>> فلتر المثليين في السناب <<

[شبح الصمت]

السلام عليكم ورحمة الله وبركاته



الكثير منا ما يعرف انه الفلتر الجديد في السناب اهو شعار للمثليين


وادخلو على قوقل وشوفوا صورة العلم مالهم واللوان الي فيه ..

نطالب بإلغاء هالشعار ..

وما نعرف ليش حاطينه دعم لهم والا شالسالفه !!


حاولت انزل الفلتر عشان انبهكم ما يتحمل من عندي ..

استغفر الله العظيم

[بونووف]

اذا في حدث عالمي ينحط في السناب حق الكل .. بتطالب من يلغيه بالظبط

تاكد اللي يعرف ماراح يحطه واذا حطه ماراح يزيدهم شي

[العقل المدمر]

وانا اقول شسالفة هالفلتر الكيوت زين ماستخدمته بعد

[بعيد النظر]

سناب اكبر داعمة للمثلين ..


حطو لهم يومين .. تغطية ..
وغير سالفة دوحة لايف .. اللي راح حسابه ..
ولا قدر يرجعه .. بسبة هـ الصنف !

[بانغ بانغ]

الحمدلله هالبرامج مب صوبي خير شر

[مرتبش]

ولا دريت فيه

[الشمالي111]

استغفر الله العظيم المشكلة اكيد فيه ناس راح تستخدمه ولا تدري هو حق شنو

[الحياة الخالدة]

أستغفر الله و أتوب إليه
الله يحفظ شباب و بنات المسلمين

[qatarman8008]

واتس اب وواجد علي بعد..
استغرب من هالناس اللي عنده اكثر من ثلاث او اربع برامج تواصل اجتماعي..
يعني مخصص وقت كثير جدا لاشياء تافهه لاتضيف للحياة اي قيمة..

[Charisma]

يصبحك بالخير اخوي شبح

يعني بذمتك شتنطر من مثل هالبرامج ، والمطالبات مرفوعه لمن ؟ سناب شات ؟ عادي يلغون حسابك ويتهمونك بالعنصريه وتقييد الحريه . :telephone:






الحمدلله هالبرامج مب صوبي خير شر

ابرك لك ، شلك بعوار الراس .

[السكين]

اول شي برنامج السناب مفيد لمن يتابع ما يهمه فيه ، وأستغرب من اللي يهاجم برنامج لمجرد إنه ما يعرفه ولا جربه أو ما عرف يستفيد منه تماماً مثل النت كان الكل يهاجم الانترنت وبعده مواقع التواصل وسبحان الله الآن لا غنى عنهم وأغلب المشايخ وشيوخ الدين والمؤسسات الدينية قائمة أعمالهم بدرجة رئيسية على حساباتهم فيها.

المهم ،، هذا الفلتر لا أول ولا اخر فلتر .. حتى الفلتر المخصص للكاميراً الأمامية اللي يطلع منه الفم ألوان الطيف وحمّر الخدود نفس الشي ..والفيس بوك قبل فترة تضامنا مع المثليين أيضاً حطت إعدادات للملف الشخصي كان يضفي على الملف التعريفي الوان الطيف الشفافة وتضامن معهم وغيروا ملفاتهم الكثير من المشاهير والكثير من اللي يقصد ومن اللي يجهل ..

الخلاصة هذه برامج تنتجها شركات تابعة لدول تعترف فيهم وتعترف بالكيان الصهيوني وتعترف بكثير مما يتعارض مع ثقافاتنا وديننا وقيمنا.. فنقدر نستخدمها على قدر حاجتنا لها ..

[وحيد-الشوق]

كنت شاك في امره هالفلتر عشان جذي تجنبت احطه >> على اساس متابعينك شكثرهم

[رُفق المجنّا]

حملت البرنامج وحذفته*

وش الفايدة من معرفة يوميات الشباب اذا اغلبهم يصور اكل وشلات وأغاني وهو يسوق ! الفايدة والمتعة فيها قليل

[BoTamem]

اعوذ بالله من الشيطان الرجيم وشكرا عالموضوع جدا مهم

[sweet qatar]

جزاك الله خير شبح على التنبيه

بس ياليت توضح اذا في شي نقدر نسويه




اول شي برنامج السناب مفيد لمن يتابع ما يهمه فيه ، وأستغرب من اللي يهاجم برنامج لمجرد إنه ما يعرفه ولا جربه أو ما عرف يستفيد منه تماماً مثل النت كان الكل يهاجم الانترنت وبعده مواقع التواصل وسبحان الله الآن لا غنى عنهم وأغلب المشايخ وشيوخ الدين والمؤسسات الدينية قائمة أعمالهم بدرجة رئيسية على حساباتهم فيها.

المهم ،، هذا الفلتر لا أول ولا اخر فلتر .. حتى الفلتر المخصص للكاميراً الأمامية اللي يطلع منه الفم ألوان الطيف وحمّر الخدود نفس الشي ..والفيس بوك قبل فترة تضامنا مع المثليين أيضاً حطت إعدادات للملف الشخصي كان يضفي على الملف التعريفي الوان الطيف الشفافة وتضامن معهم وغيروا ملفاتهم الكثير من المشاهير والكثير من اللي يقصد ومن اللي يجهل ..

الخلاصة هذه برامج تنتجها شركات تابعة لدول تعترف فيهم وتعترف بالكيان الصهيوني وتعترف بكثير مما يتعارض مع ثقافاتنا وديننا وقيمنا.. فنقدر نستخدمها على قدر حاجتنا لها ..


لا تتعب نفسك .. الانسان عدو ما يجهل :)

[دايموند]

سناب اكبر داعمة للمثلين ..


حطو لهم يومين .. تغطية ..
وغير سالفة دوحة لايف .. اللي راح حسابه ..
ولا قدر يرجعه .. بسبة هـ الصنف !

اشلون ابي اعرف قصه دوحه لايف؟اذا ممكن

[بوخالد911]

يا كثر اللي يستخدمونه.

[Charisma]

اول شي برنامج السناب مفيد لمن يتابع ما يهمه فيه ، وأستغرب من اللي يهاجم برنامج لمجرد إنه ما يعرفه ولا جربه أو ما عرف يستفيد منه تماماً مثل النت كان الكل يهاجم الانترنت وبعده مواقع التواصل وسبحان الله الآن لا غنى عنهم وأغلب المشايخ وشيوخ الدين والمؤسسات الدينية قائمة أعمالهم بدرجة رئيسية على حساباتهم فيها.

المهم ،، هذا الفلتر لا أول ولا اخر فلتر .. حتى الفلتر المخصص للكاميراً الأمامية اللي يطلع منه الفم ألوان الطيف وحمّر الخدود نفس الشي ..والفيس بوك قبل فترة تضامنا مع المثليين أيضاً حطت إعدادات للملف الشخصي كان يضفي على الملف التعريفي الوان الطيف الشفافة وتضامن معهم وغيروا ملفاتهم الكثير من المشاهير والكثير من اللي يقصد ومن اللي يجهل ..

الخلاصة هذه برامج تنتجها شركات تابعة لدول تعترف فيهم وتعترف بالكيان الصهيوني وتعترف بكثير مما يتعارض مع ثقافاتنا وديننا وقيمنا.. فنقدر نستخدمها على قدر حاجتنا لها ..

مرحبا اخوي السكين ،



لاتستغرب الوضع طبيعي جدا ، مجرد قناعات وأختلاف اراء ، شخصيا عندي ألمام كبير في مثل هالبرامج وحتى قبل لا " تنتشر وتشتهر " ، تكونت عندي "قناعه" ، بأن مثل هالبرامج ضررها أكثر من نفعها ، وذم البرنامج لايعني بالضرورة ذم جميع مستخدميه ، اسمح لي ويسمح لي راعي الموضوع اذا بتعمق شوي ، ولا أقصد من ردي ( أقناع ) او حتى ( اثبات صحة وجهة النظر ) ، مجرد رأي وقناعه وللقارىء الحريه في الأخذ او الترك ، واتمنى من المتحسسين والمستميتين تجاوز ردي.


لاننكر ان هنالك حسابات هادفه ، ومنها مثل ما ذكرت "بعض" المشايخ جزاهم الله خير، أجتهادهم ملحوظ في توصيل رسائل وتوجيهات وارشادات في أي منصه او وسيلة لها قاعده جماهيريه فتلقاهم ينشطون في كل الوسائل حتى في بعض القنوات "المعروف عن توجهاتها" ، وهؤلاء المشايخ تكلموا عن أضرار وخطورة السناب .



اذا بنقارن أيجابيات البرنامج بسلبياته ، ( بشكل عام ) ، راح نلقى أن الأيجابيات شيء قد لايذكر مقارنة بسلبيات البرنامج.

تعال للسلبيات اولا : فضايح ، سهولة تمرير أفكار هدامه خصوصا من المشاهير ، سوء استخدام البرنامج خصوصا من الفئة الشبابيه ، أستبساط موضوع تناقل الصور الشخصيه خصوصا بين البنات ، مشاركة القريب والبعيد بتفاصيل الحياه اليوميه ، التغيب عن الواقع ومن حولك ، التعلق والأدمان اليومي في محاولة تتبع الأخرين ، الأعجاب وسهولة التواصل بين الجنسين ، واخيرا "اللحسه" و "التميلح" و "الهبل" .

الأيجابيات ، معلومات ؟ والله لها مصادر كثيره وموثوقه أكثر .

انت وغيرك قد تكون "واعي" في استخدام البرنامج ، ولكن بشكل "عــــــام" ، البرنامج دمر أسر ، نقل أسرار بيوت ، خبل وضيع بعقول ناس ، غير من توجهات ناس ، سهل الأنحراف على ناس ، وهذا غير موضوع سلامة وأمان تداول الصور في البرنامج ، وحالات الأختراق.



لذلك سموها " وسائل التقاطع الأجتماعي" .



وجهة نظر



https://www.youtube.com/watch?v=RGK1c1yHszk

[بـن عدوان]

يعني الحين تبي تلغي البرنامج عشان الفلتر ولا شسالفة هههههههه

ماعليك من الفلتر ياخوي لاتشغل الكاميرا من جدام وتطالع روحك وتذم البرنامج


السناب برنامج جدا مفيد لو اخترت الاشخاص الصح عشان تتابعهم

[شبح الصمت]

الله يجزاكم خير ..

يغلق الموضوع بعد اذن الادارة