من فيكم حول الكروزر من الشكل القديم الى 2016

[محمد11]

من فيكم حول الكروزر من الشكل القديم الى 2016
ياليت الي حول يفيدنا بالسعر وقطع الغيار وطريقة التغير اذا كان فيه صبغ او ماشابه

[العساس]

صعب لانه لازم ينصبغ

[الاسطوره]

اولا البانه لازم تتغير ف راح تنصبغ والصداديم كذلك في كراج يحوّله في قطر ب 35 الف اذا بغيت رقمه راسلني ع الخاص ولكن ما اضمن لك شغله لاني ماجربت ، وبالتوفيق ان شاءالله

[HAMAD2008]

لاتخسر فلوسك فالأخير بيكون شكل 2016 بس تقليد،،،لاتتهور ههههه

[.قطر.]

مانصحك لانك بتغير البدي كامل ماعدا السقف وباب الشنطه التحتي والرفرف الخلفي

[fantasy]

حاسب قسم بالله بتندم يا رجال
خلك بعيد
التقليد في السيارة مكشوف و مشكوف بيطيح من عينك بلمح البصر
بالتوفيق

[لـبـيـه]

ما انصح والراي لك

السبب 2018 تغير كامل ل الاندكروزر

وبينزل كلعاده في شهر 9/2017

[asulaiti]

ما اعتقد أن اللاندكروزر بتغير في 2018 !!

خلاص تويوتا شكلها قررت تغير الشكل كل 8 سنين ..

هذا ما اعتقد ..

[جاسم الدوحة]

الكروزر لن يتغير في 2018
ولا اللكزس lx570 أيضاً

كانت إشاعة وانتشرت بين الناس
كالنار في الهشيم

ولا يوجد أي مصدر رسمي
يقول بذلك

السيارتان تعتبران جيلاً جديداً تماماً
حتى لو كانت (القـَصّة) تشبه الجيل السابق

ولا يوجد أي مصنع في العالم
يصنع قوالب جديدة (مكلفة) لاستخدامها
في الإنتاج لمدة 24 شهراً فقط
ليعود وينتج شكلاً آخر .. من جديد

الموديل الحالي 2016 سيستمر 8 سنوات
يتخللها (فيس لفت) بعد 5 سنوات ، كالعادة

[لـبـيـه]

الشكل الموجود حاليا تغير بسيط والبدي والشاصي ماتغيرو

حاليا التغير في اي كراج يكلف تقريبا 30 الف يحول اللكزس كامل

التغير يكون تغير في البدي كامل وليس الواجهه وبعض الكماليات

وانتو كيفكم

[وبشرالصابرين]

اخوي شفت صور بالنت اعتقد في لشارقه تحويل
مكتوب يكلف 30 الف بدون الرنقات


.

[ya3coub]

بالنسبة لي ما ركب فالجديد بس اتوقع انه يتبدل و يتغير بكل سهولة باب شنطة خلفي وجهية و كان الله غفورا رحيم

يا شباب لا تكرون الريال بشي حاب يسويه.



في ناس تحب تعدل سياراتها او تغير شكلها مو بس لأنه جديد بس شي في نفسه.


أخوي تأكد من التوصيلات الكهربائية أول شي و بعدها توكل على الله و قولنا رايك قبل و بعد و بكم و وين لأن في كثير يسئلون عن هالشي.



و اذا نفس ما الشباب يذكرون بأنه يعتبر جيل جديد, شنو كود الشاصي له الشكل 98 و لين 2007 كان j100 و من 2008 كان J 200 هاذي هل يعتبر J300 ولا شنو كود الشاصي لهذا الجيل ؟؟

[BoFahed]

اخوي عندك محل هاوس كار بشارع الاتحاد الغرافة جنب محلات التنجيد يسويه ب 35 الف قطع اصليه مع الصبغ شوف الرابط :

http://mzadqatar.com/products/1052495

[doha_vip]

بالنسبة لي ما ركب فالجديد بس اتوقع انه يتبدل و يتغير بكل سهولة باب شنطة خلفي وجهية و كان الله غفورا رحيم

يا شباب لا تكرون الريال بشي حاب يسويه.



في ناس تحب تعدل سياراتها او تغير شكلها مو بس لأنه جديد بس شي في نفسه.


أخوي تأكد من التوصيلات الكهربائية أول شي و بعدها توكل على الله و قولنا رايك قبل و بعد و بكم و وين لأن في كثير يسئلون عن هالشي.



و اذا نفس ما الشباب يذكرون بأنه يعتبر جيل جديد, شنو كود الشاصي له الشكل 98 و لين 2007 كان j100 و من 2008 كان J 200 هاذي هل يعتبر J300 ولا شنو كود الشاصي لهذا الجيل ؟؟


وين باب شنطة خلفي وجهية ؟؟

لازم يغير (الصدام الامامي+ البانه + الرفارف الامامية + ليتات وصطابات + الباب الخلفي فوق وتحت )

يعني اللي بيبقي من السياره القديمه بس ( الابواب + الرفارف الخلفيه + الصدام الخلفي)

وبالتوفيق

[.قطر.]

وين باب شنطة خلفي وجهية ؟؟

لازم يغير (الصدام الامامي+ البانه + الرفارف الامامية + ليتات وصطابات + الباب الخلفي فوق وتحت )

يعني اللي بيبقي من السياره القديمه بس ( الابواب + الرفارف الخلفيه + الصدام الخلفي)

وبالتوفيق
الصدام لازم يتغير وحتى البيبان اخوي

[HAMAD2008]

روح سوه اسمع كلام يعقوب،،،اخوي يعقوب الرجال سالنا واحنا عطيناه رايينا،،،يبي يغامر يروح شخسرانين إحنا اخوي

[محمد11]

يعطيكم العافيه ...
تم التواصل مع احد الكراجات .. قلت له عندي ظ¢ظ*ظ،ظ¥
قالي انا مانصحك تغير الان مايستاهل اذا عندك ظ¢ظ*ظ*ظ¨ بقول لك غير

لان التغير بيكون قطع فيبر وحديد
مثل الرفارف والصداديم والبانه ..
الصداديم بنقول اوك لكن الحديد صعب حرام والله الا اذا موديل قديم بقول اوك

بيض الله وجيهكم على الردود

[alftaan]

اللي يقول الكروزر بيتغير 2018 عطني مصدر رسمي حق هذا الكلام والا مانبي اشاعات من بين الشباب ومعارض السيارات .. وبعدين الوجه كامل مع الخلف تغير ومن الداخل الطبلون كامل تغير وغير بعض الكماليات ..

[بويعقوب]

رأي شخصي .. اسوق جي قديم وكاله ولا اركب لكزس محوله :)


المشكله وقت البيع تخسر فيه فوق خسارتك في التغيير .


في النهاية لك حرية الاختيار .


والله يوفقك

[A-Alansari]

الناس تقولك بيتغير 2018 بناء على تاريخ السيارة

لانه كل 10 سنوات تتغير تغيير كامل مش فيس لفت

والتشكيلة الجديدة تعتبر فيس لفت

وارجع لاسم الموديل مثل ماقال اخوي يعقوب الفئة للحين اسمها 200 يعني يعتبر نفس الجيل الي بدا من 2008

[alftaan]

الـلـه المستعـــــــــــــــــــــــان . . . . . . .

[السكين]

أنا شفت شباب يسألوا في شركة عبد الله عبد الغني قبل شهرين تقريباً وقالولهم الشكل بيتغير بـ 2018 والحديث دار قدامي من موظف.