خرافة جيل الطيبين

[غريب الدّار]

السلام عليكم

صبحكم الله بالخير

ابي أتكلم عن خرافة اللي يسمونه جيل الطيبين

وقبل محد يفهم الموضوع غلط :nice: بادخل في مضمونه :

دايما نسمع من بعض الكبار (في السن) او اللي اكبر منا : ان جيلنا كان غير والله يعين هالجيل
ومثل هالكلام


في الواقع الكلام هذا غير صحيح او غير دقيق

لكل جيل مايميزه
وكل جيل يقول عن نفسه نفس الكلام

لدرجة اني صرت اعتقد ان كل جيل يبي يميز نفسه وينتقص من غيره

خصوصا اللي يقول والله احنا سوينا وسوينا في الوقت اللي ظروفنا كانت فيه صعبة والجيل الحالي لقى كل شي جاهز

هالمقارنة غير صحيحة اطلاقا ومجحفة

تدرون ليش؟ لان الظروف تتغير


اللي يبي يقارن يقدر يقارن بين ناس من نفس الجيل

مب جيلين مختلفين اختلفت فيهم الظروف


يعني اللي لاحظته :
جيل الستينات يقول عن جيل السبعينات (او كان يقول) نفسي الكلام : الله يعين هالجيل !
جيل السبعينات يقول عن جيل الثمانينات واللي بعده
جيل الثمانينات يقول عن الأجيال اللي بعده

وهلم جرا

وكل جيل يقول عن نفسه جيل الطيبين !!

طيب حتى اللي ينولد اليوم ، بعد ثلاثين سنة او عشرين بيقول عن نفسه نفس الكلام

يعني اللي يتكلم عن الجيل اللي هو انولد فيه او الفترة اللي هو انولد فيها انها احلى فترة وان الناس اللي جوا عقبه الله يعينهم او شي جذيه هذا واهم بصراحة

مافي شي اسمه الجيل السابق افضل
افضل في وشو ؟ طبعا هذا مب انتقاص من حد
لكن افضل في وشو بالمقارنة بالاجيال اللي جات عقب؟

وعلى فكرة ياجماعة :
المجتمع اللي احنا فيه لازال الحمدلله محافظ ولازال متمسك بالعاادت والتقاليد اللي نفخر بها

ندري ان في تغيير قاعد يصير في المجتمع وهاذي سنة الحياة

لكن المجتمع لازال مجتمع محافظ

فاللي يقول الله يعين هالجيل (وطبعا هالكلام انقال عن كل جيل من الجيل اللي قبله) لازم يوضح : الله يعينهم من أي ناحية ؟

كل شخص ينولد اليوم او انولد قبل عشر سنين ، في النهاية تربية والدينه تحدد أشياء وايد في شخصيته
يعني لوم نفسك قبل لاتلوم الجيل
وينشأ ناشئ الفتيان فينا
على ماكان عوده أبوه


الخلاصة :
كل جيل له مايميزه وله مساوئ ومحاسن

مافي جيل افضل من الثاني ، مع اعترافنا بفضل اللي بذلوا مجهود من بعد فضل الله سبحانه
والمقارنة غير عادلة لأن الظروف تتغير
وكل جيل يقول عن اللي بعده : الله يعينه ، فقط علشان ينسب لجيله هو الفضل والمحاسن ويعذرب في اللي عقبه

والله ولي التوفيق


غريب الدّار

[راجي الْعفو]

وعليكم السلام و رحمة الله و بركاته

يصبحك بالخير اخوي غريب ..

هو مثل ما قلت لازم نسال ايش المقصود ؟

اذا كانوا يقصدون من ناحية الديانة و العادات و التقاليد
فكلامهم صحيح ، فالاجيال القديمة كانت أفضل
ولا يمنع هذا أن هناك فئات لا زالت متمسكة باللي كانوا عليه الأوّلين

أما من ناحية التعليم و تطور وسائل الحياة فلا شك أن هذا الجيل أفضل من السابق

مع التحية ..

[الفيصلي]

حدثنا محمد بن يوسف حدثنا سفيان عن الزبير بن عدي قال أتينا أنس بن مالك فشكونا إليه ما نلقى من الحجاج فقال اصبروا فإنه لا يأتي عليكم زمان إلا الذي بعده شر منه حتى تلقوا ربكم سمعته من نبيكم صلى الله عليه وسلم

[هداف]

لا بالله ما صدقت وجانبت الصواب ....

ونحن عاصرنا الجيلين ولايوجد مقارنه بين الطيبين والضايعين الا من رحم ربي !!


ويرد عليك هذا الحديث :

حدثنا محمد بن يوسف حدثنا سفيان عن الزبير بن عدي قال أتينا أنس بن مالك فشكونا إليه ما نلقى من الحجاج فقال اصبروا فإنه لا يأتي عليكم زمان إلا الذي بعده شر منه حتى تلقوا ربكم سمعته من نبيكم صلى الله عليه وسلم

معا الشكر للاخ الفيصلي

[مستوى الدعم]

قد يتميز جيل عن جيل في نقطة معينة بسبب الظروف التي أحاطت به..

فمثلاً في السبعينات حدثت طفرة في البعثات الخارجية نتيجة الثروة المتحققة من ارتفاع أسعار النفط وكان الطلاب تتاح لهم فرصة الابتعاث رغم تحصيلهم الدراسي العادي فكان عدد كبير منهم من خريجي بريطانيا وأمريكا
فيما كان أبناؤهم في التسعينات يقاتلون من أجل البعثة لأن هناك تقشفاً في الإنفاق
بل تطور الأمر في بداية الألفية وأصبح بعض أبنائهم غير جامعيين نتيجة تغير سياسات جامعة قطر التي كانت تميل لتعقيد الدخول للجامعة وتسهيل الخروج منها.

هناك أجيال محددة في قطر كانت محاطة بالخرافات والجهل بأمور كثيرة في الدين فيما تسنت لأبنائهم الذين تعرضوا لثقافة دينية أكبر أن يتجنبوا تلك الجهالات

نعيب حالياً على أجيال الآيباد أنهم لم يستمتعوا بطفولتهم كما استمتعنا نحن.. باللعب مع الآخرين ومشاهدة المسلسلات الكرتونية التي صدف أنها كانت قوية سابقاً بفضل المؤسسات الحكومية التي ترعاها

ربما يعود سبب أننا نرى ماضينا جميلاً هو بسبب المشاعر التي أحسسنا بها عندما كنا نقوم بتجاربنا.. فقد كانت ممزوجة بالدهشة والبراءة التي تعمل حوادث الأيام على تشويهها.. ولذلك نعتقد أن الأجيال الجديدة محرومة من مثل تلك المشاعر.. في حين أنهم أنفسهم ينسجون قصصهم وتجاربهم مع أشياء مختلفة عما جربناه في ماضينا.. وسيحكون يوماً لأبنائهم أن جيلهم كان أفضل من جيل أبنائهم!

[غريب الدّار]

وعليكم السلام و رحمة الله و بركاته

يصبحك بالخير اخوي غريب ..

هو مثل ما قلت لازم نسال ايش المقصود ؟

اذا كانوا يقصدون من ناحية الديانة و العادات و التقاليد
فكلامهم صحيح ، فالاجيال القديمة كانت أفضل
ولا يمنع هذا أن هناك فئات لا زالت متمسكة باللي كانوا عليه الأوّلين

أما من ناحية التعليم و تطور وسائل الحياة فلا شك أن هذا الجيل أفضل من السابق

مع التحية ..

يصبحك بالنور والسرور
هلا شيخي راجي

والله ياراجي اشكرك اول شي لانك تناولت الموضوع من زاوية أخرى هي في صلب الموضوع لكن انا ماذكرتها او مافصلتها

لكن أيضا الكلام فيه نظر :
وش المقصود بمسالة (الديانة) اللي تفضلت وذكرتها اخوي الحبيب؟

[Boost]

إحنا أحسن جيل وعشنا أحسن حياة وعاشرنا أحسن ناس وأنتو كلكم جيل مهب طيب :nice:

ماخليتو شي لزمن الرسول عليه الصلاة والسلام والصحابة والتابعين

[خوي الدرب]

أكثر ما عرفته عن الفرق بين جيل زمان وجيل اليوم
هو شيء اسمه العيب
يمكن لرجل زمان أو امرأة زمان أن يتحمل الكثير من الأشياء نظير أن لا يقف في موقف يعتبر معيبا
بعكس ما نراه اليوم من التساهل في مثل هذه الأمور بحجة أنا حر

[راجي الْعفو]

يصبحك بالنور والسرور
هلا شيخي راجي

والله ياراجي اشكرك اول شي لانك تناولت الموضوع من زاوية أخرى هي في صلب الموضوع لكن انا ماذكرتها او مافصلتها

لكن أيضا الكلام فيه نظر :
وش المقصود بمسالة (الديانة) اللي تفضلت وذكرتها اخوي الحبيب؟

العفو ، وكلنا نكمل بعض ياخوي غريب ..

الديانة اللي قصدتها هو الدين الاسلامي و التمسك به
والاخ الفيصلي وضح المقصود بالحديث اللي اذكره

[غريب الدّار]

حدثنا محمد بن يوسف حدثنا سفيان عن الزبير بن عدي قال أتينا أنس بن مالك فشكونا إليه ما نلقى من الحجاج فقال اصبروا فإنه لا يأتي عليكم زمان إلا الذي بعده شر منه حتى تلقوا ربكم سمعته من نبيكم صلى الله عليه وسلم
أشكرك يالفيصلي وراح تشوف الرد تحت باذن الله



الأخ هداف :

ونحن عاصرنا الجيلين ولايوجد مقارنه بين الطيبين والضايعين الا من رحم ربي !!

أولا : من هم الضايعين اللي تقصدهم ؟
في الغالب تقصد الجيل اللي عقب جيلك

طيب ياخي جيلك انت بالنسبة للي قبلك بعد من الضايعين على قولتك :nice:
وجيلك والاجيال اللي سبقته والاجيال اللي جات عقب بعد فيهم الصالح والطالح
ليش حكمت عليهم انهم ضايعين يابو الشباب ؟
جيلك انت بالنسبة للي قبله ضايعين بعد
مب خالصين يعني :nice:

اما اذا تقصد بالضايعين بعض النماذج السيئة : فهاذول مثل ماقلنا موجودين ف كل زمان ومكان
والفساد موجود طول مالبشر موجودين


ويرد عليك هذا الحديث :

حدثنا محمد بن يوسف حدثنا سفيان عن الزبير بن عدي قال أتينا أنس بن مالك فشكونا إليه ما نلقى من الحجاج فقال اصبروا فإنه لا يأتي عليكم زمان إلا الذي بعده شر منه حتى تلقوا ربكم سمعته من نبيكم صلى الله عليه وسلم

هذا يرد عليك انت ياهداف مايرد علي

وانت مطالب بتفسير الحديث تفسير صحيح

تدري ليش؟

خذ هالمثال وابيك اترد عليه :
عصر عمر بن عبدالعزيز ماكانوا لاقين حد يعطونه الصدقة
من شدة عدل عمر بن عبدالعزيز

لكن عهد سيدنا عمر بن الخطاب (الفاروق ) اللي قطعا افضل من عمر بن عبدالعزيز كان في ناس يسرقون من شدة الحاجة

هل نقدر نقول ان جيل عمر بن عبدالعزيز افضل من جيل سيدنا عمر بن الخطاب؟

هل تقدر تقول هالكلام اخوي ؟

قبل النقل اخوي ياليت تتاكد من اللي تنقله

النقطة الثانية :

ولايوجد مقارنه بين الطيبين والضايعين

طبعا لاتوجد مقارنة

اخوي الظروف تختلف
مايصير تقارن بين جيلين عاشوا ظروف مختلفة


كل جيل له مساوئ ومحاسن
وفيه الصالح والطالح

[غريب الدّار]

قد يتميز جيل عن جيل في نقطة معينة بسبب الظروف التي أحاطت به..

فمثلاً في السبعينات حدثت طفرة في البعثات الخارجية نتيجة الثروة المتحققة من ارتفاع أسعار النفط وكان الطلاب تتاح لهم فرصة الابتعاث رغم تحصيلهم الدراسي العادي فكان عدد كبير منهم من خريجي بريطانيا وأمريكا
فيما كان أبناؤهم في التسعينات يقاتلون من أجل البعثة لأن هناك تقشفاً في الإنفاق
بل تطور الأمر في بداية الألفية وأصبح بعض أبنائهم غير جامعيين نتيجة تغير سياسات جامعة قطر التي كانت تميل لتعقيد الدخول للجامعة وتسهيل الخروج منها.

هناك أجيال محددة في قطر كانت محاطة بالخرافات والجهل بأمور كثيرة في الدين فيما تسنت لأبنائهم الذين تعرضوا لثقافة دينية أكبر أن يتجنبوا تلك الجهالات

نعيب حالياً على أجيال الآيباد أنهم لم يستمتعوا بطفولتهم كما استمتعنا نحن.. باللعب مع الآخرين ومشاهدة المسلسلات الكرتونية التي صدف أنها كانت قوية سابقاً بفضل المؤسسات الحكومية التي ترعاها

ربما يعود سبب أننا نرى ماضينا جميلاً هو بسبب المشاعر التي أحسسنا بها عندما كنا نقوم بتجاربنا.. فقد كانت ممزوجة بالدهشة والبراءة التي تعمل حوادث الأيام على تشويهها.. ولذلك نعتقد أن الأجيال الجديدة محرومة من مثل تلك المشاعر.. في حين أنهم أنفسهم ينسجون قصصهم وتجاربهم مع أشياء مختلفة عما جربناه في ماضينا.. وسيحكون يوماً لأبنائهم أن جيلهم كان أفضل من جيل أبنائهم!
مستوى الدعم

مشاركة اكثر من رائعة
وكلام منطقي

ونقطة هامة : مسألة الظروف
الظروف تتغير

[غريب الدّار]

إحنا أحسن جيل وعشنا أحسن حياة وعاشرنا أحسن ناس وأنتو كلكم جيل مهب طيب :nice:

ماخليتو شي لزمن الرسول عليه الصلاة والسلام والصحابة والتابعين
حياك الله اخوي بوست

انا فهمت من كلامك (وأتمنى التصليح اذا اني غلطان) انك تستنكر سالفة احنا احسن جيل واحنا احسن جيل
لان كل جيل يقول عن نفسه نفس الكلام


ويامرحبا بك

[حفيد الأنصار]

ياسلام عليك .. قلت اللي بخاطري من فترة ي صاحب الموضوع :)



قد يتميز جيل عن جيل في نقطة معينة بسبب الظروف التي أحاطت به..

فمثلاً في السبعينات حدثت طفرة في البعثات الخارجية نتيجة الثروة المتحققة من ارتفاع أسعار النفط وكان الطلاب تتاح لهم فرصة الابتعاث رغم تحصيلهم الدراسي العادي فكان عدد كبير منهم من خريجي بريطانيا وأمريكا
فيما كان أبناؤهم في التسعينات يقاتلون من أجل البعثة لأن هناك تقشفاً في الإنفاق
بل تطور الأمر في بداية الألفية وأصبح بعض أبنائهم غير جامعيين نتيجة تغير سياسات جامعة قطر التي كانت تميل لتعقيد الدخول للجامعة وتسهيل الخروج منها.

هناك أجيال محددة في قطر كانت محاطة بالخرافات والجهل بأمور كثيرة في الدين فيما تسنت لأبنائهم الذين تعرضوا لثقافة دينية أكبر أن يتجنبوا تلك الجهالات

نعيب حالياً على أجيال الآيباد أنهم لم يستمتعوا بطفولتهم كما استمتعنا نحن.. باللعب مع الآخرين ومشاهدة المسلسلات الكرتونية التي صدف أنها كانت قوية سابقاً بفضل المؤسسات الحكومية التي ترعاها

ربما يعود سبب أننا نرى ماضينا جميلاً هو بسبب المشاعر التي أحسسنا بها عندما كنا نقوم بتجاربنا.. فقد كانت ممزوجة بالدهشة والبراءة التي تعمل حوادث الأيام على تشويهها.. ولذلك نعتقد أن الأجيال الجديدة محرومة من مثل تلك المشاعر.. في حين أنهم أنفسهم ينسجون قصصهم وتجاربهم مع أشياء مختلفة عما جربناه في ماضينا.. وسيحكون يوماً لأبنائهم أن جيلهم كان أفضل من جيل أبنائهم!



:victory:

[ولد العرب]

غريب ممكن اصير رفيجك واستفيد منك
:(:(:(

[فراغ]

مرة كنت أتابع قناة سي سي تيفي الصينية التي تبث بالعربية وكان القاء مع واحد شيبة صيني وكان يتحدث عن الجيل الحالي الصيني وعن الصينيين الأباء والأجداد
فقال الصيني الشيبة
أعيالنا تغيروا مو مثل أبائهم صاروا يتابعون الموضة في أمريكا وصبغون شعرهم ونسوا عاداتهم وتغاليدهم الصينية وهذا الجيل غير مكافح مثل الأباء ومن هذا الكلام المهم القاء طويل
ألي أحب أن أقولة كل جيل يمدح وقته

[ولد العرب]

مرة كنت أتابع قناة سي سي تيفي الصينية التي تبث بالعربية وكان القاء مع واحد شيبة صيني وكان يتحدث عن الجيل الحالي الصيني وعن الصينيين الأباء والأجداد
فقال الصيني الشيبة
أعيالنا تغيروا مو مثل أبائهم صاروا يتابعون الموضة في أمريكا وصبغون شعرهم ونسوا عاداتهم وتغاليدهم الصينية وهذا الجيل غير مكافح مثل الأباء ومن هذا الكلام المهم القاء طويل
ألي أحب أن أقولة كل جيل يمدح وقته

شوف اخوي الجيل الشيبه الصيني ماشفنا ولا عرفنا شي عنهم
اما الجيل الشباب الصييني اللي قال عنهم يتبعون امريكا انا اقول اشكر فنه وحياتهم استفدنا من جيلهم كل شي ملابس ادويه مواد بناء اشياء ماتطري ببال احد وطب وعلم وتكلوجيا :nice:

[غريب الدّار]

أكثر ما عرفته عن الفرق بين جيل زمان وجيل اليوم
هو شيء اسمه العيب
يمكن لرجل زمان أو امرأة زمان أن يتحمل الكثير من الأشياء نظير أن لا يقف في موقف يعتبر معيبا
بعكس ما نراه اليوم من التساهل في مثل هذه الأمور بحجة أنا حر

يامرحبا بخوي الدرب

شوف الله يسلمك

هالنقطة دقيقة ترى

ويبي لها تركيز :

مسالة العيب : شنو اللي يحكم العيب ؟ المفروض الشرع يكون أساسه
والحلال حلال والحرام حرام ياخوي الدرب مافي شك

لكن :
مسالة انا حر : هاذي تنقال في كل زمان ومكان ، وابسط دليل ان كل زمان فيه الصالح والطالح وهاذي سنة الحياة

مسالة التساهل :

شوف الله يسلمك : في أمور وايد كان المجتمع يعتبرها عيب
وهي في الأساس عادية ترى

مثال : قيادة المراة للسيارة : كان المجتمع يشوفها غلط وعيب
لكنها أصلا كانت عادية
بس لمجتمع له نظرة

اللي صار الحين ان المجتمع وعى للمسألة هاذي
اللي كان أساسها التشدد في بعض العادات والتقاليد

طبعا انا ضربت مثال بسيط

اللي ابي أقوله ان نظرة المجتمع ممكن تتغير ، ومب معنى ان احنا شفنا شي عيب الحين انه أصلا عيب
لا
التقاليد ممكن تحكم

لكن ولله الحمد مجتمعنا (في نظري) كان ولا زال مجتمع محافظ ونفخر بذلك ، ولا قصور في أي مجتمع خليجي او عربي او حتى عالمي

واشكرك على المشاركة

[الحاقول]

جيل الطيبين في الواقع هالكلام غير دقيق
لكل جيل مايميزه
وكل جيل يقول عن نفسه نفس هالكلام
الحمده كل زمن طيب بناسه واهله

[زمن الغربة]

أشكرك يالفيصلي وراح تشوف الرد تحت باذن الله



الأخ هداف :

أولا : من هم الضايعين اللي تقصدهم ؟
في الغالب تقصد الجيل اللي عقب جيلك

طيب ياخي جيلك انت بالنسبة للي قبلك بعد من الضايعين على قولتك :nice:
وجيلك والاجيال اللي سبقته والاجيال اللي جات عقب بعد فيهم الصالح والطالح
ليش حكمت عليهم انهم ضايعين يابو الشباب ؟
جيلك انت بالنسبة للي قبله ضايعين بعد
مب خالصين يعني :nice:

اما اذا تقصد بالضايعين بعض النماذج السيئة : فهاذول مثل ماقلنا موجودين ف كل زمان ومكان
والفساد موجود طول مالبشر موجودين


هذا يرد عليك انت ياهداف مايرد علي

وانت مطالب بتفسير الحديث تفسير صحيح

تدري ليش؟

خذ هالمثال وابيك اترد عليه :
عصر عمر بن عبدالعزيز ماكانوا لاقين حد يعطونه الصدقة
من شدة عدل عمر بن عبدالعزيز

لكن عهد سيدنا عمر بن الخطاب (الفاروق ) اللي قطعا افضل من عمر بن عبدالعزيز كان في ناس يسرقون من شدة الحاجة

هل نقدر نقول ان جيل عمر بن عبدالعزيز افضل من جيل سيدنا عمر بن الخطاب؟

هل تقدر تقول هالكلام اخوي ؟

قبل النقل اخوي ياليت تتاكد من اللي تنقله

النقطة الثانية :


طبعا لاتوجد مقارنة

اخوي الظروف تختلف
مايصير تقارن بين جيلين عاشوا ظروف مختلفة


كل جيل له مساوئ ومحاسن
وفيه الصالح والطالح

أخوي غريب الدار مادري أحس لخبطتني شوي...أو أنت تقدر تقول أفكارك ملتخبطه....الحين بالنسبة للمثال اللي ضربته أن في عهد عمر بن الخطاب الناس كانت تسرق من شدة الحاجه وأن في عهد عمر بن عبالعزيز كان ما يلقون حد يعطونه الزكاة...ثم طرحت سؤال هل نقدر نقول جيل عمر بن عبدالعزيز افضل من جيل عمر ابن الخطاب....السؤال موجه لك ومافهمت شنو تبغي توصل له....انت في رايك او ايش هي اجابتك...السؤال موجه لك 1 جيل عمر بن عبدالعزيز افضل؟ 2- جيل عمر بن الخطاب أفضل؟ مافي جيل أفضل من الثاني وكلهم متساوين وكل جيل له مميزات وعيوب

[حمد 2002]

صادق يراعي الموضوع واؤيد كلامك 100 بال100

[sanad81]

اوافق كلام راعي الموضوع تماما..

من منا ما سمع في الماضي ب قصة أخ ذبح اخوه أو عمه علشان مال أو ورث أو كذا?

وكذلك سمعنا عن خيرة أهل العلم و الكرم و الطيب.

خصال البشر تتكرر في كل زمان ب حلوها و مرها. ف ما في شي اسمه جيل كله خير و بس.

يهذب الخصال الدين و القانون. و أن الله يزع بالسلطان ما لا يزع بالقران.

[غريب الدّار]

العفو ، وكلنا نكمل بعض ياخوي غريب ..

الديانة اللي قصدتها هو الدين الاسلامي و التمسك به
والاخ الفيصلي وضح المقصود بالحديث اللي اذكره

حبيب والله ياراجي وماتقصر

بس بالنسبة للتمسك بالدين :
قد يكون ذلك صحيح وقد لا يكون ياراجي
خصوصا ان وسائل نشر الدعوة كل مالها وتزيد عن قبل
وهذا شي إيجابي

[غريب الدّار]

ياسلام عليك .. قلت اللي بخاطري من فترة ي صاحب الموضوع :)






:victory:

يامرحبا بك اخوي

[غريب الدّار]

غريب ممكن اصير رفيجك واستفيد منك
:(:(:(

اخوة الرياييل نشتريها بالذهب ياولد العرب

[@north_star@]

كل جيل يختلف عن الجيل اللي بعده واللي قبله وطبعا التكنولوجيا التي أدت الى التطور الحضاري والعقلي تسببت بإحداث فارق كبير بين الأجيال ناهيك عن الطفرات الإقتصادية ففي نظري هو إختلاف حضاري وتكنولوجي ولكن معدن الشخص الأصيل لا يتغير بل يورث من جيل الى جيل
وطبعا هنا يأتي دور التربية السليمة على المبادئ والقيم لا على الانحطاط والانجراف بتيار التكنولوجيا ذات الجانب الآخر الا وهو الجانب السلبي .

[qatarman8008]

كلام سليم..
الجيل القديم عاشوا بوضع مختلف عن الحالي..
كان مافيه وسائل راحة وترفيه مثل موبايلات او مكيفات..
ف هم ينظرون الى هذا الجيل انه مترفه او متدلع زيادة..
انا لي وجهه نظر هنا..
انه مادام الشخص محافظ على القيم الاصيلة..
ويؤدي الواجبات الدينية والاجتماعية والمهنية..
فليس عليه اي ملاحظات سلبية..

[غريب الدّار]

مرة كنت أتابع قناة سي سي تيفي الصينية التي تبث بالعربية وكان القاء مع واحد شيبة صيني وكان يتحدث عن الجيل الحالي الصيني وعن الصينيين الأباء والأجداد
فقال الصيني الشيبة
أعيالنا تغيروا مو مثل أبائهم صاروا يتابعون الموضة في أمريكا وصبغون شعرهم ونسوا عاداتهم وتغاليدهم الصينية وهذا الجيل غير مكافح مثل الأباء ومن هذا الكلام المهم القاء طويل
ألي أحب أن أقولة كل جيل يمدح وقته
بالضبط يافراغ
أشكرك على مشاركتك

[مشاكل]

البيئة والظروف المحيطة هي اللي تشكل الاجيال

[متواصل]

انا من الجيل الوسط ولله الحمد

[مشاكل]

انا من الجيل الوسط ولله الحمد

وخير الامور الوسط :victory:

[زمن الغربة]

أشكرك يالفيصلي وراح تشوف الرد تحت باذن الله



الأخ هداف :

أولا : من هم الضايعين اللي تقصدهم ؟
في الغالب تقصد الجيل اللي عقب جيلك

طيب ياخي جيلك انت بالنسبة للي قبلك بعد من الضايعين على قولتك :nice:
وجيلك والاجيال اللي سبقته والاجيال اللي جات عقب بعد فيهم الصالح والطالح
ليش حكمت عليهم انهم ضايعين يابو الشباب ؟
جيلك انت بالنسبة للي قبله ضايعين بعد
مب خالصين يعني :nice:

اما اذا تقصد بالضايعين بعض النماذج السيئة : فهاذول مثل ماقلنا موجودين ف كل زمان ومكان
والفساد موجود طول مالبشر موجودين


هذا يرد عليك انت ياهداف مايرد علي

وانت مطالب بتفسير الحديث تفسير صحيح

تدري ليش؟

خذ هالمثال وابيك اترد عليه :
عصر عمر بن عبدالعزيز ماكانوا لاقين حد يعطونه الصدقة
من شدة عدل عمر بن عبدالعزيز

لكن عهد سيدنا عمر بن الخطاب (الفاروق ) اللي قطعا افضل من عمر بن عبدالعزيز كان في ناس يسرقون من شدة الحاجة

هل نقدر نقول ان جيل عمر بن عبدالعزيز افضل من جيل سيدنا عمر بن الخطاب؟

هل تقدر تقول هالكلام اخوي ؟

قبل النقل اخوي ياليت تتاكد من اللي تنقله

النقطة الثانية :


طبعا لاتوجد مقارنة

اخوي الظروف تختلف
مايصير تقارن بين جيلين عاشوا ظروف مختلفة


كل جيل له مساوئ ومحاسن
وفيه الصالح والطالح


خلني أعود لمقارنتك هذه اللي طرحتها وكنت تبي رد من الأخ هداف...خلني أرد نيابة عنه...أولا أنت أقتطعت أحداث تاريخية بصورة تخدم هدفك من الموضوع وهو أقتطاع خاطئ تماما وتحليلك أو المقارنة بين زمن عمر بن عبدالعزيز بأن كانوا لا يجدون من يعطونه الصدقه من شدة عدله وبين ناس كانوا يسرقون من شدة الحاجه في عهد الفاروق!! هذا استشهاد عجيب وغريب ومغالطة تاريخية....أولا ليش كان الناس يسرقون؟ أنت تعطيني أنطباع بأن الناس كانت تسرق طوال العشر سنوات التي حكم فيها الفاروق وأعطيت أنطباع للقارئ أنه جيل سيئ!!...وهذا أقتباس خاطئ منك للتاريخ...الناس سرقت بسبب عام الرماده أو المجاعه والذي أستمر من ثمان الى تسع شهور فقط بسبب القحط وعدم نزول المطر في ذاك العام وعم الجزيرة العربيه كلها...ومن فقه الفاروق وعدله أنه رفع حد السرقه عن الناس لعلمه أن الناس في شده وعوز وحاجه ليس كما بينت أنت وكأن الناس كانت تسرق وكأن الناس في حاجه طوال مدة خلافته ....طيب خلنا نقارن بين جيل الفاروق وجيل عمر بن عبدالعزيز...في عهد الفاروق فتح بيت المقدس ولأول مره يكون بيت المقدس تحت حكم المسلمين...في عهد الفاروق وضع التاريخ الهجري...في عهد الفاروق أسس الدواوين( الوزارات) في عهد الفاروق فتحت مصر والشام وشمال أفريقيا والعراق وإيران...ودخل جميع أهل تلك المناطق في الاسلام...في عهد عمر انشأ الشرطه ونظام العس والحسبه...في عهد عمر كان ثله من الصحابه المبشرين بالجنة وهو واحد منهم...طيب ننتقل لعهد عمر بن عبدالعزيز واللي استمر سنتين ونص...نعم عم العدل وما كانوا يجدون الفقراء ودون في عهده الحديث الشريف لأول مره بشكل رسمي ومنظم لكن كان في عهده الكثير من الولاة الظلمه من بني أميه والكثير من الظلم وبعد ذلك عزلهم....سؤال موجه لك من هو الجيل الأفضل؟

ثانيا مثل ما ذكروا الشباب أن كل جيل والذي بعده أسوء في العموم وهذه قاعده عامه نستنتجها من الأحاديث والواقع...وهذه حقيقه ملموسه وما ينكرها الا مكابر...وحقيقه أخبر عنها الرسول عليه السلام...كما ذكر في حديث مالك بن أنس السابق....وأيضا الحديث الآخر قوله عليه السلام (خير الناس قرني ثم الذين يلونهم ثم الذين يلونهم...)...

[زمن الغربة]

ايضا هذه الحقيقة نجدها على أرض الواقع شوف الفتن اللي في زمنا والمشاكل الأجتماعيه في هذا الجيل...من تفكك أسري وأنتشار البويات والأخوانيه اللي كنا ما نشوف منهم في الأجيال السابقه الا ماندر...شوف حالات الطلاق...من كم أسبوع أقرا فالجريده أن في شهر يناير الماضي فقط حالات طلاق القطرين من الرجال ثمانيه وستين ومن النساء شي وأربعين....تخيل هذا في شهر واحد فقط....الجار ما يعرف جاره...بالله عليك جارك الاول والثاني والثالث والرابع تعرفهم؟ متى آخر مره تزاورتوا؟ متى آخر مره طرشتوا حق بعض مواعين أكل ولا شي؟ الشباب صارت الفتن عندهم سهله من زنا وشرب خمر...روح شوف مؤسسة دريمه وشوف أعداد الاطفال هناك....روح دار المسنين وشوف....هل هذه الاشيا كانت موجوده في الاجيال السابقه؟ ممكن تجاوب!!

[راجي الْعفو]

كلامك طيب في العموم اخوي زمن الغربة

فقط أحب أنبه ع نقطة و هي

ان عمر رضي الله عنه بكل بساطة لم يقم حد السرقة في عام المجاعة لان شروط القطع لم تتوفر

وليس تعطيلاً لحد السرقة كما قد يتوهمه البعض



وكل امر لا بد قبل إنفاذه من توفر الشروط و انتفاء الموانع

[نفسي عزيزه]

صدقني جيل الطيبيين غير

[سالم الزهران]

اشكرك اخي على طرحك للموضوع من هذا المنظور و اتفق معك في المقدمات و اختلف معك في الخلاصة

الأجيال في نقص ولا تزال و لا أريد ان استشهد بالحديث الصحيح الثابت لأنه لا يخفى عليك ولكن اعود واتفق معك ان خيرية الآباء والأجداد لا ينبغي ان تصبح سبباً لإحباط الجيل الحالي ومن يليه

[زمن الغربة]

كلامك طيب في العموم اخوي زمن الغربة

فقط أحب أنبه ع نقطة و هي


ان عمر رضي الله عنه بكل بساطة لم يقم حد السرقة في عام المجاعة لان شروط القطع لم تتوفر

وليس تعطيلاً لحد السرقة كما قد يتوهمه البعض



وكل امر لا بد قبل إنفاذه من توفر الشروط و انتفاء الموانع

جزاك الله خير أخوي راجي العفو على التوضيح....ولعل هالفتوى تسلط الضوء على هالنقطه تحديدا
https://islamqa.info/ar/118686

[Qt.1]

للاسف اخالفك 100% , الي عاصرو الجيل القبلي يعرفون الفرق والفروق كثيره ولو باذكرها مهب مخلص اليوم , لكن باذكر نقطه وحده ومقارنه وحده بس , الجيل القبلي جيل ايعرف العيب ايعرف السنع , اما هالجيل للاسف مايعرف شي اسمه عيب ولااحد ممكن يعتمد عليهم طبعا كلامي عن البعض مهب الكل , اللحين ياهل بو 8 سنوات ايعرف اشياء قبل بو 15 يمكن مايعرفها !! اي نفس الشي الله يرضى عليك شوف اكثر المشاكل والخراب كم اعمارهم والله يهال لكنهم ايسوون بلاوي !! فموضوع مافي فرق هذا كلام غير منطقي ابدا , انا معاك كل جيل له وقته وناسه ولكن باختصار جيل الطيبين كان انظف من هالجيل والي بيجي بعده ادمر منه الله يستر علينا يارب ,,

[Qt.1]

ايضا هذه الحقيقة نجدها على أرض الواقع شوف الفتن اللي في زمنا والمشاكل الأجتماعيه في هذا الجيل...من تفكك أسري وأنتشار البويات والأخوانيه اللي كنا ما نشوف منهم في الأجيال السابقه الا ماندر...شوف حالات الطلاق...من كم أسبوع أقرا فالجريده أن في شهر يناير الماضي فقط حالات طلاق القطرين من الرجال ثمانيه وستين ومن النساء شي وأربعين....تخيل هذا في شهر واحد فقط....الجار ما يعرف جاره...بالله عليك جارك الاول والثاني والثالث والرابع تعرفهم؟ متى آخر مره تزاورتوا؟ متى آخر مره طرشتوا حق بعض مواعين أكل ولا شي؟ الشباب صارت الفتن عندهم سهله من زنا وشرب خمر...روح شوف مؤسسة دريمه وشوف أعداد الاطفال هناك....روح دار المسنين وشوف....هل هذه الاشيا كانت موجوده في الاجيال السابقه؟ ممكن تجاوب!!

كأنك تقرى الي في بالي واتفق معاك في كل كلمه وفي كل حرف ,,

[غريب الدّار]

شوف اخوي الجيل الشيبه الصيني ماشفنا ولا عرفنا شي عنهم
اما الجيل الشباب الصييني اللي قال عنهم يتبعون امريكا انا اقول اشكر فنه وحياتهم استفدنا من جيلهم كل شي ملابس ادويه مواد بناء اشياء ماتطري ببال احد وطب وعلم وتكلوجيا :nice:

أشكرك ياولد العرب على المداخلة
ومثل ماقلنا كل جيل له مايميزه

[غريب الدّار]

........

أخوي غريب الدار مادري أحس لخبطتني شوي...أو أنت تقدر تقول أفكارك ملتخبطه
يامرحبا اخوي
انا لما قريت مداخلتك اكتشفت انك (متلخبط) على قولتك من الله :nice:
مب مني

وراح ابين لك هالشي باذن الله

الحين بالنسبة للمثال اللي ضربته أن في عهد عمر بن الخطاب الناس كانت تسرق من شدة الحاجه وأن في عهد عمر بن عبالعزيز كان ما يلقون حد يعطونه الزكاة...ثم طرحت سؤال هل نقدر نقول جيل عمر بن عبدالعزيز افضل من جيل عمر ابن الخطاب....السؤال موجه لك ومافهمت شنو تبغي توصل له
ابي أوصل طريق سلوى :)
شوف اخوي
دامك (متلخبط) على قولتك عدل :nice:
السؤال اللي سألته سؤال استنكاري
القصد منه :
لايمكن المقارنة بين جيل سيدنا عمر وبين أي جيل تلى ذلك الجيل
هذا اللي قصدته
وبعدين اخوي شلون توجه لي سؤال انا سالته على سبيل الاستنكار؟ هذا طبعا يدل انك (متلخبط) :victory:

ومافهمت شنو تبغي توصل له
اشكرك انك اعترفت انك مب فاهم والاعتراف بالحق فضيلة


انت في رايك او ايش هي اجابتك...السؤال موجه لك 1 جيل عمر بن عبدالعزيز افضل؟ 2- جيل عمر بن الخطاب أفضل؟
ارجع فوق بتعرف


مافي جيل أفضل من الثاني وكلهم متساوين وكل جيل له مميزات وعيوب
وانا شقاعد أقول من الصبح ؟ أي صبح ؟ من اول ماكتبت الموضوع :nice:

وحياك الله

واذا (تلخبطت) على قولتك اسال اخوي
بس ركز ولا عليك امر

[غريب الدّار]

صادق يراعي الموضوع واؤيد كلامك 100 بال100

ياحياك الله يابو شهاب
واشكرك على المرور

[غريب الدّار]

اوافق كلام راعي الموضوع تماما..

من منا ما سمع في الماضي ب قصة أخ ذبح اخوه أو عمه علشان مال أو ورث أو كذا?

وكذلك سمعنا عن خيرة أهل العلم و الكرم و الطيب.

خصال البشر تتكرر في كل زمان ب حلوها و مرها. ف ما في شي اسمه جيل كله خير و بس.

يهذب الخصال الدين و القانون. و أن الله يزع بالسلطان ما لا يزع بالقران.

صدقت اخوي

والف شكر على المشاركة اخوي سند
والأمثلة كثيرة

[غريب الدّار]

كل جيل يختلف عن الجيل اللي بعده واللي قبله وطبعا التكنولوجيا التي أدت الى التطور الحضاري والعقلي تسببت بإحداث فارق كبير بين الأجيال ناهيك عن الطفرات الإقتصادية ففي نظري هو إختلاف حضاري وتكنولوجي ولكن معدن الشخص الأصيل لا يتغير بل يورث من جيل الى جيل
وطبعا هنا يأتي دور التربية السليمة على المبادئ والقيم لا على الانحطاط والانجراف بتيار التكنولوجيا ذات الجانب الآخر الا وهو الجانب السلبي .

مابه خلاف يانورث ستار

نظرة حكيمة

اشكرك على المشاركة

[غريب الدّار]

كلام سليم..
الجيل القديم عاشوا بوضع مختلف عن الحالي..
كان مافيه وسائل راحة وترفيه مثل موبايلات او مكيفات..
ف هم ينظرون الى هذا الجيل انه مترفه او متدلع زيادة..
انا لي وجهه نظر هنا..
انه مادام الشخص محافظ على القيم الاصيلة..
ويؤدي الواجبات الدينية والاجتماعية والمهنية..
فليس عليه اي ملاحظات سلبية..
بالضبط ياقطر مان
هذا اللي قصدته لما قلت ان المجتمع ولله الحمدل لازال محافظ على أمور إيجابية كثييييييييرة
وكل جيل له مميزات وسلبيات
تفرضها الظروف وواقع الحياة

لكن المقارنة ماراح تكون عادلة الا اذا الكل انحط في نفس الظروف


اشكرك اخوي

[غريب الدّار]

البيئة والظروف المحيطة هي اللي تشكل الاجيال
صحيح يامشاكل
والظروف تختلف
والخير باذن الله باقي

[غريب الدّار]

انا من الجيل الوسط ولله الحمد


وخير الامور الوسط :victory:

يامرحبا بكم ياالربع

[غريب الدّار]

خلني أعود لمقارنتك هذه اللي طرحتها وكنت تبي رد من الأخ هداف...خلني أرد نيابة عنه
انا اخليك ترد نيابة عنه؟ وانا وكيل عنه الله يهداك ؟ :nice:
خله هو يخليك ترد نيابة عنه


أولا أنت أقتطعت أحداث تاريخية بصورة تخدم هدفك من الموضوع وهو أقتطاع خاطئ تماما وتحليلك أو المقارنة بين زمن عمر بن عبدالعزيز بأن كانوا لا يجدون من يعطونه الصدقه من شدة عدله وبين ناس كانوا يسرقون من شدة الحاجه في عهد الفاروق!! هذا استشهاد عجيب وغريب ومغالطة تاريخية....أولا ليش كان الناس يسرقون؟ أنت تعطيني أنطباع بأن الناس كانت تسرق طوال العشر سنوات التي حكم فيها الفاروق وأعطيت أنطباع للقارئ أنه جيل سيئ!!...وهذا أقتباس خاطئ منك للتاريخ...الناس سرقت بسبب عام الرماده أو المجاعه والذي أستمر من ثمان الى تسع شهور فقط بسبب القحط وعدم نزول المطر في ذاك العام وعم الجزيرة العربيه كلها...ومن فقه الفاروق وعدله أنه رفع حد السرقه عن الناس لعلمه أن الناس في شده وعوز وحاجه ليس كما بينت أنت وكأن الناس كانت تسرق وكأن الناس في حاجه طوال مدة خلافته ....طيب خلنا نقارن بين جيل الفاروق وجيل عمر بن عبدالعزيز...في عهد الفاروق فتح بيت المقدس ولأول مره يكون بيت المقدس تحت حكم المسلمين...في عهد الفاروق وضع التاريخ الهجري...في عهد الفاروق أسس الدواوين( الوزارات) في عهد الفاروق فتحت مصر والشام وشمال أفريقيا والعراق وإيران...ودخل جميع أهل تلك المناطق في الاسلام...في عهد عمر انشأ الشرطه ونظام العس والحسبه...في عهد عمر كان ثله من الصحابه المبشرين بالجنة وهو واحد منهم...طيب ننتقل لعهد عمر بن عبدالعزيز واللي استمر سنتين ونص...نعم عم العدل وما كانوا يجدون الفقراء ودون في عهده الحديث الشريف لأول مره بشكل رسمي ومنظم لكن كان في عهده الكثير من الولاة الظلمه من بني أميه والكثير من الظلم وبعد ذلك عزلهم....سؤال موجه لك من هو الجيل الأفضل؟
والله اخوي شوف
مع احترامي لوجهة نظرك اللي هي خطأ أساسا :nice:
بس عاذرك لانك بنفسك قلت انك منت فاهم
فبالتالي وجهة نظرك مبنية على أساس غلط
وانا ماقصدت الكلام اللي قلته اطلاقا اخوي والموضوع نفسه وكل مداخلاتي في الموضوع تعني عكس ماتقول تماما
ورديت تسألني من هو الجيل الأفضل مع ان موضوعي واضح ومداخلاتي واضحة
ارجع اقرا بارك الله فيك


ثانيا مثل ما ذكروا الشباب أن كل جيل والذي بعده أسوء في العموم وهذه قاعده عامه نستنتجها من الأحاديث والواقع...وهذه حقيقه ملموسه وما ينكرها الا مكابر...وحقيقه أخبر عنها الرسول عليه السلام...كما ذكر في حديث مالك بن أنس السابق....وأيضا الحديث الآخر قوله عليه السلام (خير الناس قرني ثم الذين يلونهم ثم الذين يلونهم..

حلو

الحين ابي اجي للحديث اللي أوردته واللي قاعدين تحتجون فيه :
الرسول فعلا قال خير القرون قرني ثم الذين يلونهم
هل قال الى يوم الدين ؟ تكلم عن ثلاث قرون تقريبا

ندري ان عصر الرسول ومن بعده عصر الصحابة كانت افضل العصور
لكن هل قال الرسول ان كل جيل أسوأ من اللي قبله؟ :nice:

وارجع لتفسير الحديث اخوي وعقب احتج به

بس حاسب لا (تتلخبط) :nice:

[غريب الدّار]

...بالله عليك جارك الاول والثاني والثالث والرابع تعرفهم؟ متى آخر مره تزاورتوا؟ متى آخر مره طرشتوا حق بعض مواعين أكل ولا شي؟ !!
ايه اعرفهم
:)
وتزاورنا من فترة :)
طرشنا مواعين الله يسلمك بس في صحن انكسر

بس انا مستغرب :
انت من كثر ماانت(متلخبط) على قولتك صرت تشخصن الموضوع :)

رد على الأفكار اخوي

ولا للحين (متلخبط) :)


ايضا هذه الحقيقة نجدها على أرض الواقع شوف الفتن اللي في زمنا والمشاكل الأجتماعيه في هذا الجيل...من تفكك أسري وأنتشار البويات والأخوانيه اللي كنا ما نشوف منهم في الأجيال السابقه الا ماندر...شوف حالات الطلاق...من كم أسبوع أقرا فالجريده أن في شهر يناير الماضي فقط حالات طلاق القطرين من الرجال ثمانيه وستين ومن النساء شي وأربعين....تخيل هذا في شهر واحد فقط....الجار ما يعرف جاره.......هل هذه الاشيا كانت موجوده في الاجيال السابقه؟ ممكن تجاوب!!
على فكرة اخوي :
ظروف الحياة هي اللي تغيرت

يعني لو كانت هالظروف موجودة في الجيل السابق كان يمكن لقيت نفس الشي :)

الظروف تغيرت فمانقدر نحكم

المقارنة غير عادلة أصلا

لا (تتلخبط) لو سمحت :)

والأمور اللي ذكرتها منتشرة في كل زمان ومكان

[غريب الدّار]

كلامك طيب في العموم اخوي زمن الغربة

فقط أحب أنبه ع نقطة و هي

ان عمر رضي الله عنه بكل بساطة لم يقم حد السرقة في عام المجاعة لان شروط القطع لم تتوفر

وليس تعطيلاً لحد السرقة كما قد يتوهمه البعض



وكل امر لا بد قبل إنفاذه من توفر الشروط و انتفاء الموانع
اشكرك ياراجي على التوضيح اللي بصراحة انا عارفه أصلا بس جزاك الله خير انك وضحته للكل
وهو مب موضوعنا أساسا وانا ضربته كمثال

حياك الله

[غريب الدّار]

صدقني جيل الطيبيين غير

كل جيل غير عن الثاني
وكل جيل فيه الطيبين وغير ذلك

[غريب الدّار]

اشكرك اخي على طرحك للموضوع من هذا المنظور و اتفق معك في المقدمات و اختلف معك في الخلاصة

الأجيال في نقص ولا تزال و لا أريد ان استشهد بالحديث الصحيح الثابت لأنه لا يخفى عليك ولكن اعود واتفق معك ان خيرية الآباء والأجداد لا ينبغي ان تصبح سبباً لإحباط الجيل الحالي ومن يليه

على عيني وراسي اخوي اتفاقك واختلافك
واشكرك على المرور

وش المقصود يعني في نقص ؟
الحديث رديت عليه اخوي في مداخلة سابقة

وكل جيل فيه الصالح والطالح

[غريب الدّار]

للاسف اخالفك 100% , الي عاصرو الجيل القبلي يعرفون الفرق والفروق كثيره ولو باذكرها مهب مخلص اليوم , لكن باذكر نقطه وحده ومقارنه وحده بس , الجيل القبلي جيل ايعرف العيب ايعرف السنع , اما هالجيل للاسف مايعرف شي اسمه عيب ولااحد ممكن يعتمد عليهم طبعا كلامي عن البعض مهب الكل , اللحين ياهل بو 8 سنوات ايعرف اشياء قبل بو 15 يمكن مايعرفها !! اي نفس الشي الله يرضى عليك شوف اكثر المشاكل والخراب كم اعمارهم والله يهال لكنهم ايسوون بلاوي !! فموضوع مافي فرق هذا كلام غير منطقي ابدا , انا معاك كل جيل له وقته وناسه ولكن باختصار جيل الطيبين كان انظف من هالجيل والي بيجي بعده ادمر منه الله يستر علينا يارب ,,

كل جيل يقول عن اللي بعده نفس الكلام

يعني لو تروح لجيل السبعينات بتلقاهم كانوا يقولون عن جيل الثمانينات نفس الكلام

وقبل بعد في ناس مايعرفون السنع اخوي

وبعدين في الأساس :
اللي قاعد يقول الجيل اللي قبل وجيل الطيبين

هل يقدر أصلا يحدد من يقصد؟ :)

أي جيل بالضبط؟


والسؤال موجه للجميع :
أي جيل تقصدونه لما تقولون كانوا يعرفون السنع وكانوا وكانوا وكانوا؟ أي جيل بالضبط؟

مستحيل حد يجاوب هالسؤال

تعرفون ليش؟ لأن الفكرة أصلا مبهمة

وكل جيل (مثل ماقلت قبل ) يقول عن نفسه نفس الكلام
والكلام اللي ينقال عن جيل اليوم ، جيل اليوم بيقوله عن الأجيال بكرة :)

[سالم الزهران]

ندري ان عصر الرسول ومن بعده عصر الصحابة كانت افضل العصور
لكن هل قال الرسول ان كل جيل أسوأ من اللي قبله؟ :nice:

وارجع لتفسير الحديث اخوي وعقب احتج به

بس حاسب لا (تتلخبط) :nice:

:) يا الحبيب ترى سعد اخو سعيد !( لكنك بدل ما يطرا لك مقياس الخيرية طرا لك العكس ) لكن الرسول عليه الصلاة و السلام أوتي جوامع الكلم وبعدين ما يحتاج يروح لشرح الحديث اذا كانت جاء في آخر الحديث ثم يأتي اقوام تسبق شهادة احدهم يمينه ويمينه شهادته ؟؟ و لا ينكر اهل العلم ان في العصور التي تلت القرون المفضلة اناس من التابعين ومن تبعهم و من جاء على اثرهم قد يكون اكثر علماً و عبادةً من بعض ممن عاش في القرون المفضلة و انظر كلام ابن عثيمين رحمه الله حول الموضوع هذا. مثل ما قلت لك : ليس القصد تقنيط الناس ولكن تعلم ان في آخر الزمان يقال كما ورد في الحديث ( انّ في بني فلان رجل أمين ) لقلة الأمانة و شيوع الخيانة . وهذا عجيب

[غريب الدّار]

:) يا الحبيب ترى سعد اخو سعيد ! لكن الرسول عليه الصلاة و السلام أوتي جوامع الكلم وبعدين ما يحتاج يروح لشرح الحديث اذا كانت جاء في آخر الحديث ثم يأتي اقوام تسبق شهادة احدهم يمينه ويمينه شهادته ؟؟ و لا ينكر اهل العلم ان في العصور التي تلت القرون المفضلة اناس من التابعين ومن تبعهم و من جاء على اثرهم قد يكون اكثر علماً و عبادةً من بعض ممن عاش في القرون المفضلة و انظر كلام ابن عثيمين رحمه الله حول الموضوع هذا. مثل ما قلت لك : ليس القصد تقنيط الناس ولكن تعلم ان في آخر الزمان يقال كما ورد في الحديث ( انّ في بني فلان رجل أمين ) لقلة الأمانة و شيوع الخيانة . وهذا عجيب

بالنسبة للصحابة وجيل التابعين حديث الرسول موجود

انزين وعقب؟

كل جيل فيه الصالح والطالح

وفي حديث للرسول عليه السلام يقول امتي كالمطر لايعرف اوله خير او اخره خير

:)

هاذي نقطة

ثاني نقطة :
الحين يعني اللي يقول جيل الطيبين غير يقصد جيل الصحابة مثلا؟ :)
ولا يقصد جيله هو ؟

وسلم لي على سعد وسعيد اخوي :)

وبعدين اخوي النقطة اللي متمسكين فيها (اللي هي جيل الصحابة والتابعين ) مردودة عليكم

لان اللي يحتج بها تدري شقاعد يقول :
ان افضل الأجيال هي جيل الرسول والصحابة والتابعين (وهالكلام صحيح طبعا)
لكن كنه قاعد يقول كل الأجيال اللي عقب تعبانة وسيئة !!
اذن شلون البعض يحتج بان جيله افضل من جيل غيره ؟ هل عاصرهم هو مثلا؟ :nice:
ولا شرايك اخوي ؟ :)

[سالم الزهران]

على فكرة اخوي :
ظروف الحياة هي اللي تغيرت

يعني لو كانت هالظروف موجودة في الجيل السابق كان يمكن لقيت نفس الشي :)

الظروف تغيرت فمانقدر نحكم

المقارنة غير عادلة أصلا

لا (تتلخبط) لو سمحت :)

والأمور اللي ذكرتها منتشرة في كل زمان ومكان

لا بالله ما اوافقك في ذي بالمرّه و لا ادري وش تقصد بالامور اللي ذكرت انها منتشرة في كل زمان ومكان؟ لكن يكفي ان في زمن الاباء و الاجداد لم يكن هناك قوانيين و حكومة بل كانت هناك عادات و تقاليد تمنع الرجال و المره من انهم يفعلون ما لا يليق , ناس تمنعهم شيمهم و ديانتهم على قل علمهم ,, رحمهم الله و قسم بالله ما نجي و لا نسوى معهم شيء كحكم عام و لكن الافراد كما قلنا فيهم الصالح والطالح و من يبلغ بعمله و خلقه و قبل كل شيء بفضل الله عليه مرتبة عالية

[ولد العرب]

اخوة الرياييل نشتريها بالذهب ياولد العرب

تسلم ياغالي ونعم فيك

[ولد العرب]

صادق يراعي الموضوع واؤيد كلامك 100 بال100

تويد يامعيض ها
الا خلني اشوفك تناقشه والله مهب حاصل لك خير مع غريب :nice:
قال اويد هههههههه

[حمد 2002]

تويد يامعيض ها
الا خلني اشوفك تناقشه والله مهب حاصل لك خير مع غريب :nice:
قال اويد هههههههه

بماذا اناقشه او اي على كلمه اعترض !!

سبق وقلت انني مؤيد لكلام الاخ غريب يا اخي ولد العرب !! ..

افتح عيناك والبس نظارت القراءه لكي ترى فحوى كلامي بدقه !! ..

ام انك تحتاج نظاره للعقل بدلا من القراءه ؟!! ..

ام ان الخير الذي هل عليك (( 1- عضو مؤسس 2- تجاره البخور 3- التثمين )) مرتا واحده اصاب عقلك بشيء ما !! ..


شكرا :shy:

[غريب الدّار]

لا بالله ما اوافقك في ذي بالمرّه و لا ادري وش تقصد بالامور اللي ذكرت انها منتشرة في كل زمان ومكان؟ لكن يكفي ان في زمن الاباء و الاجداد لم يكن هناك قوانيين و حكومة بل كانت هناك عادات و تقاليد تمنع الرجال و المره من انهم يفعلون ما لا يليق , ناس تمنهم شيمهم و ديانتهم على قل علمهم ,, رحمهم الله و قسم بالله ما نجي و لا نسوى معهم شيء كحكم عام و لكن الافراد كما قلنا فيهم الصالح والطالح و من يبلغ بعمله و خلقه و قبل كل شيء بفضل الله عليه مرتبة عالية
يخوي مافي شي اسمه مانجي ولا نسوى معاهم شي ، هذا كلام عاطفي

هم وغيرهم على العين والراس
بس كل جيل له مايميزه

وباذن الله الخير في امة محمد الى يوم القيامة :)

[ماجد البدر]

وعليكم السلام و رحمة الله و بركاته

من المعلوم ان قطر عاشت بطفره كبيره ومتسلسلة اللهم لك الحمد من حكم الشيخ خليفة بن حمد الى الشيخ تميم الله يحفظهم جميعا
الي قبلهم يشوفون الطفره و التغيير الي صاير من توزيع بيوت شعبيه و غيرها من الميزات الي حصلت لاهل قطر في الثمانينات وصاروا يشوفون السبعيانان و الستينات من الماضي ايام التعب و الشقى في البترول وانتهاء حقبه الغوص
وكان ماضيهم طيب بمنظورهم من اسلوب الحياة وترابط الاسر بشكل كبير

الحياة بدت بوتيرة سريعه من التسعينات واصبحوا يتحسرون و يذكرون الجمعات و في الضحى و الجلسات القديمة ووثت الضحى راح مع الدوامات و الاشغال و رتم الحياة فاصبح الماضي هو فعلا ماضي الطيبين
و الحياة اصبحت اسرع في الفيين 2000 و وقت الدوامات اصبح اطول و المدارس الطلبه يرجعون متاخر ووقت الغدا اصبح بعد الساعة 2 الظهر
اول بعد الصلاة مباشرة حاطين الغدا وكل متجمع على السفرة
اصبح وقت التسعينات هو ايام الطيبين بنسبة للي في الافين وهكذا نرى الماضي كله جميل مع ذكريات البيت العود وكل له ذكرياته وطابع معين عاش فيه له ماضي جميل مع من احب لذلك هو ماضي الطيبين بحق
قديم يقال ان الامراض كثيرة و المعدية و الحساسية من الرطوبه الحزاز و الحرارة و الدمامل و الجدري اعزكم الله ولكنه لايذكر غير الاشياء الجميله من ترابط اهل قطر مع بعضهم البعض وحبهم للمساعده و التواصل مابينهم اكثر ما يقال

[غريب الدّار]

وعليكم السلام و رحمة الله و بركاته

من المعلوم ان قطر عاشت بطفره كبيره ومتسلسلة اللهم لك الحمد من حكم الشيخ خليفة بن حمد الى الشيخ تميم الله يحفظهم جميعا
الي قبلهم يشوفون الطفره و التغيير الي صاير من توزيع بيوت شعبيه و غيرها من الميزات الي حصلت لاهل قطر في الثمانينات وصاروا يشوفون السبعيانان و الستينات من الماضي ايام التعب و الشقى في البترول وانتهاء حقبه الغوص
وكان ماضيهم طيب بمنظورهم من اسلوب الحياة وترابط الاسر بشكل كبير

الحياة بدت بوتيرة سريعه من التسعينات واصبحوا يتحسرون و يذكرون الجمعات و في الضحى و الجلسات القديمة ووثت الضحى راح مع الدوامات و الاشغال و رتم الحياة فاصبح الماضي هو فعلا ماضي الطيبين
و الحياة اصبحت اسرع في الفيين 2000 و وقت الدوامات اصبح اطول و المدارس الطلبه يرجعون متاخر ووقت الغدا اصبح بعد الساعة 2 الظهر
اول بعد الصلاة مباشرة حاطين الغدا وكل متجمع على السفرة
اصبح وقت التسعينات هو ايام الطيبين بنسبة للي في الافين وهكذا نرى الماضي كله جميل مع ذكريات البيت العود وكل له ذكرياته وطابع معين عاش فيه له ماضي جميل مع من احب لذلك هو ماضي الطيبين بحق
قديم يقال ان الامراض كثيرة و المعدية و الحساسية من الرطوبه الحزاز و الحرارة و الدمامل و الجدري اعزكم الله ولكنه لايذكر غير الاشياء الجميله من ترابط اهل قطر مع بعضهم البعض وحبهم للمساعده و التواصل مابينهم اكثر ما يقال

ولا قصور في كل من شارك وتشرفت به في الموضوع ، بعض المشاركات فيها من الاتزان الشئ الكثير
لدرجة الواحد ينجبر يقراها كاملة ويستمتع بقراءتها ، سواء كان يتفق او يختلف معاها

ومشاركة الأخ ماجد منها

أثني على كلامك اخوي ماجد وأقول ان كل جيل له مايميزه فعلا
والتغيير - مثل ماانت عارف اخوي ماجد - سنة الحياة

[qatari 111]

اخوي غريب الدار المقصد من جيل الطيبين هي اشياء افتقدناها مثل ماذكر اخونا ماجد البدر
اما ان احنا افضل ولا هم افضل فهذا يقاس حسب البيئه اللي عايشها الشخص

من ناحيتي اقول لعيالي احمدوا ربكم على وسائل الراحه في هذا الزمن كل شي متوفر لكم من الى ولله الحمد غير عن ايامنا كانت فيه مشقه وتعب . لكن بنفس الوقت ماكنا نعارف شي اسمه ملل اما الجيل الحالي بعمر 5 سنين يقول ملل رغم ان كل شي متوفر من الالكترونيات والحدائق والمجمعات وامور اخرى والسبب لانهم حصلوا الشي بالساهل اما احنا على ايامنا الشي اللي كنا نتمنا صعب نحصله بسهوله ولها طعم وقيمه اذا حصلنا هالشي .

[سالم الزهران]

بالنسبة للصحابة وجيل التابعين حديث الرسول موجود

انزين وعقب؟


للأسف ما اعرف للاقتباس المتعدد, لكن يا اخي نرد ونعيد الكلام اقرأ الحديث بتمعن وليكن هدفك الحق ونحسبك كذلك , الحديث ورد في آخره ( ثم يجيء اقوام ) و سياق الحديث يفيد الأستمرار في الخيرية للجيل السابق على اللاحق ... ( ثم ) راجع معناها في العربي التعقيب و التراخي

[غريب الدّار]

للأسف ما اعرف للاقتباس المتعدد, لكن يا اخي نرد ونعيد الكلام اقرأ الحديث بتمعن وليكن هدفك الحق ونحسبك كذلك , الحديث ورد في آخره ( ثم يجيء اقوام ) و سياق الحديث يفيد الأستمرار في الخيرية للجيل السابق على اللاحق ... ( ثم ) راجع معناها في العربي التعقيب و التراخي

بس ياطويل العمر في حديث ثاني انا ذكرته

هاذي نقطة

وأتمنى انك ترجع لتفسير الحديث

لان اذا كان هذا تفسيرك اخوي سالم معناها لازم نفقد الامل في أي اصلاح او تغيير في الحياة

لان كل جيل اردى من الثاني (حسب زعمكم)

[غريب الدّار]

اخوي غريب الدار المقصد من جيل الطيبين هي اشياء افتقدناها مثل ماذكر اخونا ماجد البدر
اما ان احنا افضل ولا هم افضل فهذا يقاس حسب البيئه اللي عايشها الشخص

وهذا اللي قالوه اخوي قطري
كل جيل له مميزات وسلبيات
والظروف تختلف
والتغيير سنة الحياة


من ناحيتي اقول لعيالي احمدوا ربكم على وسائل الراحه في هذا الزمن كل شي متوفر لكم من الى ولله الحمد غير عن ايامنا كانت فيه مشقه وتعب . لكن بنفس الوقت ماكنا نعارف شي اسمه ملل اما الجيل الحالي بعمر 5 سنين يقول ملل رغم ان كل شي متوفر من الالكترونيات والحدائق والمجمعات وامور اخرى والسبب لانهم حصلوا الشي بالساهل اما احنا على ايامنا الشي اللي كنا نتمنا صعب نحصله بسهوله ولها طعم وقيمه اذا حصلنا هالشي
وهاذي ادق نقطة في الموضوع اخوي :
هل لو انحطوا في نفس ظروف القبليين (سواء من ناحية فقر او قحط) كانوا ماراح يقدرون ؟ او كانوا بيسوون نفس الشي؟

لان المقارنة لازم تكون بين جيلين انحطوا في نفس الظروف

اما اني انتصر لجيلي علشان ارضي غروري وانتقص من غيري فهذا شي غير مقبول


وخذ هالحديث اخوي سالم :
حديث عمران بن حصين قال: قال رسول الله صلى الله عليه وسلم : لا تزال طائفة من أمتي يقاتلون على الحق ظاهرين على من ناوأهم حتى يقاتل آخرهم المسيح الدجال . رواه أبو داود وصححه الألباني . وكذلك يدل عليه لفظ : حتى يأتي أمر الله . رواه البخاري ومسلم من حديث المغيرة بن شعبة ، ومعاوية بن أبي سفيان ، ورواه مسلم من حديث ثوبان رضي الله عنهم جميعاً .


يقاتل المسيح الدجال؟ والمسيح الدجال يأتي في آخر الزمان

اذن الخير في أمة محمد عليه السلام إلى ذاك اليوم :)
وانت تقول كل جيل اردى من الثاني الله يهدانا وياك

[qatara]

وانت بنفسك تقول الضروف تغير ومن صنع هذه الضروف على بعضهم بعض
الناس هي الي تغيرت وفرضت هذه الضروف على نفسها

لا بالله الا صحيح راح زمان الطيبين

اكثر دينا اكثر حشمه وستر اكثر موده اكثر احترام واكثر رحمة الخ
كفاهم القليل وصبرو وحمدووسترو وشكرو

لحقنا على الجيلين وشفنا بعيونا

[غريب الدّار]

وانت بنفسك تقول الضروف تغير ومن صنع هذه الضروف على بعضهم بعض
الناس هي الي تغيرت وفرضت هذه الضروف على نفسها

لا بالله الا صحيح راح زمان الطيبين

اكثر دينا اكثر حشمه وستر اكثر موده اكثر احترام واكثر رحمة الخ
كفاهم القليل وصبرو وحمدووسترو وشكرو

لحقنا على الجيلين وشفنا بعيونا
بعض الظروف ياكتارا مب الناس فرضوها على انفسهم

التغير التكنولوجي على سبيل المثال
العالم صار قرية بفعل العولمة
فعلا قرية صغيرة وتقدر تتواصل فيها مع أي شخص تبي في الوقت اللي تبي وفي المكان اللي تبي

ممكن تعرّف لي جيل الطيبين اخوي ؟ :) (وهالسؤال موجه للكل )

والتعريف مثل ماانت عارف يفترض انه يكون جامع مانع


يعني تتكرم وتوضح لي وللجميع :
من هم ؟ مواليد أي سنة او حقبة او تاريخ؟ شنهي مميزاتهم ؟


هاذي نقطة

النقطة الثانية :
اذا (على قولتك) راح زمن الطيبين ، نقدر نعرف تصنيفك انت شنهو بالضبط ؟ من الأشرار مثلا؟
:)


كفاهم القليل وصبرو وحمدووسترو وشكرو

الله يواليهم العافية ويرحم من توفى منهم
وهل اللي جوا عقبهم انحطوا في نفس ظروفهم بالضبط وماصبروا ولا حمدوا ولا شكروا؟ :)

[سالم الزهران]

ب

كل جيل فيه الصالح والطالح

وفي حديث للرسول عليه السلام يقول امتي كالمطر لايعرف اوله خير او اخره خير

:)

هاذي نقطة



كل جيل فيه الصالح والطالح ؟ ما هقيت حد اعترض عليك في النقطة ذي ! احلف ما احد قد اعترض عليك .

اما بالنسبة لحديث ( أمتي كالغيث لا يدرى أوله خير أم آخره ) فتساؤلي هنا هو لماذا لا تجمع بين الحديثين ؟

عموماً الجمع بين الحديثين انقل لك مقتطفات عن الشيخ سفر الحوالي شفاه الله كالتالي و إن اردت التفصيل فتجده على المواقع الالكترونية " السؤال: ما الجمع بين قوله: صَلَّى اللهُ عَلَيْهِ وَسَلَّمَ: {خير القرون قرني، ثم الذين يلونهم، ثم الذين يلونهم }، وبين قوله: {أمتي كالغيث لا يدرى أوله خير أم آخره }؟

الجواب: { خير الناس قرني، ثم الذين يلونهم، ثم الذين يلونهم } هذا من حيث الطبقة العامة لا من حيث كل فرد بذاته، ولا شك أن أفراد الصحابة جيل متميز لن يبلغ مثله أحد، أي: الطبقة العامة من الصحابة رضوان الله تعالى عليهم فهم أفضل الأمة جميعها، والطبقة التي تليهم وهم التابعون هم أفضل وخير من الطبقة التي بعدهم من هذه الأمة" انتهى كلام الشيخ سفر

اذاً الخيرية للجيل بشكل عام , ويجوز ان يأتي افراد خير من افراد سبقوهم في الجيل .

والجمع بين الحديثين من كلام الشيخ ايضاً " أي: الطبقة العامة من الصحابة رضوان الله تعالى عليهم فهم أفضل الأمة جميعها، والطبقة التي تليهم وهم التابعون هم أفضل وخير من الطبقة التي بعدهم من هذه الأمة، ولكنك تجد أن في التابعين من هو خير وأكثر إيماناً ممن له مجرد صحبة، لأن الصحابة رضوان الله تعالى عليهم كما دل عليه حديث: {لو أنفق أحدكم مثل أحد ذهباً ما بلغ مد أحدهم ولا نصيفه } يدل على أن الصحابة كانوا طبقتين أيضاً، لأن المخاطب كان من الصحابة، وممن لهم صحبة، فالصحابة بمعنى أخص وهم السابقون الأولون من المهاجرين والأنصار هؤلاء درجة، ومن أسلم وجاهد من بعد الفتح أيضاً درجة.

فنقول: إن بعض أفراد التابعين، أي: كبار التابعين المجاهدين هم خير من آخر الطبقة الثانية، وهذا لا شك فيه، كما أن أفراداً من جيل تابعي التابعين من هو خير من أفراد التابعين... وهكذا، فهذا كطبقات " إنتهى كلام الشيخ

ولي تعقيب يا اخي الحبيب وهو : ان استعراض التاريخ الاسلامي يجعلك ترى تذبذبات في احوال الدول الاسلامية و الفتوح و الانتصارات وا لانحسارات ...الخ . مثلاً جاء بعد الدولة العباسية انشقاقات نشأ عنها دويلات من خوارزم شرقاً حتى المغرب غرباً و قضى على الخلافة اخيراً المد المغولي ؟؟ بعدها قامت دويلات وامارات اسلامية منها دولة المماليك الذين طردوا اخر المغول و الايوبيين الذين حرروا الأقصى ( وهؤلاء قطعاً خيراً ممن سبقهم ) ولو كان حالنا الآن كحال الايوبيين و المماليك في عصرهم الذهبي لقلنا بفخر اننا خيراً من الجيل السابق ولكن عندما نقول الجيل السابق خيرٌ منا لاننا نعرف احوالنا اليوم مقارنة مع احوال الاباء والأجداد ( الرجل الطيب اليوم اللي يربي أولاده على الدين والمروءة كان هو السائد وليس استثناءً كما هو حالنا اليوم )
اظن ان من الحكمة ان ننظر للأمر بتوسط و نضع الامور في نصابها و نقول الاولين عموماً اطيب من التالين ( على الاقل في زماننا هذا ) لانك منت في زمن صلاح الدين ولا زمن السلطان سليم الأول ؟ و تحفظي الوحيد واللي خلاني ادخل في مشاركات ما كنت أحب انها تطول هو الاجحاف منك يا اخي في حق الأولين يوم تقول ( لو توفرت لهم نفس الظروف بيصيرون مثلنا ؟) هذا اجحاف و تخرّص لا يقوم على شيء الا انك مليت من عبارة ( زمان الطيبين )
* عموماً استفدت من متابعتي لهذا الموضوع و في النهاية هي افكار نطرحها و لا ندعي لها القدسية و قد يعتريها النقص و الخطأ . تحياتي لك

[غريب الدّار]

اذاً الخيرية للجيل بشكل عام , ويجوز ان يأتي افراد خير من افراد سبقوهم في الجيل
وهاذي زبدة الموضوع اخوي سالم
وانت رديت على نفسك بنفسك
:)


اظن ان من الحكمة ان ننظر للأمر بتوسط و نضع الامور في نصابها و نقول الاولين عموماً اطيب من التالين ( على الاقل في زماننا هذا ) لانك منت في زمن صلاح الدين ولا زمن السلطان سليم الأول ؟ و تحفظي الوحيد واللي خلاني ادخل في مشاركات ما كنت أحب انها تطول هو الاجحاف منك يا اخي في حق الأولين يوم تقول ( لو توفرت لهم نفس الظروف بيصيرون مثلنا ؟) هذا اجحاف و تخرّص لا يقوم على شيء الا انك مليت من عبارة ( زمان الطيبين )

اخوي سالم ترى محد يعرف الغيب ، هل لو انحطوا فعلا في نفس ظروفهم ماكانوا بيسوون نفسهم ؟
من الخطأ والاجحاف المقارنة بين جيلين بظروف مختلفة فقط للانتصار لجيل على حساب جيل آخر :)

ومب مسالة مليت يالحبيب
مسالة : الحق احق ان يتبع
وهي وجهة نظر

هي افكار نطرحها و لا ندعي لها القدسية و قد يعتريها النقص و الخطأ
100% اخوي سالم وهالشي متفقين عليه ، وفي هالسياق احب أقول لك ان كلامي كله في هالموضوع وغيره يحتمل الخطأ بنسبة 99% والصواب بنسبة 1% ، وكلها قناعات
اللهم أرنا الحق حقاً وارزقنا اتباعه


تحياتي لك

الله يبقيك
ويامرحبا بك

[سالم الزهران]

اشكر تفاعلك يا اخي غريب الدار و ان كان انته غريب وانت متفائل سذا اجل اللي مثلي وش يقول ؟ :)

قد شفت البنات يردن على البير يا اخ غريب ؟ قد شفت بنت بندقيتها على كتفها يا الحبيب !

أجل لو شفتهم بتصير غريب الدار أنتنس :)

[ماجد البدر]

ولا قصور في كل من شارك وتشرفت به في الموضوع ، بعض المشاركات فيها من الاتزان الشئ الكثير
لدرجة الواحد ينجبر يقراها كاملة ويستمتع بقراءتها ، سواء كان يتفق او يختلف معاها

ومشاركة الأخ ماجد منها

أثني على كلامك اخوي ماجد وأقول ان كل جيل له مايميزه فعلا
والتغيير - مثل ماانت عارف اخوي ماجد - سنة الحياة

الله يحفظك ماعليك زود
الموضوع ذو شجون كما يقال اذكر اني اروح مع الوالده الله يرحمها الصبح الى مدينة خليفة ونزول الاهل هناك عيال اخوها الكبير رحمة الله عليهم اجمعين شوف الوقت متى الصبح
الحين تحس ان مافي شي اسمه صبح وزيارة صباحية الحياة جدا سريعة
و العصاري الحين العصور رقاد دايخين من الدوام لاحول ولا قوة الا ابلله ان زارك حد تنطر متى يقول مع السلامة
بعد العشا صار انسب وقت وهو وقت كان في الماضي مستهجن

[زمن الغربة]

بالنسبة للصحابة وجيل التابعين حديث الرسول موجود

انزين وعقب؟

كل جيل فيه الصالح والطالح

وفي حديث للرسول عليه السلام يقول امتي كالمطر لايعرف اوله خير او اخره خير

:)

هاذي نقطة

ثاني نقطة :
الحين يعني اللي يقول جيل الطيبين غير يقصد جيل الصحابة مثلا؟ :)
ولا يقصد جيله هو ؟

وسلم لي على سعد وسعيد اخوي :)

وبعدين اخوي النقطة اللي متمسكين فيها (اللي هي جيل الصحابة والتابعين ) مردودة عليكم

لان اللي يحتج بها تدري شقاعد يقول :
ان افضل الأجيال هي جيل الرسول والصحابة والتابعين (وهالكلام صحيح طبعا)
لكن كنه قاعد يقول كل الأجيال اللي عقب تعبانة وسيئة !!
اذن شلون البعض يحتج بان جيله افضل من جيل غيره ؟ هل عاصرهم هو مثلا؟ :nice:
ولا شرايك اخوي ؟ :)

أخوي غريب الدار نعم اللي يقول جيل الطيبين يقصد جيله هو قطعا ومب جيل الصحابه....وما يلزم أن يعاصر جيل الصحابه حتى يحكم على الجيل اللي جا بعد جيله بالأسوء...كيف هالشي؟! أشرحلك الحين..النقطة الأولى:أنت أقررت أن جيل الصحابه والتابعين الأفضل وقلت أن هالنقطه مردوده عليكم وكأن الواحد يقول كل الاجيال اللي عقب سيئه....نعم صحيح هي سىيئه ( قبل لا أتابع أطرح عليك سؤال: ليش الرسول قال عن جيل الصحابه هو الافضل ثم التابعين هم الأفضل ثم أتباع التابعين؟ هل لأن على راسهم ريشه؟!!) لا...والجواب لأن الصحابه هم من آمن بالنبي ونصروه وكانوا الاقرب للنبع الصافي ((الرساله والوحي ))وحط تحت كلمة النبع الصافي الف خط...ثم التابعين اللي كانوا أقرب للنبع الصافي من أتباع التابعين وهكذا كلما أبتعد الناس من النبع الصافي قل في الجيل وأهله الخيريه وزاد فيهم الشر وهذا نفهمه ونستنبطه من الحديث بشكل عام...يعني كلما قربت من النبع الصافي الوحي والرساله كانت الخيريه في هذا الجيل أكثر ولهذا زكى الرسول عليه السلام الأجيال الثلاثه الأولى..وكلما ابتعدت عن هذه الأجياب الثلاثه زاد الشر والسوء بقدر الابتعاد...أتمنى أنك أستوعبت الفكره الاولى او النقطه الاولى.

النقطه الثانيه: بما أن قررنا في النقطه الاولى أننا لا نحتاج معاصرت عهد الصحابه حتى نحكم على الجيل اللي بعدنا بالسوء...هنا ممكن نجاوب على سؤالك في المشاركة رقم 52 واللي جزمت أن محد يقدر يجاوبه والتساؤل كان: اي جيل بالضبط اللي يعرف السنع وكانوا وكانو( استطراد قليلا جزاك الله خير...ليش جزمت بأن محد يقدر يجاوب هالسؤال؟!! ربما انت متصور عدم وجود الأجابه او استحالتها وتعليلك أن الفكرة مبهمه!!! ربما مبهمه لك أنت... ...وعند غيرك غير مبهمه بل واضحه وبالأدله واتمنى تكون منصف وعادل ومتواضع إذا جاتك الإجابه والأدله والحق....إنما شفاء العي السؤال).....هنا نقطة نظام مهمه جدا جدا جدا في جواب سؤالك...أنت كم عمرك وأنت تطرح الموضوع والتسأول هذا؟!!وأنت من مواليد عام كم؟!!...وهذا مهم جدا جدا ونقطه مفصليه ومهمه في إجابة سؤالك..ليش مهمه؟؟!على سبيل المثال...أنا من مواليد نهاية السبعينات وعمري الان في أواخر الثلاثينات فأنا عاصرت في طفولتي الثمانينات وعاصرت في مراهقتي التسعينات والعشرنيات في الالفين وعلى فكره أنا أصغر أخواني وعددهم 13 فلما آجي آنا وعاصرت الثمانينات والتسعينات وأخوي الاكبر مني مباشره وعاصر نفس فترتي واقدم منها قليلا...ونقولك أن زمنا وجيلا أفضل من جيلك ( طبعا انت راح تستنكر..وانت اصلا مستنكر وهذه فكره موضوعك) المشكله مش في ان جيلنا الافضل خرافه كما تدعي...بل المشكله فيك انت لانك لسه صغير فرضا من مواليد نهاية التسعينات فأنت غير مخضرم مثلي ومثل اخوي اللي عاصرنا جيلين ونقدر نحكم بان الجيل السابق افضل من الجيل اللاحق اللي هو جيلك...وانت لسه عايش في جيلك وما عشت في جيلنا ولسه ماعشت في جيل بعدك حتى تحكم...لكن لو أعتبرت أن أنا وأخوي ثقات وعدول وتصدق كلامنا وخبرناك أن جيلنا أفضل من جيلك لأن في جيلنا مثلا في الثمانينات والتسعينات ما كان فيه خمر ورقص وعربده في شاليهات قراند حياة وشاليات شرق ومصنع خمور في بوهامور ولا عري فالشوارع والمجمعات وكان الناس تواصلهم وتزاورهم اقوى وحالات الطلاق كانت نادره ...ولا كان في فضائيات وفتن وغزو فكري وشهوات وشبهات من أجهزة تواصل حديثه( تابع معاي المثال ان احنا عاصرنا عدم وجود كل هالاشياء من فتن في جيلنا وثم عاصرنا نقيضها في جيلك وانت لم تعاصر جيلنا الافضل والانقى) فعدم معاصرتك جيلنا الطيب لا يمكنك انكار افضلية جيلنا على جيلك لكن تقتنع بان كما قلت سابقا باخبرانا اياك وتصديقك لنقلنا كثقات وعدول وتقارن كلامنا ونقلنا لواقع جيلنا مع واقع وتردي واقع جيلك...وانت تستطيع ان تحكم على جيلك بانه الافضل من الذي يليه لكن عليك ان تنتظر ان تكبر وتصبح مخضرم وتعيش جيلك والجيل اللي بعد جيلك حتى تستطيع ان تحكم وتقول جيلي قطعا افضل...طبعا اذا كان في قدر الله ان يكون الجيل اللي بعدك اكثر فتن وسوء....يارب يارب يارب قدرت اوصل الفكره...يا جماعه حد غير أخونا غريب الدار فهم فكرتي وإجابتي على تساؤله؟

[غريب الدّار]

اشكر تفاعلك يا اخي غريب الدار و ان كان انته غريب وانت متفائل سذا اجل اللي مثلي وش يقول ؟ :)

قد شفت البنات يردن على البير يا اخ غريب ؟ قد شفت بنت بندقيتها على كتفها يا الحبيب !

أجل لو شفتهم بتصير غريب الدار أنتنس :)

الله المستعان اخوي العزيز سالم :)

[غريب الدّار]

الله يحفظك ماعليك زود
الموضوع ذو شجون كما يقال اذكر اني اروح مع الوالده الله يرحمها الصبح الى مدينة خليفة ونزول الاهل هناك عيال اخوها الكبير رحمة الله عليهم اجمعين شوف الوقت متى الصبح
الحين تحس ان مافي شي اسمه صبح وزيارة صباحية الحياة جدا سريعة
و العصاري الحين العصور رقاد دايخين من الدوام لاحول ولا قوة الا ابلله ان زارك حد تنطر متى يقول مع السلامة
بعد العشا صار انسب وقت وهو وقت كان في الماضي مستهجن

الله يرحم من توفى منهم ياولد البدر

فعلا الظروف تغيرت
لكن باذن الله لازال الخير موجود واهل الخير والسنع امثالك وشرواك موجودين ومايخلى منهم كل زمان ومكان