المكيفات تعبت جسدنا !!

[حمد 2002]

السلام عليكم ورحمه الله وبركاته

المكيفات تعبت جسدنا !!

إن شغلت المكيف صدري يتعب ويزيد عندي البلغم وتتعب بلاعيمي واذا سكرناها بعد حر وجسمك ايصيده صداع وحك وحرار !! ..

مالحل اذا معاها ..

حتى بالمسجد أو بالمكتب المشترك مع الموظفين أو بالاماكن العامه ماتقدر تسكر المكيف حتى بالمجلس أو بالصاله لأنك مع الجماعه ولست بمفردك ..


فهناك من يحب المكيف ينفخ على رأسه وهناك من يحب ايخلي التكيف وسط وهناك من يحب تسكيره تماما !! ..


المكيف نعمه انا لا انكر هالامر ولكنه أهلك اجسادنا وكسر عظامنا ..

فأنا اعشقه واكرهه في نفس الوقت !! ..


فما الحل معه ..

[بانغ بانغ]

احسن شي جنرال سبليت 2.5 طن

اللي ايبط الجبد يوم اتكون خاشع بالمسجد وايجيك الشيبة وايصكر المكيف

المكيف جهاز فلابد من التشغيل الملائم غير المبالغ فيه

[العقل المدمر]

الحل انكم تخلون درجة الحرارة وسط
والبردان يلبس اثقل والحران يهف على نفسه :tease:

[لبيبة]

وعليكم السلام ورحمة الله وبركاته،

شخصيًا ما أحب ان المكيف يشتغل مباشرة في الغرفة اللي أنا فيها، لكن أحب يجيني الهوا البارد بهدوء من غرفة مجاورة فيها المكيف يشتغل بدرجة 20 وقوة دفع هادية.

يعني التيار البارد المباشر بشكل عام مزعج، وقليل اللي يحبه او يتحمله.

[راجي الْعفو]

وعليكم السلام و رحمة الله و بركاته

شَتّي !

[بانغ بانغ]

وعليكم السلام و رحمة الله و بركاته

شَتّي !

لا يفوتونك شيبان مسيدنا .... ذاك ايشغل والثاني ايطفي والثالث ايطفي والامام ايشغل .... واحنا نتفرج

احيانا عقب ما الامام يقيم الصلاة .... اكون لحين ما كبرت .... اروح اشغلهم بدل مانموت حر

[راجي الْعفو]

لا يفوتونك شيبان مسيدنا .... ذاك ايشغل والثاني ايطفي والثالث ايطفي والامام ايشغل .... واحنا نتفرج

احيانا عقب ما الامام يقيم الصلاة .... اكون لحين ما كبرت .... اروح اشغلهم بدل مانموت حر

^_^

الشيبان في كل مسيد مسوين لهم فيلم و قصة خاصة فيهم

تحمل تحط ريموت المكيف في ايدهم راحت عليك ^_^

لازم الامام يشوف طريقة بحيث هو اللي يتحكم

[7llo]

هههههههههههههههه .. والله كل يوم في المكتب اطول المكيف ،صار كل الي في المكتب يعرفون اني انا الي اطول عليه صارو يلبسون جاكيتات وانا كله حراان هههههه.. نبي حل ياجماعه في الدوام لاني متلعوز بموضوع المكيف كله حراااان

[راجي الْعفو]

يبيلكم صناعة جديدة


مكيف محمول ^_^

[بانغ بانغ]

يبيلكم صناعة جديدة


مكيف محمول ^_^

في هالبانكات الصغيرة ام usb

[راجي الْعفو]

في هالبانكات الصغيرة ام usb

يمكن ما تفي بالغرض ^_^

[MAZEN37]

وعليكم السلام ورحمة الله وبركاته،

شخصيًا ما أحب ان المكيف يشتغل مباشرة في الغرفة اللي أنا فيها، لكن أحب يجيني الهوا البارد بهدوء من غرفة مجاورة فيها المكيف يشتغل بدرجة 20 وقوة دفع هادية.

يعني التيار البارد المباشر بشكل عام مزعج، وقليل اللي يحبه او يتحمله.

يا رااايق
بس اهم شي الهدوء ما يكون في بزران

[بصمة قطرية]

لين اليوم ما شغلت المكيف
أنام الليل وانا فاتحة الدريشة ..
عداوة بيني و بين المكيف
لا أحبه و لا يحبني ..
ما أقدر أقعد في مكان المكيف مجابلني
على طول أمرض
الصداع النصفي والدسك عدوهم المكيف ..
إذا حسيت الجو حار أشغل المكيف شوي و اسكره
و لا اشغل اللي في الغرفة اللي جنبي ..
والله المكيف يهد العافية ..

[تاجر كشخة]

احسن شي جنرال سبليت 2.5 طن

اللي ايبط الجبد يوم اتكون خاشع بالمسجد وايجيك الشيبة وايصكر المكيف

المكيف جهاز فلابد من التشغيل الملائم غير المبالغ فيه

الشياب على راسنا من فوق يا بانغ ولا نقدر نخالفهم احنا شباب نقدر نتحمل

[معماري قطري]

وعليكم السلام ورحمة الله وبركاته،

شخصيًا ما أحب ان المكيف يشتغل مباشرة في الغرفة اللي أنا فيها، لكن أحب يجيني الهوا البارد بهدوء من غرفة مجاورة فيها المكيف يشتغل بدرجة 20 وقوة دفع هادية.

يعني التيار البارد المباشر بشكل عام مزعج، وقليل اللي يحبه او يتحمله.

انا كذلك لكن مثل ذكر كاتب الموضوع غيرنا يحب الهواء البارد موجه عليه

الحل للهواء الغير مباشر وتخفيفه هو وضع ستارة حول السرير تتسكر من جهة وتنفتح للي يبي ولو ضربها هواء المكيف يدخل الهواء بخفة .. ستارة تور يعني ما تكون مسكرة 100%

[معماري قطري]

الشياب على راسنا من فوق يا بانغ ولا نقدر نخالفهم احنا شباب نقدر نتحمل

بانغ خلاص شوي ويوصل 60 ويحس بنفسه شباب للحين

[معماري قطري]

هههههههههههههههه .. والله كل يوم في المكتب اطول المكيف ،صار كل الي في المكتب يعرفون اني انا الي اطول عليه صارو يلبسون جاكيتات وانا كله حراان هههههه.. نبي حل ياجماعه في الدوام لاني متلعوز بموضوع المكيف كله حراااان

انا عكسك ادور مكتب مبند المكيف ومكتبي كله المكيف مبند

[معماري قطري]

في هالبانكات الصغيرة ام usb

مركب كبيرة خشبية في صالة مزدوجة الارتفاع وتتقصر بس تحرك الهواء بهدوء وانصح اللي يبني يخطط لها

[roma27]

حتى أنا ما أحب الكيف اليوم أفكر اشغله بس الشبابيك شاغله على طول هههه

[حمد 2002]

احسن شي جنرال سبليت 2.5 طن

اللي ايبط الجبد يوم اتكون خاشع بالمسجد وايجيك الشيبة وايصكر المكيف

المكيف جهاز فلابد من التشغيل الملائم غير المبالغ فيه

صحيح كلامك بالذيب ..


البرد الوايد مب زين .. والحر الوايد مب زين ..


أفضل شيء الوسطيه

[بانغ بانغ]

الشياب على راسنا من فوق يا بانغ ولا نقدر نخالفهم احنا شباب نقدر نتحمل




بانغ خلاص شوي ويوصل 60 ويحس بنفسه شباب للحين


صحيح كلامك بالذيب ..


البرد الوايد مب زين .. والحر الوايد مب زين ..


أفضل شيء الوسطيه

ايصبحكم بالخير اخواني تاجر وحمد ومعماري ... خلاص يبا الكبر شين واحنا صكينا فوق خلاص وان شاء الله الصغار والشباب ما يصكون المكيف علينا واحنا في المسجد

كح كح كح كح الظاهر صادني برد

[Dana’1]

ماشاءالله على الي يستغنون عن المكيف

ما اقدر استغى عنه للأسف حتى بالشتاء ماسكرته الا نااااااد يمكن4-5 مراات يوم كان الجوحيييل بارد برا
طبعا وقت النوم يمكن مره

شلون تقدرون تستغنون عنه:shy:

[بانغ بانغ]

ماشاءالله على الي يستغنون عن المكيف

ما اقدر استغى عنه للأسف حتى بالشتاء ماسكرته الا نااااااد يمكن4-5 مراات يوم كان الجوحيييل بارد برا
طبعا وقت النوم يمكن مره

شلون تقدرون تستغنون عنه:shy:

سجلي صوت المكيف

[ameeer3]

الافضل انك تبرمج المكيف على وضع (auto - dry) على درجة حرارة 23

طبعا ها النظام بيحافظ لك على ان درجة حرارة المكان معتدله طول الوقت.

افضل من انك تغلق وتفتح المكيف كل ما برد أو احتر المكان.

[هيليوم]

الافضل انك تبرمج المكيف على وضع (auto - dry) على درجة حرارة 23

طبعا ها النظام بيحافظ لك على ان درجة حرارة المكان معتدله طول الوقت.

افضل من انك تغلق وتفتح المكيف كل ما برد أو احتر المكان.
اتفق معاك

[Dana’1]

سجلي صوت المكيف

يازين صوته( قلب):)

[qrt_trading]

أنا خاطري في بانكة في غرفتي يااااااااازييييينها والله

[بونووف]

أنا خاطري في بانكة في غرفتي يااااااااازييييينها والله

بل حق الصداااع



الافضل انك تبرمج المكيف على وضع (auto - dry) على درجة حرارة 23

طبعا ها النظام بيحافظ لك على ان درجة حرارة المكان معتدله طول الوقت.

افضل من انك تغلق وتفتح المكيف كل ما برد أو احتر المكان.

لين اليوم ابي اعرف شنو فايدة خيار الـ dry

[BoTamem]

بسبب المكيفات اعاني من روماتيزم مزمن من 25 سنة :rolleyes2: الله المستعان