شنو هي الإجراءات والرسوم لتحويل سيارة خليجية لقطرية؟

[El-Debs]

السلام عليكم ورحمة الله وبركاته

شباب لو بغيت اشتري سيارة مستعملة من دولة خليجية وشحنها الدوحة وحولها نمرة قطرية، شنو هي الإجراءات والرسوم لهلعملية؟

شكراً جزيلاً لكم أخوكم محمد

[وحش قطر]

يعتمد على موديل السياره

[El-Debs]

يعتمد على موديل السياره

شكرًا اخوي لردك، لنفطرد سيارة موديل 2014-2015 هالممكن يكون عليهم رسوم وجمارك ؟

[Saoud_]

طريقة استيراد السيارات من الامارات


السلام عليكم ورحمة الله وبركاته
اخواني بغيت اعطيكم تجربتي في استيراد سيارة من دبي الى ان سجلتها واستخرجت لها استمارة
وهذا كله علشان اني شفت بعض الشباب توهق واحتار ومنها ننفع هذا الموقع ونجعله شامل
الطريقه هي كالتالي
1- حاليا اللي بيشتري سياره لازم الموديل 2009 فما فوق
2- تروح تدور السيارة اللي تناسبك وتفحصها وهذا شيء مهم مهما كانت الثقة
والسبب ان بعض السيارات تكون مسروقة من الخارج وملعوب في ارقام الهيكل او تكون غرقانه
او تعرضت لمشكله في الشاص
3- بعد فحص السيارة والتأكد من سلامتها تروح لأي مكتب تسجيل في دبي او بوظبي اواي امارة
واذا كنت في اي دوله خليجيه تروح لنفس المكتب وتطلب فحص تصدير
طبعا راح اتكلم عن تجربتي في الامارات رحت فحصت في دبي يكلفك (25) درهم فقط
وتأمين لوحه 100 درهم واذا كنت تريد شحنها على البسامي مايحتاج تأمين 100 درهم فقط فحص تصدير
ب 25 ريال وترسلها مع البسامي الى جده مثلا ب 1250 ريال
4- بعد الفحص اذا كنت تبغى تسافر بالسياره عن طريق البر لازم تسوي تأمين لوحات ب 100 درهم وتأمين 14 يوم
5- توصل الحدود الأماراتيه تنزل في الحدود وتروح جمارك الأمارات تدفع لهم 220 درهم ويسمونه بيان جمركي
راح يعطونك ورقه حضراء وتتجه بعدها تختمها من حدود الأمارات وتنطلق الى حدود السعوديه
6- توصل حدود السعوديه وتوريهم الورقه الخضراء والختم وتدخل الحدود الى الجمرك
7- توصل الجمرك تسلمهم الأوراق حقت التصدير اللي من الأمارات وتنزل لوحات التصدير اللي عندك ويسلمونك لوحات
مؤقته سعوديه يسمونها لوحات جمركيه
8- رسوم الجمرك السعودي هي كالتالي
اذا سيارتك 2012 وفوق ماعليك اي جمرك او اذا كانت وارد امريكي او اوربي اوياباني وصار لها داخل الدوله اقل من سنتين حتى لو كان موديلها 2008 اهم شيء عمرها داخل الدوله (الدول الخليجيه فقط)اللي انت مستوردها منها اقل من سنتين ف يعطونك مخالصه جمركيه وماتدفع عليها شيء
اذا سيارتك اقل من 2012 عليك جمرك كالتالي
اذا سيارتك دفع رباعي جمركها 5%
اذا سيارتك صالون عادي 4%
طبعا مايطلبون منك تسعيره لأن في الجمرك موظف مختص يحدد السعر حسب نظرته للسياره
يعني لو شريتها ب10 الاف او جبت تسعيره ب10 الاف يمكن يطلع عليك جمرك 2000 لأنها ثمنها ب 40 الف فلاتتعب نفسك
بالتسعيره المخفضة
9- رسوم الجمارك السعوديه تدفها حسب قيمة سيارتك +260 ريال تخليص جمركي
10- تأكد من انك استلمت ورقه في اعلاها رقم البيان الجمركي الخاص بسيارتك
وتنطلق بعدها الى مدينتك
11- في مدينتك تروح اول شيء تسوي اوراقها من هيئة المواصفات والمقاييس في جده مثلا موقعهم في الميناء
ورسوم الهيئه هي 300 ريال وتنطلق للجمارك (في جده موقعهم في نفس مكان هيئة المواصفات والمقاييس)
12- تستلم ورقه خضراء صغيره اسمها بطاقه جمركيه وكذا انت خلصت اكثر الشغلات وروح ريح راسك كم يوم او على حسب نشاطك
13- تروح للفحص الدوري وتدفع رسوم الفحص (سيارتي اخذوا عليها 73 ريال) وتنتظر النتيجه
14- اذا نجحت السياره في الفحص خلاص تصادق على ورقة الفحص وتروح تأمن على السياره (سيارتي تأمينها ب 370)
وتعبي نموذج طلب اصدار لوحات تلقاه عند اي مكتب وتسوي لك ملف علاقي خضر وتحط فيه التالي
1- صورة بطاقتك الشخصيه
2- نموذج طلب اصدار اللوحات والأستماره
3- صوره من التأمين
4- صوره من الفحص
5- البطاقه الجمركيه الأساسيه
15- قبل ماتتقدم بالملف لطلب اصدار اللوحات والأستماره لازم تسدد 250 ريال رسوم اللوحات والأستماره وبعدها تقدم
اوراقك للمرور وخلال ساعه واستمارتك في جيبك طبعا تسلمهم اللوحات المؤقته ويعطونك اللوحه الجديده
والف مبروك عليك
احفظ التكلفه قبل لاتتهور في الشراء وتطلع خسران
200 درهم رسوم مرور الأمارات
220 رسوم جمرك الأمارات
260 رسوم تخليص وبيان جمارك السعوديه +++ قيمة جمرك سيارتك حسب قيمتها
300 ريال رسوم هيئة المواصفات والمقاييس
73 ريال رسوم الفحص الدوري وتختلف حسب السياره
370 تأمين على السياره وتختلف حسب الشركه ونوع السياره
250 ريال رسوم المرور لأستخراج لوحات واستماره وللفائده لجميع الاخوان...
هذي ارقام البسامي في الامارات 00971653821920097165382492جوال 00971507497699
5439777 009716
5439779 (009716)
0593189092
وهذا رقمهم في منفذ البطحاء يعني اللي يتعاملون مع الجمرك لمزيد من الفائدة لك
0593189041
035370011
035370608
رابط الاستعلام في الحدود عن الموديلات المسموحة &
اختر المنافذ البريه ودق على رقم منهم ويعطونك العلم




منقول

[HAMAD2008]

مايسوى عليك اذا هذي هي الإجراءات ,,, بهذله بمعنى الكلمه ،، وكل هاي عشان سياره ،، والله مش مستاهله

[هجراوي]

عذرا للمداخله

ولكن بالنسبه حق اجراءات التصدير اللي ذكرها الاخ سعود
هذه الاجراءات للي يبغي يصدر سياره للسعوديه من دبي أو من قطر وكل هذه الاجراءات تتم بيوم واحد بعد ما تدخل السياره للسعوديه
ولكن بالنسبه للتصدير الى قطر سهله مجرد تاخذ ورقه مبايعه من المعرض ومن بعدها ورقه من المرور يسموها إبراء ذمه
ومن بعدها تتوجه للجمارك والاجراءات عاديه جدا

[وبشرالصابرين]

اخوي في مندوبين في المرور القديم
روح لهم بخلصونك

[El-Debs]

شكرًا لكل من شارك في الموضوع وان شاءالله بشوف المرور القديم والله يعطيكم العافية جميعا

[رحال]

بل ..ايش هل العذاااااب
وين مجلس التعاوووون ...؟
طلع حبر على ورق

[BoFahed]

السلام عليكم ورحمة الله وبركاته

شباب لو بغيت اشتري سيارة مستعملة من دولة خليجية وشحنها الدوحة وحولها نمرة قطرية، شنو هي الإجراءات والرسوم لهلعملية؟

شكراً جزيلاً لكم أخوكم محمد

اذا من السعودية اخوي سهالات واذا من الامارات سالفه نفس ما نقل الاخوان بتوقف عند كل مركز

اول شي تطلع شهادة تصدير من الامارات ويعطونك لوحة زرقاء لازم تركبها بالموتر وتامين وشهادة من جمرك دبي في الميناء صوب ديره تحدد السعر(طبعا هذا اختياري علشان ما تدفع زيادة في الجمرك القطري بس يعتمد على الموطف القطري المسؤول ومن حقه يقبل او يرفض التقييم ) اللي تجمركت فيه السيارة بالامارات (اذا كانت وارد امريكا او جديده ) ويكلفك بحدود ال 700 ريال وعقب لما توصل مركز السلع الاماراتي لازم تدفع بيان وتروح مكتب تخليص بالمركز ويكلفك 400 درهم وعقب تدفع تامين وبيان من مركز البطحا السعودي بحدود ال 500 وتدخل مع مئات السعوديين اللي جايبين سيارات وعقب بتدش سلوى فيه اجراء وعقب مركز بو سمره القطري وتدفع الجمرك وتفتش ويعطونك ورقة للمرور وعندهم مكتب في المركز وتقدر تركب الارقام القطرية بنفس اليوم او تودي الموتر بارقامها التصدير ل الدوحه اذا عندك رقم مميز

يعني مب اقل من 2000رسوم غير مبلغ الجمرك اللي تدفعه في بو سمره اذا قرر الجمرك يدفعك (5%) من سعر التقييم

اذا السياره الخليجية وعليها رقم رسمي باسمك اتوقع الموضوع سهل وايد وتتغير بسرعه وما تحتاج كل هذي الاجرائات

يعني احسب اخوي مب اقل من 3-4 ساعات بالمراكز وسالفه ما انصحك الا اذا الموتر يسوى في نظافته وسعره مب اقل من 20 الف فرق عند الدوحه او كلاسيكي ونادر