شقق وفنادق في لندن .. خبراتكم

[دمي قطري]

السلام وعليكم ورحمة الله وبركاته

انشاءالله مسافرين لندن في شهر أبريل .. وحابه استفسر منكم عن احسن شقق في لندن بما انه احنا عايلة كبيرة مايصلح لنا فندق انا مفكرة في شارع أكسفورد أو مايفير أو ماربل ارتش ابي شي قريب من المحلات ..

وإذا تعرفون رقم مكتب تأجير شقق أكون شاكرة لكم .. ♡

[سهم ماينزل]

موضوع رائع وان شاء االله نستفيد منه كلنا

[كويتي مميز]

نصيحة للمسافرين الى لندن مع عائلة واطفال , بأن يستأجرون بالقرب او مقابل الهايد بارك افضل للعائلة والاطفال .

[غايه الطواش]

شقق 47 park street
مكانها ممتاز بدايه اكسفورد مجايل الهايد بارك
وفي شقق ممتاره وايد ورا هاروز وسيعه وكبيره ونظيفه فيها اربع غرف وفيه ثلاث مع توافر حراسه امنيه بالشقق بحاول اجيب لك عنوانها هذول الي جربتهم

[دمي قطري]

ماتقصررون .. وفي انتظارك ياغاية الطواش

[دمي قطري]

عندي سؤال لو حجزت شقق عن طريق موقع بوكينج هل يكون استلام المفاتيح صعب من المالك لأن لما اقرى التعليقات في بوكينج أتردد اني احجز شقة والسبب استلام المفتاح

[F.A1]

عندي سؤال لو حجزت شقق عن طريق موقع بوكينج هل يكون استلام المفاتيح صعب من المالك لأن لما اقرى التعليقات في بوكينج أتردد اني احجز شقة والسبب استلام المفتاح

اغلب الشقق اللي موجوده في بوكنق من مكاتب عربيه وتعامل الاخوه العرب في لندن معروف نصب واحتيال
انا مره حجزت شقه ثلاث غرف في المايفير من بوكنق ودفعت الفلوس وخلصت لما وصلت لندن كلمتني وحده طلعت عربيه
ومكتبها في اجودرود تقولي لك عشر دقايق اذا ماجيت تعالنا بكره تاخذ المفتاح اتصلت على بوكنق وبلغتهم وانتظروني لين جيت
وقالو لي الشقه اللي حجزتها راحت عليك بنعطيك وحده غيرها ومارضيت لانها الله يعزكم زباااااااله شوووي عليها
وبعد اربع ساعات هواش وخناق عطوني شقه جديده احلا من اللي حجزتها وارخص واكبر وافخم


نصيحه لا تعتمد على بوكنق فيه موقع اسمه رايت موف
مكاتب عالميه ومعروفه وارخص بكثييييييير من العرب انصحك فيه


هذا موقعهم
http://www.rightmove.co.uk

[fantasy]

السلام عليكم شباب
اسمحولي اضيف ايضا خبرتي لخبرة اللي ماقصروا بردودهم
انا اعشق لندن و من سنين اروح لها و في كثير من الناس ماتدري ان في لندن الرخيص و في الغالي يعني تقدر انت لحالك تروح تسكن ببمتين ريال باليوم بس كل شي بحسابه طبعا
البوكنغ دوت كوم جيد بس لحسن حضك رايح في ابريل يعني ماراح تعاني من ارتفاع الاسعار اللي بيجي في يوليو بعد العيد
باختصرلك المسافه و اوفر عليك الكلام عندك خيارين صوبي اذا حاب
1- اعرف واحد ثقة اسمه ماجد لو مر على الشباب تقريبا خمس ست مرات حاجز عن طريقه اذا تبغي خبرني بالخاص ابعث لك رقمه
2-في موقع من اسبوع خبروني عنه صراحه ممتاز و انا على خبرتي اول مره يمر علي و فكرته ان في ناس تستثمر وتأجر بيوتها, اكيد العالم تعرفه بس انا توا يمر علي اسمه airbnb.com

رايح باذن الله في يوليو و حاجز عن طريق بوكنغ دت كوم لكن لي خبروني عن هالموقع كنسلت حجزي و حجزت عن طريقهم في قلب ايجور رود غرفة و صاله ب950 بالصيف يعتبر جيد
بالتوفيق

[fantasy]

اخوي f.a1
اللي اعرفه عن هالموقع رايت مووف ان يا تشتري او تأجير شهري يعني بعقد
الموقع مختلف كليا عن بوكنغ دت كوم

[بوخالد911]

موووفقين.

[nsew55]

الله يوفقكم

[الكواري 1972]

هذا موقع مسجد الزيتونه

جيد لمعرفة توقيت الصلاة بلندن

والله يحفظكم

http://m.ezzeitouna.org.uk/prayers-timetable/