إلى متى الأحتكار ؟ ؟ ؟

[أبو سعود]

في السنوات الأخيره أرتفعت الأسعار في

العقارات والأراضي والسيارات والأثاث و و و


ومع الظروف الأقتصاديه الحاليه لأنخفاض أسعار البترول

في هذه الفتره نزلت الأسعار بمعظم الأسواق العالميه

ونزلت معها الأسعار المختلفه من البضائع


على سبيل المثال :


هبوط الأسعار للسيارات في الدول المجاوره


الأ عندنا الأسعار مرتفعه نتيجه


( الأحتكار و الطمع )


وكما سمعت عن بعض المواطنين يضطرون الذهاب

إلى الدول المجاوره لشراء السيارات من هناك


( لقله أسعارها )


لكن الأشخاص المحتاجين لشراء السيارات

وما عندهم أموال كافيه


سيضطرون لشراء السيارات من هنا

وعن طريق الديون من البنوك


أي أنهم سيتحملون أقساط البنوك المرتفعه

لعده سنوات



السؤال :


إلى متى الأحتكار و الطمع و الجشع عند

بعض التجار ؟ ؟ ؟

[راجي الْعفو]

في الحديث :


" لا يحتكر إلا خاطىء "

والخاطىء هو العاصي و الآثم

[Saoud_]

ياصديقي


ربعنا يحبون الاحتكار
ويعبدون شي اسمه وارد الدوحه


لو تجيب موتر من برى يطيحون من سعره تقول مصنوع من كرتون وبكره بيخترب
ماعندهم خبره في المواتر ويخافون يشترون من برى


اكيد بيتم الاحتكار موجود دام الناس للحين جاهله وماتقدر تستغني عن الوكالات

[BoFahed]

ياصديقي


ربعنا يحبون الاحتكار
ويعبدون شي اسمه وارد الدوحه


لو تجيب موتر من برى يطيحون من سعره تقول مصنوع من كرتون وبكره بيخترب
ماعندهم خبره في المواتر ويخافون يشترون من برى


اكيد بيتم الاحتكار موجود دام الناس للحين جاهله وماتقدر تستغني عن الوكالات

صادق اخوي هذي هي الثقافه منتشره و يمكن الوفرةو لله الحمد والمنة هي السبب اللي مستوى الخدمات من الوكيل وحقوق المستهلك نازله عندنا هاي شي استغلوه التجار وثانيا القانون يحمي الوكالات والجمارك ولا يسمحون لاي تاجر يجيب بضايع لها وكييل بالدوحه بكميات تجاريه (قانون الوكالات ) وان شالله بيتغير

ثالثا بخصوص السيارات والالات ما عندنا (البديل ) اللي هو ورش كبيره محترمه فيها عمال مهرة وفنانين ومعدات متطوره تستوعب الصيانه والخدمات باسعار منافسه الا ساعات اغلى من الوكاله لانها محتكره وعدد بسيط وضامن الزباين والناس تروح علشان ما تتعطل لكن يفضلون الوكاله.


يعني شعب طيب الغالبيه يقبل باي شي و اذا اخترب شي وتلعوز بدله ويريح راسه و مجبر اخاك لابطل :rolleyes2:

[وحيد-الشوق]

الى ما لا نهاية اخي الكريم

تعبنا واحنا نتكلم ونتمنى التغيير لكن مالبيد حيلة :(

[Diamond]

السالفه مب بترول طاح.. الين نزل حوالي 60 بالميه من 2013...المفروض نشوف نزول عالاقل خمسين بالميه ..
القهر من 2001 كلسنه يرفعون تسال ليش يقولك العمله .. زين دحدرت العمله اللحين ولحين ترفعون!!!

[سالم الزهران]

السؤال اللي اشوفه مهم ، لو صار واحد منا وزير ! هل بيطرح هذا الأمر ؟ و لا بتعتفس عليه العلاقات ؟؟
راح تبقى مثل هذه النقاشات في المجالس والمنتديات و لكنها لن تخرج الى وسائل الإعلام و اماكن صنع القرار.

[SouthK]

الاحتكار يعزز الاقتصاد يا شباب .. يعني لو التجار مب على قبل واحد اشلون تبغون السوق يمشي؟؟؟؟؟؟؟ او تبون الناس تعيش بدون شكاوي تروح لحماية المستهلك او وزارة الاقتصاد و غيرها علشان يقولون في وزارات تهتم بشكاوى الناس؟؟

لو في اكثر من تاجر لسلعة واحدة كان الناس ارتاحت و ما شفت شكاوي من الاسعار و الخدمات التعيسة لكن الشكوى لغير الله مذلة فلا تذلون انفسكم!