مطلوب شركة لعمل تبليط ارضيات البيت

[.Qa6ar]

السلام عليكم ورحمة الله وبركاته

مساكم الله بالخير

لاهنتم اذ حد يعرف شركة يعملون تبليط بورسلان ارضيات البيت بجوده عاليه وسعر مناسب

افراد لا والسبب ان الشركه بحط ضمان على عملها ، تعبت وانا ادور وماحصلت كلهم يسمعونك

كلام خرابيط واسعار خياليه شغل يد بس !!!!

وشكرا

تكرما اذ حد مجرب شركه ثقه وتخاف الله يدلنا عليها

[Bozizoo]

حياك اخوي تعال باخذك زياره للمواقع الي في شغل تبليط وشوف شغلهم بنفسك
كونستنس للانشاءات

[داعم طوفه]

شوف يا شخ لا يحط الدفان رمل بلاستر حط بودرة البيضة أحسن حق البلاط وإذا في شي طرشلي على الخاص

[.Qa6ar]

حياك اخوي تعال باخذك زياره للمواقع الي في شغل تبليط وشوف شغلهم بنفسك
كونستنس للانشاءات

رقمك اخوي

[.Qa6ar]

شوف يا شخ لا يحط الدفان رمل بلاستر حط بودرة البيضة أحسن حق البلاط وإذا في شي طرشلي على الخاص

ايه الله يجزاك خير ممكن تشرح لي الطريقه المثاليه بصوره مبسطة لعملية الدفان وتركيب البورسلان

[BoTamem]

اخوي طرشلي رقمك وبخلي رجال يتواصل وياك من شركة شغلهم مجرب سواء حجر ولا سيراميك ولا بورسلان

[معماري قطري]

شوف يا شخ لا يحط الدفان رمل بلاستر حط بودرة البيضة أحسن حق البلاط وإذا في شي طرشلي على الخاص

اسمح لي اخوي اخالفك الرأي البودرة ما كنا نستعملها كلش في مشاريع الحكومة يمكن ألحين الكثيرين يسوقون لها حتى مهندسين

أول شيء ناتج كسارات غير مرغوب فيه وخليط فيه أخشاب ونمل أبيض وأملاح كثيرة .. وسهل استعمالها ورخيصة كومها وصب ماي فوقها تبين كأنها خرسانة لكن بعد ما يتسرب لها ماي ترجع تنتفخ وهنا المشكلة .. تقشع البلاط وبعض المرات حتى الخرسانة تقوسها .. إنتفاخها يكون قوي وهذي مشكلتنا في بعض الشوارع ما تلاحظون الهبوطات والانتفاخات تستوي بعد المطر .. السبب البودرة .. وكذلك اهتراء الانترلوك بعد فترة وتفتته .. السبب البودرة والأملاح ورداءَة الشغل

قلتها مراراً نصيحة أخوية ما احصل من وراها شيء .. دفان من ناتج الحفر أو غير بس نظيف ومغربل مزالة منه الحجارة الكبيرة 5سم اعتقد مقبولة أو 7 سم كحد أقصى مدكوك زين وفوقه خرسانة بمواصفات ذكرتها مرات عديدة وفوق التبليط

[معماري قطري]

حطيت فيديو عن طريقة الدفان وزين المهندس ذاكر فيه كساويء البودرة .. اللي يحب يشوفه في يوتيوبيات البناء هنا

[r3aad]

ياخوي انا شفت اكثر من شركه ، اهم شي عقد العمل والضمانات معهم ، والجوده هي اللي تزيد السعر
يعني كثره العمال ، نوع المواد ، جنسيه العمال وفتره عملهم
كم استاد فالموقع ، بس بقولك عن شركه شفت شغلهم وسعرهم زين ، اسمها اتوقع bndecor هذي مسويه عندنا في الدوام وتركيبهم نظيف ، وعندك شركات الديكور مر عليهم واخذ عروض منهم واللي تشوفه مناسب توجه لموقعه وشوف شغله ، واذا تبي اللي انفع لك مر على البيوت اللي جنبك واذا عجبك شغل الفيلا اسال العمال عن الشركه وتعاقد معهم
الموضوع راجع لك ولك الخيار