الفزعة يالمعماري وباقي الخبراء

[blackjacket]

سلام عليكم

السالفة انه عندي تسريب ماي خفي في البيت ،ما ادري من وين،وشكله تسريب كبير والدليل ان خزان الماي يفضي اكثر من مرة.

في شركة او طريقه لكشف مكان التسريب ، او جهاز لكشف الماي والرطوبة نفس اجهزة كشف الماي تحت الارض؟

اذا لاسمح الله ماحصلت مكان التسريب شنو هي الحلول ؟

[معماري قطري]

عليكم السلام ورحمة الله وبركاته

عندي جهاز صغير يقيس مقدار الرطوبة بس ما يفيدك الا في تحديد المكان بدقة أكثر .. من كلامك واضح إن التسريب قوي .. شوف لو البرشر تحسه شغال مستمر أو شبه مستمر ولا يبين أي شيء في الحوايط من برا معناها التسريب في بيب مخفي في حايط حمام أو مطبخ

في هالحالة مهم تعرف أي مكان بالضبط .. وتعرفه بقفل المحبس فوق عن الحمام واحد ورا الثاني لين تعرف أي واحد مخترب .. أو بالمقياس مال الضغط واللي يقيس ضغط البيبات واحد ورا الثاني واللي فيه تسريب بيبين الضغط ينزل بسرعة

يبي لك بايب فيتر شاطر ولا تتأخر

[معماري قطري]

بعد ما تعرف وين وممكن تعرف حتى بالمرور والتدقيق على الحوائط تبدأ تكسر وتصلح ما لك الا هالطريقة .. ونصيحة خذ برشر ما يعطي ضغط مستمر .. يعطي ضغط خفيف ويضغط زيادة حسب الحاجة ومع فتح الحنفيات .. اللي يجي بخزان كبير معاه .. الأنواع الرخيصة تعطي ضغط مستمر وتخرب البايبات

[blackjacket]

عليكم السلام ورحمة الله وبركاته

عندي جهاز صغير يقيس مقدار الرطوبة بس ما يفيدك الا في تحديد المكان بدقة أكثر .. من كلامك واضح إن التسريب قوي .. شوف لو البرشر تحسه شغال مستمر أو شبه مستمر ولا يبين أي شيء في الحوايط من برا معناها التسريب في بيب مخفي في حايط حمام أو مطبخ

في هالحالة مهم تعرف أي مكان بالضبط .. وتعرفه بقفل المحبس فوق عن الحمام واحد ورا الثاني لين تعرف أي واحد مخترب .. أو بالمقياس مال الضغط واللي يقيس ضغط البيبات واحد ورا الثاني واللي فيه تسريب بيبين الضغط ينزل بسرعة

يبي لك بايب فيتر شاطر ولا تتأخر

المشكله انه مافي رطوبة في الطوف ، بجرب طريقة قفل المحابس.
بس معقوله مافي جهاز يكشف تسريب الماي او شركه في قطر !

دورت في قوقل من شوي حصلت شركات لس كلها في السعوديه!

[blackjacket]

بعد ما تعرف وين وممكن تعرف حتى بالمرور والتدقيق على الحوائط تبدأ تكسر وتصلح ما لك الا هالطريقة .. ونصيحة خذ برشر ما يعطي ضغط مستمر .. يعطي ضغط خفيف ويضغط زيادة حسب الحاجة ومع فتح الحنفيات .. اللي يجي بخزان كبير معاه .. الأنواع الرخيصة تعطي ضغط مستمر وتخرب البايبات
انا البرشر ماخذه نوعيه جيده جراندفوس والهندي قالي هاي الي ينفع حق الفلل
مع اني قلت له مابي واحد بضغط عالي عشان مايخرب البيبات

[معماري قطري]

انا البرشر ماخذه نوعيه جيده جراندفوس والهندي قالي هاي الي ينفع حق الفلل
مع اني قلت له مابي واحد بضغط عالي عشان مايخرب البيبات

كل بياع يقول اللي عنده جيد .. خذ النوع اللي ضغطه خفيف ويزيد حسب الحاجة ولا له صوت .. روح للطيب ولتدمر عندهم .. ويجي له خزان واقف وصمام للضغط للأمان .. خزانه بإرتفاع متر تقريباً

[معماري قطري]

المشكله انه مافي رطوبة في الطوف ، بجرب طريقة قفل المحابس.
بس معقوله مافي جهاز يكشف تسريب الماي او شركه في قطر !

دورت في قوقل من شوي حصلت شركات لس كلها في السعوديه!

ما فيه رطوبة لأن البلاط عازلها وتتسرب داخل بين فجوات الطابوق

[معماري قطري]

بس تنتبه عدل وتتحسس بيدك بتعرف وين الرطوبة .. وتتبع مسار البايبات .. بتكون بين 60 و 50 سم من إرتفاع الأرضية ورايحة للمغاسل وللكرسي والبديه والحوض والشاور

[لطيف الروح]

سؤال أي خزان ماي العلوي او الأرضي و كم صار له الموضوع و هل فيه ملحق خارجي مشبوك مع الخزان العلوي

[@north_star@]

شوف كراسي الحمامات اذا فيها تسريب يبين معاك بالنظر

[رآعي موآجيب]

ونصيحة خذ برشر ما يعطي ضغط مستمر .. يعطي ضغط خفيف ويضغط زيادة حسب الحاجة ومع فتح الحنفيات .. اللي يجي بخزان كبير معاه .. الأنواع الرخيصة تعطي ضغط مستمر وتخرب البايبات

ممكن شرح اكثر عن هالبرشر ولا عليك امر ,, ولو تحدد لنا النوعيات المعتمده واماكن بيعها تسوي فينا خير :nice:

[معماري قطري]

هذي صورته على اليسار .. وخذته من الطيب مع النظام كامل وبتوصيف من مهندس ميكانيكل من عند الاستشاري من حول 11 سنة والحمد لله جيد ومؤدي الغرض .. بس شنوعه واشمه وصناعته ما ادري ولا اقدر انحني واقرا المكتوب ( خلاص نهاية الصلاحية حانت )

http://i.imgur.com/60TbAZS.jpg

النظام اللي عند الطيب واللي عند تدمر متشابه وجيد .. إسمه بالانجليزي variable on demand water pressure device

[blackjacket]

سؤال أي خزان ماي العلوي او الأرضي و كم صار له الموضوع و هل فيه ملحق خارجي مشبوك مع الخزان العلوي

الخزان العلوي هو لين يفضى الخزان الارضي يشتغل و بمده بالماي.
المشكله من اسبوع ،و بعد التشييك حصلت تحت درج الصاله الرئيسية فيه تسريب 😂 وعقد المشكله اكثر لانه مافي بيبات في الدرج او فوق الدرج، شكله الماي سوى له مسار و ينزل تحت😂 جبت بايب فيتر قالي بركب لك بيبات البيت خارجيه و ريح عمرك😭😭 صراحه صادني احباط وقاعد افكر ابيع البيت 😥
اخوي المعماري كفيت ووفيت ✌

[blackjacket]

هذي صورته على اليسار .. وخذته من الطيب مع النظام كامل وبتوصيف من مهندس ميكانيكل من عند الاستشاري من حول 11 سنة والحمد لله جيد ومؤدي الغرض .. بس شنوعه واشمه وصناعته ما ادري ولا اقدر انحني واقرا المكتوب ( خلاص نهاية الصلاحية حانت )

http://i.imgur.com/60TbAZS.jpg

النظام اللي عند الطيب واللي عند تدمر متشابه وجيد .. إسمه بالانجليزي variable on demand water pressure device
انا رحت تدمر و شفت البرشر و الي خوفني انه ايطالي ولا الماني مااذكر ومافي حد مدحهم الكل قالي روح خذ ماركه جرندفوس،اذا انحلت مشكلتي بمر عليهم و بشوف

[معماري قطري]

انا رحت تدمر و شفت البرشر و الي خوفني انه ايطالي ولا الماني مااذكر ومافي حد مدحهم الكل قالي روح خذ ماركه جرندفوس،اذا انحلت مشكلتي بمر عليهم و بشوف

الشيخ غراندفوس ماركة وتصنع أنواع منها نوع مثل ذيه ممكن .. الميزة المهمة إن الضغط ما يكون متواصل ويكون ستاند باي من تفتح يكون فيه ضغط معقول ويبدأ يشتغل أقوى .. بعض النوعيات لا كله مضغوط

[معماري قطري]

تحل مشكلة التسريب أول وبعدين تفكر في المعدات ويمكن اللي عندك جيدة

[naklan]

اخوي المسالة بسيطة جيب سباك يركب لك محابس فوق السطح
لكل بايب نازل لدورات المياة وبعد ذالك ممكن تقفل كل خط نازل حار وبارد
تبدا بقفل دورة مياة واحدة لمدة ساعتين لاختبار وأبدا الاختبار للحمامات
الي يمين ويسار الدرج اولا اذا فيه تسريب تلقى البرشر ما يوقف
وبتكتشف التسرب وين

ملاحضة الاختبار من المحابس الي داخل دورة المياة ما يفيدك لاختبار
البايب الممتد من الخزان الى المحبس يفيدك فقط للمنطقة الداخلية للحمام
للعلم تحتاج سباك شاطر يحل لك الأضرار باقل الخساير
موفق اخوي

[Azizuk]

هذي صورته على اليسار .. وخذته من الطيب مع النظام كامل وبتوصيف من مهندس ميكانيكل من عند الاستشاري من حول 11 سنة والحمد لله جيد ومؤدي الغرض .. بس شنوعه واشمه وصناعته ما ادري ولا اقدر انحني واقرا المكتوب ( خلاص نهاية الصلاحية حانت )

http://i.imgur.com/60TbAZS.jpg

النظام اللي عند الطيب واللي عند تدمر متشابه وجيد .. إسمه بالانجليزي variable on demand water pressure device

عذرا صاحب الموضوع

الاخ معماري الفلتر اللي جنب السخان والكنترول الكهربائي اللي في الصورة هو فلتر الأملاح او فلتر الرمل

لان حاليا انا متواجد في السعودية ومريت على محل فلاتر وشفت عندهم فلتر ستنستيل ويوجد منه انواع كثيرة

الامريكي 14 شمعه للحجم الكبير حجر فحمي بسعر 4500 ريال

وفي تايواني احجام مختلفة حتى 20 شمعة*بسعر2500ريال

وصيني رديئ الصناعة بسعر أرخص

طبعا السعر بدون شمعات وتكلف الشمعة ب 15 ريال 5 ميكرو

ويوجد فلتر أملاح من شركة جنرال الكتريك مع خزان اضافة الأملاح بسعر 5 آلاف

طبعا يتركب النظام بعد الخزان و المضخات اولا فلتر استنستيل بعدها فلتر جانبو عادي بعدها فلتر الأملاح

سالت عن فلتر ستنستيل في قطر يكلف الحجم الكبير 14 شمعة بسعر 7 آلاف

ممكن حد يُبين لنا احسن نظام للفلتر الماء للمنازل

لان موظف المحل يقولي ماتحتاج هذا النظام

هذا النظام يصلح لمياة الآبار

اما المياة العذبة تحتاج فلتر رمل

[معماري قطري]

عذرا صاحب الموضوع

الاخ معماري الفلتر اللي جنب السخان والكنترول الكهربائي اللي في الصورة هو فلتر الأملاح او فلتر الرمل

لان حاليا انا متواجد في السعودية ومريت على محل فلاتر وشفت عندهم فلتر ستنستيل ويوجد منه انواع كثيرة

الامريكي 14 شمعه للحجم الكبير حجر فحمي بسعر 4500 ريال

وفي تايواني احجام مختلفة حتى 20 شمعة*بسعر2500ريال

وصيني رديئ الصناعة بسعر أرخص

طبعا السعر بدون شمعات وتكلف الشمعة ب 15 ريال 5 ميكرو

ويوجد فلتر أملاح من شركة جنرال الكتريك مع خزان اضافة الأملاح بسعر 5 آلاف

طبعا يتركب النظام بعد الخزان و المضخات اولا فلتر استنستيل بعدها فلتر جانبو عادي بعدها فلتر الأملاح

سالت عن فلتر ستنستيل في قطر يكلف الحجم الكبير 14 شمعة بسعر 7 آلاف

ممكن حد يُبين لنا احسن نظام للفلتر الماء للمنازل

لان موظف المحل يقولي ماتحتاج هذا النظام

هذا النظام يصلح لمياة الآبار

اما المياة العذبة تحتاج فلتر رمل

فلتر رمل إخوي عبدالعزيز وينظف نفسه في الاسبوع مرة .. وسويت له استبدال للرمل مرة من حول 4 - 5 سنين .. وحسب نظافة الماي اللي يوصلك من تشوف اللون تغير تسوي له صيانة وصيانة الطيب احترافية وسريعة ما قصروا .. إسم على مسمى

[معماري قطري]

الخطأ في الترتيب ذيه هو لوحة الكهرباء قرب الماء والمفروض تكون في كبت خاص خارجي أو في كسرة حايط بعيدة عن الماي لو صار تسريب

[معماري قطري]

اخوي المسالة بسيطة جيب سباك يركب لك محابس فوق السطح
لكل بايب نازل لدورات المياة وبعد ذالك ممكن تقفل كل خط نازل حار وبارد
تبدا بقفل دورة مياة واحدة لمدة ساعتين لاختبار وأبدا الاختبار للحمامات
الي يمين ويسار الدرج اولا اذا فيه تسريب تلقى البرشر ما يوقف
وبتكتشف التسرب وين

ملاحضة الاختبار من المحابس الي داخل دورة المياة ما يفيدك لاختبار
البايب الممتد من الخزان الى المحبس يفيدك فقط للمنطقة الداخلية للحمام
للعلم تحتاج سباك شاطر يحل لك الأضرار باقل الخساير
موفق اخوي

هذا اللي حاولت اشرحه له وانت وضحت أكثر .. ولو يركب البرشر على كل بيب من فوق بيعرف أي بيب بالضبط وبسرعة وبدال ما يبدل الكل يبدل جزء بسيط وممكن يسكره ويصبر عليه لو ما يحتاجه .. عمال التركيب يشوفون اللي محتاج صيانة صيدة ويحاولون يسوون شغل جديد

[معماري قطري]

قصدي يركب جهاز قياس الضغط .. بيبين بسرعة أي بيب يليك لأن من يضخ الماي ويضغط ينزل الضغط سرعة .. وبيبين أي بيب فيه ليك حتى بسيط

[معماري قطري]

إخوي عبدالعزيز فلتر الأملاح ما ادري شمميزاته بس ما تزيل الأملاح الضرورية لأنها مهمة للانسان .. لو فيه فلتر يزيل الكلور يمكن زين

[معماري قطري]

الخزان العلوي هو لين يفضى الخزان الارضي يشتغل و بمده بالماي.
المشكله من اسبوع ،و بعد التشييك حصلت تحت درج الصاله الرئيسية فيه تسريب �� وعقد المشكله اكثر لانه مافي بيبات في الدرج او فوق الدرج، شكله الماي سوى له مسار و ينزل تحت�� جبت بايب فيتر قالي بركب لك بيبات البيت خارجيه و ريح عمرك���� صراحه صادني احباط وقاعد افكر ابيع البيت ��
اخوي المعماري كفيت ووفيت ✌

مثل ما توقعت الماي يتسرب في فتحات الطابوق واحتمال كبير يكون حمام تحت وقريب من الدرج ومعالجته سهلة بدال معالجة النظام كامل وتشويه منظر البيت .. العامل اللي قال لك هالكلام البس له تكرم جوتي بوز مال أول وعطه في الريوله مثل ما يقولون وقول له روح العب بعيد

[معماري قطري]

انا اللي نفعتني الغرفة فوق للعدة .. طولها 5 وعرضها 2 متر وظللت المدخل بعد بمظلة خشب .. الغرفة خرسانة وطابوق وممكن عملها تحت لأنها معتمدة على الكهرباء والضغط

[BUHASSEN]

الاخوان كفو ووفو

انا صادتني نفس المشكله بالضبط

وماخليت حد ماجبته وطلع عندي اكثر من حمام خاصه الي فيهم بانيوهات


فرحت كسرت كل الحمامات الله يعزكم وخليت البيبات خارجيه وسويت تست لكل شي وطلع عندي واحد من المكيفات الي شغاله علي طول بيب الماي مب موصل للحمام الله يعزكم

بس طبعا تعلمت بعد هالددرس كثير

فنصيحه سو الخطوات مثل ماقالو الاخوان والله يكون في عونك

[Stars]

يعطيكم العافية ياشباب
بغيت أسأل إِيش أحسن بايبات التمديدات للماي
النحاس مع التلحيم أو البيبي آر الألماني الخضر
ويش الأضمن عن مشاكل التسريب

[شموخ دائم]

,

,

مرحبا


افضلها البيبات الالماني بلاشك وبعدها الايطالي والتركي والخليجي
ولكن....

( الفني ) الي بيركب هو اهم من البيبات لازم واحد فاهم شغله زين وخبره بالتعامل فيها
ويختبرها ضغط قبل تركيب السيراميك بالبراشر لمده 3 ايام

ممكن بيبات بحريني عاديه او حديد عادي ويركبها واحد فنان وعمر البيت مايشتكي من تسريب
بيوتنا الشعبيه قديما كانت الحديد العادي وعاشت فوق ال 30 سنه اكثرها ما حصل فيها مشاكل

المشاكل الان اكثر مع ان المواد اصبحت افضل بمئات المرات
الا ان العماله للاسف سيئه جدا وخاصه الرخيصه

دور على العامل الشاطر والفني الشاطر لو سعره دبل خاصه في الكهرباء والبيبفيتر


دائما اضرب مثل لاتشتري سياره لكزس وتعطيها سائق غشيم يسوقها
:)



,

,

[معماري قطري]

يعطيكم العافية ياشباب
بغيت أسأل إِيش أحسن بايبات التمديدات للماي
النحاس مع التلحيم أو البيبي آر الألماني الخضر
ويش الأضمن عن مشاكل التسريب

كلهم زينين والمهم النوع الجيد واللي مب مغشوش .. النحاس اخترب يوم قاموا يصنعونه في الامارات ويخلطون معاه مواد تعبانة وتصدي مثل الحديد ويقللون سمك جدرانه

والبي بي ار بدوا يصنعونه في الصين وفي تركيا بجودة أقل .. الألماني عند بو فكري مضمون 25 أو 50 سنة نسيت والمهم توصيلاته وزواياه من نفس الصناعة واللي يشتغل فيه يكون فاهم

[بوخالد911]

عندي نفس هالمشكلة.
وشفت الطوفة عليها رطوبة والماي مبلل الزل بالزاوية
الله يهونها بس.

[معماري قطري]

عندي نفس هالمشكلة.
وشفت الطوفة عليها رطوبة والماي مبلل الزل بالزاوية
الله يهونها بس.

ما اتوقع حد منا ما مر بهذي المشكلة

عندي طلع التسريب من بعد 5 سنوات وكان بسيط في البداية وبنقط خفيفة وصوب الحايط من برا لأن البيبات مغطية بخيش وزيت للعزل وعليها بلاستر وشوي داخلة في الغلاف الخارجي من الطابوق .. كان التكسير سهل والتصليح ما ياخذ يوم وبحدود أقل من ألف ريال .. وطلع من جهتين خارجية وتم تعديل الجهة الثانية من شهرين

لاحظت البايب جديد ويلمع لأنه نحاس انجليزي .. بس لاحظت فيه ضربات بسيطة بالمسمار كانت تتوسع مع مرور الوقت .. يمكن عصبت على بعض العمال وانتقموا ويمكن أُمور كثيرة ومنها للصيانة في المستقبل .. والمرة الأخيرة قال لي البايبفيتر ليش ما تغير البايبات كلها وايد عندك تعبانة وطلع بس يحاول يحصل شغل يوفي معاه

خطتي الحالية هي اصلاح أي خلل أول بأول ولو كان التصليح داخلي وفيه تكسير ووجع راس باغير النظام للبي بي ار حمام حمام وباركب البيبات بعمل شق في الجدار بالغريندر بدون خسارة البلاط الموجود ووجع راس زايد الا لو حبيت اغير تغيير جذري .. باركب على هذا القطع قطع بلاط غير أو رخام بحيث تبين كفاصل أو ديكور .. بيجي بشكل خط أُفقي وعند المغسلة بيكون مخفي وكذلك الحال مع باقي القطع

[معماري قطري]

ملاحظة مهمة .. مشاكل الماي تأثيراتها كبيرة على البنيان بالدفان بالبودرة وبدون أرضيات خرسانية ولازم معالجتها أول بأول .. المقاولين الكبار ما يدخلون فيها بسبب صعوبة التسعير وعدم معرفة أبعاد المشكلة .. والمتوسطين والصغار أفضل شيء بس تحت اشراف والاتفاق يكون مرحلة مرحلة حتى ما ينظلم المقاول ولا ندفع مبلغ كبير لشغلة بسيطة