خبراء فينا

[Rosy]

:shy:
مساء الخير , أنا رايحه فينا ل 9 ايام
ماعليكم أمر رشحو لي فنادق بفينا مجربينها ؟
وهل يستاهل اني احجز بسالزبرغ ؟ ولا تم بفينا وطلع لها الصبح ورجع المساء ؟

[غير البشر]

ياهلا ومرحبا اختي

اشرح فندق هو الماريوت
اللوبي كبير ودايم الحركه
وقدامه حديقه شتاد بارك
والغرف واسعه انا جربته قبل

http://www.booking.com/hotel/at/vienna-marriott.ar.html

فندق ثاني جربته مرغوب كثير من الشعب هههه
وهو فندق الهيلتون
مقابل فندق الماريوت وبينهم حديقه شتاد بارك

http://www.booking.com/hotel/at/hilton-vienna.ar.html?aid=356980;label=gog235jc-hotel-ar-at-viennaNmarriott-unspec-qa-com-L%3Aar-O%3Aabn-B%3Achrome-N%3AXX-S%3Abo-U%3Ac;sid=64ee438d12dff96d1bbcf4fc5878d6b7;dcid=4; atlas_src=hp_iw_title

وجنبهم ايضا فندق الانتر والريتز

اذا تبغين فندق فخم وراقي
بس عيبه صغيره اشوي
لكن موقعه خيال
مقابل مبنى الاوبرا وبدايه شارع المشاه الكيرتنر

فندق زاخر

لما تفتحين الرابط وتشوفين اول صوره هو الفندق الي عليه برع مظلات حمره
المبنى الي يبين جزء منه على اليسار هو مبنى الاوبرا
ويمين الصوره هو بدايه شاره المشاه
http://www.booking.com/hotel/at/sacher-wien.ar.html?aid=356980;label=gog235jc-hotel-ar-at-viennaNmarriott-unspec-qa-com-L%3Aar-O%3Aabn-B%3Achrome-N%3AXX-S%3Abo-U%3Ac;sid=64ee438d12dff96d1bbcf4fc5878d6b7;dcid=4; atlas_src=hp_iw_title


اخر فندق وهو لي ميرديان
هو اخر فندق سكنته في فيينا
اشوفه حلو وعجبني
مشي لين فندق زاخر وشارع المشاه تقريبا اقل من خمس دقايق

http://www.booking.com/hotel/at/le-meridien-vienna.ar.html?aid=356980;label=gog235jc-hotel-ar-at-viennaNmarriott-unspec-qa-com-L%3Aar-O%3Aabn-B%3Achrome-N%3AXX-S%3Abo-U%3Ac;sid=64ee438d12dff96d1bbcf4fc5878d6b7;dcid=1; checkin=2016-04-22;checkout=2016-04-23;dest_id=-1995499;dest_type=city;dist=0;highlighted_blocks=7 074201_82428289_2_0;room1=A%2CA;sb_price_type=tota l;srfid=f9bf0a5539acbfe381415ae092a0b8271448392bX1 ;type=total;ucfs=1&

ميزه فندق لي ميرديان ان موقعه بالنص
مابين شارع الكريتنر وشارع ماريا هيلفر
يعني تقدرين تروحين للمكانين مشي

[غير البشر]

سالزبورغ مدينه هاديه جدا
وحلوه
وتقريبا كلها بمكان واحد
من حديقه الميرابيل الى جسر فندق زاخر
وبعد الجسر تدخلين شارع التسوق والهضبه والقلعه وجوله بالنهر
وحديقه الفانتازيا

هذي سالزبورغ كلها

لكن

اذا تبغين طبيعه وبحيرات
طبعا تكسنين في زيلامسي افضل
او هالشتات
او المثلث الذهبي ( بحيره موندسي وبحيره وولف قانق وبحيره سانت جلجن )
هالبحيرات الثلاث جنب بعض
واهمها منطقه وولف قانق

[Rosy]

مشكوورين الله يجزيكم خير ,
يعني ماتستاهل المبيت ؟ تم بفينا وطلع منها

[hamad almohd]

فندق بارك حياة افخم واحلى فندق بفينا قبل شهر كنت ساكن فيه بصراحه روعه وجديد تم افتتاحه في سنة 2014 موقعه قريب الكتدرائية وفي شارع الماركات والتسوق مكانه استراتيجي

[hamad almohd]

سالزبروغ رائعة مالت يوم واحد وزيلامسي اروع مالت 3 ايام اذا حبيبتو زيارتها

[Rosy]

مشكوور اخوي حمد. يعني يوم او يومين كفايه نلف سالزبروغ.

[غير البشر]

يوم واحد كفايه تروحين فيها كل مكان

وممكن تخلين يوم ثاني حق البحيرات الثلاث وولف قانق وموندسي وسانت جلجن
وممكن يكون السكن بدل سالزبورغ في البحيرات
وتروحين سالزبورغ تلفينها وترجعين البحيرات

[بوخالد911]

كعادته
غير البشر ما يقصر مع الأعضاء.

[ذكي جدااا]

مشكوورين الله يجزيكم خير ,
يعني ماتستاهل المبيت ؟ تم بفينا وطلع منها
اولا مشرفنا ماقصر بتوضيحه لك. بس حبيت أوضح انه صعب تطلعين من فينا الى سالزبورج والرجوع بنفس اليوم لان المسافه تقريبا 400 كيلو رايحه و مثلها راجعه يعني بالقطار ثلاث ساعات رايحه وثلاث ساعات راجعه فلذلك يجب المبيت فيها واذا حبيتي ترجعين الدوحه وانتي بسالزبورج ممكن ترجعين من مطار ميونخ يبعد ساعه ونص من سالزبورج بدل ما ترجعين الى فيينا مره ثانيه. وشكرا

[Rosy]

اولا مشرفنا ماقصر بتوضيحه لك. بس حبيت أوضح انه صعب تطلعين من فينا الى سالزبورج والرجوع بنفس اليوم لان المسافه تقريبا 400 كيلو رايحه و مثلها راجعه يعني بالقطار ثلاث ساعات رايحه وثلاث ساعات راجعه فلذلك يجب المبيت فيها واذا حبيتي ترجعين الدوحه وانتي بسالزبورج ممكن ترجعين من مطار ميونخ يبعد ساعه ونص من سالزبورج بدل ما ترجعين الى فيينا مره ثانيه. وشكرا


اللي لقيته بموقع الريل الرحله 2 وثلث دايركت بس متردده بزيارتها هل تسوي او لا تستاهل المبيت او بزهق منها وخلصها بيوم

[ذكي جدااا]

اللي لقيته بموقع الريل الرحله 2 وثلث دايركت بس متردده بزيارتها هل تسوي او لا تستاهل المبيت او بزهق منها وخلصها بيوم
طبعا اذا بتروحين المدينه بتقولين ماتستاهل وتقولين ليش تعبت نفسي مشوار. اللي يروح سالزبورج اختي يزور الريف والقرى القريبه من حوالين سالزبورج يعني بالنسبه لي احتاج اربع ايام لسالزبورج يوم لاستكشاف المدينه يوم بروح زيلامسي والكابرون بروح الصبح وبرجع بالليل طبعا بالسياره 85 كيلو. يوم بروح صوب البحيرات موندسي وفوشل سي. اما أنك تتعنين يوم عشان تشوفين المدينه ما اتوقع تستاهل. ثانيا بالنسبة للعوده ممكن تحجزين من مطار ميونخ ومافي داعي انكم تبيتون بميونخ ولا ليله. من فندقكم بسالزبورج لين مطار ميونخ سيده ليموزين بياخذ 400 يورو واذا مستأجرين سياره بيكون افضل بترجعونها مطار ميونخ وتوفرون فلوس بدل الليموزينات طبعا المشوار يبي له ساعه ونص الى مطار ميونخ واذا في زحمه ممكن ساعتين المسافه تقريبا 150 كيلو

[غير البشر]

كلامك صحيح اخوي ذكي جدا يا مبدع

الطريق من فيينا الى سالزبورع اجبار يمر شمال بحيره كامدن وشرق بحيره موندسي
وتحت بحيره موندسي وجنب بعض بحيره وولف قانق وسانت جلجن

واذا تروح زيلامسي وكابرون وجنوب زيلامسي بحيره ومنطقه هالشتات الساحره
بدل سالزبورق لو تسكنين في زيلامسي او كابرون او حدى المناطق المذكوره فوق وتتمتعين بجمال الطبيعه هناك يكون افضل

[قدها وقدود]

الشباب ماقصروا

فينا حلوه وتستاهل , وسالزبورغ تستاهل المبيت , وزلامسي ممكن تروحين لها من الصبح من سالزبورغ وترجعين في نفس اليوم أو تقعدين فيها ليله عن الخاطر

بس لاتروحين سالزبورغ يوم السبت والاحد لان عندهم اجازه , وتقدرين وترجعين الدوحه من ميونخ مثل ماقال اخوي ذكي جدا

[بونووف]

فندق do&co وايد حلو في نص الساحه ديكور الغرف عجبني

[حـ ن ـيـ ن]

كعادته
غير البشر ما يقصر مع الأعضاء.

:nice::nice: