مطلوب شركة صيانه مجربه ومضمونه لتغيير وتركيب بلاط الحوش

[BoFahed]

السلام عليكم

عندي مشكله في بيت الوالد الله يحفظه انخفس بلاط الحوش بسبب سوء التركيب ولانه تركب فوق انترلوك من قبل

يا ليت اهل الخبره ينصحون شنو اللي لازم اسويه في التركيب الجديد علشان ما تكرر هالمشكله

ويا ليت الاخوان يدلوني على احسن شركة صيانه تكسر وتركب البلاط الجديد

[معماري قطري]

في موضوع مراجعة التصاميم كتبت عن هذي الملاحظة اللي يشتكون منها الكثيرين

بالنسبة لك الأساس أرض هشة وأكيد مدفونة ببودرة تنتفخ أوقات وتهبط أوقات وأي شغل على أساس ضعيف بيرجع مثل ما كان .. سو صبية تحت بعد إزالة كل البلاط والانترلوك وشوف ناس فاهمة تزيل بدون تكسير وتحافظ على المستعمل للاستعمال مرة ثانية

بعد الحفر وازالة البودرة إن وجدت يجيبون دفان جيد ومغربل ومزالة منه الحجارة الكبيرة ويدفنون ويدكون .. لازم الحفر يكون بعناية حتى ما يكسرون بايب ماي أو تمديد كهربة ولازم تحدد مناطق الزراعة والسلوب .. بعده تنصب خرسانة مخلوطة بفايبر مقوي حتى ما تتشلخ وتنعمل فواصل تمدد .. لو سمكها 10 سم تنعمل الفواصل كل 10 متر وأقل 8 متر أضمن .. ولو 15 سم تنعمل الفواصل كل 15 متر والحافة تنحسب فاصل والفاصل ينعمل ببورد قابل للانضغاط تحت ومن فوق حبل ماستك وماستك قوي مضمون لعشر سنين أقل شيء

ممكن لو شلت الانترلوك تقدر تستعمله مقلوب في الجهة الجانبية أو الخلفية ويمشي الحال والبلاط تستخدمه لحماية جدران أحواض الزراعة ومكان الواجهة تجيب بلاط جديد أو انترلوك جديد .. شوف الانترلوك الغرانيتي وايد قوي ويعمر

عمال اعرف مقاول باكستاني شاطر كذلك مقاول قطري ممكن يسوي لك الشغلة لو مب مضغوط

[BoFahed]

في موضوع مراجعة التصاميم كتبت عن هذي الملاحظة اللي يشتكون منها الكثيرين

بالنسبة لك الأساس أرض هشة وأكيد مدفونة ببودرة تنتفخ أوقات وتهبط أوقات وأي شغل على أساس ضعيف بيرجع مثل ما كان .. سو صبية تحت بعد إزالة كل البلاط والانترلوك وشوف ناس فاهمة تزيل بدون تكسير وتحافظ على المستعمل للاستعمال مرة ثانية

بعد الحفر وازالة البودرة إن وجدت يجيبون دفان جيد ومغربل ومزالة منه الحجارة الكبيرة ويدفنون ويدكون .. لازم الحفر يكون بعناية حتى ما يكسرون بايب ماي أو تمديد كهربة ولازم تحدد مناطق الزراعة والسلوب .. بعده تنصب خرسانة مخلوطة بفايبر مقوي حتى ما تتشلخ وتنعمل فواصل تمدد .. لو سمكها 10 سم تنعمل الفواصل كل 10 متر وأقل 8 متر أضمن .. ولو 15 سم تنعمل الفواصل كل 15 متر والحافة تنحسب فاصل والفاصل ينعمل ببورد قابل للانضغاط تحت ومن فوق حبل ماستك وماستك قوي مضمون لعشر سنين أقل شيء

ممكن لو شلت الانترلوك تقدر تستعمله مقلوب في الجهة الجانبية أو الخلفية ويمشي الحال والبلاط تستخدمه لحماية جدران أحواض الزراعة ومكان الواجهة تجيب بلاط جديد أو انترلوك جديد .. شوف الانترلوك الغرانيتي وايد قوي ويعمر

عمال اعرف مقاول باكستاني شاطر كذلك مقاول قطري ممكن يسوي لك الشغلة لو مب مضغوط

بيض الله وجهك اخوي معماري على التجاوب الطيب بس ياليت تدفيني من وين احصل الماده المطاطيه والماستك للحواف وشنو سمها بالضبط؟؟

لاهنت طرشلي رقم الباكستاني بتواصل معاه

[معماري قطري]

اسمها ماستك ومنها اللون الرمادي في الغالب

إن شاء الله بيوصلك