مواقف ذوي الإحتياجات الخاصة .. إختراع مذهل ..

[بصمة قطرية]

بسم الله الرحمن الرحيم
السلام عليكم ورحمة الله و بركاته

مساء الخير ..'
أمس رحت مع العيال درب الساعي ( أسبوع المرور )
تجولنا في الخيمة ..
في فعاليات حلوة وشغلات توعوية ممتازة
بس للأسف الأقبال كان قليل ..
مع إنهم مب مقصرين ..

لقت نظري مشروع لشباب من مدرسة
( مصعب بن عمير ) الثانوية ..
عبارة عن مجسم صغير فيه مواقف سيارات ..
إستفسرت عنه و شرحوا لي بالضبط
إختراعهم عبارة عن ايش ..!!
و شلون بيستفيدون منه ذوي الإحتياجات الخاصة
في المواقف ..!!
كان الشرح كالتالي :
جهاز صغير يتركب في كل المواقف الخاصة
بذوي الإحتياجات الخاصة ..
و الجهاز يكون مبرمج مع السيارة
يقرا ( الباراكود ) الموجود في السيارة
ويصف بأمان ..
يتحول اللون الأحمر في الجهاز للأخضر ..
و في حالة عدم وجود الباراكود
يعني السيارة صفت في الموقف
و هي مش تبع شخص من ذوي الإحتياجات الخاصة
في حديدة عبارة عن قفل
تسكر على السيارة من الخلف ..
وقتها يتم إرسال إشارة لفودافون
اللي بدورها ترسل مسج لأقرب دورية
تجي و تاخذ الإجراء اللازم مع الشخص المخالف ..
سألتهم هل تم تبني إختراعكم أو فكرتكم ..
قالوا الحمدلله المرور تبنت الفكرة
و بيطبقونها إن شاء الله خلال شهر ..

بصراحة شي يشكرون عليه ..

[بانغ بانغ]

ممتاز لازم حد يتبناهم من النادي العلمي ... شايفها في المانيا كأني

[المبرمج صلاح]

فكرة ممتازة
ولكني اقترح الافضل ان تكون العملية عكسية
ان الموقف لا يسمح بدخول اي سيارة الا يكون فيها الباركود الخاص ذوي الإحتياجات الخاصة
باب حديد صغير في منتصف الموقف مجرد دخول السيارة اتوماتيك يتم انزاله تحت الارض

[R 7 A L]

اختراع ممتاز
ونتمنى من الناس الي بصحه وبخير وسياراتهم في استكرات ذوي الاحتياجات مايستغلون المواقف ويوقفون فيها ويفتحون المجال لغيرهم

[معماري قطري]

فكرة ممتازة
ولكني اقترح الافضل ان تكون العملية عكسية
ان الموقف لا يسمح بدخول اي سيارة الا يكون فيها الباركود الخاص ذوي الإحتياجات الخاصة
باب حديد صغير في منتصف الموقف مجرد دخول السيارة اتوماتيك يتم انزاله تحت الارض

ليش ما يكون حديد ينزل تلقائياً من قراءة الباركود ويسمح بدخول السيارة وكذلك يمكن استخدامه للكثير من المواقف الخاصة للأطباء وخلافه

على سيارتي مركب باركود يقراه جهاز لدخول مقر العمل وعاجبتني الفكرة سهلة وسريعة ومربوطة بالكمبيوتر

[معماري قطري]

اختراع ممتاز
ونتمنى من الناس الي بصحه وبخير وسياراتهم في استكرات ذوي الاحتياجات مايستغلون المواقف ويوقفون فيها ويفتحون المجال لغيرهم

لا اختراع ولا شيء .. يمكن الطريقة بابلاغ الشرطة وبقفل السيارة تخلي العقاب سريع ولا حد بيفكر يوقف لكن الباركود موجود من زمان

حتى شفنا بعض المداخل اللي تدخلها سيارات معينة وبعدها ترتفع أعمدة تسكر الطريق وكيف البعض يحاولون يدخلون ويضرب الحديد أسفل سياراتهم

مثل ذيه ما يتفاهم


https://www.youtube.com/watch?v=BVki24JH7s4

[حليتان*]

مهههههههه^^^ يستاهلون


انا صراحه عندي اصف ع الرصيف ولا اصف فمواقف ذو الاحتياجات الخاصه

[محمد2]

المشكلة في منع الناس غير المعافين من هالاستيكرات الخاصة بالمعاق
يعني حتى المعاق المسكين مزاحمينة في موقفة ،
خلو المعاق المسكين يرتاح اشوي ويستفيد من هالخدمة اللي موفرينها له

[المبرمج صلاح]

ليش ما يكون حديد ينزل تلقائياً من قراءة الباركود ويسمح بدخول السيارة وكذلك يمكن استخدامه للكثير من المواقف الخاصة للأطباء وخلافه

على سيارتي مركب باركود يقراه جهاز لدخول مقر العمل وعاجبتني الفكرة سهلة وسريعة ومربوطة بالكمبيوتر

هذا اللي اقصده بالضبط اخوي معماري

[معماري قطري]

في مواقف أمريكا كانت المخالفة سريعة ومتدرجة توصل 500 دولار + سحب السيارة ودفع تكلفة سحب وحجز السيارة

وحل كان تقريباً الجميع ملتزم به وهناك نحصل المواقف كثيرة وسهلة لكل مكان وواسعة .. ومواقف المعوقين أوسع لنزول الكرسي المتحرك وسلوب الرامب يكون خفيف مب مثل اللي عندنا حتى للعيادات وبعض المستشفيات غير مطابق للمواصفات

[شيخ الديرة]

كلفة خيالية للتنفيذ والتطبيق والصيانة

[R 7 A L]

بعضهم قليل ادب
سيارته فيها ستكر لابوه او امه او اي احد عنده من ذوي الاحتياجات
وهو طيب وبخير و بروحه وبستغل هالمواقف لقربها و وسعها والحجه ان عنده تصريح مع ان التصريح لغيره