمه يقرأ 😀

[شيخ الديرة]

والله افكار جيده اشكرك عليها ياخوي خصوصا ان هاي اول مره اجيب دريول ماقصرت :)
المشكله في الجي بي اس هو مايعرف يستعمل الجوال لانه مايعرف يقرا هاي المعضله لكن لازم اعلمه شوي شوي عليه ان شا الله
والاماكن احين صارله اسبوع لحين مايدل عدل
بالعاده كم تقريبا عشان يدل معدل اسبوعين , 3 ولا شهر او شهر ونص تقريبا ؟
وتسلم وماتقصر

أسبوع وللحين مايدل عدل ؟؟ مثل ماقالو الاعضاء هذا ما بيه فايده, سوي عليه مزايده هنا بالمنتدى وسعره يجيبلك ملايين بس :shy:

لا يا خوي اسبوع قليل, اتصور نفسك الحين احطك بمدينة صغيرة بالصين, تعرف المكانات بأسبوع؟ (الا اذا تعرف تقره صيني)

الفتره تعتمد على كم مكان يروحله, المدارس الجمعيات الأصدقاء الأقارب المجمعات وغيرها, حط يوم لكل مكان, وشوف كم يوم تحتاج

أصبر معه, هو سوف يقدر لك ذلك على المدى البعيد, وان شاء الله يوفقكم لبعض

اوصيك انك لما تدليه على مكان, أطلب منه يردد أسم المكان, يعني لما توديه فلاجيو, كرر الكلمة له وخل هو يردها لك عدل, حتى بالمستقبل يربط الأسم بالمكان, وكذلك أسماء بيت فلان وبيت أبو فلان وكذا ....

[السيف5]

عندي دريول هندي صار له عندي 7 سنوات

مايعرف شي أمي ...فعلا اول ماجا تعبنا معاه وايد بحفظ الاماكن

لكن مع كثرة التردد على الاماكن خلاص حفظها

احتفظ به خلال شهور بتلاقيه عارف الدوحة بكبرها

[خوي الدرب]

70% من الخدم اللي جبناهم سواء دريولية أو خدم بيوت
لايقرأ ولا يكتب
وبالمجمل طلعوا أفضل من المتعلمين