ارجو توفير سكن ( للدخل المحدود ) باسعار رمزيــة للقطرين

[محمد جاسم 68]

الرجاء الرجاء من الجهات المسؤولة توفير سكن للايجار لذوي الدخل المحدود بأسعار رمزية ارجو الالتفات لهذه الفئة من صغار الموظفين .

[الدكتور عزوز]

اضم صوتي لصوتك ، الايجارات مرتفعة جدا ولا تستحق هذي الاسعار

[محمد جاسم 68]

من حق صغار الموظفين اسكان حكومي او ra حتى لو منزل شعبي او شقة لحين الانتهاء من بناء منزله .

[حمد بن سعد]

من قبل طرحت موضوع عن السكن انه يعطون كل قطري يتزوج سكن على حساب الدوله الجنير طبعا لانه السكن مشكله اساسيه في المجتمع

الله كريم

[Abdulraman]

غريبه الجنير ليش مايعطونه :shy:ra

[رجل الجزيرة]

من الحين وأنا أحاتي إذا تزوجوا عيالي وين أسكنهم خاصة إذا المتزوجة تبغي سكن لحالها بدون السكن مع أهل الزوج علشان تآخذ حريتها اكثر، فالله يعين.

[ضوى]

صج الله يعين والله
احاتي عيالي والغلا الفاحش اللي حنا فيه من كل شي ، بعد كم سنة شبصير والغلا وين بيوصل !!

[المحاميه]

لا حول ولا قوة الا بالله


الله يفك عوقكم !!

[رجل الجزيرة]

صج الله يعين والله
احاتي عيالي والغلا الفاحش اللي حنا فيه من كل شي ، بعد كم سنة شبصير والغلا وين بيوصل !!

الظاهر بنغطي على غلا دبي.
:)

[فريج النجادة]

المفروض ترفع كتاب الى الديوان الاميري بذالك

وان شاء الله تكون فاتحة خير عليك وعلى غيرك من اهل قطر

وبالتوفيق يارب

[محمد جاسم 68]

[quote=فريج النجادة;10338531]المفروض ترفع كتاب الى الديوان الاميري بذالك

وان شاء الله تكون فاتحة خير عليك وعلى غيرك من اهل قطر

وبالتوفيق يارب[/quالموضوع مطروح لجميع ابناء القطريين ذو الدخل المحدود ( الجنير )

[وحيد-الشوق]

اضم صوتي لصوتك مشكلتنا ياخوي الحسد والحقد بينا قبل فترة انطرح موضوع وفيه عضو اعوذ بالله يقول بس السنير يستحق والجنير يطق راسه في الطوفه

[محمد جاسم 68]

ليش الجنير مش انسان ماله حق يسكن في بيت مثل السنير ولا السنير هو الوحيد اللي من حقه يسكن سكن ra وعلى فكره انا سنير

[بصمة قطرية]

الله يسهلها عليك ياخوي وعلى الجميع ..
إن شاءالله يمشون الـ ra لكل قطري
جنير و سنير ..
دامه متزوج من حقه ..
اش ذنبه إذا كان جنير ..!!!

[معماري قطري]

بقيمة شارع يكلف المتر منه مليار ( معليش مبالغة من القهر واليوم قايل مب كاتب في هالمواضيع ) بقيمة هالشارع نقدر نبني مجمعات سكنية للمتزوجين حديثاً أو ليش نبني المجمعات موجودة بس بعضها يخصص للقطريين

[وحيد-الشوق]

ليش الجنير مش انسان ماله حق يسكن في بيت مثل السنير ولا السنير هو الوحيد اللي من حقه يسكن سكن ra وعلى فكره انا سنير

للأسف ياخوي البعض في نظره مب انسان السكن حق للجميع الغريب بعض الاجانب عشانهم سنير ساكنين في اللؤلؤة وفلل مايحلمون فيها وامتيازات مالها اول ولا اخر

[R 7 A L]

يقولون لانه ماتعب في الدراسه وماعنده شهاده مايستحق

[بانغ بانغ]

قلناها قبل خل الدولة تستملك احد المجمعات السكنية من ازدان ويعطونها لبعض الفئات وايشلون عنهم القرض والارض وايملكونهم هالفلل ... الطرفين بيوفرون

بتنحل كل المشاكل

ملاحظة توه انتبه لها /// نفس نقطة اخوي بوعبدالله

[القلب المؤمن]

للأسف ياخوي البعض في نظره مب انسان السكن حق للجميع الغريب بعض الاجانب عشانهم سنير ساكنين في اللؤلؤة وفلل مايحلمون فيها وامتيازات مالها اول ولا اخر

اي والله نفس مديرنا بالشغل اجنبي معطينه فيلا في اللؤلؤة والكل يدري انه كان يشتغل بدولة خليجية اخرى وانطرد بتهمة اختلاس !! الكل يدري بسالفته واموره طيبة ههههه

[بـن عدوان]

اخبر قبل فترة طرحوا هالموضوع في مجلس الشورى بس مافي شي لحد الآن للأسف

[JN000N]

اي والله
يستاهلون هل قطر الخير كله
الله يرزقكم ان شاء الله

[Om_Rashed]

اضم صوتي لصوتكم، الايجارات مرتفعة جدا

في مثل وضعنا المطلقات من سنين ورواتبنا ماتكفي .. ولم يكون الطليق مايصرف نفقه ولا غيره ؟

الله كريم .. صار لي من شهر 11 أدور لي بيت .. وانرفضت من اكثر من مؤجر بحكم اني مطلقه .. مع العملم أن اولادي وامي واختي عايشين معاي ؟