هل الازواج قائمون بدورهم كما ينبغي ؟

[غريب الدّار]

صبحكم الله بالخير

خلونا نتكلم عن الشباب هالمرة بسكم سوالف بنات :nice:

راح اقسم الموضوع بعد اذنكم إلى اكثر من محور ، علشان النقاش يكون على أساس واضح بدون تشتيت :
المحور الأول : مواقف او تصرفات أبي رايكم فيها
المحور الثاني : هل التصرفات اللي راح اذكرها قد تكون سبباً لزيادة النفور او المشاكل او الفرقة بين الزوجين ، وبالتالي سببا من أسباب زيادة الطلاق في المجتمع.
المحور الثالث : على من يقع اللوم الأكبر من وجهة نظركم ؟


وبسم الله نبدأ:

المحور الأول : مواقف :
الموقف الأول :
شباب قاعدين في ميلس ، رن جوال واحد منهم ، طلعت زوجته تبي تروح المستشفى ، ومب لها ، لا حق الولد ، الوقت تقريبا الساعة 8 ونص فليل
رد الأخ : قولي للدريول يوصلج انا مب فاضي الحين !!



الموقف الثاني :
الزوج المحترم في كوفي شوب في احد المجمعات
رن جواله ، وطبعا الزوجة هي اللي متصلة ، تبي تروح المجمع ‍!! بس طبعا مب نفس المجمع اللي هو فيه :nice:

المهم رفيجه وياه يقول له :
ياخي جيب لها دريول وافتك منها!!!!
افتك منها؟؟
حد يقول افتك من زوجتي؟ شله ماخذها؟


الموقف الثالث :
الاخ مابقا مكان ماسافر له ، ودايم مع ربعه
والزوجة تحن عليه من شهور ويمكن سنين وهو يقول لها : روحي ويا هلج لا راحوا!!


(مابي أطول المواقف كثيرة)




المحور الثاني :
أعتقد ان بعض التصرفات اللي تدل على انعدام المسؤولية لدى البعض هي السبب وراء ذلك ، وقد (أقول قد) يكون ذلك سبباً لنفور الزوجة بعد مدة ، ودافع لها لاهمال بيتها وزوجها
طبعا الزوج وقتها يلقاها فرصة علشان يتزوج بوحدة ثانية !!! على اعتبار ان زوجته صارت تهمله
مع انها اهملها ودفعها دفع لاهماله ، هل تشوفون ان مثل هالتصرفات تدفع فعلا لزيادة الشقاق والخلاف وبالتالي النهاية المؤلمة : الطلاق؟


المحور الثالث :
على من يقع اللوم الأكبر ؟
وطبعا هنيه مااتكلم عن طرفي العلاقة : الزوج والزوجة
قصدي على من يقع اللوم ان الشاب صار جذيه أصلا : هل التربية اللي عودته على عدم المسؤولية؟ هل هو ماخذ الزواج لاعبة؟ هل يشوف ان بنت الناس ملكه ويتصرف فيه على كيفه؟

في اعتقادي الشخصي ان محد يرضى على اخته انها تتعرض لمثل هالمواقف (اعتقد يعني)
واي حر مايوافق ان اخته او أي وحدة تعز عليه تنحط في مثل هالمواقف

هذا من جهة

الجهة الثانية :
هل اللوم يقع على المراة او الرجل؟

اعتقادي الشخصي ان الطرفين متساوين تماما
مثل مافي حريم مايعرفون حقوقهم وواجباتهم
في رجال مايعرفون من الزواج الا اسمه
حتى اسمه يمكن مايعرفونه !!!




انتوا شرايكم ؟

[راجي الْعفو]

يصبحك بالنور يا غريب


مدري ، اتوقع الموضوع مكرر لان في الموضوع الثاني تم تناول الزوج ايضا
وهو شي طبيعي لان الاثنين يكملون بعض والنقص في احد الاطراف مرتبط بالثاني

بس اذا بنقول شي:

من الرجولة والحقوق الزوجية، ان يقضي الزوج اغراض هله و حاجاتهم
والاصل انه يقضيها لهم بنفسه
مب يخلي ((((رجل اجنبي ما يندرى وش طينته !!!! ))
ياخذ ويعطي مع زوجته و هو بارد دم وراضي بالوضع !
ياخي اقل شي الغيرة ياخي ، هل غيرتك تسمح ان زوجتك و مرتك تسولف مع اجنبي بشكل دايم !!

الحاجات و الضروريات لها وضعها

اتكلم عن اشخاص ما يمنعهم ظرف ..

موفق

[شبح الصمت]

الله يصبحك بالنور والسرور ..


باتكلم عن نفسي ولا راح ادعي المثالية ..

زوجتي تتصل فيني في شغله ضروريه اكيد بروح لها
واذا مش ضرورية بقول لها تاجلها اذا في مجال تاجيلها لوقت لاحق
حد مرض من عيالي بعيد الشر عنهم ما راح اقول لها لا وننتظر عليه هذه مرض
انا في البر مع ربعي وتتصل فيني تقولي ارجع مر جيب لنا روتي ترى مافي روتي فالبيت ؟! في هذه اشدعوة عاد يالغالية بجيب على رجعتي الدكاكين فاتحه ..

امور كثيرة الواحد يقدر يوازنها ويرتبها بينه وبين اهله ..
وطبعاً أنا اتكلم كشخص ما عندنا دريول فالبيت فملزوم اني اسوي كل شيء من الى ..
فالوضع يختلف ..

اما يجيك رجال تعوده زوجته على انها تسوي كل شيء من الى ومعطته القرين لايت وعقب تقعد تتشكى ما يسوي لي ومادري ايش ..
انزين مب انتي الي مخليته على راحته ومعتمده على الدريول في كل شيء ..



يعني الزواج شراكة بين الزوجين ..
الزوج عليه حقوق نفس ما الزوجه عليها حقوق اكثر من الزوج

[Rider]

من غير زعل الي مايقوم بأهل بيته سؤ زوجته او عياله هذا مب كفوا يكون زوج

[راعي ال VXR]

يصبحك بالنور يا غريب


مدري ، اتوقع الموضوع مكرر لان في الموضوع الثاني تم تناول الزوج ايضا
وهو شي طبيعي لان الاثنين يكملون بعض والنقص في احد الاطراف مرتبط بالثاني

بس اذا بنقول شي:

من الرجولة والحقوق الزوجية، ان يقضي الزوج اغراض هله و حاجاتهم
والاصل انه يقضيها لهم بنفسه
مب يخلي ((((رجل اجنبي ما يندرى وش طينته !!!! ))
ياخذ ويعطي مع زوجته و هو بارد دم وراضي بالوضع !
ياخي اقل شي الغيرة ياخي ، هل غيرتك تسمح ان زوجتك و مرتك تسولف مع اجنبي بشكل دايم !!

الحاجات و الضروريات لها وضعها

اتكلم عن اشخاص ما يمنعهم ظرف ..

موفق

اي بالله صدقت في قولك وكل راس الشهر الاحظ هذا بام عيني في الميره .. ما عدا الاجانب اشوف اغلبهم زوج وزوجته ماسكين العربانه مع بعضهم يشترون

[R 7 A L]

الأغلبية في محيطي نعم ولله الحمد

[سالم الزهران]

في بداية الزواج كل واحد يبي يروح صوب , ولكن بعد ان يأتي الأبناء أظن ان الرجل عليه مسؤولية اكبر و لازم يقابل عياله و يزود مساحتهم في جدوله المغري بالعزايم و الطلعات هذي الواقع. طيب فيه نقطة مهمة ( الزوجه الحبيبة مدمنة خروج و تسوّق و الزوج المسكين زهق من كثر المشاوير اللاضرورية و انعكس الشيء ذا على المشاوير الضرورية ) و الامور الطارئة مثل المستشفى اظن لو الجيران عندهم مريض و اتصلو علينا اكيد بنوديهم ( كل شيء الا الطواريء)

[غريب الدّار]

الأخ الكريم الكبير راجي

اول شي لازم اشكرك على تشريفك الموضوع


ثاني شي :

مدري ، اتوقع الموضوع مكرر لان في الموضوع الثاني تم تناول الزوج ايضا
احترم رايك ياراجي مع انك تقول مادري ، وانا اشوف انه مب مكرر


من الرجولة والحقوق الزوجية، ان يقضي الزوج اغراض هله و حاجاتهم
والاصل انه يقضيها لهم بنفسه
مب يخلي ((((رجل اجنبي ما يندرى وش طينته !!!! ))
ياخذ ويعطي مع زوجته و هو بارد دم وراضي بالوضع !
ياخي اقل شي الغيرة ياخي ، هل غيرتك تسمح ان زوجتك و مرتك تسولف مع اجنبي بشكل دايم !!

الحاجات و الضروريات لها وضعها

معاك 100%
مابه خلاف


اتكلم عن اشخاص ما يمنعهم ظرف ..

بالضبط ياراجي
هذا مقصد أساسي
وعلشان جذيه سردت المواقف علشان يثور التساؤل :
هل القعدة في الميلس ظرف؟
هل القعدة في الكوفي شوب ظرف؟

ادري في الغالب الجواب لا ، واحترم جميع وجهات النظر
لكن اللي يقصر بدون ضرورة فهذا يجب لعيه مراجعة نفسه


والشكر متكرر لك اخوي الكبير راجي على مداخلتك

[Qt.1]

موضوع مهم وحساس , الزوجه والعيال مسؤليه في رقبة الرجل , وللاسف ياكثر الي مايدري عن بيته واذا صار شي قالك انا مهب مقصر وهو طول يومه برع البيت ويا ربعه ولاايدري عن بيته , عن نفسي الحمدالله قايم ببيتي بما يرضي الله , اعيالي اخصص لهم كل يوم من وقتي وعقب مارجع من الدوام اقعد معاهم واشوفهم واشوف واجباتهم واساعدهم في دراستهم واشوف وشو ناقصهم , الااحساس بالمسؤوليه ينولد مع الرجل لدرجه انه يمكن يقصر على نفسه بس علشان يعطي اهله , المسوؤليه ماتقدر تعلمها الرجل اذا هو مايعرفها ولااحس فيها مافي فايده , والله يهدي شبابنا ويقدرون ويعرفون ان البيوت امانه في رقبتهم وهم محاسبين ,,

[غريب الدّار]

الله يصبحك بالنور والسرور ..


باتكلم عن نفسي ولا راح ادعي المثالية ..

زوجتي تتصل فيني في شغله ضروريه اكيد بروح لها
واذا مش ضرورية بقول لها تاجلها اذا في مجال تاجيلها لوقت لاحق
حد مرض من عيالي بعيد الشر عنهم ما راح اقول لها لا وننتظر عليه هذه مرض
انا في البر مع ربعي وتتصل فيني تقولي ارجع مر جيب لنا روتي ترى مافي روتي فالبيت ؟! في هذه اشدعوة عاد يالغالية بجيب على رجعتي الدكاكين فاتحه ..

امور كثيرة الواحد يقدر يوازنها ويرتبها بينه وبين اهله ..
وطبعاً أنا اتكلم كشخص ما عندنا دريول فالبيت فملزوم اني اسوي كل شيء من الى ..
فالوضع يختلف ..

اما يجيك رجال تعوده زوجته على انها تسوي كل شيء من الى ومعطته القرين لايت وعقب تقعد تتشكى ما يسوي لي ومادري ايش ..
انزين مب انتي الي مخليته على راحته ومعتمده على الدريول في كل شيء ..



يعني الزواج شراكة بين الزوجين ..
الزوج عليه حقوق نفس ما الزوجه عليها حقوق اكثر من الزوج
وهذا اللي أقوله اخوي شبح الصمت

في أشياء ممكن تتأجل وماله معنى السرعة فيها

لكن مب كل شي
وأثني لى كلامك ومشكور على المشاركة

[غريب الدّار]

اي بالله صدقت في قولك وكل راس الشهر الاحظ هذا بام عيني في الميره .. ما عدا الاجانب اشوف اغلبهم زوج وزوجته ماسكين العربانه مع بعضهم يشترون

اشكرك على المشاركة اخوي
هل تبي تقول ان الأجانب فاهمين معنى الشراكة اكثر ؟ :)

[غريب الدّار]

الأغلبية في محيطي نعم ولله الحمد

الله يبارك يارحال
بس بشكل عام هل تعتقد ان الأغلبية قايمة بالدور او الأقلية ؟
وشرايك في المواقف المذكورة ؟

[غريب الدّار]

في بداية الزواج كل واحد يبي يروح صوب , ولكن بعد ان يأتي الأبناء أظن ان الرجل عليه مسؤولية اكبر و لازم يقابل عياله و يزود مساحتهم في جدوله المغري بالعزايم و الطلعات هذي الواقع. طيب فيه نقطة مهمة ( الزوجه الحبيبة مدمنة خروج و تسوّق و الزوج المسكين زهق من كثر المشاوير اللاضرورية و انعكس الشيء ذا على المشاوير الضرورية ) و الامور الطارئة مثل المستشفى اظن لو الجيران عندهم مريض و اتصلو علينا اكيد بنوديهم ( كل شيء الا الطواريء)
تسلم اخوي سالم على المشاركة

وانا معاك بعد في نقطتك اللي اثرتها

لازم يكون في أولويات اخوي سالم

[الماريّة]

مرحبا اخوي غريب
يعطيك العافيه على الموضوع

تبي الصراحه انا اشوف هالزوج المهمل كان قبل في السنوات الماضيه
خل نقوم عام 19 :nice: في التسعينات ههههه

فعلا الاغلبيه ذاك الوقت يعتمدون على نفعه غيرهم لعيالهم سواء الدريول
او احد اخوان الزوج

بس في وقتنا الحالي
لا والله اشوف الاغلبيه ماشاء الله مطيع لزوجته الا مدلعين الزوجات ع الاخر
ويقول لها شبيك لبيك
ماشفت حد مترخي في نفعه زوجته وعياله

ويعطيك العافيه


/
/
الماريه

[غريب الدّار]

موضوع مهم وحساس , الزوجه والعيال مسؤليه في رقبة الرجل , وللاسف ياكثر الي مايدري عن بيته واذا صار شي قالك انا مهب مقصر وهو طول يومه برع البيت ويا ربعه ولاايدري عن بيته , عن نفسي الحمدالله قايم ببيتي بما يرضي الله , اعيالي اخصص لهم كل يوم من وقتي وعقب مارجع من الدوام اقعد معاهم واشوفهم واشوف واجباتهم واساعدهم في دراستهم واشوف وشو ناقصهم , الااحساس بالمسؤوليه ينولد مع الرجل لدرجه انه يمكن يقصر على نفسه بس علشان يعطي اهله , المسوؤليه ماتقدر تعلمها الرجل اذا هو مايعرفها ولااحس فيها مافي فايده , والله يهدي شبابنا ويقدرون ويعرفون ان البيوت امانه في رقبتهم وهم محاسبين ,,
عسى الله يثبتك اخوي ويكثر من امثالك

[غريب الدّار]

مرحبا اخوي غريب
يعطيك العافيه على الموضوع
الله يعافيج اختي المارية
وياهلا والله

تبي الصراحه انا اشوف هالزوج المهمل كان قبل في السنوات الماضيه
خل نقوم عام 19 في التسعينات ههههه

فعلا الاغلبيه ذاك الوقت يعتمدون على نفعه غيرهم لعيالهم سواء الدريول
او احد اخوان الزوج

بس في وقتنا الحالي
لا والله اشوف الاغلبيه ماشاء الله مطيع لزوجته الا مدلعين الزوجات ع الاخر
ويقول لها شبيك لبيك
ماشفت حد مترخي في نفعه زوجته وعياله

وجهة نظرج على راسي يالمارية
وأتمنى يكون الوضع مثل ماتذكرين واكيد في ناس الواحد يحطهم على يمانه ورجال قايمين ببيوتهم وزوجاتهم يالمارية
لكن مواقف الواحد يذكرها وهي موجودة


ويعطيك العافيه

الله يعافيج يالمارية

[Qt.1]

عسى الله يثبتك اخوي ويكثر من امثالك

الله يرحم لي والديك ,,

[غريب الدّار]

الله يرحم لي والديك ,,

ووالديك الشيخ