يا حبيبتي مو بالغصب ..

[الحياة الخالدة]

السلام عليكم و رحمة الله

محد فينا يكره عمل الخير .. و كل خير نسويه بإذن الله بينرد لنا مضاعف
سواءً في الدنيا أو الآخرة
و سواءً في أنفسنا .. أو فيمن يعز علينا

عندي صديقتي في الدوام .. تحب تسوي الخير من صدقات و وقف و تجميع حق المحتاجين و ختمة قرآن و غيرها و غيرها
جزاها الله خير و في ميزان حسناتها .. و الدال على الخير كفاعله
لكنها تصر على تجميع الفلوس كل شهر و كل مرة تكرر نفس الكلام
طيب احنا شاركنا مرة و مرتين .. بس السالفة مو بالغصب
و يمكن احنا نسوي أمور محد يدري عنها
في ناس ما يقدرون كل شهر .. وهي مصرة كل شهر نفس السالفة

أبي أنصحها و اوصل لها الرسالة بطريقة ما تجرحها .. ولا أبين فيها إني أنا اللي ماحب الخير أو أمنعها منه

سؤالي : شلون ؟؟
اللي يقدر يفيدني جزاه الله خير

ملاحظة : ( الموضوع يخص رفيجتي و هي طلبت مني أنزله عشان تستفيد )

[بصمة قطرية]

تقول لها جزاج الله خير ما تقصرين على اللي تسوينه
بإذن الله كله في ميزان حسناتج ..
وتقول لها ابي أقول لج نقطه افهمي اللي اقصده
و لا تزعلين مني ..
الصدقات مش بهالطريقة مش بالطلب و الغصب ..
لا تحرجين نفسج و تجبرين حد
أولاً ممكن تسمعين كلمة تضايقج ..
ثانياً إنتي ما تعرفين ظروف الناس
و مب ملزومين يعطونج
فلا تحرجين عمرج ..
لازم تعطيها كاش عشان تعرف..

[الحياة الخالدة]

كلام جميل و موزون في هالجو الحلو
يزاج الله خير و ربي يسعدج

[المحاميه]

تقولها جزاج الله خير
اسمحيلي هالشهر ظروف وماقدر ان شاء الله الشهر الجاي

:nice:

[الدكتور عزوز]

مثلا يعني

تقولين لها أنا اعرف ناس محتاجة احب اساعدهم بطريقتي وبحسب مقدرتي وهذا الشهر قمت بالواجب معهم ، إذا رغبت الشهر الجاي اني اساعد اللي من طرفج راح ابلغج وأنا اكيد ما راح اقصر مع اي احد محتاج واقدر اساعده

[qatarman8008]

اول شي لازم نعرف حق من تروح الصدقات..
الاغلب انها تروح لناس محتاجين ولكن يفضل معرفة من تروح له الصدقات..
يعني مثلا نعطي مال وقف وختم قران وننسى اللي مو لاقيين ياكلون..
ثاني شي.. هي جزاها الله خير على اللي تسويه.. وفي ميزان حسناتها والله يكثر من امثالها..
يمكن تفاعلت كثير مع ضروف المحتاجين وهالتفاعل خلاها تلح وتصر..
يمكن كان اسلوب الالحاح في غير محله..
خصوصا ان الصدقات هذي تخرج من الشخص بطيب نفس مو بالحاح..
الحل.. انه يتم الاتفاق على تخصيص مبلغ كل شهر حتى لو بسيط.. مية ريال مثلا..
ويتم دفعها مع نزول الراتب بدون ما تجي هي وتذكركم او تلح عليكم..
وترى المية ريال هاليومين ولاشي.. عشى شخصين في مطعم يطلع باكثر من ميتين..

[Charisma]

اختيار وحده صاحبة كلمة وقبول ، وتكلمها على انفراد ، وبأسلوب ، ويفضل ان تبدأ بالثناء عليها وعلى ماتقوم به من خير ، وثم التوضيح مع الأستعانة ببعض الاحاديث والآيات :




ويُروى عن ابن عباس - رضِي الله عنهما - أنَّه قال: "جَعَل اللهُ صدقةَ السِّر في التطوع تفضل على علانيتها سبعين ضعفًا، وجعل صدقةَ الفريضة علانيتها أفضل من سِرِّها بخمسة وعشرين ضعفًا"



قال تعالى {إِن تُبْدُوا الصَّدَقَاتِ فَنِعِمَّا هِيَ وَإِن تُخْفُوهَا وَتُؤْتُوهَا الْفُقَرَاءَ فَهُوَ خَيْرٌ لُّكُمْ وَيُكَفِّرُ عَنكُم مِّن سَيِّئَاتِكُمْ وَاللَّهُ بِمَا تَعْمَلُونَ خَبِيرٌ}


عن النبي ‏ ‏صلى الله عليه وسلم ‏ ‏قال ‏ ( ‏سبعة يظلهم الله تعالى في ظله يوم لا ظل إلا ظله إمام عدل وشاب نشأ في عبادة الله ورجل قلبه معلق في المساجد ورجلان تحابا في الله اجتمعا عليه وتفرقا عليه ورجل دعته امرأة ذات منصب وجمال فقال إني أخاف الله ورجل تصدق بصدقة فأخفاها حتى لا تعلم شماله ما تنفق يمينه ورجل ذكر الله خاليا ففاضت عيناه )


إن أستمر الوضع ، فالأمر يرجع لهم في مواصلة التصدق او الأعتذار منها مع شكرها على أهتمامها في فعل الخير .



مجرد رأي.

[الحياة الخالدة]

المحامية
الدكتور عزوز
قطرمان
و أخوي بايلوت
مشاركاتكم جداً مفيدة و بإذن الله راح تستفيد منها صديقتي في إيصال الرسالة المطلوبة

لا خلا ولا عدم

[حليتان*]

خل هالشهر رفيجتج هي الي تجمع الفلوس والشهر الي عقبه والي عقبه والي عقبه

واذا قالت لها لا خل تقولها في ناس اعرفهم محتاجين وابي اساعدهم وتكرر العملية لمدة 3 شهور وهذيج بتحس بالموضوع :nice:

[الحياة الخالدة]

خل هالشهر رفيجتج هي الي تجمع الفلوس والشهر الي عقبه والي عقبه والي عقبه

واذا قالت لها لا خل تقولها في ناس اعرفهم محتاجين وابي اساعدهم وتكرر العملية لمدة 3 شهور وهذيج بتحس بالموضوع :nice:

ومن له حيلة فليحتال
اقتراح جميل .. بس الخوف انها تقول تبين تاخذين الأجر عتي

شكراً أماف

[Rider]

بأختصار شديد لا يجوز لي شخص جمع الصدقات والتبرعات من غير أذن رسمي من الجهات المختصه ويوجد هناك تعميم رسمي بهذا الموضوع
يعني مع احترامي الشديد لصديقتج هل يوجد عندها اذن رسمي بجمع التبرعات والصدقات

[بصمة قطرية]

بأختصار شديد لا يجوز لي شخص جمع الصدقات والتبرعات من غير أذن رسمي من الجهات المختصه ويوجد هناك تعميم رسمي بهذا الموضوع
يعني مع احترامي الشديد لصديقتج هل يوجد عندها اذن رسمي بجمع التبرعات والصدقات

و ممكن يسحبونها و يحققون معاها ..
هالرد ذكرني بموقف صار لوحدة
كانت تجمع التبرعات مسكوها وحققوا معاها ..!!
و كان أول سؤال :
لمن و عندج ورقة من جمعية خيرية ..!!
جارتي قالت لي هالكلام في رمضان اللي طاف ..
ما يحق لأي شخص يجمع التبرعات بدون أذن وسمي
أو ورقة تثبت ..

[عابر سبيل]

"
ما أخذ بسيف الحياء فهو حرام
"

قول مأثور تكلم فيه العلماء كثيرا
و بالبحث ستتضح معانيه..

فالحدث الذي تضعينه امامنا.. هو في ظاهره
تبرع/صدقة.. و لكن في حقيقته امر قهري..

فالمسألة فيها جانبين..
جانب الذي يحرج الناس..
وهو ما ينطبق عليه القول المأثور اعلاه

و جانب بالمتبرع الذي يُخرج ماله في صورة صدقة
و لكن قلبه او نيته تكون غير صافية/خالصة
بل مشوبة بسيف الحياء او لعدم الظهور بصورة الشاذ...الخ الخ الخ..

فموقف(المتبرع) هنا ربما يكون اخطر من موقف ذلك الذي يحرج
الناس..

فالعمل الخيري/الصدقة
هي ليست حالة من حالات المجاملات الاجتماعية
التي قد تحتمل مثل هذه المشاعر/النوايا
"المتناقضة"..

فكثيرا ما يعترضنا هكذا امر..
و علينا تدريب انفسنا ان لا نتهاون
في حقيقة النية عندما يتعلق الامر بالعبادات و الصدقات و اعمال التطوع..
فلا مجال للمجاملة في هكذا امر..
فليوقف احدنا نفسه
او اي احد يجرها لهذا الدهليز الخطير
الذي يخبب الاعمال و يدخل المرء في مجالات ضارة وفيها وزر(عافانا الله و غفر لنا)..

والله المستعان

[الحياة الخالدة]

بأختصار شديد لا يجوز لي شخص جمع الصدقات والتبرعات من غير أذن رسمي من الجهات المختصه ويوجد هناك تعميم رسمي بهذا الموضوع
يعني مع احترامي الشديد لصديقتج هل يوجد عندها اذن رسمي بجمع التبرعات والصدقات

والله ياخوي
نفس ما ذكرت في نهاية موضوعي : السالفة ما تخصني
لكن صديقتي طلبت مني أنزل هالموضوع

لكن النقطة اللي تفضلت بذكرها جداً مهمة و ينبغي التنبه لها
و ياكثر اللي يجمعون التبرعات من غير إذن رسمي
لكن شنقول : الله يعطي كل واحد على قد نيته

جزاك الله خير

[Dana’1]

طالما هي تسعى للخير وجهة العمل ماعندها مانع
تقولها وبطريقه مباشره
جزاك الله خير إنتي عليك تعلنين بجمع تبرعات لمدة معينه مثلا يومين او تكتبينها بلوحه وتخصص لها زاويه او غيره هي تدبر عمرها
وبس من يحط فلوس زين وإلي مايحط ماتكلمينه وتخرجينه
والله يكتب لنا ولك الأجر

[شبح الصمت]

بأختصار شديد لا يجوز لي شخص جمع الصدقات والتبرعات من غير أذن رسمي من الجهات المختصه ويوجد هناك تعميم رسمي بهذا الموضوع
يعني مع احترامي الشديد لصديقتج هل يوجد عندها اذن رسمي بجمع التبرعات والصدقات



ما نقدر نمنع الخير عن الناس المحتاجه ..

ولكن صحيح كلامك الحين الوضع تغير
صار اي جمع تبرعات لاي شخص او مشروع او اياً كان يحتاج إلى موافقة ..
واتكلم عن الناس الي تفتر وتطلب مساعدة او تطلب دعم مالي او غيره من دون موافقة ..

ولكن وضع الاخت يختلف لمعرفتها بمن حولها


فاذا انا واثق من نفسي واعرف لين وين راح يصل المال لمستحقينه وعندي اثبتات فليش اخاف

اما في حال اني ولا سمح الله اجمع لصالح ناس ما اعرفهم فهذه راح ادخلني في اشكالية ..

فانا معاها وضدها
والله يغفر لنا ولكم

[R 7 A L]

استغفر الله هنا يحس الواحد انه ماتصدق

[Rider]

ما نقدر نمنع الخير عن الناس المحتاجه ..

ولكن صحيح كلامك الحين الوضع تغير
صار اي جمع تبرعات لاي شخص او مشروع او اياً كان يحتاج إلى موافقة ..
واتكلم عن الناس الي تفتر وتطلب مساعدة او تطلب دعم مالي او غيره من دون موافقة ..

ولكن وضع الاخت يختلف لمعرفتها بمن حولها


فاذا انا واثق من نفسي واعرف لين وين راح يصل المال لمستحقينه وعندي اثبتات فليش اخاف

اما في حال اني ولا سمح الله اجمع لصالح ناس ما اعرفهم فهذه راح ادخلني في اشكالية ..

فانا معاها وضدها
والله يغفر لنا ولكم
اخوي مايختلف لو حد بلغ عليها بتدخل في سين وجيم بعدين مثل ماقالت الاخت صاحبة الموضوع انها دائما تطلب منهم هالشي

[بصمة قطرية]

اخوي مايختلف لو حد بلغ عليها بتدخل في سين وجيم بعدين مثل ماقالت الاخت صاحبة الموضوع انها دائما تطلب منهم هالشي


قانونياً هي الغلطانة
ما عندها شي رسمي
و ممكن تتوهق و تدخل تحقيق ..
المفروض تنتبه لهالنقطه ..

[شبح الصمت]

اخوي مايختلف لو حد بلغ عليها بتدخل في سين وجيم بعدين مثل ماقالت الاخت صاحبة الموضوع انها دائما تطلب منهم هالشي


كلن وعلى حسب سمعته هالانسانه اشلون معروفه بين العرب

بفعل الخير وسعيها له
او اطلعت مره وحده وقامت تجمع اهنيه نحط عليها علامة استفهام .؟؟

[معماري قطري]

كنت افكر اسوي مثلها وخلاص كنسلت

[امـ حمد]

تقول لها جزاج الله خير ما تقصرين على اللي تسوينه
بإذن الله كله في ميزان حسناتج ..
وتقول لها ابي أقول لج نقطه افهمي اللي اقصده
و لا تزعلين مني ..
الصدقات مش بهالطريقة مش بالطلب و الغصب ..
لا تحرجين نفسج و تجبرين حد
أولاً ممكن تسمعين كلمة تضايقج ..
ثانياً إنتي ما تعرفين ظروف الناس
و مب ملزومين يعطونج
فلا تحرجين عمرج ..
لازم تعطيها كاش عشان تعرف..



كلام صحيح ،وبعد قولي لها حنا نطلع صدقات وبيننا وبين الله سبحانه وتعالى ماحد يدري فيها
حنا في فريجنا كل اسبوع في درس ديني وصاحبة البيت حاطه صندوق حق التبرعات والصدقات ولا تبي تحط في الصندوق تحط ماحد يغصب حد هذه حريه شخصية وكل انسان وظروفه

[الحياة الخالدة]

طالما هي تسعى للخير وجهة العمل ماعندها مانع
تقولها وبطريقه مباشره
جزاك الله خير إنتي عليك تعلنين بجمع تبرعات لمدة معينه مثلا يومين او تكتبينها بلوحه وتخصص لها زاويه او غيره هي تدبر عمرها
وبس من يحط فلوس زين وإلي مايحط ماتكلمينه وتخرجينه
والله يكتب لنا ولك الأجر

يعني أختي ديور لازم جهة العمل تكون على علم بالموضوع ؟؟

[بانغ بانغ]

هالايام الواحد لازم ايعرف مصداقية اللي ايجمع فلوس والجهة المتبرع لها

الداعشيات امنثرات ....

تحملي الحياة ....

[R 7 A L]

اتمنى
ان تتوقف هذة التصرفات الفردية
نحن في دولة نظام وقانون والجمعيات الخيرية في كل منطقة لهم مكتب
ومتوفرين في كل مكان
ولي يبي الخير للاسر المتعففه يدل الي يبي يتصدق مكانهم

[السيف5]

"
ما أخذ بسيف الحياء فهو حرام
"

قول مأثور تكلم فيه العلماء كثيرا
و بالبحث ستتضح معانيه..

فالحدث الذي تضعينه امامنا.. هو في ظاهره
تبرع/صدقة.. و لكن في حقيقته امر قهري..

فالمسألة فيها جانبين..
جانب الذي يحرج الناس..
وهو ما ينطبق عليه القول المأثور اعلاه

و جانب بالمتبرع الذي يُخرج ماله في صورة صدقة
و لكن قلبه او نيته تكون غير صافية/خالصة
بل مشوبة بسيف الحياء او لعدم الظهور بصورة الشاذ...الخ الخ الخ..

فموقف(المتبرع) هنا ربما يكون اخطر من موقف ذلك الذي يحرج
الناس..

فالعمل الخيري/الصدقة
هي ليست حالة من حالات المجاملات الاجتماعية
التي قد تحتمل مثل هذه المشاعر/النوايا
"المتناقضة"..

فكثيرا ما يعترضنا هكذا امر..
و علينا تدريب انفسنا ان لا نتهاون
في حقيقة النية عندما يتعلق الامر بالعبادات و الصدقات و اعمال التطوع..
فلا مجال للمجاملة في هكذا امر..
فليوقف احدنا نفسه
او اي احد يجرها لهذا الدهليز الخطير
الذي يخبب الاعمال و يدخل المرء في مجالات ضارة وفيها وزر(عافانا الله و غفر لنا)..

والله المستعان

اعجبني جدا هذا الرد

[qatara]

الله يجزيها خير كان توصل للمستحقيين مهب حرام ولا خساره
و خيركم خيركم لاهله

[naklan]

اتمنى
ان تتوقف هذة التصرفات الفردية
نحن في دولة نظام وقانون والجمعيات الخيرية في كل منطقة لهم مكتب
ومتوفرين في كل مكان
ولي يبي الخير للاسر المتعففه يدل الي يبي يتصدق مكانهم

هههههه نعم يصير المفروض هي تتصدق وتزكي بمعرفتها ضمان لوصول المال
لمستحقيه الحياة الضاهر يتلقونها الشهر الجاي شارية رنج سوبر جارج
ههههه ليس لسحب الثقة من الجميع ولكن اضمن نفسي اكثر من
اي حد واتصدق بطريقتي ولا من شاف ولا من درى

[naklan]

لو كنت مكانك لبلغت الشرطة عليها للمراقبة امرها مريب جدا
ويمكن تكون داعشية المعروف ان الصدقات تروح للجمعيات الخيرية
وتوزع في الداخل والخارج بمعرفتهم وبمراقبة حكومية يعني
تصل لايدي امينة يعني ما فيه مجال للتلاعب والشبهة

[R 7 A L]

الله يجزيها خير كان توصل للمستحقيين مهب حرام ولا خساره
و خيركم خيركم لاهله

وش بيضمن لي انها بتوصلها؟

[R 7 A L]

هههههه نعم يصير المفروض هي تتصدق وتزكي بمعرفتها ضمان لوصول المال
لمستحقيه الحياة الضاهر يتلقونها الشهر الجاي شارية رنج سوبر جارج
ههههه ليس لسحب الثقة من الجميع ولكن اضمن نفسي اكثر من
اي حد واتصدق بطريقتي ولا من شاف ولا من درى

ياخي حنا في دولة صغيرة
واضمن لك من بيتك لصناديق الجمعيات الخيرية ماراح ياخذ عشر دقايق ف ليش نعطيها ناس ماندري وين توديها

[durra]

يعني الاخت تتكلم عن وحدة تغصبهم على دفع تبرعات
وانتوا قمتوا تشككون بنوايا الناس..وداعش ما داعش
هي تصرفها غلط، اكيد.. الا فعل الخير مب لازم يكون بالعلن
ويمكن الاخوات يتصدقون بالسر وعندهم التزامات ومايقدرون..

اما بعضكم يقرر انه لازم يبلغون عليها، وداعشية وما ادري شنو وان التبرع لازم عن طريقة جهة خيرية..الي الله اعلم وين يصرفونها..
كل انسان حر في كيفية التصرف بماله، بما انه مايخالف القوانين،وبعدين الرقابة المالية عندنا قوية، يعني فيه مراقبة للتحويلات وغيرها..

[R 7 A L]

يعني الاخت تتكلم عن وحدة تغصبهم على دفع تبرعات
وانتوا قمتوا تشككون بنوايا الناس..وداعش ما داعش
هي تصرفها غلط، اكيد.. الا فعل الخير مب لازم يكون بالعلن
ويمكن الاخوات يتصدقون بالسر وعندهم التزامات ومايقدرون..

اما بعضكم يقرر انه لازم يبلغون عليها، وداعشية وما ادري شنو وان التبرع لازم عن طريقة جهة خيرية..الي الله اعلم وين يصرفونها..
كل انسان حر في كيفية التصرف بماله، بما انه مايخالف القوانين،وبعدين الرقابة المالية عندنا قوية، يعني فيه مراقبة للتحويلات وغيرها..

هذا انت زين شككت في جمعياتنا الخيرية الرسمية

[naklan]

يعني الاخت تتكلم عن وحدة تغصبهم على دفع تبرعات
وانتوا قمتوا تشككون بنوايا الناس..وداعش ما داعش
هي تصرفها غلط، اكيد.. الا فعل الخير مب لازم يكون بالعلن
ويمكن الاخوات يتصدقون بالسر وعندهم التزامات ومايقدرون..

اما بعضكم يقرر انه لازم يبلغون عليها، وداعشية وما ادري شنو وان التبرع لازم عن طريقة جهة خيرية..الي الله اعلم وين يصرفونها..
كل انسان حر في كيفية التصرف بماله، بما انه مايخالف القوانين،وبعدين الرقابة المالية عندنا قوية، يعني فيه مراقبة للتحويلات وغيرها..


لا اختي الكريمة هي ليست حرة في أموال الناس هي حرة في مالها واما جمع التبرعات
ما يصير من هب ودب يجمع أموال باسم فعل الخير والصدقات الاشرار لم يدعو باب مفتوح
للخير مليت بالجرائم والتدليس ودعم الاٍرهاب ومراقبة الدولة ما راح تظر الا مدعي الاسلام
من دواعش وغيرهم ومثل ما قال المثل الي على راْسه بطحة يحسس عليها

[durra]

كل انسان حر في رأيه..
وما شككنا، قلنا الله اعلم وين يصرفونها.. ومصارف الزكاة ثمانية..والشفافية في توزيعها مفقودة..
ومانبي نطلع بره الموضوع

[R 7 A L]

كل انسان حر في رأيه..
وما شككنا، قلنا الله اعلم وين يصرفونها.. ومصارف الزكاة ثمانية..والشفافية في توزيعها مفقودة..
ومانبي نطلع بره الموضوع

اكيد كلاً حر في رأيه
بس ( الله أعلم وين يصرفونها ) ماتحتاج لتوضيح واضحه
والشفافيه مفقودة كذا واضحه
اذا كان عندك دليل انها ماتصرف في المكان الصحيح خبرنا وقول لنا وعطنا الدليل جزاك الله خير

[durra]

لا اختي الكريمة هي ليست حرة في أموال الناس هي حرة في مالها واما جمع التبرعات
ما يصير من هب ودب يجمع أموال باسم فعل الخير والصدقات الاشرار لم يدعو باب مفتوح
للخير مليت بالجرائم والتدليس ودعم الاٍرهاب ومراقبة الدولة ما راح تظر الا مدعي الاسلام
من دواعش وغيرهم ومثل ما قال المثل الي على راْسه بطحة يحسس عليها

اخوي كلامي ماكان عنها، انا تكلمت ان كل فرد حر في التصرف بماله.. يعني انا كإنسانه مش ملزومة اتصدق لجهة معينة فقط، يمكن عندي معارف من داخل الدولة اتصدق عليهم..

عموما، الرقابة المالية في قطر الحمدلله قوية، والله يحفظنا من كل شر

[الحياة الخالدة]

جزاكم الله خير إخواني و خواتي
صديقتي اللي طلبت مني أنزل الموضوع .. أكيد قاعدة تشوف و تقرا كل مشاركاتكم و بإذن الله تستفيد منها

بالنسبة لي أنا .. ما أعطي إلا شخص أنا متأكدة منه .. و ما مرت علي هالحالة و لله الحمد أن زميلة لنا تحطنا في موقف محرج مثل موقف رفيجتي
باب الخير مفتوح .. و ما بيننا و بين ربنا ما يعلم فيه إلا هو سبحانه
الله يتقبل من الكل .. و يبعدنا عن كل شبهة

[naklan]

اخوي كلامي ماكان عنها، انا تكلمت ان كل فرد حر في التصرف بماله.. يعني انا كإنسانه مش ملزومة اتصدق لجهة معينة فقط، يمكن عندي معارف من داخل الدولة اتصدق عليهم..

عموما، الرقابة المالية في قطر الحمدلله قوية، والله يحفظنا من كل شر

اختي ما نختلف ان كل واحد حر في ماله ولكن جمع التبرعات والصدقات
ما يصير أنا ممكن اعطي حد من جماعتي الموثوقين لبناء مسجد او غيره
من أبواب الخير واعتقد ان هذه الطريقة ممنوعة من الدولة ملايين تروح
في طرق مشبوهة لذالك نسلك الطرق الشرعية انا بأعمل مسجد في
باكستان مثلا أوقع مع جمعية خيرية واروح واشوف العمل واتطمن
ان اموالي ذهبت في باب خير وبعد ما يخلص افتتحته وبس
اما الوكالات هذي فهي امر خطير لعدم معرفة النوايا
فقد تكون تبرعت في باب شر وانت لا تدري

[qatara]

وش بيضمن لي انها بتوصلها؟

دقق لقد قلت لت ان كانت ستصل للمستحق

فمحد يقدر يمنع الخير وان منعه اثم

وكل يعمل بنيته والصدقه بنية الانسان من يدفعها وصله الاجر وفي ذمة من اخذها

[ابن التويم]

السلام عليكم

اولا اذا انتي مب حابة تتصدقين لله عن طريقها وتفضلين طرق ثانية وهي كثيرة ..
فوضحي لها بطريقة دبلوماسية مريحة من غير ماتخسرينها خصوصا انها تحب الخير وناشطة في فعل الخير ..

اما رأيي الشخصي
تصدقي شهريا ولو بمبلغ بسيط ولاتنقطعين واشكري الله انها بتجي بتذكرج في كل اول شهر .. لأنه كما قال رسول الله صلى الله عليه وسلم (... قليل متصل خير من كثير منقطع )

[معماري قطري]

هي صراحة شغلة متعبة ومرهقة ومحرجة والله يعينهم من يقومون بجمع هذه التبرعات

كثير ناس مستحقين ما ندري بهم حولنا وهم يوصلون التبرعات .. بس فيه حد بسيط فاصل والمفروض تلاحظه أو يلاحظه اللي يجمع هذي الصدقات ولا يضغط ولا يلح على الناس

[هيليوم]

اما رأيي الشخصي
تصدقي شهريا ولو بمبلغ بسيط ولاتنقطعين واشكري الله انها بتجي بتذكرج في كل اول شهر .. لأنه كما قال رسول الله صلى الله عليه وسلم (... قليل متصل خير من كثير منقطع )

فعلا مبلغ بسيط ما يكلف 150 -200 ما تضر المتبرع وتنفع المتبرع له لو كان شخص او اسرة لكن لو كانت الفلوس تروح لاهداف ثانية فالمبلغ ما يستاهل التعب في التجميع اللي تسويه الاخت وما راح تطول فيه والله اعلم

[مهرة]

..

يذكرج بالشهادة ان شاءالله مشرفتنا العزيزة,,


ذكرتيني بموظف عندنا جزاه الله خير,, بعد البروشورات وسيديات التقوى صار يرسل علينا (الأوفس بوي) بداية كل شهر ومعاه ظرف نحط فيه الي تجود به أنفسنا وطبعاً مع التوضيح ان هذي التبرعات لأرملة وام للأطفال أو يتيمة ومحتاجه مصاريف وصار لنا على هالحال 3 شهور ويجمع مبلغ طيب كونه شخص (ثقة) وله في هذا المجال مايبرهن قوة أفعاله وأقواله.!!

الشهر الرابع ويمر الظرف علينا امممممم وبعدين.! ماعندي إلا هالخمسين ماعليه ماعليه خواتي جزاكم الله خير لو ريال واحد تفرق عند الله سبحانه وتعالى والصدقة بالنية مو بالكمية طيب ان شاءالله .. وتوقفنا لبرهة:omen2: إلا صدق الظرف وين يروح عقب هاللفة الطويلة؟؟ وصدق يوصل للمستحقين؟؟ ومثل ماقلتي يالحياة السالفه مش (ولع) ومش انت الي بتقرر اني انسان خير وتقي وكرسيي محجوز في الجنة.!! بعد فترة خفت الأظرف ونفس علينا الأوفس بوي وكملنا سنة من غير ملاغة تسجيلات التقوى,, الحمدلله

وفجأة عرفنا (بالغلط) ان الموظف جزاه الله خير كان يعطي الظرف لأرملة صديقه وانها منه يتجمل على حسابنا أثابه الله:secret:



*مجرد مثال لا يحمل التعميم ولا التشخيص,,

[مهرة]

هي صراحة شغلة متعبة ومرهقة ومحرجة والله يعينهم من يقومون بجمع هذه التبرعات

كثير ناس مستحقين ما ندري بهم حولنا وهم يوصلون التبرعات .. بس فيه حد بسيط فاصل والمفروض تلاحظه أو يلاحظه اللي يجمع هذي الصدقات ولا يضغط ولا يلح على الناس


صدقت اخوي معماري الشغلة متعبة ومضنية وفيها جهاد,,

والله يذكرهم بالخير ام علي وابو علي فروع طيبة من أصل طيب المنبت وجعل أعمالهم كلها مباركة وتثقل من ميزانهم يوم الحساب وجعل من جابهم الجنة وسخر لهم من عباده الطيبين وأصلح لهم عيالهم ويرزقهم أعلى المراتب ان شاءالله,, قررت ام علي تستقيل وهي في عقدها الثالث من شغلها بعد دراسة وبحث في تفرغها لمجال التطوع وكلمت وأقنعت زوجها وماشاءالله عليه اقتنع واستقال هو بعد من شغلة ووهبوا أنفسهم لفعل الخير أينما وجد وبكل ماتجود به أنفسهم والله يبارك لهم في أعمالهم وعيالهم ,, والله يا إن وجهها منور بشوش سبحان الله وكلامها يبعث على الطمأنينة والراحة النفسية ماعرفها شفت رقمها واتصل لها كيف نقدر نتواصل عشان أعطيها المقسوم وقالت إلا اجييج دوامج انا قريبة من منطقتكم والله وتجيني لين مكتبي وتسألني اذا مافيها حرج اقوم معاها نلف على مكاتب الموظفات ومعاها ملف كامل بالمشاريع وكل ذي صلة بالأعمال الخيرية وماتتبع أي جهة أو مؤسسة حكومية من مجهودها هي وزوجها ماشاءالله عليهم وكان باقي لها ليلة وتسافر مع حملتهم الخاصة لبعض الدول المنكوبة الله يسهل دربهم ويكثر من أمثالهم ومن ذاك اليوم مابيني وبينها إلا تواصل بالواتس وان شاءالله اشوفها قريب لأن حامل المسك دوم يجذبنا يانشم ريحته يانشتري منه في كل الحالات ربحانين.,, الله يوفقهم ويسدد خطاهم .

[الماريّة]

من رايي خلوها على راحتها
والي حابه تتدصق خير وبركه والي ماتبي تعتذر منها
وفي الاول والاخير كله اجر سواء كانت صادقه والا مهب صادقه

اهم شي كسبتوا النيه نيتكم الصدقه حتى لو هي مب صادقه
الله بيكتب لك اجر نوااياكم


والله يجزيكم خير جميعا


/
/
/

[شبح الصمت]

جاني رجال واعرف هالرجال صدق محتاج وانا بروحي مقدر اساعده ومبلغه مش كبير ..

هل امشي في موضوعه وانا اقدر اخلصه واحصل له هل الخير

وافك كربته واخليه يدعي للي ساعدوه والا اتم اطالعه وهو يتخبط يمين يسار . !!


الحل منكم
للعلم الرجال المحتاج صدق محتاج ما يبي اي ريال في مخباه
بس نسدد للي يطالبونه

[عابر سبيل]

جاني رجال واعرف هالرجال صدق محتاج وانا بروحي مقدر اساعده ومبلغه مش كبير ..

هل امشي في موضوعه وانا اقدر اخلصه واحصل له هل الخير

وافك كربته واخليه يدعي للي ساعدوه والا اتم اطالعه وهو يتخبط يمين يسار . !!


الحل منكم
للعلم الرجال المحتاج صدق محتاج ما يبي اي ريال في مخباه
بس نسدد للي يطالبونه

ما يبيلها تنشدنا يا/شبح الصمت..
توكل على الله..واستحضر النيه الصافية الخالصة..
و الله ياجرك و يسد كربة رفيجك!


لو تعود للموضوع.. هو عن التكرار و احراج الناس
و التبرع بنية غير "صافية/خالصة"..

اما اللي انت تقوله.. فهذا بحسب فهمي
شي اخر.. وانت تغبط عليه.. كون ان الله
وضع في قلب هذا الشخص التوجه لك..

[ريم الشمال]

الله يجزاها خيراً التي تجمع التبرع ومن يتبرع
اعتقد والله اعلم أن هذا التبرع الشهري بداء بفكرة تحمس لها الجميع في البداية ولكن مع الاستمرارية والضغوط الحياة وايضا الشك لعدم وضوح الرؤية لدى المتبرع للجهة التي يذهب لها المال يعني انا اتبرع بس بيد غيري توصل ( ومثل ما قال احدكم أن هنا ممكن يجمل شخص ما بحساب غيره ويظهر على حساب غيره ولكن الله لا يبخسهم حقهم و اجرهم .. ولكن الناس تغيروا ويعتبروا هذا الامر سبيل للوصول والبروز كوجهاء وأهل خير على حساب غيرهم )

هناك عدة طرق طرحها الكثير من الاعضاء سبيل لأيقاف هذا الامر خاصة بعد تحوله لمشكلة بسبب الاصرار

يمكن احدها واقوها إذا كانت جهة العمل رئيسها متفهم يعني يوقف جمع التبرعات بطريقة لا يسبب الحرج للجميع بأصدار تعميم داخلي يذكر الموظفين أن جمع التبرعات دون موافقه رسمية قد يوقع من يقوم به بضرر وهنا يبرز دور صديقتك كناصح للجميع بوقف هذا العمل والذي يريد التبرع يتم بشكل رسمي .

النيات سليمة بس الاسلوب والطريقة فيها خلل

[بصمة قطرية]

جاني رجال واعرف هالرجال صدق محتاج وانا بروحي مقدر اساعده ومبلغه مش كبير ..

هل امشي في موضوعه وانا اقدر اخلصه واحصل له هل الخير

وافك كربته واخليه يدعي للي ساعدوه والا اتم اطالعه وهو يتخبط يمين يسار . !!


الحل منكم
للعلم الرجال المحتاج صدق محتاج ما يبي اي ريال في مخباه
بس نسدد للي يطالبونه


مثل ما قال لك أخوي عابر ..
توكل على الله
من فرج عن مؤمن كربة من كرب الدنيا
فرج الله عنه كربة من كرب يوم القيامة ..

إنتو بتساعدونه و بتسددون دينه
يعني تفرجون كربته ..
هالشي وايد يصير و ياما صار لنا
والحمدلله جمعنا و ساعدنا ..
أحب أساعد في هالأمور والحمدلله
من أساعد رب العالمين يسهل لي أمور كثيرة ..
إعتبروها صدقة و دفعة بلا ..
دامكم قادرين لا تترددون ..
الصدقة تدفع البلا ..

[معماري قطري]

جاني رجال واعرف هالرجال صدق محتاج وانا بروحي مقدر اساعده ومبلغه مش كبير ..

هل امشي في موضوعه وانا اقدر اخلصه واحصل له هل الخير

وافك كربته واخليه يدعي للي ساعدوه والا اتم اطالعه وهو يتخبط يمين يسار . !!


الحل منكم
للعلم الرجال المحتاج صدق محتاج ما يبي اي ريال في مخباه
بس نسدد للي يطالبونه

سويتها من فترة بسيطة وأرسلت المبلغ عن طريق البنك لأحد الإخوان وأتمنى أُموره تيسرت وبدون طلب مني واللي جمعته جزء بسيط من اللي يحتاجه

الظروف تمر بالواحد مرة ومرتين ويعرض الحالة اللي عنده ويسعى لإِنهائها .. لكن تكون هذي دوم عادة ما تنتهي وغالبية المشاكل ناس يحطون نفسهم فيها هنا يدخل الواحد في إحراج .. كانت من فترة تجينا كشوفات تبرع وتنخصم من الراتب وعن طريق العمل ومع اثباتات وتثبت من الحالة .. واللي يرغب يكتب كم بيتبرع به ويوقع وحتى لو مبلغ بسيط في النهاية يتجمع للمحتاج ويطلع له وزن .. شيء ثاني هو الدعاء للمحتاج من قبل الكل وهذا أهم وأفضل من التبرع العيني .. وبعدين ورقة وتمر على الكل اللي يبي يكتب ويوقع واللي ما يبي يمررها لغيره وبدون أي إحراج

في رأيي الورقة تنعطى لفراش أو غيره أو صندوق صغير مسكر يمر به وبدون ضغط على أحد اللي بيتصدق يتصدق واللي عنده احتياج وظروف مب متعرض لإحراج

[بوخالد911]

تقديم النصيحة بانفراد وليس أمام العلن
وبيان ان الناس لديها ظروف خاصة بهم فالبعض لا يستطيع التبرع شهرياً.

ومع انشاء هيئة تنظيم الأعمال الخيرية بقطر. لابد من الحصول مسبقا قبل جمع التبرعات وإلا ستواجه عقوبة وغرامة مالية.

تفضلوا

المادة 42


مع عدم الإخلال بأي عقوبة أشد ينص عليها قانون آخر، يُعاقب بالحبس مدة لا تجاوز ثلاث سنوات، وبالغرامة التي لا تزيد على (100,000) مائة ألف ريال، أو بإحدى هاتين العقوبتين كل من:
1- حرر أو قدم محرراً أو سجلاً مما يلزمه القانون بتقديمه يشتمل على بيانات كاذبة، مع علمه بذلك.
2- باشر نشاطاً للجمعية أو المؤسسة الخاصة الخيرية قبل تسجيلها وشهرها، طبقاً لأحكام هذا القانون.
3- باشر نشاطاً محظوراً على الجمعية أو المؤسسة الخاصة الخيرية، أو نشاطاً يخالف الغرض الذي أنشئت من أجله، أو أنفق أموالها فيما لا يحقق هذا الغرض، أو دخل بأموالها في مضاربات مالية.
4- واصل بسوء نية، نشاط جمعية أو مؤسسة خاصة خيرية، رغم صدور قرار بحلها مع علمه بذلك.
5- جمع تبرعات لحساب جمعية أو مؤسسة خاصة خيرية على خلاف أحكام هذا القانون، وفي هذه الحالة يُحكم بمصادرة التبرعات.

[متفائلة]

للتوضيح :

1- ما تفرق اذا سمعتها زينة و معروفة كجامعة للتبرعات و فيها خير او لا - و لا تفرق اذا تعرف اللي تودي لهم التبرعات او مجهولين بالنسبة لها

بيت القصيد هو القانون : هل عندها تصريح رسمي بجمع التبرعات للغرض اللي تقول عليه ام لا ؟؟؟

2- ياما ناس جمعت فلوس بعدما كسبت ثقة اللي حواليها و احنا شعب نحب الخير بطبيعتنا و عندنا حسن نية ، لكن في الحقيقة لا أحد يعرف أين ذهبت الصدقات ! في مكان عملي قبل 4 سنوات توفت عندنا موظفة فجأة في حادث ف لقينا بعد مدة صديقاتها في المدرسة يجمعون التبرعات من الكل و بشكل شبه اجباري و باستخدام سيف الحياء على ما يقولون بحجة بناء مسجد في ثوابها ، الكل حط بالرغم ان المتوفية ما كان لها علاقات زينة مع الستاف ، في الحقيقة ما عرفنا وين راحت الفلوس ولا شفنا اوراق مسجد ولا تصريح جمع ولا اي شي . اللي شفناه ان وحدة من اللي كانوا يجمعون التبرعات تم التحقيق معاها بعد سنتين بسبب تكرار السرقة لأغراض و فلوس الموظفات ! الله يستر عليها !

ف غرض القانون ليس سد باب الخير و لكن سد باب السرقات باسم الخير واللي تفسد الثقة بين الناس

الله يوفقها لعمل الخير ان كأنها على خير وصلاح و من واجبكم تعلمونها الطريقة الصحيحة اللي تجنبها المشاكل و المساءلة القانونية . في نفس الوقت شجعوها على استخدام الطرق المناسبة لفعل ذلك بحيث ما ينحرمون الناس الأجر بسبب النية و الاحساس انهم مغصوبين

[حمد 2002]

صباح الخير اختي الحياه ..

الموضوع بسيط جدا قوليلها الله يجزاج خير وماقدر اعطيج ..

بتخسرينها كصديقه خلها عااادي جدا ..

لأنه الصديق الي مايقدر ضروف رفيجه ماهوب صديق ..


شكرا ..

[الحياة الخالدة]

صباح النور جميعاً
الموضوع صار عند رفيجتي .. لأنها صاحبة المشكلة و السؤال
أثرتم نقاط مهمة جداً أتمنى الكل يحطها في الاعتبار
و شخصياً استفدت وايد من جميع المشاركات

جزاكم الله خير

[ضوى]

اكيد باقولها جزاج الله خير ، وباقولها ترا انا مب كل شهر اقدر اطلع صدقة واكيد الناس تنحرج انه كل شهر تيجين تطلبين منهم