اغلاق مطعم باللؤلؤة

[qatari911]

https://pbs.twimg.com/media/Ceol_UOWAAEXRRd.jpg:large

ضبط مخزن سري به 350 كيلوجراما من المواد الغذائية منتهية الصلاحية داخل مطعم باللؤلؤة

وهذا سؤال الاعلامي حسن الساعي عن اسم المطعم
وردهم على سؤاله


http://www14.0zz0.com/2016/03/29/08/672353370.jpg


تعليقي ليش على ناس وناس نشر الاسماء
يعني لو مطعم شاورما والا مطعم عندي او بقالة بينشرون اسمه وصور المحل في موقعهم

اترك لكم التعليق

[شبح الصمت]

اذا بيصكرونه بيبن وبيكون واضح حق العالم

راح ينتشر اسمه اذا

لو حتى قالوا صيانة والا حاولوا انهم يلفون ويدورون راح ينعرف اسمه ..

[مستـريــح البـــال]

مخزن سري، و350 كيلو :(

لان في ناس وفي ناس ، وكلنا عيال ناس :)

الله المستعان ،،

[فراغ]

هذيلا ما يخافون الله
يأكلون الناس أشياء منتهيه صلاحيتها
شنهو هذا الجشع لكسب المال دون مراعات صحة الناس
علشان تجذذية أنتشرة الأمراض
من يحمي المجتمع من هؤلاء الجشعين
لا أعلم ماهي العقوبه القانونية
لكن أرجع وأقول أذا أصاب المستهلك مرض بسببهم من ينصفه
أتذكر من فترة مطعم شوارمه تعرفونه نقل أكثر من سبعة أشخاص معظمهم قطريين الى المستشفى بسببه وبعد فترة رجع يزاول مهامه في تسميم الناس من أسهال الى زواع الى الخ

[بصمة قطرية]

حسبي الله عليهم ..
المفروض ينشرون الإسم على طول ..
و اشوف مسألة الإغلاق ما تنفع
المطاعم المخالفة زادت
لازم عقوبات أشد من الإغلاق ..

[بانغ بانغ]

تبون شفافية ؟

في المكتبات ايبيعون شفافيات هههه

للاسف المواطن صار رخيص عشان التاجر

لو ولد مسئول تسمم كان سكروا الوزارة باكملها

[حمد 2002]

يمه:(

اييه بطني:rolleyes2:

[بن غيث]

ومن قال ان القانون يطبق على الكل ..
صباح الخير يا قطر

[حمد بن سعد]

وين اسم المطعم فالحين على المعاصر بس

والله مسخره

[ameeer3]

(حسبي الله ونعم الوكيل فيهم)

إلى اين راح يوصل بنى الحال في ظل جشع التجار (الله لا يوفقهم دنيا ولا أخره)

ما يكفيهم الاسعار المبالغ فيها ، والتلاعب .

[كشمه]

لازم يعدمون كل المنتجات المنتهية بعد تجميعها في قنوات خاصة بتقارير دورية وموثقة , حتى لا تذهب الى الخونة لتصريفها ببلاش وتستقر في دماء ابنائنا.

[CH Engineer]

9664596645

[qatari 111]

يعني اذا عرفتوا اسم المطعم راح تقاطعونه طبعا لا والدليل كل المطاعم والسوبر ماركت والمخابز اللي صكروها البلديه محد قاطعها وضرب نعل عليهم .
للاسف ماعندنا سياسة المقاطعه

[قطريه ماركه]

حسبي الله عليهم و اسعارهم نااار تقول ذهب مب اكل :secret:

[monatee]

9664596645

مطعم للستيكات .. مره كلت منه، ولحمه ناشف كلش مافيه زود .. وقلت مالي رجعه له نهائيا

الاكل طاح في جبدهم اكيد عشان جيه مخزنينه لين مانتهى

[رآعي موآجيب]

شسالفة ذا المطاعم !!؟

شي يخوف الصراحه ، ممكن اتقبل هالتجاوزات من معاصر ومطاعم دواعيس

لكن مطاعم فخمه وفي مواقع فخمه و سياحيه 5 ستار !! عسى ماشر ؟

متلاتنا نروح كتارا والؤلؤه والفنادق الفخمه مع قدر ضاغط فيه كبسة حاشي من البيت :omen2:

لو ان القائمين على هالمطاعم يدرون انهم اذا تلاعبوا بأرواح وصحة الناس بتخيس جلودهم في السجن وبيدفعون غرامات لا تقل عن 500 الف والمقيم يقبضونه الباب الشرقي ، ماكان شفنا كل يومين مطعم مسكر !

لكن ارجع للمقوله الشهيره ( من آمن العقاب اساء الادب )

[بانغ بانغ]

جايكم كاس العالم

والقادم ادهى وامر ....

[رجل الجزيرة]

جزاهم الله خير الجزاء.

[Charisma]

عساهم عالقوه مفتشين البلديه ،

ونقول x مؤبد على هالمطعم .

[زقرتي ومزاجي]

ما قدرنا نقاطع الا مرمره إسطنبول

[وحيد-الشوق]

صرنا في زمن الفلوس مب مهم وين مصدر رزقك حلال أو حرام المهم يكون عندي فلوس وبكل اسف بعض القطريين كذلك فلوس اختلطت بالربا والخداع والغش همهم فقط الفلوس اسف على قول هذا الكلام لكنها الحقيقة المره

[qatari911]

اذا بيصكرونه بيبن وبيكون واضح حق العالم

راح ينتشر اسمه اذا

لو حتى قالوا صيانة والا حاولوا انهم يلفون ويدورون راح ينعرف اسمه ..



ان شاء الله ينتشر ويكون عندنا ثقافة المقاطعه
:nice:




مخزن سري، و350 كيلو :(

لان في ناس وفي ناس ، وكلنا عيال ناس :)

الله المستعان ،،

الله كريم على ناس وناس صدقني
انا كان لي معاناه مع محلي صالون حلاقه مخالفات وعلى اشياء تافها
والحين خذه واحد بنفس النشاط وانا لما اجي اشوف مخالافات بالجمله بس ما اشوف فيه تسكير او مخالافات نفس الي كانت تجيني <<<< السالفة تطفيش لي


هذيلا ما يخافون الله
يأكلون الناس أشياء منتهيه صلاحيتها
شنهو هذا الجشع لكسب المال دون مراعات صحة الناس
علشان تجذذية أنتشرة الأمراض
من يحمي المجتمع من هؤلاء الجشعين
لا أعلم ماهي العقوبه القانونية
لكن أرجع وأقول أذا أصاب المستهلك مرض بسببهم من ينصفه
أتذكر من فترة مطعم شوارمه تعرفونه نقل أكثر من سبعة أشخاص معظمهم قطريين الى المستشفى بسببه وبعد فترة رجع يزاول مهامه في تسميم الناس من أسهال الى زواع الى الخ

اعرف هالمطعم وانا اصلن مقاطع محلات الشورما الا التركي المركزي واحاول اكل بالبيت بس ساعات تكون ملزوم تاكل برا:weeping:



حسبي الله عليهم ..
المفروض ينشرون الإسم على طول ..
و اشوف مسألة الإغلاق ما تنفع
المطاعم المخالفة زادت
لازم عقوبات أشد من الإغلاق ..

العقوبات لو كانت مبلغ 200000 الف وطالع كان تسنعو على الاقل بس سكر المحل واذا سألنا ليه مسكر قالو صيانه :secret:



تبون شفافية ؟

في المكتبات ايبيعون شفافيات هههه

للاسف المواطن صار رخيص عشان التاجر

لو ولد مسئول تسمم كان سكروا الوزارة باكملها

كان سكرو المحل وسفرو العمال وانسحبت الرخصه التجاريه من راعي المحل
قوتهم على الضعيف



يمه:(

اييه بطني:rolleyes2:

:telephone:



ومن قال ان القانون يطبق على الكل ..
صباح الخير يا قطر

:nice::nice:



وين اسم المطعم فالحين على المعاصر بس

والله مسخره

المعاصر مو للهوامير علشان كذا ينشرون اسمائهم



(حسبي الله ونعم الوكيل فيهم)

إلى اين راح يوصل بنى الحال في ظل جشع التجار (الله لا يوفقهم دنيا ولا أخره)

ما يكفيهم الاسعار المبالغ فيها ، والتلاعب .

اسعار غاليه وبالاخير يتسكر المطعم لعدم جودة الاكل



لازم يعدمون كل المنتجات المنتهية بعد تجميعها في قنوات خاصة بتقارير دورية وموثقة , حتى لا تذهب الى الخونة لتصريفها ببلاش وتستقر في دماء ابنائنا.

اتفق معك


9664596645

اشكر يالغالي


يعني اذا عرفتوا اسم المطعم راح تقاطعونه طبعا لا والدليل كل المطاعم والسوبر ماركت والمخابز اللي صكروها البلديه محد قاطعها وضرب نعل عليهم .
للاسف ماعندنا سياسة المقاطعه


المقاطعه موجوده وانا مقاطع بعض الاشياء بس البعض منهم ما يستغنى ومايقدر يقاطع


حسبي الله عليهم و اسعارهم نااار تقول ذهب مب اكل :secret:

:( فعلا والمشكله يجيبون في صحن شكبره والاكل لقمة ماتشبع والسعر غالي


مطعم للستيكات .. مره كلت منه، ولحمه ناشف كلش مافيه زود .. وقلت مالي رجعه له نهائيا

الاكل طاح في جبدهم اكيد عشان جيه مخزنينه لين مانتهى

وليش يخزنها لان مافيه ضمير ولا عقوبه



شسالفة ذا المطاعم !!؟

شي يخوف الصراحه ، ممكن اتقبل هالتجاوزات من معاصر ومطاعم دواعيس

لكن مطاعم فخمه وفي مواقع فخمه و سياحيه 5 ستار !! عسى ماشر ؟

متلاتنا نروح كتارا والؤلؤه والفنادق الفخمه مع قدر ضاغط فيه كبسة حاشي من البيت :omen2:

لو ان القائمين على هالمطاعم يدرون انهم اذا تلاعبوا بأرواح وصحة الناس بتخيس جلودهم في السجن وبيدفعون غرامات لا تقل عن 500 الف والمقيم يقبضونه الباب الشرقي ، ماكان شفنا كل يومين مطعم مسكر !

لكن ارجع للمقوله الشهيره ( من آمن العقاب اساء الادب )

اتفق معك في كل كلمة من امن العقاب اساء الادب
واذا تسكر المكان الواسطات تشتغل من كل صوب




جايكم كاس العالم

والقادم ادهى وامر ....

اتمنى لغاية الحين ان كاس العالم يعتذرون عنه احنا الحين مو مترقعين
بعد كاس العالم شبيصير فينا :weeping:


جزاهم الله خير الجزاء.

:nice:


عساهم عالقوه مفتشين البلديه ،

ونقول x مؤبد على هالمطعم .

اتمنى مقاطعه للمطاعم الي تتسكر علشان الي غيرهم يشتغلون بذمه وضمير


ما قدرنا نقاطع الا مرمره إسطنبول

ابشرك مقاطع الكثير من المطاعم وان شاء الله استمر



صرنا في زمن الفلوس مب مهم وين مصدر رزقك حلال أو حرام المهم يكون عندي فلوس وبكل اسف بعض القطريين كذلك فلوس اختلطت بالربا والخداع والغش همهم فقط الفلوس اسف على قول هذا الكلام لكنها الحقيقة المره

ليش تتأسف كلامك صح
البعض ما همه الا كسب الفلوس حلال او حرام المهم الفلوس في جيبه
الضمير انعدم من البعض الله يصلح الحال

شاكر لكم تعليقاتكم

[مشاكل]

الاسبوع اللي طاف كنت اغسل سيارتي ورحت محل شاي احذا المغسلة طلبت شاي وانا اطل داخل المطبخ شفت نيبالي يظبط سندويش همبرجل وعطس فوق السندويش والاغراض اللي حول السندويش وصرخت عليه يقطه فالكجرة
المشكله من ورانا تستوي شغلات اخس من اللي قلته ،،، لكن الله يخلي اكل البيت بس المشكله مع عيالنا ذبحتهم اكل المطاعم
الله المستعان

[عيسى]

بعد البحث في برنامج البلدية على التلفون حصلت مطعم استيك في اللؤلؤة تقريبا تنطبق علية المخالفة بتاريخ 28
والضاهر إن الإجرائات القانونية تلزم إشهار المطعم في موقع الوزارة فقط
والشرهة على الجرايد ما ذكرو أسم المطعم
من وجهة نظري إغلاق المطعم 60 يوم كافي لتأديب المطعم وإذا كثر من هالعقاب الواحد لا يفتح مطعم احسن له خساير في خساير (تطفيش المطاعم ).

[دايموند]

مطعم للستيكات .. مره كلت منه، ولحمه ناشف كلش مافيه زود .. وقلت مالي رجعه له نهائيا

الاكل طاح في جبدهم اكيد عشان جيه مخزنينه لين مانتهى

اللحين هذا هو المطعم؟!!

انزين ليش اللف والدوران وكاتبين المنطقه عنيزه والقطيفييه ومادري شنو

كتبوا اللؤلؤه وخلاص..

[فراغ]

يوم من الأيام القليلة الماضية
خذيت المدام وسكنا في فندق 5 نجوم ملصك لستي
المهم المدام فتحت المنيو وطلبت ربيان مشوي بسعر الفلاني ولما جابوه الله لا يرويكم وشممكم ريحتة وهو مشوي مبين أنه ربيان خايس
المهم يوم ذاقتة أتفلته وقالت لي خايس فا قلت لشيف هذا الأكل مش زين فقالي معليش بنجيب لك وجبة أخرى بدل هذي الوجبة
قلت له لا ومن عقبها قمنا ناكل في مطاعم الستي لين طلعنى منه
المفروض البلدية تراقب الفنادق ترى الأكل في بعض الفنادق زبالة

[معماري قطري]

بعد البحث في برنامج البلدية على التلفون حصلت مطعم استيك في اللؤلؤة تقريبا تنطبق علية المخالفة بتاريخ 28
والضاهر إن الإجرائات القانونية تلزم إشهار المطعم في موقع الوزارة فقط
والشرهة على الجرايد ما ذكرو أسم المطعم
من وجهة نظري إغلاق المطعم 60 يوم كافي لتأديب المطعم وإذا كثر من هالعقاب الواحد لا يفتح مطعم احسن له خساير في خساير (تطفيش المطاعم ).

يستاهلون يفتحون صح ويلتزمون والا يسكرون

حد جرب يشتري ستيك حلال من ملحمة محلية ويشويه في البيت مع a-1 sauce ومع تتبيلة خاصة من بهاراتنا الطيبة؟

[معماري قطري]

اللحين هذا هو المطعم؟!!

انزين ليش اللف والدوران وكاتبين المنطقه عنيزه والقطيفييه ومادري شنو

كتبوا اللؤلؤه وخلاص..

مستحين ما ادري خايفين

[راعي ال VXR]

جماعه انا مقاطع اكل المطاعم من زمان ..
ياخي كيف تدخل نفسيتك الاكل وانت مش متاكد من المنتج والفحل اللي يلامس اكلك اوسندويشتك ايش وضعه من النظافه....
انا من بعد سفراتي لسعوديه براااا والمطاعم اللي انصدمت فيها كانو يبيعون لحم كلاب الله يعزكم والناس اللي كلت منها خلاص تووووبه .....
قبل اثناء الدوام سعات نطلع ناخذ من مطاعم الهنود سندويتشات جباتي وكيمه وبيض خلاص تركناها ...

[بصمة قطرية]

ذكرتوني بموقف صار من سنه في مطعم من مطاعم فيلاجيو
مطعم معروف و اكله وايد حلو
كنت مع اختي والعيال
قعدنا في طاولة داخل في الزاوية
و قدامي كان اللي يحضر العصاير ..
ياخذ الطلبات و يجهز العصاير و باقي المشروبات ..
كنت اشوفه و هو يجهز
فجأة مسك النعناع بيده و حطه في قلاص
شوي الا ياخذ شرايح الليمون بيده
بدون قفاز ..
انصدمت و ناديت واحد من اللي يشتغلون
و قلت له ليش مب لابس قفاز
و يمسك النعناع والليمون بيده جذي ..!!
الناس لو شافوه بيكتون العصير في ويهه ..
قال لي سوري الحين بيلبس
وين اصرفها هاذي سوري ..!!
راح قال له ما عجبه يطالعنا بخياس نفس
لبس القفازات و هو مشين الويه ..
انبطت جبدي
ناديت اللي كلمته قبل
رفعت الجوال و قلت له بتصل الحين البلدية
و ببلغ عن اللي صار
و عقب قلت بخرعه اكثر قلت له انا موظفة في البلدية
اقدر اسجل عليكم مخالفة الحين
و اطرشها على طول
جابوا لي المسؤول يعتذر عن اللي صار
و يوعدني ما يتكرر
قلت له المفروض تراقبهم و تشوف النظافة شلون
واحد ممكن يتسبب بمشكلة للمطعم ..!!
و ذاك شوي و يموت يوم هاوشوه انه السبب ..
هاي قدامنا صار الموقف
الله اعلم من ورانا و داخل المطابخ شلي يصير ..!!!
صج الواحد يخاف من أكل المطاعم ..
شلون نضمن نظافتهم ..

[Azizuk]

الاسبوع اللي طاف كنت اغسل سيارتي ورحت محل شاي احذا المغسلة طلبت شاي وانا اطل داخل المطبخ شفت نيبالي يظبط سندويش همبرجل وعطس فوق السندويش والاغراض اللي حول السندويش وصرخت عليه يقطه فالكجرة
المشكله من ورانا تستوي شغلات اخس من اللي قلته ،،، لكن الله يخلي اكل البيت بس المشكله مع عيالنا ذبحتهم اكل المطاعم
الله المستعان


في بريطانيا الزام صاحب المطعم بوضع كيمرات داخل المطبخ مشبوكة بهيئة الصحة او الداخلية تحت المراقبة

[تجاوز]

مطعم استيك ؟!!!
باللؤلؤه !!!
اعتقد انى حضرت افتتاح هالمطعم من عامين ..

[معماري قطري]

ذكرتوني بموقف صار من سنه في مطعم من مطاعم فيلاجيو
مطعم معروف و اكله وايد حلو
كنت مع اختي والعيال
قعدنا في طاولة داخل في الزاوية
و قدامي كان اللي يحضر العصاير ..
ياخذ الطلبات و يجهز العصاير و باقي المشروبات ..
كنت اشوفه و هو يجهز
فجأة مسك النعناع بيده و حطه في قلاص
شوي الا ياخذ شرايح الليمون بيده
بدون قفاز ..
انصدمت و ناديت واحد من اللي يشتغلون
و قلت له ليش مب لابس قفاز
و يمسك النعناع والليمون بيده جذي ..!!
الناس لو شافوه بيكتون العصير في ويهه ..
قال لي سوري الحين بيلبس
وين اصرفها هاذي سوري ..!!
راح قال له ما عجبه يطالعنا بخياس نفس
لبس القفازات و هو مشين الويه ..
انبطت جبدي
ناديت اللي كلمته قبل
رفعت الجوال و قلت له بتصل الحين البلدية
و ببلغ عن اللي صار
و عقب قلت بخرعه اكثر قلت له انا موظفة في البلدية
اقدر اسجل عليكم مخالفة الحين
و اطرشها على طول
جابوا لي المسؤول يعتذر عن اللي صار
و يوعدني ما يتكرر
قلت له المفروض تراقبهم و تشوف النظافة شلون
واحد ممكن يتسبب بمشكلة للمطعم ..!!
و ذاك شوي و يموت يوم هاوشوه انه السبب ..
هاي قدامنا صار الموقف
الله اعلم من ورانا و داخل المطابخ شلي يصير ..!!!
صج الواحد يخاف من أكل المطاعم ..
شلون نضمن نظافتهم ..

زين عرفتي تهددينهم .. انا مرة ادور موقف وتعبت وانا الف وادور وخفت ينزل السكر قلت باشرب لي عصير من معصرة .. الا الهندي اللي جايني ثيابه وصخه وفي عيونه شيء يسمونه غمص .. قلت للسكر اصبر علي شوي الله يهداك لين حصلت موقف ودخلت المكان اللي ابيه وكلت هناك

المفروض التركيز على النظافة ككل

واحد مغربي كان مسوي كفتيريا صغيرة مع فلسطينيين في ميامي ويطبخ فيها .. كان طباخه زين وطيب نفس ويسولف ويعطينا طلبنا بزيادة .. مرة قعد يسولف لي عن فرنسي زار المغرب وحب الكسكسي وسوى له مطعم في باريس وفشل .. يقول المغربي الفرنسي كان يهتم بالنظافة واحنا في شغلنا نستعمل اليد ونشتغل عادي بالوصاخة .. إنتبهت ليده الا أظافره سود وكرهت الأكل عنده بعدها .. وصخ ويتبجح بالوصاخة

المفروض مفتيشنا يفتشون على هيئة اللي يشتغلون

[بوخالد911]

اولا. المفتشين يعطيهم الف عافية. جهودهم كبيرة فعلاً.
ثانيا. مثل هالمطعم يبيله تسكير ثلاث شهور مع غرامة مالية كبيرة.