الفرق بين امهات الأمس واليوم ؟

[R 7 A L]

السلام عليكم ورحمة الله وبركاته

شالفرق بين امهات الأمس واليوم من ناحية التربية ؟

[تاجر كشخة]

امهات اليوم فيهم الزين وفيهم الشين وامهات اليوم نفس الشي كلهم فيهم خير وبركة

[العقل المدمر]

امهات واباء اليوم والحياة بكبرها اليوم اقل قسوة
والابناء يا حظهم مرفهين ومدللين :shy:

[غير البشر]

تبغي الصراحه اخوي رحال

انا اشوف مغالطه كبيره بوصف امهات الامس

امهات الامس الكل عارف وماينكر كانت عن الف رجل
تطبخ وماتتشكى وتنظف وتغسل وتهتم وراعيه بيت بالدرجه الاولى

لكن !!

العيال عايشين على البركه نوعا ما
والسبب ان كان الكل عارف بعض ووقتهم كانت المغريات قليله ومحدوده جدا

امهات اليوم الاهتمام با الاطفال اكثر من امهات الامس
من حيث التدريس والاصدقاء والنظافه واللبس
مع نسبه اقل الاهتمام بالطبخ والتنظيف والغسيل بعكس امهات السابق

لكن !!
مغريات كثيره وتحدي كبير للعيال في ظل هالمغريات

انا معارض فكره الكثير من الناس
ان امهات الامس مهتمه بالعيال اكثر من امهات اليوم

[R 7 A L]

امهات اليوم فيهم الزين وفيهم الشين وامهات اليوم نفس الشي كلهم فيهم خير وبركة

الزين والشين في كل مكان وزمان هذي شي معروف
قصدي المقارنة بين مخرجات الامس واليوم في الاجيال من ناحية التربية

[بصمة قطرية]

الحياة بحد ذاتها صعبة الحين
الأمهات مجاهدات مع عيالهم
في التربية والتعليم و مغريات الحياة ..
العيال يشوفون غيرهم و يبون كل شي
و الأم بدورها لازم توازن بين احتياجاتهم
والاشياء اللي تناسبهم ..
و الأمهات الحين غالبيتهم موظفات
ترجع بيتها مهدود حيلها من الدوام تجابل عيالها
تدرسهم و تجابل بيتها و بوعيالها ..
قبل الحياة أكثر بساطة
و مثل ما قال غير البشر ( على البركة )
حتى التدريس أغلب الأمهات كانوا أميات ..
كل عصر له ظروفه
و أمهاتنا ما قصروا معانا أبد و تعبوا
والحين الأمهات يتعبون
أتمنى يا رحال موضوعك ما ينقلب تقليل في
فدر الأمهات الحين ..
خلونا نكوم منصفين و نتكلم بالحق ..

[راجي الْعفو]

وعليكم السلام و رحمة الله و بركاته

لما كانت امهات اول اكثر تدين و ستر و حشمة

شفنا النتايج العظيمة من تحت اياديهم

هذا المختصر المفيد

تحياتي

[R 7 A L]

امهات واباء اليوم والحياة بكبرها اليوم اقل قسوة
والابناء يا حظهم مرفهين ومدللين :shy:
خلينا انتكلم عن الامهات كون التأسيس يبدأ من عندهم
هل فارق التعليم لدى امهات اليوم اعطى نتائج افضل من امهات امس الاميات في التربية ؟

[العقل المدمر]

خلينا انتكلم عن الامهات كون التأسيس يبدأ من عندهم
هل فارق التعليم لدى امهات اليوم اعطى نتائج افضل من امهات امس الاميات في التربية ؟

ماقدر احكم .. التعليم ساعدهم في تعليم عيالهم
بس لا تنسى الطفرة التكنولوجية اللي صارت
عيال امس عيونهم مغمضة وحدهم شوارع يراكضون فيها
عيال اليوم جوالات وايبادات ولابتوبات وحسابات فكل المواقع الاجتماعية
يعني مانقدر نظلم الامهات لو شفنا عيال اليوم فيهم شي مب عدل
لان التكنولوجيا اكبر سبب فالخلل اللي صاير

[R 7 A L]

تبغي الصراحه اخوي رحال

انا اشوف مغالطه كبيره بوصف امهات الامس

امهات الامس الكل عارف وماينكر كانت عن الف رجل
تطبخ وماتتشكى وتنظف وتغسل وتهتم وراعيه بيت بالدرجه الاولى

لكن !!

العيال عايشين على البركه نوعا ما
والسبب ان كان الكل عارف بعض ووقتهم كانت المغريات قليله ومحدوده جدا

امهات اليوم الاهتمام با الاطفال اكثر من امهات الامس
من حيث التدريس والاصدقاء والنظافه واللبس
مع نسبه اقل الاهتمام بالطبخ والتنظيف والغسيل بعكس امهات السابق

لكن !!
مغريات كثيره وتحدي كبير للعيال في ظل هالمغريات

انا معارض فكره الكثير من الناس
ان امهات الامس مهتمه بالعيال اكثر من امهات اليوم

حياك الله اخوي غير البشر
اشكرك على المشاركة وعلى ذكر بعض الواجبات اليومية
ولكن المطلوب
ذكر ايجابيات ( التربية ) من طاعة الله ومن اخلاق واحترام وتقدير للكبير
هل الاجيال مثل ماهم ولا فيه اختلاف ؟

[سعود.]

وعليكم السلام و رحمة الله و بركاته

لما كانت امهات اول اكثر تدين و ستر و حشمة

شفنا النتايج العظيمة من تحت اياديهم

هذا المختصر المفيد

تحياتي


كلام جميل وفي الصميم

[حمد 2002]

تبي الكلام الصحيح ..

كل جيل يقول بأنه الأفضل ويمدح نفسه .. وكل جيل في أسود الوجه وفيه ابيض الويه وفيه المتربي وفيه قليل الأدب .. سواءا للرجال وسواءا للحريم ..

[R 7 A L]

الحياة بحد ذاتها صعبة الحين
الأمهات مجاهدات مع عيالهم
في التربية والتعليم و مغريات الحياة ..
العيال يشوفون غيرهم و يبون كل شي
و الأم بدورها لازم توازن بين احتياجاتهم
والاشياء اللي تناسبهم ..
و الأمهات الحين غالبيتهم موظفات
ترجع بيتها مهدود حيلها من الدوام تجابل عيالها
تدرسهم و تجابل بيتها و بوعيالها ..
قبل الحياة أكثر بساطة
و مثل ما قال غير البشر ( على البركة )
حتى التدريس أغلب الأمهات كانوا أميات ..
كل عصر له ظروفه
و أمهاتنا ما قصروا معانا أبد و تعبوا
والحين الأمهات يتعبون
أتمنى يا رحال موضوعك ما ينقلب تقليل في
فدر الأمهات الحين ..
خلونا نكوم منصفين و نتكلم بالحق ..

يعني اول كان مجال التربية اوسع واكثر من الان ؟

خلكم من التعليم حنا انتكلم عن التربية

[R 7 A L]

وعليكم السلام و رحمة الله و بركاته

لما كانت امهات اول اكثر تدين و ستر و حشمة

شفنا النتايج العظيمة من تحت اياديهم

هذا المختصر المفيد

تحياتي

يعني تشوف نتائج التأثير أفضل من التعليم للتربية ؟
او خلنا انقول هل التربية تُكتسب بالتأثير ام بالتعليم ؟

[Rider]

فرق السما عن الارض الا من رحم ربي

[سالم الزهران]

ودي لو اشجع نساء الجيل ذا و اقول لهم ما تقصرون ، لكن انا نكون مثل الجيل الأول ؟ لا و هذي سنة

الامثلة اللي براسي كثيرة وبحاول اذكر بعضها حتى تتضح الصورة . كان الاب اذا سافر و ابطى تقوم الأم بإرسال الولد للسوق يسوي انه يشتري اغراض و الحقيقة ( لأجل لا يقولون سافر و ما ترك معهم فلوس ).
اليوم فيه نساء طيبات لكن الإستثناء الطيب اليوم ،،،كان هو السائد بالأمس
............و لو جانا خالي ولاهو بضيف ( تقوم الام و تروح تذبح ذبيحة ) و ترسل الاولاد بشيء للجيران ( وينشدون ابوكم جاء ) لا ما جاء بس جانا ضيف ! ،،،اليوم من يعرف يذبح من الحريم ؟ ( اعرف انها مبالغة )

كنت ونا صغير اتطفل على ( في الأعراس ) وادخل عند الحريم ، على كثرهم الا انهم كانوا مطقمات ( غالباً نفس اللبس ، نفس الحزام ، نفس الشيلة ويمكن يختلف لون المنديل ( عصابة راس زي الشيفون ) فكيف تبغونهم يتحاسدن و يتباهين على بعضهن وهن لابسات طقم و العطر ( نباتات عطرية معروفة ) تلف في الشعر + محلب ،،الخ.

كانت الام تشوف جارتها جايه من بعيد و تخرج تقابلها وتحلف انها تشيل عنها الحمل و هذيك ترمي الحمل ( حطب، علف ،،الخ ) و تروح مسرعة لبيتها وتطلع القهوة و تنتظر صاحبة الحمل الثقيل في ظل البيت و يسولفن و لم اسمع في يوم عن مشاكل حريم الا في الأواني الأخيرة و لم اسمع بحالة طلاق ( كانوا يقولون فلانه شردت لأهلها ) يمكن سمعتها مرتين . في الختام الكلام ما يفيد ( زمن ولى وترك ذكريات ) و الله يصلح الشأن واعذروني ع الإطالة

[سالم الزهران]

* وين البنت اللي تكفي امها اليوم ؟ ما نبيها تخدم جارتها ، اخدمي امك ومكثور خيرك !

[Dana’1]

كل شي الحين غير عن أول
الأمهات الأباء الأطفال والبيئة الي يعيشون فيها نمط الحياة التعليم وووإلخ
بس الشي الثابت ومايفرق كثيير هي الفطره الأم والأمومه هي الأم نفسها قبل والحين

[راجي الْعفو]

يعني تشوف نتائج التأثير أفضل من التعليم للتربية ؟
او خلنا انقول هل التربية تُكتسب بالتأثير ام بالتعليم ؟

التربية ما في شك انها تكون بتلقين الاهل

والتأثير بيكون موجود في الخارج وربما تضرر الشخص به

لكن يبقى معدن التربية الأصيل ثابت و كفيل بعد توفيق الله انه ما يخلي الشخص يتزحزح عن الأساسيات


لما احنا نصب العتب ، ما نصبه ع شي قد يتصور من كل احد


وإنما نتكلم عن تنازل كثير من النساء عن الأساسيات


اعطيك مثال للتوضيح:


العباية شي أساسي عند المرأة المسلمة ، واتوقع محد يختلف في هذا

طيب ، هل تغير الستر و الاحتشام في زماننا هذا و لا ما تغير ؟

اتوقع تغير بنسبة كبيرة ، فلما احنا نجي ةًنعاتب فهو عتاب حقيقي و في محله

لان مع كثرة الفتن و تغير الظروف ،

ما شفنا الشباب في قطر مثلا يكشفون عوراتهم و يجونك و يتمشون بشورتأت للفخذ - تكرمون - في العموم طبعا - وإنما اللي نشوفه ثوب و غترة ة عقال

بينما - في العموم -شفنا النساء يكشفن الواجب ستره و يضعن الممنوع !


فالتغير الحاصل في النساء لامس الجذور و القواعد
و هو ملاحظ بشكل واضح جداً


أتمنى ان الأخوات يفهمون المقصد اللي احنا نبي نوصل له من خلال الانتقاد

ويأخذونه بتجرد بعيدا عن العواطف ..


تحياتي

[عثرة جواد]

تربية الامس هي نتيجه اليوم ......وتربية اليوم هي نتيجه المستقبل


كل واحد يعرف اشلون كانت التربية .....وشلون صارت .....

بس ابي اعرف الي يتكلم عن النساء قبل عطونا امثلة حية ..........يعني رجل صار داعية او امراة صارت عالمة

رجل صار مثل يحتذى بة ........امراة يشهد لها .............لا تصيروون ببغاووات مجرد كلام ..

انا اشوف ان الرجال والنساء قبل كانت حقوقهم وواجباتهم شبة معدومه بس كانت تربيتهم اقرب للنفسية السليمة


لانها كانت ممتده من التعاليم الإسلامية والعادات السليمة ....

عسااك ع القوة

[الماريّة]

السلام عليكم

مرحبتين اخوي رحال ويعطيك العافيه على الموضوع

الفرق يختلف من جيل لجيل ومن زمن ل زمن

طبعا انا مع تربيه الاجيال الاول امهاتنا وشيابنا
يوم الواحد منا مايتجرأ يحط عينه بعيونهم من شده الاحترام والوقار

وصحيح كانوا شادين علينا لكن والله ونعم التربيه في زمنهم


اما جيلنا التالي وامهات الوقت
احنا للاسف فينا رقه زايده ودلع زايد وهالشي اثر على عيالنا
ان مانقدر نتحكم في تربيتهم الا من رحم ربي

وللاسف بعض الامهات في الجيل الحالي هي الي تخرب تربيه ولدها
بالدلع الزايد والاحتفالات الي مالها داعي

عجل بذمتكم ولد يسوون له عيد ميلاد واحتفال ويغنون له هابي بيرثدي
هذا وش بيطلع هالشي ماراح يأثر فيه بالليونه

قلنا عيد الميلاد بكبره بدعه ويسوونه للبنات لكن المصيبه ولد وعيد ميلاد
اقسم بالله مايصير بكره بتعود على الاحتفالات والدلع الزايد

فرأيي مع تربيه اهلنا لول الي كانوا مش متعلمين ولكن ربوا التربيه الصحيحه
الاسلاميه


/
/
دمتم بخير
الماريه

[eXpert*]

أمهات اليوم على كثر ما يهتمون في أبنائهم لكن المحصلة النهائية أخلاقياً وتحصيلياً ضعيفة مع الأسف ..

[أم هشام]

تبغي الصراحه اخوي رحال

انا اشوف مغالطه كبيره بوصف امهات الامس

امهات الامس الكل عارف وماينكر كانت عن الف رجل
تطبخ وماتتشكى وتنظف وتغسل وتهتم وراعيه بيت بالدرجه الاولى

لكن !!

العيال عايشين على البركه نوعا ما
والسبب ان كان الكل عارف بعض ووقتهم كانت المغريات قليله ومحدوده جدا

امهات اليوم الاهتمام با الاطفال اكثر من امهات الامس
من حيث التدريس والاصدقاء والنظافه واللبس
مع نسبه اقل الاهتمام بالطبخ والتنظيف والغسيل بعكس امهات السابق

لكن !!
مغريات كثيره وتحدي كبير للعيال في ظل هالمغريات

انا معارض فكره الكثير من الناس
ان امهات الامس مهتمه بالعيال اكثر من امهات اليوم
احسنت اخوي غير البشر
كلام صحيح 100 %

[بشائر]

يعني تشوف نتائج التأثير أفضل من التعليم للتربية ؟
او خلنا انقول هل التربية تُكتسب بالتأثير ام بالتعليم ؟

بالإثنين ..
سواء كان بالأمس أو اليوم الأمر يعتمد على نهج الأم نفسها ..
تلقى أمهات تهتم بتنمية عقول عيالها تحرص على تعليمهم المهارات والسنع وتراقب أصدقائهم وتتابع دراستهم حتى لو كانت أمية !
وأمهات همها الأول والآخير تملى بطونهم وتسفرهم وبس تلقاهم فاجين وعقول مجوفة ماتقدر تعتمد عليهم
بشي ينجحون بالدز ومدرسين خصوصيين واهم للحين في الابتدائي والاعدادي طيب هي شتسوي في البيت بالله؟

[ريم الشمال]

الأم والأمومة واحدة في كل فترة زمنية تختلف في اختلاف التعاطي والتعامل
ولا شك في ام اليوم هي أم الامس ولا فرق بينهم

[الاسطوره]

امهات اليوم اكثر اهتمام بالاطفال من كل النواحي

الدراسة اللبس الاهتمام النظافة

امهات الامس البعض حاط في باله انهم اكثر اهتمام لانها كانت قاعده بالبيت وتطبخ لهم بس وهذا مش مقيااس للاهتمام والله يحفظ امهاتنا يارب ويخليهم ويطول باعمارهم ويجزاهم كل خير


تشكر اخوي رحال ع*الموضوع

[بانغ بانغ]

صدقوني المعايير فقط اختلفت والاولويات هي من يحكم

امهات قبل وامهات اليوم ..... مناهج حياة بمقومات متغيرة