استفسار عن الاطقم الصحية [الأرشيف] - منتديات شبكة الأسهم القطرية

مشاهدة النسخة كاملة : استفسار عن الاطقم الصحية

القانوني

28-03-2016, 10:30 AM

السلام عليكم

لدي استفسار عن الاطقم الصحية
مارأيكم بالاطقم الحية صناعية سعودية
اقصد من ناحية الجودة وهل هي تعمر وعمليه او تصلح فقط للخدم

في انتظار ملاحضاتكم واارائكم

القانوني ،،،

معماري قطري

28-03-2016, 10:39 AM

جيدة .. اللي يخوف في هذي الصناعات ضمان الجودة وطبقة الطلاء والصناعات العالمية تكون حتى نوعية الطلاء ملساء وسهلة التنظيف

شوف كارماغ الألماني عند تدمر عروض عليهم دائماً وبسعر جيد ومعاهم خلاطات .. أذكر من زمان جانا كتاب منع استخدام هذي الصناعات لكثرة أعطالها وعدم وجود قطع للتصليح مع إنه كانت القوانين الأولوية للصناعة الوطنية ثم الخليجية .. ألحين أكيد تطورت هذي الصناعة بس لو انا مكانك اقارن قبل لا اقرر

اللوز

28-03-2016, 01:19 PM

عندك ماركة بورسلينا
الحمد لله مستخدمها
وتقدر تأخذها من محل محمد وأخوانه للادوات الصحية - منطقة نجمة

$الملياردير$

28-03-2016, 01:23 PM

من باب المشاركة ... هل يجب ان يكون الطقم من نفس الماركة يعني لو أخذت المرحاض اعزكم الله من توتو هل يجب ان تكون المغسلة نفس الماركة يمكن ماتعجبني .... وعطونا رأيكم من خلال التجارب

cavok

28-03-2016, 01:40 PM

اما عني
فاقترح شبيب العطية فبصراحة راقي وقيمة بضاعته فيه ومآخذ من عنده بعد

cavok

28-03-2016, 01:43 PM

اما عني
فاقترح شبيب العطية فبصراحة راقي وقيمة بضاعته فيه ومآخذ من عنده بعد

معماري قطري

28-03-2016, 03:46 PM

من باب المشاركة ... هل يجب ان يكون الطقم من نفس الماركة يعني لو أخذت المرحاض اعزكم الله من توتو هل يجب ان تكون المغسلة نفس الماركة يمكن ماتعجبني .... وعطونا رأيكم من خلال التجارب

مب شرط اخوي الملياردير حتى لو افترضنا خلطت لونين ممكن لكن بفن وتجانس

انا ركبت خلاطات فضية ( كروم ) وركبت خلاط المغسلة ذهبي لأن المراية بروازها ذهبي والمغسلة معزولة بحايط نص ارتفاع عن الباقي

مثل كذلك لو تخلط أرضية الدرج تخليها رخام أو بورسلان سادة والواجهات سيراميك مزخرف .. الحمام الصغير ممكن نركب المغسلة طقم غير كلش بس بيضا وباقي القطع كل قطعة ماركة بس اللون متشابه ولا حد يعرف

معماري قطري

28-03-2016, 03:47 PM

اما عني
فاقترح شبيب العطية فبصراحة راقي وقيمة بضاعته فيه ومآخذ من عنده بعد

معاك أغلب القطع خذتها من عندهم بس عيبهم وقت التسليم كان صعب .. ما ادري ألحين شلون

معماري قطري

28-03-2016, 03:48 PM

عندك ماركة بورسلينا
الحمد لله مستخدمها
وتقدر تأخذها من محل محمد وأخوانه للادوات الصحية - منطقة نجمة

كثير من المحلات يبيعونها ما لها وكيل محدد

شموخ دائم

28-03-2016, 04:04 PM

$الملياردير$

28-03-2016, 09:07 PM

96638الله يمسيكم بالخير ... اليوم رحت شبيب العطية اللي في الدوحة فحبيت انقل لكم تقرير الزيارة الهدف كان البحث عن موديل الكرسي المعلق وتأكد من مقاس البراغي مثل ما نصحوني الشباب في موضوعي السابق و جزاهم الله خير جميعا الماركة كانت تويفورد انجليزي انجليزي على كلامه نوع الاول اينوفي 1800 مع غطاء هيدروليك 1600 بدون غطاء هيدروليك النوع الثاني أسمة 3d بسعر 3300 اما النوع الثالث اسمه فولي بعد سعره 3300 طبعا كلهم نفس الماركة تويفورد وعلى كلامة انجليزي دي يامرسي ... الموديل اللي عليه طلب بو 1800 96637

$الملياردير$

28-03-2016, 09:09 PM

ترى اول مره انزل صور مشو حالكم

$الملياردير$

28-03-2016, 09:14 PM

بعدين زرنا اليوم نابينا عند الجوازات لنفس الهدف عنده توتو يقول ياباني صناعة صيني او فيتنام او إندنوسي الفيتنامي عجبتني قصته بسعر 2600 بدون خصم و الأندنوسي 930 96639

$الملياردير$

28-03-2016, 09:15 PM

الصورة أعلاه للفيتنامي

$الملياردير$

28-03-2016, 09:17 PM

باقي اقتراحكم عشان نشوف الماركات الثانية .... طبعا مع الزحمة مشوارين كفاية

معماري قطري

28-03-2016, 09:24 PM

توتو وتوايفورد ماركات جيدة .. انا جربت توايفورد والحمد لله فترة طويلة فوق 10 سنين بدون مشاكل سوى أول التركيب العمال أثناء النقل شلخوا واحد وبدلناه على حسابي .. لذلك لازم الواحد في عقده مع المقاول يحط فقره إن المقاول يستلم القطع ويتأكد من صلاحيتها ويحافظ عليها وينقلها للموقع ويركبها عدل ويكون مسؤول عنها مسؤولية تامة

معماري قطري

28-03-2016, 09:33 PM

,

,

مرحبا

انا من انصار ماركه twyford انجليزي

http://www.heatandplumb.com/images/twyfords/suites/envy/fragment_envy.jpg

ركبها وامسح رقم الفيتري من تلفونك ما تحتاجه
:)
وسعرها رخيصه مقارنه بالسوق
شكلها عادي جدا
لكن عمليه الى ابعد الحدود
ما تخرب واذا خرب فيها شي موجود الفيتنج مالها عندهم لكل الانواع
حتى القديمه الي من 30 سنه قطعها موجوده عندهم
:)

,

,

بيستانس علي بن شبيب الله يحفظه ويعينه

وصراحة الماركات اللي يجيبونها جاكوب دوليفان وتوايفورد وللبلاط العديد من الماركات ما شفتها في مكان آخر ويبي لهم عدة زيارات خصوصاً للمحل الكبير قرب استاد الدوحة .. كذلك جكوزي وماركة فالنتينو الإيطالية للبلاط تعتبر تحفة فنية

رآعي موآجيب

28-03-2016, 11:26 PM

الاول اينوفي 1800 مع غطاء هيدروليك 1600 بدون غطاء هيدروليك النوع الثاني أسمة 3d بسعر 3300 اما النوع الثالث اسمه فولي بعد سعره 3300 طبعا كلهم نفس الماركة تويفورد وعلى كلامة انجليزي دي يامرسي ... الموديل اللي عليه طلب بو 1800

مرحبا الملياردير

ياخوك انا دايم اخلي الاجابات في هالقسم لأخونا الغالي والاب الروحي التقني والهندسي معماري قطر الله يبيض وجهه ويجزاه عنا كل خير

لكن حبيت اقولك ترى هالاسعار مبالغ فيها !!

نعم نبحث عن الجوده والمتانه والحاجه اللي تشتريها ماعاد توجع راسك

ولكن مهب كذا وانا اخوك ،، اهم شي تكون الفتحه 4 انش ( احذر من اللي بفتحه 2 انش ) وتراها تارسه السوق وانسيابية الماء فيها ضعيفه جدا ودايما تنحشر ( الله يكرمكم )

وتأكد ان المكينه الداخليه تكون من النوع المنتشر بالسوق ، وبسعر 400 ريال او 500 ريال تاخذ لك شي زين ويعيش ويغنيك عن دفع مبالغ زائده على الفاضي انت اولى بها

اما تفاصيل المرحاض ان مصبوغ بتقنية كذا ونوع البرسلان من نوع كذا وعليه طبقة قلاس كذا !! هذا كله كلام فاضي ، في النهايه يؤدي نفس الخدمه بنفس التوقيت والاداء

ولا عمري شفت مرحاض طاير لونه او باهت مع انه 24 ساعه في رطوبه ويصيبه ماء بشكل دائم !!

وبعدين مكانه في الحمام الله يكرمكم ، واللي بيدخل الحمام مايهمه المرحاض يكون اسباني والا ايراني

فأخذ الشي المعقول اللي بيخدمك ولا راح يستنزفك

( مجرد شور ورأي شخصي اطبقه حاليا على بيتي )

بوخالد911

28-03-2016, 11:38 PM

$الملياردير$

29-03-2016, 07:22 AM

مرحبا الملياردير

ياخوك انا دايم اخلي الاجابات في هالقسم لأخونا الغالي والاب الروحي التقني والهندسي معماري قطر الله يبيض وجهه ويجزاه عنا كل خير

لكن حبيت اقولك ترى هالاسعار مبالغ فيها !!

نعم نبحث عن الجوده والمتانه والحاجه اللي تشتريها ماعاد توجع راسك

ولكن مهب كذا وانا اخوك ،، اهم شي تكون الفتحه 4 انش ( احذر من اللي بفتحه 2 انش ) وتراها تارسه السوق وانسيابية الماء فيها ضعيفه جدا ودايما تنحشر ( الله يكرمكم )

وتأكد ان المكينه الداخليه تكون من النوع المنتشر بالسوق ، وبسعر 400 ريال او 500 ريال تاخذ لك شي زين ويعيش ويغنيك عن دفع مبالغ زائده على الفاضي انت اولى بها

اما تفاصيل المرحاض ان مصبوغ بتقنية كذا ونوع البرسلان من نوع كذا وعليه طبقة قلاس كذا !! هذا كله كلام فاضي ، في النهايه يؤدي نفس الخدمه بنفس التوقيت والاداء

ولا عمري شفت مرحاض طاير لونه او باهت مع انه 24 ساعه في رطوبه ويصيبه ماء بشكل دائم !!

وبعدين مكانه في الحمام الله يكرمكم ، واللي بيدخل الحمام مايهمه المرحاض يكون اسباني والا ايراني

فأخذ الشي المعقول اللي بيخدمك ولا راح يستنزفك

( مجرد شور ورأي شخصي اطبقه حاليا على بيتي )

الله يجزاك خير و يبيض وجهك يا اخوي الغالي ( راعي مواجيب ) على النصحية ....بالنسبة للاسعار ايش اسماء الماركات البديلة من وجهة نظرك

$الملياردير$

29-03-2016, 07:28 AM

هلا اخوي
ممكن تدلني ع موقعهم.
لا هنت.
بوخالد الله يصبحك بالخير ....بعد اذن اخوي شموخ ...الوكيل علي و شبيب العطية بقرب استاد الدوحة ...والله اعلم لو في وكيل اخر

Azizuk

29-03-2016, 08:16 AM

صباح الخير

بالنسبة لماركة توايفورد متواجدة عند شبيب العطية وشركة العاصمة

معتمدين من مصنع توايفورد

نوع اينفوي Envoy صنع مصري ولاكن وبمواصفات أوروبية

وإذا دخلت على موقع الشركة مب محصل الموديلات الموجودة عندنا دليل عَلى انها مش معتمدة للاستخدام في أوروبا

والوكيل عندنا يقص علينا يعطك القمر في يد والشمس في يد

وبعد ماتواصلت مع الشركة عن طريق الإيميلات وكان استفساري عن بعض الأنواع المصنعة عندهم

تم إبلاغي بان بعض الموديلات تم توقيفها للمستهلك الاوروبي بسبب القوانين الأوروبية ولاكن تتصدر لباقي دول العالم

لان كان استفساري عن موديل وكنت طالب ان ليش مايجي معاه البيديه وأنتو بكرامة

على العموم ماركة توايفورد ممتازة

http://www.twyfordbathrooms.com

بالنسبة لسؤال صاحب الموضوع عن الأنواع عندك

ايديل ستاندرد ممتاز عند كافود

http://www.idealstandardgulf.com/home.html

توتو ممتاز عند نابينا

http://asia.toto.com

دورفيت ممتاز عند المتحدة بعض الموديلات صنع مصري

http://www.duravit.us/html/default/home.us-en.html

جيسي ايطالي عند سيراميكا

شركة وينغ صيني ممتاز عند كافود بس أخذ فتحت مخرج 4 إنش

كارمخ ممتاز عند تدمر انا ماخذ منه بس ماخذة من السعودية بسبب تنوع الموديلات

المتواجد عند تدمر استوكات موديلات قديمة

وهذا موقعهم الراقي

http://www.keramagdesign.com/home.html?L=

وهذا الموقع الاخر

http://www.keramag.com

عندك فلوري اند بوخ عند العامودي بس الله يعينك على أسعاره نااااار بس جودة

http://www.villeroy-boch.co.uk/

بعد عندك كهولر امريكي ممتاز تم نقل محلهم من جسر الجيدة جنب اديداس الى طريق المطار جنب محلات مصطفوي للسيارات

http://www.kohler.com/corporate/index.html

لونفون سويسري ممتاز عند محلات msk طريق بروة التجاري القسم الأزرق

http://www.laufen.co.uk/en/HOME/

بس نصيحة اخذها من السعودية أرخص الا اذا تفاوضت معاهم يعطونك سعر قريب من السعر السعودي

المشكلة ان البضاعة في الدوحة مب كلها متوفرة الا عند التجار االاكبار زي نابينا وكافود والمتحدة الباقي لك عليهم شوي

حط في بالك اذا سعر الكرسي غالي اعرف ان صنع أوروبي

وإذا السعر من نفس الماركة بس أرخص اعرف ان صنع مصري او خارج المنظومة الأوروربية

وإذا تبي وعندك طولت بال روح السعودية واشتر اغاراضك مره وحدة وإلا تعور رأسك مافي الا كم محل

انا لاف وداير السعودية كلها هناك

والمحلات في السعودية محمد محمد الدوسري في الدمام والرياض كما يوجد عنده بلاط بروسلانوسا الموجود عند المتحدة

http://www.aldossary-stores.com/index.php#

http://www.porcelanosa.com/gb/index.php

وعندك ماركة كارمخ موجودة وجميع الموديلات عند ( مكارم النخبة ، والمدى ، وبيت الاباء ) كلهم وكيلهم واحد بس لأسماء تختلف

http://ebaahouse.com

عني بعض المشتريات من السعودية كانت عن طريق الهاتف وتحويل المبلغ على حساب الشركة مع التنسيق مع قسم الحسابات

من غير مدح شركة محمد الدوسري على تواصل معاك بس كتبت إيميل استفسار الا جاني اتصال من عندهم

وإذا عن توتو في السعودية وكيلهم ( نجم باحسين )

وإذا اي استفسار انا حاضر انا حالياً متواجد في السعودية

@north_star@

29-03-2016, 08:19 AM

من باب المشاركة ... هل يجب ان يكون الطقم من نفس الماركة يعني لو أخذت المرحاض اعزكم الله من توتو هل يجب ان تكون المغسلة نفس الماركة يمكن ماتعجبني .... وعطونا رأيكم من خلال التجارب

في بعض الصناعات تختلف فيها درجات الالوان على سبيل المثال اللون الابيض في ماركة كوهلر الامريكية مش ابيض ناصع وتختلف درجته عن الاوروبي مثل الفرنسي أو الانجليزي

@north_star@

29-03-2016, 08:27 AM

بالنسبة للحمامات الصناعة السعودية في ماركة اسمها الخزفية غير عن الخزف السعودي وهالماركة ممتازة ويستخدمون فلش اسباني كان وكيلها الدرويش بس ما ادري اذا للحين يجيبها ..

القانوني

29-03-2016, 09:41 AM

اشكر الجميع على المرور والتفاعل

ولكن لدي سؤال ما رأيكم بالاظقم الصحية الموجودة عند مجموعة الغانم - طريق سلوى

معماري قطري

29-03-2016, 09:46 AM

الله يجزاك خير و يبيض وجهك يا اخوي الغالي ( راعي مواجيب ) على النصحية ....بالنسبة للاسعار ايش اسماء الماركات البديلة من وجهة نظرك

تأكد من الجودة وخلك وسط .. صج بعض الأسعار مبالغ فيها فوق وبعضها تخوف تحت .. أذكر حصلت بانيو ما فيه شيء مميز غير شوية صبغ صدفي ومالك المحل يبي يبيع القطعة الوحدة ب 75000 .. كان شوي كبير وبدون جكوزي .. هال 75000 شريت بها أربع جكوزيات وشاور بخار كلهم من ماركة جكوزي وزادت عندي فلوس

بروحه شغل التبليط والبنيان مكلف وتجي على النهاية تحط قطع رخيصة .. انا بعيني شايف مغاسل من الإنتاج الرخيص ضعيفة وتنكسر بسرعة .. ضعيفة في مصنعيتها .. وعن اللون الباهت يصير بسرعة مع منتجات الدول العربية والصين حتى البورسلان الصيني معروض في معرض بتلوين ذهبي وفضي وكله متشمخ والقطعة مب رخيصة

ما فيه فرق كبير بين 500 و 1500 لكن الفرق يكون في القطع الغالية وحطيت صورة لكرسي حمام ب 10000 دولار من توتو .. هذا لا تفكر تمر صوبه

بالنسبة للخلطات حق المادة المكونة منها أجسام هذي القطع اللي في غالبها صلصال طيني معالج ومضافة عليه مواد بعضها تجي فيها شوائب وتشوف الطلاء مب مغطيها كاملة وفجأة تستوي لك حفرة فيها .. الصناعات الأُوروبية فيها ضبط جودة وأجهزة قياس دقيقة

رايي خلك وسط أو شوي فوق الوسط .. وبالنسبة للمواد اللي جربناها والتجار اللي يجيبونها أكيد تربطني مع غالبيتهم علاقات طيبة والمادة بروحها تسوي دعاية لنفسها

رآعي موآجيب

29-03-2016, 09:55 AM

الله يجزاك خير و يبيض وجهك يا اخوي الغالي ( راعي مواجيب ) على النصحية ....بالنسبة للاسعار ايش اسماء الماركات البديلة من وجهة نظرك

وياك طال عمرك والقايل وجهه ابيض

ابشر ،، انا حاليا برا الديره ، اذا عندك وقت كم يوم بقولك الماركات كلها ، الاكيد اني لقيتهم عند محل جاكوزي و انصار و الضحىى في شارع سلوى

وفيه نوع جدا ممتازه مع فتحة ماء اسفل الكوع لعدم ترك اي بواقي في المرحاض مع تدفق لولبي معكوس من الجهتين اسمه اريج ، سعره اقل من 500 وجودته عاليه وخزان الماء 8 لتر

عيبه الوحيد انه 2 انش ، وموعود من نفس هالنوعيه بس 4 انش بنفس السعر

معماري قطري

29-03-2016, 02:36 PM

اشكر الجميع على المرور والتفاعل

ولكن لدي سؤال ما رأيكم بالاظقم الصحية الموجودة عند مجموعة الغانم - طريق سلوى

جربت عندهم بورسلان إماراتي وطلع وايد زين كان بحدود 40 ريال للمتر ما ادري 48 من حول 3 سنين .. ولي قرابة مع الملاك ما اقدر اسوي دعاية خلوني محايد

الســـهم

30-03-2016, 01:43 PM

السلام عليكم ورحمة الله وبركاته ..

من وجهة نظري المتواضعة تضيف ماركة كوتو (cotto) للخيارات الموجودة ..

موديلات متنوعة وخيارات واسعة وبأسعار في متناول اليد , والاهم من كل هذا ماركة لها اسمها فالسوق وعملية جدا ..

الوكيل في قطر (شركة عبدالله عبدالرحمن عبيدان) ومعرضهم موجود جنب مطعم الساحة ..

Azizuk

30-03-2016, 02:36 PM

عجيب cotto عندهم موديلات غريبة كرسي وأنتو بكرامه ملكي

http://m.cotto.co.th/main/

96668

96669

حق اللي يدخنون ويقرون جرايد في الحمام

معماري قطري

30-03-2016, 02:55 PM

عجيب cotto عندهم موديلات غريبة كرسي وأنتو بكرامه ملكي

http://m.cotto.co.th/main/

96668

96669

حق اللي يدخنون ويقرون جرايد في الحمام

الابتكار ما يوقف بس يبقى القديم ومعروف الغرض منه

Azizuk

30-03-2016, 03:16 PM

الابتكار ما يوقف بس يبقى القديم ومعروف الغرض منه

ذكرني بكرسي ملك اسكتلندا يجيبون له كرسي الحمام في غرفة النوم بس من مخمل وهذا من جلد