ليش هيئة المقاييس .... دايما متأخرة !!!

[بانغ بانغ]

بين الحين والاخر .... نسمع ان هيئة المواصفات والمقاييس تصدر بيانا " لشجب وسحب " بعض المنتجات المتوافرة في السوق مع ان الناس صار لهم سنين يتداولونها ....

وينهم قبل ووين خبرائهم وفنييهم ...

مرة تواير ومرة شامبو ومرة ملح ومرة مادري شنو ...

لين متى المواطن والمقيم ضحية منتجات لا تخضع للفحص قبل دخولها البلد !

وهل في تنسيق بينهم وبين حماية المستهلك !

تحياتي

[بانغ بانغ]

في الراية اليوم موضوع عن الاكياس البلاستيكية

96621

[naklan]

موضوع مهم احييك عليه اخوي بانغ بانغ
اخر موضوع كان عن المكيفات وهذا نزل في اغلب
دول الخليج وكأنو يناقشونه في التلفزيون وربعنا
كأنو يستوردون الممنوع عندهم وبعد مرور خمس
سنوات توهم عاملين مواصفات للمكيفات

[تاجر كشخة]

اعوذ بالله اللهم يا كافي ويش صاير بعد يا بانغ انا صار لي سنين استخدم شامبو هيد اند شولدرز واهر شي سمعت انه مسرطن وغيرها كثير من المنتجات الله يحمينا

[بانغ بانغ]

موضوع مهم احييك عليه اخوي بانغ بانغ
اخر موضوع كان عن المكيفات وهذا نزل في اغلب
دول الخليج وكأنو يناقشونه في التلفزيون وربعنا
كأنو يستوردون الممنوع عندهم وبعد مرور خمس
سنوات توهم عاملين مواصفات للمكيفات

جزاك الله خير شيخنا نكلان وصادق في اللي قلته

المشكلة ان التوعية مهمة .... مثلا عن نفسي احط لليهال فودر او شامبو معين يعني لو صار شي ... نقدر انقاضيهم ؟

في اخوة كنت اتكلم معاهم ما شاء الله فاهمين في هالامور الفنية بنسمع مشاركاتهم بعد

اشكرك على المداخلة اخوي

[بانغ بانغ]

اعوذ بالله اللهم يا كافي ويش صاير بعد يا بانغ انا صار لي سنين استخدم شامبو هيد اند شولدرز واهر شي سمعت انه مسرطن وغيرها كثير من المنتجات الله يحمينا

ههههههه حياللله تاجرنا

ما سمعت عن الفودر جونسن ومن كم يوم ملح الطعام اللي ناكله وكل يوم طالعين بطلعه

من كم سنة تكلموا عن الهد ان شولدرز الشامبو المفضل لي وقالوا مسرطن بس عقب قالوا اوك

لين متى بنصير حقل تجارب

تحياتي لك

[qatari 111]

مع احترامي لهم اداره نايمه فالعسل بس يسمعون من الدول الثانيه انهم اكتشفوا شي مضر يعلنونها عقبها وبعدين يحللون السلعه هذا اذا عندهم من الاساس ناس فاهمه في هالامور .

[بانغ بانغ]

مع احترامي لهم اداره نايمه فالعسل بس يسمعون من الدول الثانيه انهم اكتشفوا شي مضر يعلنونها عقبها وبعدين يحللون السلعه هذا اذا عندهم من الاساس ناس فاهمه في هالامور .

بالضبط ... قلت اللي ابي اقوله

يسمعون وايطبقون علينا

[معماري قطري]

اعوذ بالله اللهم يا كافي ويش صاير بعد يا بانغ انا صار لي سنين استخدم شامبو هيد اند شولدرز واهر شي سمعت انه مسرطن وغيرها كثير من المنتجات الله يحمينا

انا أوقات اخلطه مع العصير واسوي عليه شوربة

ما عليك اخوي تاجر هذي النوعيات عالمية ومتداولة في دول كثيرة متقدمة .. مثل ألمانيا اللي دقيقة في مختبراتها وأمريكا واستخدمت نفس الشامبو هناك وتقريباً ما يفرق عن اللي عندنا الا لو يتم انتاجه محلياً وبمقادير يغلطون فيها .. لكن المتوقع يوصل جاهز في عبوات كبيرة ويعبأ في عبوات خاصة

[بانغ بانغ]

انا أوقات اخلطه مع العصير واسوي عليه شوربة

ما عليك اخوي تاجر هذي النوعيات عالمية ومتداولة في دول كثيرة متقدمة .. مثل ألمانيا اللي دقيقة في مختبراتها وأمريكا واستخدمت نفس الشامبو هناك وتقريباً ما يفرق عن اللي عندنا الا لو يتم انتاجه محلياً وبمقادير يغلطون فيها .. لكن المتوقع يوصل جاهز في عبوات كبيرة ويعبأ في عبوات خاصة

هلا بوعبدالله ... احنا الحمدلله عندنا مختبرات عالمية بس محد يستخدمها لانهم غير اكفاء

فلابد من وقفة واطلاع جدّي بين دول الخليج ....

[حمد 2002]

باختصار اللجنه ..مع الخيل ياشقرا ..


شكرا لك يالذيب